Garchand so'qir ishqning ko'zlari

O'yga botgan yomg'irli shahar,
Elovrayman, ozg'in so'qirman.
Ko'r yomg'irga aylanib, sahar,
Derazangni tinmay, cho'qirman.

Ko'zim oppoq ochilgan paxta,
Tergil uni jonim, etaklab.
Savob bo'lar edi poytaxtda,
Men so'qirni yursang yetaklab.

Tumanlarda tentirab, daydib,
Dalalarda gulxan yoqarman.
Balki bir kun vatanga qaytib,
Dorvozangni topib, qoqarman.

Paypaslayman shahlo ko'zlaring,
Titrayotgan lablaringni ham.
Yuzlarimga bosib yuzlaring,
Shivirlaysan yomg'irday, erkam.

Qalblarga yo'l topar ro'zi shab,
Garchand so'qir ishqning ko'zlari.
Lablar yomg'ir kabi cho'lpillab,
Bir -birini topar o'zlari.

Yomg'ir yig'lar odamday asta,
Ko'z yoshlarin hech kimsa artmas...
Boshqa topqir a'zolar haqda,
Nazarimda, yozish ham shartmas.

✍️ Xoldor Vulqon

@sheriyatuz

Мен чарчаб сенга суяндим, ҳақиқат.
Соат бонг урмоқда,
Гаплашайлик, кел.
Қўрқма,
Ўтиб кетди бир кунлик даҳшат.
Бугун, иккинчи апрель,
Ҳақиқат.
Иккинчи апрель..

Усмон Азим

@sheriyatuz

"Yoqmasam, ka - a -a - atta ko`cha" deding,
Ko`chaga chiqdim.
Ko`cha jim - jit edi, kimsasiz, oydin.
Men avvallari bilmas ekanman,
Ko`chaning bunchalar
Katta bo`lishin.

@sheriyatuz

Ramazon muborak qadrdonlar.
Barcha ezgu niyatlaringiz qabul bo'lsin.

@sheriyatuz

#retro

Shahzoda - Seni osmonimga olib ketaman.

@sheriyatuz

@retro @sheriyatuz

#retro @sheriyatuz

Tazarru

Men ikkiqat debman osmonni,
Kechiringlar, yettiqat ekan.
Siz sevmagan tipratikonni,
Iyagimda o'stirsammikan?

Kechiringlar, ko'zimga bari,
Ko'rinibdi misoli bezak.
Sigirlarning nodir asari,
Gulga o'xshab ketguvchi tezak.

Uzr, pisand etmagan bo'lsam,
Nazokatli kimsalar didin.
Sassiq mushkdan yuqori qo'ysam,
Daladagi Burganlar xidin.

Ma'zur tuting, o'xshasa fursat,
Barmoqlarim semiz qurtlarga.
Va kuzatsam sizdan beruxsat,
Turnalarni olis yurtlarga.

Uzr, sizni odam deb gohi,
Borgan bo'lsam bilmay topinib.
Yotgan mahal dalalar roxi,
Qorlar ko'rpasini yopinib.

X. Vulqon

@sheriyatuz

Bir nuqtaga termuldi borliq

Junjikkan bekatda o`ychan chehralar,
Salqin tonglar kabi musaffo tuyg`u.
Borliqni savalar yomg`ir qamchisi.
Olisda chaqnaydi ovozsiz qayg`u.

Qaraysan, ko`lmakda g`amgin xalqalar,
Qoniqmas qaqragan dunyoning labi.
Bir paytlar eng sirli so`zlaringni sen,
Shivirlarding menga yomg`irlar kabi.

Ikkimiz yomg`irlar og`ushida mast,
Odimlardik boshda soyabon - qalpoq.
Balki endi tunlar kulbangda yolg`iz,
Yomg`irlarni tinglab, to`qirsan paypoq.

Quvirlar kekirib, yomg`irlar tinar,
Ko`milar xazonga umrim yo`lagi.
G`iyt - g`iyt etar kuzgi g`amgin osmonda,
G`ozlar galasining bo`m - bo`sh chelagi.

✍️ X.Vulqon

@sheriyatuz

Niyyat

Zulmatda chirildoq chirillagan on,
To‘lin oy porlasa paykalga qarab.
Yag‘ir do‘pping kiyib, yelkangda ketmon,
Dalalarda yursang yolg‘iz, suv tarab.

Sokin uvotlarda bo‘zraysa fonar,
Xudo yulduzlarni birma bir yoqsa.
Og‘zini lang ochib oydin dalalar,
Oyning qo‘rg‘oniga ag‘rayib boqsa.

Suvlar jildirasa, pushtalar to‘lib,
Ko‘rshapalak uchsa shodon, ovozsiz.
O‘ltirsang porlagan oyga termulib.
Oddiy suvchi bo‘lsang, bo‘lsang savodsiz.

Shiypon tamondagi so‘rida yotsang,
G‘ir – g‘ir esaversa tungi shabada.
Uyg‘onsang to‘rg‘aylar chuldirayotgan,
O‘z ona yurtingda, tongi dalada.

✍️ X.Vulqon
@sheriyatuz

Yulduzlar menga shu qadar yaqin tuyuladiki, ulardan birini otashkurak bilan qimchib olib sigaret tutashtirsa bo`ladiganday. Ular unut gulxanning so"nggi cho`g`lari singari yallig`lanadi. Naqadar go`zal va sirli osmon!
Aytganday, sen shu osmonday sirlisan. Bilasanmi, yulduzlarning manu shu nurlari bundan million yil burun yo`lga chiqqan edi. Ularning bugun yo"lga chiqqan nurlari yerga million yildan keyin yetib keladi.
Sening nigoxing nurlari ham million yil burun yo"lga chiqqanday, bugungi nigoxing nurlari menga million yildan keyin yetib keladiganday tuyuladi, sevgilim!
Son - sanoqsiz yulduzlar to`la poyonsiz osmon! Lablarimga sigaret qistirib cho`ntaklarimni paypaslayman. Gugurtim yo`q.

✍️ X.Vulqon
@sheriyatuz

SADOQATLI CHIRILDOQ

Oqshom. Dala xovli, o`yga cho`masan,
Xonang derazasin bog`larga ochib.
Menchi kiprik qoqmay turaveraman.
Ering kelganda ham ketmayman qochib.

Esingdami, seni firoq o`tida,
Kuydirib bir zamon ketgandim o`lib.
Mana, tag`in qaytib keldim yoningga.
Qaytadan tirilib, chirildoq bo"lib.

Xovlingda buncha ko`p bo`lmasa gullar?
Yo bugun bayrammi? Gullar saylimi?
Sevgilim, shu gullar ochilib yotgan,
Xovlingda chirillab yursam maylimi?


✍️ X.Vulqon
@sheriyatuz

Ajoyib havo ! Hamrohlar chiqdi yo`lga. Men va Hayolim . . .
#hokku @sheriyatuz

Yulduzlar menga shu qadar yaqin tuyuladiki, ulardan birini otashkurak bilan qimchib olib sigaret tutashtirsa bo'ladiganday.

@sheriyatuz

Ular unut gulxanning so'nggi cho'g'lari singari yallig'lanadi. Naqadar go'zal va sirli osmon!

@sheriyatuz

Aytganday, sen shu osmonday sirlisan. Bilasanmi, yulduzlarning manu shu nurlari bundan million yil burun yolga chiqqan edi. Ularning bugun yolga chiqqan nurlari yerga million yildan keyin yetib keladi.

@sheriyatuz

https://tttttt.me/joinchat/PmzPSuADeTEHyxeb

Dunyo dod sol, baqir ketdi Muhammad,
Bugun g'iybatchilar og'zini yoping.
Xalq bo'l elim deya o'tdi Muhammad,
Qani Muhammaddek shoirni toping.

Ona yurtin tavof etdi qanchalar,
Qabrida unibdi qizg'aldoqchalar.
Tomog'ingiz qirmang shoirvachchalar,
Qani Muhammaddek shoirni toping.

Bobodehqon deya elin mardini,
Rimga alishmagan bitta gardini.
Uch kunda sog'ingan ona yurtini,
Qani Muhammaddek shoirni toping.

Ko'zlaridan o'pib xasta jayronni,
Oyog'iga boshin qo'yib jiyronni.
Ismini ham bilmay suygan janonni,
Qani Muhammaddek shoirni toping.

Qalamin tutganda misoli gado,
Bitta nolasiga titrardi dunyo.
Bizga ko'p ko'rdingmi uni ey xudo,
Qani Muhammaddek shoirni toping.

Xasratda, alamda yig'lar Andijon,
Yana Muhammadin qumsar Andijon.
Hofiz tori sinib nolasi fig'on,
Qani Muhammaddek shoirni toping.

Poyonsiz g'am ila to'kay ko'nglimni,
Olovli she'r zavqi yoqar qalbimni.
Ikki misra yozib men ham shoirmi ?
Qani Muhammaddek shoirni toping.

Yurakdan aytilgan har bir so'zi dard,
Bolang endi yo'qdir ey sug'd-u ey sart.
Xalq bo'l elim deya o'tgan Muhammad,
Qani Muhammeddek shoirni toping.

✍ Hamza Eshmurodov.
@sheriyatuz

Sening nigoxing nurlari ham million yil burun yo'lga chiqqanday, bugungi nigoxing nurlari menga million yildan keyin yetib keladiganday tuyuladi, sevgilim!

@sheriyatuz

Onangizni yoʻqlang, odamlar!

Bozor tushing, oling toʻrtta non,
Yon koʻtarsa pista, bodomlar.
Bunda sizga eng aziz mehmon
Onangizni yoʻqlang, odamlar!

Demang, dunyo qoʻlimdan tutgan,
Qoʻlim qoʻysa yoʻlimdan tutgan,
Dunyoni bir chet qoʻyib, kutgan,
Onangizni yoʻqlang, odamlar!

Koʻnglin oling xush suhbat qurib,
Hajga boring orqalab yurib,
Toki tuproq quchmasdan turib,
Onangizni yoʻqlang, odamlar!

Vaj boʻlmasin koʻklam, qishingiz,
Chala qolsa qolsin ishingiz,
Haqdan keyin chin doʻst kishingiz,
Onangizni yoʻqlang, odamlar!

Nafs aqldan chiqmasin gʻolib,
Soʻngda yurmang pushmonda nolib,
Yon yoringiz, bolangiz olib,
Onangizni yoʻqlang, odamlar!

Band dast dardda, gʻamda chiniqqan,
Sogʻinch sabab rangi siniqqan,
Sizni joni garovda tuqqan,
Onangizni yoʻqlang, odamlar!

Onasiz tun oh urar qarang,
Kun bosh egib, jim yurar arang,
Jon oʻq, tan yoy tortilmay tarang,
Onangizni yoʻqlang, odamlar!

Boʻlsa sizda iymon, gʻurur, or,
Mehringizga etmang buncha zor,
Bir kuni sogʻ, besh kuni bemor,
Onangizni yoʻqlang, odamlar!

Hech toʻxtamas soatning mili,
Oʻtib borar millarda yili,
Bolangizdan qaytar hosili,
Onangizni yoʻqlang, odamlar!

Pul topilar, topilar safo,
Va lek biling safo bevafo,
Keksa jonga chektirmay jafo,
Onangizni yoʻqlang, odamlar!

Tulpordami yo yurib yayov,
Yoʻl-yoʻlakay hech qursa birrov,
Arzin aytmas hokisor, bayov
Onangizni yoʻqlang, odamlar!

Kuyga solsin baytimni baxshi,
Ona butun borliqning naqshi,
Hamma hamma hammadan yaxshi,
Onangizni yoʻqlang, odamlar!

Vaqt yoʻq degan soʻzingiz chakki,
Baytim sizga berguvchi dakki,
Tunlar aytgan allasi haqqi,
Onangizni yoʻqlang, odamlar!

©️ Marhabo Karimova

@sheriyatuz