Նկատե՞լ եք, որ մեր հասարակության մեջ արդեն իսկ կոտրվել են գրեթե բոլոր այն տաբուները, որոնք վերաբերում են Բաքվի բարբարոսական վարչախմբի հետ մեր քաղաքակրթական դիմակայությանը։

Ասենք, օրինակ՝ լայն քննարկման առարկա է, թե արդյոք Արցախը պետք է լինի՞ արհեստածին Ադրբեջանի կազմում, կամ՝ ոչ։

Մինչդեռ այսպիսի «հարցի» քննարկումն իսկ, պատկերավոր ասած, հերձվածողություն է, քանի որ Արցախը թշնամուն թողնելը նշանակում է 120 000 հայի ցեղասպանություն և բռնագաղթ, այսինքն, ըստ էության, մեզանում քննարկվում է՝ պե՞տք է մեր արյունակիցները ցեղասպանվեն և բռնագաղթի ճանապարհ բռնեն, թե՝ ոչ։

#չՀայաստանը

🆔 @vardan_voskanyan

Արցախի Հանրապետությունը և այնտեղ ապրող մեր 120 000 արյունակիցներ թշնամական լիակատար շրջափակման մեջ են։

Հայաստանի Հանրապետության քարոզչական ռեսուրսի մի խոշոր հատված այսօր պետք է պետական համակարգմամբ և կենտրոնացված կերպով թիրախավորեր Բաքվի բարբարոսական և հակամարդկային վարչախումբը միջազգային ԶԼՄ-ներով, հասարակական կարծիքի առաջնորդների ու հայտնի մարդկանց միջոցով և այլ խողովակներով։

Մինչդեռ նույնիսկ Հայաստանում լայն հանրության առումով մենք բավարար չափով տեղեկացված չենք Արցախում մեր արյունակիցների զրկանքների մասին։

#չՀայաստանը

🆔 @vardan_voskanyan

Պատերազմ չստանալու ամենակարևոր պայմանը ոչ թե դրանից վախենալն է, այլ հավանական այդ պատերազմին պատրաստ լինելը։

Ընդ որում, ժամանակակից հիբրիդային պատերազմին պատրաստ լինելը չի նշանակում միայն Կալաշնիկովի ինքնաձիգով դաշտային պարապմունքների անցկացում, այլ ենթադրում է պետության ու ազգի բոլոր ներքին և արտաքին ռեսուրսների մոբլիզացիա՝ սկսած ներազգային համերաշխության հաստատումից, վերջացրած թշնամական երկրում պառակտման ու վախի մթնոլորտի սերմանմամբ և հարյուրավոր այլ գործողություններով, որոնք պետք է ներդաշնակված լինեն մեկ ընդհանուր ծրագրային փաթեթում և դրանից բխող ճանապարհային քարտեզում։

Հակառակ դեպքում, պատերազմ չստանալու միակ հույսն Աստված է, իսկ Աստված օգնում է ոչ թե հանձնվողին, այլ պայքարողին։

#հավերժականՀայաստանը

🆔 @vardan_voskanyan

Հայաստանն աշխարհագրական առումով մի քանի լեռնային «կղզիներից» բաղկացած մի անքակտելի ու միասնական «կղզեխումբ» է, որտեղ բոլոր առումներով կենսական կարևորություն ունեն հատկապես այդ «կղզիները» միմյանց հետ կապող ճանապարհները։

Սա, ցավալիորեն, շատ լավ հասկանում է նաև Բաքվի բարբարոսական վարչախումբը, որը նպատակաուղղված ագրեսիվ գործողություններով ցանկանում է (Տիգրանաշենի հատվածում), իսկ որոշ դեպքերում արդեն իսկ հաջողել է խաթարել (Գորիս-Ստեփանակերտ, Վարդենիս-Ստեփանակերտ, Գորիս-Կապան) կամ դիտարկման տակ պահելով վտանգել (Երասխ-Վայք, Սիսիան-Գորիս և այլն) Հայաստանի անքակտելի մասերի միջև կենսական նշանակության հաղորդակցությունը։

Պատրանքը, թե, իբր, լինելու է «խաղաղության դարաշրջան» հենց միայն պատրանք է, ուստի Հայաստանի բնականոն զարգացման և հզորացման տեսլականը պետք է, որպես առաջանային քայլերից մեկը, անպայմանորեն ենթադրի թշնամուն մեր կենսական, պատկերավոր ասած, արյունատար անոթներից հեռու մղելը, և ընդհակառակը՝ հենց նրա համար կենսական նշանակության ոչ միայն ճանապարհային, այլ նաև նավթագազային ենթակառուցվածքների ներուժի սահմանափակման հայկական ազդու գործիքակազմի ձևավորումը։

#հավերժականՀայաստանը

🆔 @vardan_voskanyan

Երբ կազմվում էր հայոց միջնադարյան աշխարհագրական կարևորագույն երկը՝ «Աշխարհացույցը», Մեծ Հայքի թագավորությունն այլևս գոյություն չուներ, իսկ Արցախն ու Ուտիքն ընդգրկվել էին Աղվանից մարզպանության կազմում։

Չնայած սրան, հայկական երկու աշխարհներն էլ այս երկում ներկայացված են հենց Հայաստանի անքակտելի մասեր, քանի որ մեր նախնիները քաջ գիտակցում էին, թե որքան կարևոր է պատմական լեգիտիմության հիման վրա հայոց պետականության վերականգնման տեսլականի գաղափարական հիմնավորումը։

Հիմա, երբ հենց մեզանում ոմանք վախվորած կերպով խուսափում են հազարամյակների պատմություն ունեցող հայկական Արցախ տեղանվան օգտագործումից, նրանք մեղանչում են ոչ միայն մեր նախնյաց հինավուրց ավանդույթի, այլ նաև նրանց, ներկայիս ու գալիք սերունդների երազանքի առջև։

#չՀայաստանը

🆔 @vardan_voskanyan

Սա Բաքվի բարբարոսսկան վարչախմբի Պաշտպանության նախարարություն կոչեցյալի պաշտոնական «հաղորդագրությունն» է, որտեղ սևով սպիտակի վրա «Գորուսի շրջանի Դըղ բնակավայր» ձևակերպումն է։

Այն դեպքում, երբ Հայաստանում պաշտոնական մակարդակում հրաժարվում են Արցախ և Արցախի Հանրապետություն եզրույթներից, սրանք Հայաստանի Հանրապետության ինքնիշխան տարածքում չեն ճանաչում Սյունիքի մարզ, Գորիս և Տեղ պաշտոնական անվանումները։

#թշնամու_իրական_վիճակը

🆔 @vardan_voskanyan

Ռուսաստանի և էրդողանական վարչախմբի միջև հարաբերություներում, եթե առայժմ փլուզման մասին խոսելը վաղ է, ապա անթաքույց ճաքերը օր օրի էլ ավելի տեսանելի են դառնում։

ՆԱՏՕ-ի վիլնյուսյան վեհաժողովի շրջանակներում Արցախի Հանրապետության տարածքից ռուս խաղաղապահների՝ 2025 թվականին, իբր, դուրս գալու մասին անձամբ Էրդողանի վերջին հայտարարությունը, եթե թարգմանենք դիվանագիտական լեզվից, ապա նշանակում է՝ «Հարգելի՛ ՆԱՏՕ, ես պատրաստ եմ մասնակից դառնալու Ռուսաստանին Հարավային Կովկասից դուրս մղելու գործին»։

Սա արևելյան առևտրականի էրդողանական քաղաքականության հերթական դրսևորումն է, որը գալիս է համալրելու վերջին օրերի ընթացքում Անկարայի միանգամից մի քանի հակառուսական գործողությունները, ուստի մեր տարածաշրջանում իրավիճակը շատ դինամիկ կերպով փոփոխվում է հենց այժմ՝ մեր աչքի առջև, ստեղծելով նոր հնարավորություններ և մարտահրավերներ։

#հարափոփոխ_տարածաշրջանը

🆔 @vardan_voskanyan

Սա Հայաստանի քարե դռներով քարանձավներից մեկն է։

Մեր նախնիները այն կերտել են՝ որպես սննդամթերքի թաքստոց, թշնամական արշավանքներին դիմակայելու համար։

Հենց այս պահին էլ մեր հայրենիքի անքակտելի մասերից մեկը՝ Արցախը, բարբարոս թշնամիների փաստացի արշավանքի զոհ է և կարիք ունի սննդամթերքի։

Որպեսզի մենք այլևս երբեք պետք չունենանք նման թաքստոցների հենց, այժմ մեր թիվ մեկ խնդիրը պիտի դառնա Հայաստանի և Արցախի հանրապետությունների տարածքից բարբարոսների դուրս մղումը և Հայաստան պետություն-ամրոցի կերտումը։

#հավերժականՀայաստանը

🆔 @vardan_voskanyan

«Մենք շատ հստակ պետք է հասկանանք՝ մենք այլևս պետականություն ունեցող ազգ ենք, պետականակերտ ազգ ենք, մենք համայնք չենք Միացյալ Նահանգներում, Ռուսաստանում, Իրանում, Հնդկաստանում, Ինդոնեզիայում, որպեսզի պահանջենք, որ տվյալ պետությունը գա և ապահովի մեր անվտանգությունը։ Ոչ՛, մենք ենք այդ պետությունը, մենք պետք է ապահովենք այդ անվտանգությունը»։

Նվաստիս հարցազրույցն ամբողջությամբ՝ ստորև.

#հավերժականՀայաստսնը

🆔 @vardan_voskanyan

https://youtu.be/CGlvyP-HBSw

Մեզանում հաճախ անպատասխան հարց է հնչում՝ այդ ինչպե՞ս է, որ համազգային աղետների խորապատկերին մեր ազգի մի խոշոր հատված անհաղորդ է դրանց, կամ ավելի պարզ ձևակերպմամբ՝ «ժանտախտի ժամանակ զբաղված է խրախճանքով»:

Խնդիրն, ըստ իս, շատ խորքային է և պայմանավորված է տասնամյակներ շարունակ տևած քարոզչական և քաղաքական տեխնոլոգիաների կիրառությամբ, որը կարելի է կոչել՝ որպես համակարգ ազգի լճացմանը, խարխլմանը կամ քայքայմանը միտված տեխնոլոգիական ազդեցություն, որը եղել է թե՛ ներսից, թե՛ դրաից։

Ինչպես ցանկացած համակարգ, ազգը ևս չի կարող դոփել իր տեղում։ Այն պետք է կա՛մ առաջընթաց ապրի ու զարգանա, կա՛մ լճանալով, մատնվի ապաստիճանման (դեգրադացիայի) և հետընթացի։

Հետևաբար, ազգային վերնախավերի խնդիրը պետք է լինի առաջինի ապահովումը, իսկ արտաքին թշնամիները և ներքին լյումպենները ձգտելու են երկրորդին։

Իզուր չէ, որ աշխարհի արդիական բանակները և հատուկ ծառայությունները ունեն հատուկ ստորաբաժանումներ, որոնք զբաղված են հոգեբանական և քարոզչական պատերազմների վարմամբ։

Ըստ այդմ, Հայաստանի և հայության ազգային վերնախավերը՝ քաղաքական, տնտեսական և մտավոր, ոչ թե պետք է միայն բողոքեն առկա իրավիճակից, այլ արձանագրելով այն, գործեն մեր խարխլված ազգ-համակարգը վերահավաքելու ուղղությամբ՝ ծանր ու ռեսուրսատար մի աշխատանք, որն անվերապահորեն պիտի խարսխված լինի միասնական նպատակների ու կամքի վրա։

#հավերժականՀայաստանը

🆔 @vardan_voskanyan

Ինչպես մոտ մեկ շաբաթ առաջ էի գրել, Ռուսաստանի և էրդողանական վարչախմբի միջև հարաբերություններում լուրջ ճաքեր են առաջացել՝ ճաքեր, որոնց ի հայտ գալն, ինչպես ավելի վաղ բազմիցս նշել եմ, զուտ ժամանակի խնդիր էր։

Այսօր արդեն ռուսական քարոզչական տելեգրամյան ալիքներում քննարկվում են ռուս-թուրքական բախման սցենարները

Տարածաշրջանը և աշխարհը, պատկերավոր ասած, ամեն վայրկյան փոփոխվում են, իսկ մենք գտնվում ենք լեթարգիական խորը քնի մեջ, բայց, հո, ընտիր ջրոցի ենք խաղում՝ հենց ջրոցի, այլ ոչ թե գոնե Վարդավառ։

#չՀայաստանը

🆔 @vardan_voskanyan

Չի կարելի, պատկերավոր ասած, բերանի աջ անկյունով ասել, որ ճանաչում ես Արցախն Ադրբեջան կոչվող արհեստածին կազմավորման մաս, իսկ ձախով՝ պնդել, թե նույն այդ պետություն կոչեցյալի նպատակն Արցախում էթնիկական զտումներն են՝ այսինքն ցեղասպանության մի տարատեսակը, որովհետև ստացվում է, որ 120 000 հայի թողնելով ցեղասպանի քմահաճույքին, դու նպաստում ես այդ ցեղասպանության իրականացման հավանականության մեծացմանը։

Նույն կերպ արգահատելի է, երբ ասում են, թե Բաքվի բարբարոսական վարչախմբի պարագլուխը պետք է բացի Բերձորի միջանցքը և միաժամանակ խոսում Ակնայի ճանապարհով նույն այդ բարբարոսից ինչ-որ «հումանիտար օգնության» հնարավորության մասին, որովհետև չի կարող բարբարոսի մի ձեռքը պաշարել Արցախը, իսկ մյուսը՝ «հումանիտար օգնություն» հասցնել իր իսկ կողմից պաշարվածներին։

#ամոթի_դարաշրջանը

🆔 @vardan_voskanyan

«Точно так же выглядит жалко, когда заявляют, что главарь бакинского варварского режима должен открыть Бердзорский коридор, и одновременно говорят о возможности какой-то «гуманитарной помощи» от этого варвара по дороге Акны. Ибо не может одна рука варвара осаждать Арцах, а другая – доставлять «гуманитарную помощь» тем, кого он сам же держит в блокаде», – отметил Восканян.

🆔 @vardan_voskanyan

https://t.ly/OqurJ

Հայաստանում բազմաթիվ մարդիկ կան (մի մասին անձամբ ճանաչում եմ), որոնք գիտակցաբար զրկում են իրենց նախկինում սովորական «հաճույքներից»՝ համարելով, որ թշնամական պաշարման մեջ գտնվող 120 000 մեր արցախցի հայրենակիցների կենաց-մահու պայքարի պայմաններում բարոյական չէ նախկին սովորական կենսակերպով ապրելը։

Դա միգուցե չի օգնում Արցախին, բայց նման մաքրագործումը (կատարսիս) անձամբ ինձ մեծ հույս է պարգևում՝ հույս առ այն, որ մեր հասարակությունն ունի այն նվազագույն ատաղձը, որի հիման վրա տեղի է ունենալու
Հայաստանի հարությունը։

#հավերժականՀայաստանը

🆔 @vardan_voskanyan

Հայաստանի սրբազան հողի այս մի կտորում իմ թիկունքին բնական հսկա ժայռ է, որի գոյության շնորհիվ քիչ հեռու բխում է սառնորակ մի աղբյուր։

Պատկերավոր ասած, Արցախը Հայաստանի թիկունքին կանգնած հենց այսպիսի մի ժայռ է, մեր հայրենիքի սրբազան հողի մի կտորը, որից բխել է ներկայիս Հայաստանի Հանրապետության պետականության ոչ պակաս սրբազան աղբյուրը, և եթե, Աստված մի արասցե, այն հանձնվի բարբարոս թշնամուն, ապա կցամաքի նաև այդ աղբյուրը։

Ուստի հանուն Արցախի պայքարը՝ պայքար է հանուն այն բանի, որ ոչ մի բարբարոս իր պիղծ պնչով չապականի նորօրյա մեր պետականության ակունքը։

#հավերժականՀայաստանը

🆔 @vardan_voskanyan

Բաքվի բարբարոսական վարչախումբը Հայաստանի և Արցախի հանրապետությունների դեմ հիբրիդային պատերազմի մեկ այլ վտանգավոր բաղադրիչ է դարձրել «բնապահպանությունը»։

Մեր դեմ «բնապահպանական» պատերազմի առնվազն երկու դրվագ՝ Արցախի կյանքի ճանապարհի՝ Բաքվի բռնապետի կամակատար «բնապահպանների» կողմից փակումը և Երասխի գործարանի դեմ արդեն բացահայտ պետական մակարդակով հարձակումները, միակը չեն, քանի որ թշնամու կողմից վաղուց «շոշափվում են» Արաքս գետի ջրերի և հայկական ԱԷԿ-ի տիրույթները նույնպես։

Այս ամենն արվում է այն դեպքում, երբ նույն այդ բարբարոս վարչախումբն արհեստածին Ադրբեջանը վերածել է փաստացի բնապահպանական աղետի մեծ գոտու, մինչդեռ մենք այս ասպարեզում թշնամուն ոչ մի անզուգաչափ հարված չենք հասցնում՝ դրա համար ունենալով լայն հնարավորություններ։

Պատճառն, ըստ իս, մեկն է՝ անհիմն և կույր հավատն առ այն, թե Բաքվի բարբարոսսկան վարչախմբի հետ, իբր, հնարավորություն կա հասնելու «խաղաղության», մինչդեռ և՛ մտոք, և՛ աչոք կույր պետք է լինել չհասկանալու և չտեսնելու, որ թշնամու նպատակը ոչ թե խաղաղությունն է, այլ Հայաստանի խաղաղեցումը գերեզմանում։

#թշնամու_իրական_վիճակը

🆔 @vardan_voskanyan

Ժողովրդավարությունից ճամարտակողներն Արցախի Հանրապետության 120 000 բնակչությանն «առաջարկում են» ապրել Բաքվի բարբարոսսկան վարչախմբի ենթակայությամբ այյն դեպքում, երբ հենց էթնիկ ադրբեջանցիները մշտական կտտանքների և բռնաճնշումների են մատնված Բաքվի բռնապետի անմարդկային վարչախմբի կողմից։

Բացահայտ երեսպաշտություն է, երբ մի կողմից խոսվում է ժողովրդավարական արժեքներից, իսկ մյուսից՝ հենց այդ արժեքներին դեմ գնալով, փորձ կատարվում Արցախի ազատատենչ մեր հայրենակիցներին հանձնել Բաքվի արյունառուշտ բռնապետի քմահաճույքին։

#թշնամու_իրական_վիճակը

🆔 @vardan_voskanyan

Հայաստանի և արհեստածին Ադրբեջանի միջև, այսպես կոչված, «խաղաղության պայմանագրի» շուրջ բանակցություներում, եթե մի կողմ թողնենք դիվանագիտական պաճուճանքները, ոչ մի լուրջ ձեռքբերում այս պահի դրությամբ գոյություն չունի։

Նման բան չի կարող լինել ըստ էության, քանի որ Բաքվի բարբարոսական վարչախմբի նպատակը, ոչ թե խաղաղությունն է, այլ Հայաստանի լիարժեք, անվերապահ ու անդառնալի կապիտուլյացիան և փաստացի «պետություն-ուրվական» դառնալը։

Ըստ այդմ, նաև խիստ պրագմատիկ ելքը միակն է՝ Հայաստանի համատարած, որակյալ և խելամիտ ռազմականացումը շատ պարզ և հասկանալի բանաձևով՝ դաշնակիցների հնարավորին լայն շրջանակով և ներքին ռեսուրսների գերհամախմբմամբ պետություն-ամրոց, որն ամեն պահի պետք է պատրաստ լինի ոչ միայն դիմագրավելու, այլ նաև կործանիչ հարվածներ հասցնելու թշնամական ցանկացած նկրտման հիբրիդային պատերազմին բնորոշ անզուգաչափ մեթոդաբանությամբ։

Հայաստանում պետություն-ամրոցի կերտմանը զուգահեռ պետք է իրականացվի նաև թշնամու արհեստածին կազմավորման հնարավորին խարխլման և քայքայման նույնչափ համատարած որակյալ, խելամիտ և մեթոդական, այլ ոչ թե դրվագային ծրագիր։

Սրանք բոլորը չափազանց մեծ նվիրում ու կամք պահանջող և միայն բարդ ու քրտնաջան աշխատանքի տիրույթներ են, սակայն ո՞վ է ասել, որ Առաջավոր Ասիայում պետություն ունենալը և այն զարգացնելն ու հզորացնելը հեշտ գործ է։

#հավերժականՀայաստանը

🆔 @vardan_voskanyan

Պայմանական «տաշի-տուշիները» հատկսպես մեր այժմյան աղետալի վիճակի խորապատկերին միայն արգահատանք են առաջացնում, ուրիշ ոչինչ։

Համազգային խնդիրները, սակայն, ձևակերպում և դրանց լուծումներն առաջ են մղում բացառապես ազգային վերնախավերը։

#հավերժականՀայաստանը

🆔 @vardan_voskanyan

«Միջազգային կառույցները», «միջազգային հանրությունը», «անջատում հանուն փրկության» և նմանատիպ այլ արտահայտություններ դատարկ ու սին խոսքեր են։

Ներեցեք դառը ճշմարտության համար, բայց միջազգային հանրությունը ո՛չ անջատելու է, ո՛չ էլ՝ փրկելու։

Անջատելու, փրկելու և թշնամուն ջախջախելու գործառույթը հենց մերն է՝ Հայաստանինն ու հայությանը, մենք էլ պետք է իրականացնենք այն, եթե կառուցենք դաշնակիցների լայն շրջանակով և ներքին ռեսուրսների գերհամախմբմամբ Հայաստան պետություն-ամրոցը։

Իսկ լալկաններին առավելագույնը խղճում են, երբեմն՝ ողորմություն շպրտում։

#հավերժականՀայաստանը

🆔 @vardan_voskanyan