#من_ديوان_دموع_و_عبرة_ج2
قصيدة للسيدة رقية (العقيلة تحيرت)
❥━──➸➽❥❂❥━──➸➽❥❂
شبگت الراس وغفت
        والعقيلة تحيرت
    يا رقيه          يا رقيه
❥━──➸➽❥❂❥━──➸➽❥❂
شبگت الراس الزغيره والدمع منهه يسيل
تگله يالذبحو وريدك فطرو مني الدليل
ليش خلوني يتيمه وما الي غيرك سبيل
ردتك الحضنك تضمني تالي شو راسك اشيل
يا مصيبة انه شفت / والعقلية تحيرت
            يا رقيه             يا رقيه
❥━──➸➽❥❂❥━──➸➽❥❂
يا مصيبه ارقيه شافت راس ابوها يصب دمه
زغيره ما تحمل هظيمه على فراگه مألمه
شمته وصاحت ابوي حسين حزني لملمه
طفله ما تحمل مصابه بگت عالخد لاطمه
صوتها لمن خَفت / والعقيلة تحيرت
       يا رقيه         يا رقيه
❥━──➸➽❥❂❥━──➸➽❥❂
نادت الحره العقيلة عمه نمتي للأبد
جاوباها علي يگلها عمه ماتت ما ترد
ماتت رقيه يعمه خل نوسدها بلحد
تندفن بديار غربه خل نودعها بعد
على قصتها نحت / والعقيلة تحيرت
       يا رقيه        يا رقيه
❥━──➸➽❥❂❥━──➸➽❥❂
ناحت المهظومه زينب والدمع عالخد جره
حيريتيني يعمه وين ادفنچ يا ثره
وبالمجالس گعدونه بعيده عنه المگبره
منين اجيبلچ مغلسه تغسلچ يالطاهره
ريت وي موتچ متت / والعقيلة تحيرت
         يا رقيه     يا رقيه
❥━──➸➽❥❂❥━──➸➽❥❂
منين اجيبلچ مغسله وانه بديار الغرب
والتغسلها الغريبه عليها هاي شگد صعب
والله يمصابچ هدمني وهدم حيلي والگلب
ريتها اخذتني المنيه ولا اشوفچ عالترب
دمعي عالوجنه يكت / والعقيلة تحيرت
             يا رقيه        يا رقيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده رقيه ع وهي تنضر الئ بنات الشام مدللات ....كاني بها تتكلم مع الامام الحسين ع
❥❥❥❥ـــــــــــــ❁❁ـــــــــــــ❥❥❥❥
هنيـــــــــالهن عدهن ابو هنيالهن
يجي المغرب ينشد اعله احوالهن

اه بس انـــه سبيه
بيد گوم بلا حميه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنيالهن عــدهن ابو يتفگد الهن
مدللات العايشـــات ابيت اهلهن
ماحرگ جمر الخيم بويه جدمهن

بس انه نمت بخرابه
وتلجم بذاني الترابه

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بس انه ضلــــيت بنت بلايه والي
ولايجي يوميه ينشد عله احوالي
حالتي بعدك بگت بــس دمع هالي

مادريت بحالي بعدك
يالروحي بگت عندك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
كلي يالهاين عليك شلــونك انته
انه اذا تسئل علـــيه المر جرعته
جروا الترجيه مني ومتت سكته

كل وجع فدوه الك
گلبي بفراگـك هلك

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
بابا من يــــوم الرحت مانمت باليل
اشتاگلك والدمعه تبگه مني اتسيل
من السبي والضرب بويه بايد الحيل

بسوطهم ورموا متني
وانته ابد ماداري عني

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
هنــــيالها العدها ولي ينشد عليها
ولو بـــجت يعيونها يسكت بجيها
بس يروحي بغير والي شلون بيها

يالرحت يمته ترد
مرمر احوالي البعد

هنيـــــــــالهن عدهن ابو هنيالهن
يجي المغرب ينشد اعله احوالهن
❥❥❥❥ـــــــــــــ❁❁ـــــــــــــ❥❥❥❥
للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نوحية للسيدة رقية عليها السلام ( وي ام عون )


وي ام عون الطمي وساعديهه
ماتت بت اخوها ابين اديهه
يالوليان صاحت ... زينب مارتاحت
امصاب اهل الشيم كافي عليهه
ماتت بت اخوها ابين اديهه


فوگ امصابهم هاي المصيبه
طفله وعالنحر ماتت غريبه
گلب ام الحزن ثاجب لهيبه
ابوها اتگول مدري امنين اجيبه
لامفگود لاغايب وليهه
ماتت بت اخوها ابين اديهه


لاغايب واگول حسين غايب
مات وعافني بنص المصايب
گلبي انحيل من ضيم الخرايب
لاوليان عندي ولاحبايب
مطروحه الجنازه اشلون بيهه
ماتت بت اخوها ابين اديهه


مطروحه الجنازه اتريد تشييع
خلت بالگلب ونه ومواجيع
حار اصوابهه ايشيب المراضيع
عالهامات نتلاطم مفاجيع
تبچي وهدمت حيلي ابچيهه
ماتت بت اخوها ابين اديهه


تبچي ولاسكن ونهه ودمعهه
افراگ حسين صوبهه بضلعهه
من بعيد تشچي وماسمعهه
والذباح شتمهه ودفعهه
يشيل السوط كلساع ويجيهه
ماتت بت اخوها ابين اديهه


كلساع وضربهه بسوط حاقد
يلچم راس ابوها الشمر رايد
حيلي وحيلهه امن اليسر بايد
بالميدان حلال الشدايد
عينه امصوبه وماگام ليهه
ماتت بت اخوها ابين اديهه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

# قصيده ثقيله للسيده رقيه بنت الحسين عليه السلام

بـويه العده ضربوني: بـويه العده ضربوني
روحي الهظم گاضيهه
وعيني الدمـع عاميهه
أگعد وشوف أمتوني: بــويه الـعده ضربوني

✿────↻✿...✿↺────✿
يابويه ظل مني الگلب :: بهمومه غرگـان
ميسوره امشي وي العده ::ولگلب خلصان
ناديت. ماتفزع الي. ::: عـالت العــدوان
ميسوره. أظل تاليهه
وعيني الدمع عاميهه
ويسيل دمع اعيوني : بــويه العده ضربوني

✿────↻✿...✿↺────✿
يابويه هضموني العده :: شدو أديه
.ومـن أذني جروها التراجي أل اميه
مشيت ميسوره واهـل..دموع الرزيه
روحي الالم ظل بيهه
وعيني الدمع عاميهه
أخلافك العـده أذونـي. بويه العـده ضربوني

✿────↻✿...✿↺────✿
للشام سرنه بالغصب :: ولحاله صعبه
:نحدي وي اجناب وكفر....ولدمع أصبه
ياهو ليشاهد. حالتي :: ينـلجم گلــبه
بتك حــزن غاطيهه
وعيني الدمع عاميهه
يتيمه بغرب عفتوني. بويه العده ضربوني

✿────↻✿...✿↺────✿
ونيت بحــزان ألگلب ;;أبتالي الليل
يوم الرحت وتغربت. مابــگه اي حيل
تمنيت بويه بشيلتك. أرويحتي أنشيل
روحي بحزن تدريهه
وعيني الدمع عاميهه
من شوفتك حرموني. بويه العده ضربوني

✿────↻✿...✿↺────✿

ظليت أبجي بغربتي.. وذكر حنانك
أشلون تتركني ونه.. العشت بلسانك
اتمنه هالساعه تجي. وغفه بحضانك
شنهي الراح والـيهه
وعيني الدمع عاميهه
ومنك خابت أضنوني. بـويه العده ضربوني
✿────↻✿...✿↺────✿
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لااجيز حذف الأسم
من ديوان مجالس الأتقياء في مأتم كربلاء الجزء الثاني
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#فزاعيه جنوبيه للسيده رقيه عليها السلام
🖊️


كلف يومج رقيه يرهن الحيل

ريت نروح كلنه وياج ونشيل

✦✦•━•━••━•✦🍫✦•━•━•━•✦✦

كلف يومج رقيه وحيــل ياذينه

يعمـه أشلون تــــرحين وتخلينه

وجمرات الهظم ياعمـه تجوينه

((عمه أعليج ضل ملجوم الدليل))

