فزاعيه جنوبيه للكاظم ع
*
إلمن هالجنازه وين اهاليهه
شيعوهه الغرب ويصيح ناعيهه
**
من ناده المنادي بذل الاستخفاف
إمام الرافضه فوك الجسر ينعاف
من ثكل الحديد امورمه الجتاف
وينج يم حسن لكيوده فكيهه
**
حماميل اربعه من السجن طلعوهه
ملفوفه بعبايه سوده غطوهه
ظلت عالجسر مطروحه عافوهه
وين اهله الهواشم مادرو بيهه
**
بطوامير السجن كضه العمر مظلوم
بزناجيله الثكيله ينام ويكوم
من نور الشمس اعوام ظل محروم
ولأجله الشمس تسطع بأراضيهه
**
السندي شدد إعله ابن الزجيه
بسجن بغداد راواه المنيه
للكاظم يضربه بكل مسيه
وسمه بالرطب ياحيف تاليهه
**
غريب ابلا اهل داره بعيده
ياهو الجان يمه وعدل ايده
ساكه امرضرضه ابن الصميده
ميت بالسجن معصومه واليهه
**
كل ميت يحن لشوفة اعزازه
ثلثتيام مامدفونه الجنازه
وجناز الولد ياعازته عازه
إفزع يالرضه وللكاع اطويهه
**
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فله للكاظم ع
**
صعب فركاك يابويه     كلي شلون احملنه
***
معصومه تصيح بصوت   يالكاظم خذاك الموت
من شالوك بالتابوت       نعشك مااودعنه
****
جان آخر امل عندي      تجي وتبوسني بخدي
ألطم عالوجه وحدي     ومنك اكطع الظنه
****
عليك شكد بجت عيني   تعال واسمع ونيني
غيرك من يباريني         ابويه مشبعت منه
****
اويلي اعليك يايابه         بسجن وامفارك احبابه
ولاواحد يدك بابه         يموت بحسره وبونه
****
نعشك عالجسر ذبوه    حماميل اربعه شالوه
ثلثتيام مادفنوه           ياهو اللي نشد عنه
*
صارت شوفته بعيده       بزنزانه كضه اوحيده
السلاسل حزت وريده     وماخلوني افكنه
*
يبويه عشرتك حلوه      فاركنه الوكت كوه
بدونك عمري مايسوه    اموت ابدالك اتمنه
*
يبو سوالف حنينه تروح    وابنيتك عليك تنوح
كلبي بفركتك مجروح       الزمن يابويه طشرنه
*
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#قصيده للامام الكاظم عليه السلام
🖊📒

وين الهواشم عــنه هاي الليله
تحضر الكاظم. ونعشه اتشيله
↡✿↡┅┅┅┅✥🖤✥┅┅┅┅↡✿↡
خل يحضروه الهواشم بلعجل
وحده المسموم ياوسفه يضل
شابحه العينين ضلت عل أهل
أمصوب أبـسم الغـــدر ادليله
↡✿↡┅┅┅┅✥🖤✥┅┅┅┅↡✿↡
أربــع احماميل موسى. شالته
اعله الجسر خلوها ويلي جنازته
واهله عـنه ابــعاد. اوما حضرته
الشيعـه ضـلت. بالهـظم تبجيله
↡✿↡┅┅┅┅✥🖤✥┅┅┅┅↡✿↡
الـشيعه لمصابه تون محزونه
ونعشه فوگ الروس ايرفعونه
وبيرغ للحزن مأتم ينــصبونه
وتدگ عالهامه اودمعهه اتسيله
↡✿↡┅┅┅┅✥🖤✥┅┅┅┅↡✿↡
تدگ عل الهامه وتواسي فاطمه
تعزي بمصابه علي حامي الحمه
مجـروحه هالــروح عـلــيه مألمه
كل مـحب اعليــه أتهــدم حيـلـه
↡✿↡┅┅┅┅✥🖤✥┅┅┅┅↡✿↡
بسم العده الكاظم خلصت روحه
أيده من گيــد السجن. مجروحه
أومابطل لعياله. دمـعــه.اونـوحه
وبلسجـن. ما حــضروا. أمــداليله
↡✿↡┅┅┅┅✥🖤✥┅┅┅┅↡✿↡
المنتـظر وينه. ويطلب ثــاره
وثار جـده احسين اونـصــاره
اويـرفـع ابــوجه العــده بتاره
وثــار البتول الطاهره الجليله
↡✿↡┅┅┅┅✥🖤✥┅┅┅┅↡✿↡
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
↡✿↡┅┅┅┅✥🖤✥┅┅┅┅↡✿↡

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#جـديد2023
#الشاعره والمله نورس الحلفي

يـشيال النـعش... شَمّـر الچـفيـه
تـره المسموم سـاده كـل اهاليـه

ــــــــــــــــــــــــــــــــــــــــــــــــــــــــــــ

يالشلـت النـعش شَمّـر بچفيتـه
دگ اعلام لجله وافـخر بصيتـه
وحشمهم عمامه وكل اهل بيتـه

{ يفـزعولـه//ارجـال الـكلفـه }

ــــــــــــــــــــــــــــــــــــــــــــــــــــــــــــ

وين ارجال هاشم واهله الحيود
يحضرون الغريب الضال ممدود
معـروفيـن كلهـم مرجلـه وزود

{ يخلونـه //امـدد ليـش }
ــــــــــــــــــــــــــــــــــــــــــــــــــــــــــــ

بعلمك مادرو بالسجن مسموم
چا نصبو چوادر فاتحه اليوم
جثتك عالجسر وسفه يمضلوم

{يشـيعونـه //ما يمـه اولاد }

ــــــــــــــــــــــــــــــــــــــــــــــــــــــــــــ

حماميل اربعه شالوها الاجنازه
ومحد من هله حضروله واعزازه
چا صار الرضا هاليوم جنازه

{خبرو يحضر // دفن الهـيبه}

ــــــــــــــــــــــــــــــــــــــــــــــــــــــــــــ

كون ابنه يجي ويحضر لتغسيله
السيد مو غرب لا ولده التشيله
وينصبون مجلس فاتحه الليله

{يـعزونـه // واحبابـه الـيوم }
ــــــــــــــــــــــــــــــــــــــــــــــــــــــــــــ
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

تم نشر مواليد افراح شعبان
https://tttttt.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

https://vm.tiktok.com/ZM6THQcEx/

هلهولة للعباس 👏👏👏👏

قصيده لامير الامؤمنين
___
ودعنه هذا اليوم
  راعي المرجله.

صاباه المرادي .
ذوبلي افادي.
ظل كلبي ينادي.
اشلون النذل جازاك يا  عقد الوله /

هدم عمود الدين .
من صاب ابو الحسين.
خلانه حزنانين
ونصب لابو الحسنين دمعه هامله./

نبجي عليك دموم.
مولاي يا مظلوم.
شفنه المرار اليوم .
والدنيه بعدك دوم ظلت مايله./


ودعنه عالي الشأن.
فارس بني عدنان .
حيدر علي البرهان.
مندوب بشدات فزاع الهله /


ايتام سوانه.
من ضرب مولانا .
والدنيا حزنانه .
وبالارض عالكرار صارت زلزله./


زينب هظيمتهه.
وتتنخه  بخوتته.
يوم الولي فتهه.
نوح الحزينه ام عون هاليوم اعتله./



راس الولي مصيوب.
ودعنه المهيوب .
بعدنه مشينه دروب.
ياوسفه ضيعناه سر البسمله./


*ناعية الخيام*

ام فاطمة الزهراء


https://tttttt.me/joinchat/AAAAAELdvGssZMurwfLsJA

*قصيدة للإمام علي (ع)*
*من ديوان📚 دموع وعبرة في رثاء العترة الجزء الاول*
❥━──➸➽❥❂❥━──➸➽❥❂
ياعلي وحشه وخليه اديارك
شلون لو گصدت واجت خطارك ❥━──➸➽❥❂❥━──➸➽❥❂
ياعلي هاليوم دارك مظلمه
وزينب تنادي يحماي الحمه
بويه بالمحراب هل سال الدمه
الف وسفه صار مظلم دارك ❥━──➸➽❥❂❥━──➸➽❥❂
مظلمه دارك يحماي الدخيل
يا وليد الكعبه يالمالك مثيل
عگبك الأيتام ظلت بالعويل
تنادي يالوالي وتنوح گبالك ❥━──➸➽❥❂❥━──➸➽❥❂
تنتحب زينب وظلت بالهظم
بعدما تحمل قهرحزن ويتم
من مرار البين للجور وظلم
يالولي ضاعت علينه اخبارك ❥━──➸➽❥❂❥━──➸➽❥❂
يالولي ردناك خيمه للابد
غبت عنه وين نتلاگه بعد
انت للايتام والشيعة ضمد
جانت الدنيا زهيه بجالك ❥━──➸➽❥❂❥━──➸➽❥❂
جانت الدنيا بجالك مزهره
وظلت اخلافك حزينه مكدره
اظلمت الدنيا  علينه ومغبره
وظلت بنص الگلوب احزانك
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور*
*نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للامام علي ع {سوت فاتحة}

سوت فاتحه ام عون اعله واليها
صاحت يالعيون اتريد غاليها
❥❥❥❥ـــــــــــــ❁❁ـــــــــــــ❥❥❥
سوت فاتحه والدمعه مجريه
صاحت ياعلي للفركه مابيه
احزان الكون كلها التمت اعليه

ام عون لفرگـتك يالوالي مابيها
❥❥❥❥ـــــــــــــ❁❁ـــــــــــــ❥❥❥
افراگك ما احمله ردلي يالوالي
بس النوح عكبك صار يحلالي
يكون وياك ميته كلش اشوالي

زينب يالحنين الحزن غاطيها
❥❥❥❥ـــــــــــــ❁❁ـــــــــــــ❥❥❥
غاطيني الحزن بعدك يعافيتي
شلون تعوفني ها يانفس ريتي
صار اضلم بدونك يالشلت بيتي

وعيوني الدمع بالفركه عاميها
❥❥❥❥ـــــــــــــ❁❁ـــــــــــــ❥❥❥
عاميهه الدمع وتريدك اعيوني
تعال اعليه انشد يالولي اشلوني
بعدك يالحنين العده ايضربوني

بنيتك حيل تعبت كوم حاجيها
❥❥❥❥ـــــــــــــ❁❁ـــــــــــــ❥❥❥
حاجيني يبويه تعبت بلفرگه
بعد وياك كلي هم تصح ملگه
توجعني وحك اعيونك الشهگه

روحي تون عليك و لا تخليها
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصیده للامام علي ع {{خربانه المحنه}}


بتک یا علي عالضیم مابیها
خربانه المحنه و موته اهالیها
ــــــــــــــــــــــــــ
بتک یا علي ما تحمل الونه
المشیمني صیته اشلون افگدنه
اشلون الیل بعدک بویه انامنه
شایل یا علي وروحي تجافیها
ـــــــــــــــــــــــــــــــــــ
شایل وین یا عزي ودلالي
اخلص الیل بالون هاذه حالي
عگب الدللاني الهم صفالي
وین ایرید ابو روحي الیباریها
ــــــــــــــــــــــــــ
العاشت بالدلال افراگ ماتحمل
تجر ونه علیک وعینهه تهمل
البت ابلا ابوهه یا علي تنذل
روحي اتموت لو راح الیداریها
ـــــــــــــــــــــــــــــــــــــــــــ
روحي اتموت یابوحسین لیلیه
تره انه اوداعتک محمل مهضمیه
نایم بالنجف وانه انگطع بیه
علیله العافیه و یاهو الیداویها
ــــــــــــــــــــــــــــــــــــــ
علیله العافیه والروح مسلوله
شیال الحمل حیدر دگلوله
هدل متني یبویه وطاحن احموله
بتک ناحله وترید والیها
ـــــــــــــــــــــــــــــــــ
تمت بعون الله تعالی
کلمات یاسمین الشموسي
نسالکم الدعاء

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لجرح

اليلة اهتزت الكوفه وظواحيها
انهد ركن الديانه وطاح واليها
.......

نده جبريل والصرخات علاها
واملاك السمه من صاح بجاها
مفجوع الحسن والعين هلاها

من شافه ايخر / دم الهامه

..........
من شاف الدمه سايل عالعمامه
نده بويه علي ويلطم عالهامه
ون عالصميده وزادت الامه

اتكابل وي ابن امه / وهل دمع عيونه
.........
يكله خن نشد اصواب والينه
خويه حسين صاح ودمعت بعينه
بهيده انعدل ابونه كوم خلينه


بهيده انعدل حيدر / ونشد اصوابه

.............
كوم وخن شيل الحيد لدياره
مكسور الكلب والعين تجاره
شلون ام الخدر لوصلت اخباره

شلون انسكت زينب / لوشافت حاله
.............
شكللها يخويه من تناشدني
لوصاحت بصرخه هنا يبن امي
يبومحمد تكلي شبيه جد ابني

شلون اتعاين حيدر / وتشوف صوابه
...........
اليلة بطبرة الكرار فجعوها
زينب بالحزن والنوح واسوها
تصيح الله واكبر يوم خبروها

من صاحت بويه / الكون عليها اتكدر

...............

✍أم زينب كربلاء غير مبري الذمه من ياخذ الكلام وينسبه له او يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

شده للأمام علي ع
***
مطبور الولي والشيبه خضبوهه
زينب تنتحب وتنوح خلوهه
***
زينب تنتحب تلطم عله الهامه
تصيح بصوت ابونه راحت ايامه
ياحيف الولي ماتمم اصيامه
وبفرض الصلاة الهامه طبروهه
***
شفتك ياعلي والدم عله عيونك
من كد النزف اصفر غده لونك
شلون اكضي العمر يابويه من دونك
بتك ياعلي الكرار هضموهه
***
ابن ملجم فجعنه الليله بمصابك
جتال الجرح ومصوب احبابك
طبيبك يالولي أيس من صوابك
ايتامك عليك الدمعه سالوهه
**
سالت دمعة عيالك يبو الحسنين
تفاركنه ومستعجل عليك البين
وبساعة وداعك يابطل صفين
روحي تنسحن وجروحي لجموهه
***
تذكرت الحنينه فاطمه الزهره
ودعتني يبويه وبالكلب حسره
عفتوني سوه ياوالد العتره
من الأم والأبو زينب حرمتوهه
***
أم علي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة فزاعيه ( لاستشهاد الامام علي ع )
.....................

العيد اجانه ياعلي
لا تمشي و تخلينه


العيد  ايام  ويجي
بعدك عليمن ننتجي
لتروح و نضل بالبجي
غيرك منو ايهم بينه

منهو  يهم  لينه  بعد
ياحيدر و انته الضمد
مو تدري ياذينه الفگد
و اغيابك يبجينه

اغيابك انخلصه هضم
و العيد  يا بويه  لطم
شملك منو بعدك يلم
محد  ترا  ايلم  بينه

منهو اللي يجمعنه سوه
يابعد  روحي  و الهوه
لو تمشي گلبي ينجوه
و الجفن تهمل عينه

تهمل ادموع الفاگده
بالعيد منهو اتعايده
ثوبي بعد ما جدده
غاب الحنين اعلينه

منهو يگص ثوب الفرح
لو تمشي گلبي ينجرح
بالمگبره عيدي الصبح
وياك   يا  والينه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_فاتح_خيبر_ج١
هوسات  للامام علي(عليه السلام)
❥━──➸➽❥❂❥━──➸➽❥❂
شجاعة حيدره محتاره شوصفها
ميدان الحرب والناس تعرفها
علي الرد الشمس وبچفه وگفها
((والكون يسولف بفعاله))
❥━──➸➽❥❂❥━──➸➽❥❂
يشهدله الكون ويشهد الميدان
علي فارس مضر يمخوف الفرسان
ياليث الحرب يا أشجع الشجعان
((يفنيهه لو طب للحومه))
❥━──➸➽❥❂❥━──➸➽❥❂
يفنيهم فني لو دخل للحومه
حيدر هذا هذا الشاعت علومه
صفين وبدر تشهدله بيومه
((تشهد بفنونه اركان الملعب))
❥━──➸➽❥❂❥━──➸➽❥❂
تشهدله الملاحم حيدر الضرغام
قالع خيبره يمخوف الظلام
بسيفه گام ليهم شيد الاسلام
((شيد الإسلام واركانه))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#من_ديوان_فاتح_خيبر_ج١
هوسات  للامام علي(عليه السلام)
❥━──➸➽❥❂❥━──➸➽❥❂
شجاعة حيدره محتاره شوصفها
ميدان الحرب والناس تعرفها
علي الرد الشمس وبچفه وگفها
((والكون يسولف بفعاله))
❥━──➸➽❥❂❥━──➸➽❥❂
يشهدله الكون ويشهد الميدان
علي فارس مضر يمخوف الفرسان
ياليث الحرب يا أشجع الشجعان
((يفنيهه لو طب للحومه))
❥━──➸➽❥❂❥━──➸➽❥❂
يفنيهم فني لو دخل للحومه
حيدر هذا هذا الشاعت علومه
صفين وبدر تشهدله بيومه
((تشهد بفنونه اركان الملعب))
❥━──➸➽❥❂❥━──➸➽❥❂
تشهدله الملاحم حيدر الضرغام
قالع خيبره يمخوف الظلام
بسيفه گام ليهم شيد الاسلام
((شيد الإسلام واركانه))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ختمت المجلس للامام علي عليه السلام

خل نودع ابونه لاتشيلونه
عمت عيني المنيه سدت عيونه
خل نودع ابونه
بس الليله باجر ما تشوفنه
خل نودع ابونه
راح الجان للكلفات يردنه
خل نودع ابونه
ماصدكت من شخصه يحرمونه
خل نودع ابونه
(بس هاي الليله تشوفونه)
ا=================
بعد ياعيد يخواني تعيدونه
خل نودع ابونه
عنده ايتام ابو الحسنين يردونه
خل نودع ابونه
علينه الباب بعده من يدكونه
خل نودع ابونه
اذكر والدي وكلبي يشلعونه
خل نودع ابونه
(اتريض خويه تريض هاي اخر ساعه)
ا=================

ام تبارك الخفاجي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه اومربوعه بدايتها نعي للامام علي ع

يومك  ياعلي اضلم وميشوم
بجه الحسن وحسين هاليوم
والعيون عله ابوهم هلن دموم
يشال عمامته ويلطم  المظلوم

نزلت الفزاعيه

حسين اليوم  ون وشال العمامه
يصرخ  ياعلي  ويلطم   الهامه
............
شال عمامته  والعين  يجريها
يكله خلاف عينك وين اوديها
اضمها  ياعلي لوترجع  عليها
موكلبي يبويه  زادت  الامه
.........
يازينب يصيح بروح خلصانه
هاي عمامته  ودكي يحزنانه
ضلت من ابونه  هاي ذكرانه
نصد  ليها يخويه ونذكر ايامه
.........
هاليوم بحزن وبنوح شالاها
يندب ياعلي وعالصدر خلاها
شم  عمامته   والعين  هلاها
يزينب والدهر ماترحم اسهامه
..........
خلينه  يخويه  ماكابل   والونه
وخل نون لبونه الماكو اعز منه 
نشم عمامته  ونصرخ يهيبتنه
بعد  ضنه يحيدر ليلنه انامه
................
بعد  ليلج  يزينب   ما  تنامينه  
وراج  مصاب والوحدج تحضرينه
الشمر بعمامتي يهوس تشوفينه
يهوس  والفواطم  تون  جدامه
............

✍ام زينب كربلاء غير مبري الذمه من يأخذ الكلام وينسبه له اويحذف الإسم   من كتاب المآسي الفاطميه الجزء  واحد و الثلاثين

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للصادق ع نفس طور روحي راحت للحاج باسم الكربلائي
**
موسه ابن جعفر غريب الليله
شال نعش الصادق وهد حيله
***
إيودع الليله حبيبه بونته وحسراته
كلبه من نار المصيبه تستعر جمراته
عله فراك الابو سالت من دمه دمعاته
شال نعش الغالي بيده ويعثر بخطواته
انطفت شمعة بيته التضويله
شال نعش الصادق وهد حيله
****
الكاظم الله يعين كلبه وعالجروح يصبره
راحت الخيمه الجبيره والسند من عمره
طيحة الوالد ثكيله هالكسر شيجبره
فوك مانعشه يشيله بيده يحفر كبره
حنه ظهره وصاح ابويه ادخيله
شال نعش الصادق وهد حيله
****
صاح يابويه برحيلك من يصبر عيني
شلون اهيل تراب كبرك عالوجه حاجيني
راح اظل بعدك غريب اعداك هم تسبيني
بالسجون الظلمه بويه راح اكضي سنيني
والسلاسل تدري حيل اثكيله
شال نعش الصادق وهد حيله
*
بالغدر مسموم جبدك يالتغير لونك
شلون اتحمل غيابك مااشوف عيونك
تدري بيه شكد احبك دنيه وحشه بدونك
شيعو روحي الغريبه بويه من شيعونك
منهو بعدك بويه همي اشكيله
شال نعش الصادق وهد حيله
**
إتوسد بكبرك يغالي يالكسرت اجناحي
ارتاح من هالدنيه بويه وآنه اظل بنياحي
بعدك بزنزانه ظلمه ليلتي ومصباحي
ذكرياتي وياك بويه عاشت اويه جراحي
مانسيته بكل ونين ابجيله
شال نعش الصادق وهد حيله
**
أم علي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

السلام عليكم ورحمه الله وبركاته
قريبا سوف يتم نشر قصائد محرم 1446
تابعو قنواتنا👈 قصائد+نعي ابو ذيات
تجدون كل ماهو جديد وحصري على الرابط 👇👇👇
https://tttttt.me/joinchat/AAAAAELdvGssZMurwfLsJA

قصيدة للإمام الجواد(بسم يغدرونه)
تقرأ فزاعية بهوسات وألحان أخرى
❥━──➸➽❥❂❥━──➸➽❥❂
وسفه اعله الشباب بسم يغدرونه
هذا ابن الرضا يالما تعرفونه
❥━──➸➽❥❂❥━──➸➽❥❂
نعازيه الرضا ونلطم عله امصابه
حزنانه وتون اليوم احبابه
شايل يالجواد ومنغلك بابه
مات ابن الأئمة وغمض عيونه
((الشال اليوم ابن الساده))
❥━──➸➽❥❂❥━──➸➽❥❂
ياتاسع امام وقصته صعبه
مثل جده الحسن بالسم يبس گلبه
وظل عالسطح مرمي ومحد‌ يگلبه
ثلث تيام ميت ما يشيلونه
((ما حضروا ليه الخياله))
❥━──➸➽❥❂❥━──➸➽❥❂
لجده حسين تشبه قصته ويومه
صح مسموم بس ما سلبو اهدومه
ولا خلو خواته تدخل الحومه
ولا فوك الرمح راسه يعلگونه
((احا يحسين ويمصابه))
❥━──➸➽❥❂❥━──➸➽❥❂
هذا مصابه بچه فاطمه الزهره
وتحضر بالعزه وتگابل اليقره
اشماله اويه الولد ياوكتي وغدره
كل يوم بولد گلبي يفجعونه
((كل يوم البين يبچيني))
❥━──➸➽❥❂❥━──➸➽❥❂
كل يوم بعزيز البين يفجعني
شباب المات يستاهل عليه وني
يمحبات عالمسموم عازني
هد الحيل ياشيعه كلف يومه
((هاليوم الشيعه يعازوني))
❥━──➸➽❥❂❥━──➸➽❥❂
منه اليوم يل لحاجات طلبيهه
باب امراد و الشدات يگضيهه
عليه مشي العقيلة وذبح اهاليهه
بابه دوم بالشدة يگصدونه
((عطاي امراد يسمونه))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك