فزاعية لوفاة مولاتي ام البنين عليها السلام

محـد يـــزتنـي للــگبـر
بـرض الطفوف اولادي

والنـعش منهو يشيـعـة
چفوف الشفية مگطعة
كلـمن يوون بمـصرعـة
امهـم غريبـة تنـــــادي

لمـهـم ولا واحـد حـضر
لا اجــــــوو لا ودو خـبر
وحشة الجنازة يالـگـمر
لمــن مشت للـــــــوادي

للـوادي حاديــها ســــرة
ضلـت حزينـة مكــــدرة
يمصـاب گلـبي. ماجـرة
مـادرو بيـــة. شســـادي

مـادروو نامـوو باللـــحد
ما يوصل عتــابي بعــــد
راحوو وما خلـوو  وعــد
كــلهــم  اوولاد  لهــــادي

كلــهم ودمعـــاتي تهــــل
ضليــت وحـــدي بالنـزل
يا دهـر طشرت الشـمــل
ومــــــهدمات افــــــــادي

روحـچ نحيــلة مهــــدمـة
اكتـب الــــچ يا فاطـــــمة
انخــاچ انـــــةالخـــادمـــة
منــچ اريــــــد  مـــــــرادي

تمت بقلم خادمة اهل البيت ع  ام وليــــد الموسوي لا اجيز حذف الاسم الفاتحة إلى روح والدي ووالدتي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ندبه لام البنين
كريمه ام البنين...وينزمط بيهه
ياهيبه ويشيل....الراس طاريهه
@@@@@@@@@@
كريمه ام البنين الكل يعرفوهه
هاي البالشدايد دوم تنخوهه
تشيل الراس ولله لليطلبوهه
ياهيبه.. يالبيج انزامط
@@@@@@@@@@
كريمه ام البنين النعم من عدهه
هاي الماترد واحد تعنه الهه
اذا حيران خلي حاجتك يمهه
باب المهيوبه.....اكصد واتعنه
@@@@@@@@@@@
كريمه ام الكرم محله عطاياهه
وام عباس كلنه جربيناهه
ماخاب الكصد مجلسهه ونخاهه
ونخاهه.....اكصد للمجلس
@@@@@@@@@
تاج الراس هيبه انتي يبدويه
وبابج صار مركز للعزوبيه
بس ننخاج ولله الجاجه مكظيه
تكظيهه.....وبساع الحاجه
@#@@@@@@@@@
اذا مدينه سفرتهه ونخيناهه
وحق عباس مترجع الينخاهه
تكرم هالاصيله وعاش يمناهه
كل من كصداهه....معزبه وتكرم
@@@@@@@@@@
يابحر الكرم يالمايجف مايه
ندري بغيرتج يالحره وفايه
نمشي اعليج اجينه صاحب الرايه
تزيليهه....وهموم العدنه
يالوكفاتج معروفه....نسولف بيهه نسولف
تمت ✍️ الشاعره والمله ام حسين العامري من ديوان الام وحزن الجزء الرابع وفقنا الله وإياكم لخدمة الحسين

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_سيداتُ_العفاف_ج١
قصيدة لأم البنين(شريكة زينب)
❥━──➸➽❥❂❥━──➸➽❥❂
يا شريكة زينب بهمهه وحزنهه
ماكو بالدنيه مره تضحي بأبنهه
وين اكو مثلچ مره ... انتِ حره وطاهره
❥━──➸➽❥❂❥━──➸➽❥❂
يا شريكة زينب الحرة بالمصاب
اثنينچن بالطف تره ضيعتن احباب
جرعاچن هالزمان آهات الغياب
والگلب من البواچي والحزن ذاب
بگيتي وحدچ حايره ... انتِ حره وطاهره
ماكو بالدنيه مره تضحي بأبنهه
❥━──➸➽❥❂❥━──➸➽❥❂
انتِ ضحيتي اربعه فدوة للحسين
وگلتي بس كونه يرد سالم يالحنين
بس الف يا حيف حزوله الوريدين
وعمرچ اگظيتيه بس لاجله تنوحين
ودمعچ اعله الخد جره ... انتِ حره وطاهره
ماكو بالدنيه مره تضحي بأبنهه
❥━──➸➽❥❂❥━──➸➽❥❂
وين اكو مثلچ مره بالدنيه كلها
جوهرة انخلقت بعد ما صح مثلها
يحچي التاريخ عنها وعن اهلها
فراك ابو السجاد يا هالناس سلها
وبقت بعده مناطره ... انتِ حره وطاهره
ماكو بالدنيه مره تضحي بأبنهه
❥━──➸➽❥❂❥━──➸➽❥❂
اولاد عندچ أربعه وضيحتي بيهم
گلتي اريد الباري يرضالي عليهم
بس يولدچ فاطمة بروحي اشتريهم
اليوم اريدن لو يجوني لو اجيهم
بعاد ناموا بالثره  ... انتِ حره وطاهره
ماكو بالدنيه مره تضحي بأبنهه
❥━──➸➽❥❂❥━──➸➽❥❂
ناموا بطف كربله وخلوني وحدي
بوكت موتي بس اون دمعي اعله خدي
لا وليد ولا بنيه البقت عندي
ياهو اليشيعه النعشي وبيه يحدي
ونار گلبي مسعره ... انتِ حره وطاهره
ماكو بالدنيه مره تضحي بأبنهه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حـصـريـاً
#الشاعرة_نورس_الحلفي
#قصيدة_لأم_البنين_ع
ــــــــــــــــــــــــــــــــــــــــــــــــــــــــ

وللعباس... چم اعتاب وديتي
وكت الموت لوليدج اعتازيتي
ــــــــــــــــــــــــــــــــــــــــــــــــــــــــ

وديتي العتب للشالته متونج
چنچ شايله ومحمله اضعونج
مو عدله الغرب عگبه يشيعونج

هضيمه يالحنينه ومنها ونيتي
وللعباس.... چم عتاب وديتي
ـــــــــــــــــــــــــــــــــــــــــــــــــــــــــ

مهضومه گضيتي العمر مهضومه
وهايه ساعته الكافل حله يومه
يا كونه يجيچ ويترك النومه

وبيده يشيل الجنازه تمنيتي
وللعباس... چم عتاب وديتي
ــــــــــــــــــــــــــــــــــــــــــــــــــــــــــ

تمنيتي الولد يحضر هالمسيه
تشوفينه يحره بالوداعيه
شبطه عباس وتعطل بهالجيه

وانتي لشوفته هاليوم حنيتي
وللعباس.... چم عتاب وديتي
ــــــــــــــــــــــــــــــــــــــــــــــــــــــــ

حشمتي الولد وديارج بعيده
اليوم مودعته وروحج تريده
عله افراش المنيه وونچ بهيده

يرد ليج الغيور شكثر تانيتي
وللعباس.... چم عتاب وديتي
ـــــــــــــــــــــــــــــــــــــــــــــــــــــــــ

عتبج يالحنينه يلچم اجروحه
تدرينه غيور ومايكض روحه
مو هينه عليه الجنازه مطروحه

هز اتراب گبره من توفيتي
وللعباس چم عتاب وديتي
ــــــــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أئمة_الهدى_الجزء_١_.


لطميه للأمام الهادي عليه السلام


اليوم سامره حزينه اشبيهه
شايل الليله ابحزن واليهه
❥━──➸➽❥💔❥━──➸➽❥💔
شايل الليله عنهه ابو الحسن
امفارك اهله والدموع اتهاملن
الليله مسموم الامام وبس يون
وبلحزن يا عيلته امخليهه
❥━──➸➽❥💔❥━──➸➽❥💔
اليوم سامره تون وامكدره
اطلعت كل حره تون امحيره
سمموه الهادي ونعشه سره
شال عنهه ومايرد عليهه
❥━──➸➽❥💔❥━──➸➽❥💔
شايل الهادي وكضه منه العمر
وابنه حزنان وحنه منه الظهر
الله الايعينه وينطيه الصبر
وحشه سامره الحزن غاطيهه
❥━──➸➽❥💔❥━──➸➽❥💔
اليوم سامره تون اعله الامام
من بعد عينه عله الدنيا السلام
سمو المعصوم هليله اللآم
بس نياح وحزن صاير بيهه
❥━──➸➽❥💔❥━──➸➽❥💔
الليله سامره بجت لبن الرسول
سمموه اعداه ليش ابن البتول
ما درو جده علي فحل الفحول
اليوم كلنه الجدته انعازيهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vm.tiktok.com/ZM6HxgC4q/

((أسد سامراء))

ضريحك مهبط آيات ،، وغدير امن الكرامات

لطميه  لاستشهاد الامام  الهادي ع

اجت ام  الحسين ابلوعه وتنادي
وينه  الي نصب ماتم عله  الهادي
.............
اجت وتصيح  وينه الي يواسيني
انه   ام الحسين  ودمعتي  بعيني
انصب  ماتمي  وبيه يكثر  اونيني
واسجل اسم  الذي بدمعه يعازيني
وكل مصاب  انصب ماتم   اولادي
...........
يشيعه بكل مصيبه  ينلجم ضلعي
وتهيج جروح كلبي وينهمل دمعي
ومأجور  التذكر   حالتي  اوضعي
ويصيح بعبرته  يا فـاطمة  سمعي 
جرح كلبج  جرحني وذوب  افادي
........... 
يابضعة  محمد  جينه الج  هاليوم
نصرخ يا علي ومنه الدمع مسجوم
نصيح بصوت ياويلي عله المسموم
اويلي عالكضه بسم العده ومظلوم
جزه عليهم  مصاب الماجره وسادي
..........
أمام العاشر  البالسم  خلص عمره
يلوج من  السموم  ويهمل  العبره
نعه  الحاله  وبجه لمصيبة الزهره 
مصابي ايذكر امي الكسرو صدره
يوم البجه عيني وعين   اجدادي
..........
بجه الهادي بمماته وهلت  الدمعه
تذكر  يوم  جده  الكسرو  ضلعه
سلم  والسلام  الفاطمه  البضعه
عله حسين الدمع والرفجت الحادي

.✍ام زينب كربلاء غير مبري الذمه من ياخذ الكلام وينسبه له او يحذف الاسم 

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه نخوه للهادي ع
***
دخيلك ياعلي الهادي بابك جيت ادكنه
***
يابو العسكري انخاك يامظلوم أنه برجواك
دنيه وآخره وياك وحاشه اكطع الظنه
****
امراد العاجل انطيني انعاك بدمع عيني
بالشدات تدريني دوم لكبرك اتعنه
****
ضاكت بالصدر حلهه المعسرات سهلهه
يمك سيدي كلهه جودك والنعم منه
****
سامره بحزن وهموم توشحت بالسواد اليوم
صاحت ويلي عالمسموم وابعاد الاهل عنه
*
وحدك من لفاك البين آيبن الغريب حسين
مثل جدك تدير العين والونه بأثر ونه
*
كضيت العمر بالنوح تنعه والكلب مجروح
لحسين الكضه مذبوح وخيل العده رضنه
*
كبرك قبله للوفاد جفك بالكرم يزداد
مثل جدك اسد بغداد تنطينه وبلا منه
*
لكبرك تعتني الزوار حاشه ماترد خطار
يالجدك علي الكرار قسيم النار والجنه
*
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vm.tiktok.com/ZM6xHJ1jS/
صوت جوهري كلمات رائعه

فزاعيه  للهادي ع

اليوم عالمسموم 
تبجي  عيوني

.........
هليت دمع العين
ابجي عله الطيبين
شايل يركن الدين
الزهره تصيح بمجلسه عازوني
.........
ونيت  ونه عليه
دمع الحزن اجريه
سم  العده ماذيه
يحله ويلوك عليه  دك متوني
..........
الكم  يهالي الصيت
بونت  حزن  ونيت
يهل  الشيم ناديت
دخيل  عدكم   بالحشر حضروني

..........
حضرونه يهل الجاه
سجلو  الدمع والاه
الهادي مشه وننعاه
انعازي  التصيح  بموتتك  لجموني
...........
انعازي  الزجيه اليوم
ونبجي عله المسموم
الهادي رحل مظلوم
ون  ويكول اعداي  مارحموني

.✍ام زينب كربلاء غير مبري الذمه من ياخذ الكلام وينسبه له او يحذف الاسم 

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسيدة زينب ع {يا شيخ الزلم }🔥🔥


يا شيخ الزلم _ الحگ العلويه
جاي اتناطرك والدمعة مجريه
❥❥❥❥ـــــــــــــ❁❁ـــــــــــــ❥❥❥
جاي اتناطرك والدمعة هلتها
تكسر خاطرك يالسبع غربتها
تدري الشام لمن متت سلتها

كلهم صاحوا اعليها يمسبيه
❥❥❥❥ـــــــــــــ❁❁ـــــــــــــ❥❥❥
مهظومة بدونك والتعب بيها
كوم وعوف كبرك لحگ اعليها
بعد للضيم زينب حيل مابيها

من سابع محرم ويلي محنيه
❥❥❥❥ـــــــــــــ❁❁ـــــــــــــ❥❥❥
محنيه ضهر زينب المهظومه
چي ماجيت ليها الحره مصدومه
راح اتموت من فركاك مألومه

صاحت من جفه العباس مابيه
❥❥❥❥ـــــــــــــ❁❁ـــــــــــــ❥❥❥
ما بيه اجر النفس بالگوه
انه مشتاگ گلبي اليوم للخوه
ردت بالموت جفه ايصير الي تجوه

چا وين الكفلني خل يمر بيه
❥❥❥❥ـــــــــــــ❁❁ـــــــــــــ❥❥❥
چا وين الكفلني وليش عافاني
اون بالموت اون عباس ماجاني
مهظومة واهل بدموعي خلاني

العشره يا هظيمه الليله مكضيه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_٢٤_.


فزاعيه للكاظم عليه السلام


هذا امام الرافضه
ماحضرو ايشيعونه
❥━──➸➽❥💔❥━──➸➽❥💔
جا وين ويلاده صفو
اضنهم ببوهم مادرو
محد الخبرهم واجو
جا غمضوله اعيونه
❥━──➸➽❥💔❥━──➸➽❥💔
مسموم وحده بلسجن
عليه ماواحد يحن
الليل كله بس يون
وامزنجلات امتونه
❥━──➸➽❥💔❥━──➸➽❥💔
هليوم مولانه كضا
مسموم ويلي ابو الرضا
صاحو امام الرافضا
وين اهله وايحضرونه
❥━──➸➽❥💔❥━──➸➽❥💔
مسموم وحده بلغرب
حال الغريب اشكد صعب
منهو اليشيله امنلترب
والحاضر خيعونه
❥━──➸➽❥💔❥━──➸➽❥💔
عليه التمت شيعته
ويلي او غطاه اعبايته
تفجع الكاظم غربته
ممدود وايشوفونه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه للأمام الكاظم عليه السلام《 هالليله تون 》


هالليله تون وأتنوح معصومه
واليهه مشه أو ما ينحمل يومه
❥━──➸➽❥💔❥━──➸➽❥💔
هالليله مشه واليهه حزنانه
وأشهد يا فجر للصبح سهرانه
تبچي وعينهه أمن الدمع تعبانه
وكل دمع تطيح أتطيح مهضومه
❥━──➸➽❥💔❥━──➸➽❥💔
واليهه رحل مختنگه خلاهه
وچانت جوه عينه أمدلله أبجاهه
راح وما بقت كل عافيه أوياهه
بقت بس ريحته أتسليهه بهدومه
❥━──➸➽❥💔❥━──➸➽❥💔
ما ميت تگله أو طيفك أويايه
ويتمرجح أبچفني ورمشي تچايه
ويوميه الأغروب أنصبلك أقرايه
وجرحي أشگد غميج أو وأضحه أرسومه
❥━──➸➽❥💔❥━──➸➽❥💔
بعدك ما ضحكت أو لا تمر بسمه
معقوله خسرتك لوني متوهمه
متعلمه أعله عطرك حيل متعلمه
هوى ولايوم مرني وچني معدومه
❥━──➸➽❥💔❥━──➸➽❥💔
بچيت أبلا وعي من جابو أخبارك
بقيت ويه الهوى اللي مرني أتعارك
چنت من أحلف أحلف أي وحگ راسك
وهسه أمنحلف أحلف أي وحگ نومه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ٧ من شهر رجب
الموافق / ٢٠٢٤/١/١٩

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_٢٤_.


فزاعيه للكاظم عليه السلام


الكاظم يون اعله الجسر
من ذبته السجانه
❥━──➸➽❥💔❥━──➸➽❥💔
مسموم ون ابغربته
علجسر صارت نومته
تكتل يويلي ونته
واسمع صجيج السنسله ابذرعانه
❥━──➸➽❥💔❥━──➸➽❥💔
علجسر ويلي اشحاله
وابعيد عن اعياله
محد اجاه او شاله
وايريد خوان التجيب اجفانه
❥━──➸➽❥💔❥━──➸➽❥💔
الكاظم يون واتراده
السم صعد لفاده
ما درو بيه اولاده
ابجسر الرصافه مددو جثمانه
❥━──➸➽❥💔❥━──➸➽❥💔
اسنين وحده بلسجن
محد على حاله يحن
هليوم مسموم ويون
لاجوه ويلاده ولا خوانه
❥━──➸➽❥💔❥━──➸➽❥💔
مسموم سلهم عينه
علجسر وامقيدينه
القيد كص جفينه
ماكو رحم بكلوبهم عدوانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للسيده زينب ع
*
مرار الشام ماينحمل طاريه
هاجت ذكرياته والحزن بيه
**
لأرض الشام رديت ومآسيهه
روحي اتعلعلت وابيش اداويهه
سنه ونص الجرح ينزف بعد بيهه
ماطاب الجرح نادوني مسبيه
**
يساره من دخلنه ليهم امكيدين
اهل الشام عدهم عيد وامعيدين
يسمونه الخوارج ياهلي الطيبين
يضربوني بحجر لاجني علويه
**
هاجت ذكريات القصر وآلامه
جلمات الشماته الطاغي وسهامه
راس حسين اخويه بطشت كدامه
يضرب عالثنايه وشفه مدميه
**
ايام الخرابه صارت اكبالي
من ظلت رقيه بحسرة الوالي
نامت عالطشت وانصاب دلالي
حظنت راس ابوهه وماتت ارقيه
**
هاجت ذكرياتي امسيت مهضومه
يم الشجره راس حسين وارسومه
ياموتي تعال لروحي مظلومه
اخذهه الروح وارحم حالتي شويه
**
صوبني الزمان بفركة اخواني
لفاني الموت وحدي بغربة احزاني
تمنيتك يبو السجاد دفاني
وابو فاضل عدل يستعجل الجيه
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الشاعره_رسل_الابراهيمي
#الشاعره_نورس_الحلفي
#الشاعره_رضاب_الاسدي



#قصيدة للسيدة زينب "ع" جنوبيه{{هوسه وعراضات}}

يخت حسين الج هوسه وعراضات
مو ونه الج بالشام. ونات
ـــــــــــــــــــــــــــــــــــــــــــــــــ
يخت حسين الج ميدان لطميه
وي خوانچ بساع الفراگيه
عليج انگول والگولات شيعيه

المثلج بالگبر تنضم حسافات
يخت حسين الج هوسه وعراضات
ـــــــــــــــــــــــــــــــــــــــــــــــــ

يخت الحيد وين مغربه اليوم
عليج حسين اخيج يبچي مندوم
تجرعتي الهضم زينب والهموم

بلا خوان نعشج حمل وفات
يخت حسين الج هوسه وعراضات
ــــــــــــــــــــــــــــــــــــــــــــــــــــــــــــ

ندمه عليج يازينب يعلويه
ماشيعوج اهالي الزود جمعيه
الف ياحيف يابنت الكباريه

لاچادر نصبلج لاعزيات
يخت حسين الج هوسه وعراضات
ــــــــــــــــــــــــــــــــــــــــــــــــــــــــــــ
لا جادر حزن لا بيرغ المرفوع
متتي يلعقيله والگلب مشلوع
اليوم اعليج كل شيعي ومحب مفجوع

احاه يا بت علي وحاضره الشدّات
يخت حسين الج هوسه وعراضات

ـــــــــــــــــــــــــــــــــــــــــــــــــ
احاه يلغرّبيتي وبالگلب جمره
يحله النوح الج يا زينب الحرّه
نسويلج عزه ونبجيلج ابعبره

و انخلّي اللطم جازات جازات
يخت حسين الج هوسه وعراضات


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الشاعره_رسل_الابراهيمي
#الشاعره_نورس_الحلفي
#الشاعره_رضاب_الاسدي

#قصيدة للسيدة زينب "ع" جنوبيه{{للغريبه بشامها}}

النوگ يبچن للغريبه بشامها
وسفه ماجاها ودفنها احزامها
ـــــــــــــــــــــــــــــــــــــــــــــــــ
النوگ يبچن للغريبه وبس تون
عاشت وماتت اسمها ام الحزن
اخوان زينب مااجوها بالدفن

(مازتوها//اربات العز)

النوگ يبچن للغريبه بشامها
ـــــــــــــــــــــــــــــــــــــــــــــــــ
بالغرب ماتت يويلي اعليها
اخوان مايمها وتجي تواريها
غريبة وسفه ام الخدر تاليها

(محزونه //حتى بموتتها)

النوگ يبچن للغريبه بشامها
ــــــــــــــــــــــــــــــــــــــــــــــــــــــــــــ

تهضم الدلال زينب ناحله
ودت اطروش وعتاب لكربله
كون تفزع ليها اهالي المرجله

(يشيعوها//اخوتها الحره)

النوگ يبچن للغريبه بشامها 
ــــــــــــــــــــــــــــــــــــــــــــــــــــــــــــ
وين ابو اليمه وشيال العلم
خلهم ايفزعون ليها اهل الشيم
ماتت من الضيم اختهم والهظم

(يشيلوها // مو هينه الغربه)

النوگ يبچن للغريبه بشامها

ـــــــــــــــــــــــــــــــــــــــــــــــــ
موش هينه الغرب تدفن بت علي
اتگول اريد حسين اخوي وكافلي
لا ولد يعدل غطاي ولا ولي

(امنومين احبابي // بلحومه)

النوگ يبچن للغريبه بشامها  ... تمت بعون الله وفضله🙏🏻 غير مبري الذمه من يحذف أسماء الشاعرات أو يتلاعب بالكلام وينسب الرثاء لشخص اخر. ونسألكم الدعاء 

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسيدة زينب ع {كون مدفونه}

ابين اهلچ يزينب _كون مدفونه
مو بالشام وحدچ آه يمحزونه
❥❥❥❥ـــــــــــــ❁❁ـــــــــــــ❥❥❥
مو بالشام وحدچ اخوه مايمچ
سودة اعليه متي من كثر هظمچ
غريبة وبس بواچي والهظم سهمچ

عليچ الدنيه يأم الحزن مرجونه
❥❥❥❥ـــــــــــــ❁❁ـــــــــــــ❥❥❥
حزنچ من حزنه وداعت الزهره
علئ مصابچ ننوح وبالگلب جمره
جرحج بالگلب هيهات لو يبره

العازه بمجلس يالحره خيعونه
❥❥❥❥ـــــــــــــ❁❁ـــــــــــــ❥❥❥
العازه بمجلس خيعونه هالليله
دمعه من دمه يا زينب ايسيله
يواسي دمعتچ الضلت اهميله

طول ايام عمرچ آه يمحزونه
❥❥❥❥ـــــــــــــ❁❁ــــــــــــ❥❥❥
طول ايام عمرچ دمعتچ تجري
عليچ النوح يحله يابعد عمري
اريد انخاچ نخوه بالكبر مري

احلفنچ اريد ابداعت اعيونه
❥❥❥❥ـــــــــــــ❁❁ـــــــــــــ❥❥❥
احلفنچ اريد ابداعت الخوه
من النار اريدن وكفتچ تجوه
لتعوفيني وحدي بالكبر فدوه

وحشه ايضل يكبري من يعوفونه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#حصرياً

فزاعيه مزدوجه بهوسات للسيده زينب ع
❥❥❥❥ـــــــــــــ❁❁ـــــــــــــ❥❥❥❥

ويا عبـاس كوم وزلزل الشام
شيعها العقيله بكلب محتام

❥❥❥❥ـــــــــــــ❁❁ـــــــــــــ❥❥❥❥

شيعها العقـيله وكــوم ليهه
تون ام عون دنهض ياوليهه
الــيوم الشــام مكلوبه عليهه
{ تون وتريــد // الــوفــايه }

❥❥❥❥ـــــــــــــ❁❁ـــــــــــــ❥❥❥❥

يـا كفـالها مـا بــسـك النوم
زينب هالتون اسمع يجيدوم
محتام الگلب وتريدك اليوم
{احضر ليها //عباس اختك}

❥❥❥❥ـــــــــــــ❁❁ـــــــــــــ❥❥❥❥

وينك ياسبع وينك يعباس
نعش طاهره خليه عالراس
بيك مزامطه زينب ينوماس
{ اعله زامطي// مروني ليوم}

❥❥❥❥ـــــــــــــ❁❁ـــــــــــــ❥❥❥❥

اذا عباس الي مابي جيه
مروني عله راعي الحميه
خله يشوف حالي شصار بيه
{اگعد واتعاتب// كون وياه}

❥❥❥❥ـــــــــــــ❁❁ـــــــــــــ❥❥❥❥

اريد اعاتبك يل كلك امروه
ياخويه العتب ينرداله خوه
فركنه الوكت عباس بالكوه
{ اكعد يعضاي// وحاجيني}

❥❥❥❥ـــــــــــــ❁❁ـــــــــــــ❥❥❥❥

تمت بقلم شاعرتي اهل البيت ع

العلويه ام كنان الهاشمي
والموفقه نورس الحلفي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه او مربوعه لزينب ع

يجون اليوم  وصيت الخوال ابني
حسين يشيلني  وعباس  يدفني
...............
مطروح  النعش  وين اليشيلونه
وصيت الخوال ابني يحضرونه
حنان ونعش اختهم  مايخلونه
اريد الطول   عمره   ماتعذرني
.............
اخوي البيه حميه اليوم اريدنه
أريده اليوم ماريد  العذر  منه
هذا  الماتعذر  يوم  عمت ابنه
ردت راعي العلم للمكبره ايزتني
..............
وديت الوصيه  والعتب بيها
تعالو  لجنازه  ولحكو   عليها
محد شالها  ومحد  كرب ليها
حسين ابنك تحير  من يشيعني
..............
تعالوا ابساع شيلوني  يخواني
ياموت الغرايب  زود   احزاني
محتازه  واريدن  يوم   ولياني
يلحكون  اخوتي دفان عطلني
..............
خليني عله هونك  ها  يدفانه
يامحله النعش شيالته اخوانه
ماحضروج مت عيني يحزنانه
يخت عباس يومج حيل هاظمني

.✍ام زينب كربلاء غير مبري الذمه من ياخذ الكلام وينسبه له او يحذف الاسم من الجزء العشرين من المآسي الفاطميه

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك