قصائد نساء فقط

▪️ #مصاب_الأمام_علي_ع ▪️
#طور (ياموت مو سهل فرگاهم) وبألحان متعددة
(لسان حال أولاده وبناته)

ضربوه... حيدرة عالهامه
ضربوه... ومايكمله صيامه
ضربوه... وي صلاة الفجر وگعت من علي العمامه
→→→••••••••→→→••••••••→→→
أنغـدر حيـدر ولينـة ويـلي يــا نـاس
الغـدرتـه زمـرة كفـر ذولاك الارجاس
لا تـرق گلـوبـهم لا عـدهـم احساس
وبـأثر هالضربة ويلي تغيب الانفاس

آهات... يـا علي والينـة
آهات... تـبعد اتخلينـة
آهات... ايجرها محرابه ويون له بحزن وية ايتامه
<<••*••>>-----<<••*••>>-----<<••*••>>

لعنــة الله لابــن ملجم صـابـه هاليوم
يضربه وخظب جبينه بسيف مسموم
وبصلاتـه الـولـي منــه سـالـت ادموم
انهدمت اركان الهدى واصفينة بهموم

أيتام... عگب عين الوالي
أيتام... ننعى ابونة الغالي
أيتام... بحسرة نگظيها الليالي الليل ابد منامه
<<••*••>>-----<<••*••>>-----<<••*••>>

زينب تنــادي يبـويــة وتــهمل العين
تـشاهـد ادمومه تسيل وراسه نصين
لا تــخليني يبـويـــة اتـغرب الــ وين
عگبك انـة اشـوف اخـوتي بالميادين

تنعاه... زينب اعلة مصابه
تنعاه... بحسرة كل احبابه
تنعاه... حتى جدران الديار وتشكي لالله آلامه
<<••*••>>-----<<••*••>>-----<<••*••>>

سمعتـه ام كلثـوم يندب واه غوثاه
اتگلـه بـويـة تنعى نـفسك آه ويلاه
سـالـت الدمعـات منها اتگلـه يـاباه
مـن حنانـك بـويـة گلي ويـن نلگاه

دنيـاي... للگلـب أذيتي
دنيـاي... ليش مني اخذيتي
دنيـاي... وسفة خنتيني يدنيا بوالدي وايامه
<<••*••>>-----<<••*••>>-----<<••*••>>

ضجت املاك السما وصاحت بالعويل
يـاعلي صحنة يبويـة ودمعته اتسيل
يـوصـي بينــا ولـلأميـرة عينـه اتميل
و لـونـــه يتغيـر نـشاهـد رايـح الحيل

جبريل... بصوته صاح الليله
جبريل... عينه اله تبچي له
جبريل... بالخبر جانة ينادي وروحه له محتامه

تـــمــت بــعــون اللــه
15/5/2018

✍🏻 #ولائـية_وافتـخر (دعـاء العـامـري)
❌لاإجيـــز حــذف الأســم❌
<<••*••>>-----<<••*••>>-----<<••*••>>
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw