قصائد نساء فقط
50.3K subscribers
7 photos
5.56K links
يالله
Download Telegram
قصيــده للامام السجاد ع
من ديوان عزاء اولاد الزهراء الجزء الثاني

دفان النشامه مسمم اليوم
ضعف عزمه العليل وحيله مهدوم
❥❥❥❥ـــــــــــــ❁❁ـــــــــــــ❥❥❥❥

دفان الاهل هاليوم فاتحته
سمو الاعادي وزيدو ونته
يبچي من دمه كلمن سمع قصته
هذا الشاف ابوه ينذبح مضلوم
❥❥❥❥ـــــــــــــ❁❁ـــــــــــــ❥❥❥❥

شاف حسين ابوه مذبوح بعيونه
مسلب عالرمل عاري ويوذرونه
ثلث تيام ضل متمدد بكونه
مسلوب العمامه وحتى الاهدوم
❥❥❥❥ـــــــــــــ❁❁ـــــــــــــ❥❥❥❥

يتحمل بعد ياهضم يا لجمه
عاين لبوفاضل غارگ بدمه
وعضيده علي الاكبر وابن عمه
هد حيله علي ومصاب جسوم
❥❥❥❥ـــــــــــــ❁❁ـــــــــــــ❥❥❥❥

وضل متعلعل وگيدو الضلام
سبو وي الحرم ضل اعله الايتام
ع هاي المصايب مرت اعوام
ولحد وكت المنيه گلبه ملجوم
❥❥❥❥ـــــــــــــ❁❁ـــــــــــــ❥❥❥❥

على السجاد ابد ماضلت احوال
فوگ جروح گلبه سم الانذال
صار وياه هذا الوكت ميال
ميال شكثر وي بحر الاعلوم
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍8854
السجادع
لطميه بهوسات



على السجاد. دم هلن يالعيون
تنحب شيعته والكلب محزونَ

على السجاد. بالونات عينوني

من دم عالولي و يهلن اعيوني

وين اهل المحنه ما يحضروني

(يشلونه المات بسمه )

وين حسين والعباس المشكر

يحضرون الكضه مسموم. ومعفر

يبجي على الغريب المات واتعفر

( مهدومه روحه على الوالي)


مات بسم وهو دمعته بعينه

على حسين وهله مابطل ونينه

يذكر حال زينب الله اليعينه

(ويسروها من راحت عمته)


لحد الموت ماناسي الجره لعوده

يون عليه ودمعاته على خدوده

وابو فاضل ينوح لكطعة زنوده

(وينوح عمه وجفينه)


كضه عمره يتذكر سبي العيال

وشلون بلا رحم سحكوها الاطفال

شلون مجتفه ومغلوله بحبال

(يضربوها بالسوط اطفال)


شينسه يامصيبه تهدم الجبال

ذبح حسين لو عمه الكفال

لو ذبح النشامه وذيج الارجال

(وينساها واخوانه شلون)


لحد ما مات ودموعه تهل العين

زين العابدين يون على الطيبين

من كثر المصايب والكدر والبين

(مانشفت تهمل دمعاته)


مسموم ويون والروح مالومه

لايمه اهل لاصحبته وكومه

عينه للطفوف بروح مالومه

(يحضرونه ويريد احبابه)





ام زينب السعداوي. ناصريه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍9926😱2
لطمية للأمام زين العابدين عليه السلام (اليوم تصيح زينب)


اليوم اتصيح زينب ياعلي عمه
اصوابك حار مثل اصواب ابو اليمه


اصوابك حار مثل النار يچويني
عينك ماتغمض يابعد عيني
شنهو اليوجعك شتريد حاچيني
سماك اللعين وضاهدك سمه
اليوم اتصيح زينب ياعلي عمه


سماك اللعين وكون سماني
يومك ياعلي سهمين صاباني
اخذ حيلي ودليلي وچمل احزاني
ضل يفور گلبي ولابرد همه
اليوم اتصيح زينب ياعلي عمه


گلبي ولابرد مثل الجمر ويفور
وحزنك ياعلي چمل حزن عاشور
اشلون انساك وانسه حسين ضل مشمور
مو بالماي ابوك اتغسل بدمه
اليوم اتصيح زينب ياعلي عمه


مصايبكم چبيره ومگدر انساها
وروحي اغيابكم والبين هدماها
انه اوياك كل شوغه حملناها
شفنه حسين طاح وحرگو اخيمه
اليوم اتصيح زينب ياعلي عمه


شفنه حسين طاح وبات بمچانه
عمه ياعلي وداسوه عدوانه
للجلسات رحنه ومنحره اويانه
والشمات من كل صوب ملتمه
اليوم اتصيح زينب ياعلي عمه


ملتمه الشماته اتباوع اعلينه
مهضومين صرنه وحيل مابينه
حشمنه الكفلنه وماگعد لينه
والعدوان مابيهم ولارحمه
اليوم اتصيح زينب ياعلي عمه


لارحمه العده بيهم ولاغيره
اصوابك حيراني ياعلي حيره
ضل ابنك يون فاگد تدابيره
تطشر ياشملنه يگول شيلمه
اليوم اتصيح زينب ياعلي عمه



شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍14652😱3
قصيدة للسجاد ع
❥❥❥❥ـــــــــــــ❁❁ـــــــــــــ❥❥❥❥

عمه زينب... هسه محتاجج تجيني
عمه زينب... بيدج تغمضيلي عيني

تذكريتج بالمنيه
القصه عشناها سويه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥

عمه زينب وينج انتي ماتجين
كون اشوفج هسه وتغمض العين
وداعتج ياعمه كاتلني الحنين

كون اشوفج يالحنينه
ذاك وكتي وياج وينه
عمه زينب **** عمه زينب
❥❥❥❥ـــــــــــــ❁❁ـــــــــــــ❥❥❥❥

ياعزيزة والدي كونج جريبه
نگعد  انه وياج نبجي يالغريبه
نسولف وننحب عله ذيج المصيبه

نذكر الشام وعذابه
والسبي وذيج الخرابه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥

عمه وعيونج المتعوبه وسهرها
روحي حد الموت مافلت قهرها
لسه اثار الحديد المن يسرها

لسه اثار اعله متني
وانتي ادره بكلشي عني
عمه زينب **** عمه زينب
❥❥❥❥ـــــــــــــ❁❁ـــــــــــــ❥❥❥❥

انه وانتي نفس الاجروح وآلمنه
اثنينه من كربله صاير هضمنه
من ضهر عاشر ابد مو هسه متنه

متنه من شفنه السليب
راسه مشيول وخضيب
عمه زينب**** عمه زينب 
❥❥❥❥ـــــــــــــ❁❁ـــــــــــــ❥❥❥❥

انتهت قصتي يعمه وماحضرتي
وهاي اخر مره ماسمعيتي ونتي
وكت المنازع عليج تهل دمعتي

ببالي مطبوعه الرزيه
وصورتج وانتي سبيه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍12946😱1
فزاعية للأمام علي السجاد عليه السلام ( دار الهواشم صبحت )


دار الهواشم صبحت
غير اللطم مابيهه


بس المناحه واللطم
شايل يشيال الهضم
امصيبته اتلوح العظم
والعيون تعميهه


تعمي العيون امصيبته
شايل وكلفه شيلته
ارجع خواته نادته
واشلون يرجع ليهه


مايرجع الراح بنعش
والبيت وامچانه وحش
الناعي ينعه بالعرش
والطاهره ايعازيهه


جبريل عازه الطاهره
حمل علي للمگبره
الدار وحشه امكدره
ظلمه اندفن راعيهه


الدار ضلت مظلمه
راح اليحل الموزمه
امتونه تتناگط دمه
واجروحه شيداويهه


ضلت امتونه امجرحه
بالدار نصبو فاتحه
عد الفواطم نايحه
نصبت عزه الواليهه



نصبن الواليهن عزه
وجنازه بضعونه جزه
حمل اليحضر بالوزه
والمايله ايساويهه



شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍8983😱4
ثكيله للسيده رقيه ع نفس طور كتاب الله اوصاني للحاج باسم الكربلائي
***
أنا المسبية الصغرى بحالي عمتي أدرى
إليك الآن ياحوراء ضميني
ومن عين الأعادي اليوم واريني
أنا المسبية الصغرى
***
رقيه ودمعي يروي قصة احزاني
شسولف عالجره ومصابي عنواني
إذا أبجي تلوح اسياط عدواني
أظل أشكف بديه بكلبي نيراني
أنادي زينب الكبرى تعالي وامنعي الشمرا
فمالي غيرك منه يحاميني
ومن عين الاعادي اليوم واريني
أنا المسبية الصغرى
****
مرار الشام بالشام شجره بحالي
غريبه وبالخرابه النوح يصفالي
شفت بالطيف ابويه حسين يبرالي
صحت ياعمه اريدن والدي الغالي
أنا مذعورة حيرى وسالت دمعتي جمرا
سمعت الصوت في الرؤيا يناديني
ومن عين الاعادي اليوم واريني
أنا المسبية الصغرى
****
سمع صوتي يزيد الطاغي واسمعته
صاح بصوت ونين الطفله شيسكته
جيبو راس ابوهه اكبالهه بطشته
راس حسين خضيب بدمه واحضنته
أنا مذهولة الفكرا رأيت الرأس والنحرا
خضاب الشيب يامظلوم يبكيني
ومن عين الأعادي اليوم واريني
أنا المسبية الصغرى
***
يبويه شلون خضبو راسك بدمه
حرمني البين حضنك وينه اشتمه
جنت خيمه علينه يالابو رحمه
يتيمه اصبحت بويه اليتم زحمه
فمالي بعده صبرا عزيز الله والزهرا
على فقد الحسين من يواسيني
ومن عين الاعادي اليوم واريني
أنا المسبية الصغرى
**
ابويه الغالي مااتحمل غيابه
عله فكده دموع العين سجابه
تموت الروح بيه لجمرة مصابه
الصخر ون لمصابي وفتت اترابه
وناح الصخر للصغرى رقياه لك العذرا
مصاب الطفلة المظلومه يبكيني
ومن عين الأعادي اليوم واريني
أنا المسبية الصغرى
***
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍7115
قصيده حول وفات السيده رقيه
لزهراء والسيد زينب في الخرابه
__

ها يمه الله يساعدج.  متغيره كلش حالتج

احجيلي يل مسبيه.   رقيه شو ما هيه

جاوينها.  جاوينها



مرت الزهراء ام الحسن  صوب الخرابه اليله
وتكلهه الله يساعدج.  يمه ودمعها اتسيله
نامت رقيه ام الخدر.  ماشوفهه ويه العيله
تعبانه اظنهه من الدرب. وكاظي كلبهه وحيله

زغيره الدرب مو مالتج.  متغيره كلش حالتج




هاي الدروب ويه العده.  يراد حيل الها شكثر
وزغيره البنيه تره.  ومومالت ادروب ويسر
زينب تكليلي شجره.  وحجيلي بالله ام الخدر
ماشوفهه اليله ابد.  وبعيد ما خذني الفكر

كلبي لچمنی وداعتج. متغيره كلش حالتج



بس لا غفت من الضرب. وصياط  ما حملتهه
وبس لا رويحتهه كضت.  والفركه حيل اذتهه
يا يمه حاجيني بعد. شنهي السده وقصتهه
ونت الحره وعاتبت.  وسفه الوكت عذبهه

يا يمه گولي شغاثج.   متغيره كلش حالتچ


كالت شسولف والحجي.  يا ام الحسن شيبني
جانت رقيه نايمه.  وفزت تون وتكلي
يا عمه اريدن والدي.  وتبجي وتريده مني
وانه بخرابه وهل وضع. شوفي الوكت عذبني


كتلها شنهي رادتج.  متغيره كلش حالتج


وكتلها هيهات الرحل  . يرجعه يعمه علينه
شيعوده ابوج من السفر. وحيل البعد ياذينه
جابو طشت بي شافته.  راس الولي مخلينه
ونشغت رقيه وماتت   هذا الجره تسمعينه

وانه ييمه ابعازتج.    متغيره كلش حالتج



لخادمة الزهراء العلويه ام جعفر
غير مبري الذمه من يحذف الاسم ويأخذ الكلام وينسبه له م


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍13751😱2
الى جبل الصبر زينب الشجاعه الهاشميه ع


بس زينب حكمت بلدواوين
زود .البيها من عباس وحسين
〰️〰️〰️〰️〰️
بديوان الزلم حكمت المعدوله

تحجي بزودها اخت العب جوله
  وصلو خبر للعباس كلوله
((اختك هيبه ماطخت راس))
〰️〰️〰️〰️
  تحط بصماتها بقصر اليكرهون
شيخه وهاشميه ام عون تدرون
بت اليشطر بمرحب تعلمون
((من كرار الزود  البيها)
〰️〰️〰️〰️
عنوان الحجي ترهب بهيبتها
لنسوان صارت ستر شيلتها
اهل الشام غلبتهم .بشيمتها
( ياهيبه حكج ماخذته)
〰️〰️〰️〰️〰️
كلوب الرجفتها من حجاياها
تحجي بزود ولسجاد وياها
   رب اكونها زينب العالها
((  مهيوبه يابنت الساده)
〰️〰️〰️〰️
بلمجلس حجت بت اليفرضون
  غصبن على العده  ليها ينضرون
  اهلها  بلمخاطر مايردون
((حكمت بي الشام ويومه)
〰️〰️〰️〰️〰️
حكمت  مثل ابوها وعدلت الشور
يامركب سفينه الحملت   الجور
الج رايات بلحضره تشع نور
  (( هنياله الزاير  كبرج))
〰️〰️〰️〰️〰️〰️
✍🏻 بقلمي الفقير خادمه البتول المله ولشاعره ام نادين المحمداويه ملكه الحسجه الجنوبيه٠

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍7742
قصيده للاربعين

═══🪬🪬🪬═══

ياعباس اختكم ردت اليوم

جانت بلسبي ومرافكه الكوم

═══🪬🪬🪬═══

ياعباس اختكم راده الليله

ياضيم العليها محد يشيله

نايم بلكبر يلجان تشكيله

دمع عيونها يجري دموم

═══🪬🪬🪬═══


ماتدري اضن بختك سبيه

بدرب الشام شوفوها المنيه

ماتراد يارفكت ال اميه

حزنانه اجت والكلب مهضوم

═══🪬🪬🪬═══

هاي ام عون شو محد تلكاها

طبت كربله والروس وياها

تدور علكبر وتسيل عيناها

اكعد ياكفيلي كافي النوم

═══🪬🪬🪬═══


جانت بليسر ودروب البعيدات

شافت ضيمهن ذيج الخرابات

كوم الرافكوها كلها شمات

ردت كاضيه من ديرت الشوم

═══🪬🪬🪬═══

محتامه واجتكم ها يلخوان

نومه لكتكم بين حيطان

كعدت علكبر والحيل خلصان

يم كبري تشكيها الهموم

═══🪬🪬🪬═══

تعبني اليسر والشام تعبني

منعول الشمر ديوان طببني

كدام الخلك بلسوك يضربني

اجيت مدوهنه والحال معدوم

═══🪬🪬🪬═══


#
تــمت بعــون اللــہ
تعالى بقلمي المتواضع خادمة
اهل البيت ام صادق ونسالكم
الدعاءغیرمبری الذمه الیحذف الاسم او یغیره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍14148😱1
قصيده للسيده رقيه ع نفس طور حسيناه للرادود خضر عباس
***
حسيناه حسيناه حسيناه رقيه إبلا أهل
*
غريبه بكربله ماعندي والي
يبويه حسين ماتدري شجرالي
عكب عينك شفت مر الليالي
ضعت من فاركت حلو المحاجي
إبحرك الخيام سلبوني التراجي
يسيل الدم وأفرفح بالبواجي
عالوجه سطروني بويه مثل أمك فاطمه
حمره عيني ومن أذاني سال شلال الدمه
حسيناه حسيناه حسيناه يبن خير العمل
**
الحزن لفراك ابويه شلون اشيله
كلب طفله ويون ونه ثكيله
خذوني للسبي برحله طويله
احاجي عمتي الظلت وحيده
يعمه والدي الغالي اريده
صدك ياشوفته صارت بعيده
وين طولك يخو زينب مو اجه وكت الصلاه
افرش السجاده بيدي واندعي اكعد وراه
حسيناه حسيناه حسيناه يحماي الدخل
*
برحيلك بويه ليلي ماأنامه
اريد احضانك واغفه بسلامه
غريبه وانهدم عش الحمامه
عله ظهور الهزل اغفه سبيه
يشدوهه بحبل ترفات إديه
أهل الشام كالو خارجيه
بالخرابه كعدوني وآنه جنت إمدلله
من السياط متوني زركه آ يعملة كربله
حسيناه حسيناه حسيناه تمنيتك عدل
**
الكلب يوجعني يابويه بعتابه
شسولفلك عله ضيم الخرابه
سكف مابيهه أنامن عالترابه
تغير لوني من شمس الظهاري
حفر خدي الدمع عالوجنه جاري
اريد الكافل يردني لدياري
وين حداي الضعينه خل يجي لحالي يشوف
نايم العباس عمي عالشريعه ابلا جفوف
حسيناه حسيناه حسيناه مصابه مو سهل
***
بطشت جابولي راسك ياولينه
بجيت وبجت ويايه الحنينه
يفت كلب الصخر كلبي بونينه
حجيت وياك ياروحي وأماني
شنو ذنبي وعدوك يتماني
الكطع نحرك كطع عمري وزماني
خلصت الانفاس بيه وانتهت كل الجروح
مااريد الدنيه بويه وياك اخذني خل اروح
حسيناه حسيناه حسيناه وأشبكك للأزل
***
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍14589😱1
اللـهم صـل على محمـد وال محمد
فزاعيه لعودة السبايا يوم الاربعين

◯○┈┈✹ ❀✹┈┈‏◯○

ردت اضعوني يالولي
كـــوم اكـعد اتلــكاني

◯○┈┈✹ ❀✹┈┈‏◯○

هلــت ادمـوعي عالكبر
ومـتـوني ورمهه الشمر
وكــلـبي تـعــذب ونفطر

وانــه أبـهضم واحـزاني

◯○┈┈✹ ❀✹┈┈‏◯○

أبــچي يمك وانتحب
ونـيران شـبت بالكلب
مـشونــه لديـار الغرب

ومضـيعه. كل ولياني

◯○┈┈✹ ❀✹┈┈‏◯○

ماتـدري خـويه بالجره
لمـــن خذوني اميسره
وبيتامي اضل امحيره

ويــن الكـفل ماجاني

◯○┈┈✹ ❀✹┈┈‏◯○

أشـكي يــخــويه قصتي
رحـلت عـذابي ومحنتي
مـاتـت اكـــبـالي أرقـيتي

وحـــيل الـدهــر طكاني

◯○┈┈✹ ❀✹┈┈‏◯○

اكــعد وشـوف أحوالي
وبـعيوني دمـعي أيلالي
وحــسره وآلــم تـبقالي

أبــغـربـه الـزمن خلاني

◯○┈┈✹ ❀✹┈┈‏◯○

تمت بعون الله تعالى

بقلم خادمة اهل البيت عليهم السلام

الملا ام زينب الواسطي💔

نسألكم الدعاء،

بتعجيل الفرج لصاحب الزمان((عج))

غير مبري الذمه من يحذف الاسم
ويـــنسب الـــكـــلام لـــه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍9538😱5
https://vt.tiktok.com/ZSYE48W1L/

فضلا لايك للفيديو نحضر.
تعليق
👍1143
ثكيله للسبي نفس طور يايوم اشوف اعتابك للحاج باسم الكربلائي
***
والله وكت يادنياي        خله الشمر يحجي وياي
    آنه العقيله بت حيدر آنه العقيله
من طاح اخويه العباس   فرجه صرت بين الناس
     آنه العقيله بت حيدر آنه العقيله
ثامن عجيبه              زينب غريبه
****
أنه بنت النبي وحيدر علي الكرار
وأمي فاطمه الحركو عليهه الدار
إورثت منهه الخيام التستعر بالنار
زماني خان بيه وبالعكس يندار
ذبحو هلي والخوان        وبكلبي دار الاحزان
    مثل الزجيه هضموني مثل الزجيه
وعيوني شافت ضلعين    ضلع امي وضلوع حسين
     مثل الزجيه هضموني مثل الزجيه
بهاي المصيبه          زينب غريبه
***
يبن أمي برحيلك مابقالي شي
فجعني منحرك يالشيبت رمشي
إمخضب بالدموم وعالرمح يمشي
وإبداله تمنيت انحمل نعشي
ياخويه يانور العين         عالغبره عفتك يحسين
      أمشي سبيه يالوالي أمشي سبيه
والهودج اصبح تابوت       بفركاك راووني الموت
      أمشي سبيه يالوالي امشي سبيه
آنه الحبيبه             زينب غريبه
**
يبو السجاد مصابك خويه مرمرني
شيبك من دموم الركبه متحني
نايم عالرمل بالنومه متهني
واختك للسبي تمشي بظهر محني
ياخويه حركو الخيام            واتحيرت بالايتام
       ركضن بناتك بالهيمه ركضن بناتك
فوك الجمر مشوهن          بحبالهم شدوهن
       ركضن بناتك بالهيمه ركضن بناتك
رقيه سليبه            زينب غريبه
****
عفته بالحوافر جسمك الرضوه
إمسلب عالوطيه ابلا دفن عافوه
يخويه بياذنب خنصر إلك كطعوه
علي السجاد يدور خنصرك منعوه
ابنك علي امكيدينه         بالجامعه امجتفينه
       حيله تهدم ياخويه حيله تهدم
من المرض والحسرات     مسبي وعله الناكه يبات
       حيله تهدم ياخويه حيله تهدم
ضايع طبيبه            زينب غريبه
****
من شفت العلم طايح بدت الاوجاع
اركضت صوب الشريعه للكفيل بساع
لكيت جفوف ابو فاضل فوك الكاع
صحت ضاع البخت مني اويه اخويه الضاع
كطعوهه خويه الجفين           والسهم نابت بالعين
             بعازة يمينك يالكافل بعازة يمينك
يحدي الشمر بضعوني          وبالسوط زركه متوني
             بعازة يمينك يالكافل بعازة يمينك
ومنين اجيبه              زينب غريبه
*
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍12842
السيده زينب ع

.....

ابهون وي كلب العقيله يازمن

بعد ماضل كتر سالم للمحن

كافي من اسهامك سوده كل ايامك

ابهون وي كلب العقيله يازمن

..........

هونك اعليها تراهي بعد مابيها جرح

انملت زينب بل المصايب وانته بفعالك جبح

كافي من غدرك يضالم هوده منك ماتصح

ارداف ترميها المصايب وبجرحها اتحط ملح


ماتشوف احوالها اتصوب ابدلالها

ابهون وي كلب العقيله يازمن

..........

منين مادارت نضرها اتشوف منك نايبه

ومانشف دمع العقيله الكل وكتها تسجبه

من الضلع للطبره زينب بلحسن متصوبه

واه يمصاب الطفوف الكلب منها شيبه


من مصيبة فاطمه لكربلايه ام الدمه


ابهون وي كلب العقيله يازمن

..............

جرعتها اشجم مصيبه وجم سهم بيها مضه

زينب وذيج المصيبه الهزت اركان الفضه

شافت اخوتها ضحايه اجسادهم مترضرضه

بعد ياحيل اليجيها وياعزيز اتعوضه


راحت احله ايامها وبس حزن كدامها

ابهون وي كلب العقيله يازمن

...........

اشصار بيها اشلون بيها من اجت لخوانها

اه ياويلي عليها وياكثرها احزانها

زينب ابصوب الشريعه اتبدلت اللوانها

حين اجت يم الكفلها ابيسر وي عدوانها


مرت اعله المشرعه عل الهزل متلوعه

ابهون وي كلب العقيله يازمن

.........

اهناك اتصور وضعها اشصار من صدت اله

ابوفاضل عل الوطيه النوم بعيونه حله

صاحت ابلوعة كلبها صوت هزهز كربله

يابوفاضل زينب انه الجنت بيك امدلله


كوم ياكفالنه شوف خويه اشحالنه


ابهون وي كلب العقيله يازمن

............

واليسر والكوفه بيها الحرم ضلت حايره

ويادرب زينب مشتها عكب ذيج المفخره

الشام اه الشام منه اشكثر بيها امأثره

لآخر الانفاس زينب ما نست بيها الجره



الشام اثر بيها والشماته اعليها

ابهون وي كلب العقيله يازمن
.........

ام عمار العيساويه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍10227😱2
فزاعيه لليسر


راحت لليسر زينب يعباس
ويه عداك والصعب يعباس


بصوت وبسمك وندبت يعباس
غريبه بلا كمر ظلت يعباس
فوك النوك هالصعدت يعباس
تسولف حالها وتعتب يعباس


تكلك كوم ولحكني يعباس
شوف شصاير بمتني يعباس
بصوطه والشمر طكني يعباس
دمع العين دم وتصب يعباس


صعدت فوك عالناكه يعباس
حلكها يابسه رياكه يعباس
شمس الصيف حراكه يعباس
تحشم بسمك وتندب يعباس


شلون لحالها تسكت يعباس
لارض الشام من طبت يعباس
بيها عداك وشسوت يعباس
اميره بهاي تتعذب يعباس


خذوها بلليل وبظلمه يعباس
وينزف هالمتن دمه يعباس
وملتمه الزلم لمه يعباس
لقصر يزيد هم طب يعباس


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب
لبيك يازهراءبتاريخ /2024/8/4
٢٨محرم سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍8964
فزاعيه للأمام زيد الشهيد عليه السلام


زيد الشهيد أعله الرمح
راسه العده أيرفعونه
❥━──➸➽❥💔❥━──➸➽❥💔
راسه عمت عيني أنذبح
واليوم مرفوع أبرمح
بلدم عمت عيني سبح
علنخله وأيصلبونه
❥━──➸➽❥💔❥━──➸➽❥💔
هزت الدنيه قصته
من يوم حرگوا جثته
چا وين عنه أعشيرته
هليوم ميحضرونه
❥━──➸➽❥💔❥━──➸➽❥💔
محد حضرله أو لحده
أو بلماي ذبوه العده
وما دروا أهله بالسده
أمن أمچانه أيطلعونه
❥━──➸➽❥💔❥━──➸➽❥💔
جسمه عمت عيني أنصلب
والراس عزلوه وأنضرب
مثل السبط جده أنسلب
بيد اللي ميهابونه
❥━──➸➽❥💔❥━──➸➽❥💔
يشبه أمصاب أبو علي
من ضل وحيد أو بلخلي
وزينب أخلافه تنولي
سحگوا تشوف أمتونه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة نشوان الكناني*
*غير مبرء الذمة كل من يتلاعب بلقصيدة*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍7936😱1
قصيدة لوفاة زيد الشهيد (الدمعه سچابه)

عله زيد الشهيد الدمعه سچابه
حگ يا شيعه كلنه انوح لمصابه
❥❥❥❥ـــــــــــــ❁❁ـــــــــــــ❥❥❥
حگ يا شيعه كلنه انوح هالليله
علئ اجتافتنه يا نعشه انشيله
سبع الاسباع مايرضه عالميله

يانار الدليل لزيد لهابه
(( اعله الهامه // خلونه اندگ))
❥❥❥❥ـــــــــــــ❁❁ـــــــــــــ❥❥❥
نيران الدليل اليوم متوجره
عله زيد الشهيد العبره متكسره
جده بيوم عاشر هشموا صدره

اصله من الهواشم ونو لمصابه
((اعله امصابه // خل نلطم كلنه))
❥❥❥❥ـــــــــــــ❁❁ـــــــــــــ❥❥❥
اصله من الهواشم زيد الازياد
ابوه اسمه العليل وزين العباد
خلي اليوم اله نعلن ب الحداد

عله فگده تره حزنانه احبابه
((منصوبه // لزيد اقرايه))
❥❥❥❥ـــــــــــــ❁❁ـــــــــــــ❥❥❥
حزنانه الاحباب اعليه حزنانه
الدمعه اليوم عالخدين جريانه
هظيمه الهاشمي متغيره الوانه

واه يا گلب ابوه اعليه عطابه
((عطابه // يا گلب الساجد))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍7930😱3
لطمية للسيدة رقية عليها السلام ( بتكم غسلتهه )


بتكم غسلتهه ... بدمعة عيوني
صحت يهل المحنه وماسمعتوني


بتكم غسلتهه وشفت اثر بيهه
ياسوط الشمر گضيان گاضيهه
وين ادفن نعشهه اوين اوديهه
غريبه اميسره وبالشام عفتوني
(( عدمن عفتوها وعفتوني ))


بحال الضيم عفتوني وعفتوها
اليوم اليوم اريدنكم تشيلوها
ماتدرون بالعدوان ظلموها
كلساع ويضربوها ويضربوني
(( ضربوها الگوم وضربوني ))


المابيهم رحم ضربوا عزيزتكم
ياشجعان اريد اليوم جيتكم
تشيلون الجنازه وهاي عازتكم
دفانه برقيه اوياكم اخذوني
(( حملوني اوياكم واخذوني ))


اوياكم خل اروح الشام ماريده
من الضيم گلبي يفور شيهيده
بعد ماشوفكم شوفتكم بعيده
اون ضليت بين المايرحموني
(( ضليت ابچي ومارحموني ))


ولاواحد رحمني اگلوبهم جلده
محتار العليل وطايح بشده
مايگدر يشيل النعش ويوسده
منكم خاب ضنه وخابن اضنوني
(( من عدكم فليت اضنوني ))


منكم خاب ضنه وانگطع ضني
كلمن گام بجفاكم يشتمني
بت حيدر علي الكرار ماچني
واهل الشام چنهم مايعرفوني
(( ماچنهم خويه يعرفوني ))


ماچني العقيله والنبي جدي
مچتوفه بحبل من رگبتي الزندي
اوياكم ياخوال ابني عتب عندي
هضم وافراگ مااحمل تعرفوني
(( مااحمل ضيم تعرفوني ))



شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍15256😱2
*فزاعية مع هوسات للسيدة رقية(ع)*
*من ديوان 📚 عبرات وانين في رثاء الطاهرين الجزء5*
❥━──➸➽❥❂❥━──➸➽❥❂
بتك يالولي  ماتت على الراس
بارض الشام شهگت آخر انفاس
❥━──➸➽❥❂❥━──➸➽❥❂
المدلوله رقيه ياضوه العين
برض الشام موتوها الملاعين
جابو راسك الها بطشت يحسين
*((فجعوها//يالوالي براسك))*
❥━──➸➽❥❂❥━──➸➽❥❂
فجعوها العدة والراس جابوه
گبال اعيونها يالوالي خلوه
شافتة وگلبها اهواي عذبوه
*((عذبوها//يالغالي ابنيتك))*
❥━──➸➽❥❂❥━──➸➽❥❂
راسك شبگته واتهل العيون
وراحت روحها والگلب محزون
واني محيرة ياخوية تدرون
((وهد حيلي//يمصاب ارقية))
❥━──➸➽❥❂❥━──➸➽❥❂
احتاريت برقيه خويه بالشام
اشلون ادفنها واني بين ظلام
يا گلبي اشبعد يتحمل الام
*((ظليت بحيرة//ومهظومة))*
❥━──➸➽❥❂❥━──➸➽❥❂
يبن امي رقية اتحيرت بيها
بديار الغريبه اشلون اخليها
ماظنك يخوية تقبل عليها
*((يدفنوها//بديار الغربة))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍10073
فزاعية للسيدة رقية عليها السلام ( للسلبوا تراچيهه )


خل نلطم عله الهامات
للسلبوا تراچيهه


خل ننصب عزانه اليوم
كلنه انصيح يامظلوم
بتك فزت امن النوم
وتريدك يواليهه


فزت صارخه اونت
حيل الشوفتك حنت
مو ميت عدل ضنت
وزينب حايره بيهه


الله يعين عمتهه
ماگدرت تسكتهه
والعدوان سمعتهه
وجابو منحرك ليهه


جابوا نحرك العدوان
للوجعان والنسوان
طاحت والگلب خلصان
بتك وانغمه اعليهه


مره اتصيح مره اتنوح
ياعطشان يامذبوح
ليش بساع عني تروح
واصوابك يبچيهه


تدني الراس وتشمه
وتغسل بالدمع دمه
وتنادي يبو اليمه
والهضمات تشچيهه


تشچيلك مصايبهه
وضيم البين دولبهه
ماتت ياحبايبهه
وماحضروها اهاليهه


شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
👍12326😱6