Բաքվի բռնապետի վարչախումբն իր էությամբ լկտի է, ագրեսիվ, բարբարոս և տմարդի։ Այս ճշմարտությունը պետք է արձանագրվի մեկընդմիշտ՝ դաջվի մեր գիտակցության մեջ։

Ակնկալել, թե դրա «սիրտը փափկացնող» հայտարարություններով կամ գործողություններով կարելի է խուսափել ագրեսիայից կամ հերթական բարբարոսական գործողությունից, մեղմ ասած, մանկամտության գագաթնակետն է՝ գայլի գլխին Ավետարան կարդալու արատավոր մոտեցում:

#թշնամու_իրական_վիճակը

🆔 @vardan_voskanyan

Ձե՞զ էլ է արդեն զզվացնում այն գրեթե լացակումած հերթական «հաստատագրումը», թե Բաքվի բարբարոսական վարչախմբի բաշիբոզուկները կիրառել են ԱԹՍ-ներ։

Ոչի՞նչ, որ այսօրվա աշխարհում ողջախոհ պաշտպանություն կազմակերպողները այդ ԱԹՍ-ները խոցում են, իջեցնում, ոչնչացնում։

#չՀայաստանը

🆔 @vardan_voskanyan

Ներքին Հանդում Բաքվի բռնապետական վարչախմբի հերթական ագրեսիան հիշեցրեց, որ մեր հայրենիքին հավակնող բարբարոսները, չունենալով հինավուրց հողագործական ավանդույթ և լինելով վաչկատուն, ստիպված են եղել հենց բարբառային հայերենից փոխառել «արտ, դաշտ» նշանակող «հանդ» բառը, որը լայն տարածում է ստացել ադրբեջաներենում։

Ուշագրավ է սակայն, որ նաև այս բառի դեպքում, որի հին հայերեն ձևն է «անդ» (հմմտ.՝ ավելի քաջածանոթ «անդաստան»), գործ ունենք նոր հայերեն տարբերակից փոխառության հետ, ինչը ցուցիչ է, որ մեր սրբազան հողին հավակնող բարբարոսները հայության հետ շփման մեջ են մտել համեմատաբար ուշ ժամանակներում, որովհետև ավելի հին շրջանում այս տարածաշրջանում ուղղակի չեն եղել։

#հավերժականՀայաստանը

🆔 @vardan_voskanyan

Այսօր Բաքվի բարբարոսական վարչախմբի պարագլուխը կրկին ամենավերջին սինլքորի նման հոխորտացել է՝ վիրավորելով նաև մեր բանակը։

Սրան լռեցնելը պետք է ամեն հայաստանցու և հայի պատվի գործ դառնա, որովհետև ցանկացած լկտիություն սահման ունի։

Իսկ լռեցնելու ամենակարճ ուղին հենց այսօրվանից աշխատելն է, որպեսզի մեր եռագույնը Ստեփանակերտում կրկին ծածանվի։

#հավերժականՀայաստանը

🆔 @vardan_voskanyan

Բաքվի բռնապետը երդմնակալության ելույթում ուղենշել է նաև իր ղեկավավարած բարբարոսական վարչախմբի՝ համաթուրանականության պատրանքի շրջանակներում առաջ շարժվելու հստակ մտադրությունը, մասնավորապես, նշելով, որ «Թյուրքական պետությունների կազմակերպությունը» գլխավոր միջազգային կառույցն է իրենց համար, որովհետե դա, իբր, իրենց ընտանիքն է։

Այս արձանագրումը, որքանով որ մարտահրավերներ է պարունակում Հայաստանի համար, նույնքանով նաև՝ հնարավորություններ։ Բազմիցս եմ նշել, որ Բաքվի բարբարոսական վարչախմբի հետ ունեցած մեր խնդիրները զուտ տեղային կամ, պատկերավոր ասած, ինչ-որ փոքր գյուղերի կամ աննշան տարածքների հարցեր չեն, ինչպես փորձ է կատարվում ներկայացնել «սահմանազատում և սահմանագծում» գեղեցիկ ցուցանակով։

Հայաստանի պայքարը Բաքվի բարբարոսական վարչախմբի դեմ տեղային նշանակության «անկարևոր» հարցերի շուրջ պայքար չէ, այլ պայքար է համաթուրանականության հակամարդկային և ծավալապաշտական նկրտումների հարավկովկասյան պլացդարմ արհեստածին Ադրբեջանի դեմ։

Միայն հիմնախնդրի նման իրական լայն բովանդակության առաջմղման և հասկանալիորեն բացատրելու ու այս ուղղությամբ եռանդուն աշխատելու տիրույթում է, որ մենք ի զորու կլինենք այլ պետությունների հետ ձևակերպել համատեղ շահերի վրա խարսխվող օրակարգ, ձեռք բերելու դաշնակիցներ կենաց ու մահու այս պայքարում հաղթանակ գրանցելու համար, քանզի համաթուրանականության դեմ համատեղ ճակատի ստեղծումն է, որ կարող է շահագրգռել մեր այժմյան և պոտենցիալ դաշնակիցներին։

#հավերժականՀայաստանը

🆔 @vardan_voskanyan

Բաքվի բարբարոսական վարչախմբի պարագլուխը իր երդմնակալության տխրահռչակ ելույթում փորձել է հանդես գալ իսլամի «պաշտպանի» դիրքերից, խոսելով այն մասին, թե, իբր, պայքարելու է իսլամատյացության դեմ։

Մինչդեռ վերջինս ղեկավարած արհեստածին Ադրբեջանը թերևս աշխարհի միակ մահմեդական երկիրն է, որտեղ պետականորեն արգելվել է մզկիթներից մահմեդական աղոթակոչի՝ ազանի, բարձրաձայն հնչեցումը, ինչը հենց իսլամատյացության ցուցիչ է։

Սա է բարբարոսական այս վարչախմբի իրական դեմքը, որի հետ պայքարում, որքան էլ պարադոքսալ թվա, Հայաստանը կարող է օգտագործել նաև Բաքվի բռնապետի իսլամատյաց լինելու հանգամանքը։

#թշնամու_իրական_վիճակը

🆔 @vardan_voskanyan

Բաքվի բարբարոսական վարչախմբի պարագլխի երդմնակալության ելույթում համաթուրանական շեշտադրումները, և այն, որ արհեստածին Ադրբեջանի համար ամենակարևոր կազմակերպություն հռչակվեց «Թյուրքական պետությունների կազմակերպությունը», խորքային իմաստով ուղղված էր ոչ միայն Ռուսաստանի և Իրանի դեմ, այլ նաև, որքան էլ պարադոքսալ թվա, Թուրքիայի։

Ռուսաստանին, փաստացիորեն, անթաքույց կերպով ակնարկվեց, որ նրա աշխարհաքաղաքական և տնտեսական ծրագիր ԵԱՏՄ-ում Բաքվի բռնապետը որևէ հեռանկար չի տեսնում և չի մասնակցելու դրան։

Իրանի պարագայում ակնհայտ է, որ համաթուրանականության «ջահակիրը» դառնալ ձգտող Բաքվի բարբարոսսկան վարչախումբն իր շոշափուկները նաև, այսպես կոչված, «ադրբեջանականության» համադրմամբ, փորձելու է տարածել իրանական հինավուրց երկրամաս Ատրպատականի թյուրքախոս իրանցիների շրջանում։

Սակայն ամենաուշագրավը, թերևս, այն էր, որ նույն համաթուրանականության առաջնորդության՝ Բաքվի բռնապետի հավակնությունները կրկին «ադրբեջանականության» զուգահեռ խթանմամբ և Արցախի Հանրապետության բռնազավթման գործում Թուրքիայի օժանդակության հանգամանքը ելույթում լիակատար մոռացության մատնելով, փորձ է արվում ոչ միայն ձեռնոց նետելու «թյուրքական աշխարհում» Անկարայի առաջատար դերին, այլ նաև թուլացնելու Թուրքիայի գնալով ավելի անկառավարելի դարձող ազդեցությունը հենց արհեստածին Ադրբեջանի ներսում։

Կարծում եմ՝ Բաքվի բռնապետի հաջորդ քայլերից է լինելու արհեստածին Ադրբեջանով մեկ թուրքական դրոշների լռելյան և աստիճանական հեռացումը տեսանելի վայրերից։

#թշնամու_իրական_վիճակը

🆔 @vardan_voskanyan

Այսօր 1988թ. Արցախյան շարժման տարեդարձն է՝ շարժում, որն ինձնից՝ 16-ամյա պատանուցս, կերտեց հասուն տարիքի մարդ, բյուրեղացրեց իմ ինքնությունը և հնարավորություն տվեց ազատվելու ցեղասպանված ժողովրդի զավակ լինելու բարդույթից ու լիաթոք զգալու հաղթանակած ազգի և պետության ներկայացուցչի աննկարագրելի պատիվը։

#հավերժականՀայաստանը

🆔 @vardan_voskanyan

Իսկ կարո՞ղ է վաղն էլ ԵՄ դիտորդները չթողնեն ռուս զինծառայողներին այցելել ՀՀ ինքնիշխան տարածքի որևէ հատված, հետո, դիցուք, գվատեմալացի հատուկջոկատայինները չթողնեն զիմբաբվեցի խաղաղապահներին մտնել ՀՀ ինքնիշխան տարածքի մեկ այլ հատված ու այսպես շարունակ...

Ամենաարգահատելին այն է, որ փոխանակ ամաչելով լռեն, որ Հայաստանը որբի գլուխ են դարձրել, դեռ «հպարտությամբ» ճամարտակում են ինքնիշխանությունից։

#չՀայաստանը

🆔 @vardan_voskanyan

Որ ասում են, իբր, «կադաստրի» թուղթ-մուղթ...

Հայաստանը և հայերս ոչ միայն հնագույն ժամանակներից դա ունենք, այլ նաև նույն ժամանակների արտասահմանյան «անձնագրի» նկար, որը դաջված է իրանական կայսրության մայրաքաղաքում։

Հայի պատկերաքանդակ Պերսեպոլիսում, Ք. ա. 5-րդ դար։

#հավերժականՀայաստանը

🆔 @vardan_voskanyan

Իրանցի գիտնական, մշակութային գործիչ և բանաստեղծ Աբբաս Էղբալ Մեհրանն Իրանի Ահվազի համալսարանում կազմակերպված առցանց գիտաժողովի ընթացքում ներկայացրել է Իրանի Խուզեստան նահանգում հայերի մշակութային և տնտեսական ներկայությանն ու գործունեությանը նվիրված գիտական զեկուցում։

Հայ ժողովրդի մեծ բարեկամ այս գիտնականն իր ակադեմիական և մշակութային գործունեությամբ նշանակալի աշխատանք է տանում բարեկամ Իրանում հայ ժողովրդի և Հայաստանի ներկայացման ու ճանաչելի դարձնելու գործում և լուրջ նպաստ բերում հայ-իրանական հազարամյակների քաղաքակրթական հարաբերությունների էլ ավելի սերտացմանը։

#հայ_իրանական_բարեկամությունը

🆔 @vardan_voskanyan

Որևէ կասկած չկա, որ Բաքվի բարբարոսական վարչախմբի բոլոր կառուցակարգերը հստակ հրահանգ ունեն Հայաստանի ինքնիշխան տարածքի տեղանունները պաշտոնապես չկիրառելու և դրանք «փոխարինելու» զանազան բարբարոսական տարբերակներով։

Արհեստածին Ադրբեջանի ՊՆ կոչեցյալի կողմից տարածված հերթական բարբաջանքում ևս ՀՀ Արարատի մարզն անվանվում է ինչ-որ «Դավալուի շրջան», իսկ Երասխավանը՝ ինչ-որ «Արազդայան»։

Սա հստակ ցուցիչ է, որ հենց այժմ Բաքվի բարբարոսական վարչախումբը մեր դեմ վարում է իր ծավալապաշտական նկրտումներին հագուրդ տալուն միտված հիբրիդային պատերազմ, որում շատ կարևոր են դիտարկվում տեղանունները։

Սա նաև հոգեբանական ճնշման փորձ է մեր հասարակության վրա, որովհետև, եթե հազարամյակների մեր պետականության հիմնական կենտրոններից Արարատյան դաշտի մի հատվածը սկսում է «կոչվել» այստեղ մի կարճատև ժամանակահատված իր հոտերն արածեցրած ինչ-որ վաչկատուն դավալու ցեղի անունով, ապա կասկածի տակ է դրվում այդ տարածքի՝ մեր պետությանը և ազգին պատկանելն ինքնին։

#թշնամու_իրական_վիճակը

🆔 @vardan_voskanyan

Թշնամական միջավայրում և փաստացի հավերժական պատերազմի տարածաշրջանում, փոխանակ ոտքից գլուխ ռազմականացված և ավանդականության ու արդիականացման համերաշխ միաձուլմամբ մինիմալիստական ոճի հասարակություն և պետություն կերտելու, մենք մեծամասամբ ձևավորել ենք անհագ սպառողականության և անողաշար օպորտունիզմի ու հարմարվողականության «գաղափարներով» տոգորված վերնախավեր, որոնց ընդօրինակում է նաև հանրության մի զգալի հատված։

Հայաստանի այսօրվա խնդիրները նշանակալի չափով բխում են նրանից, որ մեր մահը տենչող ագրեսիվ թշնամիների հարևանությամբ մենք երազում ենք ինչ-որ պայմանական փայլփլուն Դուբայի մասին, որն այստեղ ունենալն անհնարին է, մինչդեռ հնարավոր է կերտել անվտանգ ու ավելորդ փայլից զուրկ պայմանական Սպարտա, որն էլ միայն ունակ կարող է լինել թշնամուն ծնկի բերելու և ապահովելու մեր հարատևությունն ու հզորացումը։

#հավերժականՀայաստանը

🆔 @vardan_voskanyan

Հիմա հաճախ են խոսում Հնդկաստանի հետ նաև ռազմական համագործակցության հնարավորությունների մասին, մինչդեռ հինավուրց այդ երկիրն ու քաղաքակրթությունը լիարժեքորեն ընկալելու համար անհրաժեշտ է խիստ խորքային իմացություն։

Ասենք, անհնար է լիովին հասկանալ հնդկական, դիցուք, ռազամարդյունաբերության հեռանկարները, եթե պատկերացում չկա ինքնաբավ կամ ինքնահենք Հնդկաստանի գաղափարի մասին, որն առաջ է քաշել այդ երկրի վարչապետ Նարենդրա Մոդին դեռևս 2020թ.։

Հինդիում սանսկրիտյան փոխառություն आत्मनिर्भर [ātmanirbhar] «ինքնահենք, ինքնաբավ, ինքն իր ուժերի վրա հենվող» բառով բնութագրվող Հնդկաստանի տեսլականը ենթադրում է հնարավորին անկախ և ինքնաբավ տնտեսության և նաև ռազմաարդյունաբերության ստեղծման տեսլական, որին ձգտում և առաջիկայում ձգտելու է Հնդկաստանը։

Ուշագրավ է, որ սանսկրիտյան վերոնշյալ բառը և դրա միավորները հինդուիստաական կրոնի և փիլիսոփայության մեջ ունեն խորքային իմաստներ։

Ուստի ինքնահենք Հնդկաստանն առաջ է շարժվելու ոչ միայն տեխնոլոգիական մոդեռնիզմի, այլ նաև իր հինավուրց քաղաքակրթական ավանդականության հիման վրա։

🆔 @vardan_voskanyan

Եվրոպական պաշտոնյա Տոյվո Կլաարը խոսում է տարածաշրջանում էրդողանական վարչախմբի ինչ-որ առաջնորդության մասին։

Հայաստանը և հայությունը չեն կարող ընդունել նման «առաջնորդություն», որովհետև ցեղասպանը կարող է «առաջնորդել» միայն դեպի մահ։

#հավերժականՀայաստանը

🆔 @vardan_voskanyan

Իրանում կայանալիք նիզամիագիտական միջազգային գիտաժողովի «Նիզամին, իրանական ինքնությունը և պարսից լեզուն» առաջին նիստում ներկայացնելու եմ Հայաստանը և ԵՊՀ-ն՝ «Պարսկախոսության միջավայրը Շիրվանում և Նիզամի Գանջավին» զեկույցով։

#հայ_իրանական_բարեկամությունը

🆔 @vardan_voskanyan

Իրանի Խուժաստան նահանգի Դեզ գետի ափին գտնվող Դեզֆուլ քաղաքի անունը նշանակում է «կամրջաբերդ», որովհետև գետի վրա կա նշանավոր միջնադարյան կամուրջ, ինչի պատճառով էլ ստեղծվել է երկրորդական ծագման նկարագրական այս տեղանունը։

Հայկական աղբյուրները, սակայն, քաղաքը գիտեն Անդմըշն անունով, «զոր Անհուշ բերդ կոչեն» (Փավստոս)։

Հեռվում կամուրջն է, իսկ նշանավոր բերդից հավանաբար մնացել է միայն քաղաքի հնագույն թաղամասերից մեկի անվանումը՝ պրսկ. Մահալլե-յե Ղալ'ե «Բերդի թաղ»։

#մեր_բարեկամ_Իրանը

🆔 @vardan_voskanyan

Իրանի հարավ-արևմուտքում՝ հատկապես Դեզֆուլ քաղաքում, որտեղից սերում են բազմաթիվ նշանավոր և ազդեցիկ իրանցիներ, հատուկ համակրանք ունեն հայերի ու Հայաստանի հանդեպ։

Երկու օրվա ընթացքում բազմաթիվ մտավորականներ և պարզապես սովորական դեզֆուլցիներ, իմանալով, որ Հայաստանից եմ, մոտենում և իրենց համակրանքն ու աջակցությունն էին հայտնում մեր դատին։

Ամենատպավորիչը, սակայն, նրանցից մեկի փիլիսոփայական խոսքերն էին Սասանյան Իրանի նշանավոր քաղաքներից մեկի՝ Գունդի Շապուհի, հնավայրում՝ «Օսթադ (պարսկերեն՝ «պրոֆեսոր, վարպետ»), հայերդ հանկարծ չհանձնվեք թշնամուն, որովհետև պատմությունը հաղթանակների և պարտությունների շարան է։ Եթե չես հանձնվում, հնարավորություն ես թողնում հետագա հաղթանակի։ Տեսե՛ք, ժամանակին մեզ հաղթել և մեր այս քաղաքը ավերել են, բայց հիմա մենք կրկին գերտերություն ենք, որովհետև չենք հանձնվել»։

#մեր_բարեկամ_Իրանը
#հավերժականՀայաստանը

🆔 @vardan_voskanyan

Բաքվի բարբարոսսկան վարչախմբի փոխվարչապետ կոչեցյալի գրասենյակի այսօրվա հայտարարությունից հետո, եթե որևէ մեկի մոտ դեռ կասկած կա, որ արհեստածին Ադրբեջանը «սահմանազատում» և «սահմանագծում» փաթեթավորմամբ առաջ է մղում Հայաստանի հետագա աստիճանական բռնազավթումը, ապա նա, մեղմ ասած, մանկամիտ է։

Ինչպես բազմիցս եմ նշել, Տավուշի մարզում և Հայաստանի այլ վայրերում թշնամուն ոչինչ չի կարելի զիջել, որովհետև, բացի այն, որ, դիցուք, Տավուշի մարզի չորս գյուղերը մեր հայրենիքի սրբազան հողի անքակտելի մաս են, դրանք նաև կենսական կարևորություն ունեն Հայաստան-Վրաստան և Իրան-Հայաստան-Վրաստան-Ռուսաստան ռազմավարական նշանակության ցամաքային անվտանգ հաղորդակցության առումով։

#հավերժականՀայաստանը

🆔 @vardan_voskanyan

Բաքվի բարբարոսսկան վարչախումբն այսօր պաշտոնապես հայտարարել է, որ պահանջում է իրեն հանձնել հայկական սրբազան հողի նաև հենց այն տարածքը, որտեղ ես կանգնած եմ այս լուսանկարում։

Վերին Ոսկերպարն է՝ հայկական հինավուրց պատմական հուշարձաններով, հրաշք բնությամբ և մեր անվտանգության համար կարևոր աշխարհագրական դիրքով։

Հայաստանի ամբողջ ներքին խուսույթը, մեր հանրության և վերնախավերի ուշքն ու միտքն այժմ պետք է դառնա այս և մեր հայրենիքի մնացյալ տարածքների՝ թշնամուն զիջումը բացառող օպերատիվ օրակարգի և դրանից բխող գործուն քայլերի ձեռնարկումը, հակառակ դեպքում՝ մեր պետությունը կվերածվի փաստացի անդամալույծի, ինչը և տենչում է թշնամին։

#հավերժականՀայաստանը

🆔 @vardan_voskanyan