قصيدة للسبي {امشي واعثر بالوجع}

امشي واعثر بالوجع
انسه واصبر ما نفع
عافني وراح الحنين
ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
امشي واعثر بالوجع والتفت كلساع
بلكي ابو فاضل يجيني حلو الاطباع
روحي متعوبه احس من ليل الوداع
راحت ايام المحنه اندفنت ابگاع

هسه مسبيه صرت ** يفزع الكافل ردت

ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
هسه مسبيه صرت وامشي وي ضلام
وانه حرمه لوحدي ووياي ايتام
ماشفت راحه إنه من حرگ الخيام
وعيني حلفت من تفارگنه ولا تنام

بعد ما بيه صبر ** بلوعه خلصت العمر

ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
بلوعه خلصت العمر مو يدري عباس
شلون خلاني وحيده وشيب الراس
يمشي وياي الوجع وبدليلي هل جاس
چي ينضروني الشماته وگوم الارجاس

حيل متعوب الگلب ** امشي مسبيه صعب

ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
كلشي بأيام السبي آذاني والليل
من يمر اعليه والله يفرهد الحيل
اگبالي تطلع ذكرياتي ودمعتي اتسيل
واضل احچي وي الگلب چي بي الكفيل

اضل احچي عله الجره ** وحزني يصبح مكبره

ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
اضل احچي اعله الجره والدمعه تجري
واصيح يا عباس خويه يابو خدري
كون ترجعلي وانه انطيك عمري
من عفتني وداعتك اذاني دهري

ابغيبتك متني انضرب ** ورحت لبعيد الدرب

ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥

#للشاعره غدير الحساني


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

حصريا 🔥
فزاعي جنوبي حماسي ،، بقفلة هوسه،،
لشجاعة السيده زينب عليها السلام
ع عندما سارو بيها الى الشام
ودخلت الى ديوان الطاغيه يزيد لعنةالله عليه
وعند رجوعها الى كربلاء يوم الاربعين جلست عند قبر اخاها العباس دكله 👇
〰️〰️〰️〰️〰️〰️〰️〰️〰️

ماذليت وانه اختك يعبــــــــــاس
يخسه الكال زينب طخـت الراس

يخسه الكال زينب طخت الهــام
انثايه اوداعتك مابيهــــــم ازلام
بالديوان اختك هانت الشــــــــام

خليته والشام امدنـــــــــــــــــــــك

〰️〰️〰️〰️〰️〰️〰️〰️〰️
بالديوان اختك هانت ايزيــــــــد
كتله انته وهلك عند اهلي اعبـيد
تره هيه المراجل موش تقليــــــد

من ساسه الزلمه امبيــــــــــــــــن

〰️〰️〰️〰️〰️〰️〰️〰️〰️
ماتمحو ذكرنه اشما تكولــــــــون
تاج اعليكم اخواني يضلــــــــون
وانه اخت السبع كلكم تعرفــــون

وي امثالي اشجابك تحچــــــــي
〰️〰️〰️〰️〰️〰️〰️〰️〰️
حجيت بزودي انه وماهتميـــت
وكتله اسمع يزيد الماالك صيت
اضلن شامخه اشما تحديـــــــت

ماهزاني كل هذا المــــــــــــــــــر

〰️〰️〰️〰️〰️〰️〰️〰️〰️
جبل عالي اضل مايهوه ويمـيـل
يخسه انته وامثالك بيه يعيــــل
انه اخت السباع الراهبه الخيـــل

اتحداني کونك رجــــــــــــــــــــال
〰️〰️〰️〰️〰️〰️〰️〰️〰️

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعية وهوسة للعلوية شريفة بنت الأمام الحسن (ع)

✶•┈•‌‌‏•❥ًً❀(•«﷽»•)❀❥ •‌‏•‌‌‏┈•✶

من بت الحسن       هالطالبه امراد

✶•┈•‌‌‏•❥ًً❀(•«﷽»•)❀❥ •‌‏•‌‌‏┈•✶

طـلابـة امـراد ورايـده الـعونه
ولـيـلـجي عـليكم مـا تـخـلونه
همي اچبير بس انتم تشيلونه

( وعنايه .... للمجلس جيت)

✶•┈•‌‌‏•❥ًً❀(•«﷽»•)❀❥ •‌‏•‌‌‏┈•✶

اجيت المجلسچ ودموعي مذروفه
امـشي اعليچ ذيـچ الطبت الكوفه
روحـي بـالحـزن مـولاتـي مچتوفه

( اتزيحينه .... الهم البيه)

✶•┈•‌‌‏•❥ًً❀(•«﷽»•)❀❥ •‌‏•‌‌‏┈•✶

تـزيـحـيـن الـوجـع بـيـدج يـعـلويه
طـبـيبـه للـمـرض انـتـي الـمـعـنـيه
عليچ اهـلچ الطاحوا وكت ظهريه

( اتشافينه .... كل صاحب عله)

✶•┈•‌‌‏•❥ًً❀(•«﷽»•)❀❥ •‌‏•‌‌‏┈•✶

تـشافين العليل وحـاجتـه يمچ
نمشي عليچ ذيچ الزاچيه امچ
والقاسم اخـيـچ والـبطل عمچ

( اتبردينه .... گلب الوجعان)

✶•┈•‌‌‏•❥ًً❀(•«﷽»•)❀❥ •‌‏•‌‌‏┈•✶

تـبـردين الگلـب تـنـطـيـن البشاره
كريمه وبت كريم وتحچي خطاره
مـفـتوح الـمضيف ومـا غلگ داره

( معروفه .... يابت الهيبه)

✶•┈•‌‌‏•❥ًً❀(•«﷽»•)❀❥ •‌‏•‌‌‏┈•✶

تمت والحمدلله ✍🏻 خادمة أم أبيها الشاعرة أم علي الحلفي لا أجيز شرعاً حذف الأسم أوتغيير الكلمات أهدي ثواب عملي هذا إلى مولاي صاحب العصر والزمان ( عجل) وبنية شفاء المرضى

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده السيده رقيه عليهاالسلام


يارقيه... شارده وملوعه
يارقيه... والركاب مكطعه

والشمر يركض وراج
وعلى وجهج طيحاج

حاضره بطف كربله هالحاضره

يارقيه يارقيه /يارقيه يارقيه



غافي واسمع ونتج بويه وبجيج
هايمه بنص كربله وعيني عليج
بعد مااكدر اكومن وعتنيح
حسبي جم يوم بحلم انه اجيج

يارقيه...والدج وبمدمعه
يارقيه.... شارده وملوعه

يخوف يزمخ اجاج
والشمر يركض وراج

حاضره بطف كربله هالحاضره

يارقيه يارقيه /يارقيه يارقيه



طفله خفتي من لخيول الراكضه
تدوس جسمي بالحوافر راضه
بالعقيله مجلبه بيها وكاضه
والدموم بكل كدر هالفايضه

يارقيه..والبجي وبمسمعه
يارقيه.... . شارده وملوعه

بيده دم وخوفاج
والشمريركض وراج

حاضره بطف كربله هالحاضره

يارقيه يارقيه /يارقيه يارقيه



بابه ادري بيج كلش خايفه
بالج اخيام ورسم جم سالفه
بعدج باأول بدايه شايفه
طفله من سوط الدعيه راجفه

يارقيه.. بس دكاك مشبعه
يارقيه.. .. شارده وملوعه

بسوط طكج لوعاج
والشمريركض وراج

حاضره بطف كربله هالحاضره

يارقيه يارقيه /يارقيه يارقيه



وبالخيام وبالجوي ومحركه
وشفتي روس وعالرماح معلكه
والجساد بلا ركاب مسحكه
وبالادين حبال خشنه مشبكه

يارقيه...بالله بويه مودعه
يارقيه. . . شارده وملوعه

وباليسر هالهددجاج
والشمر يركض وراج

حاضره بطف كربله هالحاضره

يارقيه يارقيه /يارقيه يارقيه



للصبح تبجين وحشه وكاعده
من المصايب حيل كلش راكده
بسمي وتصيحين بابه وفاكده
ميت انه بعينج انتي مشاهده

يارقيه...والكلوب موجعه
يارقيه ...شارده وملوعه

جتفج هو وخذاج
والشمريركض وراج

حاضره بطف كربله هالحاضره

يارقيه يارقيه /يارقيه يارقيه



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاربعاء/2024/7/24
١٧محرم سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

للسيدة رقية....

كسرو خاطر حسين برقية
طفلة تنازع كبالة المنية
رقية يارقية يارقية


المشتاكة تريد تشوف ابوهة
شلون براس ابوهة تلوعهة
تنادي تريدة تبجي ويسمعوهة
جيبو الرأس يمهة وسكتوهة
اخذتو الرأس منهن مرت ايام
ماتكدر تفارك راسة وتنام
متعودة تشوفة بكل مسية
رقية يارقية يارقية


صح راس برمح حي وتشوفة
تحجي ويا تصدلة و ماتعوفة
المشتاكة لحنانة ولجفوفة
بنضراتة يصبرهة الرؤوفة
تشكيلة وتدلي عالضربهة
وتعد جروحهة وتوصف تعبهة
وتكلة حبالهم كلش قوية
رقية يارقية يارقية


ثلث تيام مانامت حزينة
اخذوا راسة بدروب المدينة
يومية على سوك وناصبينة
كطعت زادهة وتكول وينة
مااكل اذا مايرجع الرأس
اريد حسين ابوية شلون ياناس
عبونة فراكهن يصعب علية
رقية يارقية يارقية


بجت من جابو الرأس وشكتلة
تكلة فراك وجهك ماأحملة
يشيال الرمح بهداي نزلة
شوك الروح بشفافة ارد افلة
لوشايف حنانة وشام عطرة
ماخليت خيل ادوس صدرة
هذا حسين محبوب الزوجية
رقية يارقية يارقية


ضربهة الشمر بالسوط وزجرهة
بجت بس من بجت محد عذرهة
غليظ السوط مايرحم صغرها
تشوغ من الالم ايا صبرهة
حسين يشوفهة اكبالة اتلوع
تكطعها السياط وعينة تدمع
تموت ملوعة يشوف البنية
رقية يارقية يارقية


فاطمة المگصوصي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيدة لوفاة علوية شريفة ع {بالدرب ماتت}لسان مولاتي زينب ع


بـــــــــــالدرب ماتت ودمعتها جريه
زغيره بـت الحسن من سوده عليه

شافت اشكال القهر ...من اليتم حد النحر

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالدرب ماتت ودمعتها هميله
والحمل مليت وحدي بس اشيله
اه يمصايب زماني اشكد ثگيله

ام هادي ماتت بالدرب ...والوكت كلش صعب

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
من عمت عيني عليها ماتت اشلون
يعينهه الله شافت ابراسه يگطعون
والشماته ويلي بيها بس يلچمون

صاحوا اعليها العده ...حسين ياهو ايگعده

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
حسين ياهو ايگعده والحسن عافاج
چان هسه من الحرب بعيونه ضماج
ياشريفه من الاهل محد بقه وياج

بالمكابر كل هلج ...بعد محد يوصلج

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
بالمكابر كل هلج صاحاها اللعين
بعد لا يمج اخو لا يمج احسين
اعليهم اجري الدمع حيل اعميها هالعين

مايجونج للابد ...اعزاز كلبج باللحد

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
كلشي عاشته شريفه احزان بأحزان
يعينها الله ازغيره والدلال تعبان
بالكبر حطها اعله كيفك ها يدفان

املجمة من الحبل ...الصار بيها مو سهل

بالدرب ماتت ودمعتها جريه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج8

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده مربعه للسيده شريفه بنت الامام الحسن ع

•───✧◐❀◐✧───•

يم شريفه اليوم أهمل دمعتــــــي

اني انخاهه وتدري بحاجتــــــــي

•───✧◐❀◐✧───•

يم شريفه اليوم هليت الدمــــــع

واني انخاهه وگلبي منفجــــــــع

روحي تعبانه وملت هلوضـــــــع

منهه الابشاره وتگظي طلبتــــي

•───✧◐❀◐✧───•

طلبتي هاليوم من بت الحســــن

عندي حاجه وحيل تعبني الزمن

شفت يامولاتي اهات ومحــــــن

اجيت مهمومه اسمعي ونتـــــي

•───✧◐❀◐✧───•

جيت مهمومه ونخيت الطاهـره

ابابج ودمعي عالخدودي جـــره

اشكيلج ونار البگلبي مسعـــــره

من هظم دنياي ذابت مهجتـي

•───✧◐❀◐✧───•

اليوم حزنانه يمولاتي اجيــــت

لج يابت الحسن انه اعتنيـــــت

طالبه الحاجه وبعتابج بجيــت

ياشريفه انادي سمعي شكوتـي

•───✧◐❀◐✧───•

ياشريفه انخاج يابت الحســن

والهظايم حيل بيه اجـــــــورن

والدمع يهمل مثل كت المـــزن

منج انه اليوم اطلب جبرتـــي

•───✧◐❀◐✧───•

منج انه اليوم اطلب مطلبـــي

اقره الازياره واكثر معاتبــــــي

اباب شباجج لذبن معصبـــــي

تعبتني اهواي والله دنيتـــــي

•───✧◐❀◐✧───•

تــــمت بقــــ✍️لم خادمات أهل البيت عليهم السلام

*✍الشاعره هـــديل المياحيه*
*✍الشاعره مـــريم الحجيمي*

لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

https://vt.tiktok.com/ZSYcc35dq/

جديد باسم الكربلائي

لطمية للأمام زين العابدين عليه السلام ومعاناته في كربلاء (ذب العمامه علي)


ذب العمامه علي     وضل يدگ عالهامه
شاف عماته سباية     وانولن گدامه


ذب العمامه علي     وضل يدگ اعله الجبين
شاف عماته سبايه     والسبوهن ظالمين
شايل السوط ورعبهن     الشمر حاقد لعين
والعليل ايصيح بويه     گوم لينه ياحسين
طاح منه احزام ضهره     ومن يشد احزامه


طاح منه احزام ضهره     بكربله وصبح وحيد
لاحت اعظامه السلاسل     والحديد اعله الحديد
لو وگع ياهو اليعينه     لامعين ولاعضيد
واحد وسبعين ضيع     حگه يبچي ومايهيد
روس ماعدهم ضحايه     اموذرين ازلامه


بس جنايز روس ماكو     امطرحين اعله التراب
خل نصيح ايساعده الله     من دفن ذيچ الشباب
غسلاهم بالدموع     وچفناهم بالعتاب
لاضلع بحسين شاف     لاوريد ولااثياب
هشمو بالخيل صدره     وهجموا اعله اخيامه


هشمو صدر ابو اليمه     ونار شبو بالخيم
ايعينك الله يالعليل     بعد تحمل يالم
بيش غطيت الشفيه     وراح من ايده العلم
والعده كفار كلهم     لامروه ولاشيم
رايحين براس ابوك     العيلته وايتامه


رايحين براس ابوك      وماخذينه العيلته
الشمر يضحك وزينب     تنهضم من ضحكته
وين عباس الشفيه     ليش طول نومته
عطلاه السهم البعينه     لو اچفوفه وهامته
ماگعد لاشاف حالك     باليسر وايامه



✍شاعرة اهل البيت
ام ريام دخيل الركابي
غير مبري الذمه من يمسح اسم الشاعرة او ينسب الرثاء لشخص اخر

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للامام السجاد زين العابدين عليه السلام
========

اليوم  الكون

للسجاد  مگلوب

طبگوها الچوادر گطعو لدروب

========

مگلوب السما ومغبر الكون

محزونه الخلگ كلهم يونون

ابو الباقر يوسفه اليوم مدفون

والشيعه عليه اتهل العيون

ويدفنونه / ياوسفه الحيد

🖤🖤🖤🖤

علمسموم واجب نسچب العبره

تحمل من مصايب كربلا الگشره

شاف انحور مشموره على الغبره

وشاف حسين والخيل اسحگت صدره

ومن يوومه /  معلول يون

🖤🖤🖤🖤

ياوسفه  الامام  بأخر  انفاس

اريد ابچي عليهم ولطم الراس

هاذا البلكرامه توصفه الناس

صارو للعلم والطيب نبراس

وينخونه / لو صارت صعبه

🖤🖤🖤🖤

مسموم الامام وينزف اصوابه

نار السم ثجيل وبلچبد صابه

والباقر يون ويصيح يايابه

محزونه وتون هليله طلابه

ومحزونه / طلابه الليله

🖤🖤🖤🖤

على المسموم گلبي اليوم شيصبره

يوم المات ضلت بلگلب حسره

محزونه تراني وابچي بعبره

شيجبره عليكم گلبي شيجبره

ويشيلونه / چاوين الشيعه

========
خادمة ال البيت وخادمتكم الحجيه ام علي البصره نسألكم الدعاء

لانجيز حذف اسم الحجيه ام علي البصره من قصائدها  او من ينسب الكلمات لنفسه غير مبرء للذمه امام الله والزهراء ع

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

فزاعيه للسيده خوله ؏ ( خوله أتموت عطشانه )


يا وسفه أبطريچ الشام
خوله أتموت عطشانه
❥━──➸➽❥💔❥━──➸➽❥💔
مر بيهه الزغيره البين
ما يدري الغريب حسين
ترجف والدمع بالعين
وزينب بيهه حيرانه
❥━──➸➽❥💔❥━──➸➽❥💔
من عگب البطل عباس
ذبّلهه العطش يا ناس
خوله أبوليت الأرجاس
ومن الهضم خلصانه
❥━──➸➽❥💔❥━──➸➽❥💔
لا ما شربوهه الماي
وجعانه أو تون بهداي
الحره أتصيح يا رجواي
صرنه أبحكمت أعدانه
❥━──➸➽❥💔❥━──➸➽❥💔
خوله اليوم مهضومه
ولا ما شفت النومه
وبس السلبو أهدومه
شافت راسه علزانه
❥━──➸➽❥💔❥━──➸➽❥💔
والسجاد شاف أخته
تون والعبره خانگته
وكظ اليوم خاصرته
والدمعات جريانه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ٢١ من شهر محرم الحرام
الموافق / ٢٠٢٤/٧/٢٨


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

#الفزاعيه_بديوان_بحر_الولاء_الجزء_١٢_.


فزاعيه للمسير ألى الشام


يا خويه المسير أبعيد
بس الشمر حادينه
❥━──➸➽❥💔❥━──➸➽❥💔
مسرانه صعب وامجيد
وينك يا بطل ياحيد
اختك شايله لبعيد
ماتكعد يوالينه
❥━──➸➽❥💔❥━──➸➽❥💔
ماتدري اشجره اعليه
يوم امشيت مسبيه
وحدي وي بني اميه
ماعدهم رحم بينه
❥━──➸➽❥💔❥━──➸➽❥💔
ماعدهم رحم كفار
مشونه ابظهر الحار
ويايه حرم وازغار
او كلهه تشتم اعلينه
❥━──➸➽❥💔❥━──➸➽❥💔
حادينه زجر هليوم
عكب ابو علي المظلوم
والكافلني الجيدوم
كوم اعداك تسبينه
❥━──➸➽❥💔❥━──➸➽❥💔
اتعبنه مسير الشام
مسبيه ابحكم ظلام
اخيي اعلترابه نام
ما يكعد بعد لينه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

لطميه ثكيله الخوله ع

خوله ماتت بالسبي
وحيرت بت النبي

فوك المصيبه فوك المصيبه

طفله يضربها العده
وراس ابوها اتشاهدها

هاي العجيبه هاي العجيبه
......................
خوله ماتت بالدرب وتريد اهلها
جماله زينب للهظم زودت همها
اشحالها الميسره ونومه  زلمها
شنهي بذال الوكت زينب المها

تنخه عباس الأبي
خوله ماتت بالسبي
فوك المصيبه  فوك المصيبه
.....................
تنخه اخوها وماحضر ليها واجاه
موت خوله  بالبراري  حيراها
بصحاري  ماتت  ومن  غسلاها
شالها  السجاد  وحده  او دعاها

ودعتج بالله وعلي
خوله ماتت بالسبي
فوك المصيبه  فوك المصيبه
.....................
ضلت عيون العقيله تهل عليها
وتعتذر  وتكلها  عمتج موبديها
حرمه وغريبه وعالثره نايم وليها
ياخوله عنج من مشت غصبن عليها

موليه بيد الاجنبي
خوله ماتت بالسبي
فوك المصيبه فوك المصيبه
.................
ونت وصاحت لاخوها بدمع جاري
خويه بتك   ودعتها    بالبراري
فوك هظمي  زودت خوله مراري
من عفتها  شبت بدلالي   ناري

وين اخوي الضيغمي
خوله ماتت بالسبي
فوك المصيبه  فوك المصيبه
.................
يوم الرحت وصيتها خوله وصيه
وصلي  سلامي للاخو  وخبريه عليه
بوليت  يزيد  ام الخدر راحت سبيه
ودعتي  وعينها من دم   جريه

وبالسوط مشكوكه العبي
خوله    ماتت   بالسبي

فوك المصيبه  فوك المصيبه
.....................

✍ام  زينب كربلاء غير مبري الذمه من ياخذ الكلام وينسبه له اويحذف الإسم القصيده من كتاب المآسي الفاطميه الجزء الثامن
https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده موشح لسيده زينب عليها السلام
جديد وحصري🔥 🖤فخر زينب🖤

❀•┈•🕊•✵✵•🕊•┈•❀•┈•🕊•✵✵•🕊•┈•❀

هاي زينب والفخر عنوانها
راسهه مرفوع ضل بخوانها

❀•┈•🕊•✵✵•🕊•┈•❀•┈•🕊•✵✵•🕊•┈•❀

راسهه مرفوع ضل بت حيدره
وتحجي كله بزود سبع الكنطره
بيوم خطبت قاده كالو مو مره

طبت اعليهم خطر
خطبت والله ستر

زين مامالت الشام اركانها

❀•┈•🕊•✵✵•🕊•┈•❀•┈•🕊•✵✵•🕊•┈•❀

شمخت اعله الشام اخت عباسها
طبت ومرفوع زينب راسها
يخسهة كلمن كال واحد جاسها

مانطكت بت علي
لبوه لتضن تنولي

بخطبه وحده رجفت عدوانها

❀•┈•🕊•✵✵•🕊•┈•❀•┈•🕊•✵✵•🕊•┈•❀

هيبه منذلت عكب ذاك الكفيل
جبل عالي ابد ماتهوه وتميل
هسه اقنعك وانه انطيك الدليل

شنهي كلتله اليزيد
جنتو عند اهلي عبيد

وخطفت اوجوه الزلم الوانها

❀•┈•🕊•✵✵•🕊•┈•❀•┈•🕊•✵✵•🕊•┈•❀

تسجلت تاريخ زينب عالطغاة
حته يتذكرونهه طول الحياة
وعلي ضلت صامده حد الممات

والله اتحده مره
بكدهه عالهم صابره

وجذب محد عاش كد احزانها

❀•┈•🕊•✵✵•🕊•┈•❀•┈•🕊•✵✵•🕊•┈•❀

رغم كل الصار ماذلت ابد
ومن بعد اخوانها صارت سند
شنهي احجيلك عليهه انه بعد

مايوصفهه الكلام
قاده زينب والسلام

وتشهدلهه كل أنسهه وجانها

❀•┈•🕊•✵✵•🕊•┈•❀•┈•🕊•✵✵•🕊•┈•❀

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

صاحبة الحسچه الجنوبيه
ام عراق الشمري البصره


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

قصيده للامام زين العابدين ع

❥❥ـــــــــــــ❁❂❁ـــــــــــــ❥❥

مغـرب ويــن ابن رجابه الخيل
يلوج الـيوم مـنــه رايح الحيل

❥❥ـــــــــــــ❁❂❁ـــــــــــــ❥❥

ويـن يــريد غــرب عنهم اليوم
الف ياحيف كالو مات مسموم
نــون اعليه منه الحيل مهدوم
{ اهلك واهل امك// مغتاضه}

❥❥ـــــــــــــ❁❂❁ـــــــــــــ❥❥

جبـير حـســين للعازات يردوه
بـس أهـــل ضلم والكفر سموه
تابوته غرب موش اهله شالوه
{ دريـول مـره // اعله الوالي}

❥❥ـــــــــــــ❁❂❁ـــــــــــــ❥❥

خبرو الأبو فاضل يجي هليله
كلـولـه العليل انهدم كل حيله
يحط ذرعان للتابوت ويشيله
{ ايلــوج ابسـمـه // امخلينه}

❥❥ـــــــــــــ❁❂❁ـــــــــــــ❥❥

تــدرون اليــموت يريد جنازه
والـخوان وكت ضيج والعازه
ليش الدهــر عـالسجاد اتوازه
{ نوحي اعليه// الهدرو دمه}

❥❥ـــــــــــــ❁❂❁ـــــــــــــ❥❥

كـل ونه على المسموم ونيهه
عــازي عمته والزهره عازيهه
الـيوم دار كالــو شال راعيهه
{ الدار تنوح // اعــله الهيبه}

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف


لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

ثكيله للسبي

***
والله وكت يادنياي        خله الشمر يحجي وياي
    آنه العقيله بت حيدر آنه العقيله
من طاح اخويه العباس   فرجه صرت بين الناس
     آنه العقيله بت حيدر آنه العقيله
ثامن عجيبه              زينب غريبه
****
أنه بنت النبي وحيدر علي الكرار
وأمي فاطمه الحركو عليهه الدار
إورثت منهه الخيام التستعر بالنار
زماني خان بيه وبالعكس يندار
ذبحو هلي والخوان        وبكلبي دار الاحزان
    مثل الزجيه هضموني مثل الزجيه
وعيوني شافت ضلعين    ضلع امي وضلوع حسين
     مثل الزجيه هضموني مثل الزجيه
بهاي المصيبه          زينب غريبه
***
يبن أمي برحيلك مابقالي شي
فجعني منحرك يالشيبت رمشي
إمخضب بالدموم وعالرمح يمشي
وإبداله تمنيت انحمل نعشي
ياخويه يانور العين         عالغبره عفتك يحسين
      أمشي سبيه يالوالي أمشي سبيه
والهودج اصبح تابوت       بفركاك راووني الموت
      أمشي سبيه يالوالي امشي سبيه
آنه الحبيبه             زينب غريبه
**
يبو السجاد مصابك خويه مرمرني
شيبك من دموم الركبه متحني
نايم عالرمل بالنومه متهني
واختك للسبي تمشي بظهر محني
ياخويه حركو الخيام            واتحيرت بالايتام
       ركضن بناتك بالهيمه ركضن بناتك
فوك الجمر مشوهن          بحبالهم شدوهن
       ركضن بناتك بالهيمه ركضن بناتك
رقيه سليبه            زينب غريبه
****
عفته بالحوافر جسمك الرضوه
إمسلب عالوطيه ابلا دفن عافوه
يخويه بياذنب خنصر إلك كطعوه
علي السجاد يدور خنصرك منعوه
ابنك علي امكيدينه         بالجامعه امجتفينه
       حيله تهدم ياخويه حيله تهدم
من المرض والحسرات     مسبي وعله الناكه يبات
       حيله تهدم ياخويه حيله تهدم
ضايع طبيبه            زينب غريبه
****
من شفت العلم طايح بدت الاوجاع
اركضت صوب الشريعه للكفيل بساع
لكيت جفوف ابو فاضل فوك الكاع
صحت ضاع البخت مني اويه اخويه الضاع
كطعوهه خويه الجفين           والسهم نابت بالعين
             بعازة يمينك يالكافل بعازة يمينك
يحدي الشمر بضعوني          وبالسوط زركه متوني
             بعازة يمينك يالكافل بعازة يمينك
ومنين اجيبه              زينب غريبه
*
أم علي الكاظمي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

الليله عالسجاد دموها الصدور
الليله واسو عمته بذبح النحور

///////////
ونو عالسجاد ونات ابعويل
انودعك هاليوم بدموع التسيل
شلون گظيت العمر يبن القتيل
وآه چلمات السبي ابالك تدور
///////

ياهضيمه علينه فگدك. سيدي
منين اعد اجروح گلبك وابتدي
يوم شفت احسين بيد المعتدي
فوگ صدره تربع يحز بالنحور
//////////
جم نحر حزاه وي نحر الحسين
حتى. ابن الحسن گطعاله الادين
طفل شاغت روحه ماهابه اللعين
خله دمه فوگ ابو اليمه يفور
////////////

وابو الباقر بالمرض حاير عليل
وزينب تحشم. بقت وين الكفيل
هجمت اعداء النبي وصالة الخيل
وعله اخيام العايله ضلت تدور
//////////

خل نودعه اليوم كلنه نون اله
ونبچي لجل ادماه السال ابكربله
نمضي للسجاد ابن عقد الوله
نطالب الثارات حد يوم النشور
//////////


//////?

اعظم الله اجوركم خدام فاطمه

الشاعره ام انور الذبحاوي


https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

موشح جديد
لآاستشهاد الامام السجاد عليه السلام
〰️〰️〰️〰️〰️〰️〰️〰️〰️

مات زين العابدين اليلــــــــــــــــه
ياهو يحضر لنعش ويشيلـــــــــــه
〰️〰️〰️〰️〰️〰️〰️〰️〰️

ياهو يحضر نعش زين العابديــــن
ماحضر عباس لا جاله الحسيــــن
وسفه كلهم بالطفوف منوميــــــن

ومادرو بعليلهم رك حيلـــــــــــــــه
〰️〰️〰️〰️〰️〰️〰️〰️〰️
مادرو سجادهم ماضله حيــــــــــل
كضه عمره ادموع اعله اهله یسیل
امصيبة السجاد اتصوب الدليــــــل

بالآلم کاضي نهاره وليلـــــــــــــــــه

〰️〰️〰️〰️〰️〰️〰️〰️〰️
وبالمرض خلص حياته وبالمحـــــن
ودمعته اعله الاهل ماتستچــــــــن
اضلوعه من السبي متشوف انحـن

وياطريق الشام من يمشيلــــــــــــه

〰️〰️〰️〰️〰️〰️〰️〰️〰️
ويلي عالسجاد قصه قصتـــــــــــــه
ونعلة الله اعله العده السمتـــــــــــه
ماكفاهم موت ابوه وذبحتـــــــــــــه

ذاك الحسين السمه تبجيلــــــــــــــه

〰️〰️〰️〰️〰️〰️〰️〰️〰️
ماكفاهم ليش كل هذا الجــــــــــره
وليش يوميه مصيبه مكـــــــــــرره
الزهره عالسجاد حیل مكــــــــــدره

ولبن ابنهه الیوم حک تنعیلـــــــــه
〰️〰️〰️〰️〰️〰️〰️〰️〰️

بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

مربعه للسبي


وسفه اميسره امشي اوي الضعون
عذبني السبي وعميانه العيون
💔💔▪️💔💔
اخوتي امذبحه وعالترب مرميه
وآنه اعله الهزل مشوني مسبيه
ضليت بهظم كل حيل مابيه
واهلي ابعاد عني وما يعرفون
💔💔▪️💔💔
مهضومه بغرب من غير ولياني
ياذبح اخوتي بالروح جواني
اون طول الدرب متكبعه بحزاني
واطفال اخوتي كلسا يونون
💔💔▪️💔💔
اعيوني دم تصب مشبوحه لحسين
وللكافل ضعوني وسهمه بالعين
دولبني الوكت من غير الاثنين
عافوج اخوتج اسمع يكولون
💔💔▪️💔💔
محزونة كلب والعين هماله
اسمعها الحرم تتباجه واطفاله
ويضحك بالسبي ياحيف جتاله
واموتن طاري اهلي لو يجيبون
💔💔▪️💔💔
يعزاز الكلب يالما تركتوني
حتى باليسر ماشيتو اضعوني
لدكن عالصدر واعميها لعيوني
اشلون اكضي العمر لو ماتردون
💔💔▪️💔💔
تــــمت بعون الله تعالى
بقــــ✍🏻لم خـادمة االزهراء  عليها  السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج))

https://tttttt.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك