#مجموعة_نواعي
#لعزيزة_الحسين_الطفلة_رقية

#التغريد_الحزين (تخاطب والدها)
رقية اعزيزتك يحسين..يبوية اصيح اريدنك
افتح عينك انظرلي..روحي اشتاگت لحظنك
ولوني اعداك يابوية..ومشَوني غصب عنك
الشمر سوطه آذاني
وتدري جَرحوا ذاني
و هم فراگك اعماني
اصيحك لو يضربوني..وتهمل دم دمع عينك
❂❂...❂❂...❂❂...❂❂...❂❂...❂❂
#يقرأ (حدي حجاز خليجي اول او ثاني)

{تخاطب عمتها زينب}

يا عمة سمعيني
لو متت غسليني
الجروح تاذيني...من سياط هاي الگوم

جيبيلي راس حسين
اشمه و اهيم العين
وعگبه اريد البين..ع الراس اموت اليوم

{العليل يكلم عمته زينب}

يا عمة شيليها
ياويلي اعليها
شافته واليها...ماحملت المنظر

خلينـي ادفنـها
ويلي بصغر سنها
غاب الابو عنها...عگبه اشبعد تنطر
❂❂...❂❂...❂❂...❂❂...❂❂...❂❂
#لحن_الفراق
(حوار بين قمرالعشيرة والطفلة رقية)

*لسان حال السيدة رقية*
عمي عباس..گوم حامينة انولينة
عمي عباس..التمت اعداكم علينة
عمي عباس..من عگبكم انسبينة

*جواب ابا الفضل*
يارقية..اعذريني السهم بالعين
يارقية..ماگمت مگطوع ﭼـفين
يارقية..ايعز علية من تحشمين
✪✪...✪✪...✪✪...✪✪...✪✪...✪✪
#لحن_الخظيب

يـا رقيـة..يـا رقيـة..يـا رقيـة آه
يـا رقيـة..يـا رقيـة..يـا رقيـة آه

طفلت ولينة شاهدت راس الولي ابوها
شافت هضم من الكفر بسياط يضربوها
عگب الگمر عگب الأبو شَتموها سلبوها
برض الغرب تمشي الخدر أذوها لوعوها

يـا رقيـة..يـا رقيـة..يـا رقيـة آه
يـا رقيـة..يـا رقيـة..يـا رقيـة آه

❂❂...❂❂...❂❂...❂❂...❂❂...❂❂
#فائزي_بحراني

يحسين عگبك مابطل نوحي وونيني
خلصت حياتي وياك وايامي وسنيني
لو ابـﭼـي انـة اعليك اعداكم تجيني
سوط الشمر خله الاثر واشگف بيديني
❂❂...❂❂...❂❂...❂❂...❂❂...❂❂
#عاشوري_گرناوي_عكراوي واطوار اخرﯼ

يـا بوية فگدك صوباني و عماني
ترﭼـيتي گطعها الشمرجَرح أذاني
من الضرب اصرخ واصيحن آلماني
وراسـك ع الـرمـح تنظـر عليـة...

للشـام ارحلـت وي گـوم الارجاس
تنظرنة هالناس الغرب ماعدهم احساس
تالي اطلعت روحي ومتت عالراس
واحسيناه من صحت جتني المنية...
❂❂...❂❂...❂❂...❂❂...❂❂...❂❂
تــمــت بــعــون اللــہ
14/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
⬅️للأستفسار.. ع المعرف التالي👇👇
┏━━━🍃🌸🍃━━━┓
@DoaaAlamri
┗━━━🍃🌸🍃━━━┛
▁▁▁▁▁▁▁▁▁▁▁▁▁▁▁▁▁▁▁▁
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

#نعي_لكريم_اهل_البيت

#طور شيخ زمان الحسناوي
{ *يم الولد راح الولد* }

انـة الحسن انـة الحسن
ﭼـبدي واحشاي اتوذرن
انـة الحسن انـة الحسن
شفت الظلم شفت المحن
انـة الحسن انـة الحسن
ماخلوني يم جدي اندفن
انـة الحسن انـة الحسن
والله دولبنـي هـالـزمن
انـة الحسن انـة الحسن
عگب الأبو مصايب سِدَن
انـة الحسن انـة الحسن
❆❆❆❆◐◐◐◐❆❆❆❆◐◐◐◐❆❆❆❆
#طور_سامحيني
{ *لسان حاله يبث شكواه لآمه الزهراء* }

يمة زهرة_جعدة سَمتني وبعـدهـا لوعوني
يمة زهرة_الكفر بسهامهم ابنعشي اضربوني
يمة زهرة_فوگ آلـم ﭼـبدي ييمة صوبوني
يمة زهرة_حسين ظل وحده عليه تهمي عيوني

{ *جـواب مولاتنا الزهراء* }
حسن يمة_جيت عندك الطم الراس بأيدية
حسن يمة_رحم ماعدهم ييمة ارجاس امية
حسن يمة_لسة ماطاب الجـرح والآلـم بية
حسن يمة_امصابك اذاني وزاد الهـم العلية
❆❆❆❆◐◐◐◐❆❆❆❆◐◐◐◐❆❆❆❆
#فائزي
{ *لسان حال سيدتنا زينب* }

بالطشت جابوا ﭼـبدتك ويلي يالحنين
دنـوا الطشت لاتنظـره ايگلهم احسين
يـا خويـة گلي بهـالسفـر اتريـد لاوين
نـار الگلب بية تشب ودم تهمل العين
❆❆❆❆◐◐◐◐❆❆❆❆◐◐◐◐❆❆❆❆
#يقرأ_مجرد_او_عاشوري وغيرها من الاطوار الشعبية

{ *لسان حال الأمام الحسين* }

افتحلي عينك يالحسن حاﭼـيني
نـارك لهيبـة بـالگلب تـﭼـويني
فگدك صعب مااحمله تدريني
تخليني وحيـد ومنهـو اليـة...

سَـمتـه اجعيدة وگضى بهـالمسية
الحسن ذابت ﭼـبدته وجته المنية
جبته لعد حظني انظره ابين ادية
هالنومة والله مو الك يبن الزﭼـية
❆❆❆❆◐◐◐◐❆❆❆❆◐◐◐◐❆❆❆❆
تــمــت بــعــون اللــہ
26/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▁▁▁▁▁▁▁▁▁▁▁▁▁▁▁▁▁▁▁▁
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

★•• مجموعة نواعي لأم البنين "ع" ••★

#يُقرأ // نعي گرناوي // وبعدة أطوار النعي الشعبي

لا جاها الگمر لا جاها لحسين
وتتنطر بقت وتهل دمه العين
تصيح الغربيتوا عني لبعيد
وحيدة اصفيت اصفج انة الايدين
شلتوا بالعجل عني يالاحباب
مو گلبي انفطر يولادي نصين
لا جاني خبر لا جاني مرسال
بقيت بحسرتي واجذب بالونين
حسيت بسفركم هذا بي موت
ميردلي الگمر لا زينب اوية حسين
★★~~•~~★★~~•~~★★

// طور الفراق //

غمضت العين.. ويلي يا ويلي عليها
غمضت العين.. اتمنت حسين اليجيها
غمضت العين.. والگمر يسبل أيديها

بحسرة ماتت.. ما نست ذيچ المصايب
بحسرة ماتت.. تنتظر أغلى الحبايب
بحسرة ماتت.. ومنها ظل الگلب ذايب
★★~~•~~★★~~•~~★★

// لحن الخضيب //

آ يحرة .. آ يحرة .. آ يحرة آه //٢

ماتت حزينة والدمع ع الخد بقى يهمي
للباري راحت تشتكي لمصايب التدمي
موجوعة من جور الزمن بسهامه بس يرمي
فگدت بنيها الأربعة البيهم فخر يا ناس

آ يحرة .. آ يحرة .. آ يحرة آه //٢

هالليلة يا شيعة علي نصبوا العزا ليها
تستاهل الدمعة ولطم هالعبرة عّليها
أذكر جرحها اتخيله وحسرة البقت بيها
لشوفت أبنها الربته حسين اللي عدها انفاس

آ يحرة .. آ يحرة .. آ يحرة آه //٢
★★~~•~~★★~~•~~★★

#يُقرأ بـ // طور الجفيري // أو // الحدي السريع // أو بـ طور الشيخ زمان الحسناوي // يم الولد راح الولد //


بس نادي يا أم البنين
هل الدمع وارفع أيدين
حلفها بمصاب الحسين
يمك تحضرك .. بالعجل

تگضي الحوايج ما ترد
يـم بـابها تلگى السعد
مشهودة والله بالشدد
اتحل المسائل .. بالعجل

باب الله والجاها ابتشر
شما صعبت وصرت بعسر
خل گلبك اينادي ابكثر
مولاتي حضري .. بالعجل

بجاهچ يمولاتي نخيت
وبحسرة يم بابچ بچيت
متيقن انـة من أجيت
تنطيني والله .. بالعجل

تـمـت 14/2/2019
✍🏻#ولائـية_وافتـخر (دعاء العامري)
❌لاإجيـز حـذف الأسـم❌
★★~~•~~★★~~•~~★★
الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747