قصيدة للسيدة رقية ع{گتلك اموت اعليك}
#لحن_شال_الشهيد_للرادود_مسلم_الوائلي


گتلك اموت اعليك ما اكدر ابدونك
مخليني ليش اشتاگ يابويه لعيونك
❥❥❥❥ـــــــــــــ❁❁ـــــــــــــ❥❥❥❥
مخليني ليش اشتاگ لعيونك الحلوه
خليني اموت اوياك هالعيشه ماتسوه
ردتك تظل للدوم لابنيتك تچوه

ماحسبت يا بوي هالعده يذبحونك
❥❥❥❥ـــــــــــــ❁❁ـــــــــــــ❥❥❥❥
شمسوي ويذبحون راسك من اكفاته
اعليك العليل اينوح جرحني دمعاته
آه يالگلب هيهات تشفه جراحاته

ابيا سبب بالخيل ويلي يسحگونك
❥❥❥❥ـــــــــــــ❁❁ـــــــــــــ❥❥❥❥
سولفلي عن الخيل من سحگت اضلوعك
من كربله للشام يوجعني موضوعك
خبرني للديران هم يحصل ارجوعك

لو فلت الگعدات ما اگطع اضنونك
❥❥❥❥ـــــــــــــ❁❁ـــــــــــــ❥❥❥❥
گل ضني نبقه اثنين مانفترگ لحضه
آه يالگلب بجفاك للعيشه مايرضه
كون العمر ميطول وبرمشتي يمضه

مشتاگه عيني اليوم تغفه عله امتونك
❥❥❥❥ـــــــــــــ❁❁ـــــــــــــ❥❥❥❥
بس راس ماكو امتون متبتره احريمه
وهسه اصبحت ياحيف ماعندي كل خيمه
لا ابو ضل اوياي لا امي اهظيمه

عوف الدمع يحسين وكلي اشلونك
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله للحسن ع نفس طور ثكيله جروحي للرادود محمد الحلفي
***
الحسن بمصابه بعيده احبابه غريب الليله
حنيني يهاجر لبقيعه يسافر واصيح ادخيله
"*
لرابع اصحاب الكساء الحسره بيه
كبره مهدوم بأيادي الناصبيه
جيت اواسي بدمعتي امه الزجيه
من بعيد أنخاه وارفعهه لأديه
جبير اخوانه الكرم عنوانه اجيت اشكيله
الحسن بمصابه بعيده احبابه غريب الليله
**
يابحر الاحسان والجود بجفوفه
الحسن ياديرة محنه من نشوفه
ياكريم العتره والروح الرؤوفه
نظره كلنه نريد من عينه العطوفه
تفيض إدلاله بجميع أحواله هضمنه يشيله
الحسن بمصابه بعيده احبابه غريب الليله
***
ظنهم يطفون نورك ياولينه
بعالم الذر احنه لمصابك بجينه
نريد امك فاطمه ترضه علينه
والله مايدرون كبره اندفن بينه
تنوح الشيعه ونجدد بيعه دمعنه انسيله
الحسن بمصابه بعيده احبابه غريب الليله
***
ياظليمه للحسن نبجي عليهه
بالطشت مسموم جبده اموذريهه
لو جنازه بدم وريده امخضبيهه
لو منارات وقباب امهدميهه
الدمع ميوافي غريب وغافي بكبر يبجيله
الحسن بمصابه بعيده احبابه غريب الليله
**
كبرك المهدوم ماكو يمه دمعه
لامواكب لاخدم لاناعي ينعه
صوت من الزهره هالعالم يسمعه
يبني يامظلوم وين اشعل الشمعه
شوكت بالرايه نجي مشايه وعزه انسويلك
الحسن بمصابه بعيده احبابه غريب الليله
***
المهدي يمته بياوكت ياخذ بثاره
للفرج ندعي ودمعنه بانتظاره
للبقيع نروح نمشي للزياره
تعله صرخة ياعلي فوك المناره
نريد الخاتم يبيد الظالم نصيح ادخيله
الحسن بمصابه بعيده احبابه غريب الليله
***
أم علي الكاظمي

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

# قصيده ثقيله للسيده رقيه بنت الحسين عليه السلام

بـويه العده ضربوني: بـويه العده ضربوني
روحي الهظم گاضيهه
وعيني الدمـع عاميهه
أگعد وشوف أمتوني: بــويه الـعده ضربوني

✿────↻✿...✿↺────✿
يابويه ظل مني الگلب :: بهمومه غرگـان
ميسوره امشي وي العده ::ولگلب خلصان
ناديت. ماتفزع الي. ::: عـالت العــدوان
ميسوره. أظل تاليهه
وعيني الدمع عاميهه
ويسيل دمع اعيوني : بــويه العده ضربوني

✿────↻✿...✿↺────✿
يابويه هضموني العده :: شدو أديه
.ومـن أذني جروها التراجي أل اميه
مشيت ميسوره واهـل..دموع الرزيه
روحي الالم ظل بيهه
وعيني الدمع عاميهه
أخلافك العـده أذونـي. بويه العـده ضربوني

✿────↻✿...✿↺────✿
للشام سرنه بالغصب :: ولحاله صعبه
:نحدي وي اجناب وكفر....ولدمع أصبه
ياهو ليشاهد. حالتي :: ينـلجم گلــبه
بتك حــزن غاطيهه
وعيني الدمع عاميهه
يتيمه بغرب عفتوني. بويه العده ضربوني

✿────↻✿...✿↺────✿
ونيت بحــزان ألگلب ;;أبتالي الليل
يوم الرحت وتغربت. مابــگه اي حيل
تمنيت بويه بشيلتك. أرويحتي أنشيل
روحي بحزن تدريهه
وعيني الدمع عاميهه
من شوفتك حرموني. بويه العده ضربوني

✿────↻✿...✿↺────✿

ظليت أبجي بغربتي.. وذكر حنانك
أشلون تتركني ونه.. العشت بلسانك
اتمنه هالساعه تجي. وغفه بحضانك
شنهي الراح والـيهه
وعيني الدمع عاميهه
ومنك خابت أضنوني. بـويه العده ضربوني
✿────↻✿...✿↺────✿
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لااجيز حذف الأسم
من ديوان مجالس الأتقياء في مأتم كربلاء الجزء الثاني
نسالكم الدعاء بتعجيل الفرج لصاحب الزمان ((عج ))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للسيده رقيه ع تنقري بعدة الحان

رقيه اتصيح خويه وحيل ضربوها
احا احا
ونيران الهظم بالروح شبوها
••••••••••••••••••

مهظومه رقيه بلدموع تصيح
من كثر الحزن كلساع مني تطيح
من ضرب المتن يامتن ضل اصحيح

التوكع بالمشي لا مايتانوها
••••••••••••••••••

اصد ليها ودليلي موجر بناره
ودمع العين ظل بوحده يتجاره
تلوذ من لسياط بهدمي تداره

من الراس لو صرخت يجروها
••••••••••••••••••

تنادي عمه زينب ليش  يسبونه
بنات اهل  الراساله مايعرفونه
ولظلام  ابد لا  مايرحمونه

جفوف الطاهره بالنار جوها
••••••••••••••••••

ما زيد يخويه بالعتب  همك
من حركت جروحي اليوم اكلمنك
ردت عباس اخذ  هالعزم  منك

اكبالي والحرم بسياط يولوها
••••••••••••••••••

شحجيلك بعد يحسين حاجيني
من انظر رقيه بس تصب عيني
شمر وحرمله تالي    يماشيني

زينب بت علي عالناكه ركبوها
••••••••••••••••••

تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية للسيدة رقية عليها السلام ( عمتچ ماعايزه )


عمتچ ماعايزه ... وضيم چملتيهه
افراگ ابو السجاد كافي اعليهه


عمتچ ماعايزه اهموم وقهر
شافتچ ميته وگضيتي اعله النحر
يامصيبه امصيبتچ تحني الضهر
بونتچ دولاب دولبتيهه
عمتچ ماعايزه ... وضيم چملتيهه


چمليتيهه مصيبه بونتچ
فوگ نحر حسين ميته شافتچ
ضلت تصيح وتنادي عمتچ
من بعيد تحشم بواليهه
عمتچ ماعايزه ... وضيم چملتيهه


من بعيد تصيح زينب ياهلي
اشلون ترضون اليتيمه تنولي
يبچي وياها ويواسيهه علي
العليل ينوح ويعازيهه
عمتچ ماعايزه ... وضيم چملتيهه


اتحيروا بيچ العليل وعمته
والبطل عباس طالت غيبته
عطلنه اصواب عينه وطبرته
وهامته اعله المشرعه امطشريهه
عمتچ ماعايزه ... وضيم چملتيهه


هامته اگبال الشريعه امطشره
بيمن العباس گبرچ يحفره
والچفوف امگطعه ومشمره
كون حي الفاتحه يسويهه
عمتچ ماعايزه ... وضيم چملتيهه


كون حي عباس ينصب فاتحه
بالخرابه اليوم صارت نايحه
امتونچ الحلوات ليش امجرحه
بالسياط وبالعصي امهشميهه
عمتچ ماعايزه ... وضيم چملتيهه


امتونچ بسوط اللعين امهشمه
ليلة امصابچ حزينه ومظلمه
نام بالميدان ابن حامي الحمه
والجنازه امدده امخليهه
عمتچ ماعايزه ... وضيم چملتيهه



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لسيدتي ومولاتي رقية ( ع)

※✿❥•~•♡•~•❥✿※•~•♡•~•❥✿※

بالـخرابة الليله زينب نايحه
مـاتـت ارقـيـه اوين الفاتحه

لا حضر عمها وابوها    والگبرها يشيعوها
           بالخرابه الليله زينب نايحه

※✿❥•~•♡•~•❥✿※•~•♡•~•❥✿※

بــالـخـرابـه مـاتـت الـطـفـلـه حزينه
والـگـلـب مـجـروح من خلص ونينه
الـظـلـت ايـام وللـيـالي اتـنادي وينه
حسين ابويه الغالي شو طول علينه

الهواشم خل يجوها    والگبرها يشيعوها

        من البواچي اعيونها متقرحه
        بـالـخـرابـه الليله زينب نايحه

※✿❥•~•♡•~•❥✿※•~•♡•~•❥✿※

مـن الـبچي مـاتهده وتريده يجيها
من تشوفه رقيه تسكت من بچيها
حـسيـن دمـعـتها وعبرتها وحچيها
عَـلم مـاعـدهـا انـچـتـل مايرد ليها

شلون بالله يسكتوها    والگبرها يشيعوها

        وروحه ملهوفه ويلي امفرفحه
        بـالـخـرابـه الليله زيـنـب نايحه

※✿❥•~•♡•~•❥✿※•~•♡•~•❥✿※

تنوح ملهوفه عليه هوايه تسأل
والبنيه يـوم يوم اصبحت تذبل
عمه زينب والدي ابسفرته طول
والدمع مـن عينهه جمرات تنزل

رقيه بيش يقنعوها    والگبرها يشيعوها

        مادرت حادي ضعنها الذابحه
        بـالـخرابه الليله زينب نايحه

※✿❥•~•♡•~•❥✿※•~•♡•~•❥✿※

مــادرت راســه بـدمـاه امخضبينه
وبـالـحجـر صوبوا والـيهه ابجبينه
كسروا اضـلـوعه وبقه يجهر ونينه
انـذبح وعــالـمـخـيـم تـصــد عينه

يدري بته يروعوها     والگبرها يشيعوها

        وگلب ابوهه هالمصيبه اتجرحه
        بـالـخـرابـه الـلـيـله زينب نايحه

※✿❥•~•♡•~•❥✿※•~•♡•~•❥✿※

شبگت اعله الـراس وتعاتب بابوها
بـويــه اشـلون الـزغــيـره يسلبوها
بـلا رحـم امتوني يابويه اضربوها
سـكنه اخـتي وعمتي هم شتموها

الطفله ليش يعذبوها    والگبرها يشيعوها

        والدموع امن الفواطم سايحه
        بـالخـرابـه الليله زيـنب نايحه

※✿❥•~•♡•~•❥✿※•~•♡•~•❥✿※

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه لمولاتي رقيه ع



من هدت علينه الخيل
بنت احسين سطروها

➖➖➖➖➖➖
سطرو طفلة المذبوح
بخدها كم جرح مجروح
ابوها الغالي مابي روح
تصرخ ما يسمعوها

➖➖➖➖➖➖
ماسمعو بجيها حيف
ابويها ويمر مثل طيف
عمها الحيد بيده السيف
ياوسفه يعوفوها

➖➖➖➖➖➖

هدو عالخيم ياحيد
يوم الحرب عنده عيد
يافارس بدر يمجيد
كولو شلون تنسوها

➖➖➖➖➖➖

طفلة وحركو الخيمه
رقيه تركظ بهيمه
كومن والعزه انجيمه
البنت المشه وخلاها
➖➖➖➖➖➖

البنت المنذبح نوحي
رقيه اصيح يجروحي
اليوم مفرفحه روحي
تريد االوالد احذاها

➖➖➖➖➖➖

كومن نلطم اعليها
الونه خل نعليها
للمحروكه رجليها
( لطفله انون لو ونينه)

➖➖➖➖➖➖

تمت بقلم خادمه اهل البيت
الشاعره
*هيلين الساعدي*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده حول السيده رقيه





يا عمه وين احبابنه. شو ما اجو غيابنه

تخذيني بالله عليهم. مشتاكه كلش ليهم


يا. زينب. يا زينب



مشتاكه كلش عمتي وما بيه
وتعبانه روحي وانتظر بس جيه
لحسين اريد وداعتج علويه
تخذيني اشوفنه أبوي شويه

واكعد واشوف عيونه

تخذيني يا المحزونه

وبلكت يرد اجوابنه شو ما اجو غيابنه




طالت الغيبه والنفس مشتاكه
وتريد ويا هم بعد تتلاكه
تعبانه حيل من الدرب والناكه
زغيرونه روحي وبس تريد ملاكه

والفاركاها اتريده

وادري الدروب بعيده

ونودي صوبه اعتابنه شو ما اجو غيابنه





أيام صارت ولأبو ما هوه
وجاوين كليلي رحتلج فدوه
حاجيني ما اصبر بعد بل كوه
ما رد عليه والكلب بيه حسره

مشتاكه روحي أتشوفه

وما عوداها اتعوفه

عاشن سويه ارواحنه شو ما اجو غيابنه


يا زينب. يا زينب



يا عمه وين الجان هيبه البته
وما فاركاها ولا ابد فاركته
جاوين راح الدللاني وردته
يمي يظل وأيام الي ماشفته

راح وبعد ماجاني

وابجي عليه خلاني

كلش ثجيل افراكنه. شو ما اجو غيابنه

يا زينب يا زينب



طالت الغيبه والكلب رايدهم
تمشينه انه وياج نوصل يمهم
مخنوكه روحي ورايده توصلهم
وشالو سويه احبابنه شو جنهم

للموت كلهم ماشين

وصارو يعمه ابعيدين

شيجيب ذيج اعزازنه وشو ما اجو غيابنه


يا زينب يا زينب


لخادمة الزهراء العلويه ام جعفر
غير مبري الذمه من يحذف ألأسم ويآخذ آلكلام وينسبه له ج


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطمية لوفاة السيدة رقية عليها السلام في خربة الشام ( وين اسويلج يعمه اقرايه )


وين اسويلچ يعمه اقرايه
لامعزيه التجي ولانعايه


وين اسويلچ عزه ومجلس لطم
وانه مهضومه وعمه عيوني الهضم
والمصايب واصله الحد العظم
البين سوه اوياي موش اسوايه
وين اسويلچ يعمه اقرايه


البين وازاني عله احبابي وزه
واليموت ايريد چادر للعزه
اربعين حسين بعده ماجزه
وصارن اجروح البگلبي اهوايه
وين اسويلچ يعمه اقرايه


كثرن اجروحي وجرح يلچم جرح
ونعشچ اگبالي تمدد وانطرح
گلبچ بشوفت عزيزچ مافرح
ماگعد وياچ يحچي احچايه
وين اسويلچ يعمه اقرايه


ماگعد حاچاچ نايم بالگبر
الله ينطيني وينطيچ الصبر
يالخذاچ الموت من اول عمر
بين غربه وماهم الوفايه
وين اسويلچ يعمه اقرايه


ابعاد مايدرون بيچ اهل الوفه
مثل ماي وطاح عمرچ وانچفه
كون ابو فاضل عدل ونكلفه
ايجيب تابوت ويلفه برايه
وين اسويلچ يعمه اقرايه


ايجيب تابوت ويلفه ابيرغه
وينصب الماتم واسود يصبغه
سبع تشهدله المعارك والوغه
والنهر يبصم والمسنايه
وين اسويلچ يعمه اقرايه


النهر يبصم ويشهد للشجاع
الف ياوسفه انگطع منه الذراع
لاحضرلچ لااجه بيوم الوداع
بالعمد مطبور حامي الثايه
وين اسويلج يعمه اقرايه



الشاعرة المله
ام ريام دخيل الركابي
من ديوان الدموع الزينبيه الجزء الخامس والاربعون

غير مبري الذمه من يحذف اسم الشاعره او يغيره او ينسب الرثاء لشخص اخر


https://tttttt.me/joinchat/AAAAAELdvGssZMurwfLsJA

قصائد نسائيه لكل ايام محرم اشترك

لطمية فزاعية شدة جنوبي لسيدة رقية عليها السلام
===================
ونت عطشت وتريد واليها
ويا شوغة رقية الروح تكضيها
===
من ونت لبوها ونت افراك
محتامة يبوية وكلبي مشتاك
أبد ماعودت روحي اعلى الفراك
صعبة فركتك روحي تجويها
===
حاجيني يعمة صاحت بصوت
وزينب فرفحت والونة بسكوت
خافت لأ رقية تدري وتموت
خنكهة افراك ابوهة ونتهى الصوت
وزينب حركتها وروح مابيها
===
صاحت اه ياكسرت زماني
بعزاز الكلب بلوة بلاني
ومن افراكهم ضليت اعاني
ابوي الراح مني وما اجاني
وما كال العزيزة من يباريها
===
اه من الخرابة ويا هضمهة
روحي من الخرابة وين اضمها
تمنيت الكبر يمكم يلمها
من الشام مايبرد المها
عيالة اليالي وعالت اعليها
===
فرنهة اليالي ومشت لشام
ميسورة وذليلة مدنكة الهام
ياذاك الفرح يبن امي ما دام
صدك بعد الهضم والضيم جدام
رقية اتريد ابوها وين اوديها
===
فزت تنتحب وتريد ابوها
جاية راسة وبي لوعوها
علت صرخاتها ويلي وجوها
فوك الراس ماتت ما دروهة
وزينب والفواطم دارن عليها
===
تمت بحمد الله تعالى بقلم خادمة اهل البيت عليهم السلام ملة زينب الطويرجاوية

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

نزله لرقيه على طور رايح الوالي
●●●●●●●●
متي برض الشام
بكلبج الالام
رقيه
بيدي ادفتج
يابعد عمتج
رقيه رقيه
●●●●●●●●
طفله فزت من حلمها اتصيح يحسين
ابد ماهادت الطفله واتهمل العين
كولي عمه راح ابويه عني لاوين
مدري ابويه وين عني ماخذه البين

يمه ودوني
يشوفها امتوني
رقيه
ونصدع كلبج
يابعد عمتج
رقيه رقيه
●●●●●●●
تكلها عمه افراك ابويه هل صدعني
ليش ابويه ابزغر سني وييتمني
اعليه ماهيدن ولا ابطله الوني

وين والينه
خل يجي لينه
رقيه
بطلي ونج
يابعد عمتج
رقيه رقيه
●●●●●●●●
من سمع صرختها هلطاغي يزيد
كال هاي الطفله شوفوها اشتريد
تريد ابوها اعليه تصرخ ماتهيد
ودوا ليها الطشت بي راس العميد

بلطشت فجعوها
طفله مرحموها
رقيه

ماجول كل ظنج
يابعد عمتج
رقيه رقيه
●●●●●●●●
هوت فوك الراس وبلهفه تشمه
من كطع راسك تكله يبوا اليمه
يتيمه اظل من بعدك اوكامت تكلمه
وين جتثه ابويه حاجيني يعمه

بكربله عفناها
مرميه شفناها
رقيه
هيدي ابونتج
يابعدي عمتج
رقيه رقيه
●●●●●●●●
هوت فوك الطشت وشمه رقيه
وين جثتك
كلي اه يبن الزجيه
بيك ماادري اومشوني سبيه
تنتحب وبساع لن جتها المنيه

هوت فوك الراس
اوخمدت الانفاس
رقيه رقيه
●●●●●●●●
شيلها ياعلي عمه الطفله نامت
ايكلها ياعمه اخيتي رقيه ماتت
ابصوتها لنها العقيله حيل صاحت
ويه زينب هلحرم تلطم اوناحت
وين اليدفنوها
اهلها ويحظروها
رقيه
ايست منج
يابعد عمتج
رقيه رقيه
●●●●●●●●
لشاعرة اهل البيت ام عمار الصائغ
➖➖➖➖➖➖➖➖➖

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة للحسن ع {عافني وراح}كأني بالحسين جلس بعد موت اخيه الحسن يبكي ويقول ...

الليله موزين آنه حالي
الليله فاگد گلبي غالي

عافني وراح ...عافني وراح
❥❥❥❥ـــــــــــــ❁❁ـــــــــــــ❥❥❥
الليله فاگد گلبي غالي اربينه انه وياه سوه
الليله ماضل بيه حيل الحيل بالفركه خوه
الدنيه من بعد الجفاني ضلمه احسهه ابلا ضوه
گلبي چي فارگله غالي بناره هالليله انچوه

بعد مايرجع الي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
بعد مايرجع اليه اهظيمه نام ابنص كبر
لو شتاگيت لعيونه منين اجيبلي صبر
انلچم كل مغربيه بعده لو طال الهجر
اشلون راح انساه واعيش العشت وياه العمر

بعد بالعيشه شلي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
شلي بالعيشه بدونه وبعده كلساعه انلچم
لو ينشدوني عياله اعليه يگتلني الهظم
من عمت عيني اعله اخويه حته بالموته انضلم
اسهام ترسوها الجنازه من العده لا ماسلم

ادياره هالليله خلي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
ادياره هالليله خليه والعقيله بس تون
وبالديار اتنادي يمه ردي مرمرني الزمن
انه اسمعها تنادي واحس بدموعي جرن
افراگه يصعب مانحمله غالي عالگلب الحسن

صاحت الحره علي ** نام بتراب الولي

عافني وراح ** عافني وراح
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للحسن ع  عن لسان حال زينب ع

كون  مبادل  الونات
وابن امج تبدلينه
..........
تشيلين  الوجع  وياه
ويغمض الولي عيناه
تهود ونته  البحشاه
وياه الون تجسمينه
..........
بلكي ايبطل الونات
ساعات الولي كلفات
ويعود  زماني  الفات
والوالي  يفك  عينه
............
كامت تلطم  عله الهام
جاكون الولي ينسام
وترد  هيبتك  جسام
وبعوده    تبشرينه
............
شيرده الوكت ويعود
ويرجع  لديار اردود
وتكعدلي يراعي الجود
ويعود   الدهر  بينه
...........
مايرضه القدر تبديل
اختك راح منها الحيل
ريض يالنويت  تشيل
يومك  حيل  ياذينه

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم   من كتاب الجزء السابع المآسي الزينبيه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده عزائيه للحسن عليه السلام

المستهل 👇👇

الك رايات تستاهل يمسموم
وبيرغ للحسن نرفعله هاليوم

✿────↻✿...✿↺────✿
✿────↻✿...✿↺────✿

نرفع بيرغه اليله ونهوسله
على الهامات كلنه اليوم نلطمله
واليلطم الزهره اهناك تشفعله
يستاهل بيرغ رفعيله

✿────↻✿...✿↺────✿
✿────↻✿...✿↺────✿

هنا يالجايه اليله تعازين
مظلوم الحسن يلي تلطمين
متقصرين بالمجلس تهوسين
مولاج يشوفج هوسيله

✿────↻✿...✿↺────✿
✿────↻✿...✿↺────✿

ميدان الحسن هاليوم دخليه
بلطمه حاره والدمع تجريه
وسجلي حاجتج واليله تنخيه
ميقصر. يكضيهه الحاجه

✿────↻✿...✿↺────✿
✿────↻✿...✿↺────✿

مو بس حاجه عندج طلبي حاجات
كريم اهل العبىا يشفي المريضات
حلفي بالمشن كلهن سبيات
حاجات الصعبه يكضيهه

✿────↻✿...✿↺────✿
✿────↻✿...✿↺────✿

يكضي حاجتج يامن تذكرينه
محروم الحسن وانتي لتنسينه
مصاب المجتبى ياشيعه ناسينه
ظل عايش ذكرك مولانه

✿────↻✿...✿↺────✿
✿────↻✿...✿↺────✿

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية للأمام الحسن عليه السلام ( مهدوم صبح حيله )


شنهالونين الموش عالي
يمرد بگلبي ويشل حالي
سمعت الحسن ينده تعالي
من ودعاني انشده بالي


  ( نزلة الفزاعية )


مايگدر ايگوم الحسن
مهدوم صبح حيله


ياحيف گلبه ماسلم
بالسم تگطع وانهشم
هاذه الشهم وابن الشهم
ياعين دم ابچيله


ابچيله دم اعله الدمع
هاذه السبع وابن السبع
من عنده گلبي ماشبع
وايروح عني الليله


ايروح عني الهيبه
واتطول هاي الغيبه
ماضن يرد شيجيبه
لو يتم امداليله


لو يتماهم مايرد
يبچون بته والولد
اينام باچر باللحد
ياهو الحملنه ايشيله


ياهو اليشيل اهمومنه
لو شيعو جيدومنه
الليله يحرم نومنه
سهرانه كلهه العيله


سهرانه كلهه اعياله
وعيونهم هماله
الليله يصعب حاله
وابن امه ايتچيله


تچاله اخيه ومدده
يوم الحسن ماله جده
الحادي بضعونه حده
طول العمر ونيله



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه سريعه حول الحسن


واليوم خال ابني گضه. وشايل چبير اخواني




شايل جبير الساده
وحسين لم أولاده
يطلعون بيه جنازه
امصاب الولي هداني




خلصان اخوي وحيله
ويلوج طول اليله
وحسين يمه يشيله
بل فركه شو حاجاني




يگلي يزينب حالته
تعبانه اخونه ونته
للموت جنهه شيلته
وابجي واون خلاني



غرب اليومً اعيونه
وين اخوتي يشيلونه
المسموم ويشيعونه
وعليه بديت احزاني




شديت عالوالي الحزن
يستاهل اعيوني الحسن
شايل وخلانه نون
وسهم الوكت طكاني



لخادمة الزهراء العلويه ام جعفر
غير مبري الذمه من يحذف ألأسم ويآخذ آلكلام وينسبه له ج

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام الحسن عليه السلام

زينــب هالمسـيه تــريــد عـــوانـه
من ابو محمد اليله خـالي ديوانـه


الله يعيـن زيـنب يـوجع امصابه
يـا نـاره الـگـلب تستـــــعر لهـابه
هاليلـه اخـوهـه مفـارگ احـبابــه

نعــــازيهه زيـــنب   ///  هاليلـه

حـزنانــه العقـيلـه شـال والــيهـه
امـلاك السـمه تـبچي البواجـيهـه
حـگ البت عـلي اليـله نواسـيهـه

انـواسيهـــه   ///  اخت المسموم

يامسموم صيحي بصوت ويـاهـه
عمت عين الدهر مهظومه خـلاهه
خـال الولـد شـال وحيــــل اذاهـه

يمصاب الوالي /// الماذيهـه

الطـمـن زيـن والـميدان وسـعنــه
وشـدنـه الـطم للحــسن شـدنـــه
كريــم وبـالكـرم مـاكو ابـد منـــه

الكـــون اتكـدر. ///    لمصابــــه

يـــالعندج اهمـوم وجــايه بيهـــه
الحاجه بمجلس المظلوم خليـهـه
كريم المجتبى كل حاجه يگضيهه

يگضيهــــه.   ///  الحاجه العندج


تمـت بـعـون الله تعالـى
بـ✍🏻خادمة الحسين "عليه السلام"
الملـه أم مـجتبـى
نسالكـم الدعـاء بتعجيل الفـرج لصاحـب الزمـان( عـج)


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الطميه_بديوان_أقل_الوفاء_في_مصائب_كربلاء_الجزء_٣٠_.


لطميه للحسن عليه السلام


مسموم الحسن والسم مرد كلبه
ايعالج بلمنيه او حالته صعبه
❥━──➸➽❥💔❥━──➸➽❥💔
مسموم الحسن مدري اشتهياله
السم اسره ابدليله او تفجع احواله
شايل للمنيه او يتم اعياله
رايح من هله او متعني للغربه
❥━──➸➽❥💔❥━──➸➽❥💔
مسموم الحسن وايدير بعيونه
عمامه او كل اخوته اليوم يردونه
يا راعي الكرم وسفه يفكدونه
جرع كاس المنيه او صار المشربه
❥━──➸➽❥💔❥━──➸➽❥💔
ابساعات المنيه ايعالج ابروحه
او عينه اعله اليتامه اليوم مشبوحه
السم حار او ثجيل او جبده مجروحه
اليوم اهل الغدر شنو عليه حربه
❥━──➸➽❥💔❥━──➸➽❥💔
مسموم الحسن شايل امندياره
اجاه او ما لكاه اليوم خطاره
واخته بلحزن خلاهه محتاره
شالوه النعش واتعاين الدربه
❥━──➸➽❥💔❥━──➸➽❥💔
اليوم الحسن خوانه يشيعونه
صوب ارض البقيع اخذو يدفنونه
يريد الكبر جده او ما يخلونه
ما حفضو وصيته امنلنبي الكربه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للحسن ع

ماشفنه النعش    بسهام يرمون
وحسين عله خيه   هلن عيونه
---------
يا نعش الحسن باسهام صابوه
مظلوم الحسن والجبد سموه
يم جده النبي رادوا يدفنونه
( يم جده يريد يدفنونه )
---------
صابوه النعش بسهام يا حيف
والعباس دخن واسلت السيف
وحسين  التفت كله على الكيف
(والسيفك يوم يعرفونه )
---------
وخوه حسين ظل يجهر ونينه
على ابن امه تهل الدمع عينه
ويصيح بصوت زينب يا حزينه
( يا زينب وني على اعضيدي )
---------
زينب صارخه وتندب يمظلوم
عمت عيني رحت يالحسن مسموم
خوال ابني ييمه ويومهم يوم
( لوشالو حيلي ايهدونه)
-------
يبومحمد ويومك مر بالرياك
وفراكك يبحر الجود حراك
وروحي ناحله وماتحمل فراك
( يالفكدك طفالي عيوني )
------
اليوم عله الحسن خل تلطم احبابه
صدك شال ابومحمد ونغلك بابه
والوفاد تبجي بدمعه سجابه
(يابحر الجود   امضيعنه )

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم   من كتاب الجزء الثامن المآسي الفاطميه


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصريا
فزاعي جنوبي🔥 نصاري
للامام الحسن عليه السلام،،، لهل الفراضات،،،
〰️〰️〰️〰️〰️〰️〰️〰️〰️

ديوان الفراضه اليوم مســـــدود
شايل وين عنه يبن الحيـــــــــود
〰️〰️〰️〰️〰️〰️〰️〰️〰️

ديوان الفراضه اليوم ســـــــدوه
ابو محمد وسافه وحيف سمـوه
مايرضون اخوته عيب ينطــــوه

شيخ النيبه،، اليوم ارحـــــــــــــل
〰️〰️〰️〰️〰️〰️〰️〰️〰️

لبو محمد نطر اليوم هامـــــــــات
حك الله اله نطلع عراضــــــــــات
مغرب وين يربات الحيـــــــــادات

خطاره،، ياهو يعــــــــــــــــــــــزب
〰️〰️〰️〰️〰️〰️〰️〰️〰️

مشه وسار النعش بي وين ماوين
ومكابل بجي العباس وحسيـــــن
شايل وين ومخلي الدواوويـــــن

دیوانه،، اشلون یعــــــــــــــــــــزل

〰️〰️〰️〰️〰️〰️〰️〰️〰️
بعد ياهو اليفك ديوانه لضيــــــف
غدرتي بالحسن يادنيا ياحيــــــف
بهونچ وي اهل زنيب على كيـــف

مضیعینه اچبیر اخوانــــــــــــــــه
〰️〰️〰️〰️〰️〰️〰️〰️〰️

هالیوم المشیم عایف الـــــــــــدار
على افراكه تون اكبار وازغـــــــار
جنازه مشه وصوب الغري ســـــار

مشیعینه الشايع صيتــــــــــــــــه

〰️〰️〰️〰️〰️〰️〰️〰️〰️
بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفرده

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك