#ديسباسيتو
-٢١-

الصباح انصاف مشت المستشفي ...
لاقت رضوان وقعدو في مكتبو يتكلمو..
رضوان : اها احكي
انصاف : طبعآ ترتيل حامل
رفع حواجبو لفوق وطلع نظارتو ..وقال : واصلي
انصاف : في ود من اولاد المسؤلين ديل اغتصبها بعد شربها مخدر..
رضوان : يعقد عليها بس ..وراسو فوق رقبتو
انصاف : ماهو مصور الحادثه..وقال حينشر المقاطع..
- طيب ي انصاف..انتي حضرتي المقطع ؟؟
لالا م حضرتو

-طيب ترتيل شافتو
هزت راسها بمعني لا
- طيب ي دكتورة.انتي شن عرفك انو كلامو دا صح ؟؟؟ يمكن هو ببتذاكم بدون ماده !!!

انصاف : عشان كده انا جيتك...انا شاكه انو ما لمسها ي رضوان..والخلاني اتأكد حكاية الورم الحليمي الأصاب ترتيل..

رضوان اخد ليهو تصفيرة ..وقال : الموضوع دا عاوز كباية جبنه ..

*

ف الجامعه وجن انضمت للقروب..الكل كان خايف انو يحصل ليها زي صحبتها..بس ي ربي اخوها درع ليها ولة براءتها دي ؟؟
حنان : م عارفه لكن انا فقدته تويتي ياخ
اروي : بعد الكلام النشرتو في حسابها "!

حنان : لكن ي جماعه في حاجه محيراني..ترتيل م قالت عندها فيس .وحتي لو كده ..يستحيييل تقول عننا اننا ناس متكبرييين وانها كسرت شوكتنا واننا بننفذ ليها اي حاجه..وخصوصآ موضوع الاغنيه هي الأمرتنا نغنيها !!انا شاكه انها قالت كده !
شوقي : انتي قاصده شنو ي حنان!

احمد : البت حبابه..ودخلت القروب دا لانو نحن شوفنه شخصيتها فريده
فعادي ممكن يكون عندها اعداء
كريم : ساح..وعادي ممكن زول يسرق حساب حق زول تاني

احمد : باااس..احتمال تهكير..واحتمال يكون اصلآ انتحال شخصية
مدريدي : بطلو السيرة دي عشان م اخلي ليكم الشششجرة زفت الطين دي!

حنان : هوي هوي..ابرود واستكيين وم تخاف ..انا زاتي ماششه يلا

اروي : سوقيني معاك
احمد زاتو قام و وراهو باقي الشباب
فضلو محمد و وليد و وجن
وليد : القروب شكلو حيتدمر بالطريقه دي

محمد سكت وم رده..كلامهم كان بغلي من جواهو..وخايف من حاجه واحده ..انو يكون ظلمني.. ..
وجن كانت ساكته بطريقه تحير..خلتني اشششك انا فله دي انها عاوزه تنتقم لي صحبتها..والله اعلم
****

اثناء ما رضوان قاعد مع انصاف..جات د.وداد داخله
رضوان عرف بيها انصاف : دي انصاف اخت اشرف زوج رشا
ودي وداد خطيبتي
العبارة دي خنقت انصاف لدرجة..بس اتماسكت وسلمت عليها..
وداد : داخله عمليه متضطرة استئذن...
قالو ليها بالتوفيق وطلعت
قالت ليهو ماشاء الله..خطيبتك مزه..!
رضوان : ايون ..وشديد كمان..ممكن تتصلي عليها لازم تجي افحصها..؟؟

ظهر في وشها الضيق من الرد بتاعو..بس قالت ليهو : جدآ..اتصلت علي
وفعلآ ..نص ساعه بالكتير وكنت معاهم
فحص لي وزي م كنا متوقعين...الحمد لله ماف زول لمسني وانو دا م حمل ولا حاجه ..انصاف حضنتني وقعدنا نبكيي وبس شغاله لي : سامحينا ي ترتيل..سامحي امي ي تريتل ..سامحيهم هم م عارفين
وانا بس شغاله احمد ربي .
****
كعملية صغيرة مدتها 34دقيقه كده او اكتر . شال خذعه من الاورام عشان يتأكد من انها الياف ما شي تاني..زي الورم الخبيث حمانا الله

قعدنا راجين النتيجه وكان معانا رضوان بنتونس ..وكالعاده..تلفوني ضرب..نفسي اعرف ليي لمن اكون بنتظر النتيجه ف المستشفي بتحصل حاجه تخليني م استلمها..دا الغدر ولة دي حساده من( فله) م عارفه ههههع
لقيتها دي عمتي..قالت لي وين انتي ؟؟

قلت ليها مع انصاف..
قالت لي اسي تجو البيت
قلت ليها حاضر..
قفلت منها ومعطته سير الدرب
انصاف : مالك في شنو ؟؟

قلت ليها دي عمتو قالت نجو البيت سريع م معروف في شنو ..
قالت لي والعمليه !! انتي م بتقدري تمشي
خلي انا بتصل عليها بفهمها ..

رضوان : كلام انصاف صح..انتي م ممكن تتحركي وعامله عملية فتح بطن...
قلت ليهم انا المريت بيهو اكعب من اني اطلع وانا عامله عمليه..و واصلت : ثم تانيآ .عادي البنجبو قيصريآ بتمشو في نفس اليوم..يعني ماف خطر..شلته شنطتي وقلت لي انصاف انا بتقدم..
قالت لي رضوان يستلم النتيجه ويكلمنا بالتلفون..
وياهو اتحركنا..
طبعآ الفرحه الحاسه بيها ما ليها حدود..
معناها مدريدي كان عاوز يديني قرصة اضان ..
الحمد لله ..الحمد لله..والله السعاده الحاسه بيها م قادرة اوصفها ..

ونحن ف الركشه كنت ماسكه يد انصاف وبس كنت بدعي وبحمد ربي ع النعمه دي..والله ولا حاسه بي وجعة العمليه من الفرح..طوالي نشطته نت وغيرتة حالتي بي الحمد الله الذي برئني ...طبعآ جاتني كمية رسايل م فتحتها..بس اتأكدته انو الريكورد اتسلم لكل المرسل ليهم...
وصلنا الحي..ونزلنا من الركشه #ببطء
ونحن داخلين ع البيت انصاف كانت سانداني و قالت لي : شوفتي آخرة الدعوة والتمسك بي ربنا..عايني ربنا طلع براءتك..قلت ليها الحمد لله وابتسمته
..واصلت : ومدريدي زفت الطين دا انا بأدبو ليك وبخليهو يجيك راكع لي كرعينك يستسمحك..وقتها انتي ادفقي فيهو مديدة دخن عدييييل بدل العصير..وقدام كل ناس البيت ..من فرح زفت الطين لي كونستنتين..

طوالي ضحكته وم اتكلمته..م عارفه بس حاسه بي وجعة قلب

كده عجيييبه ..
دخلنا البيت

#ديسباسيتو
-٢٥-

#The_End_One#

#خياليه100%😍

#fulla_Ali

وبرجع بقول...ما مشكله انو البطل يموت في نهاية الرواية م دام عاش في فصولها بشرف..لكن هنا غير ..نحن بطلتنا من يوم اتولدت وهي بتتهان وتتزلة..معقققوله تمشش كده بالبساطه دي !!!!؟ معقوله دي قسمتها كده في الحياة دي !!
م معروف..

**** رضوان لمن شاف الخط استقام...ضرب علي قلبي بقوة وزحه وهو ببكي لانو خلاص فقدني
امي رجعت تاني وقالت لي : بعد دا لازم تصحي
غمضته عيوني شدييييد..وفتحتهم لقيت نفسي محاطة بالأجهزه..ورضوان دا خاتي يدو في راسو و وببكي
الممرضه : المريضه صحت ي دكتور رضوان !!!

رفع راسو #ببطء ...وعاين لي..
ترتيل !!! انتي صحيتي بالجد !!
صحيتي آخيرآ !!!
كان عاوز يطييير من الفرح..
حرام عليك يخ شيبتي راسي
قلت ليهو بتعب : الحصل شنو ؟؟؟؟وانا وييين !!!
رضوان : لحظة اول ابشر خطيبتي ومرتي انصاف
عاينته ليهو بأستغراب..قال لي وهو بتبظ التلفون : اي اي..اتخطبنا وعرسنا حددناهو بعد انتي تصحي ي زفت الطييين زي م انتي بتقولي..
فرحته ليهم بالجد..وخمسة دقايق المستشفي اتملت
ما كنت قايله البحبوني كتاار كده !!
وجو خيلاني علي وتوفيق وخالتي نوال..اتعرفت علييهم وفرحته بيهم كتييير
حتي ناس حنان واروي وكريم وشوقي واحمد و وليد كانو حاضرين
علب الحلاوة والشوكولاتات تطاقش..
سلمو علي وخلوني ارتاح..مع انو انا بس عاوزه اطلع..عاوزه امششششي برجولي شوية .اربعه شهور راقده انا !!!الحمد لله اتعالجته من الكانسر وما تشوفو شر ي رب
****
القضيه حقتي اتقفلت وابوي طلع....سمعته بالعملتو لي وجن والله انا لي اللحظه ما مصدقه انو وجن تعمل كده ! ونهائي م حأصدق !
اما ابوي من الخجل ما قادر يعاين ف وشي زاتو..يوم الخرجوني من المستشفئ
كنت قاعده في الغرفه جا ابوي وكان ماسك مجاهد ف يدو..ياخ كنت مششتاقه ليهو شوق !!
شلتو وسلمته عليهو
مجاهد : انتي لي نومتي كتيييير كده اا توتة !!
قلت ليهو كنت عاوزه ارتاح عشان انا تعبانه
قال : امممم واسي التعب فات !!؟
قلت ليهو ايون فات
عاين لي ابوي وقال ليهو : خلاص اابابا خلينا نمششو ..انا وانت وتوتة وماما

عاينته لي ابوي ولقيتو بدمع..قلت لي مجاهد امشي شوف فرح بتناديك
قام نزل من كرعيني وجرا برة..
ابوي : معالي اتوفت ي ترتيل...ضربتها عربية وماتت هي وبتها اللفي بطنها ..وربنا ستر مجاهد اخوك اتنفض بعيد من العربيه..
استغفرته ربي واتشهودته..صح هي ما عندها اي جانب مشرق معاي ...بس برضو اتآثرتة لموتها..خصوصآ انو البت الكانت حامل بيها ماتت برضو..ربنا يرحمها ويغفر ليها
*

علاقتي بي ابوي رجعت زي الاول واحسن كمان.
كنت عاوزه ارجع معاهو واواصل دراستي في شندي بس عمتي رفضت..ولغاية زعلت كمان
حضر عرس انصاف وسافر خلاني...انصاف سكنوها ممع مني ام رضوان..اصلآ البيت كبير وهي عندها اتنين..رشا ورضوان بس..

وبعد كم شهر ابوي اتزوج ..ونتيجة لاقناعي ليهو اتزوج معزه اخت معالي..ماشاء الله مافي علاقة بين معزه واختها..معزه طيبة لدرجة انتظر وتآمل الموقف..ياما زمان كانت بتعطف علي وبتحميني من بطش اختها ...طبعآ زي م انتو عارفين انها م اتزوجت ..ولانو ربنا كريم قسمتها جاتها ورا
سبحان الله..قبل كده اختها عيرتها بي انها لسع م اتزوجت وانها حتي لو اتزوجت ما حتلد عيال..اسي ربنا عوضها بي 3 اولاد..وبعد عرسها حملت طوالي..
...

انا رجعت قريت السمستر الاول من البدايه لأني جمدته السنه وكده..وياهو امجد كان معاي في نفس الدفعه..

قروب ديسباسيتو اتفركشش
والشجرة زاتها قعدت تحتها خاله بتظبت شاي زي العجب وبتعمل #شيريا تقول ي ليل

***
مرت تلاته سنين ..وانا زاتي كنت ف السنه التالته طوالي يعني توب سنير ..

طبعآ ناس ديسباسيتو اتخرجو..محمد اخبارو انقطعت في أسبانيا لكن هم كنت متواصله معاهم ..اصلآ نحن دراستنا خمسه سنه وياهو انا جمدته سنه كامله وهم كانو سنايرتي..عشان كده فاتوني والحمد لله اسي فاضل لي سنتين واخلص
في مرة من المرات محاضرتنا لسع م بدت ...كنت بتونس مع امجد وملفته عليهو
فجآة القاعه صنت..وسمعته صوت طقطقه..امجد كان برفع لي في حواجبو .لزوم الدكتور جا وكده..
قبل م اعاين اشوف منو قال لي : انتي ما في نادي ولا في قهوة عشان تقعدي تتونسي لي و كمان مع زميلك!!
بغض النظر عن الصوت المآلوف لكن اتذكرتة قبل تلاته سنه وقت قلت الكلام دا لي محمد ..
التفته لقيتو فعلآ دا

#مدريدي_زفت_الطين

ييييك .تلاته سنه ما شوفتو
آخر مرة شوفتو فيها لمن طلعته من الشقه حقتو في اليوم الشوم داك...

قال لي اطلعي برة
قلت ليهو بس انا ما غلطته معاك في شي.ولا قللته من احترامك ...صح كنت بتونس بس ما في وجود حضرتك..واظن دا من حقي كطالبه اني اتونس
قال لي كلامي واضح..اطلعي برة
غايتو اتششاكلته معاهو شكله لي رب السما ..لغاية
رفعني للعميد
كان بعاملني بقسوة كأنو م كان بعرفني..قال لي : لي اسي ما خليتي قوة راسك دي !!؟
قلت ليهو : انت خليت غرورك وعنادك ؟؟

سكت خلاني وطلع..العميد قال لي

من خطر بي ورانا زي مدريدي زفت الطين...
المهم

قبل م انسي..الرصيد الكان بجي لي ترتيل ..بجيها من وين ؟؟ خصوصآ انو اسي انقطع
تفتكرو منو المرا الكانت بترسلو ليها!!!؟
انا متأكده في جزء حيقول دي ام ترتيل..
وفي جزء حيقول دي المرحومة معالي..هههه شر البليه ما يضحك ي الناس القلتو معالي
انا غايتو عرفته منو الكانت بترسلو...
ما عشان انا كاتبه الروايه وكده لالا ..عشان حسبتها بالعقل
زولة قالت عبارة : القروش دي ما حقتنا..من حقت البت اليتيمة .. ولو انتي ي أمي موافقه تاكلي حق اليتيمه..بعدين انتظري عذاب ربنا
الناس النبيهين حيكونو متذكرين الكلام دا كويس
والناس المسهيه ركزو #ببطء حتتذكرو...يلا استودعكم الله الذي لا تضيع ودائعه
نتلاقي في رواية آخري

#ألف_باء_العذاب
-١-
إقبال : قومي ...راقده لي 24ساعه لا شغل لا مشغله!
انا ما فاتحاها ليكي لوكنده هنا ي ماما !

فتحته عيوني #ببطء....
عاينته لي مرت عمي إقبال بأستغراب...لأنو حسب الكلام الأنتو سمعتوهو حتقولو انو انا فعلآ قاعده ومترمتله ف السرير لا شغل لا مشغله ! 
طيب رائيكم شنو انو انا قومتة من 6:34ص ...غسلته بي يديني بالرغم من وجود الغساله لانو ست إقبال قالت انو الغساله بتصرف مويه
غسلته ليها هدومها وهدوم عيالها وعمي (راجلها)
وبين الغسيل كنست الحوش..و تميت غسيلي وبديت كويت الملابس البدت تنشف
وقت انتهيت كانت الساعه 3:34 م ...قمته اخدته لي غمضه ..
وياهو جات صحتني بالأسلوب الشفتوهو أعلاه 

انا اسمي آثار..آثار سعد 

يتيمه ام وآب ...

ارح معاي نرجع ورا شويه حكايه بتاعت 7سنه كده

#flash_back

امي انا م شفتها الصراحه..ولا بعرف شي عنها غير صورة...اتوفت بعد ولدتني بي سرطان حماكم الله..يعني كان عمري كم شهور كده وبصراحه م بتذكر امي شكلها كان كيف

يلا عندي اخوي أكبر مني أسمو آكرم...هو زاتو اتوفي بعد امي 
وكان عندو مشكله ف القلب 
وبرضو م متذكراهو كويس..
ابوي رباني من وقت كنت في المهد صبيه ..وم كان مقصر معاي نهايئآ ربنا يرحمو

في مرة رجعته من المدرسه لقيت باب بيتنا مقفول..وانا متعوده انو كل م أجي بلقي ابوي راجيني برة ..بغديني ويحممني ويسرح لي شعري..وبوديني عن ناس عمي وبمش الشغل ..وم برجع الا بعد المغرب بجي بسوقني..

يلا الليله لقيتو مافي...
مشيت عن ناس عمي... اصلآ كانو جيراننا ..لقيت مرتو سألتها ابوي وين قالت م جا عليهم..
تاني رجعته دقيت الباب بس رد ماف

انا قلقته م عارفه ليي..بس قلبي ما اطمن نهائي..عندنا جارنا اسمو عبد الباقي كان جاي بيتو من السوق وابوي صحبو شديد 
قال لي مالك ي بتي قاعده برة ف الشمس دي¡¡¿

قلت ليهو ابوي لقيتو ماف والباب مقفول..وطوالي بديت ابكي 

قام طلع حلاوة بقرة الصفراء ديك وانا كنت بممممموت فيها..قال لي تسكتي وله آكلها ¿

قمته سكته طوالي..قام اداني ليها ومشي ع الباب وتاوق بالفتحه...قال : نعلاتو برة ..غريبه ..لكن بكووون نايم بس 
ودق الباب شديد بس ماف رد

طوالي طلع نعلاتو وبدا يركب ف البوابه لغاية نطته بالاتجاه التاني
وانا كنت واقفه وباكل ف الحلاوة وبقشقش دموعي

بعد شويه عم عبدو فتح الباب وقال لي اجري نادي عمك 

طبعآ م كنت فاهمه شي ..بس جريت وناديت عمو حسن 
ولمن جينا لقينا ف ركشه وعم عبدو ساند ابوي ...رميت شنطتي وصرخته وجريت عليهم ..بس عم حسن مسكني ووشالني و وداني بيتو..كان في ولدو الكبير عمار متزوج وساكن معاهم ف البيت..عمي اداني ليهو وقال ليهو اوعك تخليها تطلع 

انا بكيت بكا ف الدنيا دي !!! وعمار الزفت حلف كن يخليني امش ولا محل 
ودقاني وهرشني 
لغاية نومتة

المساء عمو حسن جا ...قال لي قومي عشان نمشو لأبوك..
فرحته شديد و
مرتو.جابت لي فستان من فساتين علا بتها عمرها 11سنه ..اكبر مني بسنه

ابيت ارضي ليها تلبسني الا عمو حسن لبسني وسرحني..وطلعنه مشينا المستشفي 

ابوي من وقت شافني حضني عليهو ...جسمو كان سسسسسسخننننن مولع نار ...قلت ليهو ي ابوي افتح ليك التكييف ؟؟ جسمك سخن
قال لي لاللالاالا انا بردان ي بتي ..
قلت ليهو حاضر... ابتسم لي ابتسامه كده حلووة ..اتونست معاو.حبه وعمو حسن قال لي ارح نمشو بكرة تاني حنزوروهو 
ودعتو ودموعي عشرة عشرة..بالجد ابوي دا اغلي شي عندي..هو بس الفضل لي من الدنيا دي ..

***

الشي الفهمتو من كلام عمو حسن مع مرتو انو ابوي عندو ملاريا...غايتو قعد زي 15 يوم ف المستشفي ...وزرتو ف الفترة دي 3مرات بس

وكل مرة كانت حالتو بتسسوء ..

لغاية جا اليوم المششؤم

يوم جيت من المدرسه وشفته ناس كتتتتتار جمب بيتنا

#ألف_باء_العذاب
-٤-
بقلم فلة علي
الساعه 2:34الضهر قريب من مطار الخرطوم...كان في شاب اسمر كده ماسك شنطتو ومضاري وشو من الشمس بي جريده..

وقف ليهو امجاد وقال لي سيدها وصلني ال.... لو سمحته

...

يلا دا منو ؟؟ وماشي وين ؟؟ وجاي من وين !؟؟ حنعرف بعد شويه ...

*

انتهي اليوم الدراسي بخير...ومكارم اخدت زمن طوييييل حتي سامحتني لاني مشيت خليتها بالصباح..
رجعنا البيت وكالعاده برنامجي المعهود..رميت الغسيل ف الغساله والزمن كان زي حوالي الساعه 5:34م كده
علا كانت نايمه ف غرفتها وضاربه التكيييف وعمتو طلعت مع مرة ولدها يحومو ف الحله والله اعلم ..
عشان كده قلته اشتغل احسن..وانا واقفه
فجآة راسي لفه ...وم حسيت بروحي الا وراسي برتطم بالغساله ..

صرخته مع الوقعه وفقدته الوعي..طبعآ ماف زول سمعني عشان الصوت عالي وكده..

** 
في مكان تاني في نفس البيت...عمار كان قاعد في الصالون وفي السرير المقاصدو كان في واحد نايم في سابع نومة

عمار : فندام....اصحي ي زول 
نايم 5ساعات انت

فتح عيونو #ببطء بعد اتمقه كدااا
عمار : قوم قوم امش اخد ليك حمام 
فندام : والله ي ود العم جسمي دا مكسسسسر التقول كسرته لي حطب 

عمار هههههه انت راكب طيارة لاحظ..م جاي كداري من الأردن ..
اها عمي كيف عليك الله ؟؟
فندام : عمممك بقي نقناق ياخ ..وياهو قلته اخلي ليهو الاردن كلها واجي هنا عشان ارتاح وهو يرتاح شويه 
عمار : وحترجع أسبانيا متين ¿
فندام : البلد دي كشنتها ياخ . م نفعت معاي كلو كلو ..جريت الأردن قلت اقعد مع الحاج بس اخواني الصغار مزعجين ومرتو كل دقيقه بتحمر لي ..+نقتو الكتيرة 
قلت اجي هنا احسن دا لو.ما شفته لي عروض ..
عمار : العيشه هنا صعبه بس ..لكن احسن تغير جو لاني متأكد حتتم شهر وترجع تاني ههههه

فندام قام وبلبس نعالو ..: ماش الحمام انا..
عمار : بتعرف الوصف وله اقوم اقدمك
آشر ليهو بي يدو يعني اقعد اقعد م مشكله 
فندام ولدو لي عمو مبارك ..عايشين في الاردن من زمممان...وم بنزلو السودان طوالي..انا عن نفسي م حصل لاقيتهم..بسمع بيهم سمع بس
فندام شاب ف بداية الثلاثينات ...أقل حاجه ممكن نقولا ليهو انو وسيم..طويل وبنيتو رياضيه.. درس تمريض عالي ف االاردن ..بالرغم من انو في الجامعه بس كان بجيب لي ابوهو كم رطل مشاكل كل يوم ..يعني م قاعد يقصر نهائي
وحيد عن ابوهو.. وامو متوفيه من بدري ...عاش مع مرة ابوهو ووقت خلص جامعه مشي آسبانيا ومارس مهنة التمريض هناك ......
*

وقت مشي ع الحمام شافني واقعه ..جا جاري و رفعني ..خلعو منظر الدم عشان كده قعد ينادي : ي عماار !!! الحق ي عماار ! 

عمار جا طالع واتخلع من المنظر الشافو ...و جرا الشارع جاب ركشة **
غايتو وبما انو فندام دا ممرض..اسعفني و وقف النزيف لغاية وصلنا المستشفي .. الحمد لله ...الضربه جات خفيفه ع الراس و الدكتور قال ليهم آكلي ضعيف عشان كده فقدته الوعي ..
اخدته علاجاتي و
المساء خرجوني ..واحب ابشركم لا عمتي ولا بتها ولا عمي ولا حتي هدي مرت عمار ..ماف واحد فيهم جا يشوف الحصل لي شنو ولا كلف نفسو يتكلم معاي تلفون...
ف الركشه الولد قال لي : اها ي علا بقيتي كيف؟؟

قلت ليهو بصعوبه : بس انا م م م علا 

طبعآ استغرب..هنا عمار قال ليهو دي آثار بت المرحوم سعد ي فندام

فندام : عليك الله؟؟ و واصل : طيب ي آثار بقيتي كيف ؟؟ هو لكن انتي آثار وله إيثار؟؟؟ وبتقري ف سنه كم ؟؟؟
والوقعك شنو؟؟

اي سألني ديل كلهم ف زمن واحد وانا جاوبته ع اسألتو كلها ف نفس الزمن وم تسألوني كيف لاني م حأكلمكم ...

وقت وصلنا وجينا داخلين اول كلمة قالتها مرت عمي : امور الهنود العملتيها دي م بتنفع معاي ! والهدوم البليتيهم ف الغساله امشي واصلي غسيلهم ..
فندام : بس ي عمتي البت اسي طالعه من المستشفي !! علا وين؟؟؟

قالت ليهو ي ولدي انا عارفه شغلي كويس..بعدين تعال عندي معاك موضوع...
وساقتو ودخلو ف الهول ..وانا مشيت غرفتي طلعت عبايتي ورقدته حبه..راسي كان بنتح نتح...
بلعته مسكن واستكنته حبببه وقلت هي ي آثار..قومي غسلي غسيلك..

وقت مشيت محل الغسيل تفاجآته بالذي رآيته ..

حنعرف بس الصببببببر 
#صلو_علي_محمد

#ألف_باء_العذاب
-٦-
بقلم فلة علي
فتحت عيوني #ببطء ...عاينت جمبي ف السرير لقيت عمار نايم وبششششخر ...عرفته انو الحصل دا كان حقيقه م حلم ...قعدته ابكي بأعلي صوت لغاية صحي وعيونو محمرات...

عمار : مالك ! في شنو من الصباح بتجوعري كده ! 
تفيت ليهو في وشو قام طوالي وقع فيني ضرب ..ورماني من السرير وبدا يشلتني 💔 ضربني ف كلوتي الشمال برجولو كم مرة لغاية بقيت م حاسه بيها 
غمضته عيوني قوووي وبديت اتذكر الحصل لي 

#flash_back

اتنصت ف الباب وسمعته عمي و ولدو الكبير بتناقشو...قال ليهو يتزوجني لانو انا لافه وحأجيب ليهم كلام..
عمار قال ليهو : ي حاج عليك الله خارجني من الموضوع دا ! انا البت القبيحه دي م دايرا ! هي فيها شنو لمن اعرسها كمان المعصعصه ! 

ابوهو قال ليهو كلمة ورد غطاها..الجمعه دي بعقد ليك عليها..وطلع خلا ولدو بشاكل وانا انهرت ورا الباب وبس ببكي

يوم الجمعه الا سمعته صوت طلق العقد..ماف زول جا سألني انتي موافقه ولا لا.. فكرته اشرد من البيت بس امش وين !! وانا اهل امي م حصل شفتهم ولا حصل سألو مني !! ولا عارفه اراضيهم وين زاتو 

مرت عمار جات داخله الغرفه وبقت تضرب فيني وتكورك..اصلي بقيت ملطشة وكل من هب ودب بضربني 

ضربتني لغايه فترت وطلعت خلتني في اقصي حالات البهدله 
*

عرس..لا حنه لا دخان...شكلي زي المجنونة بس ..قاعده ف الغرفه 3يوم لا أكل لا شراب وبس بطلع للحمام والوضوء 

لغاية في يوم سمعته عمي كالعاده بتناقش مع ولدو الأكبر مني بكم وتلتين سنه ..نقاشهم م فهمته منو حاجه..كل الحصل انو عمار جا لز باب الغرفه بكل قوتو ...

عاينته لقيتو واقف وبحمر لي ..
بعدها قفل الباب وجا اعتدي علي باشبع الطرق 
حاولته اقاوم بس م كان عندي حيل ...الله ينتقم منهم دمرو حياتي ..

#back

بعد م انتهي من كلوتي شال عراقيهو لبسو وطلع وهو بشتم فيني بابشع الكلمات..قفلت اضنيني قوووي عشان م اسمع ....وبس قعدته ابكي بدون صوت ..اتمنيت حاجه واحده بس
انو يرفعوني من ارضي دي وانا جثه 

**

مره اسبوع ع الكلام دا...طبعآ مكارم اهلها منعوها مني عشان سمعتي بقت ع كل لسان وكده...وياهو علا هانم بتمش المدرسه 

مرة كنت قاعده بقطع ف الباميه علا جات صارة وشها ..امها سألتها مالك قالت ليها البنات من يشوفوها بآشرو فيها انو هي البتبقي للبت الكانت واقفه مع الولد وكده ...

طوالي مرت عمي جات خنقتني وقالت لي الله ياخدك ويريحنا منننك ..بس عليك عامله زي امك

هنا قلت ليها : اي شي ولا سيرة امي ! امي اطهر منك .!!

ولانو حظي شين عمي جا داخل وسمع الكلام..وكالعاده انضربته 

وغصبآ عني تميت نضافة الباميه والطبيخ ..رجعت غرفتي وانجدعته ف السرير . 
جسمي كان برجف وكان مولع نار وكلو كان بوجعني..والله 3يوم انا ف الحاله دي ماف زول اشتغل بي 

#صلو_علي_محمد

#ألف_باء_العذاب
-٢٥-


ي وائل !! واائل !!

خديجه : وائل دا بكون ساقو خالد ..

خالد جا داخل المحل ومدلدل يديهو...
قلت ليهو : وائل وين !
قال لي وائل منو !؟
قلت ليهو كيف وائل منو! ولدي وين ي خالد !!

خالد رفع كتافينو ومطه شفايفو لزوم م عارف...

عاينته لي حبوبتي وقلت ليها ولدك دا انا م قاعده اهظر معاو !
خديجه : ي ولد قطعته قلبها..ولدها وين !!

م استنيت منو رد وطوالي جريت فتحته الباب ويديني كلهم سكر ..مع فتحتي لقيت وائل بضحك وفي راجل شايلو وبقلقلو في بطنو بي راسو وهو رافعو فوق ( ي ريت تتخيلو معاي الشكل )

جريييت عليهو وخطفته منو ولدي لغاية الولد بكي..

قلت ليهو القال ليك تشيل.....سكته وقت عاينته للوش دا...آخر مرة شوفته الوش دا كان قبل سنتين يوم 5/3 

صاحب الوش دا كان #فندام....

لو م فاهمين شي انا حأفهمكم ..حأشرح ليكم بأختصار الحصل قبل سنتين ...

#flash_back

القاضي حكم لي فندام السجن سنتين بعد انا عفيتو ..خففو ليهو الحكم من10سنه لي اتنين
عمي حسن انسجن 5سنه
وعمار 3

بعد دا فندام الآكلها..لانو بقي عليهو تحريض وتنفيذ و غش

ونحن مارقين من المحكمه كان فندام مكبلين يدينو..قال لي الليله يوم 5مارس..ولدك بكون قفل 10شهور..وزي م وعدتك بالضبط اني اسلمو ليك في يدك ..

قلت ليهو بسخرية : بس انت م جبتو لي ...الفضل لي تاج الاصفياء...و كمان في وعد انت اخلفت بيهو

قال لي اهلك صاح ؟؟؟ ياهم ديل اهلك ي آثار
التفته لقيت خالتو خديجه عيونها مورمات من البكا..اي جبيل وقت سمعو الآسامي عرفو انو انا بكون بت بتهم حنان..حنان امي عصتهم واتزوجت ابوي بالرغم من عدم موافقة جدي اسماعيل..وجدو زعل واتبرآ منها..طبعآ جدو وحبوبة م كانو بعرفو ناس عمي ولا اسماءهم..بس كان بعرفو ابوي عشان كده م لاحظو لتشابه الاسامي ..وم حصلت مناسبه اني اوريهم عن امي وابوي..دائمآ كنا بنحكي عن وائل وناس عمار بس..
امي جاات الخرطوم وعاشت مع ناس عمي..لغاية جابت اخوي آكرم و جابتني وربنا شال آمانتو....

فندام : اتصلته بي عمار وسألتو من اهل امك..قال لي ما عارف وانا هددتو يعرف لي محلهم
واتصل علي بعد يومين وقال لي انهم في القضارف...وياهو فتشتهم و وقت لقيتهم كنت محظوظ لانو عارضين بيت للآيجار ..آجرتة منهم البيت..وياهو بدت حياتنا معاهم ..

****

بعد المحكمه وفي نفس اليوم 
رجعنا القضارف انا وجدي وحبوبتي و ولدي في يدي..
وبدينا حياة جديده...و وائل اتربي تحت عيوني وانا شايفاهو مرة بحبا ..ومره بقيف ..ومرة بسنن ..ومرة بحاول يمش ويقع..ومرة يقول م ا ما..ومره ينادي تتو (جدو) 

وياهو لغاية حصل الحصل وشوفته فندام تاني 

#back

فندام:كيف عامله ؟؟

قلت ليهو : هل انت عارف حجم غلطتك بي جيتك هنا ي فندام !!!!

سكت مسسسافه وقال : جيت اشكرك لأنك خليتيهم يخففو لي الحكم لي سنتين..عشان كده بمجرد م طلعته من السجن جيت هنا راس

فعلآ شكلو كان آسف جدآ...كان دقنو اطول مني ...وعيونو واقعات ..وجسمو هزييييل التقول ينكسر ...

الصراحه كده اشفقته عليهو...بس برضو الشفقه ما بتعني اني اسامحو
عشان كده قلت ليهو حسك عينك تقرب علي او علي ولدي فاهم !!! حمرته ليهو ودخلته المحل
****
المساء وانا داخله البيت اتفاجآته لمن شوفتو طالع من حمام ناس حبوبة وكان باين انو اخد حمام..حضرة الاستاذ متجدع في بيتنا !!! ...م اتكلمته معاو ولا كلمه وراس مشيت لي جدي قلت ليهو ممكن افهم دا بيعمل هنا شنو !!!؟
قال لي ي بتي المسامح كريم
قلت ليهو بغض النظر عن انو دي عبارة جورج قرداحي ي جدي هل انت عارف انو السبب في مشاكلي كلها بكون فندام !!!

قال لي واسي ما تنسي انو المشاكل دي انبتت ليك ثمرة.. وهي ولدك وائل ..ي بتي عسي ان تكرهو شيئآ وهو خيرآ لكم

م اتكلمته وطوالي مشيت بيتي ..
طبعآ انا سكنته في بيتنا الاول داك ...وبيناتنا نحن وناس حبوبة باب ..وبعد دا خالد كان ببيت معاي انا و ولدي 

مشيت طبخته و كان عندي شوية شغل قضيت شغلي وطوالي نومتة ..

الساعه 3:34ص جاتني صحيه لاني سمعته صوت كركبه..قلته اكيد دا خالد جا من صياعتو ...
مشيت الغرفه لقيت لي واحد ضخم كده بفتش في الدولاب وفارش بشكير من بشاكير وائل الكبار ديلك كمان م الصغار .. وماليهو من دهبي..قلته بدون م اشعر : سجمي !!

طوالي عاين اتجاهي وكان شكلو بخوف...
م كضبته طوالي صرخته ...صرخته بدون م اشعر بي اسم فندام..
م عارفه ليي صرخته بي اسمو وماف زول يسألني ليشنو اسم فندام بالضبط ..
الحرامي طلع سكينتو وجا علي..طوالي جريت ع غرفتي بس مسكني لانو اسرع
عضيتو في يدو قام لطشني كف لغاية وقعته...وبس كنت بنادي فندام...
وقت رفع السكينه انا غمضته عيني قووي وابتديت اشوف قبري ..بس م حصل شي ...فتحته عيوني #ببطء وشفته فندام بتصارع معاو ..
وفي نفس اللحظة سمعنا صوت عربات الشرطه ..الحرامي حاول يتفكه من فندام عشان يهرب بس فندام ما فكاهو...طوالي طلع مطوة وطعنو بيها في بطنو..لكن برضو ما فكاهو ...لغاية رجال الشرطه جو هاجمين

ومسكوهو ...انا جريت علي فندام

#خلقني_أسود

بقلم :fulla_Ali
-٩-
وما كان لوني قبل ذالك أسودا ولكن لهيب الشوق احرق جسماني
*عنترة

عناب قالت وقت شافت نظراتنا طالت : دي صبا ..بت عمو خالد ود ناس جدو بله ..جات الأجازه لناس حبوبتها من الخرطوم
..وقالت لي دا اخوي عماد..

عماد : دي البت الغلباويه هههه اهلين نورتي الأبيض

طبعآ ياهو زاتو..الشاب الأخدراني داك !!!!

قلت ليهو بنورك..تسلم

قام طلع واختو لحقتو...وخلوني طايرة من الفرح..

***

بقيت بقعد في بيت ناس عناب اكتر من بيت ناس حبوبة.
ده كلو عشان اشوف عماد..حتي لو لمحه ساي
كانت ايام ظريفه شديد انتهت لمن ابوي جا عشان يسوقني...

وزي بكره مسافرين كده مشيت بيت ناس عناب وقيلت معاها بس عماد ما جا..

انا ما فاضل لي الا ابكي لغاية عناب حنت على حالي ...قريب المغرب كده ودعتها وطلعت ما قدمتني لأنو كانت عيانه وكده .

وانا ماشه في الشارع سمعت زول ناداني : يا بت لحظة

م التفت وزدت سرعتي خصوصآ وأنو الشارع فاضي ..

حسيت بحركه وراي وفجأة حد مسكني وقفل لي خشمي !!

قدر ما حاولت اتفكه منو ما قدرت...قعدت ابكي واقاوم وهو شبه شايلني كده ومره رجولي بتكرو في الواطه .

بعد شويه طرت وما حسيت بي روحي تاني ..

****

فتحت عيوني #ببطء...لقيت حبوبه خاته لي يدها في جبهتي بتتحسس درجة حرارة جبهتي ...
وابوي واقف بالجمبه

قلت بصوت مرهههق : ا ا انا و وين !! و و الحاصل شنو !؟؟؟

ابوي قال لي ارتاحي انتي اسي ماف حاجه ... وبعدها باسني وطلع ..

جاتني عناب وبعد سلمت لي كانت خجلانه ...سألتها في شنو والحصل لي شنو !!

قالت لي امس عماد جا شاكلني عشان خليتك مشيتي براك..
قلت ليها في شنو يا عناب ؟؟ انا حسيت بزول مسكني وتاني ما وعيت بي حاجه !!

عناب : في ولدين كان ماشين وراك وكانو ناوين على شر ...وياهو مسكوك بس الله ستر عماد كان جاي بنفس الطريق ..واتناوش معاهم وانتي مع وقعتك فقدتي الوعي ي حساس
اتخلعت طبعآ..يعني لو ما عماد كان انا اسي حصل لي شنو !!!!

قلت ليها تقول ليهو شكرآ

قالت لي قوليها ليهو براك لمن تلاقيو ...

المهم...المساء كده مشيت الدكان ..بعد اخدت حاجاتي لاقاني وانا طالعه..قال لي دقيقه بس انتظريني ..

مشى اشتري حاجاتو وجا طالع ...قال لي ليي حبوبتك خلتك مرقتي براك !!

قلت ليهو ما تخاف ..الشارع ملان ناس ما بتجيني حاجه...
سكت ما رد لي..ونحن ماشين قلت ليهو :شكرآ ليك..ما عارفه لو انت ما جيت كان حصل لي شنو

قال لي انتي بس خلي بالك من نفسك...ما بتجيك عوجه..

وياهو لغاية وصلني البيت...قبل ما ادخل قال لي : توصلو بالسلامه..ونتلاقو ساعة خير ...بعدها خت لي شي في يدي وقال لي لمن تدخلي شوفيها

دخلت جوه البيت وختيت الحاجات في المطبخ وجريت الغرفه فتحت يدي لقيتو سلسل فيهو حرفS !! كان مرصع بجوهرات صغار كده ..******.

المساء جاتني صحيه كده..مشيت الحمام و انا راجعه سمعت اصوات في الصالون حق ناس ابوي...
طبعآ جريت قلت اسلم علي ابوي بس لمن سمعت جوطه وقفت طوالي

عمتي زهرة كانت بتقول : لازم تعرس ي خالد...فاديه صاح مرا كويسه واي حاجه لكن مشكلتها بتسمع كلام امها ...م عندها شخصيه ياخ

هدى : عاين شوف نفسك اتبشنت كيف !!! اسي الزول اليشوفك يقول عمرك 80!!!
خالد : خلاص يا امي خير ...

وانا واقفه مصدومة عمتو زهرة جات مارقه شايله صينية الشاي ...وقت شافتني لغاية اتخلعت...جرتني من يدي وساقتني غرفتي ...قفلت الباب وقعدت قدامي وانا بس عيوني بنقطو دموع

بالرغم من عمري الصغير لكن كنت فاهمه انو الموضوع ده بآزي امي!!

عمتو قالت لي : صبا..انتي سمعتي شنو !
قلت ليها وانا بتمتم : ا ا اب بوي ع عاوز ي ي يعمل ش شنو !!

قالت لي : اسمعيني يا صبا ...انتي الاخت الكبيرة يا صبا...ابوك لو عرس حبوبتك تاني ما حتتحكم في امك فاهمه ¿¿¿ حتعيشو في سعاده تامه

ما رديت ليها وبس دموعي كانت بتنقط...قالت لي شوفي يا صبا...يا ريت الموضوع ده ما تجيبي سيرتو لي امك...وانا عارفاك ما بتعملي كده عشان انتي بتحبيها وم بتريدي زعلها ¡¡

قالت كلامها ده وطلعت خلتني محتارة في أمري

**

رجعنا الخرطوم...بالجد فقدتها كتيييير واشتقت لأمي ولي صابر ولي صابرينا ...

من وصلت سلمت عليهم ودخلت غرفتي تاني ما طلعت لي تاني يوم .. كلامي بقى قليل...وما بتكلم الا لو سألوني

لغاية ضعفت من الهم الشايلاهو لي امي لو عرفت بموضوع عرس ابوي ...

في يوم كنت ماسكه السلسل الهداهو لي عماد وسرحانه...امي جات فتحت الباب ودخلت ...جات قعدت قدامي وقالت لي: في زول لمسك يا صبا !!!

عاينت ليها بأستغراب وهي واصلت : قولي لي في زول عمل ليك حاجه !!! وقسمآ اشرب من دمهم كلهم لو آزوك !

#صلو_علي_محمد

#To_be_Continued

#1خلقني_اسود
بقلم :fulla_Ali
-١٠-
يابن ادم خالفني واختلف عني يهوديا مسيحيا او مسلما كنت شيعيا ام سني فقط كن انت ولاتكنهم يابن ادم خلقك الله مختلف فبربك باختلافك اعترف كن خليفة الله على الارض باختلافك ولا تتبع ذاك القطيع عش حراً يابن ادم فهذه الارض للجميع ..
#أنيس_شوشان

*

طبعآ امي تفكيرها مشى بعيد خالص...هي افتكرت سرحاني ده انو في زول اعتدى علي ويمكن مهددني عشان كده...

قلت ليها لالالالا ي امي ما تخافي انا سليمه مافيني شي ¡

قامت وقالت انا بتكلم مع ابوك يفهمني انتي مالك اتغيرتي كده...

جريت وقفت في الباب نظام احميها تطلع ....جات جرتني وزحتني من جمب الباب...قبل تطلع قلت ليها وانا مغمضه عيوني : ابوي عاوز يعرس !

طبعآ حصلت لحظة صممت...فتحت عيوني #ببطء عاينت لقيتها واقفه وهي ماسكه مقبض الباب...كانت ماسكاهو بقوة ....

بعد 34ثانيه رجعت قعدت في السرير

جيت قعدت جمبها ومسكت يدها بوستها ...عاينت في وشها وكان خالي من التعابير...نهائي ما قدرت اعرف ردة فعلها شنو ..

قلت ليها امي انا أسفه..

ابتسمت وعاينت لي وقالت :

ولا يهمك..وابوك انا ما حأسلو ما تخافي...يلا نومي لانو بكرا اول يوم في المدرسة

قامت رقدتني وغطتني ..باستني ومسحت على شعري وطلعت..

مرت الايام عاديه..وكنت مبسوطه لانو ابوي زي الساب الفكرة..وامي تعاملها معاهو كان عادي جدآ .
ما كنت عارفه الجاي ورا شنوو...لغاية يوم جيت راجعه من المدرسة وسمعت اصواتهم عاليه...

دخلنا انا وصابرينا لقينا صابر جمب الباب ببكي..

ما قدرت ادخل ..بس بقيت واقفه...
سمعت ابوي قال : العاوزه تعملي اعمليهو وانا طلاق مااا بطلقك يا فاديه !!!

بعدها جا طالع..كان غضبان وزهجان ...عاين لينا وطلع

بعد شويه امي جات طالعه و عيونها كلهم دموع...قالت لي لبسي اخوانك يا صبا ...حنسافر ..

***

ورجعنا تاني للنكد ...تاني رجعنا لحضن حبوبة علويه !!!!

ااخ لو شوفتو نظرة الشماته في عيونها ااخ !!!

بس نعمل شنو غير نصبر ...

لاقينا مرت خالو صالح ..كانت طيبه شديد وتعاملها معانا حلو..

وكمان جاتنا مره طيبه كده اسمها حنان ...قالت لينا كانت صحبة امي زمان...عندها بنوتة عمر 4سنه كده اسمها على اسم امي #فاديه ..

#صلو_علي_محمد

#To_be_Continued

#خلقني_أسود

بقلمي:fulla_Ali
-٢٩-
أجل انا احمل بشرة سوداء..ولكنني احمل قلبا ابيض ..بعكسك ايها الابيض ذا البشرة البيضاء والقلب الأسود
فله علي

*

انطلقت المركبه العامه الي مدينة كامبردج وهي مسرعه ؛ وفي إحدى المقاعد وعلي إحدى الصفوف كان يجلس جايك وقد كان يغط في نوم عميق حتي أفاق إثر لمسة علي يده..
فتح عينيه #ببطء
لكنه لم يجد شيئآ!! ..اغمض عيناه مرة أخري فلا زال الطريق طويلآ حتى الوصول ألي الجامعه...ما لبث ان فتح عيناه مره آخري فهو قد انتبه للتو لتلك الطفله الجميله التي كانت تنظر إليه بهلع!! ؛ من طيبة قلبه الزائده ابتسم لها حتى بانت اضراسه الآخيره فكان بريق اسنانه كضوء لاح في ليلة دامسه ...مد يده لكي يلاعب تلك الطفله لكن ما لبثت ان صرخت وهي تقول وحش وحش ابعدوه عني !!!

نظر والدا الطفله الي جايك بأستنكار ؛ ثم بدءا بسبه وشتمه جرآء ما فعل !!

ثار كل من في المركبه إثر هذا الموقف لكن جايك لم يميز هذه الثورة اهي ضده ام معه..لذلك نزل مسرعآ من الحافله واكمل الطريق سيرآ علي الأقدام..

اول يوم في الجامعه كان يوم غير متوقع بالنسبه لجايك...فقد تعرض للأهانه جراء لونه وهاهو يقع في حب فتاة بيضاء ...كاترينا ...كانت جميله وبيضاء كالثلج لها فم كأنه الكرز بعينه ..ذات شعر ذهبي كأشعة الشمس...احبها من النظرة الأولى عندما دلفت عبر باب الجامعه ...كان يراقبها بصمت ويحميها بنظراته..

اجتمع الطلبه داخل القاعه..كان جايك في الصف الأول ..لطالما كان ملتزمآ وقبوله في افضل الجامعات دليل علي ذلك..

ظل يراقب بشرود حشد الطلبه الوافد الي قاعة الدراسه حتى اطلت كاترينا..خفق قلبه بشده!.فها هي فتاته تدرس معه في نفس الدفعه !!

بدا الدكتور المحاضرة وكان جايك اوائل المشاركين..حتي نال اعجاب الدكتور والكثير من الطلاب ومن بينهم كاترينا..ذلك لأنها ذهبت إليه بعد خروج الدكتور مباشرة وتعرفت عليه وصارا افضل صديقين..
كان يراجع لها دروسها ويسجل لها المحاضرات عند غيابها وكانت تعتمد عليه في كل شئ..حتى ظن انها قد تكون تحبه او ما شابه ذلك..

مرت السنوات ...وها هو جايك خريجآ!!!.فكر وفكر...ثم اتخذ قرارآ..وتوجه إلى حيث كاترينا وزملائها وكانو يرتدون ارواب التخرج !!
نظر إليه زملائها نظرة آلمته ..ولكن لم يعرهم اي اهتمام..فكاترينا هي اهم شئ يخصه..
ذهب إليها وكانت تتحدث مع زملائها وتعطيه ظهرها ..
اقترب منهم رويدا رويداا
وقبل ان يفتح فمه سمعها تتكلم مع زملائها قائله : لقد كان جايك سلما فقط اصعد به الي النجاح..
قالت لها جورجينا وهي تنظر إليه بإستعلاء : المسكين يظن انك تحبينه وستتزوجين به وتنتقلين الى جنوب افريقيا للعيش مع اهله ذوي البشرة السوداء !

اطلقت ضحكه عاليه وقالت : ما هذا الهراء !! انا اتزوج به !! ماذا تريدينني ان انجب وقتها !!؟ ثمرة باذنجان !!

جورجينا : ههههه بيضاء من الداخل ومتفحمه من الخارج ههههه
تعالت ضحكاتهم وكان يسمعها بألم وهو يبتعد عنهم..هاهو يتعرض للأهانة مره أخري من لونه.ولكن هذه المرة كانت اشد قسوة!! ..
لقد تعرض للأهانه من الفتاة التي يحبها والتي ظن انها تحبه !!!
ولكن للأسف ..حبه لها اعماه من ان يري انها تقوم بأستغلاله!!! ..

بعد عدة أيام من هذه الحادثه انطلقت الطائرة من مطار نيويورك وكانت متوجهة الي الجنوب..رحل جايك وفي قلبه جرح كبير من البيض ...اصبح يرى بياضهم طلاء وزيف لخداعهم !!..
تذكر ما فعله مارتن لوثر كينغ..حينما دافع عن السود حتى انه اعطاهم الحق في التصويت !! فاصبحو مواطنين رسميين في امريكا!!..

ونيلسون مانديلا ايضآ..حارب من اجل السود..حتي صارو مواطنون معترف بهم دوليآ !!

اذآ لما لا اكون مارتن !!؟ او نيلسون !! لما لا اكون مثلهم ؟؟؟

ثم ابتسم واردف قائلآ : لا يهم ماهو لوني ..فأن الله خلقنا مختلفين ..لذالك سأعيش حرآ فهذه الأرض للجميع...
انتهى خطابي الكان عبارة عن جزء من الكتاب الألفتو بعنوان #خلقني_أسود .
(صفق لي الحشد الغفير الكان حضور للتكريم والمؤتمر الصحفي الأتعمل لي في الكلية الحاليا انا استاذه في أروقتها بعد جهد جهيد ومعافرة مع المعدل حقي ..والحمد لله الآن انا بقف جمبا لجمب مع استاذ معاذ )

من بين الحضور أسرتي الكريمة وبتي فادية ..إلا أبوها ..ليي ما شايفاهو ¡¡ ولا وجن ولا طلال زاتهم !!

نزلت من المنصه وقعدت معاهم وانا متغايظة من ابو فادية وتصرفو الإستهتاري...لكن ما مشكله ..أصلوو ما مشكله ..

في نهاية التكريم اتكلم دكتور عماد ( طبعا هو دكتور مساعد للكلية بالرغم من إقامتو في اسبانيا)
: في البدأ أشكر الحضور الكريم..والحضور الصحفي المهيب..وأشكر الأستاذه الزميلة والأبنة صبا خالد بله..حأكشف ليكم عن سر صغير...الشخصيه جايك ما كانت إلا شخصي الضعيف الذي يقف امامكم..

الطلاب كلهم إستغربو طبعا وهو واصل : ايوا نعم..القصه حصلت لي انا شخصيا ..

جرح كبييير سببو لي الموقف ده...لكن الحمد لله ..ربنا عوضني بي هاله ( آشر ليها وكلهم ألتفتو.ناحيتها وص