قصيدة للسيدة زينب ع {كون مدفونه}

ابين اهلچ يزينب _كون مدفونه
مو بالشام وحدچ آه يمحزونه
❥❥❥❥ـــــــــــــ❁❁ـــــــــــــ❥❥❥
مو بالشام وحدچ اخوه مايمچ
سودة اعليه متي من كثر هظمچ
غريبة وبس بواچي والهظم سهمچ

عليچ الدنيه يأم الحزن مرجونه
❥❥❥❥ـــــــــــــ❁❁ـــــــــــــ❥❥❥
حزنچ من حزنه وداعت الزهره
علئ مصابچ ننوح وبالگلب جمره
جرحج بالگلب هيهات لو يبره

العازه بمجلس يالحره خيعونه
❥❥❥❥ـــــــــــــ❁❁ـــــــــــــ❥❥❥
العازه بمجلس خيعونه هالليله
دمعه من دمه يا زينب ايسيله
يواسي دمعتچ الضلت اهميله

طول ايام عمرچ آه يمحزونه
❥❥❥❥ـــــــــــــ❁❁ــــــــــــ❥❥❥
طول ايام عمرچ دمعتچ تجري
عليچ النوح يحله يابعد عمري
اريد انخاچ نخوه بالكبر مري

احلفنچ اريد ابداعت اعيونه
❥❥❥❥ـــــــــــــ❁❁ـــــــــــــ❥❥❥
احلفنچ اريد ابداعت الخوه
من النار اريدن وكفتچ تجوه
لتعوفيني وحدي بالكبر فدوه

وحشه ايضل يكبري من يعوفونه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للامام علي ع {سوت فاتحة}

سوت فاتحه ام عون اعله واليها
صاحت يالعيون اتريد غاليها
❥❥❥❥ـــــــــــــ❁❁ـــــــــــــ❥❥❥
سوت فاتحه والدمعه مجريه
صاحت ياعلي للفركه مابيه
احزان الكون كلها التمت اعليه

ام عون لفرگـتك يالوالي مابيها
❥❥❥❥ـــــــــــــ❁❁ـــــــــــــ❥❥❥
افراگك ما احمله ردلي يالوالي
بس النوح عكبك صار يحلالي
يكون وياك ميته كلش اشوالي

زينب يالحنين الحزن غاطيها
❥❥❥❥ـــــــــــــ❁❁ـــــــــــــ❥❥❥
غاطيني الحزن بعدك يعافيتي
شلون تعوفني ها يانفس ريتي
صار اضلم بدونك يالشلت بيتي

وعيوني الدمع بالفركه عاميها
❥❥❥❥ـــــــــــــ❁❁ـــــــــــــ❥❥❥
عاميهه الدمع وتريدك اعيوني
تعال اعليه انشد يالولي اشلوني
بعدك يالحنين العده ايضربوني

بنيتك حيل تعبت كوم حاجيها
❥❥❥❥ـــــــــــــ❁❁ـــــــــــــ❥❥❥
حاجيني يبويه تعبت بلفرگه
بعد وياك كلي هم تصح ملگه
توجعني وحك اعيونك الشهگه

روحي تون عليك و لا تخليها
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للمسير {اخوانك الاربعة}

يمه اسلـــــملك اخوانك الاربعة
بسيف كون انحورهم متگطـعة

موتو لعيون الحسين
عفيه بيكم يالبنين

انه اودعكم وحيل اموجعه
❥❥❥❥ـــــــــــــ❁❁ـــــــــــــ❥❥❥❥
يمه اسلملك اخوتك هالمسيه
كلهم يموتون برض الغاضريه
مذبحين الخاطر اوليد الزجيه

موتو لعيون الحسين
عفيه بيكم يالبنين

وانته كون تموت يم المشرعه
❥❥❥❥ـــــــــــــ❁❁ـــــــــــــ❥❥❥❥
فدوة للعطشان طيحو عالثره
ماتعوضني حرگتي بمنحره
من تموتون أمشي أصيح المعذره

موتو لعيون الحسين
عفيه بيكم يالبنين

المعذره من حسين جثته امكطعه
❥❥❥❥ـــــــــــــ❁❁ـــــــــــــ❥❥❥❥
احزام صيروا للاخو اه يالولد
انتوا ليه اليوم يا اجمل سند
سوئ اريدنكم ولا اوصي بعد

موتو لعيون الحسين
عفيه بيكم يالبنين

انه اودعكم ييمه اموجعه
❥❥❥❥ـــــــــــــ❁❁ـــــــــــــ❥❥❥❥
اموجع ادليلي ييمه من الجفه
نوركم من بيتي هالليله طفه
جرحي بجفاكم ولا هاد و شفه

موتو لعيون الحسين
عفيه بيكم يالبنين

اه ياناري بدليلي املسعه
❥❥❥❥ـــــــــــــ❁❁ـــــــــــــ❥❥❥❥
اخر وصيتي عله زينب بت علي
ابد مااااااريدنها تبقئ بلا ولي
يمها ضلوا يمها ها ياكل هلي

موتو لعيون الحسين
عفيه بيكم يالبنين

بسيف اريد اركابكم متگطعه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج4
نشر القصيدة بثواب المرحوم خادم الحسين ع
محمد ابن سالم رحم الله من قرأ سورة الفاتحة لروحه 🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للدفنه{زينب بالعبايه}تقرأ مربعه وتقرأ جنوبيه بهوسه

زينب بالعبايه حلفت الوالي
وره الدفنه انسبي ترضاها يالغالي
❥❥❥❥ـــــــــــــ❁❁ـــــــــــــ❥❥❥❥
وره الدفنه انسبي ترضاها حاجيني
تذكرني بعد لو صرت ناسيني
بعازه يالرحت لا لا تخليني

يهضم بالگلب اه يالاخو حالي
{تخليني // معقوله وتمشي}
❥❥❥❥ـــــــــــــ❁❁ـــــــــــــ❥❥❥❥
شكد اعتازلك بالدنيه يالغافي
ضوه دنياي احسه بدفنتك طافي
مابياش احمل بعد يالجافي

دمعي عالوجن من فركتك هالي
{مهمومه // روحي وجفينك}
❥❥❥❥ـــــــــــــ❁❁ـــــــــــــ❥❥❥❥
روحي يالحنين اعليك مهمومه
وعله الضل ثلث تيام بالحومه
زينب بت ابوك الليله مهضومه

مجانك ليش بعدك يالرحت خالي
{رد ليها // مهضومه اختك}
❥❥❥❥ـــــــــــــ❁❁ـــــــــــــ❥❥❥❥
رد ليها العقيله ابعازتك تدري
لو يسبوني اموتن يابعد عمري
المن اشكي ياعباس كل قهري

تدري انه بعد لا غيركم مالي
{تعوفوني // يابعد اعيوني}
❥❥❥❥ـــــــــــــ❁❁ـــــــــــــ❥❥❥❥
يبعد اعيون زينب كوم ويايه
مشتاگه لعيونك كلش اهوايه
ابد عباس ابد مو وكت المنايه

تذبح عازتي بلياك يالوالي
{ذبحوني // من گالوا عافج}
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج7

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لوفاة علوية شريفة ع {بالدرب ماتت}لسان مولاتي زينب ع


بـــــــــــالدرب ماتت ودمعتها جريه
زغيره بـت الحسن من سوده عليه

شافت اشكال القهر ...من اليتم حد النحر

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالدرب ماتت ودمعتها هميله
والحمل مليت وحدي بس اشيله
اه يمصايب زماني اشكد ثگيله

ام هادي ماتت بالدرب ...والوكت كلش صعب

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
من عمت عيني عليها ماتت اشلون
يعينهه الله شافت ابراسه يگطعون
والشماته ويلي بيها بس يلچمون

صاحوا اعليها العده ...حسين ياهو ايگعده

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
حسين ياهو ايگعده والحسن عافاج
چان هسه من الحرب بعيونه ضماج
ياشريفه من الاهل محد بقه وياج

بالمكابر كل هلج ...بعد محد يوصلج

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالمكابر كل هلج صاحاها اللعين
بعد لا يمج اخو لا يمج احسين
اعليهم اجري الدمع حيل اعميها هالعين

مايجونج للابد ...اعزاز كلبج باللحد

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
كلشي عاشته شريفه احزان بأحزان
يعينها الله ازغيره والدلال تعبان
بالكبر حطها اعله كيفك ها يدفان

املجمة من الحبل ...الصار بيها مو سهل

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج8

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لوفاة زيد الشهيد (الدمعه سچابه)

عله زيد الشهيد الدمعه سچابه
حگ يا شيعه كلنه انوح لمصابه
❥❥❥❥ـــــــــــــ❁❁ـــــــــــــ❥❥❥
حگ يا شيعه كلنه انوح هالليله
علئ اجتافتنه يا نعشه انشيله
سبع الاسباع مايرضه عالميله

يانار الدليل لزيد لهابه
(( اعله الهامه // خلونه اندگ))
❥❥❥❥ـــــــــــــ❁❁ـــــــــــــ❥❥❥
نيران الدليل اليوم متوجره
عله زيد الشهيد العبره متكسره
جده بيوم عاشر هشموا صدره

اصله من الهواشم ونو لمصابه
((اعله امصابه // خل نلطم كلنه))
❥❥❥❥ـــــــــــــ❁❁ـــــــــــــ❥❥❥
اصله من الهواشم زيد الازياد
ابوه اسمه العليل وزين العباد
خلي اليوم اله نعلن ب الحداد

عله فگده تره حزنانه احبابه
((منصوبه // لزيد اقرايه))
❥❥❥❥ـــــــــــــ❁❁ـــــــــــــ❥❥❥
حزنانه الاحباب اعليه حزنانه
الدمعه اليوم عالخدين جريانه
هظيمه الهاشمي متغيره الوانه

واه يا گلب ابوه اعليه عطابه
((عطابه // يا گلب الساجد))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للسيدة رقية ع{گتلك اموت اعليك}
#لحن_شال_الشهيد_للرادود_مسلم_الوائلي


گتلك اموت اعليك ما اكدر ابدونك
مخليني ليش اشتاگ يابويه لعيونك
❥❥❥❥ـــــــــــــ❁❁ـــــــــــــ❥❥❥❥
مخليني ليش اشتاگ لعيونك الحلوه
خليني اموت اوياك هالعيشه ماتسوه
ردتك تظل للدوم لابنيتك تچوه

ماحسبت يا بوي هالعده يذبحونك
❥❥❥❥ـــــــــــــ❁❁ـــــــــــــ❥❥❥❥
شمسوي ويذبحون راسك من اكفاته
اعليك العليل اينوح جرحني دمعاته
آه يالگلب هيهات تشفه جراحاته

ابيا سبب بالخيل ويلي يسحگونك
❥❥❥❥ـــــــــــــ❁❁ـــــــــــــ❥❥❥❥
سولفلي عن الخيل من سحگت اضلوعك
من كربله للشام يوجعني موضوعك
خبرني للديران هم يحصل ارجوعك

لو فلت الگعدات ما اگطع اضنونك
❥❥❥❥ـــــــــــــ❁❁ـــــــــــــ❥❥❥❥
گل ضني نبقه اثنين مانفترگ لحضه
آه يالگلب بجفاك للعيشه مايرضه
كون العمر ميطول وبرمشتي يمضه

مشتاگه عيني اليوم تغفه عله امتونك
❥❥❥❥ـــــــــــــ❁❁ـــــــــــــ❥❥❥❥
بس راس ماكو امتون متبتره احريمه
وهسه اصبحت ياحيف ماعندي كل خيمه
لا ابو ضل اوياي لا امي اهظيمه

عوف الدمع يحسين وكلي اشلونك
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للحسن ع {عافني وراح}كأني بالحسين جلس بعد موت اخيه الحسن يبكي ويقول ...

الليله موزين آنه حالي
الليله فاگد گلبي غالي

عافني وراح ...عافني وراح
❥❥❥❥ـــــــــــــ❁❁ـــــــــــــ❥❥❥
الليله فاگد گلبي غالي اربينه انه وياه سوه
الليله ماضل بيه حيل الحيل بالفركه خوه
الدنيه من بعد الجفاني ضلمه احسهه ابلا ضوه
گلبي چي فارگله غالي بناره هالليله انچوه

بعد مايرجع الي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
بعد مايرجع اليه اهظيمه نام ابنص كبر
لو شتاگيت لعيونه منين اجيبلي صبر
انلچم كل مغربيه بعده لو طال الهجر
اشلون راح انساه واعيش العشت وياه العمر

بعد بالعيشه شلي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
شلي بالعيشه بدونه وبعده كلساعه انلچم
لو ينشدوني عياله اعليه يگتلني الهظم
من عمت عيني اعله اخويه حته بالموته انضلم
اسهام ترسوها الجنازه من العده لا ماسلم

ادياره هالليله خلي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
ادياره هالليله خليه والعقيله بس تون
وبالديار اتنادي يمه ردي مرمرني الزمن
انه اسمعها تنادي واحس بدموعي جرن
افراگه يصعب مانحمله غالي عالگلب الحسن

صاحت الحره علي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للاربعين "المشاية"{واسوها بمشيكم}
#طور قصيدة مايحاجيها

خل انلاگي زينب بالعراضات
گلبها من السبي متروس شوغات
شافت بالغرب يا ويلي لوعات
بعد ماتحمل الحره مهظمات

((آه يمشايه // واسوها بمشيكم))
❥❥❥❥ـــــــــــــ❁❁ـــــــــــــ❥❥❥
واسوها بمشيكم يوم تمشون
وكون من البواچي تعمي العيون
اتذكروا بيوم شافتهم يذبحون
براسه وبالعمامه اهمه يهوسون

((خل نعازيها // اجت مهظومه زينب))
❥❥❥❥ـــــــــــــ❁❁ـــــــــــــ❥❥❥
اجت تعثر بهمها زينب اليوم
تدور كبر اخوها بگلب مهظوم
صاحت وين كبرك اه يمضلوم
اجيتك ناحله والحيل مهدوم

((جيت مشايه// من الشام صاحت))
❥❥❥❥ـــــــــــــ❁❁ـــــــــــــ❥❥❥
من الشام صاحت جيتك احسين
ادورك بالكبور واهمل العين
ما اندله كبرك وين ماوين
عمت عيني ابمصابك اه يالحنين

((عميه يا خويه // عيني من مصابك))
❥❥❥❥ـــــــــــــ❁❁ـــــــــــــ❥❥❥
عمت عيني بمصابك يوم ذبحوك
سمعتك صحت ماي ومايشربوك
تجي اطفي الخيم لا مايخلوك
وتالي بخيلهم گدامي سحگوك

((سحگوا اضلوعك // بس ذبحوك خويه))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لأم البنين ع {حشمت ام البنين}

بالعباس ...حشمت ام البنين
صاحت يمه جيب اوياك الحسين
❥❥❥❥ـــــــــــــ❁❁ـــــــــــــ❥❥❥
بالعباس حشمت ام المحنه
صاحت جيب ابو اسكينه اريدنه
قبل لا اموت اريد الليله اشمنه

الليله رايدتكم تهمل العين
❥❥❥❥ـــــــــــــ❁❁ـــــــــــــ❥❥❥
اريدنكم تجوني لا تعوفوني
لصوب المكبره يمه تزتوني
من الشوگ تهمل من دمه اعيوني

عذبني بجفاكم يمه الونين
❥❥❥❥ـــــــــــــ❁❁ـــــــــــــ❥❥❥
عذبني بجفاكم وني يحبابي
عيني امناطره هالليله لبابي
اريد اجفوفكم اتهيل بترابي

حشمتك تجي يبني يالحنين
❥❥❥❥ـــــــــــــ❁❁ـــــــــــــ❥❥❥
حشمتك تجي وتجيب ابو اليمه
لا تعتذر مني ادخيل يايمه
مابيه بعد واتحمل الهظمه

تعبتني وحگك يبني السنين
❥❥❥❥ـــــــــــــ❁❁ـــــــــــــ❥❥❥
تعبتني السنين وليلي مرضني
وجفاكم يبو النوماس شيبني
ليلي وي هجركم يمه تعبني

وخذت حيلي مصيبة ذبح الحسين
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للجواد ع {ادگ بابك}

علئ طور مايحاجيها ...

ادگ بابك اجيت ودمعي وياي
واحلفك بالحُسين الماشرب ماي
اندبك يالجواد متيهه الراي
الگلب هاليوم اجه من اهمومه شچاي

((كون تگضيها // الحاجة ادخيل جدك))
❥❥❥❥ـــــــــــــ❁❁ـــــــــــــ❥❥❥
الك وكفات بيها اتسولف الناس
اليندبك ما يذل ضل شامخ الراس
ماخذ شمره من جدك العباس
حنين اعله اليندبك تنگط احساس

((لا ترد ايدي // ادخيله الليله عندك ))
❥❥❥❥ـــــــــــــ❁❁ـــــــــــــ❥❥❥
الليله ادخيله عندك اشكي الهموم
ترسني الشيب والدلال مهظوم
حيلي من المرض واهمومي مهدوم
وانه شجايه اجيتك سيدي اليوم

((جيت شجايه // اريد امراد منك ))
❥❥❥❥ـــــــــــــ❁❁ـــــــــــــ❥❥❥
بوكفاتك وصيتك يشهد الكون
اندبك والدمع غرگها العيون
ميقصر ابد انخي يگولون
لتخليني ها يبن اليكرمون

((لا تخليني // ها يبن النشامه))
❥❥❥❥ـــــــــــــ❁❁ـــــــــــــ❥❥❥
لتخليني اون والدمعة بالعين
إنه انخيتك وحلفتك بالحسين
گضيت العمر والله اونين بونين
تعبت وتعبتني اهواي السنين

(( كون البشاره // بعد مجلسك بيدي))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعليلة ع {واحد من هلي} كاني بالعليلة ع رأت اخاها علي الاكبر ع ف المنام اتئ بعطر والدها الحسين ع  كاني بها تقول ....


الليلة واحد من هلي
جاي بحــــلامي الي
عطر جايب من ابوي
گال خويــه انه علي

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
الليلة واحد من هلي سير عليه
عطر من الغالي هالجابه اليه
ويلي من شميته رد النفس بيه
ردت وانه اشتمه تلفيني المنيه

غالي كلش عطر ابوي ** والمصيبة الجابه اخوي

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
غالي كلش عطره والجاباه غالي
بس هظيمه لكربله امحمل دلالي
راسي بوجود الابو والاخو عالي
كتله ليش امجانكم ضل خويه خالي

گلي نرجعلج اكيد ** هالامر لا مو بعيد

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
گال نرجعلچ سويه ونگعد احذاچ
الكعده مو حلوة يخويه من بلياچ
كلنه نبچي كل مسية ابسبب فرگاچ
لچن هسه راح اروح والله وياچ

حارسچ واحد احد ** امسلمج بيده بعد

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
لچم گلبي بالوداع وراح الحنين
من الحلم فزيت گمت اصرخ يالحسين
الفرگه يالعايفيني اون اتريد حيلين
يومي من دونك يمر بعدال عامين

يومي من دونك جرح ** عافني حتئ الفرح

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
صحتي لا مو اهم منك ردلي لو يوم
من رحت لليوم بس اشتم بالهدوم
المن اشگي يالعفتني اثگال الهموم
چي عفتني ادليلي منك حيل مهظوم


الهظم كاتلني كتل ** كون يلفيني الاجل

يالعليلة * يالعليلة
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من ديوان موعد المآتم ج1

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للوداع {باچر العياله}

تحرگ خيمتي باچر العياله
بعدك دمعتي للموت هماله
❥❥❥❥ـــــــــــــ❁❁ـــــــــــــ❥❥❥
بعدك دمعتي للموت مجريه
ضل يمي بعد كل حيل مابيه
يصيحولي العده بجفاك مسبيه

{يهظموني // باچر ياخويه}
❥❥❥❥ـــــــــــــ❁❁ـــــــــــــ❥❥❥
يهظموني العده بجفاك يالهيبه
جرحي بغيبتك ياهوه اليطيبه
طولك لو جفاني ليه شيجيبه

{يضربوني// من بعدك خويه}
❥❥❥❥ـــــــــــــ❁❁ـــــــــــــ❥❥❥
من بعدك اون ونه بكتر ونه
واصرخ رد اليه ها يبو سكنه
اجينه الكربله وبيها تطشرنه

{ايطشروها // يلمة اهظيمه}
❥❥❥❥ـــــــــــــ❁❁ـــــــــــــ❥❥❥
اهظيمه اللمة يابو اسكينه تتطشر
وضلعك يالحنين الصبح يتكسر
تچول اعليك باجر كلها يالعكسر

{يسحگونه //ياصدرك خويه}
❥❥❥❥ـــــــــــــ❁❁ـــــــــــــ❥❥❥
ياصدرك يخويه من يسحگونه
دلالي اليودك ثق يهظمونه
بذبحك يالحنين العده يأذونه

{يئذونه // دلال الحره}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من ديوان موعد المآتم الجزء الرابع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للعباس ع {يموت الشمر}

ابو فاضل سبع رجف العياله
يموت الشمر من عباس وخياله
❥❥❥❥ـــــــــــــ❁❁ـــــــــــــ❥❥❥
يموت الشمر من عباس المچنه
يضل يرجف لون اعيونه خزرنه
ايصيح اعله العده ماريد اگبلنه

{مرعوبه// يا زلم اعداهم}
❥❥❥❥ـــــــــــــ❁❁ـــــــــــــ❥❥❥
مرعوبين من طاريه وافعاله
خزرته وضربته ايعرفوها چتاله
يقاتل حته ياخذ ماي لعياله

{يدرونه// عباس ايقاتل}
❥❥❥❥ـــــــــــــ❁❁ـــــــــــــ❥❥❥
يدرونه بطل محد وصله حده
هد الجيش هد بس سيفه اليرده
واحدهم تره كل غيره ماعنده

{كل غيره // ماعدهم كلهم}
❥❥❥❥ـــــــــــــ❁❁ـــــــــــــ❥❥❥
ماعدهم حميه وغيره ونخوه
طب العلگمي العباس بلگوه
صاح اليوم الا احسين يتروه

{بجفوفي // اخذله ويشرب}
❥❥❥❥ـــــــــــــ❁❁ـــــــــــــ❥❥❥
بجفوفي اشرب احسين الاميه
انه العباس انه ها يا بني اميه
حشموني اجيب الماي بيديه

{من اعيوني // اسگي العطشان}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
من ديوان موعد المآتم ج2

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لعبد الله الرضيع ع {جيت اناغيك}

جيت اناغيك ييمه جيت اناغيك
گـــــوم الوليك ييمه گوم الوليك

شلك بنوم الكبر ** بيه ماضل كل صبر

جيت اناغيك ييمه جيت اناغيك
❥❥❥❥ـــــــــــــ❁❁ـــــــــــــ❥❥❥
جيت اناغيك ييمه واحجي وياك
وداعة اطلوگ الطلگته ايأذي فركاك
روحي حنت يالوليد لذاك ملكاك
من ترفرف ليه وتعلي نغاياك

گوم يابعد العمر ** بيه ماضل كل صبر

جيت اناغيك ييمه جيت اناغيك
❥❥❥❥ـــــــــــــ❁❁ـــــــــــــ❥❥❥
بعد مابيه احتمل خلصان صبري
يمه بس عوف الكبر وانطيك عمري
ابدال كبرك كون بس حفرولي كبري
وكون مو نحرك گطيع اتمنه نحري

دمعي بخدودي حفر ** بيه ماضل كل صبر

جيت اناغيك ييمه جيت اناغيك
❥❥❥❥ـــــــــــــ❁❁ـــــــــــــ❥❥❥
دمعي بخدودي حفر يالنايم ابطين
اشلون عايفني انسبي يوليدي بعدين
من بعد ذبحك ييمه ذبح الحسين
حيلي خلص والفراگ ايريد حيلين

الصوبك گلبه حجر ** بيه ماضل كل صبر

جيت اناغيك ييمه جيت اناغيك
❥❥❥❥ـــــــــــــ❁❁ـــــــــــــ❥❥❥
الصوبك گلبه حجر يالولد يبني
يبچي ضل من الفراگ اعليك حضني
اجفاك ماتدري شكثر يبني هظمني
ونشدني اعليك بز عيني ولچمني

راح اموت من القهر ** بيه ماضل كل صبر

جيت اناغيك ييمه جيت اناغيك
❥❥❥❥ـــــــــــــ❁❁ـــــــــــــ❥❥❥
راح اموت من القهر واجفاك والنوح
گلبي بفراكك ييمه ابسهم مذبوح
بعد شيطيب بدونك ذيچ الجروح
نايم بكبرك وحملي يمه مطروح

يالدمع بالخد حفر ** بيه ماضل كل صبر

جيت اناغيك ييمه جيت اناغيك
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
كتاب موعد المآتم ج3

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام السجاد ع{ختم بالسم حياته}

ختم بالـــسم حياته
تــهد قصـــة وفـاته
مات وحيله مهدود
بس هايـــه امنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
اول امنـــــــيه مــن بعــد الطفوف
بس الموت صاح لمهجتي ايروف
من ضيم العليه اعـيوني متشوف

سكن هالليله اللحود
مــات وحيله مهدود
بس هايه امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
مســـــموم وعليل وگلبه مكسور
بحيله شخله يا هالنـاس عاشور
نام الليـــله ويلي ابوسط الكبور

الجسد بترابه ممدود
مــات وحيله مـهدود
بس هايه امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
الجسد بترابه مده وسبـل ايديه
ميت والگــــــــلب مشتاگ ياذيه
اريد اعــــزازي آه يا علي يناديه

الگلب بالفرگه ممرود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
الفرگه يـــاخلـــگ تاخذ تره الحيل
وفوگ الفرگه سموا جسمه النحيل
مايدرون ابـــو باقر عــلــــي اعليل

نــــام وكبره مسدود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
غمض عينـــــه نام وكبره سداه
عمت عين الوكت مانصف وياه
الله ينــــــــــــتقم من الي سماه

بعد لــــديارة ميعود
مــات وحيله مهدود
بس هاي امـــــنياته ** ختم بالسم حياته
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لوفاة زيد الشهيد (الدمعه سچابه)

عله زيد الشهيد الدمعه سچابه
حگ يا شيعه كلنه انوح لمصابه
❥❥❥❥ـــــــــــــ❁❁ـــــــــــــ❥❥❥
حگ يا شيعه كلنه انوح هالليله
علئ اجتافتنه يا نعشه انشيله
سبع الاسباع مايرضه عالميله

يانار الدليل لزيد لهابه
(( اعله الهامه // خلونه اندگ))
❥❥❥❥ـــــــــــــ❁❁ـــــــــــــ❥❥❥
نيران الدليل اليوم متوجره
عله زيد الشهيد العبره متكسره
جده بيوم عاشر هشموا صدره

اصله من الهواشم ونو لمصابه
((اعله امصابه // خل نلطم كلنه))
❥❥❥❥ـــــــــــــ❁❁ـــــــــــــ❥❥❥
اصله من الهواشم زيد الازياد
ابوه اسمه العليل وزين العباد
خلي اليوم اله نعلن ب الحداد

عله فگده تره حزنانه احبابه
((منصوبه // لزيد اقرايه))
❥❥❥❥ـــــــــــــ❁❁ـــــــــــــ❥❥❥
حزنانه الاحباب اعليه حزنانه
الدمعه اليوم عالخدين جريانه
هظيمه الهاشمي متغيره الوانه

واه يا گلب ابوه اعليه عطابه
((عطابه // يا گلب الساجد))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة وصية السيدة رقية للسيدة زينب (ع)
                 {عمه لو رحتيله}

عمه لو رحتيله يوم الاربعين
سولفيله اشلون طگاني اللعين

سولفيله عن طبع السياط بيه
حفضي عمه ابداعتي هاي الوصيه

مثل حنيته بعد ماكو الحنين
عمه لو رحتيله يوم الاربعين
❥❥❥❥ـــــــــــــ❁❁ـــــــــــــ❥❥❥
سولفيله اشلون طگاني اعله متني
وشمي بتراب الكبر يا عمه عني
وگولي اله يتمني ليش ابزغر سني

وفدوه لو رديتي منه مري بيه
حفضي عمه ابداعتي هاي الوصيه

اتراب جيبي لكبري من كبر الحُسين
❥❥❥❥ـــــــــــــ❁❁ـــــــــــــ❥❥❥
اتراب جيبي لكبري من كبر ابو اليمه
چانت امنيتي من اموت اندفن يمه
حته من اشتاگله اترابه اشمه

يدري هوه اشكد تحب عطره رقيه
حفضي عمه ابداعتي هاي الوصيه

ويمه عن الذبح عمه كون تنعين
❥❥❥❥ـــــــــــــ❁❁ـــــــــــــ❥❥❥
انعي عمه اعله الذبح والزهره وياچ
اهناك لو رحتي تجي تبچي اعله مبچاچ
وروحي يم كبر الكفيل المشه وخلاچ

نصبي يم اكبورهم عمه عزيه
حفضي عمه ابداعتي هاي الوصيه

اتذكريني اوياچ بالطف من تلطمين
❥❥❥❥ـــــــــــــ❁❁ـــــــــــــ❥❥❥
اتذكريني اوياچ بالطف لو لطمتي
ايعينچ الله اعله الجرالچ آيعمتي
آخ من يوم الذبح چم موته متي

عشتي للحسرات من سوده عليه
حفضي عمه ابداعتي هاي الوصيه

اوحيده ضليتي ابغرب لا مالچ امعين
❥❥❥❥ـــــــــــــ❁❁ـــــــــــــ❥❥❥
اوحيده ضليتي ابغرب عافوچ الخوان
وحرتي بعيال وحرم واطفال رضعان
ياهظيمه احزام ظهرچ مات عطشان

جاي احس الليله تلفيني المنيه
حفضي عمه ابداعتي هاي الوصيه

عذبتني وعذبتچ هاي السنين
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نعي للسيدة رقية ع{بابه اريده}

بابه اريده عمه وينه
خل يجي يحط اعليه عينه
عايفنه مايدري انسبينه
❥❥❥❥ـــــــــــــ❁❁ـــــــــــــ❥❥❥❥
عايفنه عمه شلون ابونه
مشتاگه انه لذيجه عيونه
اصبر صعب عمه بدونه
❥❥❥❥ـــــــــــــ❁❁ـــــــــــــ❥❥❥❥
كلش صعب انسه النساني
ويلي عله افراگه العماني
ليش الابو لا ماجاني
❥❥❥❥ـــــــــــــ❁❁ـــــــــــــ❥❥❥❥
ليش الابو ما اجه ليه
ولا كال يبنتي رقيه
ينشد قبل كل ساعه بيه
❥❥❥❥ـــــــــــــ❁❁ـــــــــــــ❥❥❥❥
ينشد يكول شلون بنتي
وهسه تهد بعده حسرتي
تموتني بجفاه ياعبرتي
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لأربعين السيدة زينب ع{ ليل الشام}

مابي گمر ليل الشام يكتل ضلامه
بيه السهر يا عباس تارك علامه

شهر وعشر ليالي ** يكسر الخاطر حالي

بيه السهر يا عباس تارك علامه
❥❥❥❥ـــــــــــــ❁❁ـــــــــــــ❥❥❥
حسبالي عباس ارتاح من يگضي عمري
تاليها لحگوني اعداي حته اعله كبري
خلاني يم الشمات متوازي دهري
چم مره عد يا عباس مكسور ضهري

يا شامهم هظمتني ** خويه اشكثر كسرتني

بيه السهر يا عباس تارك علامه
❥❥❥❥ـــــــــــــ❁❁ـــــــــــــ❥❥❥
من يوم غمضت العين عباس اتاني
لا اهل لا زاير ليش محد اجاني
اليوم اربعيني وضليت من همي اعاني
خلاني بالغربه آحاه منه زماني

محد اجاني اهظيمه ** يالشام ضلت هيمه

بيه السهر يا عباس تارك علامه
❥❥❥❥ـــــــــــــ❁❁ـــــــــــــ❥❥❥
كل عام يمي الزوار ينعون بالشام
وعني تخف من ينعون وحشات الايام
ليليه اناطر ضليت يلفوني هالعام
بس گبري آ يا عباس سدو الضلام

خلوني اضل لوحدي ** شافوني اهل ماعندي

بيه السهر يا عباس تارك علامه
❥❥❥❥ـــــــــــــ❁❁ـــــــــــــ❥❥❥
شافوني ماعندي اهل يحموني منهم
ضل گبري ينسد ينفتح كله بأذنهم
عباس طر گبرك يوم ابعدني عنهم
يمك اخذني لهناك شلي بوطنهم

ترضاها اضل متعوبه ** ويا راحتي مسلوبه

بيه السهر يا عباس تارك علامه
❥❥❥❥ـــــــــــــ❁❁ـــــــــــــ❥❥❥
ماشفت راحة بهل شام حته بترابي
مهظومه چي عالزوار مسدود بابي
أنه الحزن من اصباي وياي رابي
اعذرني لون طال وياك خويه عتابي

تعبتني حيل الفرگه ** روحي تريد الملگه

بيه السهر يا عباس تارك علامه
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك