#قصائد_استشهاد_الامام_الكاظم_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

هـذا مولاكم يشيعه اعـلى الـجسر😭
ـــــــــــــــــــــــــــــــــــــــــــــــــــــــ


#جديد
#قصيدة_استشهاد_الامام_الكاظم_ع

شلون حيره .. الكاظم بلايه عشيره
شلون حيره .. النعش ياهو اليديره

يالحبيب يعنيك الله .. فوك نعشك ياهو صله

شلون حيره

****

حيره منين ابدي .. خاف اجرح المهدي
لون بالسَم كلت جبدك تلوه

منك احساس الورد .. شلون كلبك ينمرد
والشلون احجيها يامولاي كوه

امنيتي ابجي من الصبح حد الصبح
لكن على المهدي خايف ينجرح

عليه اخاف من الحجي .. بالهوا يخنكه البجي

شلون حيره .. الدمعة كدامه اسيره
شلون حيره .. النعش ياهو اليديره

شلون حيره

***

روحي مجمره صايره .. منه اريد العاذره
خاف اجرحنه ابو نبع الترافه

قصتك شالت هظم .. شيب بين بالعظم
لمن ظل نعشك على جسر الرصافه

شلون غدروك على هذا احساسك
وانت حيدر كله غافي براسك

عل جسر مرمي حرام .. وحدك بلايه عمام

شلون حيره .. امدده على الكاع غيره
شلون حيره .. والنعش ياهو اليديره

شلون حيره

**

الليل مغتث والكمر .. جبَس وجهه اعله النهر
وصاح عذرا والجرف مهدومه

والدمع كاروكه خد .. والرمش وحده انفرد
يعينها الله اعله البجي المعصومه

من فاطم لحد فاطمه رايح خبر
مرتين اعزاز ماخذلي النهر

الجسر ماخذلي حيل .. موسى مره والكفيل

شلون حيره .. يتموا هاي الاميره
شلون حيره .. النعش ياهو اليديره

شلون حيره

***

عادة عدنه ونعرف .. مو غريبه اعله الكلف
يشد نكابه العنده قصة نايحه

لكن التلجمني هاي .. واكف وتنهش وراي
ياهو وي الرضا ينصب فاتحه

بكلبي ناصبلك عزا الله العالم
بريتي جامع كل عمايم هاشم

امنيتي تنظرلي وتشوف .. جوه اجدامك اطوف

شلون حيره .. بجلمتي هاي الاخيره
شلون حيره .. النعش ياهو اليديره

*

احمد الميالي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c


ـــــــــــــــــــــــــــــــــــــــــــــــــــــــ

#جديد
#استشهاد_مولاي_امير_المؤمنين_ع


مشتاقلج حيدر واجه يا فاطمه
وتحيرت بالصار املاك السمه
خَيْرّ وكَاصد عليج احساسه
موش ذرعان انفتحلج راسه

*******

ترى حكه اليحب يشتاك اذا محبوبه مو يمه
ويركض ركضة الملهوف حتلو عثروا جدمه
علي يحبج يا ام حسين وحبج عابر القمه
يبت زلمه ويلوكَ عليج بس المن صدك زلمه

علي مو جه هامته مجروحه
مات بيج وهيج طلعت روحه

حب يجيج بلهفته وانفاسه
موش ذرعان انفتحلج راسه


*******

علي لو يمه اجه طاريج الهوى يحتار نص ريته
وترى حكه يموت عليج جا غير انت ام بيته
علي سر الله عد الناس وانتي لعلي احجيته
شيخ الدنيا ابو الحسنين وانتي بخت شيخيته


علي بعدج بيش اوصف حاله
شيخ وبأيده يجفي ادلاله


مشى للزهره تصيح ناسه
موش ذرعان انفتحلج راسه


*******

عد اهل الشعر معروف الحافر يوكع بحافر
فقاره وراسه منشطرين ما سواها ابد شاعر
علي مطبور بس منصور بصلاته ومنتصر شاهر
فزت والكعبة كام يصيح وكام بعشكج يفاخر


هو كل اهل الشعر ما وصفته
علي لاجلج فتح كلبه وهامته


عشكه لاجلج ما نحد مقياسه
موش ذرعان انفتحلج راسه

*******

من طبع الكرم بالناس يجود بكلشي ما عنده
وعلي لاجلج ترى السواه صعبه الوادم تحده
من كد المحنه البيه باسه السيف بالسجده
وعرف سائل اجاه السيف لذلك علي ما رده

علي اتبسم من حجاله مطلبه
واكرمه بطبره ولحية مخضبه

على راسه السيف لمن باسه
موش ذرعان انفتحلج راسه

*******

من بعدج علي للبير ظل يسولف اسراره
وكل الدنيا يم حسين بحبه الج محتاره
علي اختار الله قبل الناس لذلك الج اختاره
ومن رحتي ترى الكرار دمعته عليك تتجاره

روحه بعدج يم حسن مشلوعه
وعلي ما نشفن عليج ادموعه

وقبل لا يكفل خدر عباسه
موش ذرعان انفتحلج راسه

*******

احمد الميالي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ


#جديد_شهادة_امير_المؤمنين_ع

اجاني.. حبيبي ..وذبل كدامه حيلي
علي مات ..يكلي ..وبجه كبالي كفيلي

راح ابونه …راح ابونه


الجان كبالي دوم بقوته مشجل
اجه مكسور اليه وللبجي مهدل
ذبل مثل الورد يمي وبعد اذبل
لمن حس الشمس لازم غصب ترحل

نظرته ..ودمعته ..تدور بيه ختله
وانه احتار ..شكله ..اشوفن بيها هزله

راح ابونه …………راح ابونه

يزينب كلي راح الجان خيمتنه
وتشابكنه وكعدنه بنص ثنيتنه
اليشاهدنه يظن اعله الابو متنه
حنان وما نعرف نظم محنتنه

حجالي ..يخويه.. واحس بكلبه حركَه
واحسن ..حسرته ..علي كامت تخنكه

راح ابونه …………راح ابونه


يضم بدمعته لكنها مفضوحه
واشد من سهم عينه تلجم جروحه
روح الولي الماتت طلعت روحه
اول مره اشوفن كسرته ونوحه

يزينب ..يكلي ..بعده الدنيا هيمه
كلتله ..يا كافل.. جفك عندي خيمه

راح ابونه………..راح ابونه




علي راح وكلتله حيلك تشده
لان خيك يريدك باجر تسنده
باجر يا ابو فاضل مو يظل وحده
ترى من هسه اشوف اعله الترب خده

بجاله ..وخياله ..راح تصور القصه
ونحبلي ..ويكلي ..للوالد تظل غصه

راح ابونه ………..راح ابونه

كال احجيلي خويه عن عظُم حاله
وكتله حسين بعده تسحكه خياله
يابو فاضل علي يدريهن افعاله
الشمر من يحدي بيه وهو جتاله

سئلته ..يخويه..شراح تضحي بالكوفه
نظرني ..ويأشر ..جان بعينه لجفوفه

راح ابونه ………راح ابونه


ابو فاضل يزينب كلي وبحسره
علي براسه نطبر والوادم تنظره
كتله حسين هاي الوادم تغدره
ومو طبره النحر بيه اثنعش طبره

تعجب ..وكلتله ..باجر ينولي حسينك
وترى الطف ..يخويه ..ياخذ جفك وعينك

راح ابونه ………..راح ابونه

احمد الميالي



▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy

#قصائد_وفاة_السيدة_زينب_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


الاجل م‌ـــِْن وصلها
🥀. زينب ردات الكفلها 💔
ــــــــــــــــــــــــــــــــــــــــــــــــــــــــ

#جديد قصيدة استشهاد الأميرة زينب صلوات الله وسلامه عليها


عالعقيلة  .  الموت  خيم  .  بالغرب
ايجيب اخوتي . والكرايب . يادرب
آآآ  يخوتي   آآآ يخوتي   آآآ يخوتي



بأخر لحضة  التوديع  ماكو  اخوان اودعهم
اتلفت  يسار  ايمين  ماضل  حيل  احشمهم
حيلي الخلص بعاشور  من شفت الزلم كلهم
جثة بجثة مختلطات وحيرة شلون اميزهم

حيلي  راح  . من  جروح . العاشر
شفت اخوي . فوك صدرة . الحافر
آآآ  يخوتي   آآآ يخوتي   آآآ يخوتي



وي اخر نفس بالروح شهكته وصحت الحكوني
عباس انت ضل معذور  حسين ايغمض عيوني
وبشيل  الجنازة  اعفيك  خوانك خل يشيعوني
معذور  الجفوفة  اطيح  بس  لا غربة  يسبوني

جفوفة طاحن . فدوة لختة . عالنهر
جان  حيلي . وظهر  اخيِّه . وانكسر
آآآ  يخوتي   آآآ يخوتي   آآآ يخوتي



هان   الطف   عليه   هواي   اني   الموتاني   الشام
نوكف  بالشمس   ساعات   وعيون  الشماتة  اسهام
تلكونة   بهلاهل   ليش  واحنة  الميتة  عدنه  ازلام
صوتي البس هلي يعرفوه هسه يسمعة خاص وعام

زينب  انه  .  تالي  عمري  .  بالقصر
دموعي طاحن . يم شماتة . وانكسر
آآآ  يخوتي   آآآ يخوتي   آآآ يخوتي



زين وعمري بعد  الطف  ودروب السبي  طول
المفروض اني اموت هنا ( كافر بالخيم حول)
طشونة اعله  كبر الكاع  هيمة وكلشي مااندل
الفارك   كل  اهل   بيتة   ساعة  موتتة  تسهل

الفارك اهله . بليلة وحدة . يتعبونة
بسوك  غربة  .  و بالازقة . ايفرونة
آآآ  يخوتي   آآآ يخوتي   آآآ يخوتي



عدلة  وميتة  وسط  الشام  ما ترهم  يهل عدنان
الوادم   كلهه   تكرهني   ودوني   لخوتي   احنان
هناك  تغض  بصرهه   الناس  هنا  تتفرج  العربان
هي الدنية مالت حيل وأسمي ايلفضه ياهو الجان

جاري  عمرة  . ما عرفني . والتالي
هسه كلهه . تعرف اسمي . وحوالي
آآآ  يخوتي   آآآ يخوتي   آآآ يخوتي



ما صارت كبل بأنسان  موتة  ودفنتة بغربة
والتهظم  بعد  اكثر  بعيد  اعله  الاهل دربة
المات وما تمرة احباب تهظم حالتة وصعبة
يرتاح  التمرة  اعزاز  ميت  بس  يحن  كلبة

كلشي غربة . ويه زينب . والضعن
حيل  تعبت . من وكتهه . والمحن
آآآ  يخوتي   آآآ يخوتي   آآآ يخوتي



خادم خدام زينب صلوات الله وسلامه عليها
حميد كاظم الشمري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_السيدة_زينب_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


الاجل م‌ـــِْن وصلها
🥀. زينب ردات الكفلها 💔
ــــــــــــــــــــــــــــــــــــــــــــــــــــــــ
#جديد قصيدة استشهاد الأميرة زينب صلوات الله وسلامه عليها

حال مولانا زين العابدين ص مع عمته زينب ص


بنص الخرابة اجنازة
راعيهه  موتة اعزازة
محد   يشيع   زينب
عازت عمامي  العازة   _   محد يشيع زينب



صارت  الما  صارت  كبل  علوية  ماتت  بالغرب
ما  ماتت  بعله  مرض   خل  تستمع  كل  العرب
فراك وهزل سوك وقصر عين ومتن شابع ضرب
تريد الجنازة  اربع  زلم  عين  العليل اعله الدرب

حشم عمامة  ونادة
رايدلي  فزعة سادة
عادة اليموت ايناطر
تلتم    عليه   اولادة   _   محد يشيع زينب



ما حصلت  ماي   الغسل   بيمن   اغسل  عمتي
لو تكفي دمعاتي  التصب  جا غسلتهه  بدمعتي
صح منكسر فاكد  هلي بس  اعله زينب كسرتي
بأخر نفس واسمع حجت وصل سلامي لشيعتي

كلهم  متت  متعوبة
من  السبي  ودروبة
ودونه  من بلد  لبلد
وانه الجنت مهيوبة   _   محد يشيع زينب



عادة  الفواتح  للزلم  النسوان  نصبن  فاتحة
بس محد اتعزي اجت لا وحدة طبت صايحة
بس خدر هاشم  صيحن  زينب  يوادم رايحة
موتهه درب المستحة كل ساعة زينب طايحة

هي   المصيبة   هنانة
ايزيد   بخدر   نسوانة
بس الفواطم يا وسف
وكفهن         ابديوانة   _   محد يشيع زينب



الفارك حياتة ودنيتة  جثتة  تصير اثكيلة
بس زينب خيال وجفن من شيعتهه الليلة
الفاكد عشيرة  بكربلة  مو حكه ينهد حيلة
وفترت   بأربع   دول   وتلملم   بهل  عيلة

ما جني  شايلي مرة
شايلي وردة  معطرة
دنيانة دولاب وصفت
ام   الخدر    متيسرة   _   محد يشيع زينب



نزلت  عمتة  بالكبر  وكل  حيلي  احسنة انهدم
صاحت بهونك ياعلي ياعمه احس متني انلجم
ما بيه  اتحمل   بعد  مو  ميتة  جا  ليش   الالم
من وسدت خدهه الترب بي ريحة من نار الخيم

ماعندي  راحة  بعمري
ولا عندي راحة بكبري
عدلة   ومتت  متعوبة
بس اهلي تعرف كدري   _   محد يشيع زينب



تمنيت ادفنج يم هلي ومادفنج بشام الحزن
الديرة  مليانة  كره  ميتة  وتسكنين  بسجن
محد  يزورج  بالغرب  ولا واحد  بصفج يون
لو يم اخوتج دفنتج  حته الحجر لجلج يحن

اليندفن       بالغربة
محد   يحس  بكلبة
يتنطر   تمر    الاهل
مجلس تسوي بكربة   _   محد يشيع زينب


خادم خدام زينب صلوات الله وسلامه عليها
حميد كاظم الشمري


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_السيدة_زينب_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


الاجل م‌ـــِْن وصلها
🥀. زينب ردات الكفلها 💔
ــــــــــــــــــــــــــــــــــــــــــــــــــــــــ

#جديد قصيدة استشهاد الأميرة زينب صلوات الله وسلامه عليها

بسم الله الرحمن الرحيم
يا ايتها النفس المطمئنة ارجعي الى ربك راضيةً مرضية


اطمئني يا نفس ضل عدنة رجال
قبل شد الجفن  يفتحهه  الاحبال
ويكطر ماي الج  بثواب  الحسين
ويغمض  عينج  ويرتاح  الج  بال

ارتاحي  وموتي   جا  المن   تضلين
وامس شفتي الشمر يذبح بالحسين
وشفتي  الخيل   راحت  ردت  عليه
وشهكت  صدرة  وصلت  للصواوين

هواي  طولتي  يروحي  .  سنة  ونص  هواية
شكد   تمنيتج   تموتين  .  من  تطيح   الراية
بروحي لسه الحسرة ضلت . من الفرات وماية



انت  اول  جنازة  ابلاية  جناز
ماتت كلهه بالطف ذيج الاعزاز
ولا خالات عندج  يبجن عليج
العايش بالغرب  لحبابة  يحتاز

الطف ما خله بيج من الركض حيل
اعز  انسان  عندج   طحنتة  الخيل
للتل  جسمة   واصل  مو  تسحكيه
تلمينة    طلعتي     بهدوة     الليل

كلهه متوذرة الهواشم . ماضن تعرفينه
جبيرة كاع  الغاضرية . بكل كتر تلكينة
ومحد ايعرفه ينفسي . اكثر من سكينة



ما فاركتي جسمي  بصعدت النوك
لو  من   طرن   النسوان   بالسوك
من  صاحو  عليه   مسبية  جبناج
ويضحكون الشماتة وكلبي محروك

ما متي الزلم من شافت ام عون
من  سوو  عراضه  كبال  العيون
ورباط   العراضه   يهدم   الحيل
الما شافوهه زينب خل يشوفون

ابو فاضل جان اخوي . وما يشوف خيالي
وينه هسه خل يشوف . شنهي صار بحالي
شكثر   طبينة    بدروب  .  والزلم   تبرالي



ينفسي المن  بعد  طبينة  ديوان
كعدنة بنص زلم ومطاول اللسان
واحد  كال  وينه   الكافل  اختة
ورد يضحك بحيلة لصوتة مروان

موتي  ارتاحي  جا  المن  تضلين
المن  ضلتج   من  مات  الحسين
الدنية  وكل  اهلهه  عندي لا شي
هو حسين واحد  ما يجي  اثنين

هواي   تعبتج   ينفسي  . هي   زينب   هاية
علية   مكتوبة   المصايب . بيه   نزلت   اية
ان شاءالله المهدي يريحج . من يشيل الراية


خادم خدام زينب صلوات الله وسلامه عليها
حميد كاظم الشمري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_استشهاد_الامام_الصادق_ع _عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴 قالها الصادقُ أحيوا أمرُنا
رفع اللهُ تعالىٰ قدرُنا 🏴
ــــــــــــــــــــــــــــــــــــــــــــــــــــــــ

#جديد_قصيدة_للامام_الصادق_ص


نتوارث النار - كلسا تشب دار
دار الزجية و الخيم
داري بعدهن ماسلم - نتوارث النار




كل يوم وخطار تسير - النار العطشانة
ونسكيهه بدمعات الخدر - ذيج الولهانة
َجم نار انطيناهه المحسن - الماحاجي السانة
وبيت الله ومهبط املاكة - حركت بيبانة


ما كالت من رخصت فاطم جهبت باب المستورة
وجابت ضالم يدفع بيهه وصارت فاطم معصورة


كسروهه الضلوع - شتفيد الادموع
ضلع امي كالولي انثلم
داري بعدهن ما سلم - نتوارث النار




النار بداري وبالي مهاجر - يم خيمة زينب
اسمع تتصارخ نسواني - بس ماكو الينهب
ما ركضن بس ركضت زينب - واليركض يتعب
اخر ركضه من التل ركضت - لحسين وتنحب


نار الخيمة ونار الفركة شمخلية بحالج
وانت لخدرج ساجد ادم وما شاف خيالج


الحجبهه حيدر - ايبيتوهه بالبر
كل هذا من طاح العلم
داري بعدهن ما سلم - نتوارث النار




كل عيالي بخير وسلمن - من نار الضالم
بس عيال حسين البل الطف - ماكو احد سالم
اللحك يطلع جمرة بثوبة - شحال الضل نايم
وين الطفلة الترفة انسلبت - من ارجس وادم


لاذت كل عيالي بكتري عن عين الناطر
والعندة ثمانين بنية حق أيضل حاير


شيخلص الليل - زلمتهن عليل
تعبان احس حيله انهدم
داري بعدهن ما سلم - نتوارث النار



فزعت ناس اطفي بداري - وتواسي الحالة
بس بالطف شو فزعت تحرك - ذيج الخيالة
محد صيح طفو الخيمة - ورحموهه عيالة
نص أطفال حسين احتركت - وتنطك جمالة


ماتت كل ازلام الغيرة وضلت بس وآدم اشرار
اليطلع سالم من خيامة ايدفعونة اردود اعله النار


مسترجله الناس - جه ماهو عباس
بعد الكمر كلشي ألم
داري بعدهن ما سلم - نتوارث النار




خفتت نار دياري وبردت - والخدر رجعن
ومن خفتت نيران الخيمة - عالهزل راحن
الما شايفهن بس خالقهن - ياوسفه انشافن
لو ما رايد ربك حكمة - جا بالطف وماتن


صعب الكاتل اهلك كلهم من تمشي ويا بالكوة
هو الفاكد مثل الكافل يتحسر بس عالخوة


ميعوض الراح - لا مبجة وصياح
جان الكمر اكبر حلم
داري بعدهن ما سلم - نتوارث النار


خادم خدام زينب صلوات الله وسلامه عليها
حميد كاظم الشمري

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

#جديد_محرم_١٤٤٥هـ
#حال_السيدة_الرباب_والسيدة_حليمة

نار القلب ماتنطفي ابليل الهضيمه
الحال الرباب ابكربلا وحالة حليمه

وبـــدمعة الــعيـــن أبچي اعلى مهدين
ابهاي المسيّه
                                   .....
أروي الــروايه بـــالألـــم واوّلها مهدين
أوّل مـــهـــد للمصطفى سَيْد الـــنبيّيـن
ويَمَّه حـلــيـمـه اتكلّمه وبــيه مطمئنّين
والثاني عبدالله الطفل ريحانة حسين

وامّه تناغيله او شـــبـــق ليهـــا بليدين
لاكنّه يفجعنا الـــفرق بــيــن المصابين

أذكـــر وداعين         أبچي اعلى مهدين
ابهاي المسيّه
.....
بــعــيــوني صـــوره ومامثل شدتها شده
منظر وداعـــيــه اوصبح كل فكري عنده
هذي حـلـيــمــه عالنبي تبچي اعلى بعده
وبـالخيمه عبدالله العطش قطّع له چبده

الهادي بوداعه ماشكى ومانادى عطشان
وأمّا الطفل ظل ينتحب والجسم ذبــلان

ما أنسى لثنين         أبچي اعلى مهدين
ابهاي المسيّه
.....
خـلــف النبي طـلعت حليمه اتنادي بـالآه
بـــوجــوده متعوده أنه ويهضمني فرقاه
وعـنـها مشى طه عدل هم سالمه اعضاه
ولرض المنايا امن المهد ماأمسى ممشاه

ماطاحت اعلى المصطفى الحاله مندهشه
ألـوانـه لا مـــاتـغـيّـرت مـــــاجـاتــه رعشه

بين الصواوين         أبچي اعلى مهدين
ابهاي المسيّه
.....
أمّ الـــنــبـــي ابلهفه على جَيْتَه منتظره
وســـالـــم رجــع ليها ولا ظلّت ابحسره
وعـبـدالله طـــوّق حرمله بالسهم نحره
ولامّه رجع بواليمّه وادماه اعلى صدره

بــعــد الـــغـــيـــاب المصطفى أمّه تضمّه
اومفجوعه صاحت عالرضيع ابذبحه أمّه

ذبحوني مرتين أبچي اعلى مهدين
ابهاي المسيّه
.....
والـــيفجع ابــهــاي الــروايـــه الكلها أشجان
ابـــطــه او شبيهه شـــالـجرى أذكر بالاحزان
راس الـــنــبـــي لمّـــن رجع أصبح بالاحضان
ابدال الحضن راس الطفل ويلي على اسنان

أمّ النبي اعليه ابـــكـــدر ماصفقت الـــراح
واعلى الرضيع أمّه اصرخت راح الولد راح

منّي خذه البين أبچي اعلى مهدين
ابهاي المسيّه
.....

تمت بحمد الله ومنّه في ١٤٤٤/١٢/٤
نظم خادم السيدة الزهراء عليها السلام
ياسين جواد العبد الرضا


الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ
#جديد_محرم_١٤٤٥هـ
#هلال_محرم
نظمت في ١٤٤٤/١٢/٢٢

نشم ريــحــة حــرق أقدس مخيّم
مـن قــالـــو إجـــه شـــهــر المحرم

والماتم قصدناه نصرخ واحسيناه
ـــــــــــ
مــــن بــــان ابسمانه ابحالة متكدره
إجــــيـــنــه وبالمسامع ونّـــة الزهره
إجـــــه شهر اللطم والحسره والعَبره
على احسيني الغريب المنقطع نحره

وتضج وينه اليواسيني ابدمعته
عـــلـــى اوليدي الذي حزو رقبته

وَيْ فاطم ندبناه نصرخ واحسيناه
ـــــــــــ
نساعدها ابألم وابهمنا عنّايه
والـــعالم مساره اتغيّر ابهايه
أملاك اوإنس وي جِنَّه بچّايه
أثـاريها الزچيّه ناصبه اقرايه

اصرَخَتْ ويلاه يابني الماحضرته
أنــا او لاغـسّـلـت جسمه اودفنته

وللآه السمعناه نصرخ واحسيناه
ـــــــــــ
سواد الماتم الكل فاجعه ايشدنه
ويـــم أقـــدس مخيّم كلنه ينقلنه
واهــجـــوم العـدا وحرقه يذكّرنه
وحـــالـــة زيــنـب اوخوها تألّمنه

أنـــا اسْمَعْتَه يــــون واتقرّبت ليه
وشِفِتْ ويلي الولي متوسّد ايديه

وللحومه لفيناه نصرخ واحسيناه
ـــــــــــ
المحب لامّ الـخدر ينعى مـع الناعي
اوأنّــتــهـا يــنــادي صكّت أسماعي
مثل خويه العدا طحنوها أضلاعي
واوجـاعـه تـــراهــا زادت أوجاعي

ولقيت ألف اوتسع ميّةْ جَرِحْ بيه
أشِـــدَّن يـــاجَرِح يـــاجَرْح أخليّه

اوطحنا من وصلناه نصرخ واحسيناه
ـــــــــــ
والأعــــــظــم عـلـيـهـا مــن حَـرِقْ لخيام
بـــعـــد عــــيــن الكفيل اوضيعة الأيتام
بـفـقـد احـسـيـن أخوها اتصوّبت بسهام
اوعـلــى التلّ اوقفت منها القلب منضام

تـصـيــح ابصوت يـايـمّـه تعالي
اوشوفي كربلا اشسوّت ابحالي

ذَبْح اوسَلِبْ شفناه نصرخ واحسيناه
ـــــــــــ

تمت بحمد الله ومنّه في ١٤٤٤/١٢/٢٤
نظم خادم السيدة الزهراء عليها السلام
ياسين جواد العبد الرضا

المستهل والفكره
للوالد جواد علي العبد الرضا حفظه الله



الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_الامام السچاد__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏
ويلي عل سجاد ويلي .. الليله مسموم
  .      🏴
ــــــــــــــــــــــــــــــــــــــــــــــــــــــــ

#جديد  محرم 1440

قصيدة لشهادة الامام زين العابدين عليه السلام…
…… . وزن. الفائزي.. …
.
بعيوني ماشوف الضوه
وبصدري مخنوگ الهوه
تهظمني غربة نينوى.. يابويه يا حسين
.
.____
.
موذكره صارت كربله بل كل حياتي
من عدها  مولد   غربتي. اونايباتي
آنه الوحيد  المادنت  بالطف وفاتي
انظر دماك وتنسبي  عمّتي وخواتي
.
بيش انفعه الافزع اله
وبچفي شدو سنسله
آنه العليل ابكربله.…يا بويه يا حسين
.
.__
.
ماصدگ.  امفارگني.  يا حلو المحاچي
رحت وشفت دمك جره عالغبره زاچي
ظلت يبويه ابصدري مخنوگه البواچي
سطور خواتي وسلبو منهن  تراچي
.
بويه الشـمر شـيرجعه
بخد سكنه ظل طبع اصبعه
امچتف وگلبي نعى…يا بويه يا حسين
.
.__
.
غيمة  نبل كل  كربله  ماصابت  اعضاي
وبروحي جمرات الهظم اتچوي بحشاي
ركضت  رقيه  المنحرك  من جابو الماي
تلگاها   يابويه  الشمر   اوشدها   وياي
.
رمده انذبح منها النظر
عالشوكه تسحگ والحجر
والحادي گام يجرها جر ..يابويه  ياحسين
.
.____
.
عيني  على  عينك تصد تنظر ضوانه
لمن  گصد   للمشرعه   حامي  حمانه
مادامه   مرفوع  اللوه  أحنه.  بأمانه
من طاحت الرايه گلت ذبحو  هوانه
.
اتشگگ ابريتي النفس
عمي على صدره انرفس
اوعظمه بالگاع انغرس ..يابويه  ياحسين
.
.____
.
صاح    الشمر  زينب  اريد   اتسلبوها
بت فاطمه اعله الضلع حيل اضربوها
طلعت  عليهم  عمّتي  وما  واجهوها
ذبو    حقدهم.   بالخيام.  وأحرگوها
.
بت فاطمه ماتنولي
ما تنحني لبوة علي
صارت دليل وعين الي .. يابو ياحسين




وصلت. دموعي.للدفن  اوعندي.  ذكره
جسمك اشوفه بالترب وذره اعله وذره
خنصر يمينك ما وجدته  وگمت. ادوره
من  الحوافر  ما  سلم. بعظامه  حفره
.
يابويه دمك منسفح 
بــ  1900  جرح
خيل وحجر نبل ورمح .. يابويه ياحسين
.
____
.
لا تنسوني ووالدي من فضل دعائكم المبارك
.

حسن الموالي الفاطمي
.
.

      
.
2018/9/28

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الامام الحسن_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴الى البقيع أبعث سلامي كل يوم
الى متــى يظل ضريحهَ مهدوم 🏴
*
ــــــــــــــــــــــــــــــــــــــــــــــــــــــــ

#جديد_صفر _١٤٤٤هـ

شهادة الإمام الحسن عليه السلام
نظمت في ١٤٤٤/٢/١هـ

صاحت أم عباس والضلع محني
آه لمصابك يالحسن يابني

يَمَّه طاحت بالحنين
وعظّمت أجر الحسين
****
اتعنّت الدار الإمامه ابهمها أمّ الأربعه
تسحب أذيال المصيبه وسمعت الناعي نعه
وشافت أبواب النوايب في دربها امشرّعه
جيّت الأم الولدها جات إله ابهالفاجعه

وقفت اعلى الباب إلهم تنادي
هذا أعز عندي ترى امن أولادي

شالجرى ببن الأمين ؟
وعظّمت أجر الحسين
****
دخلت أم لبنين داره اتشوف شنهي حالته
شافته امسجّى بفراشه وفت قلبها شوفته
وعاينت كل أهل بيته بالمناحه حاطته
ونّت ابونّه شديده حين سمعت ونّته

بالله خلّوني اتفقّد اوليدي
حاله خلاّني أصفق ابإيدي

روحي تفداه والبنين
وعظّمت أجر الحسين
****
يم ابو محمد بالمها قعدت أم عباس
مرّه يغشى اعليه او مرّه يفيق ابوالنوماس
منخطف لونك تقله آه ياراعي الباس
قلها يايمّه سقوني سمهم الأرجاس

ها يادهر الشوم لاتدق بابي
لاتصوّبني باوّل أحبابي

خل إلي هالسلوتين
وعظّمت أجر الحسين
****
ساعه وامن أمّ البنين ارتفعت الأنّه
الذي سمّك إمامي بالحقد سمنه
امصابك الظهر الإمامه يالسبط أحنه
اويا العرش صرخته لجلك إعتلت منّه

ويلي يامولاي لقلبك المنضام
وبالجسم شايل واشكثر آلام

سمّ او طعن الظالمين
وعظّمت أجر الحسين
****
بقى ابخدها الدمع يجري فاطمه عنده
صرخت ياشدّه المثلها ماتمر شدّه
بالطشت حين اللّي شافت قطع من چبده
منظره يشده البالي وللحشى ايمرده

ضاقت أنفاسك يابوالحنيّه
وعالسما عيني ظلّت اربيّه

أشكوا فعل الحاقدين
وعظّمت أجر الحسين
****
ياوسف قرّب رحيله اوحانت الفرقه
وغمض اعيونه اوتودعه بروح مختنقه
بحضن أم لبنين زينب تنحب ابشهقه
اتقلها راح الحسن خويه يمّه ابحرقه

ولزم ظهر احسين بوالفضل بيده
اوظل ينوح اوياه لفقدة اعضيده

مات عزّ المؤمنين
وعظّمت أجر الحسين
****
الظلم لاحق ياويلي حتى تشييع الإمام
ماكفى تلويعه بالسم منعوا الدفنه اللئام
يم قبر جدّه اوتعالت صرخه ضد الإهتضام
ليش أبو محمد تصوّب نعشه ياقوم ابسهام ؟

وشافت أم لبنين أمّه الزهره
وراحت اوياها تجذب الحسره

واعلى قبره نادبين
وعظّمت أجر الحسين
****

تمت بحمد الله ومنّه
في 1444/2/5هـ

نظم خادم السيدة الزهراء عليها السلام
ياسين جواد العبد الرضا


#جديد_صفر _١٤٤٤هـ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الامام الحسن_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴الى البقيع أبعث سلامي كل يوم
الى متــى يظل ضريحهَ مهدوم 🏴
*
ــــــــــــــــــــــــــــــــــــــــــــــــــــــــ
#جديد_صفر_١٤٤٣هـ

نخوه بالإمام الحسن عليه السلام
نظمت في ٣٠ محرم ١٤٤٣هـ

نخوه نخوه سيّدي يالمجتبى
@@@@@
إنت مأوى اقلوبنا او إلنا وطن
شما تضيج اعلينه وتزيد المحن
ادخليك انّادي يامولانه الحسن
يا إمامي ورابع أصحاب العبا
@@@@@
مايخيب الچان بسمك مقصده
ومايظل حيران وانته سيّده
ومايرد المد على بابك يده
إلاّ بالحاجات يابن النجبا
@@@@@
يامجيب المضطر وغوث الغريب
حين ندعوا الباري ابأمّن يُجيب
للعلل إنته يابو محمد طبيب
اوكلمن ايطلبك تحقق مطلبه
@@@@@
بيك لذنه يا ملاذ اللائذين
ابيا وجيهاً يالحسن متوسلين
إشفع إلنا يا شفيع المؤمنين
بمّك الزهره اللّي بيك امصوّبه
@@@@@
يالحسن نقسم ابجاه امصيبتك
نريد نوصل لك ونلثم تربتك
للزياره تدري حنّت شيعتك
وابصدرها جمرتك متلاهبه
@@@@@
ياوسيلتنا وياحصن الله المنيع
أمنيه عدنه يابن طه الشفيع
بالمواكب ندخل الأرض البقيع
بالنياحه والدموع الساچبه
@@@@@
يمتى قبرك نعتني مشايّه
وننصب ابصحن البقيع اقرايه
ويا هلا ابزوّارك اترف رايه
خادم او مشّاي اوناعي اترحبه
@@@@@
ويمتى شباك اومناير لك نشوف
وعالقبور الأربعه ابلهفه نطوف
وابمضيفك سفره تمتد للضيوف
ولا حواجز بعد عنّك حاجبه
@@@@@

تمت بحمد الله ومنّه
١٤٤٣/٢/١هـ
نظم خادم السيدة الزهراء عليها السلام
ياسين جواد العبد الرضا


#جديد_صفر_١٤٤٣هـ


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_الاربعينية_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴اربعين  احزاني  _ فاكده  خواني      😭
*
ــــــــــــــــــــــــــــــــــــــــــــــــــــــــ

#جديد #صفر ١٤٤٥ هـ
#قصيدة #يوم #الاربعين.
موشح من التراث الحسيني
(النجفي)
.


بيوم وصـلت زينب لارض الطـفوف
من جر احبال السبي زرگه الچفوف
ونت وبـرض الـذبح گـامت تطــوف
. چن سفينه ومنذبح رُبانها
.
.
وصلت ومن الهوه خدها انصفع
نيـنــوى تـربـانـها بـريـح ارتـفـع
رمـاد مـن خيـامها يمـها انجـمع
شمت بنسم الهوه دخانها
.
.

حسين اخوها الما اجته بدفنته
الـيـوم بـتــربان زينـب  نـظـرته
راسـه يرجع للجـسد من شافته
توجرت من الهظم نيرانها
.
.
.
قبـله زيـــن  الـعـــباد  مـن الـنـحر
لن سـمـع منه حچـي يفت الصخر
يبني وسّدلي رضيعي اعله الصدر
روحي ذابت من بعد وليانها
.
.
.
بالرضـيـع ومنحـره انـواسـي الـرباب
دامي شافت  ثوب ابنها اعله التراب
عمـت عـيني عالــذي ضاگ الحـراب
بمنحره أسهام الغدر نيشانها
.
.
.
عـلي الاكبر يشــخب بـدم الـوريد
رجـع راســه وانـدفن يـم العـــميد
نواسي ليله الليله بجروح الشهيد
لملمت گبر الولد بحضانها
.
.
.
عن علي الاكـبر تـسولف كربله
عـن غضـنفر عالنـوايب اعتله
بالمنـايه يقـرا سـيـــفه الـزلزله
ضربته مايختلف ميزانها
.
.
.
نواسي رمله بجاسم ودم هامته
يفــدي عـمـه بكـربــلائه نـــذرته
خذت من منزف وريـده وحنته
زفته للمذبحه بميدانها
.
.
.
مشت زينـب گاصدـه گبر الكـفيل
يم اخـوها اليعـدل الـناگه التميل
وصلته وجمر الدمع عالخد يسيل
غدت تندب عالجره بعنوانها
.
.
.
گبل لا راس الكـفــاله اتـرجعه
بعينـه سهم بهيده عمه طلعه
نبلته عين ابـن ابوي امگطعه
لجله رجت السمه باركانها
.
.
.
وصـلو الاصحـابه والمنــظر رهيـب
فاح عطر المسك من جون التريب
رجــعو روس الاشــاوس وحبــيب
شيخ اصحابه وچبير اعيانها
.
.
.
زينب بأرض الحـزن نصبت عزاء
عالحـسين الي انذبح في كربلاء
واجـب اعليـنه نـرد الـها الـوفاء
بكل زمان وننحب القرانها
.
.
.
حسن الموالي الفاطمي





.

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

#جديد_محرم_١٤٤٦هـ
#الخروج_من_المدينة_المنورة

وداع الإمام الحسين عليه السلام
لقبر جده المصطفى صل الله عليه وآله وسلم



جَـدِّي قَــالْ إِذْ يَنْوِي الرَحِيلاَ الرَحِيلاَ الرَحِيلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
خــــدّي عـلـى قبر النبي وادموعي تجري
حـــان الوداع اوجيت إله ابهمّي اوصبري
اعليّه العدا جـــارت اومنها ضاق صدري
وادعي واصلّي عنده حتّى اطلوع فجري

يَاجَدَّاهْ خُـذْ نَـوْحِـي طَـوِيـلاَ طَـوِيلاَ طَـوِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اوعند الفجر لن هوّمت من عندي العين
وجــانــي النبي اوياه الملايك والنبيّين
ونـــادى ثلاثاً يـاحبيبي يابني يــحسين
او أشّر إلي اوضمني إلى صدره بليدين

فِي لُقْيَاهْ صَارَ جِسْمِي نَحِيلاَ نَـحِـيلاَ نَـحِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
مــــنّـــه تــعــالــت ونّـتـه واتعاله ونّي
ابـلـهـفـه شبقته اوبـالألم لـيّـه شبقني
اونــاديـتـه يـاجـد للقبر ويّاك إخذني
ابحضنك أنا هاليوم وباچر من يلمني

بُــعْــدٌ آهْ قَــدْ كَـــانَ ثَــقِـيلاَ ثَــقِـيـلاَ ثَــقِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
يـابـنـي تــرى في كربله مرسوم رسمك
اوخـلــنـي قبل لاتروح ياوليدي أشمّك
عــجّـل قدومك والدك مشتاق او أمّك
ليك او أخوك المجتبى وكل همنا همّك

وَاشَــوْقَــاهْ إِلْـحَـقْـنَا عَـجُولاَ عَـجُولاَ عَـجُـولاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
أذكــر لـك اليجري ابسفركم منّ الأقدار
عـطشانه أطــفــالــك ولا ترحمها لشرار
اوتبقى وحيد ابــلا مناصر بعد الأنصار
اوظهرك يكسره طيحة الكافل المغوار

إِذْ تَلْقَاهْ فِـي الـطَـفِّ جَـدِيـلاَ جَـدِيـلاَ جَـدِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اوتفجعنا يـابني طيحتك محتار بامرك
ضـامـي ولاتُـروَى اوكَثْرَه اسهام صدرك
اوشـمر الخنا ابسيفه يحز أوداج نحرك
اوبِـدْمَــاكْ يـرجـع للمخيّم خـالـي مُهْرَك

والأصْوَاتْ قَدْ بُحَّتْ عَـوِيـلاَ عَــوِيـلاَ عَــوِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اورحـت الأهل بيتي بعد خير البريّه
أروي مــنـامـي والّـذي يـجـري عليّه
اونــادو بعد ماسمعو أهـوال الرزيّه
آه الـمـــصــابـك ياغريب الغاضريّه

قَـهْــراً سَـارْ مَـنْ كَانَ عَــلِيـلاَ عَـلِـيـلاَ عَــلِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ


تمت بحمد الله ومنّه ١٤٤٥/١١/٢٣هـ
نظم خادم السيدة الزهراء عليها السلام
ياسين جواد العبد الرضا


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


#جديد_محرم_١٤٤٦هـ
#ياتراب_المقتل_


ياتراب شالجرى بحال الحسين
ياتراب مـن وقــع فوقك طعين
عـالظهر لــو عالسهام
دامي بجروحه الإمام
ياتراب ياتراب
ــــــــــــــــــــــ
أنـــا اتــــراب الـفـاجـعـه يــاشيعته
ولكـم أشرح شالحصل فـــي حالته
مـن جراحاته اكـــثـرت بيه وادمته
وصوّبه ابْخَاصِرْتَه طاغي ابطعنته

من المُهُرْ يـنـزف وكـل عزمه راح
من المُهُرْ عالوجه بحضاني طاح

وبـــدت سـاعــة إنتقام
دامـي بـجـروحه الإمام
ياتراب ياتراب
ــــــــــــــــــــــ
لــمّــن اعــلـيّـــه هـــوى ابـن البتول
صارت اتدوسه ابحوافرها الخيول
والعدا مـــن كــل جهه حوله تجول
وظـالم اتعنّه اوشِتَمْ روح الرسول

ابسيفه صاب راس ابن حامي الحمه
ابسيفه صاب وامتله الـبُــرْنُــسْ دمه

والـضـرب أصـبح ركـام
دامـي بـجـروحه الإمام
ياتراب ياتراب
ــــــــــــــــــــــ
اوساده منّي سوّه له ويسعر حشاه
وعـالكتف ليسر عدو بضربه إجاه
والـحُصِيـنْ ابحلقـه يـاشيعه رماه
والغشاوه اعلى البصر هدّت قواه

والسهام جت مثل رش المطر
والسهام صـدره صابت والنحر

مـارحـمــو حـالــه اللئام
دامـي بـجـروحه الإمام
ياتراب ياتراب
ــــــــــــــــــــــ
ظل يعاني امن الضمه واترابي حار
آه يـاشيعه اويـدخل ابجوفه الغُبَار
والهجوم الضربه فوق الضربه صار
بالـعـصـا ولـخـشاب وابنار اوحجار

ومن دماه بـيده خضّب لحيته
ومن دماه الفرس لطّخ هامته

وراح يــصــهــل للخيام
دامـي بـجـروحه الإمام
ياتراب ياتراب
ــــــــــــــــــــــ
واسمَعَت مُهْرَه النسا وبجيته جات
الظليمه ايصيح وطلعت صارخات
واعلى خــدهـــا بعد عزها لاطمات
واحـــسيــناً واحـــسيـــناً معولات

ولن تشوف يفحص ابرجله الطهر
ولن تشوف شمر جــالـس عالصدر

وصـبـح مبحوح الكلام
دامـي بـجـروحه الإمام
ياتراب ياتراب
ــــــــــــــــــــــ
بيده قــابـض شيبته وزينب تراه
ويم خواته صار ايذبحه من قفاه
واثنعش طبره اطبره وفجّر دماه
وَيَّــا كِــلْ قَطْعَتْ عِرِقْ تتعالى آه

من الجسد راسـه ياشيعه افصله
من الجسد ابرمحه شافوه اعتله

بـكــل أُفُــقْ عَمّ الظَلام
دامـي بـجـروحه الإمام
ياتراب ياتراب
ــــــــــــــــــــــ
وفِـزْعَـتْ السلبه العصابه المجرمه
اورضّته واتــزلــزلـت أرض اوسما
انـفصلت الأعضاء وكلها امحطّمه
واختلط لــحـم وعـظـم بيّه ودمه

وآنه أشوف اچفوفه منّه امقطّعه
وآنه أشوف وانفـجـعت ابمصرعه

اعــلـيـه صرت أقره السلام
دامـــي بـــجـــروحـه الإمام
ياتراب ياتراب
ــــــــــــــــــــــ



تمت بحمد الله ومنّه ١٤٤٥/١٢/١١هـ
نظم خادم السيدة الزهراء عليها السلام
ياسين جواد العبد الرضا

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__مسلم. بن عقيل_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

#جديد_محرم_١٤٤٦هـ
#مصائب_بعد_المقتل_وليلة_١١

مــابــيــن النـحــر وحـرقة لخيام
تـشـرح كـم صور صـرخـة لايتام

دمعة كل طفل وينك بوالفضل
بحرقة لخيام
ـــــــــــ
أنـــا السجاد يـــاعمّي بجسد لنحيل
اشما أذكر إلـك ينزف دمه التفصيل
المـــا رايـــح ذبـــح منا شَرَدْ بالويل
وكم أطفال سحقوها بهجوم الخيل

بـنـتـيــن الحسن وبت مسلم آه
كم صدر انسحن بالطف شفناه

عن هذا الحصل وينك بوالفضل
بحرقة لخيام
ـــــــــــ
بـــالــحومه النسا طلعت بألمها تحوم
وبسياط اقصدت إلها وعصيها القوم
يـــضربوها ويـــخلّوها بوضع ميشوم
تـــنـــخّـــي ومـا أحد إلها فزع ويقوم

مذهول الفكر شناوين اعداي
مـدري بالأسر لــوقـتـل ابهاي

إدركنا ابعجل وينك بوالفضل
بحرقة لخيام
ـــــــــــ
چـــنـــت بـــالـخيمه أتلوّه بچبد ملهوب
من اوجاعي على وجهي صرت مكبوب
وابساطي مـــن اخوّلي بحقد مسحوب
وزيـــنـــب عــايــنــت ليّه وأنا مضروب

واعـدايـه نوت ياعم ذبحتي
جتني ودافعت عـنّـي عـمّـتي

صاحت بالوجل وينك بوالفضل
بحرقة لخيام
ـــــــــــ
بـعد سلب ونهب قصدو لنا الأشرار
وْبِخْيَمْنَه يـاحــامينه اشعلوها النار
صاحت شالبصر زينب إلي بـالصار
عـلـــيـكـم بــالـفـرار إلها قلت بعبار

ريـتـك بالفلا اتعاين لاحوال
حايطها البلا بشَمْتَتْ لانذال

صارت يانفل وينك بوالفضل
بحرقة لخيام
ـــــــــــ
حـــــارت زينب وتصفق عـلـى الچفّين
اعـلـى باب الخيمه تتلفّت يسار ايمين
وأنـــا النيران حاطتني اوإجت بونين
ومن بين اللهب سحبتني إخت حسين

والبـال اندهش بـهـاي الأهوال
وبليل احدعش شيصير الحال

يالظل منجدل وينك بوالفضل
بحرقة لخيام
ـــــــــــ
صـــــارت للحرم خيمه بــــعــد لطناب
تشاقف كــل ضرب عنهم من السلاّب
ظهرها اسود يابوالغيره وقلبها شاب
وصـرنا اعلى الترب نقعد بعد لحباب

وجمعت للحرم ياراعي الباس
وزينب من يلم غــيـرك عباس

وايشيل الحمل وينك بوالفضل
بحرقة لخيام
ـــــــــــ
اليضيع اتــدوّره الـحـرّه وهي حرمه
وتـــنــادي كـلـمن اتفقده عليه بسمه
طـــفـلـين افــقــــدت واتعنّت ابهمّه
أخـــو مـــاخـذ أخوه لحضنه ويلمّه

بـهــالـيـوم الوَحِشْ صـوّبـنـا البين
من خوف اوعطش ماتو الطفلين

ياعمري الذِبَل وينك بوالفضل
بحرقة لخيام
ـــــــــــ


تمت بحمد الله ومنّه ١٤٤٥/١٢/٢٩هـ
نظم خادم السيدة الزهراء عليها السلام
ياسين جواد العبد الرضا


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__ الامام العباس_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



#جديد_محرم_١٤٤٦هـ  
#٧_محرم

نـــاح الـعـمـود بـخيمة العباس هاليوم
حين اللّي ودّع بوالفضل خيّه المظلوم

فقدك كسرني         تـرجع لي يمته
خيّـك ياركني          تـجـري دمعته
ـــــــــــ
آنـه العمود اللّي بوسط خيمة بوفاضل
شـــفـــت الشهيد بفرقته عـزمـه تمايل

كـل خـيمه كـان إلـهـا ضوه
ولامّ الـــخــدر نسـمـة هوه
ساقي العطاشى

لـيـهـم أمـــان ولاكــــدر بالعيله يسري
لـوما إجه مدري ترى اعليهم اشيجري

بُـعْــــدَك هضمني       طـالت رَجِعْتَه
خــيّـــك يــاركني       تـجـري دمعته
ـــــــــــ
هذا اللي كان اعلى الحرم كاسيهم إحساس
تـمـنّــيـت مــاأسمع وقـــع بــالحومه عباس

لمّـن أبوا الأكبر رجـع
مــن خيمته ليّا اقتلع
تزلزل كيانه

ينادي انكسر ظهري ابعجل ياخَيْتِي حضري
بـهـاي الــرزيّه عــالـســبــط مـشــدوه فكري

مـتـعـالي ونّي          ويّـا صَـرِخْـتَه
خيّـك ياركني          تـجـري دمعته
ـــــــــــ
زينب إجـت تسأل بـعـد ماذبني لحسين
ويـــن اللّذي مـظـلّـل علينه يالأخو ويـن

وحدك لفيت اعلى الخيم
چـــاويـنـه شـــيّـال العلم
ماجبته ويّاك

قال إلها عفته اعلى النهر مطروح ذخري
قــالــت أجــل في سلوتي صوّبني دهري

حَـچْـيَـه فـجعـني        حـيـن السمعته
خــيّـــك يــاركني        تــجـري دمعته
ـــــــــــ
نادت بعد ما أيّست بالحسره والخوف
كبش الكتيبه لــورحل بغيابه شنشوف

صار إلها يروي امصيبته
قــطــعـو يمينه ويسرته
وحيلي تبدد

بعينه نـــبــت سهم العدا ودمومه تجري
صــرخـــت بـلمـها معوله آه اعلى خدري

بــحـسـره تركني        تـلـهـب جَمِرْتَه
خـيّـــك يــاركني        تـجـري دمعته
ـــــــــــ
فوق الأرض دامي بقى وبنفسه ايجود
وحسين شــافــه يعتفر وبصدره الجود

ويّا أخـــــــــوه بــمـوادعه
بهمّي صحت له ابمصرعه
بوداعة الله

وناده اعلى زينب فارقت روحه اعلى حجري
واخـلافــه طـــاحــــت خيمته وانهدم صبري

للــعـلــم حـــزني          الطاح وتركته
خـــيّـــك ياركني          تـجـري دمعته
ـــــــــــ


تمت بحمدالله ومنّه 1\1\1446هـ
نظم خادم السيدة الزهراء عليها السلام
ياسين جواد العبد الرضا
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ#جديد الليالي الفاطميه
… الروايه الأولى..
موشح بطريقة التراث
(الحسيني النجفي)
.

.
.
محكمه وسـيف العدل بيها نزل
بالحـشــر مـثـقـال ذره ما يــزل
بيها حاضر  طه وي خير العمل
محكمه بسم الطهر موصوفه

ـــــــــــــــــ ❁ ❁ ❁ ـــــــــــــــــ

دخلت وصوت الملك بيها نعلن
طـأطـؤا فـقد أتـت أمُ الحـسـن
تطلب بثـار الـنـوايب والمــحن
للعداله ام الحزن ملهوفه

ـــــــــــــــــ ❁ ❁ ❁ ـــــــــــــــــ

نـاده رب العــزّه وأعلـن كلـمته
گلـها ثار الـ طه ردتـي وغـربته
لو نزيف المرتضى بشج هامته
لو لجل چبد الحسن وطيوفه

ـــــــــــــــــ ❁ ❁ ❁ ـــــــــــــــــ

منـفـتــح كــل الــوقت يافـاطمه
خلي نبدي بكـربله ونــزف الدمه
بالحسين الفطّر اشـــفافه الظمى
بغربته وكل الجره بطفوفه

ـــــــــــــــــ ❁ ❁ ❁ ـــــــــــــــــ

نعطف الحرگ الخيم يوم البله
والصَفع خـد كـل يتيمه بكربله
والـرقـيه الـگيــدوها بسـنسـله
ويه زينب بالسبي مچتوفه

ـــــــــــــــــ ❁ ❁ ❁ ـــــــــــــــــ

محكمـه ومنعدها لا محد  يفـر
جبنه اصحاب السقيفه يالطهر
حرمله وكل النواصب والشمر
لامفر بيها العدى مرصوفه

ـــــــــــــــــ ❁ ❁ ❁ ـــــــــــــــــ

تگله لا يـاربـي مـا اطـلب الــي
ولا أبي ولا كل بنيني ولا علي
ثار الي بي كل همومي تنجلي
بي تطالب دمعتي المذروفه

ـــــــــــــــــ ❁ ❁ ❁ ـــــــــــــــــ

سكتت وصوت الدمع منها نطق
فاطمه ويوم الحشر بيها انطرق
قدمـت للمحكمه چفــوف بطبق
مخضبه الحامي الضعن معروفه

ـــــــــــــــــ ❁ ❁ ❁ ـــــــــــــــــ

ثار ابو فاضل ردت گبل الضلع
بيا ذنب چفـينه ربـي تنگـــطع
طاحن  وينــظر أخيته تنصفع
تنسبي وعينه تصد لسيوفه

ـــــــــــــــــ ❁ ❁ ❁ ـــــــــــــــــ

أبني عـباس ودمـوعـــي الـربته
نـشـمي وفـه يـا الـهي الخـــوته
عالنهر رمح العطـش طر چبدته
ثاري يبدي من نزيف چفوفه

ـــــــــــــــــ ❁ ❁ ❁ ـــــــــــــــــ

حسن الموالي الفاطمي
.



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

#جديد الليالي الفاطميه
… الروايه الأولى..
موشح بطريقة التراث
(الحسيني النجفي)
.

.
.
محكمه وسـيف العدل بيها نزل
بالحـشــر مـثـقـال ذره ما يــزل
بيها حاضر  طه وي خير العمل
محكمه بسم الطهر موصوفه

ـــــــــــــــــ ❁ ❁ ❁ ـــــــــــــــــ

دخلت وصوت الملك بيها نعلن
طـأطـؤا فـقد أتـت أمُ الحـسـن
تطلب بثـار الـنـوايب والمــحن
للعداله ام الحزن ملهوفه

ـــــــــــــــــ ❁ ❁ ❁ ـــــــــــــــــ

نـاده رب العــزّه وأعلـن كلـمته
گلـها ثار الـ طه ردتـي وغـربته
لو نزيف المرتضى بشج هامته
لو لجل چبد الحسن وطيوفه

ـــــــــــــــــ ❁ ❁ ❁ ـــــــــــــــــ

منـفـتــح كــل الــوقت يافـاطمه
خلي نبدي بكـربله ونــزف الدمه
بالحسين الفطّر اشـــفافه الظمى
بغربته وكل الجره بطفوفه

ـــــــــــــــــ ❁ ❁ ❁ ـــــــــــــــــ

نعطف الحرگ الخيم يوم البله
والصَفع خـد كـل يتيمه بكربله
والـرقـيه الـگيــدوها بسـنسـله
ويه زينب بالسبي مچتوفه

ـــــــــــــــــ ❁ ❁ ❁ ـــــــــــــــــ

محكمـه ومنعدها لا محد  يفـر
جبنه اصحاب السقيفه يالطهر
حرمله وكل النواصب والشمر
لامفر بيها العدى مرصوفه

ـــــــــــــــــ ❁ ❁ ❁ ـــــــــــــــــ

تگله لا يـاربـي مـا اطـلب الــي
ولا أبي ولا كل بنيني ولا علي
ثار الي بي كل همومي تنجلي
بي تطالب دمعتي المذروفه

ـــــــــــــــــ ❁ ❁ ❁ ـــــــــــــــــ

سكتت وصوت الدمع منها نطق
فاطمه ويوم الحشر بيها انطرق
قدمـت للمحكمه چفــوف بطبق
مخضبه الحامي الضعن معروفه

ـــــــــــــــــ ❁ ❁ ❁ ـــــــــــــــــ

ثار ابو فاضل ردت گبل الضلع
بيا ذنب چفـينه ربـي تنگـــطع
طاحن  وينــظر أخيته تنصفع
تنسبي وعينه تصد لسيوفه

ـــــــــــــــــ ❁ ❁ ❁ ـــــــــــــــــ

أبني عـباس ودمـوعـــي الـربته
نـشـمي وفـه يـا الـهي الخـــوته
عالنهر رمح العطـش طر چبدته
ثاري يبدي من نزيف چفوفه

ـــــــــــــــــ ❁ ❁ ❁ ـــــــــــــــــ

حسن الموالي الفاطمي
.

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ

#جديد الليالي الفاطميه
… الروايه الأولى..
موشح بطريقة التراث
(الحسيني النجفي)
.

.
.
محكمه وسـيف العدل بيها نزل
بالحـشــر مـثـقـال ذره ما يــزل
بيها حاضر  طه وي خير العمل
محكمه بسم الطهر موصوفه

ـــــــــــــــــ ❁ ❁ ❁ ـــــــــــــــــ

دخلت وصوت الملك بيها نعلن
طـأطـؤا فـقد أتـت أمُ الحـسـن
تطلب بثـار الـنـوايب والمــحن
للعداله ام الحزن ملهوفه

ـــــــــــــــــ ❁ ❁ ❁ ـــــــــــــــــ

نـاده رب العــزّه وأعلـن كلـمته
گلـها ثار الـ طه ردتـي وغـربته
لو نزيف المرتضى بشج هامته
لو لجل چبد الحسن وطيوفه

ـــــــــــــــــ ❁ ❁ ❁ ـــــــــــــــــ

منـفـتــح كــل الــوقت يافـاطمه
خلي نبدي بكـربله ونــزف الدمه
بالحسين الفطّر اشـــفافه الظمى
بغربته وكل الجره بطفوفه

ـــــــــــــــــ ❁ ❁ ❁ ـــــــــــــــــ

نعطف الحرگ الخيم يوم البله
والصَفع خـد كـل يتيمه بكربله
والـرقـيه الـگيــدوها بسـنسـله
ويه زينب بالسبي مچتوفه

ـــــــــــــــــ ❁ ❁ ❁ ـــــــــــــــــ

محكمـه ومنعدها لا محد  يفـر
جبنه اصحاب السقيفه يالطهر
حرمله وكل النواصب والشمر
لامفر بيها العدى مرصوفه

ـــــــــــــــــ ❁ ❁ ❁ ـــــــــــــــــ

تگله لا يـاربـي مـا اطـلب الــي
ولا أبي ولا كل بنيني ولا علي
ثار الي بي كل همومي تنجلي
بي تطالب دمعتي المذروفه

ـــــــــــــــــ ❁ ❁ ❁ ـــــــــــــــــ

سكتت وصوت الدمع منها نطق
فاطمه ويوم الحشر بيها انطرق
قدمـت للمحكمه چفــوف بطبق
مخضبه الحامي الضعن معروفه

ـــــــــــــــــ ❁ ❁ ❁ ـــــــــــــــــ

ثار ابو فاضل ردت گبل الضلع
بيا ذنب چفـينه ربـي تنگـــطع
طاحن  وينــظر أخيته تنصفع
تنسبي وعينه تصد لسيوفه

ـــــــــــــــــ ❁ ❁ ❁ ـــــــــــــــــ

أبني عـباس ودمـوعـــي الـربته
نـشـمي وفـه يـا الـهي الخـــوته
عالنهر رمح العطـش طر چبدته
ثاري يبدي من نزيف چفوفه

ـــــــــــــــــ ❁ ❁ ❁ ـــــــــــــــــ

حسن الموالي الفاطمي
.

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA