لمرادي اقول ليو ما تضحك قدامي🙈
... ابتسمت ليو ومشيت
سمعتو قال لي : عايز أسألك ممكن؟!
وقفت انا واتلفت عليو وحركت راسي بمعنى ايوا 🙄
جاء قريب مني قال لي
*:الايام الفاتت ما كنتي ظاهره خالص ان شاءالله خير ؟!☺️
#رجعت البيت
*ما فهمت كيف رجعتي البيت ، دا ما بيتكم ؟!
#دا بيت خالتي ...انا ما اخت وعد وريل... بت خالتهم☺️
*مممممممم يعني ح ترجعي بيتكم تاني 🙄🤔
#ايوا بكره او بعدو ح ارجع ان شاءالله
*ما ح تجي قريب؟!
#ما معروف
*هو سكت مساااافه ونزل راسو قال لي طيب
..... يلا انا ما قدرت افهم كلمة طيب دي حالياً ودخلت سلمت ع الضيوف وهم بتكلمو مع وعد انها ح بقت في مقام بناتهم وكلام كتيييير
عمر دخل وقعد مقاصدني 💔
طول المسافه القعدناها مع الضيوف وهو بعاين لي
انا عامله نفسي ما مركزه خالص
ويدي باردات شديييد بالجد...
بقيت بتكلم بيني وبين نفسي اجي يا فدوى مالك ما يكون هبوط ... يحليلك يا معدتي ظلمتك الليله كتير ...خلاص اول من الضيوف يمشو ح امشي اكل وابتسمت براي
لمن رفعت راسي لقيت عمر مبتسم معاي ☺️
الولد دا مالو عايذ يجلطني.... مالو بتبسم براو غايتو كلهم مجانين وما عندهم عقل بري منهم
نزلت راسي وقمنا انا والبنات رجعنا البيت
مروه قرصتني وغمزت لي😉
قلت ليها مالك بسم الله😳
قعدت تضحك هي وقالت لي ماف حاجه بتفوت علي ياختي وهسي ما وقت الكلام خلي بعد الضيوف يمشو 😂😂😂
....... ....... .......
يلا خلاص الزغاريت ملت البيت
واهل احمد جو يباركو لخالتو هويده.... وخيلاني والبقيه.... ودعناهم ومشو كلهم حتى امي وابوي
فضلنا انا ومروه مع البنات
هويده خالتي قالت لينا تمشو هسي تنضفو مكان الضيوف عند ناس خالتو سهام
مشينا انا وريل ومروه
خالتو سهام مصدعه قالت ح تطلع الغرفه ترتاح والبيت بيتكم اخدو راحتكم يا بناتي 😘💚
يلا نرتب في الجوطه الحاصله في بيتم وجاء علوش يساعدنا لكن مساعدتو بلسانو وونستو عسسسسل ياخ😂
مروه رفعت لي حواجبها
قلت ليها مالك
تااااني رفعتهم لي نظام اتلفتي وراك
اتلفت لقيت عمر واقف جنب الباب لمن شافني شفتو
اتلبش قال لي معليش لكن ما تتعبو نفسكم خلو لبكره ح تجي البت تنضفو ☺️
قلت ليو ما مشكله
هو ابتسم وفات
يلا ريل تتونس مع علي قالت ليو انت اختك الصغيره وين مش كانت قاعده قبل يومين؟!
قال ليها سفرناها لاختي لدن تقعد معاها فتره وترجع قالت زهجت هنا🌝
انا كنت شايله الكبابي اوديهم المطبخ ولمن سمعتو قلت لنفسي يا حليلك يا فدوى لمن تزهجي بتمشي تاكلي زياده ما وصلت لدرجة اسافر وحتى لو سافرت بمشي مدني لجدي الله يديو العافية 💚 .... غايتو نكبر ونشوف محن😂😂💔
وما ركزت اني جوا المطبخ الا لمن سمعت عمر يضحك قال لي نفسسسي اعرفك بتتكلمي براك ليه وبتقولي شنو 😂😂
في الأول اتجمدت في مكاني لكن قلت عايذ يتظارف دا ح اتمها ليو
عاينت ليو ورفعت حاجب ومنزله حاجب وغزيت يدي في نصي
قلت ليو بتاع شمارات يا اللخو وريح بالك لانك لو باريتني ح تجن 🤣😌 يلا 🚶‍♀🚶‍♀
هو قال لي *دقيقه
#مالك انجز يا ولدي وراي شغل ولسه ماشين ننضف في البيت هناك ونرتب مطبخنا ونريح نفسنا شويه وونسه مع مروه لاني في حاجات كتيييره ما حكيتها ليها و
*هو قاطعني بضحكه😂
قلت ليو مالك 😅
قال لي بتحكي اي حاجه في وقت واحد واضحه شديد
#اها سمح يلا احكي
*ماف حاجه عايذ اقول ليك طالعه حلوه شديد ماشاءالله لكن🌝
#تسلم من ذوقك لكن شنو🙄
..... قرب علي وقال لي الشعر الحلو دا مش احسن لو كان فيو طرحه ؟!☺️☺️☺️
لمن قال لي كدا حسيت بحاجه غريبه شديد وما قدرت ارد ليك
وبعدت منو وسرعه طلعت من المطبخ
قلت ليهم يلا نمشي خلاص خلصنا صح اطلعو يلا
مروه قالت لي مالك مستعجله اصبري شويه
قلت ليها ماف حاجه تاني صح ارح يلا
متوتره شديد انا وطلعت خليتم وراي ما عارفاهم لحقوني كيف
لقيت نفسنا في البيت
مروه عاينت لي ساااااي ما قالت اي حاجه
......... ......... .......
خلاص رتبنا امورنا وريل مسكت تلفونها.... وعد مع احمد كالعاده.... خالتي وخلودي نامو..... مروه نادتني في الهول وقالت لي يلا احكي سامعاك 😌😌😌👍
حكيت ليها كلللل حاجه ما خليت حاجه لحد ااااخر كلمه قالها عمر
يلا مروه بقت عامله كدا😳
قلت ليها مالك
قالت لي انتي كويسه ؟! بقت تلمس في راسي قالت لي ما تكوني محمومه 😳
*شديييييده ما علي عوجه ، مالك احكي
#احب اطمنك انك وقعتي في الحب مع انو زمنك دا كلوووووو بتنتقدي فينا😂😂😂😂
في الاول انا طلعت كلامها غلط واني ما بحب ومستحيل وووو

لكن بليل خاته راسي في المخدة جات صورة عمر في بالي 💔💚
تلفوني اتصل ولقيت انو الرقم دا اتصل لي بيو علي لكن نسيت انر رقم عمر 💔رديت طوالي قلت ليو المصحيك شنو لسه يا الفالح ؟!
قال لي معاي انتي؟!
هنا يادووووب اتذكرت انو الرقم بتاع عمر ، ما عرفت اقول شنو وكلامي ما مرتب ، قلت ليو علي اتصل قبيل وافتكرتك هو وبس يعني😳✋
قعد يضحك قال لي
* عارف عارف لانو قال م معاو رصيد عايذ يتصل عليك انتي
#وانت متصل ليه طيب ؟!😒
*عايذ أتأكد من

..... بعدها وقف العربيه جنب مدرستي بتاعت الثانوي وقال لي
#دي المدرسه قضيتي فيها ايام حلوه واتعرفتي ع ناس جداد وكالعاده مميزه ،، نجي لمشكلتك انك كنتي ما بتحبي الكيمياء خالص واغلب الحصص بتطلعي تمشي البوفيه لحد تخلص الحصه وعشان ما تكون عندك عقده منها جابو ليك استاذه في البيت درستك ليها واتوفقتي واتفوقتي في الشهاده الثانويه وكنتي شايله احياء وطموحك طب اسنان ووصلتي ليو 💕💚💕
...... انا عاينت ليو ودموعي في طرف عيني لاني خوفت ع نفسي من السعاده دي
.... هو واصل كلامو #انتي تستاهلس السعاده وطول ما ربنا معاك ماف زول ح يقدر يكسرك ويخذلك خالص ، كل الطالبو منك انا انك تعيشي اللحظه وما تفكري في حاجه تعكر مزاجك☺️
..... *الولد دا حسيت بيو دخل عقلي وعرفني بفكر في شنو 💔
قلت ليو بالجد ما عندي رد غير اني مبسووووطه وربنا يخليك رجعت بي سنين بعيده💚
.....#هو ابتسم وياااا حلاة الابتسامه🙈 ورد لي انتي عارفه يا فدو انك طيبه وحساسه شديد بالرغم من قسوتك معاي لكن قلبي بقول لي انها بت رقيقه وما بتقصد تجرحك وترد ليك كدا ☺️
......*عمر تتذكر في المكالمه قلت ليك معليش ؟! يلا معليش لمعاملتي معاك
.....#انا فاهمك والله وما بينا معليشات يا شافعتي😂😂😝
.....*اهاااا رجعنا للكلمه دي تاني 😒🌝.
....#الزمن مشى وانا ضحيت بيوم شغلي عشانك فلعشان كدا ح اوصلك شارع بيتكم زي ما انتي عايذه لكن فاضل اخر مشوار☺️🙊
....*اي صح ، وطبعا ما ح اسألك ماشين وين 😂✋
.....#فالحه
........ ........ ......
اخر مشوار كان بيت مروه قال لي #دا بيت صحبتك مروه البتحبيها شديييييد ،، كان اخر مشوار عشان تفهمي انها الساعدتني اعرف كل حاجه عنك وكل الفكره فكرتها ،، بالجد البت دي ابقي عليها عشره
*يااااا الله💚 والله باقيه عليها الف ومستحيل اخسرها ومع كدا اتصبر لي الكلبه بقت صحبتك وحكت لية كل حاجه😂😂
#لانها عايذه مصلحتك
*اكيييييد
#اخر مشوار رايك شنو نمشي ليو 😂
*عمر يا مجنون كفايه لحد هنا واصلا الوقت اتاخر يلا وصلنا
#من عيوني
....... ....... .......
لمن وصلت شارع بيتنا عمر راجع راسو ع الكرسي ورفع عيونو فوق ظاهر انو مستااااء💔 وقال
#اتمنيت انو اليوم ما يخلص لانك تاني ح تطولي وما معروف اشوفك متين لكن وصيتي ليك خلي بالك من نفسك شديد 💚
*تسلم ع اليوم الحلو دا ، وان شاءالله ح اخلي بالي من نفسي شديد ،وانت كمان ☺️
....... فتحت باب العربيه وكنت نازله لكن هو وقفني قال لي۔۔۔۔۔

#روایتي
بقلم فادية محمد
-١٤-
شايفاو بتكلم ويضحك معاها قربت اخنقو😭💔
بس بعاين ليو لحد خلص مكالمتو وجاء راجع ... انا عملت نفسي عاديه وابتسمت☺️
هو دور العربيه وما قال لي حاجه غير انو دي وفاق بتسأل من حاجه في الشغل ...واصل كلامو ونستو عادي
وانا عاديه لحد جينا مارين بمطعم قال لي ننزل ؟!
*ننزل نعمل شنو ما جعانه ولسه الوقت بدري تلقى الموظفين ما جو من بيوتم
#هههههه مرات بتفهمي
*اي
#طيب ايسكريم عارفك بتحبيو
*م عايذه
#دا كلو لانك ماشه الجامعه يعني😂
*اي
..... جاتني مكالمه من مروه صحبتي
#فدووشاتي يسعد صباحك
*وصباحك يا قلبي
#اسمعيني انا ماشه مكتبه اشتري حاجات ناقصني ، وح اجي الجامعه
*طيب انا ح اجيك اصلا م بعيده من الجامعه
(عمر بعاين لي ،، وانا قاصده امشي لمروه لانو بطني طمت بعد مكالمة وفاق) 💔
#كيف تجي مش عمر معاك🙄
*اي لكن ح اجيك
#ما تتعاوري ،، لمن نتلاقى في الجامعه ح نتفاهم

عمر ساكت ساااااي نهائي م قال حاجه .... انتظرني لحد خلصت مكالمتي ... وقف العربيه واتلفت علي ... انا مدنقره راسي لاني عارفاو عايذ يتكلم ما دام وقف العربيه بالطريقه دي 🌝
#ممكن توضحي لي مالك ؟!
*ماف شي
#لا في ياستي ومن قبيل ملاحظ ليك لكن قلت اشوف نهايتك ... بس شايفك مواصله
*انا لمن قال ماف حاجه معناه ماف حاجه☺️
#فدو الدنيا صباح ، والليله بداية سميستر جديد ما عايذ اخرب عليك يومك ، المختصر احكي
*دقيقه ليه بتتكلم معاي كدا
#شوفي انتي بتعملي في شنو ، انا من الصباح منتظرك جنب بيتكم عشان اوصلك بنفسي لكن انتي ما بتقدري اي حاجه
*انا ما بقدر ؟؟؟!!!!
#اااااي ،، مفتكره اني بحب اشوفك متضايقه يعني ... وم عايذ ابدا من الاول واثبت ليك مكانتك عندي لكن دا كلووو ما داخل ليك راسك
*طيب ريح نفسك بس ما مجبور تعمل حاجه عشاني
...... ما عرفت انا قلت كدا كيف وليه😳 انصدم هو من ردي وزعل شديييييييد وما قال اي حاجه لحد وصلني الجامعه هو ساكت
انا حسيت نفسي سخيفه ،، الاتنين ساكتين وشكلو هو منتظرني انزل من العربيه لانو بعاين لساعتو 😅💔
انا قلت ليو *عمر🙄
#نعم (بتكشيره وما متلفت علي)💔
*معليش
#زمن المحاضره جاء ، وياريت ما تتكلمي معاي هسي عشان م اقول حاجه تزعلك مني ✋
...... انا عاينت ليو مساااافه ونزلت من العربيه ،، هو طوالي فحط فاااات😔😔💔
وقفت في مكاني مساااافه لحد جو بنات سلمو علي ودخلت معاهم الجامعه
وانتو عارفين سلام اول يوم وكمية الناس الطولت منهم
اتصلت علي مروه قالت لي انا وصلت ومنتظراك في البيتشات حقننا (طبعا انا وهي عندنا بيتشات معروفااات مسجلين اسمنا فيهم😂😂) .... انا طوااالي استعجلت ومشيت ليها من شفتها قعدت ابكي ليها
#من جيتيتي تبكي كدا معناه عملتي مصيبه 😒
*زعلتو 😭😭
#وناويه تعقلي متين ؟!
*ياخ م عارفه طلع كيف مني الكلام 😭
#احكي كدي
...... حكيت ليها كل شي 💔
#بتباااالغي يا فدوى دا كلام شنو القلتي دا 😳
*بسبب مكالمة وفاق💔😔
#انتي غلطاااااانه اذا بسبب وفاق ولاغيرها ... ياخ انتي عندك نعمه والولد دا ما مقصر معاك ... معاملتو ليك زي بتو عديل ... لكن انتي بحركاتك دي ح تخليو يبعد ... احمدي ربك انو ما عندك غيرو
*طيب اعمل شنو انا
#بتعرفي شركتو وين صح ؟!
*عايذاني امشي ليو يا الفالحه
#اي تشتري هديه وتمشي ليو ،، لو شافك قدامو ما ح يزعل ،، ع الاقل يوم واحد اعملي حاجه عشانو
*بررررري دي خفه ولفه مني
#اقعدي اتعاوري كدا
ارح المحاضره بدت
..... ....... ......
المحاضرات كلها وانا بفكر في كلام مروه لحد قررت اني امشي
المهم اليوم خلص ومشينا انا ومروه اشترينا هديه ليو ساعه بتاعت جلد ومعاها عطر 💚
مروه توصي فيني سااااااااي😂😂😂 وفاتت مني
انا م اتصلت ليو هو لكن اتصلت ع علوش قلت ليو اعرف عمر في المكتب ولا طلع
قال لي في المكتب
طواااالي مشيت ليو وحاسه نفسي ماشه في شوك متوتره شديد ياخ
سألتهم من مکتبو ووصفو لي
لحسن حظي کان فاضي ما عندو اجتماعً
م دقیت الباب نظام مفاجأه وکدا
تووووشک دخلت وکانت الصدمه😳🥺💔

#دموع_المطر
بقلم منيبة احمد
-١-
مر بيوم ممطر حصل معاي واحدمن المواقف الغياظة والمحرجة. كنت حزينه لدرجة وجي إعصار هائج وتراب احمر فظيع غطى السماء وأنا وأي شي حولي  احترتا ح اصل البيت كيف😭 وكل م أتذكر الاحراج اتغاظ زيادة.. بعدين قلت اها احسن انا م ببكي وما بعرف كيف ابكي وإذا بالصدفه بكيت مافي زول ح يعرف اني ببكي🙄🙄 ورحت ضرباتها كدا وسرحت لحدي لما طقشت حاجه صغيرة  يمكن طولها يحصل ركبتي.. وعشان الجو ما في طريقه اتعرف عليها الا بحاسه اللمس..
القاهو طفل صغير... 😇
اول حاجة قالها لما ابتسمت( مام)  كانو عرف اني ما ح خليهو برا.. في الجو الفظيع.. لا والله فظيع وصف بسيط.. بالجد كان إعصار زي ألفي افلام الرعب والقصص..
والجو ماشي لاسوء...
وبدأ رزاز المطر يتساقط...
الباقي بتعرفوه في الحكايه
#جوهان #دا البطل الأساسي وكل القصة قايمه عليهو هو الملهم للفكرة م عارفه لي اخترت ليهو اسم جوهان..
بس حسي الصغير الحقيقي قاعد في الواقع عمر اربع سنوات وكبر في القصه وسطرت مستقبلو بين الوريقات في وهلة من.. م عارفه اسميها شنو بس أول م خلصت القصه لقيتو بالصدفه مرة في الشارع بلعب مع احمد..😺
قلت جو نفسي ابشر إذا رحمه صغيرة صنعت مستقبل لاباس به.. ما بالك ي صغيري برحمة الإله عش والعب بأمان ستنمو برفق طالما عين العطوف تحيطك لا أدري لما يمتلكني الفضول لمعرفة مستقبل ذلك الطفل إلى الآن...وتاني القصه بتحكي عن اسرتو الخيالية.. وأصحابو اتخصصت في الطفل الموشوطن البحب الأجواء المخيف والاغبرة... بعدين جبت بنوته ظريفة سميتها أنجلينا...
🌧️🌧️#دموع المطر#✨🌧️🌧️
(هناك في الجنوب نبكي على مدار السنة.. سوى بضعة أشهر.. البكاء كثير بالنسبة لي و بالنسبة للسماء...)
كان عصارا ثائرا ليشتت ويبعثر أوراق حياتي؟! ولكنه أعاد ترتيبها بمرور الدهر كما لم تترتب من قبل.
كنت في سن الرابعه عندما داهم ذلك التيار محيطي أركض لاختبئ من الإغبرة والأتربة عكس ما يفعله أترابي يتسابقون للخارج لينعمو بماء المطر..
فتاة يافعة تسير في الشارع المقابل كالطيف الساكن..وسط احتفاء المارة في هذا الطقس في عينها حزن خفي ومبهم.. اصطدمت بأحمد هو صغير في مثل سني يفضل التواجد في الطرقات على المكوث في المنزل.. صار الغبار ضبابا سألته بحنو:أين بيتك ي فتى؟
تكلم بعد إلحاح فهو لم يرد مغادرة المكان رغم تشبسه بالحائط لا أدري لما يعشق مثل هذا الجو المخيف منذ الصغر
_هذا هو... أشار إلى منزلي في نفس الحين خرجت أخته رأتها الفتاة فوجهت حديثها اليها:
_خذي أخاك إلى الداخل سيمرض أن بقى أكثر فانطلقت تحمله وهو يقاوم إلى أن دخلت به.
أما أنا فلم استطع ان امنع شغفي الطفولي رغم خوفي من الطقس أن أركض إليها أشد ثيابها من الخلف احثها على الالتفات إلى..
ناظرتني بأعين حنينه أتضحت لي كشمس أول النهار رغم ظلام المحيط حولنا رأت يداي الممتدة تريد مصافحتها ضحكت اقتربت ثم قبلتني على وجنتي تارة في اليمنى وأخرى في اليسرى وجهها البشوش يحيطني.. لقد حظيت بأكثر مما أردت قالت جمله حسبتها خافته لا أعتقد بأنني أدركته ولكن محيطي فعل وانتقل بالبشارة إلى قدري ✨
أهي بركة المطر حقا🌧️🌧️
قالت:ببركة الدعاء عند المطر اتمنى أن يهديك الله إلى الطريق المستقيم.
لست مسلما ولن يخفى على من يراني من الوهلة الأولى ذلك فأنا أنتمي إلى قطاع جنوب السودان حيث الأمطار حقا والكنائس وشئ اخريحفه السواد الذي بات يؤانسنا فنحن أيضا ذوي بشرة سوداء لا يزعجنا هذا اللون بتاتاً
اختفى طيفها الذي خفت أن يبتلعه الإعصار لقد خاض في غماره.. ماذا أن سار بها، ركضت بعد تلك القبل والمعنويات إلى الباب أشاهدها.. لقد راحت إلى أين لا أدري ولكني أغلقت الباب بسرعه عندما شاهدت الإعصار يقترب من منزلنا..