#قصائد_الاربعينية_والمشاية

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#قصيدة #الاربعين ....
وزن..الهجري مقطوع..
.
..

خطوه خطوه أمشيها...خطوه خطوه أمشيها
يوم اربعين ازيارتك....خطوه خطوه أمشيها
.
..
.
آنه شيعي اسمي وموالي رافضي ايسموني
آنه مجنون ابأمامي ماله حد اجنوني
هذا دربي ما. اردن. فنهم. ايمنعوني
تسري يحسين ابدمائي وانت ضي اعيوني
.
دمعتي أجريها.... دمعتي أجريها
لمن أطوف بحظرتك... دمعتي أجريها
.
.
.
حسين حبك كل كياني وبيقيني وذاتي
هنه يندلن طفوفك لو مشن خطواتي
بيرغك عالي ترفعه يسرتي ويمناتي
آنه احب احرگ گلبهم حيل كل شماتي
.
نيتي انويها......نيتي انويها
اسجد واقبل عتبتك.....نيتي انويها
.
.....................
.
يالتفجر ما يهمني وين عدمن دارس
ماتخوفني. بجنونك. لو حزامك لابس
حسين علمني البطوله صرت بالطف فارس
عابس آنه وهايه حربي هم سمعت بعابس
.
المنيه اشريها....المنيه اشريها
بس كون اشمن تربتك....المنيه اشريها
.
.
.
ما اهاب آنه النواصب ما اهم كل غادر
ما ارد عن اعتقادي لو حقدهم شاجر
لسه صوتك هالينادي ما ألي كل ناصر
ثوره آنه وبمسيري اگطع الهم دابر
.
چفي من يلويها.... چفي من يلويها
لمن اعلي رايتك .....چفي من يلويها
.
.
.
الوسيله حسين حبك وانت انت الغايه
احسب أيام ولياليه. لربعينك. هايه
خلها تنشر الدواعش عالدرب رمايه
تسحگ الموت وتعبره .لجلك المشايه
.
روحي الك افديها....روحي الك افديها
يلي فديت ابعترتك....روحي الك افديها
.
.
.
الك يبن الهادي ترخص دوم وتظل روحي
ويه حبك آنه شلي غير دمعي ونوحي
منك اتنفس شجاعه يالطفوفك سوحي
آنه اطيبن لو تجارت الك دم اجروحي
.
الكرامه الگيها.....الكرامه الگيها
رايه وترف ابگبتك....الكرامه الگيها
.
....................
.
الذبح اصبح وسامك طحت دامي وضامي
بالحجر صوبوا هامك ريت صابو هامي
خطوه خطوه وياي تمشي.تشفي كل آلآمي
صرت مصدر فكري انت.ومرجعي والهامي
.
.......................
.
خطوتي اهديها.....خطوتي اهديها
للي انحرم من شوفتك... خطوتي اهديها
.
.

حسن الموالي الفاطمي
.
القصيده محرمه على رواديد ال DJ


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_الاربعينية_والمشاية

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



*كان النبيّ محمد صلى الله عليه وآله حينما يحلُّ وقت الصلاة، يقول لصاحبه بلال (رض): "أرحنا يا بلال"*

#الاربعين
#المشاية
#ملمع
#صفر_١٤٤٠

-------

قُم يا " بلال" أذن ... قَدْ قَامَتِ الزِّيَارَة
حَيَّ عَلَى الْحُسَيْنِ ... قَدْ قَامَتِ الزِّيَارَة
-----
(1)
چنـــي أشـــوف المنتظــر يأمـــر بـ الآذان
قُم يا "بلال" فرض المشي ابهالوگت حان
بالله استعدوا يا خلگ هذا أسمــى قربان
فــاز اليزور ابن النبــي كـــــان ما كـــان

صَوْتٌ مِنَ السَّمَاءِ ... قَدْ لَاحَتْ الأشارة
قَدْ فَازَ مَنْ آتانا ... قَدْ قَامَــتِ الزيــارة

------
(2)
حان الآذان اتهــــيؤوا للمشـــي اصفـــوف
حانت صلاة أهل العشگ في أرض لطفوف
صوب الحسين اتوجهوا نسعى له وانطــوف
تكبيرة العاشــگ لطـــم صـــدره بلچفــــوف

قَدْ حَانَتِ الصَّلَاَةُ ... صَوْتٌ مِنَ المناره
يَا زَائِرًا " أَرحْنَا" ... قَدْ قَامَتِ الزِّيَارَة

------
(3)
ابدال الوضوء اغتسلوا من فيض المدامع
واغتسلوا من كوم الذنوب و من المطامـع
كل دمعه لجل ابن النبــي عنكــم تدافــع
و تصبح شفيعـه بالحشــر يوم الفزايــع

قَدْ فَازَ مَنْ يُسَيِّلُ ... الدَّمْـــعُ بالغزاره
تُضْوِيْ لَهُ الدُّرُوبُ ... قَدْ قَامَتِ الزِّيَارَة

------
(4)
يا شيعه ابفرض المشي لبسوا السكينه
هذا العمــل ما ينقــــبل للبيــه ضغــينه
كل خطــوه سجلها القلــم تشـهد علينا
والمهـــدي حاضــر بالمشـــي قائد إلينا

نَبْكِي عَلَى بَكَاهُ... وَ نَقْتَفِي مَسَارَهُ
تَكْبيرَةُ الدُّموعِ ... قَدْ قَامَتِ الزِّيَارَة

------
(5)
نمشي جماعة المرقده بُنيان مرصوص
ما يگدر الشيطان لحظه بيننا يغـــوص
المــا يأدي هالفــــرض إيمانه منقــوص
هذا الخبر ابجملة الأخــبار منصــوص

قَدْ جَاءَ فِي الْبَيَانِ ... مَا مِثْلُهَا تجارة
فَضْلٌ لَهُ عَظِيمٌ ... قَدْ قَامَتِ الزِّيَارَة

------
(6)
هذي صلاه دون الصلاه بس سجده وحده
سجدة شكر إعلى النعم ذي أغلى سجـــده
توجب لعـــند باب الذي العــــالم يگصـــــده
و ابلا الشعـــور اليوصـــله يعفــر له خـــده

تَحْنُو لَهُ الْجِبَاهُ ... كُـــــلّ لَهُ عبــــارة
وَ رَأْسُهُ يطأطئ ... قَدْ قَامَتِ الزِّيَارَة

فائزي - ملمع

🖋 عبد مُحمد وآل مٌحمد / #مفضل_حبيب
القطيف
15- صفر-1440

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_الاربعينية_والمشاية

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


*روي أن الله عوض الإمام الحسين عليه السلام من قتله أربع خصال: جعل الشفاء في تربته، وإجابة الدعاء تحت قبته، والأئمة من ذريته، وأن لا تعد أيام زائريه من أعمارهم*

#الاربعين
#المشاية
#أربع_خصال
#صفر_١٤٤٠

-----------

*ابلا شعور اتوجهت لحســين إمامــي*
*باب الدعا باب الشفا و أطلب مرامي*
------
(1)
خـــص الإلـه ابن النبــــي دون البرايا
بأربع خصــال الـ خلته باب العطـــايا
عنده الشفا وعنده الدعا ونسله الهدايه
*و ازيارته ما تنحـسب ابعدة أيامـي*

------
(2)

من أذكر احســين السبط تاخـذني روحــي
جنة ضـــريحه ابكـــربلا وانسى جروحـــي
من شارع السدره اگصدت ذيك الصروحي
*و عيوني تهمــل من قبل مبدي سلامـــي*

------
(3)

بأول خصــال ابن النبي گلبي توســل
واگف على بابه ابخجل ودموعي تهمل
عندي طلب يا سيدي تسمح لي اسأل
*أســال تداوي علتي يبن الكرامــــي*

------
(4)
بثاني خصــاله ارتجي عنده الحوايج
آنا اعتقـــادي قبتـــــه باب المعــــارج
واليدعي الله ابحضرته يلگـى النتايج
*وما تنحجب دعوة مُحب بأشرف مقامي*

------
(5)

بثالث خصـاله للسما أرفـــع لأيــادي
ابجاه الايمـه التسعه ايحــقق مرادي
ثــبّت ودادي العـــــترته ثبــّت ودادي
*ولآخر حياتي اختتم اسمه ابكلامي*

------
(6)

برابع خصاله انشده و دمعي يتجارى
گلـــبي بليا كــــــربلا شيطفــــي ناره
عندي طـــلب لا انحــرم من هــالزياره
*او لا انحرم خدمة ابن طه التهامي*

الفائزي رباعي

🖋 عبد مُحمد وآل مٌحمد / #مفضل_حبيب
القطيف
16- صفر-1440

نتشرف بإنضمامكم في قنانتا 🌹
قناة متخصصة في الشعر الشعبي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#جديد
#صفر 1442هـ
#لزيارة #الاربعين

ميمر من التراث الحسيني بطريقة قصيدة
(زينب من الخيمه اطلعت بديها)
.
.

يالماشي گصر بالدرب خطواتك
لجل الثِــواب وكــثر بدمـــعاتك
أذكـر حســـين ورتــل بآيـــاتك
والرايه بچفك عليها

.ـــــــــــــــــ ❁ ❁ ❁ ـــــــــــــــــ

مالك غـــرض بالگـلك مــا تــوصله
درب ابعيد وخاف تضيع ابها الرحله
گله العــشگ نبــض الگــلب ينــدله
وجدامي تندل محبوبي

.ـــــــــــــــــ ❁ ❁ ❁ ـــــــــــــــــ

بـــدرب المــشي لمن تـــون وتنـعى
تلــگه الـــزچـيه ادور اعله الدمعه
گلها العدى فوگ حسينچ متجمعه
گامو يالزهره ايگطعونه

.ـــــــــــــــــ ❁ ❁ ❁ ـــــــــــــــــ

ويـنادي هلـبت مــن مُنــاصر ينصر
وبصــدره حافرهم يـدوس ويكسر
خل چفوفك باللطمه تذب الخنصر
تنزف وتواسي المهظومة

.ـــــــــــــــــ ❁ ❁ ❁ ـــــــــــــــــ

بچـيها وكلـــما تبــچي أمّ الشــبان
كل دمعه من عـدها تطفي النيران
هاي العظيمه ام الكرم والاحسان
ماتنسى اليذكرها مدمعها

.ـــــــــــــــــ ❁ ❁ ❁ ـــــــــــــــــ

يوم اربعيــن ابن الــرضيه معروف
تنظر چن روجات البحر بالطفوف
جبـرائيل وكــل الملك ببها اطوف
خدام اتعزب خطاره

.ـــــــــــــــــ ❁ ❁ ❁ ـــــــــــــــــ

جود السبيل اللي بخدمتك وفاي
يوم القـيامه أيرد ألك شربة ماي
فــوراً يدرجوك بفصــيل الـرواي
عباس اتصير من اجنوده

.ـــــــــــــــــ ❁ ❁ ❁ ـــــــــــــــــ

لو عندك حاجه ظمها عن كل الناس
وگصــد كفيــل الهاشــميه العبـــاس
أقسم وحگ زينب يگول النوماس
لاتحچي الحاجه مگضيه

.ـــــــــــــــــ ❁ ❁ ❁ ـــــــــــــــــ

هذا العــشگ متعلمينه اعله الفطره
شيــعه ونــوالي حيــدره والزهــره
درب الخطر لارض الطفوف انعبره
والجمره بسحگه انطفيها

حسن الموالي الفاطمي
محرمة على منشدي DJ


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ

#جديد #صفر ١٤٤٥ هـ
#قصيدة #يوم #الاربعين.
موشح من التراث الحسيني
(النجفي)
.


بيوم وصـلت زينب لارض الطـفوف
من جر احبال السبي زرگه الچفوف
ونت وبـرض الـذبح گـامت تطــوف
. چن سفينه ومنذبح رُبانها
.
.
وصلت ومن الهوه خدها انصفع
نيـنــوى تـربـانـها بـريـح ارتـفـع
رمـاد مـن خيـامها يمـها انجـمع
شمت بنسم الهوه دخانها
.
.

حسين اخوها الما اجته بدفنته
الـيـوم بـتــربان زينـب  نـظـرته
راسـه يرجع للجـسد من شافته
توجرت من الهظم نيرانها
.
.
.
قبـله زيـــن  الـعـــباد  مـن الـنـحر
لن سـمـع منه حچـي يفت الصخر
يبني وسّدلي رضيعي اعله الصدر
روحي ذابت من بعد وليانها
.
.
.
بالرضـيـع ومنحـره انـواسـي الـرباب
دامي شافت  ثوب ابنها اعله التراب
عمـت عـيني عالــذي ضاگ الحـراب
بمنحره أسهام الغدر نيشانها
.
.
.
عـلي الاكبر يشــخب بـدم الـوريد
رجـع راســه وانـدفن يـم العـــميد
نواسي ليله الليله بجروح الشهيد
لملمت گبر الولد بحضانها
.
.
.
عن علي الاكـبر تـسولف كربله
عـن غضـنفر عالنـوايب اعتله
بالمنـايه يقـرا سـيـــفه الـزلزله
ضربته مايختلف ميزانها
.
.
.
نواسي رمله بجاسم ودم هامته
يفــدي عـمـه بكـربــلائه نـــذرته
خذت من منزف وريـده وحنته
زفته للمذبحه بميدانها
.
.
.
مشت زينـب گاصدـه گبر الكـفيل
يم اخـوها اليعـدل الـناگه التميل
وصلته وجمر الدمع عالخد يسيل
غدت تندب عالجره بعنوانها
.
.
.
گبل لا راس الكـفــاله اتـرجعه
بعينـه سهم بهيده عمه طلعه
نبلته عين ابـن ابوي امگطعه
لجله رجت السمه باركانها
.
.
.
وصـلو الاصحـابه والمنــظر رهيـب
فاح عطر المسك من جون التريب
رجــعو روس الاشــاوس وحبــيب
شيخ اصحابه وچبير اعيانها
.
.
.
زينب بأرض الحـزن نصبت عزاء
عالحـسين الي انذبح في كربلاء
واجـب اعليـنه نـرد الـها الـوفاء
بكل زمان وننحب القرانها
.
.
.
حسن الموالي الفاطمي





.

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ

#قصيدة #لزيارة #الاربعين
.
.
يظل صوت الشعاير.
           يـرتــل بالضـــماير
موالين .......... موالين
.
.
.
أجينه للطــفوف وبالگــلب جمـــره
زحف نمشي الك يامهــجة الزهره
على زينب اجـينه ننــشد الغـــبره
موكب للسبــــايه اللــــيله ننتظره
.
جينه ننشد كربله امضيعينها
بيها زينب  گالو اميـســـرينها
.
على الحره السبيه
            أجتي أبلا رقيه
للحسين ........ للحسين
.
.
.
.
تلگـــيناها تمـشـي ابلايه كـــافلـها
على الوجـنات آيه الدـمعـه تهملها
آه و آه زينـــب ياهــــــو يحمـــلها
وي (عبـد الرضـا) كلحـــنه نسئلها
.
زينب ياغـريبه ..الله أشمـصيبه
وجهچ يزينب وين
     مذبوح أخوچ أحْسين
والجثه سليبه ...الله أشمصيبه
.
رجعتي بالسلامه
            يحره أويه اليتامه
تنوحين ......تنوحين
.
.
.
گالت كلمه بالسـان الـدمع والعين
ما طلعت لمّـن هشـــمت ضلعيـن
آياحسين خويه خــويه آياحسين
دولبني زمانـــي ونايبــــات البين
.
أيام ..أيام...هاي الدنـيا أيـام
يوم الاهل يحمونه
        يوم العده يسلبونه
هاي الدنيا أيام .
.
أنه هظمي أمن اطلعه
             يموت الي يسمعه
يطيبين ......... يطيبين
.
.
.
صــدت للكفيــل وبالحــزن تنــــظر
هاعبــــاس وينــــك ها يليـــث البر
رجعـنه خويه احمل جـودك وأحظر
عطشــــانه  اليــــتامه كلها تتـــنطر
.
گــوم أرويها ....گــوم أرويها
هاي اطفالك.......گوم أرويــها
.
ردت بعيوني أشوفك
  اريد اشتم چفوفك
رحت وين ..... رحت وين
.
.
.
سمعنه بالضـــريح آهــات للنوماس
كلمه بيها جمـرة عاطـفه وأحساس
حملها بأيده جبـــرائيل فوگ الراس
كلمة خـــوه هـــاي ويعتــذر عباس
.
أعـذريني أعذريني
    يزينب ياخــتي أعذريني
مارد للخيم جودي
  وطاحن ياختي  چفيني
.
يخويه عالشريعه...تون جفي الكطيعه
تسمعين .............تسمعين
.
.
من بعد البــواچي والنـــعي والنوح
نــادينه العقيله  والگـــلب مجـروح
هـــازينب فــدوه الـدمعتچ أنــروح
موالين ونظـل ننـدب على المذبوح
.
احنه غير احسين ما عدنا وسيله
والذنــوب اهـــواي كفـــتها ثجيله
وغداً يبدوا لنا سداً منيعا.....هذه آرائنا فيه جميعا
احنه غير احسين ماعدنه وسيله .
.
نجي لابن الزچيه ....زحـف للــغاضريه
ملايين.....................ملايين
.
...لاتنسوني ووالدي من فضل دعائكم المبارك


حسن الموالي الفاطمي



الاثنين
2015/11/23
..

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi