#የኔ_ዓለም!

እንዳንቺ  ሚጣፍጥ - አንጀት የሚያረካ
ጣፋጭ የለም ለካ!
ጥዑም ናቸው ያሉኝ ማርና ቸኮሌት
ካንቺ ሲነፃፀር መረሩኝ እንደ ሬት።

#ማርያምን !

ከድምፀትሽ ልቆ - 'ሚሰማ ሙዚቃ
ከአንባሰል ከባቲ ከብሉዝ ትዝታ
ወድያም ከብሉዙ ደግሞም ከአፍሪቃ
አንድም የለም በቃ !

#ማርያምን!

ካገኘሽ ጠቁሚኝ
ከሄድሽ ብትነግሪኝ.. .
ካንቺ ጋራ ስሆን ሀዘን ጭንቄን ሽሮ
የደስታ ወሰኔን አለቅጥ አንሮ
የሚገርመኝ የለም ከዓለሟ ተፈጥሮ!

ምንድናት ጨረቃ?
ምንድናትስ ፀሀይ ?
ካንቺ አንፃር ስትታይ.. .

ሀዋሳ ላንጋኖ.. . ቢሾፍቱ ሪዞርት
እውን ካንቺ በልጠው እኔን ሊያስደስቱኝ
ኸረ በማዬ ሞት !

#ማርያምን...
የቱ ኮሜዲ ነው የትኛው ቀልደኛ
እኔን የሚያደርገኝ የወሬው ምርኮኛ?
ደግሞ ካንቺ በላይ
እኔን ለማሳሳቅ ማነው የሚደፍረው ?
ባንቺ ጨዋታ ነው
የተደበቀውን.. . ጥርሴን የምገልጠው።

#ማርያምን !
እንደውም ባጭሩ.. .
አሁን ይሄ ግጥም
የቃላት ጥርቅም
እጅግ መሳጭ ሆኖ አንባቢው ቢያደንቅም
ካንቺ ግን አይበልጥም።

ማርያምን...

🔘ሚካኤል አስጨናቂ🔘

#Share #like and #subscribe እያደረጋቹ።

👇Sebscribe

YouTube link👇
https://www.youtube.com/@atronose