#ألف_باء_العذاب
-٦-
بقلم فلة علي
فتحت عيوني #ببطء ...عاينت جمبي ف السرير لقيت عمار نايم وبششششخر ...عرفته انو الحصل دا كان حقيقه م حلم ...قعدته ابكي بأعلي صوت لغاية صحي وعيونو محمرات...

عمار : مالك ! في شنو من الصباح بتجوعري كده ! 
تفيت ليهو في وشو قام طوالي وقع فيني ضرب ..ورماني من السرير وبدا يشلتني 💔 ضربني ف كلوتي الشمال برجولو كم مرة لغاية بقيت م حاسه بيها 
غمضته عيوني قوووي وبديت اتذكر الحصل لي 

#flash_back

اتنصت ف الباب وسمعته عمي و ولدو الكبير بتناقشو...قال ليهو يتزوجني لانو انا لافه وحأجيب ليهم كلام..
عمار قال ليهو : ي حاج عليك الله خارجني من الموضوع دا ! انا البت القبيحه دي م دايرا ! هي فيها شنو لمن اعرسها كمان المعصعصه ! 

ابوهو قال ليهو كلمة ورد غطاها..الجمعه دي بعقد ليك عليها..وطلع خلا ولدو بشاكل وانا انهرت ورا الباب وبس ببكي

يوم الجمعه الا سمعته صوت طلق العقد..ماف زول جا سألني انتي موافقه ولا لا.. فكرته اشرد من البيت بس امش وين !! وانا اهل امي م حصل شفتهم ولا حصل سألو مني !! ولا عارفه اراضيهم وين زاتو 

مرت عمار جات داخله الغرفه وبقت تضرب فيني وتكورك..اصلي بقيت ملطشة وكل من هب ودب بضربني 

ضربتني لغايه فترت وطلعت خلتني في اقصي حالات البهدله 
*

عرس..لا حنه لا دخان...شكلي زي المجنونة بس ..قاعده ف الغرفه 3يوم لا أكل لا شراب وبس بطلع للحمام والوضوء 

لغاية في يوم سمعته عمي كالعاده بتناقش مع ولدو الأكبر مني بكم وتلتين سنه ..نقاشهم م فهمته منو حاجه..كل الحصل انو عمار جا لز باب الغرفه بكل قوتو ...

عاينته لقيتو واقف وبحمر لي ..
بعدها قفل الباب وجا اعتدي علي باشبع الطرق 
حاولته اقاوم بس م كان عندي حيل ...الله ينتقم منهم دمرو حياتي ..

#back

بعد م انتهي من كلوتي شال عراقيهو لبسو وطلع وهو بشتم فيني بابشع الكلمات..قفلت اضنيني قوووي عشان م اسمع ....وبس قعدته ابكي بدون صوت ..اتمنيت حاجه واحده بس
انو يرفعوني من ارضي دي وانا جثه 

**

مره اسبوع ع الكلام دا...طبعآ مكارم اهلها منعوها مني عشان سمعتي بقت ع كل لسان وكده...وياهو علا هانم بتمش المدرسه 

مرة كنت قاعده بقطع ف الباميه علا جات صارة وشها ..امها سألتها مالك قالت ليها البنات من يشوفوها بآشرو فيها انو هي البتبقي للبت الكانت واقفه مع الولد وكده ...

طوالي مرت عمي جات خنقتني وقالت لي الله ياخدك ويريحنا منننك ..بس عليك عامله زي امك

هنا قلت ليها : اي شي ولا سيرة امي ! امي اطهر منك .!!

ولانو حظي شين عمي جا داخل وسمع الكلام..وكالعاده انضربته 

وغصبآ عني تميت نضافة الباميه والطبيخ ..رجعت غرفتي وانجدعته ف السرير . 
جسمي كان برجف وكان مولع نار وكلو كان بوجعني..والله 3يوم انا ف الحاله دي ماف زول اشتغل بي 

#صلو_علي_محمد

#ألف_باء_العذاب
-٧-
بقلم فلة علي


بعد المغرب قومتة لبسته عبايتي و شلته بطاقتي حقت التآمين الصحي..م عندي ولا جنيه والله ..
طلعته الشارع ومشيت ع المركز الصحي.. مسااافه كده م كانت بعيده شديد ...

وصلته وحالتي بالبلا..سجلته اسمي ومشيت رقدته ف كراسي الانتظار ..لغاية ندهو اسمي 

دخلته للدكتور وسألني بشكي من شنو وكان مستغرب من الكدمات الظاهرة ف جسمي و وشي ..

قلت ليهو حممه شديده وجسمي سخن
آشر لي امش ع سرير الكشف مشيت وجا كشف علي ...
ورجع تربيزتو وقال لي اعملي فحص بول ..
مشيت عملته الفحص وانتظرته النتيجه ..وقت طلعت الفحيصه قعدت تعاين لي بأشمئزاز ..ولا اشتغلته بيها براي اللفيني مكفيني ..
اديتو النتيجه وقعد يبحلق فيها..كان دكتور شاب كده وجييه ...عاين لي مسسسسافه وقال : امك عايشه؟ 
هزيت راسي لالا 
قال لي طيب ابوك..
هزيت راسي وطوالي عيوني بدو يدموعو...
اداني مناديل ورق ..قال لي طيب عايشه مع منو انتي ؟
قلت ليهو مع عمي ومرتو..

طوالي طلع نضارتو واخد نفس عمييييق ...بعدها قال : دا منو الغشاك ولعب بعقلك ؟؟ انتي ي داب شافعه صغيرة ومن شكلك بريئه وم بتعملي الشينه ..
رفعت راسي وعاينت ليهو وانا م فاهمه شي..
قال لي انتي حامل !!! 

قووومتة طوالي ع حيلي وقلت لالأﻷ يستحيل !! يستحيل اولد من الوحش دا يستحيل !!! وقعدته اضرب ف بطني واكورك...
لغاية الموظفه البتقعد جمب الباب جات داخله..
مسكوني وهدآوني واداني مويه..قال لي ممكن نساعدك ونبلغ عليهو لانو ظاهر انو انتي اتعرضتي لأعتداء ...اوعك تسكتي وتخلي حقك !!؟

قلت ليهو ما هو انا لو بلغته الشرطه م حتقدر تعمل حاجه ...

الدكتور والبت عاينو لي بأستغراب وانا واصلته..: الاعتدي علي وانا حامل منو اسي دا بكون راجلي !! 
عمي عرسو لي وهو اكبر مني بي كم وتلتين سنه !!!!! وقعدته ابكييي 
الدكتور : انا افتكرتك م متزوجه عشان انتي م متحنننه !! 

قلت ليو : عرس بالغصب البخليني اتحنن شنو !!! 

الدكتور قام علي حيلو وقال : برضو مفترض تبلغي..القانون حياخد ليك حقك..

قلت ليهو وانا طالعه : انا عايشه معاهم ف بيت واحد وم عندي غيرهم...لو بلغته حيطردوني وحأكون ف الشارع..

طلعت خليتهم واقفين مزهولين ومتآثرين ...

مشيت ف الشارع وانا ساكته...وكم مرة الشيطان بقول لي اترمي قدام اي عربيه وارتاحي
بقوم بستغفر وبواصل ..لغاية وصلت البيت

مرت عمي قالت : مشيتي تصيعي صاح !؟؟؟يعني عرسنه ليك عشان م تجيبي لينا فضيحه وبعد دا ماشه كايسه ف الحله !!! 

قلت ليها مشيت المركز الصحي ...ورميت ليها ورقة الفحص ودخلت غرفتي وادمدمته في سريري وانا بستغفر 

واستغفر الله 
لا اله الا الله 
الحمد لله 
والله اكبر 

و 

#صلو_علي_محمد

#ألف_باء_العذاب
-٨-
بقلم فلة علي
مرت ال9 شهور زي الحلم...وبالعكس..م كنت كارهة الجنين اللفي بطني نهائي.كنت متشوقه اعرف احساس الأمومة دا عامل كيف ...كنت عاوزه بتي وله ولدي يجو الدنيا دي عشان يدافعو عن امهم من الظلم اللهي عايشه فيهو..

لغاية في يوم جاني آلم المخاض..عمار مشي معاي وكان ملهوف خالص و متحمس لأنو آخيرآ حيبقي أب..

دخلوني غرفة الولاده وكان برة في عمار وامو ومعاهم فندام

عانيت الأمرين ف الولاده..تعبتتته وبكيت من الوجع ...بس كل م اتذكر انو جناي حيساعدني كنت بتحمس..لغاية ربنا سهلا لي وجبته احلي ولد فيك ي السودان

عمار وامو فرحو كتير بالولد وكانو شايلنو..وم كلفو نفسهم انو يباركو للمصنع الجابو

الا فندام قال لي يتربي ف عزكم..ابتسمت ليهو وغمضته عيوني وانا بحمد ربي انو جاني ولد..

*

مرت الشهور والولد كبر شويه ...الشي الكان حارق دمي انو اكتر الاوقات بكون الولد مع عمار ومرتو..وبس بجيبوهو لي ساعة الرضاعه ..
وم كنت بقدر اعترض وبس بسكت..شويه شويه حتي المبيت بقي وائل ولدي ببيت معاهم...

مره قلت لي ابوهو انو تاني يخليهو يبيت معاي بس قال لي بصوت عالي: ولدي وانا حر فيهو 

الشي الحيرني انو كان ف مناسبه ف الحي...مرت عمار لبست وقشرت وقشرت لي وائل وساقتو معاها وانا قاعده وفاتحه خشمي !! ي جماعه هوي دا ولدي !!!

بس ماف زول شغال بي ...ويارب ما تضوق ام الانا ضقتو ف ولدي وائل 

*

بالليل كنت نايمه وصحيت بألم فظيع في كليتي الشمال...كنت بتلوي من الألم وبعرق كتير و الساعه كانت ي داب 2:34ص ...

قومتة مشيت ع غرفة عمار ودقيت الباب وانا متكيه ف الحيطه ....جا طالع وصاري وشو قال لي الولد نايم !
قلت ليهو وديني المستشفي كلوتي بتوجعني

قال لي امشي اشربي مويه وقفل الباب ف وشي 

غايتو ي الله ويامين صبحتها..

والوجع ف محلو ..

وقت جاب لي الولد ارضعو الصباح قلت ليهو كلوتي تاني قامت علي ..قال لي بزهج خلاص اجهزي خلي فندام يوديك لانو معاو ركشه..

رضعت الولد ولبسته..طلعته لقيتو منتظرني في الركشه ...مشينا المستشفي وعملنا الأجراءات ودخلوني الدكتور ..*****
#ملحوظة

*

ال18-1 (تحت ال18) اتجاوزو الجزئيه دي 

🔞
وانا راقده ف سرير الفحص فندام كان واقف ونهائي حلف كن يزح..
انا خجلته بس كان لازم ارفع بلوزتي ...
فجآة وبدون سابق انذار مد يدو علي وكان بلمسني 🔞
قلت ليهو كده م صاح وزحيت يدو مني 
الدكتور قعد يضحك وقال ربنا يسعدكم شكلكم ي داب جداد..
طبعآ افتكرنا متزوجين وكده 

عملته فحص بول والنتيجه طلعت انو عندي ترسب املاح في الكلي..
بعد طلعنه قال لي : عندي صحبي عاوز اشيل منو آمانه ..حنمش ومن هناك حنرجع البيت
سكته م رديت وركبنه الركشه واتحركنا ...
وصلنا عمارة كده ركن جمبها..قال لي م بقدر اخليك براك ف الركشه ارح اركبي معاي
ركبته معاو لغاية وصلنا ..طلع مفتاح وفتح الباب ودخل ..وقفت بره قام رجع قال لي بنهرة كده ادخلي!
قمته دخلته ...وقفل الباب..كنت واقفه بعاين ف الشقه كانت واضح فيها انو ماف زول ساكن فيها...فجآة حضني بي وره..
خوفته وزحيتو مني قلت ليهو انت بتعمل في شنو !!!

قال لي : اسمعي ي بت عمي ..انا بحبك..وانتي بعد العرس بقيتي سمحه وجسمك اتملا.. وشايفه جبيل م قدرتة امسك نفسي قدام الدكتور 

قلت ليهو : انت جنيت !!! بغض النظر عن اني متزوجه لاحظ انا مرت ود عمك ! 

قال لي بحبك اعمل شنو !! عاوز انوم معاك ي آثار !! ارجوكي ي آثار 
طوالي بدا يقرب علي ..

#ألف_باء_العذاب
-٩-
بقلم فلة علي
بدا يتهجم علي وانا كنت بقاوم فيهو ..و وقت شفت نفسي حأخسر حأخسر قلت ليهو ..اسمعني ...خليني افكر شويه ونعملا بي رضاي ..
قال لي متين يعني ¿¿¿

قلت ليهو يومين تلاته ..افكر بس ..ممكن ¿¿

عاين مسسافه وقال لي خلاص انا موافق .

**** 

ولانو اذا احب الله عبدآ ابتلاه انا ابتلائي كان كتير والحمد لله ..
مرة كان وائل نايم جمبي..كنت مشتاقه ليهو شديييييد ..حسيت باب الغرفه اتفتح ..عاينته لقيتو فندام!
قلت ليهو بهمس : اطلع ! انت الجابك هنا شنو !

قال لي جيت اسألك..فكرتي ف الموضوع ولا لا !!!

قلت ليهو لسع ..اديني مهله..حمر لي كدااا وطلع

انا شلته ولدي حضنتو علي وقعدته ابكييي 

...

كم مرة فندام كان بتسسلل لغرفتي ويسألني ..وانا الموضوع مؤرقني..والمشكله لا عمي ولا مرتو ولا حتي راجلي ماف زول بسمعني
احترته اكلم منو وله استشير منو 

لغاية جا اليوم الكنت نايمه فيهو ...
وحسيت بيد بتقفل خشميي ...

فتحته عيوني وبالرغم من انو الغرفه مضلمه بس قدرته اميز شخصيتو...كان فندام !!!

شرط ملابسي بالرغم من مقاومتي..عضيتو ف يدو زحاها وانا صرخته بس ماف زول جا علي 

لغاية م عمل عملتو وخلاني بابشع منظر !!!!

**&

قومتة استحميت واتوضيت..صليت ركعتين وقعدته ابكي ف مصلايتي ...يارب الخلاص

يارب #قوة ما بعدها قوة ..ارحمني ي رب من الناس ديل ارحمني..

بعد الحادثه دي ..
بقيت بس ملازمه غرفتي .واحيانآ عمار بجيب لي الولد .لا عمتي لا علا ماف زول بجيني..الا فندام احيانآ بجي يديني الأكل و العلاجات ..بالرغم من اني بكرهو الا انو الوحيد الوقف معاي ..وم عارفه السبب الخلاهو يعمل كده شنو ...



لاحظتة انو عندي غياب ...مشيت الصيدليه جبته جهاز كشف الحمل..
كنت بدعي ربي انو م يظهرو الخطين الخضر ...بس للأسف

ظهرو ليعلنو اني حامل ...

بكيييت ف الحمام بصوت مكبوت ...

م عارفه ليي بحصل لي كده انا 

المساء عمار جاب لي الولد ..قلت ليهو عليك الله ولأول مرة اطلب منك طلب..خليهو يبيت معاي !! 

قال لي كويس ..وطلع

كن شفتو ولدي حلاااتو والله..و م عشان انا امو لكن بالجد كده عسولي ..ربنا يحفظو لي

نومتو في حضني ونومتة وكانت دي احلي ليله والله

**

وقت كلمته فندام بقصه الحمل فرح ...
قلت ليهو :هل انت عارف عمار كن عرف انا الحيحصل لي شنو ي فندام !!! 

م رد لي وطلع خلاني في همي .. 

*

مرضي اتطور وطلع عندي فشل كلوي ...
وكان لازم اني اغسل مرة ف الاسبوع..
الغسيل دا ي جماعه حار...اقسم بالله حاااار

لو جيتو مركز غسيل الكلي م حتسمعو غير الصراخ والعويل..
كأنو زول بنكت ليك ف جرحك بدون رحمه بي إبرة سخنه...وربنا م يضوقكم ليهو ولا يضوقكم ليهو في عزيز 

فندام هو الكان بدفع قروش الغسيل ...م عارفه ليي بساعدني مع اني اتعودته اعمل اي شي براي واتعودته الاقي الاهانه والاهمال من الكل

عمار زوجي خلاص مسحني رسمي من قائمة حياتو...و ولدي خلاااص بقيت اشوفو.مرة مرة ..

لغاية في يوم كنت قاعده ف الغرفه بخيط في جلباب .و وائل نايم جمبي لانو هدي وعمار طلعو مشوار وما ساقوها وبالتالي جابوهو لي..
..فندام جا داخل وعاين لي ...

قال لي عندي ليك خبر حزين ومفرح في نفس الوقت

قلت ليهو قول المفرح اول ..
قال لي وهو بمد لي ف ورقه : قدمت ليك في مركز خيري لغسيل الكلي .وقبلو اسمك..يعني تاني حتغسلي مجان ي آثار...
طبعآ فرحته شديييييد..بالرغم من انو الغسيل حار بس احسن يكون بلاش وحار بدل بي قروش وحار

قلت ليهو طيب الخبر المحزن شنو!!؟؟؟

سكتتت مسسأفه وجا قعد قدامي قال لي شوفي ي آثار 

#ألف_باء_العذاب
-١٠-
بقلم فلة علي


قال لي شوفي ي آثار..انحن حنسافر اسبانيا...المستشفي القبل طلب العلاج كنت شغال فيهو ممرض ...

طبعآ اتمغصته مغصه..انا م عايزه اطلع من السودان..لكن دي فرصه اهرب بيها انا و و لدي من براثن عمار

..
قلت ليهو م مشكله..
واصل كلامو : زوجك وافق انو تسافري بس بدون وائل

ف اللحظة دي الغضب ملا عيوني ...كييييف امش واخلي ليهم ولدي !!!!! قلت ليهو : لالالا دي م استخار فيها والله انا ولدي ما بفوتو وراي نهائي

فندام : عايني..ولدك دا عندو غيرك ف الدنيا دي ؟؟
هزيت راسي لا 

قال لي وانتي يهون عليك انو لا قدر الله لو حصلت ليك حاجه انو تمشي وتخليهو لعمار ومرتو !!!

طوالي بديت ابكي

قال لي لازم تمشي تتعالجي وترجعي لي ولدك سليمه ومعافيه...اسمعي الكلام وم تعاندي ..
قلت ليهو بس م بقدر اخلي ولدي !!! انت اتكلم معاو اكيد حيرضي انو وائل يمش معانا 
قال لي كلها شهرين او اقل وحنرجع ..بترجاك م تعاندي..عشان خاطر ولدك ي آثار !!

م رديت ليهو ورجعته رقدته جمبه ولدي حضنتو علي ونومتة ودموعي في عيوني ...بالجد م بقدر اعيش بدون ريحة وائل..واسي كمان شايله اخوهو ف بطني ...خفته مصيرو يكون زي مصير اخوهو ويتجهجه بين امو وابوهو..واللهم قوة ما بعدها قوة

**

سافرنا اسبانولا للعلاج...لو شفتوها سمحه سمحه سمحه مبالغه...بالرغم من كده م كنت مبسوطه نهائي..عمار ومرتو صاح م حيقصرو مع وائل بس برضو...حارررة والله ...
فندام آجر شقه عبارة عن غرفتين وهول 
دخلته غرفتي..رتبته ملابسي في خزانة صغيرة كده ..
فجآة الباب دقه ..لبسته توبي وفتحتو ...فندام قال لي تعالي اتعشي .
قلت ليهو م دايرة..دايرة اقفل الباب كده مسكو..قال لي انتي شايله جواك روح ..كده حتشيلي ذنبو 

م رديت عليهو وطوالي قفلت الباب
مسكته بطني وقعدته ابكي باعلي صوت وهو قعد يدق ف الباب ..وكان بناديني و بحاول يفتحو بس انا كنت مؤمناهو
م حسيت بنفسي الا وانا نايمه ف الارض

الصباح صحيت بدري ..جسمي كان بوجعني من نومة الأرض وبالرغم من كده نضفته الشقه ...وجهزتة الشاي
فندام جا طالع من غرفتو وعاين لي..قال لي اصبحتي كيف 
قلت ليهو بخير انا ..الحمد لله

قال لي اجهزي حنممشي المستشفي ..
قلت ليهو طيب .دخل الحمام وانا جهزته ليهو كبايتو حقت الشاي ودخلته غرفتي ..

...الساعه 10:34ص بتوقيت العاصمه الاسبانيه مدريد طلعنه انا وفندام ..لبسته فستان اسود وطرحه لونها اخدر غامق م ختيت مكياج طبعآ لكن كان واضح الأعجاب في عيون فندام

ودا الشي الخلاني أكرههو زياده !! بالجد م حأنسي العملو فيني والغدر الغدرو بي !! ربنا يسامحو 

ركبنه تاكسي ...طول الطريق كان بوصف لي علي معالم مدينة مدريد..القعد فيها 4سنه كاملات ..قال لي : تعرفي انو كان اسمها مجريط ودا اسم عربي ..!؟؟ 
سكته م رديت عليهو و واصلته اتأمل المناظر 

قال لي مدريد بتقع وسط آسبانيا في منطقة كاستيا وديييل سلسة جبال سيرا دي غواردراما ف الشمال الغربي ..
عاينته للجبال وكان شكلها مهول..وقت شافني اهتميت بالمنظر قال : عاليه شديد..ارتفاعها 2.429متر في قمة بينيالارا ...م اهتميت وتاني بقيت بعاين ف الطريق 

وكان برغي وبرغي وانا والسواق شميناهو عديييل كده لانو معطنا بي كلامو ..
وقت سكت انا حمدته ربي والسواق اتنفس الصعداء..

تاني بعد مسافه قال لي : 

#ألف_باء_العذاب
-١١-

قال لي : بتكرهيني قدر شنو !!!

استغربته ما من سؤالو لالا ...استغربته من استهتارو..كيييييييف يعني بكرهو قدر شنو !!!

ف اللحظة دي قربته اتوووف ليهو في وشو بس احترمته سواق التاكسي..لغاية قال لينا بلغتو الاسبانيه : he mos llegado 
(لقد وصلنا .. )

نزلته وخليتو قاعد يحاسب.الجو كان اكتر من رائع..والناس حلويييين حلاة الجن..سرحته ف مناظر مدينة مدريدستا الرائعه ..بالجد حلوة 

قال لي : ان شاء الله عجبتك بس ؟؟
م رديت ومشيت ع اتجاه بوابة المستشفي حبيت اخليهو يحس بالندم في كل خطوة يخطوها..عشان يعرف انو خان ثقتي فيهو

*
طبعآ هناك الدكتور طلع بعرف فندام وسلم عليهو لي حرارة...و وقت شرح ليهو حالتي قال لينا: 

i will not say you are sick ..
Yo no estoy enfermo ..so pleaes favor dervuelvame

( انا لن اقول انتي مريضه..انتي لستي مريضه حتي تعيدي التحاليل .. ..لذالك ارجو ان تتم إعادة التحاليل من جديد .)

وفعلآ عملنا الفحوصات اللازمة والنتيجه بتطلع بعد نص ساعه كده..

ف الفترة دي نزلنا الكافتيريا حقت المستشفي ...
طلب لينا سندوتشات لحمه بالكاتشب ...وعصائر 
تلفونو ضرب وقطع لحظة الصمت ...ودار الحوار التالي : اي عملنا الفحص ومنتظرين النتيجه..نحن ف الكافتيريا ..طيب لمن تصل اديني خبر ...تمام ..

عاينته ليهو بأستغراب قال لي دا زميلي منتصر...ممرض برضو وشغال هنا مشغول شويه بس اسي نازل لينا..

م عقبته ع كلامو و شربته العصير

بعد 34دقيقه كده شفته لي شاب اسمر كده طويل وزو كاريزما ...جا لابس كوت وسلم علينا .
كان واضح وباين انو منتصر ..قال لي آثار كيفك ؟؟

قلت ليهو بخير انا ..

فندام : البركه الأنت جيت تصدق من وقت جينا من السودان وهي ساكته

قال ليهو اكيد م عجبتها مدريد ...لكن اديها يومين بس وحتدردق فيها وتقول م راجعه
فندام : اصلآ م حترجع

طبعآ كلامو فآجأني !!!!
قلت ليهو :كييييف تانيءم حأرجع انت قاصد شنو !!!
فندام : لالا م قص...

قصدك ؟؟ يعني انت اتفقته معاهم عشان تبعدني من ولدي صاح هل انت عارف بي عملتك دي انا حأعاني قدر شنو ي فندام !!!!

الناس كلهم بدو يعاينو وكان مناظرهم آسفه جدآ لأنهم م فاهمين الدارجي العربي ...
فندام مسك يدي طوالي نفضتها منو لمن كباية العصير وقعت واتكسرت ..
طلعته من الكافتيريا وانا شايله غضب ما يعلم بيهو الا ربنا ...وبس صورة وائل في وشي..صورتو وهو بكبر قدام عمار ومرتو !!! صورتو وهو متخرج من الروضه..صورتو وهو ود اوله اساس ! 
صورتو وهو بذاكر لامتحان تامن...صورتو وهو فرحان لمن زاعو اسمو 

صورتو وهو ممتحن شهاده..وهو برلوم ف الجامعه 

وهو خريج !!!
وهو عريس !

دا كلو وانا م اكون معاهو...
!!! 

دموعي م خلوني اشوف الطريق ...كنت ماشه وانا بببكي وبببكي !!! 
اخطلته بي حشد من المارة لغاية ضعته فيهم ..

الناس كانت بتعاين لي وبالرغم من انهم م بعرفوني لكن شكلهم عرفو القاهرني شنو...وعرفو انو قلبي عبارة عن قلب ام مقهورة ...قعدته قبلي وانا ببببكي وكنت بقول وائل ..وائللل ..وائل لالا وائل 

في واحد جا قال لي : ¿Estás bien 

( هل انتي بخير ...)

م قدرت ارد وكنت بس ببكي ..فجآة اتلمو حوالي حشد من الناس وكلهم كانو بسألو......لغاية شفته وش فندام..قال ليهم بلغه اسبانيه طلقه :
es miesposa ..just problemas familiares

( انها زوجتي ..مجرد خلافات اسريه)

ه
واحد قال ليهو 
tú debes de waael... pronunció su
nombre 
.escucharla llorar..
Tu esposate te ama ..por favor te end fades
( لابد انك وائل ...ظلت تردد اسمك وهي تبكي..زوجتك تحبك ارجوك لا تقم بإزعالها)

( إغضابها اقصد هعععع م إزعالها )
ابتسم و قال ليهو : ok )حاضر.)

مسكني من يدي وحضني عليهو.. قال لي انا آسف..م كنت قاصد 
طبعآ قربته اكفتو كف...قال لي : استحمليني دقيقه بس ..
اما اهلكم ديل بحبو الحركات دي..قامو قعدو يصفرو وجزء منهم بدا يصفر 
حتي صورونا اقسم..المهم..قال لي ورح نجري لكن بالراحه عشان انتي حامل ...قبل م ارد مسكني من يدي وجري ..
اتضريت اجري معاهو والله م حبآ فيهو بس عشان ما أقع

وصلنا حته كده فيها موية...قال لي دا نهر مانزانارس وهو.....

سكت لمن شافني حمرته ليهو ..عرف اني فترتة من المعط ..

وقفنامسافه وكنا ساكتين ...قال لي : ولدك حيرجع لي حضنك م تخافي..وسبحان الله ربنا بي حكمتو م ببعد ام من ولدها

قلت ليهو : بس ولدي ي داب عمرو 6شهور !!!! 6 بس ي فندام!
فندام : عارف...وشفتي لمن عمرو يبقي 10شهور حتكوني شايلاهو في إيدك...وكمان حيوسخ عليك انا متأكد

ابتسمته لا إراديآ وهو واصل : كن شفتي ابتسامتك دي كنتي عمرك م ابتسمتي..شيييينه 

حمرت ليهو قام ضحك ...وعاين ع البحر وقال : بس اصبري..وقسمآ حتلاقي حياة كلها فرح ...بس اصبري

استغربته من ثقتو دي..بس قلت ليهو :رجعني البيت انا تعبته 

ونحن ف التاكسي منتصر ضرب ليهو..قال ليهو نحن رجعنا..
سئلو عن النتيجه قال : آآخ نسيتها ياخ ! حأوصل آثار وارجع اجيبها ..

#ألف_باء_العذاب
-١٢-
بقلم فلة علي
كنت نايمه لمن سمعته الباب بدق بقوة ...مشيت فتحته لقيتو فندام¡ كان عيونو ملانات دموع¡¡ قال لي : آخيرآ حترتاحي من الغسيل !!! 

م فهمتو نهائي. قال لي انتي م مريضه ي آثار ! كليتك سليمه وكنتي بتغسلي ساي ! م عندك اي فشل كلوي!!
ناس السودان شخصو ليك غلط اتخيلي !!! 

قفلت خشمي بي يدي ودموعئ عشرة عشرة

يمكن م تصدقوني لكن بالجد كده انا م فرحته عشان انا سليمه لالا .والله م يهمني انا مريضه وله سليمه..كل البهمني انو انا حأرجع السودان !!!! اتخيلو معاي بس !!!
آخيرآ وائل حيرجع لي أمو آخيرآ !!!

اليوم داك م قدرتة آكل من الفرح ...ونوممممته وخشمي مفتوح

صحيت متأخرة...وقت طلعته من الغرفه لقيت فندام عمل الشاي..وعمل فطور..لكن المطبخ مقلوب راس علي عقب ..
قال لي : بري انا جيت لقيتو وسخان كده !! انا ما غردي 

ضحكت طوالي وقلت ليهو اها حنسافر متين !؟؟

قال لي اصبري شويه عندي مصاريف لغاية تجي

وقت عرفت انو القروش حتأخرنا قلت اصبر ما دام النتيجه اني اشوف وائل 

فندام طلع وانا قررتة انضف المطبخ..
غسلت الصحون و رتبتها ..
ومسحت ارضيه المطبخ...

بدون م اشعر الباقه حقت الديتول ادفقت ف الأرض...وجييت شايله صحن الفواكه معاهم السكينه وم انتبهته للديتول وطوالي انزلقته ...
والله الوجع الحسيت بيهو ماليهو مثيل ..صرخته وانا بتلوي في ارضيه السيراميك ..ناديت فندام بس من سابع المستحيلات يسمعني ...

حسيت في حاجه نازله مني..عاينت لقيتني غارقه في بركة دم ..من الخلعه فقدته الوعي طوالي

**

4ساعات وانا 
بنزف !!! 4ساعات في وضعي داك !!
نزفت دم كتييير خلاص قلبي زاتو كان حيقيف لو م ربنا ستر وفندام جا..

فتح الباب وكان شايل آكل جاهز و ورود معاهو...و وقت شاف منظري رمي الحاجات وجري علي
*
ف المستشفي احتاجو ينقلو لي دم...الحمد لله فصيلة فندام زي فصيلتي( O-) 

**

تميت اسبوع كامل وانا غايبه عن الوعي..لغاية فتحت عيوني لقيت نفسي ف المستشفي...

الممرضه كانت بتعاين لي وابتسمت ..اتكلمت معاي بس م فهمهتا ..اظن قالت حمدللاك بالسلامه م معروف هههه 

طلعت وبعد شويه فندام جا جاري ..ودموعو ف عيونو...قال لي : الحمد لله ي آثار..حمد الله ع السلامه

غمضته عيوني لزوم ربنا يسلمك...والله م كنت قادرة اتكلم صدقوني...

خته يدو ف بطني ودموعو نزلو...قال لي :

#ألف_باء_العذاب
-١٣-
قال لي : فقدنا الجنين ي آثار...
كنت عاوزه ازغرد من الفرح بس وقت شوفته الحزن ف عيونو سكته...غمضته عيونيءوالفرحه نزلت بشكل دموع...

تميت اسبوع تاني ف المستشفي لغاية بقيت امش ع رجولي...رجعنا الشقه وهناك لاقيت مواهب مرتو لمنتصر ..ماشاء الله نضفت لي المطبخ ورتبت لي الشقه ....ظريفه شديد وم عندها اولاد

حزنت كتيييير لأني اجهضته وكانت مستغربه في نفس الزمن ليي انا م زعلانه 
م حبيت اوضح ليها لي ..خصوصآ لمن اتذكرتة انو انا وفندام عايشين سوا وم متزوجين...لييي م لاحظتة لي كده لييي. !! صاح انا وهو عايشين ما زي الاخوان لالا. حتي زي الاعداء بس برضو م مفترض نعيش سوا

المساء زي الساعه 12:34ص منتصر ومرتو طلعو...بعد مشي وصلهم الباب وجا قلت ليهو : نحن م المفترض نعيش سوا ي فندام ...لانو ماف رابط بيناتنا !! 
قال لي والحزن باين ع وشو : انا كنت ناوي اتزوجك بعد عمار يطلقك ...بس حصل الحصل 

قلت ليهو يعني عاوز تتزوجني عشان تكفر عن زنبك انك اغتصبتني !!!

سكت وعضه ع شفايفو ..قلت ليهو والعبرة خانقاني : المشكله انك كنت بتتمسكن لمن تتمكن...وفعلآ اتمكنته وشلته الدايرو وغصبآ عني !! انت سألت نفسك هل انت بشر ي فندام !!!

سكت وم رده 
قلت ليهو تصدق انو انت كنت السند الوحيد لي ...لا عمي لا مرتو ولا زوجي ما كانو احن علي زيك..بس للأسف انت آكتر واحد آزيتني !!!

وقتها قال لي كلام عمررري م حأنساهو...عمرري كلو 

**

ف جانب آخر...بعييييييد ...بعييييد شديد...

ولاية القضارف الحب...

خديجه كانت قاعده بتعمل ف القهوة ..وجمبها حاج اسماعيل زوجها 

جا خالد وكان لابس داك ي البنطلون الناصل ومسبسب شعرو ولابس فريم ازرق 

امو قالت ليهو : اهااا خلاص ماش تكسرهم مش ؟

قال ليها : ااي ي حجه ااي ..اكسر ليك حنانهم زاتو 
خديجه : بالراحه لكن ها..

قام ضحك وقال ليها تآمري 

خديجه : روح إللهي يحفظك 
خالد : بركاتك يامو (يا امي قال ههععع باب الحارة 11)

اسماعيل : إي يبعتلك حممممه ...اها انتي وو ولدك حتمعطوني كده يومي لي متين ! لالا وكمان بالسوري بتتكلمو !

خالد : ي حاج ...ي نور عيوني كدي انت جيب ال50 عشان الحق صف البنزين عندي مشوار 

اسماعيل : شنو شنو!!! عايز تملا التنك عسل وله داير تجيب خروف اصلو !!!

خالد : ماش اجيب ليك مرت ولد ...كدي جيب جيب انا اتأخرته

خديجه : اديهو عليك الله هو كن م شحدك يشحد منو !؟؟

جات خوله العثوله جاريه وهي بتقول : وانا كمان وانا كمان 

اسماعيل : لالا انت واختك حتفلسو بي انا متأكد...طلع ال50 مداها لي خالد وقال ليهو سوق بالراحه...

ومده لي خوله ال10 

باسوهو طوالي وخوله جرت غرفتها وخالد جرا يحصل المزه 


اسماعيل : عيال شليقين خلا...قطع كلامو لمن شاف دموع خديجه ...
قال ليها اهاااا تاني ي خديجه !

خديجه : تاني وتالت ي اسماعيل ...كيف تفتكر اني انسي بتي القطعه من حشاي !!!!

اسماعيل قام طوالي وشال كرسي وطلع برة الشارع وخلي خديجه سرحانه لغاية حرقت البن 

يلا خديجه دي آواخر الخمسينات كده كده...بس لو شفتوها تقولو اصغر مني انا فله دي زاتي 

واسماعيل ستيني ...خالد 23سنه ..وخوله 17كده

يلا ديل منو وقصتهم شنو حنعرفها قدام...كل العليكم تعرفو انو ديل من القضارف الحب ....

#ألف_باء_العذاب
-١٤-
كنت بببكي وببببكي وانا بتذكر الكلام القالو لي فندام..

معقوله في بشر كده ¡¡¡¡
معقوله في نفوس كده ¡¡¡¡

الحوار الدار بين عمي ومرتو و عمار وفندام ف ال flashback

عمار : اهاا حتساعدنا وله لا !!؟؟

فندام بس ي جما...

هدي : اسمع ي فندام ..انت م خسران حاجه..والبت دي اصلآ لافه من يومها ..ولو م عملنه كده لي قدام م حتسكت

فندام .: بس دي بت عمي ي جماعه

هدي : اااي عارفين..بس ي فندام انت عارف انو عمار اتزوجها عشان يجيب منها ولد...واسي هو عايز يسافر برة البلد ويسوق مرتو و ولدو بس وآثار اكيد م حترضي انو يشيلو ولدها ..عشان كده انت لو ساعدتنا وسوقتها للعلاج م حتعترض طريقو..ولو عرفت بي سفرهم و كترت كلام ومشت المحكمه م حتشيل الولد لانو حنجيبك تقول انها واحده لافه وكده فهمتني ؟

فندام : طيب ي عمتي التشوفوهو 

#back

واتذكرت كلامو لمن قال لي انو ساعدني لانو كان حاسي بالذنب...وانو اسي عمار سافر قطر هو ومرتو و وائل...فجآة كده كل حاجه اتغيرت ..من سئ لي اسوء

لييييي العذاب دا لييي!!!

وقعدته اصرخ واقول وائئئئل !!! ولدي حبيبي حرقتو حشششاي ودمرتوني !!!

حرام عليكم ليي متين العذاب دا لي متيييين !!!!
ربنا يصبرني ..
يارب قوة من عندك يارب !!!!

بكيييت لغاية نومتة قبلي ...يارب م تضوقو الضقتو انا يارب 

***

فندام كان قاعد ف واحد من شوارع مدريد شارع كلو شجر كده..كان بشرب سيجارة وجاتو فكرة

شال تلفونو واتصل بي عمار..قال ليهو بصريح العبارة : انت عارف انو بكلمه مني حأقدر اشيل الولد وارجعو لأمو ..
عمار : دا اعتبرو تهديد يعني ؟؟؟

فندام : عاين اكسب زمنك و وريني اهل آثار من امها وين ؟؟؟

عمار سكت مسسسافه وقال : م عارف 

فندام : متأكد ؟

عمار : انا اكون كذاب لو قلت ليك بعرف محلهم
فندام : لا يستوي اللذين يعلمون واللذين لا يعلمون
عمار: قاصد شنو انت

فندام : يعني تمشي تعرف وتعلم...وتجي تكلم الماعارفين عشان يعرفو..وطق قفل الخط
قال ف نفسو : حألقي ليك اهلك وولدك حيرجع ليك ي آثار...وربنا يغفر لي بس
**

قضارف الخير ❤

) هوي هي اسمها قضارف ما قطارف ...ولا حتي جضارف...اسمها القضارف بالضاء سمح ؟؟؟؟)
بيت عبارة عن طابق...في 
حوش بي رمله.ومرشوش..+ قطيه ارضيتها بي اسمنت والسقف قش....+ سراير الحوش وحفاظة المويه 

اسماعيل راقد في سرير وشايل جريده وخديجه خاته حنتها 

الباب دقه وخوله جرت فتحتو ...كان في مرة دخلت سلمت عليهم ودي اول مرة يشوفوها فيها 
قالت ليهم بعد اكرموها : انا سمعته انو انتو عارضين النمرة الجمبكم دي للإيجار ..

اسماعيل : اي صاح 
المرا : جيت استفسر من الإيجار وكده

خديجه : والله معليش بس اختي حتجي تسكن فيها..معليش 

المرا : لالا م مشكله عادي...تاني ما بلقي لي في الحي دا بيوت إيجار؟؟ 

اسماعيل : والله انا م عندي خبر ..لكن اسألي يمكن تلقي 

المرا : يارب القي لانو حيكم دا كويس شديد

خديجه : فتشي حتلقي ..
اتونست معاهم شويه وطلعت

بعد طلعت اسماعيل شال كباية موية وقطعها كلها ..وقال ليها : من متيييييين انتي عندك اخت؟؟ الشي البعرفو انو انتي وحنان بس البنات في الأسرة

خديجه : بس انا م حبيت أأجر النمرة..خلاص م من نصيبها 

اسماعيل رجع في تكيتو ديك بعد لوي خشمو لزوم المرا دي بدت تخرف وكده
بس هي م اشتغلت بيهو وقعدت تلمس في حنتها...

#ألف_باء_العذاب
-١٥-
3يوم لا بتكلم معاو لا بتكلم معاي...والمشكله انا م بقدر اسألو حنرجع السودان متين..
بقيت بلا مكان ولا وطن وكان موسم المطر 

المهم...

في يوم كنت بشاهد التلفزيون ...لغاية شالتني نومة م حسيت بي روحي الا وفي حد شايلني !!!!!

فتحته عيوني وبدون سابق انذار اديتو كف!! 
نزلته من يدو ومديت ليهو اصبعي زي حركة الهنود ديك..قلت ليهو حسك عينك تاني تمد يدك علي فاهم !!!!

م رده لي ولا عاين ف عيني...وزحه من جمبي عاوز يمش

الحركة دي غاظتني وي داب عرفته مقولة : الداير تهريهو اسكت خليهو

جريتو من ياقة القميص لغاية الزرارة طارت..قلت ليهو انا بتكلم معاك م تطنشني !!!

هنا وقف مسسسافه لغاية قلبي عمممل ششششح ...وعاين لي وقرب مني 

انا رجعته ورا لغاية اتلصقته ف الحيطة...قال لي : في شنو ؟؟؟؟

سكتتتتته سسسسساي عاد اقول شنو !!!

ابتسسم ابتسامة مكر وزحه مني مشي غرفتو

انا طوالي انزلقته من الحيطة زي الضب وقعدته ف الأرض وكنت بتنفس بصعوبه..
بالجد كده هرشني الله يقوم ليهو كاروشه ف ضهرو 

/******
بعد اسبوع كده كنت بصلي المغرب ... جا قعد انتظرني لغاية تميت..قال لي جهزي نفسك بكرة حنرجع السودان .. 
م اكذب عليكم نهائي انا م فرحته...لانو هيا هيا وائل في قطر
لكن ارحم لي شويه من خنقة اسبانيا 
*

جهزتة شنطتي ونومتة بدري لانو لازم اصحي 6:34ص...

جا صحاني في نفس الزمن وجهزتة..و وقت وصلنا المطار الساعه كانت 7شوكة

7:34ص طيارتنا اتحركت...

كالعاده طول الطريق م اتكلمنا مع بعض..لغاية 
وصلنا السودان ...وي داب حسيت اني عايشه لمن شميت ريحة جو السودان..

نزلنا ف فندق طبعآ..وفندام حجز غرفتين..
م طولنا فيهو كتير لأنو 
الصباح طوالي قال لي اننا حنسافر ...
بس حنسافر وين ؟؟؟

قال حنسافر القضارف!!!!.

طبعآ جوطتة فيهو وكوركته...كيييف نمش القضارف!!!!...قلت ليهو راجعه بيتي هناك 

قال لي :بيتك ؟؟؟؟

احب اذكرك انو البيت حقك عمك استولي عليهو..واسي عملو ليك دعايه ف الحله انك جدعتي ولدك وهربتي معاي...
ي آثار صدقيني م حستفيدي شي بي رجعتك البيت ...عشان كده لازم تبدي حياة جديده و تكوني نفسك عشان ولدك يرجع لحضنك تاني
قعدته ف السرير وكنت بس بعاين تحت ..ودموعي بنقطو..
قعد جمب رجولي وقال لي : مش انا وعدتك ولدك لمن عمرو يكون 10شهور يرجع ليك ؟؟؟

عاينت ليهو وهو واصل : يلا بوعدك اهلك زاتهم من امك يكونو معاك اليوم داك

قلت ليهو انت ما توعد بي حاجات مستحيله...اوعدني انو لمن تمر ال4شهور اكون اتحللته ف قبري بس

فندام سكت وقام طلع من الغرفه...انا جهزته ملابسي ف الشنطه وانتظرتة لغاية جا قال لي ارح نتحرك بعد دا

❤❤❤

سلام ي قضارف *
الف سلام...مشتاقه ليك وانا فيك...
وبدون هواك ما بقدر اعيش
المهم بغض النظر عن الشعر الركيك اعلاه 
وصلنا القضارف...طبعآ دا كان شهر يوليو...عز الخريف ...
يوم الوصلنا كان الجو خنفشاري فظيع ...ي الله لو شوفتو الخدرة يا الله 

تعالي ي اسبانيا شوفي الملكه دي بتهدد عرششك

نزلنا ف فندق اسمو المتوكل ...ولانو سيد الفندق جابو ليهو ولد كان اي زول يجي ينزل بدوهو غرفة مجاني والأكل عليهم

قعدنا تلاته ايام لغاية فندام آجر لينا بيت...
عبارة عن غرفتين وعريشه ..نص نمرة كده وآجارهم كان كويس شديد
الناس الأجرنا منهم طيبين شديد وعشان ظروفنا قالو حيشيلو حق الايجار بعد شهرين لغاية امورنا تتظبت

طبعآ افتكرونا انا وفندام متزوجين..ونحن م حبينا نوضح ليهم انو ماف بيناتنا رابط ..لأنو كده حنجلب لي 

نفسنا الشبهات...والله اعلم .

*
حياتنا حبه حيه ابتدت تمش وتسير لغاية دخل علينا رمضان ..
رمضان ف القضارف عبارة عن هديه بس...انا كنت بنضف و بشتغل وبنوم وبعمل الفطور في زمن واحد وم تسألوني كيف..

المهم اني بعمل دا كلو وما كنت بتعب...
انا غايتو بقول رمضانهم مكشوف زي امتحان الكيمياء حق 2018 والله اعلم 

بالرغم من انو انا وفندام عايشين سوا ونحن م بيناتنا رابط...لكن هو كان عايش ف اتجاه وانا ف اتجاه
وما بشوفو الا وقت يقول عايز صينية الفطور

بغسل ليهو ملابسو وبكويهم ليهو وبوديهم غرفتو وقت يكون ف الشغل..وهو بجيب لي الخدار وبدخل غرفتو لمن انا اكون نايمه ف غرفتي..وهكذا 

طبعآ الجيران والناس اللفي .. مستغربين في حكاية اني ليشنو م بخت حنه ؟؟؟؟
وكنت دايمآ بقول ليهم م بتنفع معاي ...

غايتو الناس م بتريحك عشان كده الواحد يتريح بي ريحتو..

في يوم كنت بحضر

رامز تحت الأرض 
#كسرة
بالطوول والعرض..راامز تحت الأرض هههععع 

#نرجع

فندام دق لي باب غرفتي وناولني كيس ...ومشي 

وقت فتحتو لقيت.. .
تفتكرو لقيت شنو ي ناس الشمارات ؟ تسالي وله فول وله عنكوليب ؟؟؟ 

#ألف_باء_العذاب
-١٦-
لقيت حنه ¡¡ ومعاها محلبيه ¡

في ابتسامه خفيفه مرت علي شفايفي طردتها طوالي...وجدعته الحنه ف السرير وم اشتغلته بيها تاني...
****

فندام لقي ليهو شغل ف بقاله ف السوق..يعني هو م كويس لكن كان بمشي لينا أمورنا ..

ف العشر الأوآخر جونا الجيران..كان يوم 34 رمضان.ههههه اقصد 24رمضان

فطرو معاي وبالجد كانت بادرة كويسه منهم ..
كانو ظريفين وحنااان ..غسلو لي العده وضايرو لي البيت..حسيت اني وسط اهلي وانا وسط الغرباء

في آواخر الآواخر يعني 27 كده لفوق من شهر رمضان

بدينا تجهيزات العيد ...طبعآ علاقتي مع جارتي خديجه وديل الناس الأجرنا منهم البيت...كانت كويسه شديد .خالتو خديجه في آواخر الخمسينات كده ..مرا كده ممكن تقولو عليها الحياة..بيتها انيق لدرجه 
عندها ولد وبت ...خوله وخالد..وزوجها حاج اسماعيل..راجل ممكن تقولو عليهو الطيبه تمشي علي اتنين ..بتذكر وقت لاقيناهو قال لينا انو مرتو كان حالفه م تآجر البيت لكن وقت شافتني آجرتو لينا..غايتو ناس طيبين شديد..

مشيت لي خالتو خديجه عشان نعملو كعك العيد..
انا اصلآ عندي خبرة لا تقل عن 10سنوات ...
والفضل بيرجع لي عمتي وبتها ...
خالتو خديجه استغربت مني وقت شافتني اسطه بضم الألف في عمل الخبائز....بالذات الجوزه انا خبرة فيها 

جا ولدها المهترش الاسمو خالد وهو بترنح زي السكران...قال لينا : بسسسسس ادوني جوزه ...سوورعه!

خديجه : اجي ي اخواني ! كمان فيها جحم !

ضحكته ومديت ليهو الجردل حق الجوزه برمته ..والكلام دا بعد المغرب هوي

قال لي : انا مني ومنك اعمل محل خبائز..والله حتكسري الدنيا الخلق
خوله : ي روعه البتزيد برق
قام حمر ليها سكتت طوالي هههه 
خالتو خديجه قالت : عمرك 23سنه وي دابك قلت حاجه تنفع أمة محمد

استغربنا من كلامها ..قامت واصلت : رائيك شنو نفتح لينا محل حق حلويات ومعجنات..؟؟؟؟

ضحكته لأني قايلاها بتهظر...قالت لي سمح

**** 
يوم الوقفه فندام طلع من الصباح وم شوفتو تاني. جوني خالتو خديجه وبتها خوله ...
طوالي وقت شافت الحنه عجنتها لي وحننتني ...حنه سير لكن طلعت واو ..بالذات لمن ادخنته فيها ودي كانت اول مرة ادخن ...
*
طبعآ السماء خمسه دقايق شالت والهواء قام
ومع جية المطرة الكهرباء قطعت.. ...
الا خوله نامت معاي لانو فندام اتآخر ف السوق ..

***

جاتني صحيه الساعه 3:34ص
لقيت المطرة زاتها بدت تقيف..سمعته لي صوت كركبه كده جايه من المطبخ ..قومتة مشيت بالراحه كده لقيتو دا فندام بفضي الخدار ف التلاجه..
كان مبلول من المطرة وحالتو بالبلا..
قلت ليهو ليي جيت في المطرة دي !؟؟ 

قال لي م تخافي ..دي نقانقه ساي م بتعمل شي...طلعي لي غيار من الغسلتيهم جبيل ولحقيني ليهو الغرفه...مشيت 
طلعته ليهو غياراتو و وقت دخلته لقيتو بعطس..اديتو لبسهم ومشيت عملت ليهو شاي ..وقت جيت لقيتو لمن نام...م حبيت اصحيهو وختيت الكبايه وطلعته ..
****

طبعآ م جاني نوم..دخلت المطبخ غسلته العده و رتبتها ..ونضفته الهول ومسحت الارضيه..
وانا بنضف بديت اسمع التكبيرات حقت العيد..طبعآ روحانيه عجيييبه ..

رتبته البيت وجيهتو ...طلع يسوي كدي 👋

خوله صحت وجات مقلعه عيونها (طبعآ خوله عمرها 17..
.في نفس عمري بس دي اتربت وسط عائله بتهتم بحقوق الاطفال القصر..وم بزوجو بناتهم وهم في عمر 16سنه!!! والحمد لله بس ) 

قلت ليها :اسطه صاح !؟؟

قالت لي انتي معلم ونحن منك نتعلم...يلا انا جاريه اشوف امي دي 

قلت ليها لحظة...
مشيت كبيت ليها عيديه عشان توديها لي لأمها ..قالت لي تشكري...وم تنسي تصحي فندام اخوي للصلاه..قلت ليها سممممح
**** 
مشيت غرفتو وسبحان الله دخلت بدون م ادق الباب ..لقيتو صاحي وبتبظ في تلفونو..عاين لي وابتسم وقال : الشاي دا صفيتيهو من مويه الماسورة صاح !؟؟

قلت ليهو اقسسسم بالسخان..بس انت كنت نايم
خته يدو في خشمو وقال : يعني انا شربته شاي بايت ؟؟؟

قلت ليهو لالا م بايت لكن من تلاته صباحآ معمول

قام ضحك وقال لي كل سنه وانتي معاي
عاينت ليهو طوالي صلحها : كل سنه وانتي طيبه
قلت ليهو وانت طيب ..يلا قوم اجهز للصلاة ...

طلعت خليتو والدمعه في عيني ...مشيت كويت ليهو الجلابيه والسروال . وديتهم ليهو الغرفه ومشيت جهزت ليهو الشاي.. طبعآ وقت جا عشان يشرب الشاي كان لسان حالي بقول : سبحانه من زين وجوه الرجال باللحي..يعني حاجه كده استغفر الله بس
ياخ عطرو ( الوسام) خلاني ادوخ . 
قال لي انا سمح للدرجه دي ؟؟

ابتسمته بسخريه وقلت ليهو اشرب الشاي عشان تحلل فطورك

شال بلحه آكلها وقال لي الشاي لمن اجي...يلا انا ماشي 

طلع وخلاني سرحانه ودايبه في عطرو...

بعد طلع جاتني خالتي خديجه وخوله عشان نمشو الصلاة. لقوني سرحانه 
خوله : في ناس كده مكسريييين 

خديجه : تتكسر في الصلاه..يلاكي ورح ..قلت ليها : والطين؟؟؟

لمن ضحكت هي وخوله وقالت لي دا العيد التالت تجينا فيهو مطرة ي بتي...وبنمشي ونهائي طين ما بوقفنا..يلا يلا ورحكاكي...طوالي اتوضيت وطلعنه مشينه الصلاه 

وا

#ألف_باء_العذاب
-١٧-
تاني يوم ف العيد خالتو خديجه جاتني حننتني..رسمت لي زي رسم العرسان ...طبعآ انتو عارفين انو انا م حصل مرة رسمته ولا اتحننته ...عشان كده الرسم طلع عجيب فيني ..
المساء طلعنه انا وفندام..عيدنا ع الجيران وبعدها عزمني المنتزه..اسمو الشهيد ❤...اتونسنا كداا وكالعاده اليوم اتخرب وقت شوفته الأطفال ...و لمن شافني بديت اتحسسس قال لي ورح نتمششي ..

طلعنه من المنتزه واتمشينا ف الظلط..انوارو كانت عجيييبه..
الغريبه الناس كانو بعاينو لينا وبآشرو وحتي في اولاد صفرو لمن شافونا
كنا لايقين ع بعض كتييير ..فندام زي م وصفتو ليكم كان عريض المنكبييين..طويل ومعضل يعني..اسمراني ..ما كان وسيم الوسامه التلبش ديك لكن كان بفيض ببحر الرجوله ..

وانا طولي متوسط لكن مايله للطول ..نحفته طبعآ من الهم لكن جسمي مفصل..
قمحيه ملامحي اكتر من عاديه..ياخ ممكن عادي تقولو شينه ..المهم كنا لايقين والدليل المشاغلات الحصلت

ف نص مشيتنا قال لي بتحبي الاقاشي ¿
قلت ليهو بموت فيهو ..
قال لي طيب خليك هنا ماشي وجاي 
قلت ليهو ماشي وين ؟؟..
قال لي دقيقه بس..اسي بجي...وجري مشي 

انتظرت مسافه عشرة دقايق كده وجا شايل كيس ورق في يدو..قال لي : جبته ليك آقاشي..كنت براغبك من بعيد خوفته زول يشاغلك..وهناك المحل ملان رجال

قلت ليهو م تخااف م سمحه السماحه اليشاغلوني فيها
قال لي م تظلمي روحك..لكن صاح المرايه م بتشوف روحها .

طبعآ م فهمتو..وقبل م اسألو قال لي : وم تسأليني من المثل...لاني زاتي م عارفو..

قومتة ضحكته وقلت ليهو ارح الزمن فات

ونحن ماشين فجآة قال : ي المعاي وبعيده مني 
ي القريبه وما بعيده
معاي بعيدهه مني 
ي القريبه وما بعيده 

كل م اجرب اجيلك ..خوفي منك يزدني هيبه 
حاسي انك حته مني..والتقيتك بعد غيبه 
انك حته منييي..
كل عمري معاك ايام كل سنه وانتي طيبه ..سلمي شان ارد السلام...والكلام البجيب الكلام 
دوبته من شفته الابتسامه..العيون شالو قلبي الغرام 
ي سلام سلم ان شاء الله تبقي ..شكل دنياي تمام التمام 
ي سلام سلم ان شاء الله تبقي ...

قلت ليهو تاني م تغني...صوتك باتجاه والغنيه باتجاه 

قعد يضحك ويقهقه...قال لي سجمممك...تاني يوم بغني ليك بحنجرتي الدهبيه

قلت ليهو كن دهبيه م عارفه.

لكن الشي الما انتبهت ليهو الا لمن رجعنا البيت ..انو فندام غني لي نفس المقطع اللفي الكراس ..

عشان كده مع دخلتي البيت جريت فتحته شنطتي فتشتها م لقيت الكراس !!!

فجآة سمعته زول قال لي بتفتشي دا ؟ 
عاينته لقيتو فندام ماسك الكراس..جابو لي وقال لي لقيتو واقع جمب السرير..اظن انتي رميتيهو بدون قصد

قلت ليهو عشان كده جبيل غنيت المقطع دا صاح؟؟؟

ابتسم وم اتكلم..واصلته وقلت ليهو : الولد دا بقد م انا بكرههو كنت بدعي عليهو ف صلاتي..لأنو بي سببو عمي زوجني لولدو..وبي سببو انا جبته وائل واسي بتعذب كده..
هنا فندام اتأثر وطلع طوالي ...وانا قشيت دموعي ولميت الكراس ف الدولاب..

في نفس اليوم فندام ناداني ..طبعآ استغربته ...جريت غرفتو لقيتو لا بحرك يد لا رجل
طوالي جاتني صورة ابوي 💔قلته خلاص حأفقد فندام زاتو..قعدته ابكيي طوالي
قال لي بطلي العوارة وجيبي لي مسكن
طلعته وجري لي خالتو خديجه..34ثانيه وجيناهو تاني
قال لي ليشنو كلمتيها ياخ..الموضوع م بستاهل 

خديجه : انت بس اسكت..حمتك دي شديده خلي خالد يجي نمشو المستشفي 
قال ليها لالا م بحتاج..لكن ادوني مسكن..

قلت ليهو دا كلو من المطرة كلمتك م كنت تطلع في المطرة 
...خديجه : بطلي بكي وجيبي مويه بارده اعمل ليهو مكمدات

فعلآ جبتها وعملناها ليهو..واديتو المسكن خمسه دقايق نام

تمه ليهو 4ساعات و34دقيقه نايم لغاية قلته الراجل دا فطس..
وقت صحي الحمي نزلت لكن صوتو انقرش
عملت ليهو كركدي بي زنجبيل وبخرتو ب قرض
تمه زي تلاته يوم كده والحمد لله بدا يتعافي لكن جاتو نزله شديده..



....مره الصباح جاتني خالتي خديجه وقالت لي زوجك موجود ؟؟ 
قلت ليها اي جوة..اناديهو ليك ؟

قالت لي اي

مشيت ناديتو ..اتكلمت معاو و اتوششو كداا ومشت

طبعآ م فاهمه شي..واتوقعتو يجي يكلمني بس البت تكنس والشجر يحت
...

المغاربيه كده كبيت ليهو الغدا ..شال لقمتين كده جا خالد ناداهو..شرب مويه وطلع ...
قلت ي خبر بقروش بكرة ببلاش

بعد شوية جاتني خوله..قالت لي امي بتناديك...

لبسته توبي حق الهزاز...بس فندام جا داخل...قال لي ماشه وين !
قلت ليهو خالتو خديجه رسلت لي قالت اجيها..
قال لي : ماشه بتوب هزاز !!! ي بت عندهم ضيوف مهمين ..البسي زي الناس واتمكيجي
قلت ليهو ضيوف شنو ؟؟

قال لي : جاين لي خولة..
قلت ليهو البت صغيرة !!! لالالا يستحيل يوافقو ..يستحيل ..البت دي حتضيع زي م ضيعو حياتي
قال لي عشان كده انتي امشي عشان تمنعي الزواج دا...

مشيت طوالي طلعته توبي حق البدرة ...اخدر بي اسود كده خطيير..واتمكيجته ومشيت...

دخلت البيت م لقيت قرد..

صفقته كداا ..والبيت زاتو كان مضلم..
انا خوفته الصراحه طوالي قلته اخير اطلع

طلع

#ألف_باء_العذاب
-١٨-
مرو اسبوعين من الافتتاح...واا المحل كان ماش تمام
وعممممل ضجه في القضارف...
الدليل انو بتجينا طلبات موبالغه طبعآ
لي اعياد ميلاد ...اعياد زفاف ...
يلا كن شفتو نحن عندنا كعك بالزنجبيل..وبالقرفه وبالبرتقال وكم نكهة كده..
وبنعمل تورتات ...وبنشكلها بطريقه كده تلبششششش عن طريقه كريمة السكر الناعم الملون 

وتورتات لعيد ميلاد الاولاد ع شكل كرة تنس ..وقدم..وسله .وكمان .بلياردو..واحيانآ ملعب كرة قدم..
و البنات كمان تورتات وجوه ..زي فله ..باربي..ماشا ..وستروبري شورت كيك..وقامبول وشخصيات عائلاتو

يعني المحل اتطور وانشهر لدرجه...لانو بنلبي فيهو جميع الرغبات

كنت بعمل ليل نهار وخالتو خديجه معاي. قسمنا الشغل انو هي وكم عامله بعملو الكيك والتورتات وانا بتولي موضوع الزينة

لغاية سموني #آميرة_السكر 

وغيرو اليافطه لي محلات آميرة السكر آثار للحلويات

وغايتو

خالد عمممل لي صفحه ف الفيس وجابو لي تلفون

بقيت بصممم اشكال وبرسلهم ف الصفحه..وبقيت استلم طلبات من الصفحه كتييير .ومتابعين الصفحه عملو الف وحاجه بعد اسبوع من فتحها

بالجد كانت فكرة حلوة...بس مهما يكن م م م م حأنسي جرحي..
المشكله اني بقفل ف الجرح وهو م التئم من جوة..ودا اخطر انواع الجروح
(
زي جرح كراعي بالضبط كده )
لانو بياكلك من جوة فئ حين انو بي برة بكون ملتئم...

** 

في مكان تانييي..وناس تانين .طولنا منهم شدييييد وبغض النظر عن كده انو المكان زاتو بعيييد

هدي : ي عمار قوم !!! 
عمااار !!!

في شنو ي مرة مالك بتكوركي !

قوم شوف وائل مالو..جسمو مولع نار وم راضي يشرب من اللبن

عمار قام سرعه سرعه ..اي حاجه ولا وائل...هبش جسمو ولقاهو سخن
قال ليها البسي سريع وارح الولد دا جسمو سخن..

وبعد 34 دقيقه كانو قدام مستشفي القلب ..ضمن مؤسسة حمد ..

الدكتور طلب منهم كم تحليل + صور اشعه..

من البدايه خته انو دا تسنين بس القدر كان ليهو راي تاني

اما الحيحصل شنو والقدر كان رأيو شنو حنعرفو لقدام

وفي نفس الزمن ولأنو قلب الأم بحس...انا صحيت مخلوعه..
وقلبي كان مقبوض وكنت حاسه بضيق نفس !!! 
كنت بس بقول وائل ! وائئل !! زي الزول المجنون ..

نزلته من السرير ولبسته لي طرحه وجريت ع غرفة فندام
دقيت ليهو الباب بي كل قوتي..جا طالع مخلوع حتي م انتبه انو م كان لابس فنيلتو الداخليه ...

قلت ليهو انا لازم اسافر قطر !! وائل ولدي م كويس

قال لي استهدي بالله...في زول اتصل عليك ؟؟؟

قلت ليهو اي..قلبي اتصل علي وقال لي كده !! 
ي فندام وائل م تمام صدقني ...

فندام طلع تلفونو وضرب لي رقم عمار ...جرس ولا رد

قال لي اسي بكونو نايمين...امشي انتي نومي والصباح رباح
قلعت تلفونو واتصلت بالرقم ...برضو ماف رد...

اديتو التلفون ورجعته غرفتي وانا ساكته..كانت مشاعري متضاربه..لكن الشي المتأكده منو انو وائل م تمام

*

الدكتور استلم النتيجه وصور الاشعه...عاين مسسافه و وطلع نضارتو ورفع راسو عاين لي عمار الكان حاضن هدي وهي حاضنه وائل...قال ليهم : طفلكم صار معو مشكله ف القلب...ولازمتو عمليه 

#ألف_باء_العذاب
-١٩-

م نومتة الليل داك بالله زي السقد..(بتعرفو السقد ؟؟؟؟
السقد بتعرفو ؟؟؟ الما بعرف السقد التراب ف خشمو وارجوكم م تسألوني السقد معناها شنو لأني زاتي م عارفه..سمعته ام صحبتي بتقولا ليها )
وبس كنت بدعي انو ولدي يكون بخير ...لغاية اصبحت في راسي...وطوالي قومتة نضفته البيت وجهزتة الشاي لي فندام.استحميت وستفته شنطتي وقعدته الولح كرعيني
قلت لو فندام قال م حيقدمني حأمشي براي..حأمش الخرطوم ومن هناك الدوحه جاك زول 
فندام جا طالع وهو بدعك في عيونو...وقت شافني قلعهن قدر الفنجان وقبل م يتكلم قلت ليهو مسافرة الخرطوم والصباح قطر ..ولو لقيت حجز اليوم حأمش قطر راس

قال لي انتي جنيتي ¡¡¿ سفر شنو وجن شنو كمان ¡
م ممكن نسافر ي آثار ..
قلت ليهو لو علي القروش الحمد لله ممكن يقولو علينا اغنياء ...كيف م ممكن نسافر ¡

قال لي م القروش السبب..لكن عمار انا بتصل عليهو من امس ما برد..افرضي سافرته انا وانتي ..

قلت ليهو : سافرتي

واصل كلامو كأنو م سمعني : سافرنا انا وانتي وعمار م رده علي مكالمتنا...حنعرف موقعو كيف ي فهيمه ؟

طبعآ الاحتمال دا م ختيتو نهائي...قعد ف الكنبه وعاين لي وقال : اسمعي ي آثار...الشينه مش منكوره؟
قلت ااي 
قال لي طيب اضيفي ليها : الشينه لو حصلت بتظهر 
قلت ليهو براك الفته العبارة دي مش كده ؟

قام ضحك وم رده ومشي شال تلفونو وتاني اتصل ...بس لا رد 

قلت ليهو : اها قلت شنو ي استاذ ي باش.. ي بروف !!

قال لي م تتسبقي الحوادث...طوالي جوطتة فيهو وقلت : انا ام !! فاهم يعني شنو أم !!! يعني بحسسسس . يعني بشعر بي طفلي هل انت حاسس بي ي فندام!!!!! 

قال لي وانا فاهمك والله بس لازم نتصرف بي عقل ي آثار ...اصبري علييييك الله
قلت ليهو اصبر كي.....

قاطعني صوت تلفون فندام..عاين ف الشاشه ومن وقت فتح خشمو قال دا عمار!! انا خطفته التلفون من يدو وفتحته الخط ..قلت ليهو وائل كيف !

قال لي اديني فندام لو سمحتي
قلت ليهو كأني م سمعته القالو : قلت ليك وائل كيف هل انت سامعني ي عمار؟ ؟
قال لي وائل عندو ثقب ف القلب في الأوزين .والثقب حجمو كبير عشان كده الدكتور قرر ليهو عمليه
وقتيآ وقعته من طولي وم حسيت بي شي

بعد 34دقيقه فوقته ولقيت مركبين لي درب...قال شنو ؟؟؟ قال هبطته قال 

قومته وم كضبته معطه الفراشه من يدي لغاية انا والسرير وهدوم فندام اتملينه دم ...وقعدته اكورك طوالي
الممرضه جات جاريه ماسكه حقنتها وفندام ثبتني ليها وطعنتني بي شنو م عارفه
كل العارفاهو اني استكنته وقعدته اهضرب بي اسم وائل
نومتة حكايه بتاعت ساعتين و34دقيقه وتاني فوقته
كنت عاوزه امعط الدرب بس صوت فندام خلاني م اعمل كده
قال لي ااي امعطيهو واملينا دم وخلي الممرضه تجي تحقنك بي كلوروفورم ...تاني عشان امش البيت اغير ملابسي واخليك للشافع الجا كفتك جبيل

قلت ليهو منو كفتني ؟؟؟؟

ابتسم وقال لي : اسمعي ي آثار ...وائل كويس والله وانا كنت ممرض قبل كده وحضرته عمليات زي دي كتار ...نجاح العمليه 90% 

قلت ليهو وعيوني ملانات دموع :والعشرة ؟؟؟؟؟ العشرة ف المئه دي ممكن عادي تفقدني وائل ي فندام !!! انا عايزه ولدي هل انت فاهمني ي فندام !!!!

ارح نسافر ي فندام

قال لي حنمشي الصباح...نمش الخرطوم ومن هناك طوالي نسافر الدوحه..قال لي انتي ارتاحي اسي وم تعملي غلبه عشان الدكتور يخرجنا
هزيت راسي بمعني حاضر..
ابتسم وطلع ...

اتصل علي عمار الكان صوتو مقروش من البكا...
فندام : تبكي ؟؟؟ بالله انت بتعرف البكاء يعني ؟
عمار : والله ي فندام الفيني مكفيني انا م ناقصك اسي ..اها اتصرفته لي في قروش ؟؟؟ 

فندام لسع200مليون م ساهله 

..
عمار : اي لانو العمليه الما ساهله دي عمليه قلب مفتوح..!!!
فندام : وانتو اسي في يدكم كم؟؟

عمار : والله ي فندام انا حق الآكل في تلتله..وإيجار الشقه م دفعناهو

فندام سكت مسسسافه وقال : المهم... الود دا يتعالج طوالي يرجع لي حضن امو فاهم ؟؟؟؟

عمار :شنو!!!

فندام السمعتو ي عمار ي ود عمي...والا المحكمه حتقلعو منك..عادي اتهمكم بسوء المعامله والخطه الانتو رسمتوها لي آثار 
عمار : هوي ي فندام ! دا ولدي انا !

فندام :عارفو ولدك...لكن هل انت جبتو براك ي عمار ؟؟؟ 

في واحده اسمها امو انت حارمها منو ..وهديك مرميه في المستشفئ بسببكم ...ع العموم لمن نصل قطر حنتكلم ف الموضوع
قفل منو الخط وقعد ف الأرض وهو بفكر ...نجيب ال200مليون دي من وين اسي !!!!!؟؟؟؟

#ألف_باء_العذاب
-٢٠-
الساعه 10:34ص كنت واقفه زي الهبله فاتحه خشمي في مطار الدوحه ...فندام ماسك الشنطه وانا بفتش بعيوني عن عمار زفت الطين

لغاية م شفتو جاي هو ومرتو هدي وشايلين وائل الجسمو بقي هزييييييل وضعيييف !! وعيونو زاتها بقت غريقه ..جرييييت عليهم والله لمن وقعته !!

قومتة سرعه سرعه وواصلته لغاية حصلتهم وطوالي خطفتو منها وقعدته بيهو ف الأرض 
وانا ببكي كنت بحضنو وببوس فيهو وببكي لغاية الناس اتلمو و وائل من الخلعه قعد يبكي...اتخيلو بس هدي جات تشيلو مني وهو من وقت شافها مشي ليها و ولا كضب..حاولته م اديهو ليها بس هو بكي ومسك فيها قوي !!!!
اتخيلو ولدي ي ناس نسي امو !!!!

ولدي نسسسسساني اتخيلو بس ؟!!

آآه ي قلبي ..آآه من العذاب آآه

قعدته ابكي زي المجنونة وانا قاعده ف الارض...فندام رفعني وقال لي م نساكي ولا حاجه هو اتخلع لانك هجمتي عليهو ..وم تنسي هو طفل وم بعرف الامور دي .....يلا قومي عشان الناس بعاينو فيك واكيد قالو المرا دي مجنونة ..
قومتة وقشيت دموعي ومشينا معاهم ركبنه تكسي 

****

نزلنا معاهم ف الشقه ...عندهم غرفتين وصاله 
اتغدينا وطلعنه بعد المغرب مشينا المستشفي..استفسرنا من العمليه وبتكلف كم ..قالو لينا بما يعادل 200مليون جنيه بالسوداني..الرقم خرافي والله ..صاح حالتنا الماديه مستقرة بسبب المحل بس كمان الرقم خرافي بالنسبه لينا ..

قلت الحمد لله علي كل حال...قالو العمليه حتتعمل بمجرد ما نجهز القروش
*

في الشقه قعدنا انا وفندام في همنا..قال لي م تخافي بتتصلح 
قلت ليهو هل انت عارف انا حأعمل شنو لو ولدي حصلت ليهو حاجه !!! هل انت عارف ي فندام "!!!! 
انت وعمار وهدي وعمي ومرتو كلكم حأوديكم ورا الشمس فاهم !!!

قبل م يرد لي تلفونو ضرب..قال لي دي خالتي خديجه ...اتكلم معاها شويه واداني ليها..صوتها كان مقروش من البكاء....
قالت لي بأذن الله هم كمان حيساهمو بي قروش العمليه وغايتو طمنتتي بالرغم من انو الأمل ضعيف

*

المساء خالد اتصل علينا وقال عاوز يرسلو ليهو صورة لي وائل و صورة لي الورقه اللفيها تكلفة العمليه
فندام نفذ الكلام ورسل ليهو الصور ...

سألتو في شنو ...قال لي انتي بس راغبي...سألني الآن في يدنا كم للعمليه ؟؟؟

قلت ليهو 20مليون بس .سكت مسسسسافه...عرفته انو آتأثر شديد بالرقم البسيط دا..والله م عارفه جاب الاندهاش من وييين قال لي : واااو...كويس خالص ...ماشين تمام نحن 

ضحكته وقلت ليهو م عشته معاكم كتير لكن ظاهر انك بتحاول تفرحني بي حاجه م حتحصل... 

قال لي بالعكس كمان...30+20بتساوي كم؟؟ قلت ليهو 50

قال لي بليده...30+50بتساوي أمل+ثقه بالله ي أم وائل
سكته سسسساي...واصل كلامو: انا عملته اعلانات ف القروبات وتلفوني الربيكا كل دقيقتين و34ثانيه بستلم رسائل ..
قلت ليهو م تضغطو علي نفسكم ي خالد...انا بحاول اتصرف

قال لي كأنو م سمعني : انتي راغبي القروبات وشوفي البحصل شنو...وقبل م اتكلم طق قفل ف وشي

غايتو حيرني زاتو والله..

هدي جات شايله وائل وكان تعبان خالص..ويا ألله يا ألله بجر نفس

جرينا بيهو المستشفي وكان ببكي بصوت مكبوت ..يعني واضح انو متألم وم كان راضي حتي يرضع من البزازه ..انا دموعي بس بتنقط..كنت شايلاهو قميصو لغاية اتبلا بي دموعي
هدي طلعت ليهو غيار ولبستو وحضنتو علي قوووي..الدكتور جا وفحص عليهو بالسماعه..
قال لينا بعد مسسسافه ...نسبة الاكسجين البتصل ليهو 70%بس..
قلت ليهو ومفترض تكون كم ي دكتور؟

قال لي 99.9 % علي الأقل 

صبرته واحتسبته...

مشينه انا وهدي مصلي النسوان واتوضينآ للمغرب..انا صليت وشلته وائل وهي كانت بتصلي كنت شايلاهو ..

بعد تمت صلاتها قامت دايرة تشيلو قلت ليها خليهو معاي عليك الله

قالت لي ابوهو قال عاوزو وشالتو و ولا التفتت علي زاتو وطلعت

دنقرت تحت ودموعي بنقطو وكل النسوان اللفي المحل كانو براغبو الحصل ..ماف واحده اتكلمت معاي الا واحده حلاته كده وكانت شايله بتها .. قالت لي : اسم حضرتك إييه؟؟؟

قلت ليها آثار 

قالت لي طب هيا بتعاملك كده لييه؟
)مصريه طبعآ)

قلت ليها الحمد لله علي كل حال ...بنتك ربنا يحفظها ليك 

قالت لي : اللهم آميييين...

مش قلتيلي هيا بتعاملك كده ليي ؟؟ وخايفه علي ضناها منك كده ليي ؟

قلت اجاريها بي لغتها : هو مش ضناها هيا..هو ضنيايا 

قلعت عيونها وقالت : ي لهوي !!!!! آزاي بقا ؟؟؟

حكيت ليها بأختصار كده انو عرسني عشان يجيب مني ولد وقلعوهو مني واسي مرض وكده 

طبعآ م اتوقعتها تتعاطف معاي كده..المرة لمن بكت لي..
ابتسمته وقلت ليها وانا بوصف ف السماء : ربنا يسامحهم ويرجعلي حقي 

قالت ونعم بالله

طاب ابنك وائل عندو إيييه؟؟

قلت ليها ثقب ف القلب..
شهقت تاني بس قالت لي بسيطه..والعمليه إمته بقا؟
قلت ليها م عرفش..لانو م جمعناش فلوس العمليه 
قالت لي : بتكلفكم كام بقا ؟؟ 

قلت ليها : قالو التكلفه بتعادل بالسوداني 200 مليون جنيه 

قالت لي بسيطه ..ربنا يصلح حالكم...

شالت بنتها وقامت وقالت لي : ات

#ألف_باء_العذاب
-٢١-
لقيت وائل شايلنو ف نقاله وهدي بتبكي ..

عمار وفندام جارين ورا النقاله ودخلوهو العنايه وقفلو الباب..
دا كلو وانا واقفه قبلي لا قادرة امش لاقادرة اقعد لا قادرة اقيف

فندام شافني واقفه وشكلي م طبيعي جاني جاري...مسكني طوالي لانو اتوقع مني يا اسكلب يا انصدم..
بس لا سكلبته لا انصدمته...كل العملتو اني فكيت يدي منو ورجعته المصلي ...
صليت ركعتين وبس قعدته ادعي ربي...

بعد 34دقيقه طلعته ولقيت وائل طلعوهو ..ادوهو اكسجين لأنو قطع نفس
الدكتور قال لينا لو م استعجلنا كده حنفقدو لانو وائل مقاومتو ضعيفه وبنيتو ضعيفه حتي وزنو بتناسب تناسب عكسي مع عمرو ال9شهور دا
قلت ليهو م ممكن تعملو العمليه وبعدين ندفع القروش؟

قال لي : ماف مستشفي بتعمل عمليه قبل ما تندفع قروشها 
قعدته ف الارض وبس كنت بتحسبن
تلفون فندام ضرب و وقت رده قال لي دي خالتي خديجه..رديت ليها وقالت لي شغالين بجمعو تبرعات والمحل زاتو دخلو زايد..وانو ما اقلق وكده
وخالد زاتو عمل اعلان ف قروبات ف الفيس و والواتس والناس وقت شافو اسمك عرفوك انو دي انتي آميرة السكر و ماشاء الله بستلم ف التبرعات ساي
انبسطته شديد بالرغم من انو ي داب القروش المعانا زي 90مليون كده..

بس آملي كبير بي ربنا والله

.......

الصبح وقت قومتة للصلاة لاقيت واحده بتتوضآ ومن شكلها كده شايله هموم الدنيا كلها ..كانت سمراء وبالتالي عرفتها سودانيه

سلمت عليها لكن م ردت لي السلام ..انا م ختيت فيها حاجه وقلته اكيد م سمعتني .بديت الوضوء ولغاية انا انتهيت هي كانت قاعده سرحانه في محلها ..انا دخلته المصلي صليت وقعدته اسبح 
يلا المرا الما ردت لي السلام ديك جات صلت جمبي وقعدت ف محلا لغاية نامت وهي قاعده..احترتة بين اصحيها وله اخليها...تاني خوفته تهيج فيني ..لانو شكلها ليها كم يوم م نامت
قاعده ف محلي في بت حلاته كده عمر 10سنين...ذكرتني بي نفسي وقت كنت في نفس عمرها..
البت هزت المرا بالراحه وقالت ليها امي امي الممرضه بتانديك..قالت لازم نفضي الغرفه
المرا قامت زي المخلوعه ولبست نعلاتها سورعه سورعه ومسكت بتها وطلعو

م اشتغلته بالموضوع وتاني صليت ركعتين و طلعته

لقيت البت واقفه وشايله شنطه وفي ولد زي 14سنه كده واقف معاها جمب الباب..
شغته كرسي متحرك جا طالع من الباب قاعد فيهو راجل كده خمسيني ..وشكلو كأنو فاقد الوعي من التعب والارهاق...والمرا الجبيل سايقاهو والحزن بادي علي وشها ..

مشيت عليهم قلت ليهم خرجوكم ؟؟

البت قالت لي طردونا عشان م دفعنا القرو...
الود حمر ليها قامت سكتت

قلت لي امها في شنو احكي لي يمكن اقدر اساعدك ؟

قالت لي كتر خيرك والله لكن انتي زاتك شكلك عندك اليكفيك...
قلت ليها القدامك دي ممكن تتحمل وجع ناس الدنيا كلو ولسع بتكون صامده..وانتي سودانيه ونحن لو م وقفنا مع بعض منو الحيقيف معانا ؟

ابتسمت ابتسامه صفراء فاقع لونها وقالت لي : أبونا عندو مشكله ف القلب..قررو ليهو عملية تركيب صمام...وياهو شايفه الحال والحمد لله...
تمينا اسبوع وم لقينا قروش للعمليه واهلو م اشتغلو بالموضوع..
اسي ناس المستشفي قالو لينا نفضي السرير 

ودموعها نزلو غصب عنها..قشتهم سريع وقالت : ي وائل امشي شوف لينا تكسي 

ابتسمت وقلت ليها انا كمان ولدي اسمو وائل !
قالت لي ربنا يحفظو ليك ..
وائل ولدها عاوز يمش قلت ليهو استني..

وعاينت لي امو قلت ليها ارجعو..
عاينت لي بأستغراب..ابتسمته ومسكت الكرسي معاها وسط دهشة الممرضه ودهشة وائل واختو ودهشة امهم...دخلنا الكرسي جوة والممرضه قبل تفتح خشمها انا قلت ليها : م تخافي القروش حأدفعها اسي..وي ريت م تسأليهم

المرا فتحت خشمها وقعدت تبحلق فيني ..
قلت ليها اديني ورقة العمليه كدي لحظة..
لقيت التكلفه زي حوالي 80مليون كده
والحمد لله المبلغ متوفر...
قلت ليها 34دقيقه بس واسي بجي ..
من دربي مشيت الشقه وشلته القروش الخاتنها للعمليه..والله العظيم ي جماعه لحظتها نسيت وائل ولدي ونسيت العمليه ونسيت اي شي..كأنو راسي اتمسحت منو حاجه ...
كان همي كلو اصل قبل الزمن الوعدته بيهو المرا الأصلآ انا اسمها م بعرفو..شلته القروش وراس ع المستشفي

#ألف_باء_العذاب
-٢٢-
رجعته المستشفي ودفعته ليهم تكلفة الأقامه وتكلفة العمليه..وقررو يعملوها ليهو في نفس اليوم الساعه 12:34الضهر 
عشان تعرفو قوة القرش..اعوز بالله من الحوجه ..
المرا قربت تركع لي بس وقفتها...قلت ليها انتي مجنونة ! 
امشي اركعي لي ربنا وم تركعي لي انا !
قامت وقشت دموعها وقالت لي ربنا يجعلا في ميزان حسانتك ي اختي..ويارب قلبك يستريح وماف هم يجي عليك انتي وسلالتك كلها

ابتسمته وقلت ليها يلا دعوتك دي بي كنوز الدنيا كلها..

مشيت منهم ورجعته المصلي..اتوضيت وبديت الصلاة اتذكرت وائل !!! كيف انا انسي وائل كيف !!! ياربي !!
والعمليه والقروش ! انا كان عقلي وين !! 
اتحسبنته وصليت ال كعتين واستغفرته..طلعته بالجري عشان اشوف وائل لغاية انزلقته بي الديتول الكباهو عامل النضافه(اصلآ متعوده انزلق بالديتول...ما عرفته نفسي بشر ما عرفته نفسي جرثومة ) ...كراعي اتلوت وصرخته من الوجع..
الناس رفعوني وجابو نقاله شالوني فيها..
الحمد لله فندام جا بالصدفه و وقت شافني هو زاتو لغاية اتخلع..قال لي مشيتي وين ! و مالك الحصل ليك شنو !

قلت ليهو وائل وين !!!

قال لي وائل دخلوهو العمليه ي آثار !!!!
ليهم ساعه اسي
طبعآ قلعته عيوني قدر الفنجال..قلت ليهو هل انت عارف نفسك قلت شنو ي فندام ؟؟؟؟؟

قال لي اااي...م عارف كيف وم عارف منو بس تكاليف العمليه اتكفلت بيها الدكتورة العايزه تعملا..يعني مجان ي آثار!!

من الفرحه نطيت من النقاله وعفصت كراعي لغاية صرخته تاني
فندام شالني بي يدينو و وداني فرع الاصابات ولفو لي كراعي..
سندني لغاية وصلنا جمب باب غرفة العمليه ولقيت هدي وعمار قاعدين علي اعصابهم...ولاول مرة م اكرههم...لاول مرة اعاين ليهم نظرة ام خايفه علي ولدها وآب بحاول يتماسك بالرغم من النزيف اللهو نزفو جواهو..
عمار وهدي صاح آزوني لمن شالو وائل ولدي..بس بالجد كده كانو خايفين عليهو ..هم بحبو وائل كتيير لاانو ربنا م قسم ليهم الولد..

والله اعلم

4ساعات و34دقيقه ونحن منتظرين برة

كنت كل فترة بمش بشوف ام وائل التانيه ولو طلعو راجلا ولا لا ...
لغاية اتأكدته انو طلعوهو وانو العمليه نجحت...

وهنا كمان الدكتوره جات طالعه ...وقالت لينا العملية حقت وائل نجحت ...
قلت ليها شكرآ لانك عملتيها لينا مجان..بالجد شكرآ ي دكتورة 
قبل م ترد في واحد ناداها : ندا..يلا استعجلي بقا عشان ميعاد الطيارة

عاينته لقيت واحد وسييم الطلعه وشايل بنت..البنت من وقت شفتها عرفتها انو دي ياسمين!!!
عاينته لي الدكتورة لقيتها طلعت الكمامه..ياها ندي زاتها !!! حضنتها طوالي وكنت بشكر فيها وببكي..
قالت لي اذا عايزه تردي الجميل..روديهولي لما ترجعي وائل لحضنك تاني...
عاينته ليها وانا م عارفه اقول شنو...غمزت لي وقالت : اشوفك بخير ي ام وائل..عشان الطيارة م تفوتنيش 

مشت هي وراجلها وكانو شايلين بتهم...فندام والمعاهو كانو مستغربين ومنتظرين مني جواب ...قلت ليهم : باختصار كده دي هديه من رب السماء .وم حأكتر كلام اكتر من كده..

الحمد لله 
سبحان الله
لا اله الا الله
والله اكبر 

حياتنا اتغيرت 34درجه !

فجآة كل حاجه اتسهلت..ومع كل عقبه بتخاطاها كان قبالها وبعدها صلاة شكر

تمينا اسبوع ف المستشفي وخرجونا..بس كنا بنمش متابعات وكده 

لغاية صحة وائل استقرت وبقي عادي برضع وتنفسو طبيعي 

بعد 34يوم خلاص
قررنة نرجع السودان ..
.وكان لنا ما اردنا..
حجزنا ع اول طيارة وكانت احلي رحله لي مطار الخرطوم

وقت وصلنا هناك بيت ناس عمي اول شي مرتو اقبال استقبلتني بلوية خشم...
م اشتغلت بيها وقلت ربنا يصلح حالها. 
طبعآ عمار طلقني...ذغردآ ي بنات..
آخيرآ اتحررتة...
خالتو خديجه اصرت علينا انو نرجع وكده ..بس السؤال البطرح نفسو...

حأرجع بي ولدي وله لالا ؟؟؟؟

** 

جهزتة شنطتي بالليل زي الساعه 9:34دقيقه كده ...ومشيت غرفة هدي دقيت الباب ..

هدي فتحت لي الباب .. قلت ليها عاوزه ملابس وائل 
قالت لي ملابسو نضاف م محتاجين غسيل و طق قفلت الباب 
طبعآ انا زاتي استغربته م براكم والله
تاني دقيت الباب جات فتحت وقالت : نعم ..خير !!!

قلت ليها الملابس لو سمحتي..عشان بكرة حنسافر 
قامت ضحكت حتي بانت نواجذها..قالت لي وائل انسيهو..ومحل م تسافري سافري وطق قفلت الباب!

طبعآ اعصابي وصلت لي نخرتي وطوالي عملته كبه ف المحل...صاح زمان كنت بسكت لكن تاني لا..وألف لا

كلهم اتلمو ف المحل عمتي وراجلا وعلا وفندام وعمار ومرتو طلعو
قلت ليهم الليله بحددها معاكم ي تدوني ولدي ...يا تدوني ولدي ..هم خيارين لا تالت لهما وما حأقبل بي غيرهم

عمار : هووي ي مرة ! ماف اي ولد ليك هنا !! واطلعي من بيتي مش طلقتك !!! امشي محل كنتي صايعه الشهرين الفاتو ديل

طبعآ بس بقيت ببحلق فيهو 

عمار : السمعتيو..وي ريت ي فندام تسوقها من هنا 

فندام : بس نحن م اتفقنا كده ي عمار ! في الحاله دي حأضطر ارفع عليك دعوة!

عمار قعد يضحك...وقال ليهو : نسيت؟؟؟ نسسيت ي فندام؟؟؟ تعرف مشكلتك شنو ؟؟ مشكلتك انك بتق

#ألف_باء_العذاب
-٢٣-
خالتو خديجه وقت سمعت القصه حضنتني وقعدت تبكي...
عم اسماعيل قام علي حيلو وقال ليها : بكرة من النجمه حنكون ف الخرطوم...جهزي شنطتك ي خديجه

عاينه ليهو بأستغراب وقال : م حنشيل الود بالقوة لكن حنشيلو بالمحكمه

سافرنا انا وخالتي خديجه وعم اسماعيل...خوله وخالد صاح هم عاقلين بس برضو خليانهم تحت عهدة الجيران وماشاء الله ما بسألوهم ف الحته دي

نزلنا في فندق وتاني يوم طوالي مشينا نفتش عن محامي...
وصفو لينا مكتب حق محامة كده ودخلنا لي واحد اسمو تاج الأصفياء
وقت دخلنه لقيناهو قاعد وبكتب ف اللاب توب..صراحه شبهو دا م غريب علي نهائي...مكتبو كان سممممح وعندو مرايه سمحه كده معلقه ف الحيطه وفي كم مرايه جمبو ف التربيزه
قلت دا مهووس مرايات شكلو كده

قال لينا تشربو شنو حضراتكم؟؟
كلنا اعتذرنا وبالتالي عرفنا مستعجلين..قال لينا طيب اتفضلو..
حكيييت ليهو كيف عمي ظلمني وقت لاقاني ف الشارع مع الولد..وكيف عرس لي بدون رضاي و كيف قلعو مني ولدي.وحكاية الاغتصاب ومرض وائل ..والله لمن دمعتو نزلت
طلع نضارتو وقال : بالجد انتي عظيمه..كيف قدرتي تستحملي دا كلو و تكوني عايشه لسع ؟؟؟

قلت ليهو الحمد لله..دائمآ كنت بقول اللهم قوة

قال لي ونعم بالله
في اللحظة دي في واحد جا خاشي ..تاج الاصفياء قال ليهو تعالني بس شويه كده..الشاب وقف مسااافه وطلع..
..اداني ورقة وقعته اسمي عليها وقال لي دا طلب حنقدمو للمحكمه وهم حيرسلو طلب لي طليقك بالحضور للمحكمه...واداني ورقه قال لي اكتب رقمي عشان يوريني الجلسه متين...وفعلآ كتبتو 
اداني كرتو وطلعنه ...

بعد يومين جاني اتصال من رقم غريب...رديت لقيتو المحامي..قال لي
اجيهو ولازم فندام يجي معاي لانو محتاج شهادتو..
فعلآ اتصلنا لي فندام ولاقانا جمب مكتب المحامي..ولا سلمته عليهو لكن حاج اسماعيل وخالتي خديجه سلمو ليهو..

المحامي سألو كم اسئله كده وكان مبسسوط باين عليهو...وطلب منو ورق المستشفي حق وائل بس للأسف الورق مع عمار 

عشان كده اتضطرينا انا وفندام نرجع قطر ونجيب نسخه من المستشفي وتقرير من الطبيب ..وقت استلمنه الورق تاني يوم طوالي ...
راس ع المطار..واصلآ انا وفندام م قاعدين نتكلم مع بعض فبالتالي قضيتو سرحان بس ف الطيارة 
**

من رجعنا السودان ..في نفس اليوم ودينا الورق لي تاج الاصفياء....

المساء طوالي اتصل علي قال لي الورق الجبتوهو حيساعدنا كتير ف القضيه.....وقال لي انو لقي كم معلومة مهمه خالص.ولقي كم شاهد ديل عبارة عن مفاجآة ..وانو
المحكمه بكرة الساعه 8:34ص وحذرني من اني اتأخر...فرحته كتييير وقلت ليهو بس م كلمتني اتعابك حتكون كم بعدين؟؟

ضحك وقفل الخط..
حيرني والله...ضبطه المنبه 5:34ص ..وقت نبهني قومتة استحميت واتوضيت صليت وقعدته ادعي للصبح 
وقت اصبحته طلعته مشيت غرفة خالتو خديجه عشان اصحيهم لقيتهم جاهزين.والساعه 7طلعنه من البيت...
لقينه فندام هناك وحالتو تحنن الكافر بس برضو م حأسامحو..لأنو هو السبب في اي حاجه حصلت لي

الساعه 8 جو ناس عمار كلهم بي وائل..كان عسسسسولي والله لو شفتو..قلبي كان حيطير عليهو وبس كان نفسي احضنو وآشم ريحتو

8:34ص بدت المحكمه...

جا المحامي حقهم وقعد يقول فيني الأقاويل : المدعيه رفعت دعوي مفادها انها تريد حضانة الولد..اسمح لي سيدي القاضي اقول ليك انو المدعيه قبل كم شهر مارست الرزيله مع ابن عم زوجها..و أين؟؟ في عقر دار الزوجيه بدون خجل او حياء

هنا انا طوالي قلته كذاب !! هم الطلبو منو كده !!
القاضي طوالي دق التربيزه بي الشاكوش داك وقال لي حيطردني لو فتحته خشمي تاني..

تاج الاصفياء آشر لي اني اسكت ..سكته والدموع في عيوني

المحامي واصل : وبعد ان مارست فعلتها الشنيعه حملت سفاحآ..وهربت مع عشيقها لدولة آسبانيا ودي اوراق السفر حضرة القاضي...
المحامي مده الورق للقاضي والقاضي اتفحص الورق كويس وهزه راسو بمعني انو المعلومات صاح

المحامي واصل : موكلي سامح المدعيه آثار وطلقها بمجرد عودتها من آسبانيا..وطلقها لتواصل حريتها ...ولكن كل ذالك بأن يتم بعيدآ عن ابنه ..ارجو من حضرة سيادتكم بأن تظل الحضانة لدي الآب..حتي ينعم الطفل بجو سليم وخالي من هواجس امه المومس

طبعآ قربته يغمي علي من الكلام القاعد يقولو المحامي..
هنا المحامي حقي جا وقف ف المنصه وقال 

#ألف_باء_العذاب
-٢٤-
سيدي القاضي...ما قولك في فتاة تبلغ من العمر عشرة اعوام تقوم بالأعمال المنزليه الشاقه وتتعرض للضرب المبرح ¿¿¿

بل ما قولك في شخصآ بالغ يستغل صغر عمر ابنة اخيه ذات العشرة اعوام ويطلب منها التوقيع علي ورق تنازل منها لعمها وهي لا تفهم لماذا وقعت اسمها وعلي اي اساس ¿¿¿

حسن قام وقال : انت كضاب !
القاضي : تاني لو اتكلمته حأطردك برة 

المحامي جابر : اعترض 

القاضي : الاعتراض مقبول...اين الدليل علي اتهامك ؟؟؟

تاج الاصفياء ودا الورق حق البيت للقاضي وفيهو التوقيع حقي ...قال للقاضي التوقيع دا
1/12/2013
الآن نحن في يوم 

3/5/2018
وقتهار موكلتي كان عمرها 10سنه بس 
الورق المعاك فيهو بيعة النمرة للسيد جاد الكريم محمد ...تاج الاصفياء التفت ورا وجاد الكريم قام جا ...
بعد حلف القاضي : سألو هل انت اشتريت النمرة دي من السيد حسن فضل المولي ؟؟

جاد الكريم : نعم حضرة القاضي ..الكلام دا قبل 6 سنه..

تاج الاصفياء : والنمرة دي اي حد بشهد انها للمرحوم...ونادا عبد الباقي ..عم عبد الباقي بالرغم من انو السنين حنت ضهرو بس جا و وقف بكل شموخ وبعد حلف ع المصحف قال : اي حضرة القاضي..آثار سعد امها متوفيه واخوها متوفي..وفضلت هي بس وتحت شهادتي ابوها سجل ليها النمرة بأسمها..وانا استغربته لمن عمها باع النمرة بس خوفته اتدخل وادخل انا في مشاكل..لكن الساكت عن الحق شيطان اخرس..

بعد الشهود رجعو...القاضي سأل عمي حسن هل الكلام دا صاح ؟؟

وقتها عمي حسن جا وقال : ا ا ي ص ص صح...واا انا عملته كده ع ع عشان ارجع ل ل ليها حقها 

القاضي : طيب قدامنا هنا ترجع لي جاد الكريم 80مليون الاستلمته حقت البيعه وهو يكتب البيت بي اسم المالكه الشرعيه 

هنا عمي حسن قعد يتلعثم ...انا كنت عارفه انهم مفلسين وزيتهم طالع..قلت لحضرة القاضي انا بتنازل تنازل شرعي عن النمرة لي عمي حسن ...تاج الاصفياء عاين لي بكل فخر ...وقال : فعلآ بت سعد و حنان...

الاسمين ديل عملو حاجه في نفرين..بس هم منو حنعرف قدام

تاج الاصفياء واصل : عم آثار السيد الموقر حسن...شافها واقفه ف الشارع مع واحد ...وعندي شاهده حتشهد انو لا لمسها ولا هي اتكلمت معاو...وعاين وراهو ونده مكارم محمد و وداد خالد .جو مكارم و وداد زميلتنا ف الفصل طالعات ...

انا لمن شفته مكارم دموعي نزلو في خدي..مكارم و وداد حلفو ف المصحف انو انا اليوم داك م غلطته..
تاج الاصفياء واصل : عمها ضربها وبهدلها ف الشارع قصدآ عشان يشوه سمعتها..وفعلآ نجح...وبالسبب دا عرسها لي ولدو ...عشان تجيب ليهم ولد ويقلعو منها..والتفت ورا وفندام جا حلف ع المصحف وقال صاح..وانا كنت صاحب الفكرة...وبعد ما جابت ليهم الولد طلبو مني اعتدي عليها عشان بعدين اقول هي مارست معاي الرزيله..بس والله هي بريئه..وقعد يبكي 

تاج الاصفياء ..اعتقد دي اعذار كافيه حضرة القاضي انك م تقبل انو طفل برئ يتربي وسط عائله زي دي..وبالرغم من كده دا آخر دليل..
الولد ظهر عندو مرض ثقب الاوزين القلبي من وقت كان عمرو 4شهور وم اتكشفوهو الا بعد شهرين ودا سبب خطر في حياتو لو ما حماية ربنا 

يعني ابوهو ومرتو م كانو مهتميين لمن درجة حرارتو كانت مرتفعه وعزوفو عن اللبن ...وكأنهم م لاحظو لجسمو الهزيل..هل حضرة القاضي انت حترضي بي كده ؟؟؟

هنا الناس اللفي المحكمه كلهم ضجو 

القاضي والمعاهو طلعو عشان ياخدو قرار ...
تاج الاصفياء جا محل انا قاعده وقال لي ادعي ربنا هو الحيقيف معاك..وقام رجع..

بعد 34دقيقه القضاة جو داخلين...

قال القاضي : حكمة المحكمه حضوريآ بي......

#ألف_باء_العذاب
-٢٥-


ي وائل !! واائل !!

خديجه : وائل دا بكون ساقو خالد ..

خالد جا داخل المحل ومدلدل يديهو...
قلت ليهو : وائل وين !
قال لي وائل منو !؟
قلت ليهو كيف وائل منو! ولدي وين ي خالد !!

خالد رفع كتافينو ومطه شفايفو لزوم م عارف...

عاينته لي حبوبتي وقلت ليها ولدك دا انا م قاعده اهظر معاو !
خديجه : ي ولد قطعته قلبها..ولدها وين !!

م استنيت منو رد وطوالي جريت فتحته الباب ويديني كلهم سكر ..مع فتحتي لقيت وائل بضحك وفي راجل شايلو وبقلقلو في بطنو بي راسو وهو رافعو فوق ( ي ريت تتخيلو معاي الشكل )

جريييت عليهو وخطفته منو ولدي لغاية الولد بكي..

قلت ليهو القال ليك تشيل.....سكته وقت عاينته للوش دا...آخر مرة شوفته الوش دا كان قبل سنتين يوم 5/3 

صاحب الوش دا كان #فندام....

لو م فاهمين شي انا حأفهمكم ..حأشرح ليكم بأختصار الحصل قبل سنتين ...

#flash_back

القاضي حكم لي فندام السجن سنتين بعد انا عفيتو ..خففو ليهو الحكم من10سنه لي اتنين
عمي حسن انسجن 5سنه
وعمار 3

بعد دا فندام الآكلها..لانو بقي عليهو تحريض وتنفيذ و غش

ونحن مارقين من المحكمه كان فندام مكبلين يدينو..قال لي الليله يوم 5مارس..ولدك بكون قفل 10شهور..وزي م وعدتك بالضبط اني اسلمو ليك في يدك ..

قلت ليهو بسخرية : بس انت م جبتو لي ...الفضل لي تاج الاصفياء...و كمان في وعد انت اخلفت بيهو

قال لي اهلك صاح ؟؟؟ ياهم ديل اهلك ي آثار
التفته لقيت خالتو خديجه عيونها مورمات من البكا..اي جبيل وقت سمعو الآسامي عرفو انو انا بكون بت بتهم حنان..حنان امي عصتهم واتزوجت ابوي بالرغم من عدم موافقة جدي اسماعيل..وجدو زعل واتبرآ منها..طبعآ جدو وحبوبة م كانو بعرفو ناس عمي ولا اسماءهم..بس كان بعرفو ابوي عشان كده م لاحظو لتشابه الاسامي ..وم حصلت مناسبه اني اوريهم عن امي وابوي..دائمآ كنا بنحكي عن وائل وناس عمار بس..
امي جاات الخرطوم وعاشت مع ناس عمي..لغاية جابت اخوي آكرم و جابتني وربنا شال آمانتو....

فندام : اتصلته بي عمار وسألتو من اهل امك..قال لي ما عارف وانا هددتو يعرف لي محلهم
واتصل علي بعد يومين وقال لي انهم في القضارف...وياهو فتشتهم و وقت لقيتهم كنت محظوظ لانو عارضين بيت للآيجار ..آجرتة منهم البيت..وياهو بدت حياتنا معاهم ..

****

بعد المحكمه وفي نفس اليوم 
رجعنا القضارف انا وجدي وحبوبتي و ولدي في يدي..
وبدينا حياة جديده...و وائل اتربي تحت عيوني وانا شايفاهو مرة بحبا ..ومره بقيف ..ومرة بسنن ..ومرة بحاول يمش ويقع..ومرة يقول م ا ما..ومره ينادي تتو (جدو) 

وياهو لغاية حصل الحصل وشوفته فندام تاني 

#back

فندام:كيف عامله ؟؟

قلت ليهو : هل انت عارف حجم غلطتك بي جيتك هنا ي فندام !!!!

سكت مسسسافه وقال : جيت اشكرك لأنك خليتيهم يخففو لي الحكم لي سنتين..عشان كده بمجرد م طلعته من السجن جيت هنا راس

فعلآ شكلو كان آسف جدآ...كان دقنو اطول مني ...وعيونو واقعات ..وجسمو هزييييل التقول ينكسر ...

الصراحه كده اشفقته عليهو...بس برضو الشفقه ما بتعني اني اسامحو
عشان كده قلت ليهو حسك عينك تقرب علي او علي ولدي فاهم !!! حمرته ليهو ودخلته المحل
****
المساء وانا داخله البيت اتفاجآته لمن شوفتو طالع من حمام ناس حبوبة وكان باين انو اخد حمام..حضرة الاستاذ متجدع في بيتنا !!! ...م اتكلمته معاو ولا كلمه وراس مشيت لي جدي قلت ليهو ممكن افهم دا بيعمل هنا شنو !!!؟
قال لي ي بتي المسامح كريم
قلت ليهو بغض النظر عن انو دي عبارة جورج قرداحي ي جدي هل انت عارف انو السبب في مشاكلي كلها بكون فندام !!!

قال لي واسي ما تنسي انو المشاكل دي انبتت ليك ثمرة.. وهي ولدك وائل ..ي بتي عسي ان تكرهو شيئآ وهو خيرآ لكم

م اتكلمته وطوالي مشيت بيتي ..
طبعآ انا سكنته في بيتنا الاول داك ...وبيناتنا نحن وناس حبوبة باب ..وبعد دا خالد كان ببيت معاي انا و ولدي 

مشيت طبخته و كان عندي شوية شغل قضيت شغلي وطوالي نومتة ..

الساعه 3:34ص جاتني صحيه لاني سمعته صوت كركبه..قلته اكيد دا خالد جا من صياعتو ...
مشيت الغرفه لقيت لي واحد ضخم كده بفتش في الدولاب وفارش بشكير من بشاكير وائل الكبار ديلك كمان م الصغار .. وماليهو من دهبي..قلته بدون م اشعر : سجمي !!

طوالي عاين اتجاهي وكان شكلو بخوف...
م كضبته طوالي صرخته ...صرخته بدون م اشعر بي اسم فندام..
م عارفه ليي صرخته بي اسمو وماف زول يسألني ليشنو اسم فندام بالضبط ..
الحرامي طلع سكينتو وجا علي..طوالي جريت ع غرفتي بس مسكني لانو اسرع
عضيتو في يدو قام لطشني كف لغاية وقعته...وبس كنت بنادي فندام...
وقت رفع السكينه انا غمضته عيني قووي وابتديت اشوف قبري ..بس م حصل شي ...فتحته عيوني #ببطء وشفته فندام بتصارع معاو ..
وفي نفس اللحظة سمعنا صوت عربات الشرطه ..الحرامي حاول يتفكه من فندام عشان يهرب بس فندام ما فكاهو...طوالي طلع مطوة وطعنو بيها في بطنو..لكن برضو ما فكاهو ...لغاية رجال الشرطه جو هاجمين

ومسكوهو ...انا جريت علي فندام