‍ #شعر_گیلکی(حماسی)

#هشت_سال_دفاع_مقدس

🌷تقدیم به روح پرفتوح #شهدای_هشت_سال #جنگ_تحمیلی🌷

شاعر:
#سیداسحق_فاطمی


دل خَسِه دفاعِ ری غزل بوگو جور وَنِکِت
وٖی خیال مٖی هَمرَیه می چشمِ جی دور وَنِکِت


دَس وِگیر نیَٖه می دل خطِ ری بیتابی کانِه
کارونِ خواب وینِه أروندِ ری بیخوابی کانِه


آخو یادِمانِ هَش سالِ یه جنگِ
دانی خا
گبِ سینه سپرِ توپ و تفنگِ
دانی خا


یکهزار و سیصد و پنجاه و نه
بعثِ عراق
پا پوتین دَس وی کمِر تانک و
یراق


پا داکُردِه ایرانِ کفشِ دِلِه بُلا
وَکِت
دَس بَبِردِه کشورِ نقشه میٖیَن
بُلا دَکِت


خط شِکن نِدَشتِه خط بِشکِسه با اوٌلِ کشَ
مُردُمِ کوشِنِه با خانه سِرایِ دِله
تَش


اُوجِه خا جبهه نابا خمپاره جولان دَنِه با
وَچِه شیر نُوخاردِه مٰارِه کَشِه دِل جان دَنِه با


چَن تَه پاسگاه و کمیته چَن تَه دَسٓه زِن و مرد
دیمِ خون بُمالسه جنگِ دانی
رو نوبو زرد


شیطانی اسراییل و آمریکا جی
وارِنِه با
شیمیایی چی بُلا مردمِ سر
آرِنِه با


دَسٓه دَسٓه هموطن اِسیر و أواره
وَکت
دِلِ سرنیزه بَزَن جا دِلِه چار پاره
وَکِت


ستون پنجم و نیروی نفوذی
یه طرِف
خائن وطن فروش ترور با یوزی
یه طرف


چَن ته شهرِ بِگیتِن ناخوشی شصتِک زَنِبان
آبِ سر خَندِنِبان دِریایِ دَستِک
زَنِبان


بُومَه بان چَن روزه ایرانِ پَر و قو
هاکُنِن
بوگوتِن هین گَتِه دِریایِ خَنِن جُو هاکُنِن


اِمی دل بِشکِسِه با أمٓأ کمِر وَل
وَنِکِت
بوگوتیم جنگی نٖی ٱیم أمٓأ ایتا
حَل وَنِکِت


مصلحت با همه دَس پیش بیأرِن جور وَکِته
دامِ دشمن بَنِه با وی دَسٓ و پا
تور دَکِته


رَهبَرِ پیام بومَه بسیج وَکین جنگ هاکُنین
اوشانِ پس بَزِنین عرصَه اوجِه
تنگ هاکنین


ارتشی رٱ دَکِته سپاه وی هَمرَه گَل هَکِت
دشمنِ غم بِگیتِه اینجوری
جَعلِ کَل دَکِت


ایرانی هرجا دابا شال وکُلا
هاکُردِه پَس
وَچِه شا دابا پیٖر چارُقِ پا داکُردِه پس


کتاب و دفترِ جا بَدَه محصل
طاقِ سر
کارِگر بیلِ بَنه دَس کَتِه با
قنداقِ سر


یاعلی رٱ دَکِتِن وَعدِه به دیدار
وَکِته
مٰار خاخور خانه دِلِه وظیفه
ایثار وَکِتِه


دوره رزمِ شبانه کمین و ضد
کمین
غواص و ضدهوایی هنگ
ِخنثی کُنِ مین


بَنِه بان دَس دَسِ دل همدل و
همدوش وَکِتِن
دِریا دل آزاد ماهی هوایِ سر قوش وَکِتِن


نوجوان خط شُونِه با یه مَردِکان
با وَالَهی
ریش سِیفیدَم شُونه با یه پا جِوان با وَالَهی


لشکر الله و اکبر آسّین جار هَدِه با
دشمنِ ذلّه بیأردِه دَسِ دل کار هَدِه با


به امیدِ کربلا دشتِ علمدار
باشِه بان
دلِ دَس کف بَنه بان بیدونِ
کولبار باشِه بان


دل به دل جَم وَکِتِن شیطانِ
شاخِ بِشکِنَن
نیمه ساتِه صدامِ خیالی کاخِ
دِشکِنَن


پس بَزَن دشمنِ جان هَدَن
همینجوری نابا
همه با دل باشِه بان وظیفه
مجبوری نابا


یاحسین و فاطمه ابوالفظلِ
دوخانسِن
زیارت نامه ظهر عاشوراِ
بوخانِسِن


یکی ترکِش وی بَدِن بِجا
بیأرده ِبا نِماز
یکی فهمیده بونِه تانکِ هاکُردِه
جا نماز


خودی چشمه بومَه با کُو جی روخانِه دَکِتِه
دلِ دِریا بَزِه با دریا وی خانه وَکِته


مینِ سر قالی هابان معبرِ واز
بِدَشتِه بان
تِشکِ پر بارِ امیدِ خوشی دل
بِکَشتِه بان


جا به جا لاله بِکَشتِن بَرِسَن
به آبِرو
دل هَدَن قلبِ هِگیتِن بَرِسَن
به آرزو


کم شهید نَدِیٖم اُوجه خطِ دِله
جا بومانِس
یا یکی‌خانه بُومَه أمّأ دَس و پا
بومانِس


چِندی مٰارِه وینِه بی رایه دِلِه نیش تِه حَلَه
وَچِه دوری وی گیسِ سیفید هاکُردِهِ بِکَلَه


یادگاری هَنِه یه شهیدِ جی یه مُشتِ خاک
راه درِه تابوتِ همره استخوان و یه پلاک

گل جوانه بَزَه لاله پُر ِ ایرانِ دِلِه
یه نشانِ غیرتِ حُرمَتِ این
ٱب و گِلِه

🌷 🌷 🌷 🌷 🌷 🌷

#شعروخوانش
#سیداسحق_فاطمی_تنکابن

کانال اشکور نگین ایران❤️
@yeelagh