# قصيده لسان حال مولاتي العليله ع

عله احباب الكلب هلن يالعيون
شالو بعد ماضنهم يرجعون
————★——————★————
شـالـو اهـل كـلبي ويـن ماشيـن
تـره عـله اغيابكم ما غمضت العين
عـزيـزين الاهـل والله عـزيزيـن
عـلیهم هـل بقت ذبلانة الجفون
✍#ام علي الفريداوي
————★——————★————
عافوني هلي وابعدوا عني
منهم أيست واگطعت ظني
فرگاهم صعب زّيدلي وني
بالباب انتظر بلكت يردون
✍#ولائـية_وافتـخر (دعاء العامري)
————★——————★————
وني عالمشو عنه ولا جوش
وظل منهم يوسفه خالي الحوش
انا همومي يهجمن مثل الجيوش
اذا عالبال غيابي يعنون

✍#ناعيه الطف ام فاطمة الزهراء
————★——————★————
ماکواحباب یمی واشتکی الحال
ومن بعدالاهل والله الدمع سال
مریضه انه وارید الحملی شیال
یمرون وتبطل دمع العیون

✍#علویه ام فاضل
————★——————★————
يردون النحبهم بعد هيهات
ويرد ذاك الزمان الراح ولفات
مشو عنه وجفونه ولگلب مات
بعد هيهات م̷ـــِْن لغيبه يلفون

✍#العلويه ام حسين الحسني
————★——————★————
خذاهم هالزمن مني وجفاني
بقيت لوّحدي بالدار اعاني
غراب البين يفتر عذباني
مرة بطيف ردت انة يمرون
✍ #فاطمة_الحلفي
————★——————★————
وكفت انه انتظر وبعتبة الباب
من الفركه صبح هالكلب مرتاب
بلجي الله يردون من الغياب
بفراك الاودهم كلبي محزون

✍#العلويــٍّﮧ الموسويــٍّھ
————★——————★————
تمت بعون الله

#قصیده مشترکه الشاعرات

❌غیرمبری الذمه یحذف او یغیر ❌



الناشر عباس التميمي:
قناة للقصائد نسائيه لجميع المناسبات
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر على @Abas747

••::•• قصيدة لوفاة السيدة زينب ع ••::••

والله حيرة اتحيرت ساعة منيتي
لا أخو لا من ولد يكتب وصيتي
بأم الاحزان … الدهر خان
والله حيرة … والله حيرة
┈┉━❀❥❃❥❀━┅┄

قصة من وحي الحزن ليل الخرايب
تروي قصة فاجعة والگلب ذايب
تالي زينب تندفن وابلا گرايب
وماكو ليعلي الونين من الحبايب

مايمي حضروني الأهل وكت المنية
كل اخوتي نامو سوى بالغاضرية
غمضت العين … أخت الحسين
والله حيرة … والله حيرة

✍🏻 #خادمة_المنبر_الحسيني_ام_ابيها
┈┉━❀❥❃❥❀━┅┄

الليله تلفيني المنية وموتي يگرب
اشهگ الانفاس وحدي وگلبي يلهب
روحي ملهوفة عليكم ابچي وانحب
شابحة عيوني لدربكم دوم ترقب

لاخوتي ضليت انادي وما يجوني
گلت وينه اللي يجي يغمض عيوني
تربي العيون … ما يردون
والله حيرة … والله حيرة

✍🏻 #ام_حسين_الأسدي
┈┉━❀❥❃❥❀━┅┄

بغربة وحدي والبقت بس ذكرياتي
شفت چم لوعة وهضم بيها حياتي
واخر انفاسي صفت حسرة امنياتي
ردتـه يحضر كافلي بساعة وفاتي

وتنطر اعيوني يجيني المات عطشان
لحالتي والله بچت كل هايه الاكوان
راحلة اليوم ... بحسرة وهموم
والله حيرة … والله حيرة

✍🏻 #ولائـية_وافتـخر (دعاء العامري)
┈┉━❀❥❃❥❀━┅┄

حتى بالموت الغصص ما فارگتني
ب اخر انفاسي وغربتي لوعتني
لا أخو يمي يجيني يا هظمتي
أختم ابدمع القهر هاليوم قصتي

آه يا همي وبعيده اعليه الاوطان
وگبري بالهيمة صفى ومن غير عنوان
ابحسره ونيت … شگد تأذيت
والله حيرة … والله حيرة

✍🏻 #ام_فاطمة_الزهراء
┈┉━❀❥❃❥❀━┅┄

بالگبر مالومه من امتوني يا ناس
عذبوني من ضربهم والله الارجاس
رحم ما عدهم أبد لا عدهم احساس
هل بقيت بحسرتي حد آخر انفاس

وابدموعي راحلة ومتغيرة اللون
شكوتي وهمومي ابثها لخالق الكون
طفت العين … صار الونين
والله حيرة.....والله حيرة

✍🏻 #العلويه_ام_حسين_الحسني
┈┉━❀❥❃❥❀━┅┄
تمت بعون الله 18/3/2019
🔺 مشـ🤝ـتركـة 🔺
✍🏻بـأقـلام خـادمات أهـل البيـت✍🏻


الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لسان حال مولاتي ام البنين (( ع))
عندما ودعت اولادها


ودعتهم والاوداع اشگد صعب
ودعتهم وعيني ضلت عالدرب

راحو وماضن يجوني/امن الولد خابت اضنوني
ودعتهم ودعتهم
‏ ●▬▬▬ஜ۩۞۩ஜ▬▬▬●
ودعوني اعزاز گلبي ودمعي مدرار
من مشو عني سويه وماكو اخبار
راحو و عافوني اونن ليل وانهار
ليش عني سافرو /بيه ابد مافكرو

من الجفوني نار.... شبت بالگلب
كلي ياعباس شيصبر الكلب

✍ #ام مهدي الفرطوسيه🔅
‏ ●▬▬▬ஜ۩۞۩ஜ▬▬▬●
تغير حالي ياهناس وضعة
اشوف اوداعهم مابي رجعة
حنيني للصخر حتمن يصدعة

حالي حال الثاكلة .. من تسير القافلة
تروح لوعة وعشرة.. يم بالي تطب
كلي ياعباس شيصبر الكلب

✍ #اسيرة الأحزان .مريم العبودديه🔅
‏ ●▬▬▬ஜ۩۞۩ஜ▬▬▬●
شعتب على البين فاركني ويه لولاد
حملو عني ومشوا بدروب البعاد
كلبي ضل ايون عليهم وبد ماهاد

شالو الارض البله / وليهه انوو كربله
كلي ياعباس شيصبر الكلب

✍ #العلويه ام اياد🔅
‏ ●▬▬▬ஜ۩۞۩ஜ▬▬▬●
تشيل احباب كلبي والجرح طال
وديلي وية الهوادج حمل وشال
مثل ميل الغصن هذا الكلب مال

باقية انحب وون . لايذ بكتري الحزن
ودعتهم والوداع شكد صعب
كلي ياعباس شيصبر الكلب

✍ #العلويه ام فاضل🔅
‏ ●▬▬▬ஜ۩۞۩ஜ▬▬▬●
ودعوني عيون قلبي البيها اشوف
وراحوا بنيه يكصدون الطفوف
اسباع ولدي واحد يعادل الوف
وصيت ابني الكمر يضحي لحسين العمر
وحارس الزينب يباريها الدرب
كلي ياعباس شيصبر الكلب

✍ #الشاعره ازهار جبارالجياشي🔅
‏ ●▬▬▬ஜ۩۞۩ஜ▬▬▬●
ينار الحزن بية الظارمة تهيج
مهمومة وحيدة بساعة الضيج
بحر حزني عكبكم صاير اغميج

وحدي اعالج بالصبر . بعد شلي بهالعمر
من اظل يحبابي مابين الغرب
كلي ياعباس شيصبر الكلب

✍ #الشاعره ذبيح الطفوف🔅
‏ ●▬▬▬ஜ۩۞۩ஜ▬▬▬●
فكدكم يالغوالي مرد حالي
نزلكم من جفيتو باقي خالي
حسين شكثر عند الروح غالي

ضلت تهمل العين.... رايح اه يحسين
كلي ياعباس'شيصبر الكلب

✍ #الشاعره ايمان ناصرالزهيري🔅
‏ ●▬▬▬ஜ۩۞۩ஜ▬▬▬●

تمت بعون الله تعالى

بـ✍ــاقـ✍ــلام خـادمـات أهل البيت ع

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك 👆👆👆

كروب قصائد والحان منبريه اشترك 👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747