#نعي_لدفن_الاجساد_الطاهرة
{عندما رجع الامام السجاد من دفن الاجساد استقبلته عمته زينب}

#التغريد_الحزين او #لفى_عاشور
يعمة وينك لهساع...انادي وماسمعت اجواب
يگلها عمة يازينب...جيتچ من دفن الاحباب
شتحّمل بعد شصبر...تدري بالدليل انصاب
اخوتي وسلوتي بدنياي..
مذبوحين دون الماي..
اصيحن ماالي حماي..
كلها نومة ع الغبرة...مياميني حدر التراب
////..........////.........////..........////
#ابوذية
حنوا ظهري عليهم دمعي..همال
زماني مال بيهم اظن..هم مال
ما شاغلني لا هم جاه .. هم مال
ردتهم خيمة وايفييون الية....
////.........////..........////..........////
#مجرد
اشحال حسين يادفان خبرني
واشرح حال اخوي التكفلني
دولبني الدهر بيهم هضمني
عفتهم بالغرب وامشي ابضعني

ايعينك الله ياعلي من وسدتهم
خضاب من الدما آه شفتهم
حلوين المعاني اتغير رسمهم
اويلاه بالترب والگبر ضمهم
////..........////..........////.........////
#عاشوري_نصاري_عكراوي
حبيب ويدفن بأيده حبيبه
ضحايا اعلة الثرى جثة سليبه
رجع منهم السجاد بنحيبه
يكفكف بالدمع لاهل الحمية...
////.........////..........////..........////
#فائزي_بحراني
عفتكم لا دفن وامشي بالضعون
وبني سد للجثث گاموا يدفنون
يسيرة لوحّدي وبحالي تدرون
عليكم بس اون وتربي هالعيون
////..........////..........////.........////
#لحن_الفراق (مالي غيرك)
يابوباقر...ضمد جروح الغوالي
يابوباقر...عمتك من غير والي
يابوباقر...كربلة شلت احوالي

رحت عنهم... نومه ع التربان چنهم
رحت عنهم...ظل يرافگني حزنهم
رحت عنهم... محضرت حتى بدفنهم
////..........////..........////.........////
تــمت بعــون اللــہ
3/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس🔴
نسـألكم الـدعـاء....
〰〰〰〰〰〰〰〰〰〰〰〰
قناة للقصائد النسائيه لجميع مناسبات العتره

👇👇👇
https://tttttt.me/joinchat/AAAAAELdvGssZMurwfLsJA


كروب قصائد والحان منبريه
👇👇👇👇

https://tttttt.me/joinchat/AAAAAD7f0FNmkN2JjlNIBw

#مجموعة_نواعي
#لعزيزة_الحسين_الطفلة_رقية

#التغريد_الحزين (تخاطب والدها)
رقية اعزيزتك يحسين..يبوية اصيح اريدنك
افتح عينك انظرلي..روحي اشتاگت لحظنك
ولوني اعداك يابوية..ومشَوني غصب عنك
الشمر سوطه آذاني
وتدري جَرحوا ذاني
و هم فراگك اعماني
اصيحك لو يضربوني..وتهمل دم دمع عينك
❂❂...❂❂...❂❂...❂❂...❂❂...❂❂
#يقرأ (حدي حجاز خليجي اول او ثاني)

{تخاطب عمتها زينب}

يا عمة سمعيني
لو متت غسليني
الجروح تاذيني...من سياط هاي الگوم

جيبيلي راس حسين
اشمه و اهيم العين
وعگبه اريد البين..ع الراس اموت اليوم

{العليل يكلم عمته زينب}

يا عمة شيليها
ياويلي اعليها
شافته واليها...ماحملت المنظر

خلينـي ادفنـها
ويلي بصغر سنها
غاب الابو عنها...عگبه اشبعد تنطر
❂❂...❂❂...❂❂...❂❂...❂❂...❂❂
#لحن_الفراق
(حوار بين قمرالعشيرة والطفلة رقية)

*لسان حال السيدة رقية*
عمي عباس..گوم حامينة انولينة
عمي عباس..التمت اعداكم علينة
عمي عباس..من عگبكم انسبينة

*جواب ابا الفضل*
يارقية..اعذريني السهم بالعين
يارقية..ماگمت مگطوع ﭼـفين
يارقية..ايعز علية من تحشمين
✪✪...✪✪...✪✪...✪✪...✪✪...✪✪
#لحن_الخظيب

يـا رقيـة..يـا رقيـة..يـا رقيـة آه
يـا رقيـة..يـا رقيـة..يـا رقيـة آه

طفلت ولينة شاهدت راس الولي ابوها
شافت هضم من الكفر بسياط يضربوها
عگب الگمر عگب الأبو شَتموها سلبوها
برض الغرب تمشي الخدر أذوها لوعوها

يـا رقيـة..يـا رقيـة..يـا رقيـة آه
يـا رقيـة..يـا رقيـة..يـا رقيـة آه

❂❂...❂❂...❂❂...❂❂...❂❂...❂❂
#فائزي_بحراني

يحسين عگبك مابطل نوحي وونيني
خلصت حياتي وياك وايامي وسنيني
لو ابـﭼـي انـة اعليك اعداكم تجيني
سوط الشمر خله الاثر واشگف بيديني
❂❂...❂❂...❂❂...❂❂...❂❂...❂❂
#عاشوري_گرناوي_عكراوي واطوار اخرﯼ

يـا بوية فگدك صوباني و عماني
ترﭼـيتي گطعها الشمرجَرح أذاني
من الضرب اصرخ واصيحن آلماني
وراسـك ع الـرمـح تنظـر عليـة...

للشـام ارحلـت وي گـوم الارجاس
تنظرنة هالناس الغرب ماعدهم احساس
تالي اطلعت روحي ومتت عالراس
واحسيناه من صحت جتني المنية...
❂❂...❂❂...❂❂...❂❂...❂❂...❂❂
تــمــت بــعــون اللــہ
14/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
⬅️للأستفسار.. ع المعرف التالي👇👇
┏━━━🍃🌸🍃━━━┓
@DoaaAlamri
┗━━━🍃🌸🍃━━━┛
▁▁▁▁▁▁▁▁▁▁▁▁▁▁▁▁▁▁▁▁
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

#نعي_لكريم_اهل_البيت

#طور شيخ زمان الحسناوي
{ *يم الولد راح الولد* }

انـة الحسن انـة الحسن
ﭼـبدي واحشاي اتوذرن
انـة الحسن انـة الحسن
شفت الظلم شفت المحن
انـة الحسن انـة الحسن
ماخلوني يم جدي اندفن
انـة الحسن انـة الحسن
والله دولبنـي هـالـزمن
انـة الحسن انـة الحسن
عگب الأبو مصايب سِدَن
انـة الحسن انـة الحسن
❆❆❆❆◐◐◐◐❆❆❆❆◐◐◐◐❆❆❆❆
#طور_سامحيني
{ *لسان حاله يبث شكواه لآمه الزهراء* }

يمة زهرة_جعدة سَمتني وبعـدهـا لوعوني
يمة زهرة_الكفر بسهامهم ابنعشي اضربوني
يمة زهرة_فوگ آلـم ﭼـبدي ييمة صوبوني
يمة زهرة_حسين ظل وحده عليه تهمي عيوني

{ *جـواب مولاتنا الزهراء* }
حسن يمة_جيت عندك الطم الراس بأيدية
حسن يمة_رحم ماعدهم ييمة ارجاس امية
حسن يمة_لسة ماطاب الجـرح والآلـم بية
حسن يمة_امصابك اذاني وزاد الهـم العلية
❆❆❆❆◐◐◐◐❆❆❆❆◐◐◐◐❆❆❆❆
#فائزي
{ *لسان حال سيدتنا زينب* }

بالطشت جابوا ﭼـبدتك ويلي يالحنين
دنـوا الطشت لاتنظـره ايگلهم احسين
يـا خويـة گلي بهـالسفـر اتريـد لاوين
نـار الگلب بية تشب ودم تهمل العين
❆❆❆❆◐◐◐◐❆❆❆❆◐◐◐◐❆❆❆❆
#يقرأ_مجرد_او_عاشوري وغيرها من الاطوار الشعبية

{ *لسان حال الأمام الحسين* }

افتحلي عينك يالحسن حاﭼـيني
نـارك لهيبـة بـالگلب تـﭼـويني
فگدك صعب مااحمله تدريني
تخليني وحيـد ومنهـو اليـة...

سَـمتـه اجعيدة وگضى بهـالمسية
الحسن ذابت ﭼـبدته وجته المنية
جبته لعد حظني انظره ابين ادية
هالنومة والله مو الك يبن الزﭼـية
❆❆❆❆◐◐◐◐❆❆❆❆◐◐◐◐❆❆❆❆
تــمــت بــعــون اللــہ
26/10/2017
✍🏻 #ولائــية_وافتــخر (دعـاء العامـري)
🚫غير مبرئ الذمة امام اللـہ والزهراء من يحذف اسم الشاعرة🚫
🔴اجيز شرعاً للأخوة الرواديد لعدم ذكر اسمي لمن يصعب عليهم بالمجلس وكذلك يحق لهم التصحيح عند الوقوف في بعض الكلمات🔴
نسـألكم الـدعـاء....
▁▁▁▁▁▁▁▁▁▁▁▁▁▁▁▁▁▁▁▁
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw