#محرم1442هـ #2020م
★•• لطمية الوداع لـ ليلة العاشر ••★
#تقرأ ( مربعة.. فزاعي.. طور الفواتح.. ثقيل ) وبعدة أطوار

عازوها العقيله الليله ليل اوداع
باچر تفگد اعزاز الگلب وبساع
......................................

عازوها العقيله ونوحو بعبره
ليلة عاشر امحرم تجر حسره
لأن بيه الفگد لمن يطر فجره
يبقى كل عزيز اموسد اعله الگاع
❉❉〰〰❉❉〰〰❉❉〰〰❉❉

باللطمه دعينوها اعله ولياها
ولايغمض جفنكم أبقو وياها
محزونه الغريبه وزايد ابچاها
بالعاشر مصايب تحمل وأوجاع
❉❉〰〰❉❉〰〰❉❉〰〰❉❉

تحمل ياجرح بت حيدر الكرار
عگب عين الأخو ليها تجي لشرار
يشبون الخيم ياويلي بيها النار
وتتلفت تنادي گومو آآ يسباع
❉❉〰〰❉❉〰〰❉❉〰〰❉❉

هالليله الحسين ايوصي بزينب
على اطفاله وحريمه لو عليه تعتب
يگلها انتي تسلمي عگبي المنصب
تصبريهم تكوني الهم شبه لشراع
❉❉〰〰❉❉〰〰❉❉〰〰❉❉

باچر بس جثث عالرمضه مطروحه
كل واحد رگبته تشوفه مذبوحه
لخوها لو لابنها تلتجي تنوحه
راحو من ايديها وكل حلمها ضاع

تــمــت بــعــون اللـہ
13/8/2020
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌

الناشر عباس التميمي
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك👆👆

كروب قصائد والحان منبريه اشترك 👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747