የኢትዮጵያ ወንጌል አማኞች አብያተክርስቲያናት ካውንሰል መገለጫ ሰጠ።

ከቅርብ ዓመታት ጀምሮ ወደ ምድራችን የሚመጡ የንስሐ ግቡ ሐልዕክቶች ሰለሆኑ ባላፈው ዓመት ታላቅ የአገራዊ ንስሃ ጊዜን በአደባባይ አከናውነናል። ይህንን ንስሃ መቀጠል ስለታመነበት የአገራዊ ንስሃ የሚያስተባብር ግብረ ኃይል በወንጌል አማኞች አብያተክርስቲያናት ካውንስል ይሁንታ ተቋቁሞ ተግባሮቹን በተሻለ መንገድ ለመወጣት በመሥራት ላይ ይገኛል።

ስለዚህ ፦

1.ከሚያዝያ 6 እስከ 11/2017 ዓ.ም ከሰኞ- ቅዳሜ በሉት የህማማቱ ሳምንት በመላው አገሪቱ ባሉ ማህበር ምዕመናን ቢቻልም በከተሞች አመቺ በሆኑ በተመረጡ አብያተክርስቲያናት በአንድነት በመሰባሰብ የኑዛዜና የንስሐ ቀናቶች እንዲሆኑ።

2. ከሚያዝያ 19 እስከ ግንቦት 17/2017 ዓ.ም ባሉት ሳምንታት ኑዛዜ ያደረግንባቸው ጉዳዮችን ወደ ፍሬ እንዲመጡ በየአጥቢያው የንስሐ አቅጣጫዎች የትምህርት እና ንስሃውን ከሕይወት ጋር የምሰናዛምድባቸው ጊዜያቶች እንዲሆኑ።

3.ግንቦት 24 ቀን 2017ዓ.ም በሁሉም ከተሞችና አካባቢዎች የማጠቃለያ የንሰሐ ጊዜ መሪዎች በየክልሎቻቸው የካውንስል እና የኀብረቶች አደረጃጀቶች እንዲያደርጉና በአዲስ አበባ ለሚካሄደው ለአገር አቀፉ የማጠቃለያ የንስሐ ጊዜ ከልሉን የሚወክሉ መሪዎችን ወክለውና በክልሉ ቤተክርስቲያን መለኮታዊ ሥልጣን ጸልየውላቸው ወደ አዲስ አበባ እንዲልኩ።

4.ከግንቦት 25 አስከ 27 2017 ዓ.ም ለሦስት ቀናት ከመላው ኢትዮጵያ ክልሎች እና ከዲያስፖራ በክልሎች ቤተክርስቲያን መለኮታዊ ሰልጣን በሚወከሉ መሪዎች በአዲስ አበባ ከተማ ማጠቃለያውን በተወከሉ መሪዎች የንስሐ ጊዜ በማድረግ የንሰሐ ማጠቃለያ እንዲሆን ታቅዷል።

በመላው ኢትዮጵያ እና በውጭ ሀገር የምትኖሩ የወንጌላውያን አማኞች ሁሉ በዚህ በወጣው ፕሮግራም መስረት አሰተባባሪ ግብር ኃይል በልዩ ልዩ መገናኛ ዘዴዎች በሚያሰራጫቸው የንስሐ አቅጣጫዎች እና የኑዛዜ የጸሎት ርዕሶች አየታገዛቸሁ የንስሐ ጊዜውን አብረን በጋራ እንድናከናውን ጥሪዬን አቀርባለሁ።

“ኢየሩሳሌም ሆይ፥ ጕበኞችን በቅጥርሽ ላይ አቁሜአለሁ፤ ቀንና ሌሊት ከቶ ዝም አይሉም፤ እናንተ እግዚአብሔርን የምታሳስቡ፥ ኢየሩሳሌምን እስኪያጸና በምድርም ላይ ምስጋና እስኪያደርጋት ድረስ አትረፉ ለእርሱም ዕረፍት አትስጡ።”ትንቢተ ኢሳይያስ 62፥6-7

ልዑል አግዚአብሔር አገራችንን ኢትዮጵያን ይባርክ!!

የኢትዮጵያ ወንጌል አማኞች አብያተ ከርስቲያናት ካውንስል ጠቅላይ ጸሐፊ ቄስ ደረጀ ጀምበሩ

መጋቢት 3/2017 ዓ.ም #ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!!

የንስሐ ጸሎት ርእሶች
📅 ሐሙስ | ሚያዝያ 9 | 2017 ዓ፡ም
1. የእግዚአብሔር መንግሥትን ምንነት በሙላት ስላልተረዳንበትና ለመንግሥቱም በሚሆን ተጠያቂነት ረገድ ወድቀን ስለምንታይበት ሁኔታ
2. ከውስጣዊ ነገሮች ይልቅ በውጫዊ ነገሮች ላይ ትኩረት ስለምናደርግበት፣ በዚህም ደግሞ ከእግዚአብሔር አሳብና ፈቃድ ጋር መተላለፍ ስለ ተፈጠረበት ሁኔታ በጌታ ፊት ንስሐ እየገባን እንጸልያለን፡፡
3. የመንፈስን አንድነት እና ኅብረት በፍቅር ስላልጠበቅንበት ሁኔታ በጌታ ፊት የንስሐ ጸሎትን እንጸልያለን፡፡
4. እርስ በርስ ስለምንከፋፈልበትና በአንድ ቤተ ክርስቲያን ውስጥ እንኳ ብዙ ቡድኖችን ስለምንፈጥርበት
መከፋፈላችን እና መቧደናችን በጌታ ፊት የንስሐ ጸሎትን እንጸልያለን፡፡
https://youtu.be/5qxLYnw0sB4?si=uCpjegKdZH276HGo

#ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!!

በአሜሪካን ኮሎራዶ የሚገኘዉ የኢትዮጵያ ወንጌል አማኞች አብያተክርስቲያናት ካዉንስል ቅርንጫፍ ፅ/ቤት የዉይይት እና የአንድነት ጊዜ አካሄደ።

ሚያዚያ 25 ቀን 2017ዓ/ም በተካሄደዉ የዉይይት መድረክ በኮሎራዶ የሚገኙ የካዉንስሉ ቅርንጫፍ ፅ/ቤት አመራሮች የቤተክርስቲያን መሪዎች እና ልዩ ልዩ የሚንስትሪ አገልጋዮች በዉይይት መድረኩ ተሳትፈዋል።

በኮሎራዶ የካዉንስሉ ቅርንጫፍ ፅ/ቤት የቦርድ ሰብሳቢ መጋቢ ጌታቸው ታደሰ በእለቱ የእንኳን ደህና መጣቹ መልዕክት በማስተላለፍ የእግዚአብሔርን ቃል አካፍለዉ የካውንስሉ አመሰራረት እና ጠቃሚነቱን በመግለፅ አብራርተዋል።

የቅርንጫፍ ፅ/ቤቱን በዋና ፀሃፊነት እያገለገሉ የሚገኙት ዶ/ር አድያምሰገድ ወልደማርያም የካዉንስሉ አጠቃላይ እንቅስቃሴ ፥ ዓላማ ፥ ራዕይ እንዲሁም ቀጣይ ተግባራቶችን ለአባላቱ  በዘርዝር አቅርብዋል። ካዉንስሉ በአሜሪካ እና በአለም አቀፍ ሊሰሩ የታሰቡ ስራዎችን በማብራራት በኮሎራዶ ከሚገኙ አብያተክርስቲያናት እና ህብረት ጋር አሁንም ለመስራት ዝግጁ እንደ ሆኑ አስረድተዋል። በዚህም ከካውንስሉ ጋር በመተባበር አብረን ታላቁን ተልዕኮ በፍቅር እና በአንድነት እናገልግል ሲሉ ጥሪ አቅርበዋል።

መጋቢ ያሬድ ፀጋዬ ምክትል ዋና ፀሐፊ ሲሆኑ የካውንስሉ የትኩረት መስክ ፣ ሚዲያ ፣ የአባለት መብትና ግዴታ ዙሪያ በተመለከተ ማብራሪያ ሰተዋል።

በመጨረሻም ከአባል ቤተ እምነቱ ለተነሱ ጥያቄዎች ምላሽ እና ሰፊ ማብራሪያ ተሰቶባቸዉ ስብሰባዉ ተጠናቋል።

#ሪፖርተር_ብንያም_ሱፋ

#ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!