#محرم1440هـ_2018م
#ليلة الوحشه
#لسان حال السيدة زينب


وحشــة هاي الليله بويه ياعلي
بقيت وحــدي بالخيم ماكو ولي

ماتجي ترد وحشتي .. بويه راحو اخوتي
بقيت وحدي بالخيم ماكو ولي

*******************

شلون ليلة وحشة صعبه ماتجي وترد عليه
ردت من عندك تجيني اتجيب وياك الزجيه
لو تجي وتشوف حالي وحال اخوتي اعله الوطيه
راح مني كل شي غالي بويه وبهاي المسيه

بيها بس هم والم .. اتعنيت يم راعي العلم
بقيت وحدي بالخيم ماكو ولي

*******************

بويه صرت انه بمواقف يحتار من عدها العقل
بعيني شفت الشمر لازم راس عباس الكفل
شفت يابويه مصايب ابعيني مااظن تنحمل
والشمر يكطع ابراس احسين ابن خير العمل

زاد همي ولوعتي .. ودعتها فرحتي
بقيت وحدي بالخيم ماكو ولي

*******************

بويه جنت ابجال اخوتي مخدره والراس عالي
هسه محتاره بزماني ودوهنت فكري الليالي
لاجن اليوم انذبح عزي وي خدري ودلالي
والصعب زينب وحيده نومة بتراب الغوالي

نخيت امي ام الحسن .. التحل كل المحن
بقيت وحدي بالخيم ماكو ولي

*******************

واصعب مصاب اللفاني ونزل الدمعه ابحراره
بيها دمعاتي تسولف حرك الاخيام ابمراره
بويه وبعيني شفت دم السبط يجري بغزاره
عكبه ظلينه بهظمنه حرم وايتام وحياره

كلبي بويه منكسر .. حيل عذبني الدهر
بقيت وحدي بالخيم ماكو ولي

*******************

تمت بحمد الله
20/9/2018
✍🏻آلــــّ؏ــلّويِـــــه آلّمٌوسويِــــۿ
❌لاإجيــــز حذف الأسم❌

https://tttttt.me/joinchat/AAAAAELdvGssZMurwfLsJA