Հայաստանում, ցավոք, չկա մեր երկրի ապագայի տեսլականի շուրջ և ոչ մի լուրջ խոսույթ։

Քեզ ոչնչացնել ցանկացող թշնամու դեմ հանդիման չի կարող լինել «լավ ապրելու» հնարավորություն, եթե չի լուծվում անվտանգության խնդիրը։ Ուստի, առաջնային հարցը ոչ թե «լավ ապրելն» է, այլ անվտանգությունը, որը հնարավորություն կստեղծի իրականում հենց լավ ապրելու։

Ըստ այդմ, «պատշգամբում կարճ շալվարով սուրճ խմելը» հնարավոր կարող է դառնալ թշնամուն հաղթելուց հետո միայն։

Հակառակ դեպքում, նույն այդ պատշգամբում նույն այդ թշնամին ավելի հեշտ կբռնաբարի պայմանական սուրճ խմողին, քանի որ նրա շալվարը կարճ է։

#չՀայաստանը

🆔 @vardan_voskanyan

Գրեթե կասկած չունեմ, որ Սրբազան պայքարի շարժման՝ հունիսի 9-ին Հանրապետության հրապարակում կազմակերպվելիք հանրահավաքը լինելու է մարդաշատ։

Բագրատ Սրբազանն արդեն երկու անգամ ապացուցել է , որ կարողանում է դա անել՝ աննախադեպ հաջողությամբ իր խարիզմատիկ կերպարի շուրջ համախմբելով տասնյակ հազարների։ Սակայն մարդաշատ հանրահավաքներից բացի, շարժումն ունի այժմ հիմնականում հանրային գործընթացը քաղաքականի վերածելու խնդիր, և նաև հրապարակի ակնկալիքները, կարծում եմ՝ մեծամասամբ լինելու են հենց այս տիրույթում։

Նման կերպափոխումից է կախված ոչ միայն շարժման, այլ նաև Հայաստանի հետագա ճակատագիրը՝ այն Հայաստանի, որն այլևս չի ուզում թշնամու կողմից ենթարկվել պարբերական նվաստացման ու կորուստների և ապրել միայն մեկ անձի կողմից կայացվող առնվազն կասկածելի հեռանկարներով որոշումների պայմաններում։

Հայաստանում արմատական փոփոխությունների պահանջը միանշանակորեն հասունացած է և դրանք իրականացնելու համար անհրաժեշտ է քաղաքական առաջնորդության նոր տեսլականի և ճանապարհային քարտեզի ներկայացում ու իրագործում։

#հավերժականՀայաստսնը

🆔 @vardan_voskanyan

Ինչո՞ւ է Բաքվի բարբարոսական վարչախմբի պարագլուխը ցանկանում, որպեսզի փոփոխվի ՀՀ սահմանադրությունը, լուծարվի ԵԱՀԿ Մինսկի խմբի համանախագահությունը և Հայաստանը ներողություն խնդրի Խուջալուի, իբր, «ցեղասպանության» համար։

Սրանք ավելի շատ ունեն պատճառներ, որոնք թաքնված են արհեստածին Ադրբեջանական Հանրապետության համար վտանգ ներկայացնող ներքին խորքային խնդիրերի մեջ։

Իսկ այդ խնդիրներից հիմնականը, որքան էլ պարադոքսալ թվա, այս արհեստածին կազմավորման հետագա գոյության հարցն է ներքին ճգնաժամերի պայմաններում։

Ինչպես ցանկացած բռնապետական և անձնակենտրոն համակարգ, արհեստածին Ադրբեջանը ևս խիստ խոցելի է, եթե այդ համակարգի պարագլխի իշխանությունը սասանվի կամ փլուզվի, դիցուք, դա ժառանգորդին փոխանցելու անհաջող գործողության, գունավոր հեղափոխության, թուրքական ազդեցության տակ գտնվող ադրբեջանական ռազմաքաղաքական վերնախավերի հեղաշրջման կամ իրանամետ շիայական ժողովրդական խմբերի ընդվզման արդյունքում։

Բոլոր այս սցենարներն արհեստածին Ադրբեջանի պարագայում այս կամ այն չափով իրատեսական են, և Բաքվի բռնապետն ամենալավն է գիտակցում, որ եթե դրանց էլ գումարվի հայկական գործոնն՝ այն էլ արտաքին աջակցության պայմաններում, ապա այժմ իր ղեկավարած քաղցկեղային գոյացությունը հետագա կենսունակությունը պահպանելու լրջագույն խնդիր կունենա։

Հետևաբար, ըստ նրա՝ պետք է մեկընդմիշտ փակել արցախյան խնդրի էջը՝ վերացնելով դրա հետագա արծարծման հայկական օրենսդրական հիմքը՝ ՀՀ Սահմանադրության գործիքակազմով և միջազգային հարթակը՝ ի դեմս ԵԱՀԿ Մինսկի խմբի եռանախագահության, մի կողմից, իսկ մյուսից՝ Հայաստանին խարանել չեղած «ցեղասպանության» իրականացնողի պիտակով՝ ենթարկելով լիակատար միջազգային անվանարկման։

#թշնամու_իրական_վիճակը

🆔 @vardan_voskanyan

Իրանի գործող արտգործնախարար Ալի Բաղերի Քանին շատ ուշագրավ նոր շեշտադրում է մտցրել իրանական պաշտոնական դիրքորոշումներում՝ «CNN Türk» լրատվամիջոցին տված հարցազրույցում։

Պատասխանելով, այսպես, կոչված, «Զանգեզուրի միջանցքի» մասին հարցին, իրանցի բարձրաստիճան պաշտոնյան հայտարարել է, որ Իրանը դեմ է ցանկացած ծրագրի կամ նախաձեռնության, որը կփոխի տարածաշրջանի ժողովրդագրությունը և սահմանները։

Առաջին անգամ իրանական կողմը խոսել է ժողովրդագրության մասին, ինչն ունի երկու կարևոր նրբերանգ՝ Արցախի հայաթափմանը դեմ լինելու և, այսպես կոչված, «Արևմտյան Ադրբեջանի», իբր, հայեցակարգի շրջանակներում Հայաստանի տարբեր շրջաններն էթնիկ ադրբեջանցիներով բնակեցնելուն անհամաձայնություն հայտնելու։

Իրանական նման կոշտ դիրքորոշումները ցույց են տալիս, որ տարածաշրջանում Հայաստանի և Իրանի շահերը բազմաթիվ կետերում համընկնում են, և հայ-իրանական քաղաքակրթական դաշինքը կարող է չափազանց արդյունավետ լինել։

#հարափոփոխ_տարածաշրջանը

🆔 @vardan_voskanyan

Ամեն ինչ լսել էի, բայց «separatçı professor» («անջատողական պրոֆեսոր») արտահայտությունը նորություն էր։

Բաքվի բարբարոսսկան վարչախմբի ամեն ինչն է արհեստածին՝ նույնիսկ պիտակավորումները։

#հավերժականՀայաստանը

🆔 @vardan_voskanyan

«Եթե իրականացվի Անկարայի և Բաքվի սցենարը և փոփոխվի ժողովրդագրական իրավիճակը, ապա այդտեղ բնակեցված ադրբեջանցիների անվտանգության ապահովման խնդիր է առաջանում, որը դուռ է բացում անվտանգային ուժեր տեղակայելու համար։ Մոտավորապես այս սխեմայով էր, որ Թուրքիան 1974 թվականին գրավեց Հյուսիսային Կիպրոսը։ Սա հենց այն սցենարն է, որ Իրանը փորձում է կանխել այստեղ»,- ասաց Ոսկանյանը։

🆔 @vardan_voskanyan

Հայաստանում այլևս չի կարող լինել այն իրավիճակը, որն առկա էր այսօրվա վայրագ ոստիկանական գործողությունից առաջ։

Հայաստանը 2020թ.-ից ի վեր վայրիվերող ներքաղաքական ճգնաժամերի մեջ է, որի հիմնական պատճառն արտաքին անվտանգային մարտահրավերն են և դրանց կառավարումն ու չեզոքացումը պարբերաբար տապալող իշխանությունները։

Հայաստանն այլևս հոգնել է թշնամու կողմից նվաստացումներից, կտոր առ կտոր բզկտվելուց, տեղահանություններից և ապագայի անորոշ հեռանկարից։

Նման իրավիճակը չի կարող երկար շարունակվել, և փոփոխությունների հրամայականն ուղղակի կախված է օդում։

#հավերժականՀայաստանը

🆔 @vardan_voskanyan

Հայաստանում, անտարակույս, առկա է խորը ներքաղաքական ճգնաժամ։

Սա չնկատելու տալն առնվազն «ջայլամային քաղաքականություն» է, իսկ ոստիկանական գործողություններով և առավել ևս վայրագություններով ճգնաժամերը, որպես կանոն, ոչ թե հաղթահարվում, այլ ավելի են խորանում։

Մեր երկրում հասարակական տրամադրություներում լրջագույն փոփոխություններ են տեղի ունեցել, քանի որ մեր հասարակության նկատելի հատվածն այլևս չի ցանկանում ապրել թշնամու կողմից նվաստացման մշտական օրակարգի և դրա անխուսափելիությունը պարբերաբար արդարացնող իշխանության պայմաններում։

Հայաստանին անհրաժեշտ են շրջադարձային փոփոխություններ, որոնք կփակեն մեր պատմության այս ամոթալի անկման էջը և վերածննդի իրական հույս ու հնարավորություն կպարգևեն։

#հավերժականՀայաստանը

🆔 @vardan_voskanyan

Չնկատել այն, որ Հայաստանում բնակչության առնվազն մի խոշոր հատված այլևս հոգնել է ապրել թշնամու կողմից համազգային նվաստացման, մեր հայրենիքի՝ մաս-մաս կլանման, լակոտական մակարդակի ներքին «բանավեճերի» և նման այլ մերժելի երևույթների պայմաններում, առնվազն «ջայլամային քաղաքականություն» է։

Հասարակական ճգնաժամերը ոչ մի տեղ չեն կորչում, եթե դրանք ոչ թե լուծում ես, այլ, իբր, չնկատելու տալիս՝ իբր, շարունակում ապրել այնպես, կածես թե արտառոց ոչինչ չի կատարվում։

Սա նույնն է, թե աչք փակել թեկուզ ոչ ուժգին նշաններով, բայց, այսուհանդերձ, իրեն դրսևորող հիվանդության հանդեպ՝ մոտեցում, որն առնվազն ոչ խելամիտ, եթե չասենք՝ վտանգավոր է և ի վերջո հանգեցնելու է անդառնալի հետևանքների։

Հայաստանը երկու կողմից գտնվում է ագրեսիվ թշնամական միջավայրում, և, պատկերավոր ասած, հիվանդոտ ու անդամալույծ վիճակում ունակ չի լինելու դիմակայելու կենսական անվտանգային մարտահրավերներին, ուստի մեզանում խորքային փոփոխությունները, որոնք միտված պետք է լինեն ոչ թե փաստացի մահվան տանող «իրականության հետ հաշտվելուն», այլ այդ իրականությունն ի շահ մեզ վերադասավորելուն, նույնպես կենսական նշանակություն ունեն։

#չՀայաստանը

🆔 @vardan_voskanyan

Այսօր Վայոց ձորի Ելփին գյուղում հետախուզական արշավի ժամանակ հին գյուղատեղիներից մեկի մասին հարցուփորձ էի անում պատկառելի տարիքով մի ելփինցու։

Շատ ուրախացավ, որ գնալու ենք այդ վայրը և ասաց՝ «Անցյալում տարիներ շարունակ այդտեղ խոտհունձ եմ արել, խաչքարեր կան, եկեղեցու ավերակներ, հետո՝ մի տաս տարի կլիներ, չէի գնացել։ Անցյալ տարի էլի գնացի, իսկական դրախտ է, չդիմացա, ծնկեցի և համբուրեցի հողը, որովհետև մեր հայկական հողն է պահում մեզ՝ որպես մարդ, ընտանիք, ազգ ու երկիր»։

Իրոք, շատ հուզիչ էր լսել այդ ուսանելի բանաձևումը հասարակ և իմաստուն այս հայ մարդուց, ուստի Հայաստանի սրբազան հողի և ոչ մի թիզ չպետք է զիջվի բարբարոսներին։

#հավերժականՀայաստսնը

🆔 @vardan_voskanyan

«Եթե ուզում եք ծանոթանալ հետաքրքիր ու թարմ քաղաքական, սոցիալական, տնտեսական և այլ թեմաներով լուրերի ու նորությունների, ապա կարող եք հետևել Cratos Consult տելեգրամյան ալիքին։

Բոլոր նշված նյութերն այս ալիքով մատուցվում են հրատապ և մասնագիտական բարձր մակարդակով։

Առաջիկայում կգործարկվի նաև կայք ավելի ծավալուն վերլուծություններով և ուշագրավ այլ նախագծերով»:

🆔 @vardan_voskanyan

Իրանի նախագահական ընտրություններին ընդառաջ հենց այս պահին ընթանում է նախագահի թեկնածուների առաջին հեռուստաբանավեճը։

Վեց թեկնածուները խոսում են տնտեսական ծրագրերի և դրանց իրականացման հնարավորությունների մասին։

Բարեփոխական թևի թեկնածու Մասուդ Փեզեշքյանի՝ Թուրքիայի տնտեսական զարգացման օրինակի մատնանշումը տեղիք է տվել լուրջ քննադատության, քանի որ, այսպես կոչված, «թուրքական մոդելը» համարվում է տապալված՝ հատկապես այդ երկրի դրամի հսկայական արժեզրկման պայմաններում։

Թեև քննարկումը տնտեսական հարցերի շուրջ է, այսուհանդերձ խորքային իմաստով այդ օրինակը մատնանշելը թեկնածուի կողմից կոպտագույն քաղաքական սխալ էր՝ հաշվի առնելով այն, որ Թուրքիան լռելյայն դիտարկվում է Իրանի տարածաշրջանային ախոյան։

#մեր_բարեկամ_Իրանը

🆔 @vardan_voskanyan

Իրանի նախագահական ընտրարշավում բարեփոխական թևը ներկայացնող թեկնածու Մասուդ Փեզեշքիանի նախընտրական շտաբը փորձ է կատարում ոչ բացահայտորեն խաղարկելու նաև էթնիկական գործոնը։

Բանն այն է, որ այս թեկնածուն ծնվել է Իրանի Արևմտյան Ատրպատական նահանգի հիմնականում քրդաբնակ Մահաբադ քաղաքում, սակայն թյուրքալեզու ատրպատականցի է։

Այս հանգամանքը նրա նալընտրական շտաբի կոզմից օգտագործվում է հենց Ատրպատականի թյուրքալեզու շրջաններում վերջինիս համար ձայներ ապահովելու միտումով։

Այս թեկնածուի, մասնավորապես, Թավրիզում կայանալիք նախընտրական հանդիպման պաստառը հրապարակվել է հենց ատրպատականյան թյուրքերենով, ինչն Իրանում արգելված չէ, որովհետև այն Իրանում տարածված նշանակալի և կարևոր լեզուներից է, սակայն նպատակն ակնհայտորեն քարոզչական է և միտված է շահելու հենց թյուրքալեզու ատրպատականցիների համակրանքը։

Սա ամենևին չի նշանակում, թե Ատրպատականում զգալի ձայներ հավաքելու հնարավորություն չեն ունենալու պահպանողական թևի թեկնածուները, սակայն էթնիկական գործոնի օգտագործման փաստն ինքնին ուշագրավ է։

#մեր_բարեկամ_Իրանը

🆔 @vardan_voskanyan

Հայաստանում համատարած կերպով «լավ ապրելու» հնարավորության մասին խոսելը սպառողական մտայնության հետևանք և մաքուր ամբոխահաճո պատրանք է։

Ընդհանրապես, աշխարհում չկա և ոչ մի երկիր, որտեղ բոլորն անխտիր «լավ են ապրում», իսկ առավել ևս դա անհնարին է Հայաստսնի նման սահմանափակ ռեսուրսներով երկրներում։

Հայաստանում հնարավոր է և պետք է ապրել արժանապատիվ, իսկ մնացյալը ստահոդ հեքիաթ է։

#չՀայաստանը

🆔 @vardan_voskanyan

Իրանի նախագահական ընտրարշավի ընթացքում առաջին հեռուստաբանավեճից հետո, ըստ հանրային կարծիքի ուսումնասիրության տվյալների՝ ձևավորվել է առաջատար թեկնածուների հետևյալ հաջորդականությամբ եռյակը՝
Մոհամմադ Բաղեր Ղալիբաֆ (պահպանողսկան) - 17,1%
Սայիդ Ջալիլի (պահպանողսկան) - 16,8%
Մասուդ Փեզեշքիան (բարեփոխական) - 13,7%:

Իրանցի ընտրողների 46%-ը դեռես չի կողմորոշվել, թե թեկնածուներից որ մեկին է տալու իր ձայնն առաջիկա նախագահական ընտրություններում։

Պարզ է, որ պահպանողսկան թևի երկու առաջատար թեկնածուները միասին նկատելի առավելություն ունեն բարեփոխական հավակնորդի նկատմամբ, սակայն չկողմնորոշված ընտրողների բարձր տոկոսը և թեկնածուների ձայների տոկոսային ոչ մեծ տարբերությունը խոսում են այն մասին, որ առաջիկա ընտրությունները լինելու են խիստ մրցակցային։

#մեր_բարեկամ_Իրանը

🆔 @vardan_voskanyan

Հայաստանն այլևս ճանաչում է Պաղեստինի պետությունը, իսկ Բաքվի բարբարոսական վարչախումբն Արցախի հայության նկատմամբ իրականացրած ցեղասպանական բնույթի էթնիկ զտումից հետո էներգակիրներ է մատակարարում Գազայի խաղաղ բնակչության նկատմամբ անմարդկային գործողություններով աչքի ընկած Նեթանյահուի վարչախմբին։

Սա է այն ճշմարտությունը, որը պետք է իմանա իսլամական և արաբական աշխարհը պարբերաբար իսլամի և իսլամական համերաշխության մասին ճամարտակող Բաքվի երեսպաշտ վարչախմբի իրական բնույթի մասին։

Այսուհետ ցանկացած իսլամական երկիր՝ և հատկապես Պակիստանը, Բաքվի բարբարոսական վարչախմբին աջակցելիս պետք է նկատի ունենա, որ օժանդակում է Գազայի անմարդկային կոտորածին օգնողին մի երկրի դեմ, որը ճանաչում է պաղեստինցիների՝ սեփական պետություն ունենալու բնական իրավունքը։

#հարափոփոխ_տարածաշրջանը

🆔 @vardan_voskanyan

Իրանի նախագահական ընտրությունների քարոզարշավի ընթացքում այժմ տեղի է ունենում թեկնածուների երրորդ հեռուստաբանավեճը, որը նվիրված է մշակութային և հասարակական հարցերին։

Ակնհայտ ամբոխահաճո հայտարարություններով հանդես եկող բարեփոխական թևի թեկնածու Մասուդ Փեզեշքիանին հակադարձելով, պահպանողական թևի թեկնածուներից Թեհրանի ներկայիս քաղաքապետ Ալիռեզա Զաքանին հեռուստաբանավեճի ընթացքում հայտարարեց, որ իր թեկնածությունը չի հանելու, մնալու է ընտրարշավում և առնվազն չի թողնելու, որպեսզի Փեզեշքիանը դառնա նախագահ։

Իրանականության հայրենասիրական գաղափարների կրող իրանցի վերլուծաբաններն էլ շարունակում են խստագույնս քննադատել Փեզեշքիանին՝ վերջինիս նախընտրական շտաբին մեղադրելով նաև Իրանի ազգային միասնությունը խաթարող բովանդակությամբ քարոզչական պաստառներ օգտագործելու մեջ։

Այս պահին նման բովանդակությամբ առվազն երկու պաստառ է տարածվել՝ միտված թյուրքալեզու իրանցիների երկու հանրույթներին՝ ատրպատականցիներին և ղաշղայցիներին։

#մեր_բարեկամ_Իրանը

🆔 @vardan_voskanyan

Հայաստանում ուշադրության գրեթե չի արժանացել մի չափազանց կարևոր հանգամանք, որը կարող է ուղղակիորեն ազդել մեր տարածաշրջանում տրանսպորտային հանգույցների և աշխարհաքաղաքականության վրա ընդհանրապես։

Խոսքն այս տարվա ապրիլին Թուրքիայի նախագահի՝ Իրաք այցի ժամանակ ձեռք բերված համաձայնությունն է՝ իրագործելու, այսպես կոչված, «Զարգացման ուղի» տրանսպորտային ծրագիրը, որը պետք է կապի իրաքյան Բասրայի Ալ-Ֆավ նավահանգիստը թուրք-իրաքյան սահմանին։

Ծրագրին մասնակցելու ցանկություն ունեն ոչ միայն Թուրքիան և Իրաքը, այլ նաև Կատարը և Արաբական Միացյալ Էմիրությունները։

«Զարգացման ուղին» Մերձավոր Արևելքով Ասիան Եվրոպային միացնելուն միտված թուրքական «կնքավորությամբ» ծրագիր է, որն ուղղակի մրցակից է իրանական «Պարսից ծոց-Սև ծով» և հնդկական «Հյուսիս-Հարավ» հանգույցների ծրագրերին, որոնք ներառում են նաև Հայաստանը։

Սրանով Թուրքիայի աշխարհաքաղաքական շահերն ուղղակի հակասության մեջ են մտնում Իրանի, Հնդկաստանի և Ռուսաստանի շահերի հետ, քանի որ վերջինս ևս խիստ շահագրգիռ է «Հյուսիս-Հարավի» իրականացմամբ։

#հարափոփոխ_տարածաշրջանը

🆔 @vardan_voskanyan

🇦🇲 Նրանք, որոնք պարբերաբար մաշեցնում են «ինքնիշխանություն» բառը, պետք է նաև հստակ արձանագրեն, որ Հայաստանի ոչ միայն ինքնիշխանության, այլ նաև գոյության իսկ թիվ մեկ մշտական մարտահրավերը և վտանգը բխում է արհեստածին Ադրբեջանից։

Ըստ այդմ, եթե ինչ-որ մեկն իրոք ձգտում է Հայաստանի ինքնիշխանությանը կամ դրա ամրապնդմանը, ապա չի կարող չխոսել այս գոյութենական մարտահրավերի և վտանգի չեզոքացման կամ ոչնչացման մասին։

Չի կարող ինչ-որ մեկը հանդես գալ Հայաստանի ինքնիշխանության դիրքերից և անել ամեն ինչ, որպեսզի այդ մարտահրավերի ու վտանգի աղբյուր քաղցկեղային գոյացությունն էլ ավելի ամրապնդվի և հզորանա։

Հետևաբար, բանաձևը բավականին պարզ է՝ Հայաստսնի ինքնիշխանության և անկախության համար պայքարն առաջին հերթին ենթադրում է պայքար հենց արհեստածին Ադրբեջանի դեմ, այլ ոչ թե արհեստածին Ադրբեջանին հանձնվել։

#հավերժականՀայաստանը

🆔 @vardan_voskanyan

🇮🇷 Իրանի նախագահական ընտրություններում հիմնական թեկնածուներից Մոհամմադ Բաղեր Ղալիբաֆը հերքել է համացանցում տարածվող այն լուրերն, ըստ որոնց՝ նա պատրաստվում է հանել իր թեկնածությունը և դուրս գալ ընտրարշավից։

Նախընտրական քարոզարշավի շրջանակներում Թավրիզից Ահվազ թռիչքի ընթացքում իրանական լրատվամիջոցներից մեկին տված հարցազրույցում Ղալիբաֆը նշել է, որ շարունակելու է պայքարը, որը միտված հաղթելու և իրագործելու ուղղաթիռի վթարի հետևանքով զոհված նախագահ Էբրահիմ Ռայիսի կառավարության ծրագիրը։

Հարկ է նշել, որ ըստ վերջին սոցհարցումների՝ Ղալիբաֆի վարկանիշը որոշակի անկում է գրանցել, սակայն նա շարունակում է դիտարկվել Իրանի նախագահի երեք հիմնական թեկնածուներից մեկը։

#մեր_բարեկամ_Իրանը

🆔 @vardan_voskanyan