በጋሞ ዞን በዚህ ሳምንት ውስጥ ባጋጠሙ የአፈር መናድ አደጋዎች የ8 ሰው ህይወት ማለፉን የጋሞ ዞን አስተዳደር የተሰማውን ታላቅ ሀዘን ገልጿል።

ትናንት ምሽት በጋሞ ዞን ገረሴ ወረዳ የጣለው ከፍተኛ ዝናብ ባስከተለው ናዳ 5 የቤተሰብ አባላት ህይወት አልፏል፡፡

በተመሳሳይ ቀን በናዳ ምክንያት በአርባምንጭ ዙሪያም የአንድ ሰው ህይወት አልፏል።

በጨንቻ ዙሪያ ወረዳም ሰሞኑን እየጣለ ያለው ዝናብ ባስከተለው ናዳ የሁለት ሰው ህይወት አልፏል።

የዞኑ መንግሥት ለተጎጂ ወዳጅ ዘመዶችም መጽናናትን እየተመኘ የዝናቡ ሁኔታ ተጠናክሮ ስለሚቀጥል በአካባቢው የሚገኘው ህዝብ ከመቼውም ጊዜ በለይ ጥንቃቄ እንዲያደርግ የዞኑ አስተዳደር አሳስቧል።

ናዳ ባስከተለው ጉዳት ከመኖሪያ ቀያቸው የተፈናቀሉትን መልሶ ለማቋቋም ሰብአዊ ድጋፍ የመስጠቱ ተግባር ተጠናክሮ እንደሚቀጥል ከዞኑ የመንግሥት ኮምኒኬሽን ያገኘነው መረጃ ያመለክታል።

@YeneTube @FikerAssefa

በሀገር አቋራጭ ስምሪት መስመሮች እና በአውቶቡሶች መውጫ ሰዓት ላይ ሽግሽግ ተደረገ!

የአስቸኳይ ጊዜ አዋጅን ለማስፈጸም በወጣው የትራንስፖርት ዘርፍ አፈፃጸም መመሪያ መሰረት የኮሮና ቫይረስ ስርጭትን ለመከላከል እና አካላዊ ርቀትን ለመጠበቅ ከአዲስ አበባ ወደ ተለያዩ የሀገሪቱ ክፍሎች በሚወጡ የሀገር አቋራጭ ስምሪት መስመሮች እና የአውቶቡሶች መውጫ ሰዓት ላይ ለውጥ መደረጉን የትራንስፖርት ሚኒስቴር አስታውቋል፡፡በዚሁ መሰረት ከዚህ ቀደም በየዕለቱ ስምሪት ይሰጥባቸው የነበሩ በአማካኝ 232 ልዩ ልዩ የሀገር አቋራጭ መስመሮችን በ60 በመቶ በመቀነስ በየዕለቱ በአማካኝ እስከ 82 መስመሮች ብቻ እንዲወጡ የሚደረግ መሆኑን ሚኒስቴሩ ገልጿል፡፡

በተመሳሳይ ከዚህ ቀደም አብዛኛዎቹ ተሸከርካሪዎች ከጠዋቱ 12፡00 ሰዓት ከተርሚናሎች ይወጡ እንደነበረ ሚኒስቴሩ አስታውሶ ከዚህ በኋላ ግን ለተሻለ አፈፃፀም ያመች ዘንድ አውቶቡሶቹ በአራት ተከፍለው በተለያየ ሰዓት እንዲወጡ እንደሚደረግ ሚኒስቴሩ ጨምሮ ገልጿል፡፡በዚሁ መሰረት በየዕለቱ 40 ከመቶ የሚሆኑት ተሸከርካሪዎች ከጠዋቱ 12:00 ሰዓት ላይ፤ 30 በመቶ የሚሆኑት ከጠዋቱ 2:00 ሰዓት ላይ፤ 20 በመቶ የሚሆኑት ከረፋዱ 4:00 ሰዓት ላይ እና 10 በመቶ የሚሆኑት ከቀኑ 6:00 ሰዓት ላይ ከሀገር አቋራጭ አውቶቡስ ተርሚናሎች እንደሚወጡ ተገልጿል፡፡

የመስመሮችን ብዛትና መነሻ ሰዓት ያካተተው እና ከላይ ተያይዞ የቀረበው የአገር አቋራጭ ትራንስፖርት አገልግሎት መስጫ ሳምንታዊ ዝርዝር ፕሮግራም ከሰኞ ጀምሮ ተግባራዊ እንደሚደረግ ያስታወቀው ሚኒስቴሩ የትራንስፖርት አገልግሎት ተጠቃሚዎች ከፕሮግራሙ ውጪ የማይስተናገዱ መሆኑን ገልጿል፡፡

Via ETV
@YeneTube @FikerAssefa