قصائد نساء فقط

#نزلة
#لاستشهاد_الامام_الهادي_ع
#كلمات_المستهل// #ملا_طارق_نصر_الطائي

{ #لسان_حال_الامام_العسكري }

اصبحت شجرة بلا ثمر
من كثر صدمات الدهر
كلما أحن واشتاگ الك
عيني تصد اعلة الگمر
❍....................❍....................❍

يابوية اصبحت ابحزن..بغيابك ادموعي جرن
●شايل وين..شايل وين●
بـ آهاتي انة وحسرتي..شيطفي ناري وجمرتي
●ودمع العين..ودمع العين●
سَمتك زمرة ظالمة..واصبحت دارك مُظلمة
●كلها اونين..كلها اونين●
نصبت عزا كل الملا..حزنت لك املاك السما
●اخذاك البين..اخذاك البين●
❉≈≈≈≈≈≈≈≈≈≈❉≈≈≈≈≈≈≈≈≈≈❉

بسامرا سجنوك بحقد..وضليت عالي ياعمد
●رغم البيك..رغم البيك●
خافوا حكمهم ينهدم..وبفعلك الكل انصدم
●ومتهميك..ومتهميك●
وذروا بالسم ﭼـبدتك..واكمشت گلبي بطيحتك
●خفت اعليك..خفت اعليك●
هالحقد دام اوية الزمن..ينعاد وي كل مؤتمن
●غدروا بيك..غدروا بيك●
❉≈≈≈≈≈≈≈≈≈≈❉≈≈≈≈≈≈≈≈≈≈❉

جرحولي گلبي الناصبة..صارت بي نار الحاطبة
●يا مسجون..يا مسجون●
تبـﭼـيلك الزهرة وتون..واتنادي يولادي وتحن
●نور الكون..نور الكون●
نصبت عزاء لمأتمك..يالهادي شلي يألمك
●اتبجي عيون..اتبجي عيون●
تواسيني تهمل الدمع..منكسر من عدها الضلع
●لو تدرون..لو تدرون●
❉≈≈≈≈≈≈≈≈≈≈❉≈≈≈≈≈≈≈≈≈≈❉

ايبارك الله بهالجمع..كلمن يواسيني بدمع
●اجره انطيه..اجره انطيه●
كلمن اجا ايجر الونين..وينادي بگلبه الحزين
●ادري اشبيه..ادري اشبيه●
يابوية كلمن النعاك..مترده والله لو نخاك
●الهم تمحيه..الهم تمحيه●
رايح الهادي بلا رجوع..خلونة نشعل له الشموع
●نبـﭼـي اعليه..نبـﭼـي اعليه●
❉≈≈≈≈≈≈≈≈≈≈❉≈≈≈≈≈≈≈≈≈≈❉

يالمهدي طالت غيبتك..اظهر وعلي رايتك
●واخذ الثار..اخذ الثار●
من علي والزهرة الغدر..خوان بيهم القدر
●بيهم جار..بيهم جار●
الانصار كلها تنطرك..بوجه الأعادي تنصرك
●ع الأشرار..ع الأشرار●
بسامرا شَيد مرقدين..مو هدموها القبتين
●وشبوا نار..شبوا نار●

تــمــت بــعــون اللــہ
18/3/2018
✍🏻 #ولائـية_وافتـخر (دعـاء العـامـري)
❌لاإجيز حذف الأسم من القصيدة❌
❉≈≈≈≈≈≈≈≈≈≈❉≈≈≈≈≈≈≈≈≈≈❉
قناة للقصائد النسائيه لجميع مناسبات العتره
👇👇👇
https://tttttt.me/joinchat/AAAAAELdvGssZMurwfLsJA
كروب قصائد والحان منبريه
👇👇👇👇
https://tttttt.me/joinchat/AAAAAD7f0FNmkN2JjlNIBw