Այս տարեսկզբից Բաքվի բարբարոսական և էրդողանական վարչախմբերի կողմից, այսպես կոչված, «Զանգեզուրյան միջանցքի», որն իրականում «Թուրանական միջանցք» է, շուրջ նկատելի հռետորաբանական ակտիվացման խորապատկերին այսօր Բաքվի բռնապետը փաստացի վերջնագիր է ներկայացրել Հայաստանին՝ բարբաջելով, թե այդ «միջանցքով» մարդիկ և բեռները պետք է անցնեն առանց ստուգման։

Հիշեցնեմ, որ մինչ այդ Բաքվի բարբարոսական վարչախմբի պաշտոնյաները խորամանկում էին, թե, իբր, հենց Հայաստանին է ձեռնտու այդ «միջանցքը», իսկ արհեստածին Ադրբեջանում այլևս հետաքրքրված չեն դրանով, քանի որ նույն ճանապարհը կարող է անցնել Իրանով, մինչդեռ բազմիցս եմ պնդել, որ ասվածը մանր խորմանկություն է, ինչին տուրք տալ չի կարելի։

Հիմա ամեն ինչ շատ պարզ է ու հստակ, և կրկին, ինչպես բազմիցս նշել եմ, Բաքվի բարբարոսական վարչախումբը ոչ թե ցանկանում է խաղաղություն, այյ Հայաստանի՝ որպես աշխարհաքաղաքական գործոնի, ոչնչացում, փաստացիորեն «էրմանիստան» ռեզերվացիայի ստեղծում, որը նույնիսկ պետք է կոչվի «Արևմտյան Ադրբեջան»:

Հետևաբար, առնվազն անմտություն է շարունակել ապրել պատրանքներով, և պետք է ստեղծել պետություն-ամրոց Հայաստանը։

#թշնամու_իրական_վիճակը

🆔 @vardan_voskanyan

Բաքվի բարբարոսական վարչախումբն ինձ, իբր, «պատասխանելու» համար հրապարակ է հանել ոչ ավել, ոչ պակաս, արհեստածին Ադրբեջանի նախկին ԱԳ նախարարին։

Իսկ «պատասխանը» միևնույն է՝ տխրահռչակ քարոզչական կեղծ ու անհիմն թեզերից անդին չի անցնում։

#հավերժականՀայաստանը

🆔 @vardan_voskanyan

Մեր հասարակությանը պարբերաբար «ներարկվող» ամենավտանգավոր մոլորություններից մեկն այն է, թե Բաքվի բարբարոսական վարչախումբն, իբր, կարող է համաձայնել Հայաստանի համար գոնե ոչ մահացու պայմաններով խաղաղության։

Ըստ ամենայնի, որպես նման մոլորության չբարձրաձայնվող, սակայն հիմնական փաստարկ է դիտարկվում այն, որ այդպիսի խաղաղությունը ձեռնտու կարող է լինել Բաքվին և շատ հարցերում վերջինիս օպերատոր Անկարային, որովհետև դրանով հնարավոր կդառնա չեզոքացնել ռուսական ազդեցությունը Հարավային Կովկասում։

Սա, մեղմ ասած, կոպտագույն սխալ է, որովհետև Բաքվի բարբարոսական վարչախումբը և նրա օպերատորը տեսնում են նույն խնդրի լուծման բոլորովին այլ՝ ավելի «հիմնավոր», ուղի։

Եվ դա իրականում Հայաստանի փաստացի չգոյությանը հասնելն է, ինչը Բաքվի և Անկարայի համար ինքնաբերաբար կնշանակի ռուսական ազդեցության ոչ միայն չեզոքացում, այլ նաև ամբողջական բացառում։

Ուստի, չեմ դադարելու պնդել, որ Բաքվի բարբարոսական վարչախմբի հետ հարաբերվելիս միակ ելքը պատրանքները մի կողմ դնելը և Հայաստան պետություն-ամրոցի ստեղծումն է։

#հավերժականՀայաստանը

🆔 @vardan_voskanyan

Բաքվի բարբարոսական վարչախումբն իր արհեստածին կազմավորման նույնքան արհեստական ինքնությունը կերտելու նպատակով այլոց մշակութային ժառանգությունը յուրացնելու գործում չունի նույնիսկ միասնական «սկզբունք»:

Դիցուք, թյուրքերեն մի տող անգամ չգրած պարսից գրականության երևելի բանաստեղծներից Նիզամի Գանջավին համարվում է «ադրբեջանական գրականության դասական» միայն այն «հիմնավորմամբ», որ ծնվել է Ադրբեջան կոչվող արհեստածին կազմավորման կողմից այսօր վերահսկվող տարածքում, իսկ Իրաքում ծնված և ապրած Մուհամմադ Ֆիզուլին յուրացվում է միայն այն «փաստարկով», որ գրել է նաև թյուրքերենով։ Այսինքն մի դեպքում գործածվում է միայն տարածքային «փաստարկը», մյուսի պարագայում՝ լեզվականը։

Գրեթե նույնանման պատկեր է տոլմայի և խաշի յուրացման հետ կապված։ Երբ խոսքը գնում է տոլմայի մասին, Բաքվի բարբարոսսկան վարչախմբի կեղծարարները կիրառում են լեզվական «փաստարկը»՝ թե դրա անվանումն ունի թյուրքական ծագում, մոռանալով այն մասին, թե, օրինակ՝ իրենց խաշնարած նախնիներն ինչպե՞ս պետք է աճեցնեին խաղողի թուփ, կաղամբ և լցոնման համար անհրաժեշտ այլ բանջարեղեն։

Մինչդեռ խաշի յուրացման ժամանակ լեզվական «կռվանն» ամբողջությամբ դուրս է թողնվում, որովհետև ճաշատեսակի անվանումը բնիկ հայկական է՝ հնդեվրոպական ծագման գրաբարյան «խարշ» արմատից, որից աշխարհաբարում ունեք «խաշել», «խաշ», «խաշիլ» և այլ բառաձևեր, որոնք փոխառվել են ադրբեջաներենում՝ xaşlamaq «խաշել», xaş «խաշ», xəşil «խաշիլ» և այլն։

Այստեղ են ասել՝ անամոթաբար յուրացնելուց առաջ գոնե կողմնորոշվե՛ք։

#հավերժականՀայաստանը

🆔 @vardan_voskanyan

«По всей видимости, в качестве не озвучиваемого, но основного аргумента для подобного заблуждения рассматривается то, что такой мир может быть выгоден Баку, а также являющейся по многим вопросам его оператором Анкаре, поскольку таким образом им удастся нейтрализовать российское влияние на Южном Кавказе».

🆔 @vardan_voskanyan

https://t.ly/6BIxV

«Հայ-իրանական հարաբերությունների համատեքստում շատ կարևոր է, որպեսզի Հայաստանն ունենա այնտեղ հյուպատոսություն։ Ընդ որում, սա արվում է մեկ այլ համատեքստում, քանի որ Բաքվի բարբարոսական վարչախումբը չափազանց դժգոհ է, որ իրեն թույլ չեն տալիս Թավրիզում բացել, այսպես կոչված, մշակութային կենտրոն, որն իրականում լինելու է լրտեսական որջ։ Բայց հայկական կողմին Իրանը նույնիսկ շահագրգռում է, որպեսզի հնարավորինս արագ հյուպատոսություն բացի»։

Ամբողջական նյութի հղումը՝ ստորև։

#հավերժականՀայաստանը

🆔 @vardan_voskanyan

https://168.am/2024/01/13/1982693.html

Գրեթե բոլոր իմաստները կորում են, երբ ամեն անգամ միտքդ, սիրտդ և հոգիդ մամլում է հանգիստ չտվող իրականությունը, թե հիմա Ամարասը, Դադիվանքը, Գանձասարը և Ծիծեռնավանքը պղծում են բարբարոսներն իրենց պիղծ ներկայությամբ, պիղծ էությամբ, պիղծ շնչառությամբ։

Կորստի ցավն ու ամոթը կարծես հսկա ժայռ լինի, վիթխարի մի վեմ, որը ճշում է միտքդ, սիրտդ և հոգիդ՝ հեռու վանելով համարյա բոլոր իմաստները և պարուրելով դրանք անհանգստությամբ ու անիմաստությամբ։

Հանգիստ չտվող այս անհանգստության և անիմաստության տարերքից սակայն ծնվում ու բյուրեղանում է բոլորովին նոր իմաստ՝ Վրեժը և Վերադարձը՝ վրեժը հայկական մեր սրբությունները պղծելու դիմաց և վերադարձը դրանք կրկին հայկականությամբ վերաօծելու համար։

Արդ՝ Վրեժ և Վերադարձ. սրանք են միակ սուրբ իմաստները, սրանք են հանգիստ գտնելու միակ բանաձևը...

#հավերժականՀայաստանը

🆔 @vardan_voskanyan

Իրանի «Իսլամական հեղափոխության պահապանների կորպուսը» հրթիռային հարվածներ է հասցրել Իրաքի և Սիրիայի տարածքի մի շարք թիրախների։

Ամենաուշագրավը, թերևս, այն է, որ հարվածի ենթարկված թիրախների թվում է Սիրիայի տարածքում գործող «Թուրքեստանի իսլամական կուսակցություն» ահաբեկչական խմբավորումը, որը համալրված է հիմնականում հակաչինական տրամադրություններ ունեցող ույղուրներից և հովանավորվում է էրդողանական վարչախմբի կողմից։ Այս ահաբեկիչները հատկապես աչքի են ընկել նաև Սիրիայի քրիստոնեական սրբավայրերը պղծելով։

Ուստի իրանական հարվածն այս հատվածում բազմակողմ է՝ ոչնչացվել է Չինաստանի և քրիստոնեական սրբավայրերի հանդեպ թշնամաբար տրամադրված և Թուրքիայի աջակցությունը վայելող ահաբեկչական խմբավորման ենթակառուցվածքը։

#հարափոփոխ_տարածաշրջանը


🆔 @vardan_voskanyan

Իրանական գերճշգրիտ հրթիռային հարավածներով Իրաքի և Սիրիայի տարածքում հակաիրանական ուժերի մի շարք՝ այդ թվում՝ իսրայելական հատուկ ծառայությունների կենտրոնակայանի և Թուրքիայի հետ առնչություններ ունեցող ահաբեկչական խմբավորումների, ենթակառուցվածքների ոչնչացման գործողությունն ակներևաբար անհանգստացնում է նաև Բաքվի բարբարոսական վարչախմբին։

Բանն այն է, որ արդեն իսկ իրանական փորձագիտական շրջանակերում կարծիքներ են հնչում, որ իրանական բալիստիկ հրթիռների նշանակետեր են նաև արհեստածին Ադրբեջանի տարածքում հակաիրանական նպատակներով օգտագործվող ենթակառուցվածքները։

Ակնհայտ է, որ նման պոտենցիալ թիրախների շարքում է նաև Արցախից բռնազավթված Վարանդայում կառուցված օդանավակայանը, որն ունի անթաքույց ռազմական նշանակություն և հատկապես կառուցվել է հակաիրանական նպատակներով։

Ուստի իրանական հրթիռների հարվածների հուժկու պայթյունը թեև տեղի է ունեցել Իրաքում և Սիրիայում, սակայն, պատկերավոր ասած, ցնցել է նաև Բաքուն։

#հարափոփոխ_տարածաշրջանը

🆔 @vardan_voskanyan

Այս գիշեր իրանական գերճշգրիտ հրթիռային հարվածները Սիրիայի տարածքում տեղակայված ահաբեկչական խմբավորումների ենթակառուցվածքների վրա Իրանի հրթիռային պատմության մեջ ամենահեռահար գրոհն է եղել։

Իրանական Խուզեստան նահանգից արձակված և Սիրիայի հյուսիս-արևմուտքում նաև թուրքամետ իսլամիստ ահաբեկիչների ենթակառուցվածքները հողին հավասարեցրած իրանական հրթիռները կտրել են մոտ 1100 կմ տարածք և ճշգրտորեն խոցել բոլոր թիրախները։

Մինչ այդ նույն Սիրիայի տարածքում գործող ահաբեկիչներին հասցված իրանական հրթիռային հարվածների հեռավորությունը եղել է մոտ 850 կմ։

#հարափոփոխ_տարածաշրջանը

🆔 @vardan_voskanyan

Հայաստանի՝ որպես պետության տեսլականը պետք է տեղավորվի հետևյալ գաղափարի մեջ. մենք պետք է ստեղծենք ռազմականացված պետություն-ամրոց։ Դա նշանակում է, որ Հայաստանի բոլոր համակարգերը պետք է ծառայեն մեկ նպատակի՝ անվտանգությանը, կրթությունը, գիտությունը, բժշկությունը, բոլոր ոլորտներն անխտիր։ Միայն այդ դեպքում մենք կարող ենք այս տարածաշրջանում ոչ միայն գոյատևել, ինչը իմ կարծիքով ամոթալի է պետություն ունեցող ազգի համար, այլ զարգանալ ու հզորանալ, ի վերջո մեր կամքը թելադրել այս տարածաշրջանում մեր նկատմամբ ակնհայտ թշնամական վերաբերմունք ունեցող, մեր չգոյությունը տենչող այնպիսի արհեստածին կազմավորման դեմ պայքարում, ինչպիսին Ադրբեջանն է։

#հարափոփոխ_տարածաշրջանը

🆔 @vardan_voskanyan

https://t.ly/P1QZC

Հնդկաստանը պաշտոնապես արձագանքել է, որ ըմբռնումով է մոտենում Պակիստանի տարածքում ահաբեկչական «Ջեյշ ալ-Ադլ» խմբավորմանը հրթիռների և ԱԹՍ-ների միջոցով հասցված իրանական հարվածներին, քանի որ պետք է զրո հանդուրժողականություն դրսևորվի ահաբեկիչների նկատմամբ։

Պատկերը սակայն ավելի լայն է և ավելի հետաքրքիր, որովհետև հարվածներին նախորդել էր Հնդկաստանի արտգործնախարարի այցն Իրան, իսկ դրա ընթացքում նաև քննարկվել էր հնդկական Հյուսիս-Հարավ տրանսպորտային հանգույցի կարևոր բաղադրիչ իրանական Չաբահար նավահանգստի ենթակառուցվածքների ընդլայնման հարցը։

Այն պայմաններում, երբ իրանամետ եմենյան հութիները փաստացիորեն սահմանափակել են Կարմիր ծովով բեռների տեղաշարժը, հնդկական Հյուսիս-Հարավն էլ ավելի հրապուրիչ և արդիական է դարձել աշխարհի համար։ Իսկ իրանական Չաբահարի մրցակիցը պակիստանյան Գվադարն է, ուստի իրանական հարվածը կրկին բազմակողմ է աշխարհաքաղաքական առումով։

Ուղերձը շատ հստակ է և խորը՝ Կարմիր ծովն անվտանգ չէ, Պակիստանն անկայուն և ահաբեկիչներին իր տարածքում պատսպարող պետություն է, իսկ Թեհրանը հաշվի չի նստում նույնիսկ դրա միջուկային կարգավիճակի հետ, ուստի Հնդկաստանից սկսվող և Իրանի տարածքով անցնող Հյուսիս-Հարավն է դառնալու Հնդկական թերակղզին Եվրոպային կապող ամենակարճ և անվտանգ միջազգային ուղին։

Թուրանական «Միջին միջանցք» կոչեցյալն էլ այս ծրագրի հակոտնյան է, և Հայաստանի տարածքով դրա անցկացումը ուղղակիորեն հակասում է թե՛ հնդկական, թե՛ իրանական շահերին, ուստի ամենևին էլ պատահական չէ, որ Հնդկաստանը զինում է Հայաստանին, իսկ Իրանը՝ պարբերաբար նույնիսկ սպառնում Բաքվի բարբարոսական վարչախմբին և զգուշացնում Թուրքիային։

Հետևաբար Հայաստանի շահերից է բխում մի կողմ թողնել պատրանքները և քրտնաջան աշխատել ասիական այս երկու հսկաների հետ՝ դառնալու հենց Հյուսիս-Հարավի մասնակից և այս հարցում լրջագույն աշխարհաքաղաքական այլընտրանք արհեստածին Ադրբեջանին, որը դաշնակցում է Հնդկաստանի ախոյան Պակիստանի և Իրանի թշնամի Իսրայելի հետ։

#հավերժականՀայաստանը

🆔 @vardan_voskanyan

Ամեն անգամ, երբ Բաքվի բարբարոսական վարչախմբի քարոզչամեքենան և բռնապետն անձամբ, «ըմբոշխնելով» իրենց, իբր, քարոզչական հարվածը Հայաստանին, մեր մայրաքաղաքն անվանում են İrəvan [Irävan], դրանով իսկ ապացուցում են, որ այս քաղաքի հետ իրենք որևէ հին առնչություն չունեն։

Թյուրքական լեզուներին բնորոշ ձայնավորների ներդաշնակությունը բացառում է բնիկ ձևերում փափուկ i և ə ձայնավորների հետ միևնույն շարքում կոշտ a հնչյունի առկայությունը, ուստի, այդ անվանումը բնիկ ադրբեջանական չի կարող լինել և չէ։

Ավելին՝ աներկբա և հստակ է, որ վերնոշյալ ձևն ադրբեջաներենում փոխառություն է Երևանի անվան նոր պարսկերեն ایروان [Iravān] տարբերակից, որը խոսակցական հայերենի Էրեվան ձևի պարսկերենում արտացոլումն է։

Հետևաբար ամեն անգամ այն օգտագործելիս Բաքվում փաստում են, որ, իբր, «հինավուրց ադրբեջանական» քաղաքը ուղղակի չունի և ոչ մի ադրբեջանական անվանում։

#չէ_մի_իքի_բիր 😀

🆔 @vardan_voskanyan

Բաքվի բարբարոսական վարչախումբն անհանգստացած է Հնդկաստանի և Իրանի հետ Հայաստանի ռազմավարական համագործակցության հեռանկարից և հատուկ մանրամասն անդրադարձ է կատարել նվաստիս այս թեմայով գրառմանը։

Ուստի պետք է աշխատել հենց այս ուղղությամբ, որովհետև, որքան էլ մեզ փորձեն համոզել հաշտվել մեզ ոչ ձեռնտու իրողության հետ, դրան համաձայնվելը թուլամորթություն է, իսկ այդ իրողությունը փոխելը՝ ոչ միայն պատվի, այլ նաև Հայաստանի անվտանգության ապահովման խնդիր։

#հավերժականՀայաստանը

🆔 @vardan_voskanyan

Բաքվի բարբարոսական վարչախումբը բռնազավթված հայկական Շուշին հռչակել է իսլամական աշխարհի 2024թ., իբր, «մայրաքաղաք»։

Եվ սա այն դեպքում, երբ Բաքվի բարբարոսական վարչախումբն իր բնույթով և էությամբ իսլամատյաց է։

Դրա վերջին ակնառու դրսևորումը շիայական հռչակավոր իմամ Հուսեյնի եղբայր և զինակից, շիաների կողմից սրբացված Աբուլֆազլ Աբբասի անվան՝ արհեստածին Ադրբեջանում կիրառության պետական արգելքն է, որն անհնարին եղել հաղթահարել նույնիսկ եվրոպական ատյանների միջոցով։

#թշնամու_իրական_վիճակը

🆔 @vardan_voskanyan

Մի շատ գեղեցիկ, բայց անիրատեսական մոտեցում կա մեզանում, որն իրականում ենթադրում է գրեթե իդեալական հասարակության կերտում հիմնականում կրթության միջոցով։

Մինչդեռ իդեալական կամ գրեթե իդեալական հասարակություններ չեն լինում։ Ուստի խնդիրն իդեալականին ձգտող վերնախավերի կերտումը պետք է լինի՝ վերնախավեր, որոնք ունակ են առաջնորդելու նույնիսկ ոչ իդեալական հասարակությունները։

#հավերժականՀայաստանը

🆔 @vardan_voskanyan

Հայաստանն, ի տարբերություն արհեստածին Ադրբեջանի, ինչ-որ նորաստեղծ կազմավորում չէ և ոչ էլ անհասկանալի «նոր Հայաստան» է, քանզի այն հինավուրց պետականություն, ինքնություն ու քաղաքակրթություն է, ուստի շատ դեպքերում ունի դարերով ամրագրված ավանդույթներ և ժառանգականություն։

Բազմաթիվ հայերի, այդ թվում՝ իմ աշխարհայացքը ձևավորելու և ինքնությունը բյուրեղացնելու վրա ազդել է, դիցուք, Լեոյի հենց «Հայոց պատմություն» երկը։

#հավերժականՀայաստանը

🆔 @vardan_voskanyan

Հասարակական ընկալման մեջ մեզանում մի անհիմն մոլորություն կա, թե հայերս, հիմնականում, իբր, զուրկ ենք եղել պետականությունից։

Իրականում, եթե վերցնենք թեկուզ միայն Մեծ Հայքի, Բագրատունյաց և Կիլիկիայի հայկական թագավորությունները, ապա հայրերիս պետականության ժամանակահատվածը կկազմի մոտ 1200 տարի։

Պետականության նման տևականությամբ ազգերն այս աշխարհում շատ չեն, իսկ մեր տարածաշրջանում մեզ հետ այս առումով կարող է մրցել միայն Իրանը։

#հավերժականՀայաստանը

🆔 @vardan_voskanyan

Հայոց պատմությունը պատմություն է պետականության, իսկ այն փուլերում, երբ մենք ցավալիորեն կորցրել ենք այն, ապա պատմություն է պետականության վերստեղծման մասին։

#հավերժականՀայաստանը

🆔 @vardan_voskanyan

Բաքվի բարբարոսական վարչախմբի ԱԳՆ կոչեցյալի հանդուգն և վիրավորական արձագանքը Հայաստանի կողմից հերթական զիջմանը ականապատ տարածքների գրանցամատյանների տրամադրման պատրաստակամության հարցում հերթական ցուցիչն է այն բանի, թե ինչպիսի հայատյաց և առավելապաշտ թշնամու հետ գործ ունենք։

Հերթական անգամ հօդս ցնդեց այն պատրանքը, թե հայատյաց ու ցեղասպան այդ վարչախմբի հետ հնարավոր է որևէ կառուցողական գործընթաց առաջ մղել, ինչն ի սկզբանե պարզ էր՝ հաշվի առնելով բազմաթիվ այլ նախադեպեր։

Որպես ազգ և պետություն, մենք ի վերջո պետք է հասկանանք, որ Բաքվի բարբարոսական վարչախմբի միակ նպատակը Հայաստանը մինչև վերջ ծնկի բերելն է, ուստի պատրանքների ժամանակն վաղուց այլևս սպառված է։

#թշնամու_իրական_վիճակը

🆔 @vardan_voskanyan