"Дунёда мукаммал нарса йўқ. Ҳатто муҳаббат деб аталмиш олий туйғуда ҳам адолатсизлик бор. Ким кучли севса, ўша кўпроқ изтироб чекади."

✍ Ўткир Хошимов

@sheriyatuz

Kalishnoma

O, orqasi yirtilgan kalish!
Kiyilaverib maymayib, rangi o'ngib,
Oqshayib ketgan kalish...

Buncha og'zing katta bo'lmasa sening?
Yoki yig'layapsanmi ovozsiz, xo'ngrab?
Balki esnayotgandirsan
Kinnachi kabi?

Yoki kulayapsanmi mening ustimdan?

Kim biladi,
Balki,
Qo'shiq aytayotgandirsan
Bir paytlar og'zinga kirgan
Oyog'imni sog'inib, qo'msab...

✍️ Xoldor Vulqon

@sheriyatuz

Derazamning oldida bir tup,
O'rik oppoq bo'li gulladi...
Novdalarni bezab g'unchalar,
Tongda aytdi hayot otini
Va shabboda qurg'ur ilk sahar
Olib ketdi gulning totini.
Har bahor ham shunday o'tadi,
Qancha tirishsam ham ubeor
Yellar meni aldab ketadi.
Mayli deyman vaqilmayman g'ash,
Xayolimni gulga o'rayman,
Har bahorga chiqqanda yakkash,
Baxtim bormi deya so'rayman.
Yuzlarimni silab,siypalab,
Baxting bor deb esadi yellar,
Etgan kabi go'yo bir talab,
Baxting bor deb qushlar chiyillar.
Hamma narsa meni qarshilar,
Har bir kurtak menga so'ylar roz.
Men yurganda bog'larga to'lar
Faqat baxtni maqtagan ovoz:
"Mana senga olam olam gul,
Etaginga siqqanicha ol,
Bunda tole har narsada mo'l,
To o'lguncha shu o'lkada qol.
Umrida hech gul ko'rmay yig'lab,
O'tganlarning haqqi ham senda,
Har bahorni yig'lab qarshilab
Ketganlarning haqqi ham senda..."
Derazamning oldida bir tup
O'rik oppoq bo'lib gulladi...

✍️Hamid Olimjon
@sheriyatuz

Men sog’ingan sevinch ayyomi
Ostonada bahor — yangi yil.
Moviy osmon yana-da moviy

@sheriyatuz

Ramazon hayit ayyomi muborak bo‘lsin hammamizga yaxshilar.

@sheriyatuz

Ҳовлимизга жаннат бўйин таратган,
Саболарга ифор тутган, яйратган,
Кўкдан ойу офтобни ҳам қаратган,
Борлиғида малакларми ниҳонлар,
Ризвон экан онам эккан райҳонлар.

Капалаклар аримасди қошидан,
Боларилар кетолмасди бошидан,
Унганмиди онамнинг бардошидан,
Оҳ кафтдаги жаннат, дерди гирёнлар,
Эҳсон экан онам эккан райҳонлар.

Гарчи гул кўп бу оламда ифорли,
Қўл чўзсанг гар озорлигу, тиконли,
Тароватли, муслим каби иймонли,
Уни аршдан туширмишми посбонлар,
Жаҳон экан онам эккан райҳонлар.

Ҳар тонг туриб сийпарди гул юзларин,
Эркалаган она каби қизларин,
Сирдош билиб айтганми дард, сўзларин
Ўша чоғлар нени қилмиш баёнлар,
Достон экан онам эккан райҳонлар.

АЁН

Ўйлаб топмаганман бахт деган сўзни,
Демак, бахтсизлик ҳам менга оидмас.
Топиб бўлармиди босилган изни,
Кетган кетиб бўлди, қайтмаса қайтмас.

Мен туғилган пайтда бор эди орзу,
Армон ҳам тирикди анчадан буён.
Эски насиҳатни йиғиштир, дўстим,
Умр ўтиб бўлди, қолгани аён.

Толе ҳам тушмаган онам маҳрига,
У зотан бир шўрлик касга зормиди?
Ер чорлаб турганда қаро бағрига
Осмонга cапчишга бало бормиди?

Дунёни икки деб ёзмишлар тугал,
Недан бу борада энди хархаша –
Бириси фоний, лек жилваси гўзал,
Бири боқий, қайсар шунга яраша.

Бари шодликларга вақт бордир ҳали,
Бир куни раҳматлар чексиз ёғилар.
Ҳозир кетдик дилга малҳам қўйгали,
Кетдик, кутиб қолди бизни қайғулар!

Х. Хамидов

@sheriyatuz

Baxt kabi gulladi bog'imda bahor,
Janubdan quchog'i ilib qaytdi yel.
Hamma g'ashliklarni yengdim bu nahor,
Hamma eshiklarni ochib qo'ydim -
Kel!

Tumanni ko'tardim -
ko'chalar ravshan.
Hasan-u Husanga cho'lg'adim ko'kni...
Ko'zlarim toliqdi -
Nega kelmaysan?
Xudo xohlasa ham uchrashmoq yo'qmi?!..

✍️ Usmon Azim

@sheriyatuz

ФОЖИА
Келинг, яшамаймиз энди.
Яшаш чарчатди.
Бир бизми осмонни кўтариб турадиган,
Юлдузларни ёқадиган,
Шеърлар ёзадиган,
“Севаман” деб йиғлайдиган бир бизми?!

Келинг, яшамаймиз.
КУН КЎРАМИЗ энди.
Худо ургандай кун кўрамиз.

Хеч ким бу кунларни кўрмайди.
Бу кўнлар ҳам ҳеч кимни кўрмайди.
Биз эса кўриб ўтирамиз бу кунларни.

“Қандай кун кўраётганларини
Билмайди бу одамлар...”, деб
Йиғлаб ўтирамиз!..

✍ Усмон Азим

@sheriyatuz

#retro

Ozodbek Nazarbekov - Devona oshiqman.

@sheriyatuz
https://xn--r1a.website/joinchat/AAAAAD5sz0pDjeFn_IXLJg

Осмон чўкиб қолди бу оқшом,
Юлдуз бўлиб ёғилди бир сас.
Бир маҳалла нигоҳни кўрдим:
Яшаш керак, севиш шарт эмас.

Садоқатми? Кимга керак у?..
Беҳудадир кўз ёшинг сели.
Юлдуз бўлиб ёғилди бир сас:
У бегона. У энди келин...

Тўй — бу асли баджаҳл ота,
Бахтли бўлсин қизим дегани.
Уни сенга бермасман, бўтам,
Тирик экан кўзим, дегани.

Осмон чўкиб қолди бу оқшом,
Қонимда бир ғашлик ўрмалар.
Мен оловга отарман энди,
Юрагимни қийма-қиймалаб...

Ёқа ушлаб қолсин кўрганлар,
Оловларга отгум уни, бас.
Ёниб кетсин чирсиллаб қалбим,
Севиш керак... яшаш шарт эмас!

©Муҳаммад Юсуф

@sheriyatuz

Ajoyib havo !
Hamrohlar chiqdi yo`lga.
Men va Hayolim . . .

#hokku @sheriyatuz

АЁН

Ўйлаб топмаганман бахт деган сўзни,
Демак, бахтсизлик ҳам менга оидмас.
Топиб бўлармиди босилган изни,
Кетган кетиб бўлди, қайтмаса қайтмас.

Мен туғилган пайтда бор эди орзу,
Армон ҳам тирикди анчадан буён.
Эски насиҳатни йиғиштир, дўстим,
Умр ўтиб бўлди, қолгани аён.

Толе ҳам тушмаган онам маҳрига,
У зотан бир шўрлик касга зормиди?
Ер чорлаб турганда қаро бағрига
Осмонга cапчишга бало бормиди?

Дунёни икки деб ёзмишлар тугал,
Недан бу борада энди хархаша –
Бириси фоний, лек жилваси гўзал,
Бири боқий, қайсар шунга яраша.

Бари шодликларга вақт бордир ҳали,
Бир куни раҳматлар чексиз ёғилар.
Ҳозир кетдик дилга малҳам қўйгали,
Кетдик, кутиб қолди бизни қайғулар!

Х. Хамидов

@sheriyatuz

ERKA KIYIK

Erka kiyik, maylimi bir erkalasam,
Majnun bo'lib sahrolarga yetalasam,
Bu dunyoda birday g'arib men ham, sen ham,
Erka kiyik, maylimi bir erkalasam?..

Sening ko'zing qora, mening ko'zim qora,
Sening bag'ring yara, mening bag'rim yara,
Bu dunyoda sen bechora, men bechora!..
Erka kiyik, maylimi bir erkalasam?..

Shamol emas, izing quvib yurdi kamon,
Sayyod mening kulbamni ham qildi vayron.
Sening joning , mening jonim — omonat jon,
Erka kiyik, maylimi bir erkalasam?..

Kel, yig'laymiz birgalashib yantoqlarga,
Sahrolarda qurimagan buloqlarga,
Ikkalamiz yaralganmiz qiynoqlarga,
Erka kiyik, maylimi bir erkalasam?..

Umrimizning barcha yo'li, so'qmog'i cho'g',
Cho'g'dan qo'rqma, beyuz qo'ygan qopqondan qo'rq.
Bu dunyoda senga do'st yo'q, menga do'st yo'q,
Erka kiyik, maylimi bir erkalasam?..

Soch oqardi, dildosh kutib ko'zim toldi,
Yuragimdan to'kilmay ne so'z qoldi,
Yo'l so'ngida, hech bo'lmasa o'lim oldi,
Erka kiyik, maylimi bir erkalasam?..

✍️ Muhammad Yusuf

@sheriyatuz

Niyyat

Zulmatda chirildoq chirillagan on,
To‘lin oy porlasa paykalga qarab.
Yag‘ir do‘pping kiyib, yelkangda ketmon,
Dalalarda yursang yolg‘iz, suv tarab.

Sokin uvotlarda bo‘zraysa fonar,
Xudo yulduzlarni birma bir yoqsa.
Og‘zini lang ochib oydin dalalar,
Oyning qo‘rg‘oniga ag‘rayib boqsa.

Suvlar jildirasa, pushtalar to‘lib,
Ko‘rshapalak uchsa shodon, ovozsiz.
O‘ltirsang porlagan oyga termulib.
Oddiy suvchi bo‘lsang, bo‘lsang savodsiz.

Shiypon tamondagi so‘rida yotsang,
G‘ir – g‘ir esaversa tungi shabada.
Uyg‘onsang to‘rg‘aylar chuldirayotgan,
O‘z ona yurtingda, tongi dalada.

✍️ X.Vulqon
@sheriyatuz

O'tib ketgan o'quvchilik payti kelsa,
Yoshligimning sho'x qo'shig'in aytsa edi.
Bor-u yog'im berar edim shu bir kunga,
Bir kungina maktab davri qaytsa edi.

Chopar edim quvonch bilan maktab tomon,
Sinfdoshlar ayriliqning dardi yomon.
Diydorlashib o'tirardik, shirinzabon,
Bir kungina maktab davri qaytsa edi.

Tinglar edim ustozlarim saboqlarin,
Yechar edim yecholmagan jumboqlarim.
Partadoshim, jondan aziz o'rtoqlarim,
Bir kungina maktab davri qaytsa edi.

Ilk sevgimdan bugun ayro bo'lmas edim,
Hijronlarning quchog'ida qolmas edim.
Sinfdosh qiz, armonginam, ox sevgilim,
Bir kungina maktab davri qaytsa edi.

Partalarda o'tirmoqning gashti bo'lak,
Shaxti bo'lak, yurakdagi axti bo'lak.
Quvonchi-yu, qayg'usi-yu baxti bo'lak,
Bir kungina maktab davri qaytsa edi.

So'ngi onda qo'ng'iroqlar berdi sado,
Ko'zlarda yosh, qiyqiriqda yer-u samo.
Vaqt degani hech ham ortga qaytmas, ammo,
Bir kungina maktab davri qaytsa edi.

✍ Hamza Eshmurodov.

#muxlisminbari
@sheriyatuz

Сизга олинмаган гуллар хор бўлсин!
Сизга туташмаган тақдирни осай,
Соғинчдан тўкилган киприкларингиз,
Лабларимда териб, жонимга босай!

Асло, биз тасодиф учрашмас эдик,
Сизга фаришталар етаклар эди,
Қулт этиб ютинган азобларингиз,
Қақшаган руҳимни калтаклар эди!

Сувсаган шудгордек бағри ёрилиб,
Қалдирғочин кутар, мунғайган айвон,
Жасадлар учрашар, сиз айтган жойда,
Айрилиб бўлганмиз, биз аллақачон...

✍️ М. Ботиров.

@sheriyatuz

Сўнгги қўнғироқ ҳам чалинди мана —
Мактаб эшиклари ёпилар секин.
Ҳаёт деб аталмиш мактаб эшиги
Очилар лекин.
Ҳа, янги синовни қаршилар ҳамма,
Умрбод ўртагай ёшлик фироғи.
Сўнгги қўнғироқ деб атаманг асло,
У асли ҳаётнинг илк қўнғироғи.

Х. Хамидов

@sheriyatuz