#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#قصيدة [ اصبغوا المشرعة ]- ام البنين
شعر / مهند المياحي
محرم ١٤٤٣ هــ


لا واحد يجـيني ويوصـل الباب
كون حسين طايح فوگ التراب
يولـــدي الاربعــة اصبغوا المشرعة
بدماكم بدماكم
..............


ما وفـه عهده الي ما ضحه بحياته
ورخـص المـنحر لبو اليمه وخواته
اليوم اريدن تعـب گلبي وكـل رباته
يهون فگد الاربعة وتصعـب وفـاته

بيكـم افـتخر واتباهـا بالـناس
جون وجعفر وعبد الله عباس
جـــثث متگطــعة اصبغوا المشرعة
بدماكم بدماكم

****

للــوطــن ســالــم يرد ابن الزجــية
شابحة عيوني أعله درب الغاضرية
صدوركم خـل تشـبع أسهـام المنية
الموت اهون عندي من چلمة سبية

صولوا بكربلة وخلــوها تذكار
خلوا بكل گلب حاقد تشب نار
تضيج الواسعة اصبغوا المشرعة
بدماكم بدماكم

**

جفني ساهر ما غمض ساعة رحيلة
احـسب وايام واعـد ليلة أعلـه ليلة
يمـــه كلـشي ولا تـعوفون العـقـيلة
احنه غـير حسـين ما عدنه وســيلة

فـــرض الحـب تأدونه بطـفـوفه
حسين ويستحق نعشگ حروفه
خــــــلود بمنبعه اصبغوا المشرعة
بدماكم بدماكم

****

من تشوفون الحسـين بلايه ناصـــر
يمه سلوا سيوفكــم وكـت المـخاطر
طيحوا گبل حسين وترضكم حـوافر
وجهي ابيض يم علي والزهـرة باچر

يوم الملحمة وخطوها السطور
وحشه بلا ذكركم والله عاشـور
بدوري الساطعة اصبغوا المشرعة
بدماكم بدماكم

*

لا تخلـون الـعده تدنه لخيمـها
يمه گد ما بيـكم يرفرف علمها
سيدتكم زينب وانتم خـدمــها
يمه كل ارواحنه فدوه لأسمها

بيكـم مــا اريد يخيب ظني
بيكم زامطت گولوا اطمئني
يچنكم قــــارعة اصبغوا المشرعة
بدماكم بدماكم

***

يمه الكم عندي هـاي آخـر وصية
لا تجوني لــو اجــت زينب سبية
ولله اعـاتبكم عتب حرمة ابدوية
الما تبضع جسمه برض الغاضرية

كون تگلي زينب وفـــــو عهود
بين الضحة نحره وضحة بزنود
واكولون قانـــعة اصبغوا المشرعة
بدماكم بدماكم



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#قصيدة [ هذا اختياري ]- الأنصار
شعر / مهند المياحي


لآخر نفس صـوت شيعة أحنه للموت
علي علي علي علي .. هـذا اختياري
...........

أحنه أنصـار العقيدة بالعلـن نحچـيها
مــــــا تخوفنه المنايه والمهج نفديها
لجل ابو اليمه وثيقة بالدمـه موقعيها
بيا علي دنيانه تبدي ويا علـي ننهيها

لا ما نطخ راس علمـــنه عــباس
نعم نعم نعم نعم .. واضــــح قراري

****

چــــم هـلال البينه هـــسـه ثابت أبيمانه
ما يعوف حسين ولله وهالعــشگ عنوانه
لو ألف مــره يتوذر يبقه صـــــوت السانه
ترخص الروح الحضرتك يا عشگ دنيانه

يالغالي نهواك ما لحظة ننساك
صحت صحت صحت صحت .. ليلي ونهاري

****

أحنه أصحاب الحمية والــــعـزم تدرينه
چن حبيب أبن مظــاهـر بالـشـدد تلگينه
أي وحگ ضلع الزجية بـ هالعشگ جنينه
أحنه لو بالطف حضرنه هــم تزامط بينه

صوتك أذا صاح ما تغله الارواح
عهد عهد عهد عهد .. دربـك مســـاري

****

گلبي ينبوع الـشهامة من زهير أطـباعـــه
ولله مـــا يهـــتز يقيني حد قيام الـساعة
ولله لو تأمــــر دليلي ينادي ســمعاً طاعة
تنسحگ أضلاعي فدوه گبل رض أضلاعه

ما همني كل خوف تتـگـطع جــفــوف
الك الك الك الك .. رافع شعاري

****

أبتسم چــــني بـريـر ومــا أهـــــم الموتي
أرفض الباطل واصيحن يا حسين بصوتي
ولله لو مــــــــا أنته بيــــها دنيتي تابوتي
منك اشعـــر بالكــرامة ومـنك آخذ قـوتي

والينظر الحور بجنونه معذور
عشگ عشگ عشگ عشگ .. گلبي وحواري

***

أني هم بجنوني عابس والحسـين الغـايه
من يسألوني أجــاوب ولله أحــبه هــوايه
مزگت ثوبي أبالطمتي شـفــته أعــظم آيه
حسين سر الله بوجـــوده وكعــبة الوفايه

والمدمعه يفور دستوره عاشور
أبد أبد أبد أبد .. مــــا أنـســـــــه ثـــاري



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#قصيدة [ رسالاتي ] - أم البنين
شعر / مهند المياحي
محرم ١٤٤٣ هــ


رسالاتي .. تـحياتي .. من أرض المدينة
الى الغالي .. الدمع هالي .. وينه الغالي وينه
تكتب دمعتّي وحسرة ونيني
فــدوه الاربعة كونك تجيني
...............

من أم البنين لحضـرة الغالــــــــي
بالآهات يبدي اللـــــيلة مــرســالي
اشكيله غربتي ولـوعـة احـــــوالي
يذبحني الــــهجر ويهدم آمــــــالي
وينك مــــا تجي يالعــــايش ابالي
لدرب الطف اصد يوميه شو خالي

دمع عيني .. يسلّيني .. من أذكر حضرتك
عشت حزني .. صحت يبني .. تجرحنك بسفرتك
يحسين والك شوكي وحنيني
فــدوه الاربعة كـونك تجيني

****

أول لـــوعـــة مرت بيه من بعدك
نوم عــيوني ما شافت وحق جدك
معــقولة ذبـيح وعالــترب خــــدك
حسافة بسيفهم لــــو ينذبح وردك
أحس چبدي ذبل بس لا ذبل چبدك
مـــــــا عندي أمل بس انتظر ردك

أون سكته .. شتصورته .. گلبي يگلي حاير
حنه ظهره .. وصعب أمره .. ينادي وماكو ناصر
يرخصلك تعب عمري وسنيني
فــدوه الاربــعة كـونك تجـيني

*

والتجرحني يـمـه وزادت احزاني
هوه اليدفع الـباب يـشـبها نيراني
شيصير وتگلــي يـــمه هــــذا آني
ترجع للوطن ســــــالــــــم يقرآني
حلم عمري اضمك يبني بحضـاني
چـــم مـره بغـيـابك ميته تلـگـاني

نفـذ صبري .. صعب كسري .. ما يخلص عتابي
صحت يمه .. الـكلب هـمه .. يوصلكم كتابي
قبل چف الأجــل مــــا يعتنيني
فــدوه الاربــعة كــونك تجـيني

*

نسمات الـهوه تجــاوبني شـيرجعه
يم الاربعــــة ولـيدچ صـعـب وضعه
هـدوء اللـــيل يكتب مـاتت الشمعة
والتردينه كــــل اوصـــاله مـتگطعه
الفجر لو انت منهو المنكــسر ضلعه
أحس يوليدي ضاكت بيه هالوسعة

تـمنيتك .. تجي لبيتك .. وتردلي بسلامة
أشـوفـنك .. واخدمنك .. يا تاج الإمــامة
أنت الــــدنيا كلــها وانت ديني
فــدوه الاربــعة كـونك تجـيني

**

انحب والگلب مــــا خلـصت آلآمه
نحل جسمي وغيابك فتت أعظامه
تلهب ناري بس لا حـــركوا خـيامه
ومسلوبه العمامـة وسلــبو ايتامه
بقيت محيَّره والـطـم عله الهامــه
صوبني الـــدهـــر بحسين وايامه

غريبتكم .. اعاتبكم .. ونوح ودمعي جاري
حلم هايه .. ترف رايه .. تجبرلـي انكساري
وبشوفة ضعنكم اروي عيني
فدوه الاربـعة كـونك تجيني

****


تغمرني الـكــآبة وســـاعة أتـكدر
لو بيدي يغـــالي لمصرعك أحضر
خـــافـــن قـصـروا ويلادي اتعـذر
كلـتلهم فــده كلـكم لــبو الأكــــبر
وي عباس اسولـف والگلب يسعر
چن صوت الغريبة يگلي مـا قصر

نطه جفوفه .. فده شوفه .. من أجل الكفاله
وفي مشكر .. مثل حيدر .. من ينكر خصاله
صاح بكـل فـخـر تــوگع يميني
فــدوه الاربــعة كــونك تجـيني




▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#قصيدة [ ما يخلص نياحه ] - السيدة حميدة
شعر / مهند المياحي
محرم ١٤٤٣ هــ


وينك يا أمل روحي أصيح ودمعي يجري
ارجع يالرحــت عني غيابك حاني ظهـري
والتكثر جــراحه ما يخلص نياحه
..............

لچم گلبي الدهر واحزاني كــــثرها
ينابيع الـــدمـع بعـــيونـــي فـجرها
عمر الوردة عمري وروحي مرمرها
طفلة والزمــــــن بالفرگـــه حـيرها

اعتب من ألم گلبي واثر جمر المصيبة
شله بدنيته وعمره الرحـل عـنه حبيبه

يحچها بصراحة ما يخلص نياحه

****

چنت مــدللـه والــوالــــد بكـــتري
ما مرني الحزن وبهمي مــــا أدري
بحضانه يضمني وينشرح صـدري
طاح أعله التراب وضاع كل عمري

أشعر بالهجر والهم واعيشه بكل حواسي
اسئل يا خلگ ليش انمسح جف أعله راسي

واليفگد صـباحه ما يخلص نياحه

*

حميدة واليتم من زغــري رافگني
چلمة بويه من تنگـــــال تلچمــني
تفتت مهجتي الـكوفـــه وتعـذبني
گبل يومك يريت المــوت ياخذني

ريت من القصر جسمي هوه بذيج المسيه
صعبة وتكسـر الخاطــر اروح آنـي سبية

والضــيّع فلاحه ما يخلص نياحه

**

مثل سيل السـفح مـن تنزل العبرة
تشب من القهر بحشاي الف جمـرة
يالضحيت عمــرك فـــدوة للزهــرة
شيهــود ونيني وگلــبي شــيصبره

حگـــها بهالامر روحــي نعم جداً محقة
وآني وآلدي عاش بغـــرب ذيــچ الازقة

دلالــي وكفــاحة ما يخلص نياحه

*

من يا لوعة گـلـبي يــشـرح آلامــه
من نار العطش لــو حرگـت خيامه
عمي الـ بالطفوف انسحگت ايتامه
لــو جفين طاحـــت يمهن اعـمـامه

شفت شگد محن بويه شعدلك جروحي
چم مرة متت لكن ولا عــافــتني روحي

والكسروا جناحه ما يخلـص نياحه

**

أنه بذيج الخرابة وروحي مفجوعة
مـــكســورة گلب وناتـي مســموعة
اجت حرمــه أسئلتها ولوعتي لوعه
هاجيني أعله مسـلم عمه يا طـوعه

من شفتي الابو حـاير شـنو گــال بكــلامه
وصاني رغم جـــرحه الـچ يوصــل سلامه

عنوان السماحة ما يخلـص نياحه

****

للباري الامر يالــغالــــي سلـمته
يا بويه برحــيلك گلبي عــذبته
هضيمة يا زمـاني النذل رافگته
چم غالي وعزيز بحسرة ودعته

ظالـــم يا دهر شفتك فـلا ترحــم حنيني
تاخذ فرحتي وشوكـي وترد بالهم تجيني

والدايم صياحه ما يخلص نياحه




▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#قصيدة_كعدية
شعر / مهند المياحي
محرم ١٤٤٣ هــ


يالرايد نجاتك وبــسـلامة
لا تترك أبد ثوب الخـدامة
بالك بالك أحــذر بهاي الدنيا تنغر
لا تترك أبد ثوب الخدامة
..............

أرد أوصْيك بوصـية لا تعوف الخدمة هايه
بالـــحشر محد يفيد وأنْقل بنــص الـرواية
والبداية هـوايه تفرق يا بشر عــن الـنهـاية

خليك صاحب مــنزله
وابتعد عن كل مشكله
شتريد عــندك كـــربله هيه للغـايات غايه

لو قست البصر ويه البصــيرة
تعرف محتوى أحياء الشعيرة
مو گـــوه أتـصدر بهاي الــدنيا تنغر
لا تترك أبد ثوب الخدامة

*

صير قدوه بكل صفاتك والصحيح أمشي بطريقه
ولو مو كل الينصحك ينطق السانه الحقيقة
طيب أبن آدم تـعرفه لو شفت طاهر صديقة

لو ردت ترقـــه وتفـتهم
وتعيش دنيا بـلا وهـــم
صاحب اليخدم بالخدم يفوز اليصير بفريقه

لا تتسرع لـــســـانك حصانك
الله يوفقك ويـــرفـع مكــانك
لو گلـبك تكـــبر بهاي الدنيا تنغر
لا تترك أبد ثوب الخدامة

*

بالك الشـيطان يغدر يطيحك بأرده المنازل
الـباطل يزينه بحقيقة والحق يسويه باطل
تمسك بهـاي العقـيدة لا تســاوم لا تجامــل

معروفه غـايات الرجس
چلمة الـــحق ما تنحبس
واضح مثل نور الشمس المؤمن اليتسمه عاقل

أخذ الموعظة وعيش بسعادة
دمعـــة عـينك تمــــثل عـبادة
من ما تدفع الشر بهاي الدنـيا تنغر
لا تترك أبد ثوب الخدامة

*

أغلب الشهوة بحكمتك وازهد الدنيا بيقينك
وقر العـالِم يوفقك الله ويـــبارك ســـنينك
تودد الـــناس أبشاشه نـورك يشع ابجبينك

لا جــــــالس الميت أبد
والصحبة مو كثر العدد
بالحلم تثبت عـالـــوعد كل أثر طيب قرينك

عــــن الغـيبة أبعــد والنميمة
حسن البشر يذهب بالسخيمة
من تتهاون أكثر بهاي الدنيا تنغر
لا تترك أبد ثوب الخدامة

*

خطط ونظم حياتك تجـربة غيرك تفييدك
أفـلح الزكاها نفـسه يعني أخلاقك رصيدك
العيد مو فطر ويه أضحى أبصلاة الفجر عيدك

بين العـــقـل والـعاطفة
ميزان اســمــه الـمعرفة
للباري جهــــدك وضففه بحبه خل ينبض وريدك

شيفيد الحقد ويه الخباثة
هــاي الدنيا طلــگها بثلاثه
قدرك ولله يزغر بهاي الدنيا تنغر
لا تترك أبد ثوب الخدامة

****

شـارك الـناس بعقلهم لا تبالغ بالـخصـــومة
واليسامح واليصالح لا تظن عـارف يلـومـه
هاي اخلاق الموالي بسلامة يعـيش يومــه

عودها نفسك عالصبر
بالعجل حتـــماً تنكـسر
ايام معــــدودة العــمر الكلب خفف همومه

حاسبك نفسك وراقب ضميرك
محــد غــــيرك يحدد مصـيرك
نارك تبقه تسعر بهاي الدنيا تنغر
لا تترك أبد ثوب الخدامة




▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#قصيدة [ هذا اختياري ]- الأنصار
شعر / مهند المياحي


لآخر نفس صـوت شيعة أحنه للموت
علي علي علي علي .. هـذا اختياري
...........

أحنه أنصـار العقيدة بالعلـن نحچـيها
مــــــا تخوفنه المنايه والمهج نفديها
لجل ابو اليمه وثيقة بالدمـه موقعيها
بيا علي دنيانه تبدي ويا علـي ننهيها

لا ما نطخ راس علمـــنه عــباس
نعم نعم نعم نعم .. واضــــح قراري

****

چــــم هـلال البينه هـــسـه ثابت أبيمانه
ما يعوف حسين ولله وهالعــشگ عنوانه
لو ألف مــره يتوذر يبقه صـــــوت السانه
ترخص الروح الحضرتك يا عشگ دنيانه

يالغالي نهواك ما لحظة ننساك
صحت صحت صحت صحت .. ليلي ونهاري

****

أحنه أصحاب الحمية والــــعـزم تدرينه
چن حبيب أبن مظــاهـر بالـشـدد تلگينه
أي وحگ ضلع الزجية بـ هالعشگ جنينه
أحنه لو بالطف حضرنه هــم تزامط بينه

صوتك أذا صاح ما تغله الارواح
عهد عهد عهد عهد .. دربـك مســـاري

****

گلبي ينبوع الـشهامة من زهير أطـباعـــه
ولله مـــا يهـــتز يقيني حد قيام الـساعة
ولله لو تأمــــر دليلي ينادي ســمعاً طاعة
تنسحگ أضلاعي فدوه گبل رض أضلاعه

ما همني كل خوف تتـگـطع جــفــوف
الك الك الك الك .. رافع شعاري

****

أبتسم چــــني بـريـر ومــا أهـــــم الموتي
أرفض الباطل واصيحن يا حسين بصوتي
ولله لو مــــــــا أنته بيــــها دنيتي تابوتي
منك اشعـــر بالكــرامة ومـنك آخذ قـوتي

والينظر الحور بجنونه معذور
عشگ عشگ عشگ عشگ .. گلبي وحواري

***

أني هم بجنوني عابس والحسـين الغـايه
من يسألوني أجــاوب ولله أحــبه هــوايه
مزگت ثوبي أبالطمتي شـفــته أعــظم آيه
حسين سر الله بوجـــوده وكعــبة الوفايه

والمدمعه يفور دستوره عاشور
أبد أبد أبد أبد .. مــــا أنـســـــــه ثـــاري



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#قصيدة [ رسالاتي ] - أم البنين
شعر / مهند المياحي
محرم ١٤٤٣ هــ


رسالاتي .. تـحياتي .. من أرض المدينة
الى الغالي .. الدمع هالي .. وينه الغالي وينه
تكتب دمعتّي وحسرة ونيني
فــدوه الاربعة كونك تجيني
...............

من أم البنين لحضـرة الغالــــــــي
بالآهات يبدي اللـــــيلة مــرســالي
اشكيله غربتي ولـوعـة احـــــوالي
يذبحني الــــهجر ويهدم آمــــــالي
وينك مــــا تجي يالعــــايش ابالي
لدرب الطف اصد يوميه شو خالي

دمع عيني .. يسلّيني .. من أذكر حضرتك
عشت حزني .. صحت يبني .. تجرحنك بسفرتك
يحسين والك شوكي وحنيني
فــدوه الاربعة كـونك تجيني

****

أول لـــوعـــة مرت بيه من بعدك
نوم عــيوني ما شافت وحق جدك
معــقولة ذبـيح وعالــترب خــــدك
حسافة بسيفهم لــــو ينذبح وردك
أحس چبدي ذبل بس لا ذبل چبدك
مـــــــا عندي أمل بس انتظر ردك

أون سكته .. شتصورته .. گلبي يگلي حاير
حنه ظهره .. وصعب أمره .. ينادي وماكو ناصر
يرخصلك تعب عمري وسنيني
فــدوه الاربــعة كـونك تجـيني

*

والتجرحني يـمـه وزادت احزاني
هوه اليدفع الـباب يـشـبها نيراني
شيصير وتگلــي يـــمه هــــذا آني
ترجع للوطن ســــــالــــــم يقرآني
حلم عمري اضمك يبني بحضـاني
چـــم مـره بغـيـابك ميته تلـگـاني

نفـذ صبري .. صعب كسري .. ما يخلص عتابي
صحت يمه .. الـكلب هـمه .. يوصلكم كتابي
قبل چف الأجــل مــــا يعتنيني
فــدوه الاربــعة كــونك تجـيني

*

نسمات الـهوه تجــاوبني شـيرجعه
يم الاربعــــة ولـيدچ صـعـب وضعه
هـدوء اللـــيل يكتب مـاتت الشمعة
والتردينه كــــل اوصـــاله مـتگطعه
الفجر لو انت منهو المنكــسر ضلعه
أحس يوليدي ضاكت بيه هالوسعة

تـمنيتك .. تجي لبيتك .. وتردلي بسلامة
أشـوفـنك .. واخدمنك .. يا تاج الإمــامة
أنت الــــدنيا كلــها وانت ديني
فــدوه الاربــعة كـونك تجـيني

**

انحب والگلب مــــا خلـصت آلآمه
نحل جسمي وغيابك فتت أعظامه
تلهب ناري بس لا حـــركوا خـيامه
ومسلوبه العمامـة وسلــبو ايتامه
بقيت محيَّره والـطـم عله الهامــه
صوبني الـــدهـــر بحسين وايامه

غريبتكم .. اعاتبكم .. ونوح ودمعي جاري
حلم هايه .. ترف رايه .. تجبرلـي انكساري
وبشوفة ضعنكم اروي عيني
فدوه الاربـعة كـونك تجيني

****


تغمرني الـكــآبة وســـاعة أتـكدر
لو بيدي يغـــالي لمصرعك أحضر
خـــافـــن قـصـروا ويلادي اتعـذر
كلـتلهم فــده كلـكم لــبو الأكــــبر
وي عباس اسولـف والگلب يسعر
چن صوت الغريبة يگلي مـا قصر

نطه جفوفه .. فده شوفه .. من أجل الكفاله
وفي مشكر .. مثل حيدر .. من ينكر خصاله
صاح بكـل فـخـر تــوگع يميني
فــدوه الاربــعة كــونك تجـيني




▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#قصيدة_ميمر_لأم_البنين_ع
#الشاعر_الميرزا_محمد_الساعدي


لقضاء الحوائج


صفي الگلب لام عباس كل حاجه الك تگظيهه
==============≈======================
يلي قِسه وياك الزمان وجوره
صير المصابك بالمأتم جوره
صاحب طلبتك وگصد الهه بجوره

گلهه انه جار العباس دمعاتي دوم اجريهه
==============≈======================
أم البنين الما عرف منباهه
آية وفه بهيئة بشر منباهه
فاز الي دنيا وآخره منباهه

بيهه ام ابو راس الحار چلمة بخت نحچيهه
==============≈======================
عليچ التي اعليهه ابسبي ونخاهه
دهري المصايب عالظهر ونّخاهه
بكل شده مولاتي مدد ونخاهه

لا ما تخيبك والله بچفك گبل تنطيهه
==============≈======================
قِدم عريضة للذي بابلهه
وگله طلب عندي الفخر بابلهه
مايخسر الدگ ياخلگ بابلهه

اليگصدهه يرجع فرحان ويده الحوائج بيهه
==============≈======================
إني الموالي بلا فضل راعيهه
وحسين ابوي الخدمتچ راعيهه
مولاتي حالة خادمچ راعيهه

ماعندي غير الزهراء وغيرچ انه أدعيهه
==============≈======================
صرت انه خادم من قبل سِن عَشره
ودهري المشه ياهالخلگ سَن عِشره
ادعيلي واطلبي من علي سُن عُشره

كافي عليه من الموت روحي غداً يُنجيهه
==============≈======================
22/1/2021 الجمعه
#الشاعر_الميرزا_محمد_الساعدي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#قصيدة_عزاء_العرش


عزائك بالعرش منصوب يحسين
المــلائك والرسـل كلهم مُعـــزين
عشره بشهر عاشور    ينزل موكب النور
الملائك والرسل كلهم مُعزين
ـــــــــــــــــــــــــــ
هليله كل اهل السمه  شدو حزم لمصابك
أخذو اذن رب العرش  ينزلون يم اعتابك
أشرف بقاع بهل ارض كربله وريح اترابك
ونزلو يلطمون بهظم شعث وغبر يم بابك

أجـت كــل الملائك يمك أتـنوح
وتنادي ياحسين المات مذبوح
الك كل لحظه منذور  ينزل موكب النور
الملائك والرسل كلهم مُعـزين
ـــــــــــــــــــــــــــ
كل الملائك والرســل يحسين الك حـزنانه
ربك عرض الهم جزء امن امصيبتك مولانه
طاحو جزع باول نظـر  كلمن وكـع بمجـانه
أشكد عظيمه أمصيبتك يالعيلتك عطشانه
جرحك بعده بيهم لسه ما طاب 
شابت روسهم من هول المصاب
كل ما ذكرك يدور  ينزل موكب النور
الملائك والرسـل كلهم مُعــزين
ـــــــــــــــــــــــــــ
حته الحوارين اجو يخدمون وسط الحظره
ينادون يا أم الحـسن  منـج أنـريـد النظـره 
  اهل السمه كلهم أجو شالو الرايه الخظره
خطو شعار او للأبد  ما ننسه أبـن الزهــره

أهــل الجــنه أجو كلهم منـــاديـن
أجيـنه بخدمتك يحسين يحسين
أنس وجان والحور  ينزل موكب النور
الملائك والرسل كلهم مُعزين
ـــــــــــــــــــــــــــ
نصبو مواكب بالسمه  مـن العـرش حـد گبرك
وكـل موكب مثوب نهـر مـن الجـنان الصـبرك
وخطولك ابسابع سمه حسين الوفه بدم نحرك
شكـراً حُـسين من العرش  رب العبـاد يخـبرك

درب الحج تغيـر صوب الطفوف
أجت كل الخلك يم گبرك أطـوف
كلمن رايد يزور    ينزل موكب النور
الملائك والرسـل كلهم مُعزيـن
ـــــــــــــــــــــــــــ
الـ بالذر بعدهم سيدي والـ بالمهد مجنونك
اهل الارض واهل السمه والماتو يخدمونك
شيب وشباب اتحزمو  بس رادو يوافونك
الارض والفوك الارض كلشي صبح ممنونك

الميت والعدل و التوه مخلوگ
يخدم للحسين بلهفه وابشوگ
كـون انقدم انحـور  ينزل موكب النـور
الملائك والرسـل كلهم مُـعزيـن
ـــــــــــــــــــــــــــ
محمد المشعلاوي


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_استشهاد_الامام_الكاظم_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

هـذا مولاكم يشيعه اعـلى الـجسر😭
ـــــــــــــــــــــــــــــــــــــــــــــــــــــــ


#جديد
#قصيدة_استشهاد_الامام_الكاظم_ع

شلون حيره .. الكاظم بلايه عشيره
شلون حيره .. النعش ياهو اليديره

يالحبيب يعنيك الله .. فوك نعشك ياهو صله

شلون حيره

****

حيره منين ابدي .. خاف اجرح المهدي
لون بالسَم كلت جبدك تلوه

منك احساس الورد .. شلون كلبك ينمرد
والشلون احجيها يامولاي كوه

امنيتي ابجي من الصبح حد الصبح
لكن على المهدي خايف ينجرح

عليه اخاف من الحجي .. بالهوا يخنكه البجي

شلون حيره .. الدمعة كدامه اسيره
شلون حيره .. النعش ياهو اليديره

شلون حيره

***

روحي مجمره صايره .. منه اريد العاذره
خاف اجرحنه ابو نبع الترافه

قصتك شالت هظم .. شيب بين بالعظم
لمن ظل نعشك على جسر الرصافه

شلون غدروك على هذا احساسك
وانت حيدر كله غافي براسك

عل جسر مرمي حرام .. وحدك بلايه عمام

شلون حيره .. امدده على الكاع غيره
شلون حيره .. والنعش ياهو اليديره

شلون حيره

**

الليل مغتث والكمر .. جبَس وجهه اعله النهر
وصاح عذرا والجرف مهدومه

والدمع كاروكه خد .. والرمش وحده انفرد
يعينها الله اعله البجي المعصومه

من فاطم لحد فاطمه رايح خبر
مرتين اعزاز ماخذلي النهر

الجسر ماخذلي حيل .. موسى مره والكفيل

شلون حيره .. يتموا هاي الاميره
شلون حيره .. النعش ياهو اليديره

شلون حيره

***

عادة عدنه ونعرف .. مو غريبه اعله الكلف
يشد نكابه العنده قصة نايحه

لكن التلجمني هاي .. واكف وتنهش وراي
ياهو وي الرضا ينصب فاتحه

بكلبي ناصبلك عزا الله العالم
بريتي جامع كل عمايم هاشم

امنيتي تنظرلي وتشوف .. جوه اجدامك اطوف

شلون حيره .. بجلمتي هاي الاخيره
شلون حيره .. النعش ياهو اليديره

*

احمد الميالي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_استشهاد_الامام_الكاظم_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

هـذا مولاكم يشيعه اعـلى الـجسر😭
ـــــــــــــــــــــــــــــــــــــــــــــــــــــــ

لسان حال مولاتي فاطمة المعصومه
#قصيدة_استشهاد_الامام_الكاظم_ع

قبل لا... بِشِر يتوضى لمصابك
قبل لا... تموت وتفجع احبابك

جانت امنيتي بعتب... تخلص ويانه رجب
قبل لا... تموت وتفجع احبابك

*****

امنياتي... سر حياتي
والعتب بعيوني جان اكبر وسيله
يالمحنه... ديار اهلنه
خاليه ظلت ترى ومابيدي حيله

سولفتهن بالعتب وعيوني عبره
جنت تكتبلي رسايل وانه اقره
كسرة فراكك تولد الف كسره
خاف اركضلك والاكي بروحي عثره

خلكي بجفاك انسلب... تخلص ويانه رجب

***

المواجع... بالمدامع
يحلن كبال اليموت واهله يمه
ياحسرتك... بنص غربتك
جبدك اطشر ولا واحد يلمه

انه بنتك فاطمه يابو الرضا
يا هوى ومن بعدك يضيك الفضا
الما حضه بوصلك ابد ماظن حضه
يافرض واجب فلا تصبح قضى

من شفت يومك قرب... تخلص ويانه رجب

***

سولفتلك... واكتبلك
والسجن اول محطه مو اخيره
جان قصدك... ويه جبدك
تنْثر مثل الحسين اعله الحصيره


من كثر بجيك عالحسين وعفافه
فياي صرت من الشمس لاهل الترافه
مثل أعلى حسين الك اوباتصافه
ومثله تطشر على جسر الرصافه

رغم كل ذاك التعب.... تخلص ويانه رجب

****

الدموع... والظلوع
من افراك وجهك كلت كافي
لكن الليل... يهدم الحيل
مقيد من سمعت وتمشي حافي


عنك من اجت بعض الرسايل
عرفتك رايد تعلم القبايل
تأسيت بحبال اخت ابو فاضل
ولاجل زينب مشيت وي السلاسل

كيدك عليك انتحب... تخلص ويانه رجب

****


هاي العهود... لازم تعود
رجالٌ صدقوا ما عاهدوا الله
قضى نحبه... حجه وكلبه
ينعصر جان وبجينه انه وياه


الموت يافاطم يكلي الرضا عاده
والشهاده تلوك بس لاهل الشهاده
لا يموت وحينا بهاي العباده
صدقت بقولها عمة الساده

حسبت هذا الحسب... تخلص ويانه رجب

*****

احمد الميالي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ


#قصيدة_البقيع
عن لسان ابناء الحشد

اگبورهم نبنيهه ..... ابزودنه انعليهه
ـ*****ـ

احنه حشد الله المقدس باجر انصـــــدر أمر
تنبني اگبور البقيع ونهــــدم اقصـــــور الكفر
نخذل اهل الظلم كلهه وكل طواغيت العصر
بالنفس نفدي البقـــيع ونبني قـــبه الكل گبر

امن الكفر نحميهه .... ابزودنه انعليهه
ـ*****ـ

لو انطه السيستاني فتوه انثور ضد أهل الحقد
باچـــــر انزلزل عرشــــــهم وحــنه ابناء الحشد
للبقـــــيع انروح كلنه انشـــــيد القـــــــبه اونرد
داخل الصــحن المقدس نزرع ابچــــــفنه الورد

ابروحنه انخليهه ... ابزودنه انعليهه
ـ****ـ

لو وصلنه ارض البقـيع انسوي مجلس للعزاء
ونلبس اهـدوم السواد وتعتلي أصوات البكاء
نفتــــخر خـــدام احـــنه وما نبـطل هل ولاء
نبقه نعشگها البقــيع ابگد عشــــگنه الكربلاء

نقره مجلس بيهه .... ابزودنه انعليهه
ـ*****ـ

عهد وقعـــــنه ابدمانه ابنهج ابو الاكبر نســــير
مانعوف أهل الرساله اشما جره اعلينه اويصير
احـــنه قائدنه الصمـــــيده بينه كل ظالم يحير
سيف بيد المرجعـــيه ونذبح الفاگد ضمـــــــير

كل وكت نحجيهه ... ابزودنه انعليهه
ـ*****ـ

نقسم ابدم الشهيد وبالحسين ومصــــــرعه
نبنـي كل مـــــرقد تفجــر ولي طاح انرجعه
احنه للمظلوم عون ابچـــفنه نمسـح مدمعه
العنده غيره اعله العقيده هذا طيب مرضعه

شيعه ونواليهه .... ابزودنه انعليهه
ـ****ـ

الخادم
كامل السعيدي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_الامام الحسن_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴الى البقيع أبعث سلامي كل يوم
الى متــى يظل ضريحهَ مهدوم 🏴
*
ــــــــــــــــــــــــــــــــــــــــــــــــــــــــ

#قصيدة #عقائدية

صلح الامام  الحسن ..
من وزن المجرشه
.

صلح الحسن
اول درس نفهم معانيه
صلح الحسن
منهج بنى الثوره الحُسينيه
من مايه يروينه.. بانت مضامينه.
بالغاضريه
ـــــــــــــــــ 🔹❁🔹 ـــــــــــــــــ

خيمة حرب بيها الحسن 
                وبگلبه شبت ناره
كل جيشه صار اويه العده
                 وتبعثرت انصاره
والد يزيد الطاغيه  
            بث بالحرب اخباره
يمنح جواري وي ذهب
                 للي غمد بتاره
.
اتخاذلوا
جند الحسن رادوا يأسرونه
اتخاذلوا
وبلا حرب  للباغي ينطونه
داسو على عتابه .. وجنوده سلابه
وي آل اميه .. بالغاضريه

ـــــــــــــــــ ❁ 🔹❁🔹 ❁ ـــــــــــــــــ

دين الله يتنفس هظم
                     محد يريد ايعزه
چان الزمن اغبر زمن 
                    بيه الزلم مهتزه
بي تفتخر صارت هند
                من مثلت بالحمزه
بس الحسن بيهم تقي
                  والطاغيه يبتزه
.
دنية غدر
عاش السبط والنايبه بداره
دنية غدر
لازم يجنب  منها انصاره
  يسعف جراحاته .. يدري بمعاناته
رب البريه .. بالغاضريه

.ـــــــــــــــــ ❁ 🔹❁🔹 ❁ ـــــــــــــــــ

ريحانة الهادي صبر
        وبصبره محفوظ الدين
وتصالح ويه اهل الكفر
          كله لجل يوم حسين
لازم يغـربل أمـته
             منها يطلع الزينين
عشرين عام التربيه
          وللنصره طلعوا 70
.
المجتمع
راضي ويريد الباغي يحتله
المجتمع
كاشخ يشوفه بملبس الذله
من جوهر اسراره.. ايربي ثواره
لجل الرزيه .. بالغاضريه

.ـــــــــــــــــ ❁ 🔹❁🔹 ❁ ـــــــــــــــــ

يفهمها شبل المصطفى
               كل الخطط مكشوفه
يدري الجنود ابحضرته
                    المنحره ملهوفه
ظلت قليله شيعته
                ولابد يعد لطفوفه
جان الصلح مهلت وكت
               بيها يحد اسيوفه
.
لجل المحن
رايد رجال اتضمد آلآمه
لجل المحن
يكبر علي الاكبر وجسامه
عنده القتل عاده .. ويضحي بولاده
يوم المنيه.. بالغاضريه

ـــــــــــــــــ ❁ 🔹❁🔹 ❁ ـــــــــــــــــ

من هالصلح راد الحسن 
                   يحفظ  دماء الثُله
يدري الحسين ابثورته
                   درب النصر يندله
تهتف دمائه ابكربله 
                  هيهات منه الذله
وتكمل اخته منهجه 
           لو صعدت اعله التله
.
خل يتضح
هذا الامر والناطق ايذيعه
خل يتضح
هذا الصلح بي نصره للشيعه
بانت علاماته .. بالطف كراماته
نصر الابيه .. بالغاضريه

ـــــــــــــــــ ❁ 🔹❁🔹 ❁ ـــــــــــــــــ

المجتبى عاش بألم  
            بنفاسه ظلت شمه
عن حاله وصلو بالغدر
           جعده بديها اتسمه
يم جده رفضت يندفن 
             ام الجمل وتذمه
تابوته صابوه بسهم
         فاض الكريم ابدمه
.
ابو الفضل
سل سيفه راد ابضربه يمحيهم
ابو الفضل
بالطـف حسـين ايگله نفـنيهم
ظل حابس آلآمه .. الطاعة ايّمامه
عنده قضيه ..  بالغاضريه

ـــــــــــــــــ ❁ 🔹❁🔹 ❁ ـــــــــــــــــ

حظر يزيد النينوى  
             سبعين الف أذنابه
وحسين بس 70 اله
             هذا عدد اصحابه
كل فارس نعد  بألف
            برزو ليوث الغابه
جيش آل اميه بكربله
         سحگو على انيابه
.
صلح الحسن
انشوفه بالنظره الولائيه
صلح  الحسن
من كل زمن خرج  فدائيه
هاي اول ابعاده .. صوت النصر ناده
ثار الزچيه .. بالغاضريه

ـــــــــــــــــ ❁ 🔹❁🔹 ❁ ـــــــــــــــــ

تمت بفضل ربي وعطاء اهل البيت
لاتنسوني ووالدي من فضل دعائكم المبارك

حسن الموالي الفاطمي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ

#جديد #صفر ١٤٤٥ هـ
#قصيدة #يوم #الاربعين.
موشح من التراث الحسيني
(النجفي)
.


بيوم وصـلت زينب لارض الطـفوف
من جر احبال السبي زرگه الچفوف
ونت وبـرض الـذبح گـامت تطــوف
. چن سفينه ومنذبح رُبانها
.
.
وصلت ومن الهوه خدها انصفع
نيـنــوى تـربـانـها بـريـح ارتـفـع
رمـاد مـن خيـامها يمـها انجـمع
شمت بنسم الهوه دخانها
.
.

حسين اخوها الما اجته بدفنته
الـيـوم بـتــربان زينـب  نـظـرته
راسـه يرجع للجـسد من شافته
توجرت من الهظم نيرانها
.
.
.
قبـله زيـــن  الـعـــباد  مـن الـنـحر
لن سـمـع منه حچـي يفت الصخر
يبني وسّدلي رضيعي اعله الصدر
روحي ذابت من بعد وليانها
.
.
.
بالرضـيـع ومنحـره انـواسـي الـرباب
دامي شافت  ثوب ابنها اعله التراب
عمـت عـيني عالــذي ضاگ الحـراب
بمنحره أسهام الغدر نيشانها
.
.
.
عـلي الاكبر يشــخب بـدم الـوريد
رجـع راســه وانـدفن يـم العـــميد
نواسي ليله الليله بجروح الشهيد
لملمت گبر الولد بحضانها
.
.
.
عن علي الاكـبر تـسولف كربله
عـن غضـنفر عالنـوايب اعتله
بالمنـايه يقـرا سـيـــفه الـزلزله
ضربته مايختلف ميزانها
.
.
.
نواسي رمله بجاسم ودم هامته
يفــدي عـمـه بكـربــلائه نـــذرته
خذت من منزف وريـده وحنته
زفته للمذبحه بميدانها
.
.
.
مشت زينـب گاصدـه گبر الكـفيل
يم اخـوها اليعـدل الـناگه التميل
وصلته وجمر الدمع عالخد يسيل
غدت تندب عالجره بعنوانها
.
.
.
گبل لا راس الكـفــاله اتـرجعه
بعينـه سهم بهيده عمه طلعه
نبلته عين ابـن ابوي امگطعه
لجله رجت السمه باركانها
.
.
.
وصـلو الاصحـابه والمنــظر رهيـب
فاح عطر المسك من جون التريب
رجــعو روس الاشــاوس وحبــيب
شيخ اصحابه وچبير اعيانها
.
.
.
زينب بأرض الحـزن نصبت عزاء
عالحـسين الي انذبح في كربلاء
واجـب اعليـنه نـرد الـها الـوفاء
بكل زمان وننحب القرانها
.
.
.
حسن الموالي الفاطمي





.

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ
#قصيدة #گعديه .#اخلاقيه..#حسينيه
على طريقة
(مفروض عالناس حبك ياعلي)
.
.
أتعلم أخلاق ... ثورة كربله
وأخذ الدروس من الميامين .
.ياخادم حسين
.

مره دولاب النوايب
                   تشعر بحظنه يظمك
اخو عندك للمصايب
                   ينولد متجيبه أمك
يحطك بروحه وضميره
                حاير وكل همه همّك
.
چن عطش بيك ارتوه
بظلمتك يصبح ضوه
يستلذ شم الهوه ..  ابريّته لمن يشمك
.
عالدنيا ربحان .. من تلگه الأخو
واجملها تحضى بصاحب الدين ..
.ياخادم حسين
.
.
.
أشكر الباري بسجودك
                    لو لگيت اللي يريدك
صاحبك ذاك اللي تشعر
                   ينبض بأسمه وريدك
هواي فكر يلي رايد
             لأي سبب تخسر عضيدك
.
من بعد أي مشكله
اصفن وعاين إله
لحظه بيها اتخايله
لمّن أيموت اعله أيدك
.
العمر فلسين ... مايسوه بعد
لو بي فگدت الصاحب الزين ...
.ياخادم حسين
.
.
.
بالغضب حبل الموده
                   بالك ابسرعه تگطعه
واليگصّدك بعتذاره
                   منكسر لا. لا. ترجعه
التعيش بريته شهگه
            تحچي گبلّ اللسانه دمعه
.
من يگول أنت جراحي
لا تگله اسود صباحي
قبله رد ابن الرياحي
ينصر حسين ويتبعه
.
بس حرك اشفاه ... يتلمس عذر
ابن الزچيه حطه بالعين ....
ياخادم حسين
.
.
.
گلبك الطيب احفظه
                      وبالتكبر لا تنحره
يعلى شانك بالتواضع
               والخطى بحقك اعذره
تأمل وانظر إمامك
              ارتقى حتى اويه مُهره
.
من گله دلالي انفطر
ادري العطش يكسر ظهر
آنه ما ضوگ النهر.
والعذب عينك تنظره
.
من ترتوي احشاك ... آنه ارتوي
اتعلم وأخذ البراهين ..
..ياخادم حسين
.
.
.
لو چنت مخطئ تعذر
                     وبالخطيئه لا تكابر
الجرحته اطلب سماحه
                 محتمل متشوفه باچر
ظهرك يظل محني لجله
                 لو سكن ارض المگابر
.
بقوس الوتر اذبح سهم
استعجل واعلن ندم
مد چفك وداوي الألم
فعلك اتخلده المنابر

الصاحب الزين... هو اليعتذر
موش اليعيش وعنده وجهين...
.ياخادم حسين
.
.
آنه كل  فاگد أگله
                شما كثر نوحه وأنينه
بالمجالس خله يهدي
                   الهم العبره الحزينه
الغايب الزهره تسجله
                حاظر بدمعه الحنينه
.
يهديله عبره من الهظم
يتقاسم وياه اللطم
الطبره وي كسر العظم..
شما حظر مجلس حسينه
.
مذبوح الانفاس ... نعرف مايرد
لكن تسجله ويه المعزين ...
.ياخادم حسين
.
.
حسن الموالي الفاطمي
.
.

.


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ

#قصيدة #لزيارة #الاربعين
.
.
يظل صوت الشعاير.
           يـرتــل بالضـــماير
موالين .......... موالين
.
.
.
أجينه للطــفوف وبالگــلب جمـــره
زحف نمشي الك يامهــجة الزهره
على زينب اجـينه ننــشد الغـــبره
موكب للسبــــايه اللــــيله ننتظره
.
جينه ننشد كربله امضيعينها
بيها زينب  گالو اميـســـرينها
.
على الحره السبيه
            أجتي أبلا رقيه
للحسين ........ للحسين
.
.
.
.
تلگـــيناها تمـشـي ابلايه كـــافلـها
على الوجـنات آيه الدـمعـه تهملها
آه و آه زينـــب ياهــــــو يحمـــلها
وي (عبـد الرضـا) كلحـــنه نسئلها
.
زينب ياغـريبه ..الله أشمـصيبه
وجهچ يزينب وين
     مذبوح أخوچ أحْسين
والجثه سليبه ...الله أشمصيبه
.
رجعتي بالسلامه
            يحره أويه اليتامه
تنوحين ......تنوحين
.
.
.
گالت كلمه بالسـان الـدمع والعين
ما طلعت لمّـن هشـــمت ضلعيـن
آياحسين خويه خــويه آياحسين
دولبني زمانـــي ونايبــــات البين
.
أيام ..أيام...هاي الدنـيا أيـام
يوم الاهل يحمونه
        يوم العده يسلبونه
هاي الدنيا أيام .
.
أنه هظمي أمن اطلعه
             يموت الي يسمعه
يطيبين ......... يطيبين
.
.
.
صــدت للكفيــل وبالحــزن تنــــظر
هاعبــــاس وينــــك ها يليـــث البر
رجعـنه خويه احمل جـودك وأحظر
عطشــــانه  اليــــتامه كلها تتـــنطر
.
گــوم أرويها ....گــوم أرويها
هاي اطفالك.......گوم أرويــها
.
ردت بعيوني أشوفك
  اريد اشتم چفوفك
رحت وين ..... رحت وين
.
.
.
سمعنه بالضـــريح آهــات للنوماس
كلمه بيها جمـرة عاطـفه وأحساس
حملها بأيده جبـــرائيل فوگ الراس
كلمة خـــوه هـــاي ويعتــذر عباس
.
أعـذريني أعذريني
    يزينب ياخــتي أعذريني
مارد للخيم جودي
  وطاحن ياختي  چفيني
.
يخويه عالشريعه...تون جفي الكطيعه
تسمعين .............تسمعين
.
.
من بعد البــواچي والنـــعي والنوح
نــادينه العقيله  والگـــلب مجـروح
هـــازينب فــدوه الـدمعتچ أنــروح
موالين ونظـل ننـدب على المذبوح
.
احنه غير احسين ما عدنا وسيله
والذنــوب اهـــواي كفـــتها ثجيله
وغداً يبدوا لنا سداً منيعا.....هذه آرائنا فيه جميعا
احنه غير احسين ماعدنه وسيله .
.
نجي لابن الزچيه ....زحـف للــغاضريه
ملايين.....................ملايين
.
...لاتنسوني ووالدي من فضل دعائكم المبارك


حسن الموالي الفاطمي



الاثنين
2015/11/23
..

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_استشهاد_الرسول_(ص)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      استأذن الموت وخذاك ــ ويتــم العـــــالم وراك
*
ــــــــــــــــــــــــــــــــــــــــــــــــــــــــ
#قصيدة لشهادة رسول الله
(ص و آله).........
#متعددة الأوزان
.

نذكر اعوام الولايه
من البدايه للنهايه
..... يارسول الله الأمين
.

ـــــــــــــــــ ❁ ❁ ❁ ـــــــــــــــــ

.
تبدي قصة تضحياتك
يالرسول وذكرياتك
بالمغاره  ...... نزل جبريل الأمين

گلك اقرأ يامحمد
يارسول اللّه المسدد
هالعباره  ... بسم رب العالمين

أنت مرسل للبرايه
رتل آيات الولايه
والبشاره .. الك من حق اليقين
.
ماتنولي   .. لا يالولي
دومك تظل غالب
ذاخر الك .. حمزه وعلي
وعمك ابو طالب
.
يفتدونك ..كل عمرهم ..
منهجك عدهم هويه
همه منك ... وانت منهم ..
خدمتك حد المنيه
.
.
دخلوا  ابحور المنايه
من البدايه للنهايه
.........يارسول الله الأمين

.
ـــــــــــــــــ ❁ ❁ ❁ ـــــــــــــــــ
.

عشت لوعات ومصايب
عبره وآلآم ونوايب
أنت ثائر .... بيدك اكتاب المجيد

نادى بالكعبه الاسيره
الوليد ابن المغيره
گال ساحر  ...كاهن ودينك جديد

يسمع احروف الهدايه
رتلتهن آيه آيه
نادى شاعر ... هالامر ثابت اكيد
.
ابو لهب ... وام الحطب
تمشي ويضربونك
هند وصخر ... وابو جهل
همهم يذبحونك
.
وانت صابر  .. عالرزيه
تنظر الأول شهيده
هذا ياسر ...وي سميه
دمهم ايرتل عقيده
.
تحملت اهل  الغوايه
من البدايه للنهايه
........يارسول الله الأمين

.
ـــــــــــــــــ ❁ ❁ ❁ ـــــــــــــــــ
.

شاهدوا موتت بنينك
ما تزلزلت ويقينك
ماتأثر    ........ولا بالاحزان ارتمه

يستغل هاي المسائل
عنك العاص ابن وائل
نادى ابتر  .... وانت صبرك يلجمه

العلي نادى يطه
سورتك هاي وتباهى
عندي كوثر   ..... أم ابوها فاطمه
.
أم الحسن .. جنة عدن
هم طاهره وحره
نِعم النسب .. اول سبب
للعصمه والعتره
.
لوعوها... وعذبوها
من بعد عينك يطه
كلها صاحت ... مات ابوها
بعدك ونزفت دماهه
.
وانفتح باب السبايه
من البدايه للنهايه
....... يارسول اللّه الأمين

.
ـــــــــــــــــ ❁ ❁ ❁ ـــــــــــــــــ
.

عن ديارك يبعدونك
قرروا ويحاصرونك
جند الاوثان .. ياصبر احمل صبر

عمك الچنت ابثنيته
تنظر اعيونك منيته
يلبس اچفان  .. مابعد عندك ذخر

ذبلت البسمه البهيجه
يالنبي ماتت خديجه
عامك احزان ..شباقي عندك تنتظر
.
يعني استعد .. حان السفر
من فاطمه تنعى
لا تنخسف ..ارض ابسمه
لو شهگت الدمعه
.
حل يتمها .. ماتت امها
والزمن عالخد صفعها
من زغرها .. وبخدرها
خله بسماره ابضلعها
.
عاشت آهات الرزايه
من البدايه للنهايه
....... يارسول اللّه الأمين

.
ـــــــــــــــــ ❁ ❁ ❁ ـــــــــــــــــ
.

قررت ها يانبينه
تهاجر الارض المدينه
بالسلامه ...  حيدره دونك يموت

يفتدي عمره الحياتك
بالمغاره  معجزاتك
الحمامه ... وي خيوط العنكبوت

الي وياك ابمغارك
تمنى بدماك ايتشارك
بنتقامه ...بس خنس ماعنده صوت
.
بهاي الأرض ... احيي الفرض
يالنورت دارك
حانت بدر ... گوم انتصر
رد واخذ ثارك
.
لا تأمّن .. من غدرهم
تآمرو بعض الصحابه
لحز وريدك .. لو عضيدك
لو نحر حمزه وخضابه
.
من أُحُد تبدي الضحايه
من البدايه للنهايه
........ يارسول اللّه الأمين

.
ـــــــــــــــــ ❁ ❁ ❁ ـــــــــــــــــ
.

خلصت البعثه الشريفه
دگو اوتاد السقيفه
للرزيه ..... يمك اصحاب البلاء

يالرسول ابهالمسيه
أنت بفراش المنيه
والزچيه ....... استعدت للدماء

من ينادي مات ابوها
يالله فاطم طلعوها
بهالمسيه .. ينفتح طف كربلاء
.
يذبح دمع .. يكسر ضلع
ذاك الرفس بابك
يسطر بعد .. خد الطهر
من يسحگ اعتابك
.
عظم الله .. بيك اجرنه
اليوم يالهادي بغيابك
يانبينه ... يا ولينه
يا عظم ندبة مصابك
.
يل قريتك آنه آيه
من البدايه للنهايه
يارسول اللّه الأمين
.
.
انتهت نسألكم الدعاء
لا تنسوني ووالدي من فضل دعائكم المبارك
.
حسن الموالي الفاطمي
.
الاوزان: شيعتي تام + وزن موشح منفصل
+وزن المنسجم+شيعتي تام


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_مواليد_شعبان_متباركين_بولادة_اقمار_ال_محمد_ص

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🌺🌹🌺🌹 ‌مبارك لكم شهر شعبان

ــــــــــــــــــــــــــــــــــــــــــــــــــــــــ



#قصيدة_مولد_الأنوار_الساطعه


هل اهلالك يا شعبان بخمس انوار اعله البيبان
هنيالك كلك فرحان ما ظلت بيك الأحزان
=🌹================🌹=
يوم الثالث عيد الكون بحب حسين اتعلينه
رضوان اتبشر مأمور بمولد ثاني الهادينه
مالك سد بيبان النار اكراماً للگاصد لينه
كلمن عايش حب الآل بمحفل وياه هنينه

مالي الدنيا امال ونور كل شيعي بجيتك مسرور
زينه انترست كل الدور وبن الزهره اصبح عنوان
=🌹=================🌹=
يوم الرابع كافل صار واصبح واضح عنوانه
يا حادينه نادي الناس هالطف مولود ويانه
يشبه كلشي بحيدر چان طابت بي حتى اسمانه
ياغيره ونخوه العباس يگضي الحاجه بذرعانه

هنياله الواله العباس بالمحشر مرفوع الراس
مغبوط اصبح من هالناس مارد گاصدهم خيبان
=🌹=================🌹=
يوم الخامس فجر الآل طل اعلينه ابسجداته
سجاد العتره الموسوم بطول اهاته وركعاته
مبلولات ابغيث ادموع من جوهرهن وجناته
منهج كامل للديان ياخذ برزخ دمعاته

الكل فرحان المولد صاح هني الزهره بكل مصباح
هادي الأمه الليله ارتاح منظر واضح للأعيان
=🌹==================🌹=
شعبان اتبشر مولود الأكبر بي هاي الليله
أشبه خلق الله بعدنان طه ابيومه انهنيله
آيات القرأن اليوم فرحانات وتحچيله
أحسن صورة أتّم اهناا وكل فرحان انحنيله

يشبه طه هالمولود طشينه ابمولوده اورود
الله الشاهد عالمشهود فرحت بي كل الأكوان
=🌹==================🌹=
ب15 كل الكون ناذر فرح لعيونه
بي منولد روح الآل مهديهم ايسمونه
البضعه اتهني الخاتون بالأشراقه الميمونه
هنياله كلمن ياناس خادم تره ايخلونه

ياسر فاطم هذا اليوم بيمينك صار المحسوم
يارب نعماتك خدوم عالأمة ايزيد الإحسان
=💐=====================💐=
16/3/2021 الثلاثاء
#الشاعر_الميرزا_محمد_الساعدي


لحن القصيده ((أضغط هنااا))


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__عيد_الغدير_الاغر

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

كل شيعي هالليله افتخر
صار الوصي شيخ البشر
مولانه مولانه🌿🌿🌿🌿🌿

ــــــــــــــــــــــــــــــــــــــــــــــــــــــــ

#ملمع..
#قصيدة عيد الغدير الأغر..

اللهُ أكبر .. اللهُ أكبر
عند الغديرِ الباري قرر
إن الإمامه.. تاج لحيدر
.
ــــــــــــــــ ❁ ❁ ❁ ـــــــــــــــــ
.
جبريل أثناء الدرب
ظل نازل وصاعد
بلغ يطه المنزل
من القاهر الواحد
حجة وداع وبالمنيه
أنت متواعد
والهادي أبلغهم بأنه
حيدر القائد
.
مولاكم ..أرقاكم ..اتقاكم.. انقاكم
أولاكم.. أهداكم ..اصفاكم..اسخاكم
.
أنقشع الليل.. والصبحُ أسفر
من السماءِ القدوسُ اصدر
إن الإمامه.. تاج لحيدر
.
ــــــــــــــــ ❁ ❁ ❁ ـــــــــــــــــ
.
عند الغدير المصطفى
صاح ابأساميكم
يفلان وفلان وبعد
كل شامت البيكم
ثوب الولايه تفصل
ولابد أدليكم
خليفة الله المرتضى
من بعدي هاديكم
.
بخباره ..ومقداره .. وانواره.. وآثاره
أسراره ..وافكاره ..وإصراره..وفقاره
.
عند المنايا.. قد كان هزبر
يفني الكتائب.. في الصوله إن كر
إن الإمامه.. تاج لحيدر
.
ــــــــــــــــ ❁ ❁ ❁ ـــــــــــــــــ
.
يوم الغدير المصطفى
نقطهن احروفه
هذا علي نعم الولي
ووصافه معروفه
يسقي العطاشه بالحشر
من كوثر اچفوفه
كل واحد انكر بيعته
بالجنه ماشوفه
.
أتنطر..بالمحشر ..كل مضطّر .. يتأخر
واليعثر.. لي أحظر .. يتعطر .. بالكوثر
.
في الجنه عندي.. الخيرُ أكثر
يكونُ قصره.. جارُ الغضنفر
إن الإمامه.. تاج لحيدر
.
ــــــــــــــــ ❁ ❁ ❁ ـــــــــــــــــ
.
بحر الحشر من يضطرب
وامواجه تتلاطم
والناس من هول الردى
عضمها يتحاطم
بشيعتها چن طير السمه
تظل تلتقط فاطم
نور المجالس ينبعث
من كل صدر لاطم
.
الوفايه.. بقرايه.. من مايه.. روايه
والغايه.. للآيه.. بالرايه.. مشايه
.
نسقي العطاشا.. والماءُ كوثر
والظلمُ يفنى.. والحقُ يظهر
إن الإمامه.. تاج لحيدر
.
ــــــــــــــــ ❁ ❁ ❁ ـــــــــــــــــ
.
أعله السراط المستقيم
اهناكه موعدنه
ندور على بيت النبوه
وغيره ماعدنه
الشده لو ضاگت علينه
ومحد يهدنه
انحلفك ابيعة غديرك
ياعلي ادركنه

ياشافع .. يادافع .. يارافع.. يانافع
ياجامع.. ياسامع..ياواسع.. يامانع
.
ياحجة الله.. وعبدهُ البار
مع الالهي.. لديك أسرار
إن الامامه.. تاجُ لحيدر
.

حسن الموالي الفاطمي

#الهزبر : #الاسد #الكاسر


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_ مولد _الرسول_ﷺ_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

ياهله بنوره.  كلهـامسروره
بالسـمـاء وبالأرض فـرحـه لقـدومـه💐💐💐

ــــــــــــــــــــــــــــــــــــــــــــــــــــــــ
#قصيدة للولادة المباركة
لرسول الله
( صلى الله عليه وآله)
……… .. وزن المنسجم ………
.
يابحر الوفه. .. رِقه وعاطفه
نورك ماطفى .. يابو الزچيه
.
ـــــــــــــــ ❁ ❁ ❁ ـــــــــــــــــ
.
بدرك كمل يالمصطفى بوجه السمه أزهر
هاي المسيه ابمولدك فجر الهدى أسفر
اعلن تسابيحه العرش. للباري اوكبر
من عطرك. النادر اجت الجنه تتعطر
.
عندك بالمهد .. مكتوب العهد
بس حيدر سند .. بعظم قظيه ..يابو الزچيه
.
ــــــــــــ ❁ ❁ ❁ ـــــــــــــــ
.
نور الولايه ينبعث من جذوة احساسك
خدر الزچيه ابنظرتك چي هيه نبراسك
بخدك شفت وجه الحسن متعطر ابياسك
أسم الحسين اتردده كل شهگه بنفاسك
.
ليلة مولدك .. كل طاغي هلك
فرحان الفلك .. وانت الهديه .. يابو الزچيه
.
ــــــــــــ ❁ ❁ ❁ ــــــــــــــ
.
بالكعبه عبد المطلب ماعنده كل حيله
جدك يشاهد ابرهه يهجم أجه ابفيله
ينخى العظيم أبمولدك أعلن تراتيله
الباري ارسلك مدد طير من أبابيله
.
جيش من السمه .. الوالد فاطمه
لجل الحاطمه .. والناصبيه .. يابو الزچيه
.
ــــــــــــ ❁ ❁ ❁ ـــــــــــــــــ
.
خاتم رسالات. السمه كلهم يعرفونك
تدري النصارى ابمولدك أحمد يسمونك
حتى اليهود اهل الغدر چانوا ينطرونك
رادو يهودي. تنولد حتى ينصرونك
.
همك ينجلي .. صوتك يعتلي
منصور ابعلي .. من الجاهلية .. يابو الزچيه
.
ـــــــــــــ ❁ ❁ ❁ ـــــــــــــــ
.
بس الله وي حيدر فقط العرفوا الطافك
كل كلمه الفظها ولا تستوعب اوصافك
اسمع وصيتك وافتهم كل كلمه بشفافك
المايوالي المرتضى يالمصطفى عافك
.
العاده الذخر. .. تايه بالحشر
بيمن ينتصر .. يوم الرزيه .. يابو الزچيه
.
ـــــــــــــ ❁ ❁ ❁ ـــــــــــــــ
.
صادق وأمين وهم كمل بيك الكرم كله
أسمك دوه بي يالنبي تتشافه كل عله
اتمنى أنظر يوسفك سيف الهدى ايسله
يرفع لوائك بالنصر و الطاغيه أيذله
.
يبني دولتك .. ينشر دعوتك
تشمل أمتك .. كل البريه
.. يابو الزچيه


ـــــــــــــــ ❁ ❁ ❁ ـــــــــــــ

.
.حسن الموالي الفاطمي
.




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA