U dunyoga kelib, tashvishning
Orqasidan yelib-yugurdi.
Na so'ngiga yetoldi ishning,
Na dunyoni anglab ulgurdi.

Oxir bir kun,
Aqli to'lgach u,
O'z jonining qadriga yetdi.
Bor-ey, deya qo'l siltadi-yu,
Bu dunyoni tashladi-ketdi.

©Erkin Vohidov

@sheriyatuz

Qor

Yaproqsiz daraxtdan gurros yuksalib,
Qushlar ushoq ko'rsa, xovliga sho'ng'ir.
Simlar g'ijjagini shamollar chalib,
Qor bosgan o't -o'lan sovuqda to'ng'ir.

Dexqon izlarini yopadi qorlar,
Kuz ketar shoshilib, ishlari chala.
Butazor shamolda g'uvillab, chorlar,
Qorli tundraga o'xshaydi dala.

Bulut uxlar edi daraxt uchida,
Yostig'ini shamol yirtdimi, netdi?
Yostiqdan sochilgan parqu ichida,
Dov -daraxt, dalalar ko'rinmay ketdi.

@sheriyatuz

Yangi yil kechasi ballada
Eshiging ochildi,
Chehrangda yog'du.
Lablaringga xiyol tabassum indi.
O'sha yigirma yil avvalgi tuyg'u-
Bir lahza yurakning urushi tindi...

Qoshlaring yoyini tortdi taajjub,
Shunchalar charaqlab boqdi qaroqlar.
Ichkari Yangi Yil- archangda ajib,
Turli nurlar sochib yonar chiroqlar...

Hayrating kimnidir yodingga solar,
Meni tanimaysan... Bu- men Qorbobo!
Bahorni uyg'otib esganday bo'lar,
O'sha, yigirma yil avvalgi sabo...

Qo'llaring qaltiray boshlaydi bexos,
Eshikka suyanib turadi hasrat...
Qarshingda mung'ayib boqadi besas
O'sha yigirma yil avvalgi qismat.

Sovuq. Tashqarida qorning quyuni,
Ko'cha chiroqlari porlar- qahrabo...
Qismat bo'ronida daydib uyingni
Yigirma yil o'tgach topdi Qorbobo...

O'g'ling shodliklari sig'mas dunyoga-
Qorbobo! Qopida sovg'alari mo'l.
Deyman: "Muz tog'lardan o'tdim piyoda,
Mana, yigirma yil yurib keldim yo'l..."

Dasturxoni- qadahlar terilgan bayram,
Ularda may kabi to'lgim keladi.
Hamma narsa go'zal...Botartib biram,
Archangga yurakni ilgim keladi.

Qo'lingdan jaranglab tushadi qadah,
Sindi oshkor etib qayg'uli sirni.
Devorga bosh qo'yib tinglasan nogoh,
O'sha yigirma yil avvalgi she'rni:

"Yulduzlar porlagan shu osmon haqqi,
Ona zamin haqqi qasam ichaman:
Sen mening qalbimda bir uzing balqi
Istasang she'rimdan
men voz kechaman!.."

...Xayr!
Nigohlari qismatday qora...
Hamma narsa go'zal- dasturxon, bayram...
Men chiqib ketaman bo'ronlar aro
Kechalar boshimdan yog'ar oppoq g'am.

O'g'ling ma'yus tortar,
Savollar berar:
-Oyi, yig'laganday bo'ldi, ajabo?
Uzoq o'tirmadi qayerga borar,
Qopini qoldirib ketdi Qorbobo?..

Sovuq...Muz kechalar ayoz qo'ynida,
Ko'chalar chirog'i porlar- qahrabo.
Tentirab yuradi qor quyunida
Qayga borishini bilmas Qorbobo...

@sheriyatuz

Деворлардан чиқади совуқ,
Ҳеч исимас сенсиз қолган уй.
Ғойиблардан овозинг келсин,
Кел,қўлингни қўлларимга қўй.

Уй ичида изғийди шамол,
Жон қўярга тополмайман жой.
Ҳамма жавон, ҳамма қутилар,
Соғинчинга тўлган ҳойнаҳой.

Ушатилмай қотади нонлар,
Қўл урилмай совийди таом.
Шифтлар босиб қолмаса бўлди,
Нурамасам бўлди батамом.

Мўралайди эшиклар маюс,
Кўз юммайди кўзгулар нечун.
Ухласайдим...
Ухлай олсайдим,
Сен бор тушлар кўрмоқлик учун!

@Sheriyatuz

Bahor keldimi?
Gulladimi daraxtlar?
Qushlar sayradimi?

...Sen ketsang ham
shunday hol
ro'y berdimi
olamda?!!!

✍ Usmon Azim

@sheriyatuz

U dunyoga kelib, tashvishning
Orqasidan yelib-yugurdi.
Na so'ngiga yetoldi ishning,
Na dunyoni anglab ulgurdi.

Oxir bir kun,
Aqli to'lgach u,
O'z jonining qadriga yetdi.
Bor-ey, deya qo'l siltadi-yu,
Bu dunyoni tashladi-ketdi.

©Erkin Vohidov

@sheriyatuz

U dunyoga kelib, tashvishning
Orqasidan yelib-yugurdi.
Na so'ngiga yetoldi ishning,
Na dunyoni anglab ulgurdi.

Oxir bir kun,
Aqli to'lgach u,
O'z jonining qadriga yetdi.
Bor-ey, deya qo'l siltadi-yu,
Bu dunyoni tashladi-ketdi.

©Erkin Vohidov

@sheriyatuz

* * *
Qor guppillar... har qarich yerga
Mo'jizaning yetdi qadami.
Muzliklarda, mensizliklarda
Yuragingiz sovqotmadimi?!

Nigohingiz issiqmi hanuz,
Yax emasmi ko'ngil oynangiz.
Gulxan bo'lib yoqar qalbimni,
Yozilmagan o'tli nomangiz.

Mayli, menga qorxat jo'natmang,
Sovqotmaslik chorasin ko'ring.
Ishqning otash bag'ridan ketmang,
Sog'inchlarga o'ranib yuring.

Bir paytlar ko'nglimiz oq edi,
Bir paytlar yo'q edi g'amimiz.
Yodingizdan chiqdimi birga
Qorbobolar yasaganimiz?

Qor qo'ynida olovdek yondim,
Axir sizsiz yashab bo'lmaydi.
Ammo... afsus chin muhabbatni
Qorbobodek yasab bo'lmaydi.

✍Mehrinoz Abbosova

@sheriyatuz

КЕЧИНМАЛАР

Отасининг пешона тери эвазига топилган пулига ярим ялонғоч кийим кияётган, қиммат телефон олиб бўлмоғур қилиқлар қилиб ўзини суратга тушириб интернетга жойлаётган фарзандларга инсоф берсин.

Падаринггиз озиб, сиз семириб кетаётгганинггиз нимадан?

"Сарғайиш" нималигини биласизми?. . .

Ҳақиқатдан кўз юмманг. Жуда бўлмаса битта кўзингизни очиқ қолдиринг

Юракка ҳам қурт тушганини эшитганмисиз?. . .

Ёшлигимдан мени Онам уйғотарди. . . Энди Онамдан олдин Ҳаётнинг ўзи уйғотиб қўйяпти.

Ҳарфлар сўзлардан қудратли

✍ Маьруф Менгли
@sheriyatuz

MUHABBAT

Muhabbat — chiroyli kapalak,
qo`rqaman sho`rlikni tutgani.
Kapalak quvganim yonimda,
yodimda yo`q ammo yetganim.

Yuragim ranjigan boladay
na ermak, taskinga ko`nadi.
Muhabbat — chiroyli kapalak,
hali ham gullarga qo`nadi.

Ortidan halloslab chopaman,
xijolat bo`laman go`rlikdan —
qanchalik yugurmay, baribir
orqada qolardim sho`rlikdan.

✍️Shavkat Rahmon
@sheriyatuz

Yodingdami o'sha qor, do'stim?
Bultur ko'rgan edik sen bilan,
Nahot o'sha qor yana yog'ar?
#hokku @sheriyatuz

Yolg'izlik


U stol ustida yotgan qog'oz markaziga
qalam bilan nuqta qo'yarkan, dedi:
- Bechora, qanchalar yolg'iz u
qog'ozning qor bosgan dalalarida!..
So'ngra shosha pisha o'chirgich bilan
o'chirarkan nuqtani, o'ziga o'zi:
-Endi qorbo'ronda ko'rinmay ketdi -
dedi, qayg'u bilan chuqur xo'rsinib.
So'ng deraza ortida bo'ralab yog'ayotgan
Tung laylakqorga termuldi uzoq.

✍️ Xoldor Vulqon

@sheriyatuz

Она қишлоқ ёдимга тушди.
Унга киндик қоним тўкилган,
Мен йиғлайман йиллар ғамида.
#hokku @sheriyatuz

Қор кечади ялангюрак
Кўчалар қиш ― кетгунча.
Айтинг, неча умр керак
Биз манзилга етгунча?

Усмон Азим

http://xn--r1a.website/UsmonAzimijodi

ERKA KIYIK

Erka kiyik, maylimi bir erkalasam,
Majnun bo'lib sahrolarga yetalasam,
Bu dunyoda birday g'arib men ham, sen ham,
Erka kiyik, maylimi bir erkalasam?..

Sening ko'zing qora, mening ko'zim qora,
Sening bag'ring yara, mening bag'rim yara,
Bu dunyoda sen bechora, men bechora!..
Erka kiyik, maylimi bir erkalasam?..

Shamol emas, izing quvib yurdi kamon,
Sayyod mening kulbamni ham qildi vayron.
Sening joning , mening jonim — omonat jon,
Erka kiyik, maylimi bir erkalasam?..

Kel, yig'laymiz birgalashib yantoqlarga,
Sahrolarda qurimagan buloqlarga,
Ikkalamiz yaralganmiz qiynoqlarga,
Erka kiyik, maylimi bir erkalasam?..

Umrimizning barcha yo'li, so'qmog'i cho'g',
Cho'g'dan qo'rqma, beyuz qo'ygan qopqondan qo'rq.
Bu dunyoda senga do'st yo'q, menga do'st yo'q,
Erka kiyik, maylimi bir erkalasam?..

Soch oqardi, dildosh kutib ko'zim toldi,
Yuragimdan to'kilmay ne so'z qoldi,
Yo'l so'ngida, hech bo'lmasa o'lim oldi,
Erka kiyik, maylimi bir erkalasam?..

✍️ Muhammad Yusuf

@sheriyatuz

ГЎЗАЛ

Қоронғу кечада кўкка кўз тикиб,
Энг ёруғ юлдуздан сени сўраймен.
Ул юлдуз уялиб, бошини букиб,
Айтадир: мен уни тушда кўрамен.
Тушимда кўрамен - шунчалар гўзал,
Биздан-да гўзалдир, ойдан-да гўзал!

Кўзимни оламан ой чиққан ёққа,
Бошлайман ойдан-да сени сўрмоққа.
Ул-да айтадир: бир қизил яноққа
Учрадим тушимда, кўмилган оққа.
Оққа кўмилганда шунчалар гўзал,
Мендан-да гўзалдир, кундан-да гўзал!

Эрта тонг шамоли сочларин ёйиб,
Ёнимдан ўтганда сўраб кўрамен.
Айтадир: бир кўриб, йўлимдан озиб,
Тоғ ва тошлар ичра истаб юрамен!
Бир кўрдим мен уни - шунчалар гўзал,
Ойдан-да гўзалдир, кундан-да гўзал!

Ул кетгач, кун чиқар ёруғлик сочиб,
Ундан-да сўраймен сенинг тўғрингда.
Ул-да ўз ўтидан бекиниб, қочиб
Айтадир: бир кўрдим, тушдамас, ўнгда.
Мен ўнгда кўрганда шунчалар гўзал,
Ойдан-да гўзалдир, кундан-да гўзал!

Мен йўқсил на бўлиб уни суйибмен,
Унинг-чун ёнибмен, ёниб-куйибмен,
Бошимни зўр ишга бериб қўйибмен,
Мен суйиб... мен суйиб кимни суйибмен?
Мен суйган суюкли шунчалар гўзал,
Ойдан-да гўзалдир, кундан-да гўзал!

✍ ЧЎЛПОН

@sheriyatuz

U dunyoga kelib, tashvishning
Orqasidan yelib-yugurdi.
Na so'ngiga yetoldi ishning,
Na dunyoni anglab ulgurdi.

Oxir bir kun,
Aqli to'lgach u,
O'z jonining qadriga yetdi.
Bor-ey, deya qo'l siltadi-yu,
Bu dunyoni tashladi-ketdi.

©Erkin Vohidov

@sheriyatuz