#Ethiopia 🌱🇪🇹

ነገ ከንጋቱ አስራ ሁለት ሰዓት ጀምሮ በሀገር ደረጃ 700 ሚሊዮን ችግኞችን የመትከል ዘመቻ ይካሄዳል።

የኢፌዴሪ ጠ/ሚ ዐቢይ አሕመድ " ነገ ለንጋቱ አስራ ሁለት ሰዓት ጀምሮ የአረንጓዴ ዐሻራ ሥራችን አካል የሆነውን በአንድ ጀንበር 700 ሚሊዮን ችግኞች የመትከል አላማን ለማሳካት እንነሳለን " ብለዋል።

" ከፍ ያለ ግብ ነው። ግን ጥንካሬያችንን፣ አንድነታችንን እና ለሕዝባችን ያለንን ቁርጠኝነት ያሳያል " ሲሉ ገልጸዋል።

" ይኽ ችግኝ ከመትከል በላይ ነው " ያሉት ጠቅላይ ሚኒስትሩ " ትንሽ ትልቅ፣ የከተማ የገጠር ሳንል ዜጎች ሁሉ አካባቢያችን እንዲያገግም፣ የውሃ ምንጮቻችን እንዲጠበቁ፣ የኑሮ ሁኔታችን እንዲሻሻል እንዲሁም ለመጪው ትውልዶች ዘላቂነት ያለው ነገን ለማረጋገጥ የምንሳተፍበት ተግባር ነው " ብለዋል።

ሁሉም በዚህ ታላቅ ሀገራዊ ሥራ ላይ እንዲሳተፍ እና እንዲያስተባብር አሳስበዋል።

" በጋራ ጠንካራ ዛፎችን ብቻ ሳይሆን ጠንካራ እና የበለጠ አረንጓዴ የሆነች ኢትዮጵያን እናሳድጋለን " ብለዋል።

#Ethiopia 🇪🇹 #GreenLegacy #የአረንጓዴ_ዐሻራ

@tikvahethiopia