✦✦•━•━••━•✦🍫✦•━•━•━•✦✦

يافگـدج رقيـــــه أيذوب الــروح

مهظــوم الگلب لمصابج أينــوح

نعوفــج بالغـرب أشلـون ونروح

((محتاره يعمه أوهمي أثجيل))

✦✦•━•━••━•✦🍫✦•━•━•━•✦✦

رقيه لشوفتج ياعمه محتامــــه

مالومـه عليـج أوليلي مـانـامــه

صوبني الزمـــان اليوم بسهامــه

((ماخله ولي الحملي أيشيل))

✦✦•━•━••━•✦🍫✦•━•━•━•✦✦

صرت بعد الولي ياعمه ابحيره

بحالي مادره عـباس ابو الغيره

مشيت ميسره من ديره الديره

((أون الفراگهم لوجلجل الليل))

✦✦•━•━••━•✦🍫✦•━•━•━•✦✦

أون لفــراگهم والدمع يــجـري

خــــلاني الدهر محنيه ضـهـري

أونار أغيابهم بـحشاي تســري

(( أبهمي مادرو وهم المداليل))

✦✦•━•━••━•✦🍫✦•━•━•━•✦✦

تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علي المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

*(( هوسات للسيده خوله عليها السلام ))*


يمولاتي عليج يهلن عيوني
ونذگرج دوم يلگلتي اذگروني
لمتونج يخوله فدوه متوني

(( ياخوله متونج مهشومه ))

يمضلومه يبنت المات مضلوم
شگد شفتي حزن مولاتي وهموم
متنچ يلسبيه مچرح ومهشوم

(( من طگ متونج ونيتي ))

بلسوط اللعين مهشم المتنين
تمنيته يشوفج البطل بلعين
ومامگطوعه ضلت عده الجفين

(( يسحك علطگج بچدامه ))

بس معذور عمچ ماسمع بيچ
مايدري العدو بلسوط ياذيچ
ولايدري بسلاسل چتفو اييديچ

(( نايم مايدري البي غيره ))

ليش بعلبك يم الغرب متي
ونيتي وبچيتي بيش هيستي
يمولاتي يخوله شگد تعذبتي

(( ونينه لونتج مولاتي ))



*(( كلمات الشاعره ام عون الحلاويه ))*
⛔ لا أجيز حذف اسم الشاعره
🙏 يرجى احترام الحقوق الاخرين


اطلب منكم تندعولي ان الزهراء تقبل خدمتي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده لمولاتي رقيه عليها السلام




زينـــب والفـــــواطـــم هالمسـيـه
الله ويــاج  صــاحـن  يــا رقــيــه


رقـيه اعليـج والله مـهـدم الحــيل
رحـتي مألـمـه ودم  اذنـج  يســيل
مـاهـود ونيـــنچ  طــــول هــاليــل
جـنــتـي مـدلله  وصــرتـي سبــيـه

مـن شـفتي الطشـت دنگـتي راسچ
ذيـچ السـاعه شنوصف  احسـاسچ
شـبگتي الـرأس ونگطعت انـفـاسچ
عــلى راس الــولـي جَــتـي المـنـيه

عجيـبه اعله الأميره شلون تنضـام
خمـس اسنـين شـافــت كــل الآلام
لــوعـات الطـفـوف وســــبي لشـام 
ورزيــة كـربـــلـه  اعــظــم   رزيـــه

شـفــنـه الضـيم واهـات ومـصـايـب
بــعــد العــز  گـعـدنـه   بـالخــرايـب
هــذا  الـدهــر  راوانـــه  العجـايـــب
وگلبـــچ مــا تـحمــل  هـــل  اذيـــه 

چبيره الفـرگه وانتـي صغـير عمـرچ
يمـن بالشام صـــــار ابــعيـد گــبـرچ
مـالحـــگنـه  يـــا وسـفـــه نخـــبرچ
اشــكي حـالنــــه  الــــرب الـــبريـــه

بــدمـوع الهـظـم صـاحـــت سـكـينـه
خــذاج الــمــوت يـاخيـه مـن اديننـه
يعـــذبــنــه   غـيابـــج  يـالـحنــيـنـه
تـــضــل بگـلـوبنـــه نـــارچ  ســريــه


تمـت بـعـون الله تعالـى
✍️خادمـة الحسين "عليه السلام"
الملـه أم مـجتبـى مـن ميسـان
نسالكـم الدعـاء بتعجيل الفـرج لصاحـب الزمـان( عـج)

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه  بدايتها نعي الرقيه ع

ياهو الافزعه اليوم  ليها
ونحلان مايكدر   وليها
وين اهل الشيم تلحك عليها

نزلت الفزاعيه
وين اهلج   اريدنهم  يحضرون
يعمه وياج   دفانه   يروحون
.............
احشم وين  فزعتكم  يالاحنان
رقيه  هنا  يهلها    تريد دفان
مطروح النعش مابين  عدوان
(ايشيلونه / ايريد احباب )
..............
اريدن فزعت الخوان  كلهم
ماتت  بالخرابه اليوم  بتهم
زينب حايره  ورادت فزعهم
(يحشمونه / البيه الغيره )
............
وين البيه الامروه  وحميه
يشد احزام ويشيع رقيه
بين اجناب نعش الهاشميه
(يعينونه/   الحاير بيها )
...........
ضل محتار بخته زين الاعباد
يالنحلان حيلك  واهلك ابعاد
وين اهلك يعينونك   يسجاد 
(احتارينه  / بضيم  الدنيه)
...........
كضت عالراس وتحير وليها
وزينب صارخه وتصفج بديها
وين  اهل  الشيم تفزع عليها
(يخبرونه / حسين ابته)

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم   من كتاب الجزء السادس المآسي الزينبيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسيده رقيه عليها السلام

تهدم الحيل ونات الزغيرونه

مشتاكه وتحن لحسين وعيونه
،،،،،،،،،،،،،،،،،،،،،،،،.،،،،،،،،

تهدم الحيل نص الليل ونتها
مهظومه وتريد حسين طلبتها
بلله شلون حيره الروح هظمتها
تكول الي يشوف حسين خيعونه
؛؛؛؛؛؛؛؛؛؛؛

تلوج من الالم وتريد واليها
كون يشوف ابوها الصاير عليها
ويعالج اذنها وينشد شبيها
نكله سلبو الترجيه عدوانه
؛؛؛؛؛؛؛؛؛؛؛؛؛
يهد الحيل ونج يابعد روحي
نوحج يا رقيه زيده النوحي
جرحج يالم الدلال وجروحي
ابوج منين اجيبه وروحي محزونه
؛؛؛؛؛؛؛؛؛؛؛؛؛؛؛؛
حالج يارقيه وصاب دلالي
مهظومه وتون بعازت الوالي
من جابو الراس وشفته انه كبالي
مايحمل كلبها الطفله يدرونه
؛؛؛؛؛؛؛؛؛؛؛؛؛؛
مشتاكه لبوها يحض تريده
مكسورةالخاطر ونت. بهيده
جاها راس ابوها وشمت وريده
ماتت عالنحر بته الزغيرونه

أم زينب السعداوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

من ديوان ظليمة زينب الجزء_الثاني


قصيده ثگيله للسيده رقيه "ع"


{يلقليله اسنينج}

***

يلقليله اسنينج
منين اجيب احسينج
شلون اگلج يا رقيه
جسمه ظل بلغاضريه
دولباني اونينج
يلقليله اسنينج

***

ـ
ـــــــــــــــــــــــــــــــــــــــــــــــــ
يلقليله اسنينج شلون احجي وياج
حسين من غصبن تره بالحومه عافاج
ضلوعه كلها امطشره وماكدر ينساج

گلي من گرب مماته
ظمي بتي امن الشماته
كافي عوفي احنينج
يلقليله اسنينج

***

ـــــــــــــــــــــــــــــــــــــــــــــــــ
روح عمتج تنهدم لو صحتي بابا
ما يعود الظل وذر فوگ الترابه
والعده يرقيه گعدونه ابخرابه

بطلي البواچي لا يسمعوچ
وبالراس يا عمّه يلوعوچ
ودمّه يملي احضينج
يلقليله اسنينج

***

ـــــــــــــــــــــــــــــــــــ
بطلي يا عمه البواچي ولا تنوحين
لا يسمعون الاعادي صوت الونين
والطشت دلّالج ايفجعه و تموتين

يبنيتي ما بيّه اعله الهموم
امصايب هلي خلتني ما اگوم
نشفي دمعة عينج
يلقليله اسنينج


***
ـــــــــــــــــــــــــــــــــ

بعد ماتنفع بواچي بطلي النوح
حيل يهضمني ونينج يلجم الروح
شلون لو شفتي الطشت والراس مذبوح

بيج اشيضل لمن تشوفيه
وبس راس ابوج حسين تلگيه

والعده ماذينج
يلقليله سنينج

***

ــــــــــــــــــــــــــــــــــــــــــــــــــ
فوگ ضيم اليسر شفتي افراگ ابوچ
وكل اخوتج والعمام الدللوچ
گلبج احنين بهجرهم عذبوچ

والهجر محد يحمله
ايربي وسط الگلب عله
بنيتي الله يعينج
يلقليله سنينج

***

ـــــــــــــــــــــــــــــــــــــــــــــــــ
باقلام خادمات اهل البيت (عليهم السلام) ✍️✍️✍️ الشاعره رسل الابراهيمي. الشاعره والمله نورس الحلفي. الشاعره والمله رِضاب الاسدي لا نجيز له وغير مبري الذمة من يحذف اسماءنا او يتلاعب بالكلام وينسب الرثاء له او لشخص اخر، ونسألكم الدعاء لنا ولوالدينا

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لسيدتي ومولاتي رقية ( ع)

※✿❥•~•♡•~•❥✿※•~•♡•~•❥✿※

بالـخرابة الليله زينب نايحه
مـاتـت ارقـيـه اوين الفاتحه

لا حضر عمها وابوها    والگبرها يشيعوها
           بالخرابه الليله زينب نايحه

※✿❥•~•♡•~•❥✿※•~•♡•~•❥✿※

بــالـخـرابـه مـاتـت الـطـفـلـه حزينه
والـگـلـب مـجـروح من خلص ونينه
الـظـلـت ايـام وللـيـالي اتـنادي وينه
حسين ابويه الغالي شو طول علينه

الهواشم خل يجوها    والگبرها يشيعوها

        من البواچي اعيونها متقرحه
        بـالـخـرابـه الليله زينب نايحه

※✿❥•~•♡•~•❥✿※•~•♡•~•❥✿※

مـن الـبچي مـاتهده وتريده يجيها
من تشوفه رقيه تسكت من بچيها
حـسيـن دمـعـتها وعبرتها وحچيها
عَـلم مـاعـدهـا انـچـتـل مايرد ليها

شلون بالله يسكتوها    والگبرها يشيعوها

        وروحه ملهوفه ويلي امفرفحه
        بـالـخـرابـه الليله زيـنـب نايحه

※✿❥•~•♡•~•❥✿※•~•♡•~•❥✿※

تنوح ملهوفه عليه هوايه تسأل
والبنيه يـوم يوم اصبحت تذبل
عمه زينب والدي ابسفرته طول
والدمع مـن عينهه جمرات تنزل

رقيه بيش يقنعوها    والگبرها يشيعوها

        مادرت حادي ضعنها الذابحه
        بـالـخرابه الليله زينب نايحه

※✿❥•~•♡•~•❥✿※•~•♡•~•❥✿※

مــادرت راســه بـدمـاه امخضبينه
وبـالـحجـر صوبوا والـيهه ابجبينه
كسروا اضـلـوعه وبقه يجهر ونينه
انـذبح وعــالـمـخـيـم تـصــد عينه

يدري بته يروعوها     والگبرها يشيعوها

        وگلب ابوهه هالمصيبه اتجرحه
        بـالـخـرابـه الـلـيـله زينب نايحه

※✿❥•~•♡•~•❥✿※•~•♡•~•❥✿※

شبگت اعله الـراس وتعاتب بابوها
بـويــه اشـلون الـزغــيـره يسلبوها
بـلا رحـم امتوني يابويه اضربوها
سـكنه اخـتي وعمتي هم شتموها

الطفله ليش يعذبوها    والگبرها يشيعوها

        والدموع امن الفواطم سايحه
        بـالخـرابـه الليله زيـنب نايحه

※✿❥•~•♡•~•❥✿※•~•♡•~•❥✿※

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات


                نسألكم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسيده رقيه عليها السلام


يا يوم الخرابه عذب احوالي
ماتت بيه رقيه وما دره الوالي
❥━──➸➽❥💔❥━──➸➽❥💔
على راس الولي متوفيه الابنيه
وانه امنلمصايب حيل ما بيه
لا عباس اجاني ولا فزع ليه
بس راسه ابدرب الشام يبرالي
❥━──➸➽❥💔❥━──➸➽❥💔
يا يوم الخرابه أشكد هدم حيلي
ولا سكف اليلم جواه مداليلي
سهرانه واناطر علحرم ليلي
يومج يا رقيه مرد دلالي
❥━──➸➽❥💔❥━──➸➽❥💔
ما واحد فزعلي او لا نشد عني
وأمصيبت رقيه زودت وني
ماتت ما دره هاليوم خال ابني
راسه بلطشت وايعاين الحالي
❥━──➸➽❥💔❥━──➸➽❥💔
ماتت بيه رقيه وما دروا بيهه
وانه امدوهنه بمصاب واليهه
ويا طشت الذهب غير معانيهه
حالي اشلونه لمن ماتت اكبالي
❥━──➸➽❥💔❥━──➸➽❥💔
بلخربه رقيه اكطعت ونتهه
الله ايعين كلب امهه او عمتهه
اريد ازلام تحضرلي الدفنتهه
وانه اعله الترابه نايمه ارجالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للسيده رقيه عليها السلام( عزيزه وغاليه )


عزيزه وغاليه رقيه الأزغيره
أخذهه الموت وأحنه أغراب بالديره
❥━──➸➽❥💔❥━──➸➽❥💔
عزيزه وغاليه ماكو أبمعزتهه
محد گام وأيشيع أجنازتهه
أبغربه وبالخرابه أشلون دفنتهه
وجهه أتغيرت ويلي تعابيره
❥━──➸➽❥💔❥━──➸➽❥💔
محزونه رقيه أتشيل من يمنه
وبس عندي علي محتار بالدفنه
لا ضل بيه حيل وحته أعيننه
أصيح أبعازتك يا صاحب الغيره
❥━──➸➽❥💔❥━──➸➽❥💔
أصيح أبعازتك وينك يكافلي
هذي بت أخوك أتوفت أگبالي
أمچانك بالدفن يابو الفضل خالي
أصفن وأصفگ الچفين بالحيره
❥━──➸➽❥💔❥━──➸➽❥💔
أخذهه الموت برض الشام طفلتنه
وبمچان الدفن ننصب عزيتنه
عالمهضومه راحت تجري دمعتنه
أخوهه أعليهه يبچي أو حار تفكيره
❥━──➸➽❥💔❥━──➸➽❥💔
هاي أمدللتنه الحلوه مفگوده
ولا ويه الحرم هاليوم موجوده
صارت بالگبر وأترابه ممدوده
وأنه كسرتي بفراگهه أچبيره
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٢ من شهر صفر الحرام
الموافق / ٢٠٢٥/٧/٢٨

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده ثكيله للسيده رقيه عليها السلام

المستهل 👇🏻👇🏻

يم سوالف دافيه //نامي نوم العافيه

من الزغر شفتي العذاب
ودارت اعليج الذئاب

نامي نوم العافيه .. نامي نوم العافيه

•───✧◐🕊🌻🕊◐✧───•

نامي واتهني ابمنامج يالكضيتي امرمره
من الزغر ماشفتي راحه والدمع عالخد جره
من عكب ذاك الدلال امشيتي تالي ميسره
ونمتي تالي عالتراب
تحمليتي چم عذاب

نامي نوم العافيه

•───✧◐🕊🌻🕊◐✧───•

تحمليتي الأه والون والضرب
يامصاب المر عليج شكد صعب
وبزغر سنج يراووج العجب

مسجل عليج بكتاب
تشاهدينه هالعذاب

وماكو عندج عافيه

•───✧◐🕊🌻🕊◐✧───•

راحه ماشافت رقيه اتعذبت من الزغر
فوك هظم البين تالي يشتم ارقيه زجر
امدلله جانت رقيه ابد مامرها قهر

تالي نامت بالتراب
امدلله وشافت عذاب

نامي نوم العافيه

•───✧◐🕊🌻🕊◐✧───•

امدلله وماشافت الذل والهظم
اتربت بيت الجلاله وجان يخدمهه الخدم
الف وسفه اليوم نامت لاجن مورم الجدم

تمشي حافي عالتراب
تحملت ذاك العذاب

وتالي ماتت غافيه
يم سوالف دافيه

•───✧◐🕊🌻🕊◐✧───•

بقلم المله والشاعره ام علي الاماره
غير مبري الذمه اليحذف اسم الشاعره وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

للسيدة رقية ع

طفله سلبوها الحياة
والفواطم نايحات
&&&&
البارحه ، اويانه رقيه البارحه
چانت اتون نوبه، نوبه نايحه
وهسه عالمدفنها نقره الفاتحه

نوحوا الها يا بنات
والفواطم نايحات
&&&&
البارحه بحضني غفت هالطفله
وبالگبر هالليله باتت غفله
هالمصيبه عالگلب مو سهله

بالخرابه من تبات
والفواطم نايحات
&&&&
البارحه چانت تمد رجليها
تشتكي لي يا جرح ماذيها
والشمر چم مره الامبچيها

والوجوه اللاطمات
والفواطم نايحات
&&&&
البارحه چانت رقيه اهنانه
من وجعها تبچي وي مبچانه
صعبه اصدگ ما ترد ويانه

تدري بيه الفاقدات
والفواطم نايحات
&&&&
البارحه چانت تحن وتنعي
وتطلب الموت ابعجل من تدعي
هسه ما موجوده تمسح دمعي

والملايك صايحات
والفواطم نايحات
&&&
الشاعرة الملاية زينب المؤيد

تمت بحمد الله تعالى
*ونسألكم الدعاء لتعجيل الظهور*
ــــ
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية جنوبية لرقية ع ( امغربه وين)




أمغربة  وين     يابنت الحنينين
شكولن لو نشدني عنج   حسين

🔥🔥🔥🔥

دريضي اشواي بله ولا تشيلين

ويوجع  يومها  يابت الحسين

اشلون اعلنحر عمه وتموتين

((شهكت علراس // المهضومه ))

🔥🔥🔥

يمهضومه وتون لحسين هليوم

وتشكيله الجره من ولية الكوم

زغيرونه رقية وحملت اهموم

((مارحموها //  علويه تون     ))

🔥🔥🔥🔥

يعلويه وتعيل  الكوم      بيها

ماتكدر تون   وتجر    بجيها

من عيون ابوها     حارميها

(( صاحت بابا // من صار الليل ))

🔥🔥🔥🔥

ابويه وين بته اتصيح وتنوح

و للديوان باجر كلنه  انروح

مجروحه اذاني وكلي اجروح

((و جروها // مني الترجية  ))

🔥🔥🔥🔥

رقيه من البواجي ناحله هواي

وزينب صارخه كعدو يولياي

ماصارت كبل يمصيبتي هاي

((وبغربه اتموت // المدلوله) )


🔥🔥🔥🔥
تمت

#الشاعره_زينب_المالكي

غير مبري الذمه وخصيمه العباس اليتلاعب بلقصيده ويحذف الاسم منها

https://tttttt.me/joinchat/AAAAAELdvGssZMurwfLsJA

فزاعيه جنوبيه رباط هوسه


تهد الحيل ياونة رقيه
💔💔💔💔
هدت حيلنه مابطلت النوح
مكسوره وتون والكلب مجروح
ماتدري ببوها حسين مذبوح

وبالحومه/مكسوره اضلوعه
💔💔💔💔
تبجي وتنتحب وتصيح يايابه
ماتدري ابوها مسلبه اثيابه
وبنص الكلب المثلث الصابه

واليها /وتريدهالليله
💔💔💔💔
ظلت نايحه طول الدرب للشام
وانه محيره بين الحرم وايتام
وسفه ابنيتك فوك الترابه تنام


دمعتها/نار ولهابه
💔💔💔💔💔
هد حيلي بجيها ياابو الاكبر
وكلبي يالاخوا من نوحها تفطر
ماتكدر غيابك والله ماتكدر

مفجوعه/اخلاف اعيونك
💔💔💔💔
انهض يالاخوا وسكت بواجيه
تراهي امعلمه يحسين تدريها
ماتكدر غيابك والشمر يحديهه

ماذيها/السوط اخلافك
💔💔💔💔
تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده رقيه عليها السلام( عد زينب المهضومه )


بالشام صارت فاجعه
عد زينب المهضومه
❥━──➸➽❥💔❥━──➸➽❥💔
مفجوعت حگهه وشيبت
والزمن خلاهه أنحنت
ماتت رقيه أعلى الطشت
البي راس شيخ الحومه
❥━──➸➽❥💔❥━──➸➽❥💔
عالطفله حگهه من تون
وتنوح تبقه أم الحزن
ما يضل مدمع بالجفن
وأمن القهر مهمومه
❥━──➸➽❥💔❥━──➸➽❥💔
راحت رقيه أعلى الگبر
عذبهه بسياطه الشمر
شيگول گلب أم الخدر
من دفنت المظلومه
❥━──➸➽❥💔❥━──➸➽❥💔
ما يدري راعي الأوله
هالدنيه بيهه مايله
ترفه أو عليهه السلسله
وأمجرحه وملچومه
❥━──➸➽❥💔❥━──➸➽❥💔
شافت الطبره أبهامته
هزت گلبهه أمصيبته
واليهه ترهب هيبته
تجري بحضنهه أدمومه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٢ من شهر صفر الحرام
الموافق / ٢٠٢٥/٧/٢٨

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه......الرقيه ع


زينب بت علي /// هليله واسيها
المصيبه رقيه//// اليوم عينيها
😭😭😭😭😭😭😭😭
اليتيمه اليوم تبجي تريد اهليها
زينب للمصايب حيل مابيها
يامحنه رقيه اثرت بيها
وعلي ونتج يامن تعازيها
😭😭😭😭😭😭😭😭
واسيها برقيه يل تحبيها
تستاهل دموع اليوم هليها
الحره حاظره تحشم بهليها
تندب يلحسين وماجه اليها
😭😭😭😭😭😭😭😭
ماتت عل طشت ودموع تجريها
وظل حاير علي السجاد تاليه
يصد العمته تبجي ويواسيها
ولطمه عليها حيل شديها

😭😭😭😭😭😭😭😭
نكابل زينب ونلطم سوه وياها
عافت عل ثره اليوم وليها
كومن خل نساعدهه عل بلواها
ولزينب الحره اليوم واسيها
😭😭😭😭😭😭😭
اطلبي مراد منهه الحاجه مكظيه
بجاه حسين وولاده واغوليه
تنطي مراد متقصر العلويه
اريدن حاجتي هليله تكظيها

😭😭😭😭😭😭😭


تمت✍ الشاعره
اسيره الاحزان💔
مريم العبوديه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده رقيه عليها السلام


ماتت عزيزت بو علي
عد زينب المضلومه
❥━──➸➽❥💔❥━──➸➽❥💔
ماتت رقيه بلغرب
وادموع عمتهه تصب
يوم الابنيه اشكد صعب
من العده مهضومه
❥━──➸➽❥💔❥━──➸➽❥💔
بالشام ضجه الليله
عليهه تون العيله
زينب دمعهه اتسيله
او عدهه الخبر واعلومه
❥━──➸➽❥💔❥━──➸➽❥💔
ماتت او غمضت عينهه
سّكن يويلي اونينهه
علضيم الله ايعينهه
شال الكلب واهمومه
❥━──➸➽❥💔❥━──➸➽❥💔
اشحالهه من شافته
بلطشت راسه صدته
صاحت يبويه او لوعته
الدم يغير ارسومه
❥━──➸➽❥💔❥━──➸➽❥💔
ماتت رقيه امنلقهر
واشكضت ويلي امنلعمر
زغيره ولا عدهه صبر
من حسين محرومه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك