✔️وصیت حضرت صدیقه ی طاهره (س) به مولانا امیرالمومنین علی بن ابی طالب (ع) از مرحومین شهاب و ذهنی زاده

گوزوم یاشین توکمیوم یوزه ایتیموم نجه داد عم اوغلی جان
آتام اُلن گوندن اولمیوب خاطریم منیم شاد عم اوغلی جان
قاپیم یانوب یانّام ایلرم داد عم اوغلی جان
*********
آتام غمی دلده قویمیوب طاقت و توان یانّام آغلارام
عزیزلیقیم یادیمه دوشر ایلرم فغان یانّام آغلارام
منیم داخی یوخدی بیر نفر حالیمه یانان یانّام آغلارام
گویول اولور قان گیچن گونی ایلدوقجا من یاد عم اوغلی جان
***********
منیم کیمی هانسی غم کشون قامتی اولوب خم زمانه ده
منیم کیمی هانسی خونجگر گوردی بیر بیله غم زمانه ده
گئجه گونوز یوز ویرور منه درد و غصّه هر دم زمانه ده
بیر عمریدور جانیم اولمیوب ابتلادن آزاد عم اوغلی جان
************
قاپیم یانان گون عم اوغلی جان دلدن اود دوتوب یانموشام اوزوم
قولوب سنوب سقط اولوب بالام ظلمیله اولوب قاره گوندوزوم
عدو ایدن جور و ظلمیلر منده قویمیوب طاقت و دوزوم
عبث دگول گوزیاشی توکوب نی کیمی قیلّام داد عم اوغلی جان
**********
مین ایل اگر گوزیاشی توکم وار یری جهاندا بو محنته
سنون قولون باغلادی عدو جبر و ظلمیله چکدی بیعته
بهشتیده آغلادی یقین ختم مرسلین بو مصیبته
بو قدر غمله اولور نجه فاطمه اولا شاد عم اوغلی جان
*********
هامی غم و غصّه بیر یانا بو حسینیمون دردی بیر یانا
مزاریده فاطمه گرک وای اوغول دیوب دلدن اودلانا
جنازه مین اوسته باش آچوب نور دیده می قویما چوخ یانا
تسلّی ویر قویما ایلسون چوخدا داد و فریاد عم اوغلی جان
***********
گئجه گونوز حالیمی بُلر هر زمانه نین اوز جماعتی
کواکبه باخسا یاد ایدر توکموشم او قدر اشک حسرتی
صحیفه ی بدریدن بُلر وار یوزومده بیر ال علامتی
روادی قان آغلاسون منه چشم آشنا یاد عم اوغلی جان
********** @
نه قدر که آفتابیده التهابیدن اضطراب وار
مین ایله بو اودلی قلبیده اضطراب وار التهاب وار
یانان گونی باب رحمتیم گوزده آب وار دلده تاب وار
بو آب و تاب عمر خرمنین آخِر ایتدی برباد عم اوغلی جان
***********
بهار اولار لاله گُل آچار باغریمون بو قان اولماقین دیر
یولود دولار گلشنه یاغار گوزده اشکیمون دولماقین دیر
خزان اولار گلستان سولار عمر گلشنیم سولماقین دیر
آپارماسون اهل دل گوروم گلستانیدن آد عم اوغلی جان
*************
بیله بُلّم اُلّم ایمدی من ای حیاتیمه عمریمه سبب
حلال ایله ترک ایتموشم محضرونده گر شیوه ی ادب
گئجیله قیل دفن و کفنیمی گرچه وار سنه زحمت و تعب
مزاریمی ایتگین ایله ای مهری توشه و زاد عم اوغلی جان
************
ز بس سنوب شیشه ی دلیم سنگ ظلمیله روزگاریده
هامی منه ایلیوب جفا هم نهان و هم آشکاریده
بودور نظر بی وفالرین گورمیم یوزون من مزاریده
مزاریمه ایتمسون نظر غیر مردم راد عم اوغلی جان
**********
من عالم قدس اهلیم، نور قدس آب و گِلیم منیم
بو آب و خاک اهلی ایلدی خاک تیره نی منزلیم منیم
اسوب جفا صرصری یانوب آتش ستمله دلیم منیم
بو آب و خاک آتشه یانار دامنیم وورار باد عم اوغلی جان
*************
شهاب اوزی رحلت ایتمه موش ایلموشدی بو نوحه نی رقم
قوتارمیوب، عمری قورتاروب اولدی غرقه ی لُجّه ی کرم
تمام ایده ذهنیه دیدی کاتب حسین صاحب قلم
اودا یازوب کسر نوحه نی نوحه ده ایدوب داد عم اوغلی جان
**********
#شهاب #ذهنی_زاده🍃🌴🍃🌴🍃🌴🍃🌴🍃🌴🍃🌴🍃🌴http://tttttt.me/naghmehaye_gham

زبانحال حضرت زینب (س) در فراق مادر


مرحوم ذهنی

ای قدری روزگاریده مجهول اولان آنا
وی غصب اولان حقوقی ستمله عیان آنا

هر جور و ظلمی ایتدیله حقّونده آشکار
تا بالمآل مرقدون اولدی نهان آنا

جدّیم ویرنده جان سنی تاپشوردی امّته
فرض ایتدی احترامون او شاه جهان آنا

خشک اولماموش آتان کفنی قبرده هنوز
ویردی وفاسیز امّت عجب امتحان آنا

حرمت یرینه امّت الیندن گلن جفا
اجرا اولوندی حقّیوه هر بیر زمان آنا

قرآنی داندولار سنین حقّینده برملاء
حفط ایتمدی شئونیوی قرآنیان آنا

یاندی قاپون قابیرقالارون سیندی ظلمیله
اولدی شهید محسنون ای ناتوان آنا

آز مدتی اوقدری کی اینجیتدیلر سنی
زلفون آغاردی قامتون اولدی کمان آنا

شأن و مقام و حُرمتوی ضایع ایتدیلر
یوخ سن تک عزّتی گیدَنه بیر گُمان آنا

هانسی عزیزه نی گیجه دفن ایتدیلر مگر
یوخ بیله ماجرانی ویرن بیر نشان آنا

شأنون لیاقتینجه سنه یاس دوتولمادی
یاسوندا حاضر اولمادی پیروجوان آنا

نسگللرون خیالیمه بیربیر خطور ایدور
بی اختیار اولور یوزه اشکیم روان آنا

دردیم ئورکده عُقده لنوب یوخدی بیر کسیم
تا ایلیم ملالیمی شرح و بیان آنا

ایتگین مزاریوه آناجان زینبون فدا
گورّم او پاک تُربَتیوی من هاچان آنا

یتمیر الیم که تا دوشنم قبرون اوستونه
ناله چکوب دویونجا ایدم بیر فغان آنا

آغوشه جان کیمی باسام ای کاش قبریوی
ایثار ایدم او تربت مشگینه جان آنا

چوخ قیزلارین ئولوب آناسی اولدیلار یتیم
زینب کیمی کیم اولدی بو اوددا یانان آنا

سنّیم صغیریکَن بُیوک اولدی مصیبتیم
من بیر ضعیف بار مصیبت گران آنا

آغلار گوزومده تیره و تار اولدی روزگار
درد فراقون ایتدی منی باغری قان آنا

سندن سورا محالیدی بیرده یوزوم گوله
شاد اولمارام بو نَشأَدَه سنسیز بیر آن آنا

قلبیم دولوب غمیله یرین بوش گورنمرم
هر یانه گوز دولاندیریرام مهربان آنا

غم گوشه سینده غم دیزین هردم قوجاقلارام
قان آغلارام سَنه چکرم اَلاَمان آنا

زینب دلینجه «ذهنی» بو بیر مصرعی ده یاز
ای زینبی مصیبتی آغلار قویان آنا


#ترکی_فاطمیه
#ذهنی_تبریزی_🍃🌴🍃🌴🍃🌴🍃🌴🍃🌴🍃🌴🍃🌴http://tttttt.me/naghmehaye_gham

زبانحال حضرت زینب (س) در سوگ مادر



مرحوم حاج عبدالعظیم ذهنی زاده

آنا وای حالیمه سن سیز
یتیم روزگار اولدوم
توکولدی باشیمه کُللر
ئولونجه دلفکار اولدوم


بو سونمز اود که یاندوردی فلک من بینوا یاندوم
شرار هجیوه دلدن آلشدیم یاندیم اودلاندیم
داخی سن سیز یوزوم گولمز اوزوم بو نکته نی آندیم
نه قدری من وارام بولّم پریشان حال و زار اولدوم


نه دریادور که غرق اولدوم همیشه طعن طوفان وار
نه الدن بیر دوتان گوردوم نه ساحل وار نه پایان وار
نه ئولَّم نه خلاص اولّام نه بیر بو درده درمان وار
عجب بیر چاره سیز درده جهاندا من دچار اولدوم


یرون بوش گورّم هر لحظه دولار دل ملکینه محنت
ز بسکه غصّه غم چکدیم که دوتدوم دردیله الفت
نه بیر گون ناله دن دویدوم نه یاتدیم بیر گئجه راحت
نه گئتدیم بیر زمان هوشه نه بیردم هوشیار اولدوم


بو چرخ کجمدار ائتدی منه بیر بیله ظلمی فاش
گرکدور ایلسون جاری ئولونجه گوزلریم قانیاش
الیمدن دامن وصلون ویرونجه جان ویریدیم کاش
نه وقتیمدور آناسیزلیق غمینده اشکبار اولدوم


او قدر نسگلون واردی سیخشماز ضمن مطلبده
که یوخدور شرحینه یارا مقال و نطق زینبده
که غسل و کفن و تدفینون اولوندی ظلمت شبده
دوشنده یادیمه صبریم کسیلدی بی قرار اولدوم


گئجه دفن اولماقون یاده دوشر قان آغلارام هر آن
آنا وای ناله سی دلدن اوجالدوب ایلرم افغان
بلاکش زینبین جانی او ایتگین قبریوه قربان
او قبرین فکرین هر لحظه ائدوب دل داغدار اولدوم


تاپِیدیم قبریوی ای کاش گلنده غملریم جوشه
سالیدیم قول او قبر اوسته باسیدیم جان تک آغوشه
شمیم جان فزاسیندن آلیدیم جانه بیر توشه
گوریدیم روحیم آیریلدی سنیله هم مزار اولدوم


آغارموش زلفینون شرحی بتولون شرح اَطولدور
دل عاجز نطقلر کوته ولی مطلب مطوّلدور
سنونده «ذهنیا» جرمون اگرچه چوخ مفصّلدور
یاز آغلا سویله یازهرا سنه امیدوار اولدوم

#ترکی_فاطمیه
#ذهنی_زاده_تبریزی

زبانحال حضرت زینب (س) در سوگ مادر

مرحوم ذهنی

غم هجرونده عجب اودلارا یاندیم آناجان
اشکِ تر دامنه توکمکدن اوساندیم آناجان

(آنام ایوای آنام ایوای آنام ایوای آنا وای ...)


هانی بیر اهل دل آگاه اولا درد دلیمه
من کیمی اود دوتوب آهیمله یانا نیسگیلیمه
آنا وای ناله سی وِرد اولدی او قدری دیلیمه
آناسیز قالماقیمی آخر ایناندیم آناجان


ایلرم عالمِ مُحنتده من هر قدری خیال
بلکه بیر چاره تاپا رفع اولا اندوه و مَلال
گورورَم دردیمه درمان اولا عالم ده مُحال
دردیمین چاره سی ئولمکده دی قاندیم آناجان


حیف من تک ئولومه مایل اولان ئولمَزیمیش
آناسیزلیق نه یامان دور ائشیدن بولمزیمیش
آناسیز قیزلارین عالم ده یوزی گولمزیمیش
باخیب اؤز حالیمه بو نکته نی آندیم آناجان


قان اولان دلده که هر لحضه سَنی یاد ائدرم
اود دوتار قلبیم اودورر ناله چکوب داد ائدرم
گلم افغانه آچوب باشیمی فریاد ائدرم
او قدر سس چکوب آخرده دایاندیم آناجان


دفتر غمده باخوب عالمیمی سیر ایدرم
اولونوب زینب آدی نقطه تک هر یرده رقم
قویدی پرگار تک حیرتده منی نقطۀ غم
خط سیریمده نقدری که دولاندیم آناجان


بس که سر منطق اولوب دلده آدون هر سوزومه
دانشوب صحبته گلَّم سنیله اؤز اؤزومه
نه بلادور باشیما گلدی کول اولدی گوزومه
سن تک ایستکلی آنادان آرالاندیم آناجان


دل بو حسرتله دونوب قانه گلور جوشه آنا
بلکه بیر مَرقَد پاکون باسیم آغوشه آنا
گئتدیم هر بیر گئجه بو فکریله من هوشه آنا
نه یوخوم گلدی نه هوشیمدن اویاندیم آناجان


خورد و خواب اولدی حرام ایلدیم از بسکه فغان
سن سیز آغلار گوزومه تیره و تار اولدی جهان
سرو قدّیم بوکولوب اولدی اوشاقلیقدا کمان
باخیب اوز نفسیمه نفسیمدن اوتاندیم آناجان


کیمدی من تک آنا محنت کش اولا عالم آرا
سارالیب گول یوزی خونِ دلیله اَحمَر اولا
آغاروب زلفی اولا عمری گونی بختی قرا
خُم مُحنتده عجب رنگه بویاندیم آناجان


«ذهنی» یاز زینب ایدوب بو دلیله شیون آنا
شعلۀ آتش هجرانیده یاندیم من آنا
چکیلوب سینه مه مین داغ فراقوندان آنا
داغ هجریله اؤرکدن یارالاندیم آناجان


#ترکی_فاطمیه
#ذهنی_تبریزی_🍃🌴🍃🌴🍃🌴🍃🌴🍃🌴🍃🌴🍃🌴http://tttttt.me/naghmehaye_gham

زبانحال حضرت زهرا (س)
گریز به وداع امام حسین (ع)



مرحوم حاج عبدالعظیم ذهنی زاده

عم اوغلی آز قالور حسرتله زهرا سندن آیریلسون
دویونجا گل گوروم بیرآز بو حسرت مندن آیریلسون


آتام پیغمبر رحمت گئدن گوندن بو دنیادن
عم اوغلی اولمادی قلبیم رها درد و بلایادن
گونوز تاریکتر اولدی منه بیر لیل یلدادن
بیر آنی اولمادی اشکیم منیم دامندن آیریلسون


بهار عمریمه چون صرصر جور و جفا اسدی
حیاتیم رشته سین آخرده مقراض ستم کسدی
مفصّل دردیمی مُجمل دیسم بیر کلمه ده بسدی
قاپوم یاندی سبب اولدی که زهرا سندن آیریلسون


سقیفه اهلینون هر نه واریدی ظلم پیکانی
منیم بو سینمه ویردی عم اوغلی واردی برهانی
او گوندن حقّوی داندی سنونکه اوّل و ثانی
من اولدوم باغریقان گون اولمادی غم مندن آیریلسون


بُلورسن سن نیه عجّل وفاتی حقدن ایستردیم
سنی گوردوقجا مظلوم اولموسان بی حد غم ایلردیم
داخی بیر چاره تاپمازدیم مناجاتیمده سسلردیم
قوتار زهرانی یارب غملی مسکندن آیریلسون


نه مدّتدور سنیله همدمم ای شاه خیبر گیر
بو مدّتده سنه چوخ دردسر ویردیم من دلگیر
اگر چه خدمتونده اولمیوب گر اولسا بیر تقصیر
حلال ایله که چوخ آز قالدی روحیم تندن آیریلسون


حضورینده چوخ عرضیم وار دیم گر چه جسارتدور
قبول ایله وصایامی عمل ائت گر چه زحمتدور
گئجیله غسل وئر دفن ایله گزلین چونکه خلوتدور
مبادا خواب غفلت دیدۀ دشمندن آیریلسون


عم اوغلی باغریمی قان ایلینلر باغریقان اولسون
گوزومی دولدورانلار اشگیله دایم گوزی دولسون
منیم گلزاریمی سولدوردی هر کس گلشنی سولسون
روادور فصل گل زهرا بیله گلشندن آیریلسون


اگر چه آغلورام آیریلماقا سندن مُسَلَّمدور
ولی چوخ آغلادان من بی نوانی اوزگه بیر غمدور
مجسّم چون گوزومده عاشر ماه محرمدور
حسین یالقوزدی ایستر عترت ذوالمندن آیریلسون


نه آیریلماق ؟ نجه عرض ایلیم، دل التهاب ایلر
بو آیریلماق دل زهرانی جنّتده کباب ایلر
بالا گورسه آتا عزم ایلیوب ئولماقه تاب ایلر؟
نجه بو حالیله دؤزسون ایله مأمندن آیریلسون؟


دوتوبلار دامنیندن عترت سلطان مظلومان
سپهر داوره اوج ایلور هر دم ناله و افغان
نه احواله قالوبدور شه بُلر بیر خالق منان
تصوّر ائت او حالیله نجه شیوندن آیریلسون


گلوب بو درگهه «سائل» الینده نوحه عنوانی
بسان مور چون سنسن سلیمانلار سلیمانی
امیدیله گلوب ردّ ایتمه مأیوس ای کرم کانی
دم محشرده لطف ایله صف دشمندن آیریلسون


#ترکی_فاطمیه_
#وداع
#ذهنی_زاده_تبریزی

🍃🌴🍃🌴🍃🌴🍃🌴🍃🌴🍃🌴🍃🌴http://tttttt.me/naghmehaye_gham

زبانحال مادر محن دیدۀ حضرت قاسم علیه السلام

🆔: @naghmehaye_gham
مرحوم ذهنی تبریزی

گوزون آچ ای گل باغ حسن اوغلوم گوزون آچ
آدی داماد اؤزی ناکام ئولن اوغلوم گوزون آچ


ایمدی بیر ساعت ازل من سنی داماد ایلدیم
سُوونوردیم اؤزومی غصّه‌ دن آزاد ایلدیم
قوری بیر آدیله آنجاق دلیمی شاد ایلدیم
تئز فلک عیشیمی ائتدی مُحن اوغلوم گوزون آچ


دوتماسیدیم بو طوئی من سنه نسگل بیریدی
آناوون غصّه سی بیر محنتی بیر دل بیریدی
تاب ائدردیم غم هجرانیوه مشگل بیریدی
دوشمزیدیم بیله اشکاله من اوغلوم گوزون آچ


بیر عروسه باخارام بیر سنه فریاد ائدرم
اود دوتار قلبیم اودور ناله چکوب داد ائدرم
قویسالار حجله ‌گهون اشگیله بر باد ائدرم
قالماسُون تابیله بیت الحَزَن اوغلوم گوزون آچ


گر عروس آغلاسا ذی حَقّیدی وار چوخ سببی
قاره بخت اولدی اؤزی قالدی قوری بوش لقبی
آخار اشگی ولی سس چکمگه قویماز ادبی
آز قالور جانی چیخا غصّه ‌دن اوغلوم گوزون آچ


وار یری آهیم اودیله سالام عالملره سوز
هانسی داماده فلک ایلدی بو ظلمی بروز
بویانوب قانینه کیم سن کیمی جان وئردی سوسوز
کیمه طوی خلعتی اولدی کفن اوغلوم گوزون آچ


اولی که طوی گونی داماد ئوله یاسی دوتولا
چکیله حجله سینه قاره عزاسی دوتولا
سن تک اولماز ولی قانیله حناسی دوتولا
اولمیوب سن کیمی کامه یتن اوغلوم گوزون آچ


قان دولان گوزلرون آچ بیرجه باخ آغلار گوزیمه
گور نجه خون دلیم جاریدی گوزدن یوزیمه
نه گمانیله ویروم ایمدی تسلّی اوزیمه
ای منیم باشمه کوللر توکن اوغلوم گوزون آچ


سنی بو حدّه تیوردوم نقدر زحمتیلن
جانه نوش ایلدیم هر زحمتوی منّتیلن
نقدر شوقیله نه قصدیله نه نیّتیلن
خوش یتوردون منی آماله سن اوغلوم گوزون آچ


ایمدی من بولدوم اوغول اوغلی ئولنلر نه چکر
یا اوغول سیز آنالار دهریده نیلر نه چکر
اوز گونومدن بولورم لیلیِ مضطر نه چکر
منی لیلائیلن همدرد ائدن اوغلوم گوزون آچ


#ذهنی دوتدون عجب الفت بو قلم دفتریلن
عاقبت کامه یترسن دل غم پَروریلن
دوزدی یاز اوخشار آنا اوغلونی بو دیلّلریلن
ای منه چوللری مسکن ویرن اوغلوم گوزون آچ



#سبک_زینبم_جان_اوستیم
#سبک_یارالی_جان_یارالی
#سبک_شهریاریمسن_حسین
#سبک_کربلا_منتظر_ماست


#قاسمیه_شهادت
#کوچ_کربلا
#گوزون_آچ_ای_گل_باغ_حسن_اوغلوم_گوزون_آچ
#ذهنی_تبریزی
#ترکی

🍃🌴🍃🌴🍃🌴🍃🌴🍃🌴🍃@naghmehaye_gham

حالات حضرت قاسم ع

مرحوم ذهنی تبریزی

بخش 1️⃣

قاسم شهزاده چون در دشت غم
دید تنها مانده شاه غم حشم

پیش شه شد در دلش تاب و تعب
دست ‌ها بر سینه از راه ادب

بعد تعظیم شهِ والاتبار
در حضور ایستاد آنگه بنده ‌وار

تا زبان بگشود از روی نیاز
درد دل گوید بشاه دل ‌نواز

عرض کرد ای خسرو گردون ‌مدار
دارم استدعای اذن کارزار

همرهان گشتند بر مقصد روان
نایل مقصود شد پیر و جوان

عشقبازان سر کویت تمام
یک به یک کردند تحصیل مرام

یار و انصارت همه خورد و کبار
عشق پنهانی نمودند آشکار

هر که با خون سرآمد سرخ رو
روسفیدی را به دست آورد او

هر که رو بر خاک راه عشق سود
زنگ غم را از زجاج دل زدود

جان‌ نثاران تو ای شاه جهان
در ره جانان فدا کردند جان

غرقۀ دریای فکر و حیرتم
من مگر از رفتگان کم‌ همّتم

از چه رو من باید ای عمّ غریب
باشم از فیض شهادت بی ‌نصیب

شرمسارم از حیات خویشتن
شوقمندم بر ممات خویشتن

تا که هستم هستم از هستی خجل
نیستی را طالبم از جان و دل

آنچنان شرمندگی دارم به دل
گشته‌ام از نفس خود بس منفعل

ز انفعالم ای شه ملک حجاز
از زبان ناید کنم ابراز راز

زآن شدم ای سرور جنّ و بشر
با هوای ترک سر شوریده‌ سر

بر سرم از طالع فرخنده‌ فال
کی گشاید طایر اقبال بال

می ‌کنم هر دم نظر بر حال تو
می ‌زند آتش به دل احوال تو

بی ‌وفا قومی که اُف بر عهدشان
نامه‌ ها بنوشت خواندت میهمان

با دروغی دعوی مهر و وِفاق
از حجاز آورد بر دشت عراق

اندرین صحرا سپاه کینه کیش
بیوفائی کرد بشکست عهد خویش

فاش کردند آنچه در دل داشتند
بیدق کفر و نفاق افراشتند

از وطن آواره‌ات تا ساختند
بر رخت تیغ عداوت آختند

فرقۀ باطل حَقَت انکار کرد
گشته دور از حق بنا حق کار کرد

بی ‌محابا وقت فرصت یافتند
همچنین بر جنگ تو بشتافتند

می نداند این سپاه بوالهوس
جنگ تو جنگ خداوند است و بس

ماندۀ تنها میان مشرکین
دور بر محصور مانند نگین

میزنی از بهر استمداد داد
پاسخی ناید ز قوم بد نهاد

بهر قتل تو چنان آماده ‌اند
جمله از کف دین و ایمان داده ‌اند

تا به کی باشم غمین و دلفکار
از درون دل نمایم آه و زار

ای سلیمان بساط کربلا
فخر دارم مور پنداری مرا

نقد جان اندر کفم پایی جراد
ارمغانم باشد ای عالی نهاد

از ره رأفت دلم خُرسند دار
سرفرازم کن باذن کار زار

ای خوش آن دم عازم میدان شوم
در منای عشق تو قربان شوم

شه جوابش داد کی آرام جان
هست بر من بار هجرت بس گران

من چ سان بر جنگ بفرستم ترا
یادگار مجتبائی تو مرا

چون کنم اعزامت ای جان عزیز
پیش پیکان و دم شمشیر تیز

باید از جان و دل اکرامت کنم
نه بسوی مرگ اعزامت کنم

مهر قاسم در دل شه جوش کرد
دست‌ها بگشود در آغوش کرد

شد برون از کف عنان اختیار
برکشید آهی ز دل بگریست زار

شهریار مهربان آن جوان
هر دو بنمودند آغاز فغان

از تَهِ دل ناله کردند آنچنان
کآتش افشان شد شرار آه ‌شان

هر دو تن یک پاره از سوز دلش
بیخود افتادند اندر حال غش

آتش دل تا شد از جوش و خروش
آمدند آن دم ز بیهوشی بهوش

شد بپا آن سرو بستان حسن
بوسه زد بر دست شاه ممتحن

شد سوار توسن صحرا نورد
بی ‌درنگ آمد به میدان نبرد

کرد رو بر فرقه بیدادگر
بانگ زد کای کوفیان بد سیر

هر که می ‌نشناسد ای لشگر مرا
کیستم خود می‌ شناسانم ورا

قاسمم ای قوم فرزند حسن
کاوست سبط مصطفای مؤتمن

این حسین است ای سپاه ناسپاس
کالأسیر المرتهن بین أُناس

این چه بیداد است ای قوم شریر
دست حق باشد بناحق دستگیر

در کدامین کیش و آئین است واین
منع گردد تشنه از ماء معین

زادۀ پیغمبر است این مستظام
در کنار آب مانده مستضام

حجت حق است او بر ماسِوا
با وجودش ثابت است ارض و سما

دعوی دین و دیانت می ‌کنید
شرع و مذهب را خیانت می ‌کنید

این ستم را هرگز از نامرد و مرد
در جهان بر کافری کافر نکرد

نوشد آن آبی که دیو و دد تمام
از چه شد سبط پیمبر را حرام

از چه رو آب ای گروه بدسگال
شد حرامش بر شما خونش حلال

تا رجزخوانی نمود آن شهسوار
از نیام آهیخت تیغ آبدار

حمله ‌ور شد بر صفوف اشقیا
مثل جدّ تاجدارش مرتضی

آنچنان شمشیر زد ...


ادامه دارد ⬇️⬇️


#قاسمیه_شهادت
#قاسم_شهزاده_چون_در_دشت_غم
#ذهنی_تبریزی
#فارسی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حالات حضرت قاسم (ع)

مرحوم ذهنی تبریزی

بخش 2️⃣

آنچنان شمشیر زد کاهل نبرد
حمله ‌های حیدری را یاد کرد

از شرار تیغ آتش‌ بار او
شعله ‌ور شد خرمن عمر عدو

در رکابش پیشرو فتح و ظفر
طایر نصرت به سر بگشوده پر

هر که را بر سر دم تیغش رسید
اوفتاد از پا سوی دوزخ دوید

تیغ زد بر کتف هر شوم و دغل
برق شمشیرش زد از زیر بغل

هر که را جوّاله ‌ای زد بر کمر
شد دو نیمه قامتش چون نخل تر

از فشار پنجۀ نیروی او
تنگ شد میدان به قوم کینه‌ جو

هر کجا آن شیر صولت رو نهاد
پشته ‌ای از کشتگان ترتیب داد

بسکه زد شمشیر آن عریان حسام
خون دشمن گشت بر تیغش نیام

شد چو روبه نامداران دلیر
دستگیر پنجۀ آن شرزه شیر

از هراس و بیم آن دشمن شکار
شد شکست قوم اعدا آشکار

آنچنان بگشود میدان ستیز
بر فراری بسته شد راه گریز

بود سرگرم نبرد آن شهسوار
تیغ می ‌زد بر یمین و بر یسار

آن هنرور همت و سعی که داشت
حملۀ قلب سپه را دل گماشت

سخت می ‌کوشید آن عالی همم
تا لوای خصم را سازد قلم

ظالمی بدکیش نامش بُد عمر
ذات ناپاکش شقی سعدش پدر

بود در پشت سرش اندر کمین
از پی قتلش کشیده تیغ کین

ناگهان فرصت ورا شد دستیار
موقع آن شد که باشد کامکار

بر سرش تیغی چنان زد آن لعین
مُنفلق شد تا به ابرویش جبین

تیغ کج تا بر سرش بنشست راست
دود آهش از دل پر درد خواست

گشت جاری آنچنان خون سرش
در کسوف افتاده ماه انورش

زخم با آن زخمدار آن کار کرد
از کفش بربود یارای نبرد

تا رُسستی هر دو بازویش ببست
بر زمین افتاد شمشیرش ز دست

در دل از ضعف قوا طاقت نماند
در سواری حالت قدرت نماند

شد سرازیر از فراز صدر زین
با تن صد پاره بر روی زمین

رو به سوی خیمه ‌گه کرد آن جوان
گفت دریاب ای شهِ درماندگان

در کنار خیمه سلطان وحید
داد استمداد قاسم را شنید

شد سوار مُرتَجَز آن شهریار
از نیام آورد آن دم ذوالفقار

ره ‌سپار رزمگه شد تند و تیز
پرشتاب آمد به میدان ستیز

دید افتاده است آن صید حرم
دستگیرش کرده صیّاد ستم

خنجری در دست با خشم تمام
بهر قطع حنجر آن تشنه‌ کام

کرد شمشیرش حواله بی ‌دریغ
داد بازو آن ستمگر پیش تیغ

شد بریده بازوی آن کینه‌ کیش
گشت آویزان ز جلد نحس خویش

رو نمود آنگه به سوی کوفیان
داد زد ای قوم نگذارید هان

زادۀ حیدر مرا کشت ای سپاه
دادخواهی کو که باشد دادخواه

زمره‌ ای از فرق بیدادگر
بر شهِ بیدادرس شد حمله ‌ور

بر دفاع آن هجوم آوردگان
آنگهی سرگرم شد شاه جهان

آتش جنگ آنچنان شد شعله ‌ور
خرمن عمر بسی را زد شرر

از تکاپوی سمند جنگیان
لرزه ‌ای در سطح میدان شد عیان

جنبش لشگر صدای گیردار
شورش محشر نموده آشکار

اندر آن غوغا و شور رستخیز
شاه مظلومان که می‌ زد تیغ تیز

ناگهان بشنید آواز حزین
دست بردار از نبرد ای شاه دین

قاسمت دریاب نی وقت قتال
زیر سُمّ اسب گشتم پایمال

شد دل شه زین صدا پر اضطراب
مُنهدم کرد آن سپه را با شتاب

سرزنان آهش دمادم از نهاد
مفرع آرام دل را رو نهاد

با بسی سرعت به بالینش رسید
نوگلش را پایمال خوار دید

چاک چاک اعضای او را بنگریست
بر سرش چون ابر نیسانی گریست

بارها کردش صدا با آه و زار
دید می ‌نَدهَد جواب آن زخمدار

گفت جانم لمحه ‌ای کن دیده باز
با من بیدل مکن اینقدر ناز

آمدم از قید غم آزاد باش
ای غزالم ایمن از صیّاد باش

غنچۀ لب ای گل من باز کن
عندلیب ‌آسا سخن آغاز کن

یک دمم ای خوش ‌مقال و خوش ‌زبان
با سخن پردازیت کن شادمان

سخت دشوار آیدم این ماجرا
بهر امدادت همی‌ خوانی مرا

نشنوی از من صدایت را جواب
یا جوابت داده نایم با شتاب

یا چنین آیم نبخشد بر تو سود
شد فزون بر دل مرا دردی که بود

وآنگهی شاهنشه عالی‌ مقام
حمل کرد آن نعش را سوی خیام

خود همی‌ داند چسان آن شهریار
جسم صد چاکش گرفت اندر کنار

گفته راوی دیدم آن خونین ‌کفن
بود در آغوش سلطان زَمَن

سینه ‌اش بر سینه رو بر روی او
دوش شه آویخته گیسوی او

قامت بالای شاه کربلا
طفل سیزده ساله قدّش نارسا

همچو در آغوش نعش آن شهید
پای‌هایش از زمین خط می‌کشید

با تصوّر می‌توان آگه شدن
در چه حالت بود آن صد پاره تن

زخم بی‌ حدّ صدمۀ سُمّ ستور
کرده بود از هیئت اصلیش دور

نازنین جسمش چو گل پژمرده بود
نقشۀ اعضاش بر هم خورده بود

حمل بر قتلا نمود آن نعش را
نزد خون آغشته جانش داد جا

#ذهنیا بس کن دگر افراد خود
بس مکن لیکن فغان و داد خود


#قاسمیه_شهادت
#ذهنی_تبریزی
#فارسی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

اذن میدان حضرت قاسم علیه السلام

مرحوم ذهنی تبریزی

اذن میدان ایسترم ویرمور عمو رخصت آنا
اولموری فیض شهادت قاسمه قسمت آنا


یالواروب هر بیر دلیله ایلدیم الحاح تام
قویمادیم عجزیمده نقصان ایتدیم اصرار تمام
بولمورم سرّی ندور اولمور رضا شاه اَنام
اذن ویرمور ایلیم بو بی کسه نصرت آنا


سرّی وار پوزقوندور احوالیم، پریشاندور حواس
نا امید ایتدی حضوریندن منی امّید ناس
دامنیندن دوتدوم ایتدیم هر نه عجز و التماس
اولمادی عرضیم قبول ایتدی غمیم شدّت آنا


خاطریمی دائماً ‌ایستردی شاه خوش خصال
ایستمزدی قلبیمه یوز ویرسون اندوه و ملال
ایمدی هر قدر ایسترم ویرمور منه اذن قتال
لطفینی مندن کسوب بیلمم ندور علّت آنا


حسرتم قانه باتام گلسون اَله مقصود پاک
آرزومه یِتمَسَم ایلر بو غملر زهرا چاک
اولماسا چاره بو درده من یقین اولّام هلاک
قورخورم سینَمده گیتسون قبره بو حسرت آنا


دیگ غم جوش ایلوب آیا گوزده داشماز گوز یاشیم
باش و جان ویردی یتوب مقصوده یار و یولداشیم
خاکِ پای یاره یوخسا بی لیاقتدور باشیم
نقد جان معیارینه ناقصدی یا قیمت آنا


سن اوغولسوزلوق خیالاتیله اولما دلغمین
کاش قربانون قبول ایتسون بو گون قربان دین
سنده زهرا محضرینده رو سفید اول حشره دین
منده پیغمبر یانندا چکمیوم خجلت آنا


بسدی بو خجلات منه گیتدی هامی پیر و جوان
بذل جان ایتدی، مقدّس مقصده اولدی روان
من گرک اوّل ایدِیدیم ترک سر ایثار جان
ایلیِیدیم اکبره بو باره ده سبقت آنا


چاره قیل تدبیر ایله بو دردیمین درمانینه
گوندَر اوغلون سنده لیلا تک اُلوم میدانینه
قانیمی منده قاتوم شهزاده اکبر قانینه
وقت فرصتدور اماندور ایلمه غفلت آنا


ویردی هم مسلک لریم راه فنا فی اللهده گام
مقصدِ اصله تاپوب یول ایتدیلر تحصیل کام
من مرامه یِتمَه ماقدان اولموشام چوخ تلخ کام
ایلیوب والِه هوای وادی حیرت آنا


نفسی هم مسلک لریم حق یولدا قربان ویردیلر
سلک اوّل عشقده نظمه دوشوب سان ویردیلر
دوغرانوب کوی وفاده تشنه لب جان ویردیلر
تاپدیلار بیر شهرت مشهوریله شهرت آنا


منده مشتاقم بو عالی سلکده ساندان گیچم
آتش عشقیله باشدا جوش ایدن قاندان گیچم
ایتمیَم ترک وفا باشدان گیچم جاندان گیچم
جان ویرم جانان یولوندا تا اولا راحت آنا


اون اوچ ایل چکدون تماماً نازیمی لیل و نهار
دُزدون هر بیر زحمته چوخ حقلرون بوینومدادور
ایمدیده اول واسطه تا اذن ویرسون شهریار
بوینوما بیر حقّیله قوی عُمده بیر منّت آنا


ویرمیشم هر دردسر رافتدن ایلوبسن قبول
عرضیمی ردّ ایتمیوبسن اولمیام تا من ملول
بیر کفن سال بوینوما بو عرصه ده ایتمه نکول
طُوی لباسیندن منه فاخردی بو خلعت آنا


ایتدی هر کس قدرتینجه جنگ قوم بد سِگال
عشقِ شاهِ دینیله قانه بویاندی بِالمَآل
منده لازمدور ایدم نصرت بو شاهه لامَحال
نارَشیدم یوخسا یوخدور منده بو قدرت آنا


اهل عشقه امتحان گَهدور بو دشت کربلا
سنده گوستَر امتحانون ویر منی حقّه فدا
اولما چوخ «ذهنی» پریشان ایلمه شور و نوا
یوز ویروبدور قلبوه هر چند چوخ رقّت آنا


#سبک_زینبم_جان_اوستیم #اذن_میدان_ایسترم_ویرمور_عمو_رخصت_آنا
#ذهنی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«دفن شهدا»


محمد علی مصیبی تبریزی

گلوب دستورسجّاده ؛ گرک عزّت مکان تاپسون
حسینون پیکرین دفن ائت حرارتدن امان تاپسون


یدالله اوغلی نوک نی ده کی باشلاردان آیریلدی
اسیران بلادن غملی یولداشلاردان آیریلدی
الهی حکمیلن باشسیز قالان باشلاردان آیریلدی
امامین دفنینه غیر از امام اولماز گمان تاپسون


دیلینده ذکر یا زهرا ئورکده شورش محشر
اراده ائتدی صحرای بلانی اول ملک منظر
یتیشدی طی الارضیلَن او دشته نائب حیدر
صولان گلزاری آختارسون گولون تاباغبان تاپسون


نه گولشن ؛ گوللرین خار مغیلان پایمال ائتمیش
هجوم صرصر کین قامتین طوق زوال ائتمیش
یانان بیر اوتدا گولزارین اسیر اشتعال ائتمیش
او خاکستر نشان چولدن گرک بیر پرنیان تاپسون


بیلوردی آختاران گولده نه بیر گلبرگ حَمرا وار
پوزولموش ساقه قدّی،نه وار شاخه نه اعضا وار
و لیکن بو گل زهراده بیر عطر دل آرا وار
کی رشک ایلراگر اوُل عطریدن بیرآن جنان تاپسون


همان بیر یئر کی آل حیدرین صبری تالانمیشدی
همان یئر کی او یئرده جام اجلالی جالانمیشدی
چاتوب بیرمقتله گوردی داش اوسته داش قالانمیشدی
کناره داشلاری چکدی کی کامین کامران تاپسون


چکوب شیرازه سیز قرآنی آغوشه ولیّ دین
همان صدچاک اولان اعضایه آچدی بیر گوگل سرّین
دیوب؛دور،گلمیشم باشسیز بو جسمی ایلیم تدفین
روا دور جسم بیماریم بو نوعی امتحان تاپسون؟


اولوب یاور قبیله اهلی بیمار دل افکاره
نهایت بیر حصیر آماده اولدی شاه خونباره
ییغیلدی اول حصیرایچره همان اعضای صدپاره
کسیلمیش اللرینده قویدی جسمین شکلی جان تاپسون


مطهّر جسمی تا یتدی آقا بیر قبر معلومه
گوزی یاشلی باخوب بیر سینۀ سلطان مظلومه
گوروبدور بهترین یئردور او یئر بیر طفل معصومه
اوحسرت سینیه،بیرسینه اوستونده مکان تاپسون


صورا آختاردی جسم اکبریندن تاپدی بیر آیت
دئدی آلدیم ربابین گویلونی اولدیم بیر آز راحت
نئدوم تا لیلی زاره آز اولسون شدت محنت
قازوب پایین پاده قبرینی تا آستان تاپسون


بنای قبری تاقویدی گوروب قبراولدی شش گوشه
بلشمیش قانه گوزیاش کاسۀ گوزدن گلوب جوشه
ئورکلندی چکوبدور توزلی قبر شاهی آغوشه
دئدی ششگوشه مرقددن صفا هفت آسمان تاپسون


صورا توپراقلار اوسته بیله یازدی سیّد سجاد
بو ششگوشه بنا کی دشت ماتمده تاپوب بنیاد
حسینون قبریدور ایلر بو ویران ئولکه نی آباد
نه تنها کربلا بلکه صفا کلّ جهان تاپسون


باخوبدور صونرابیله گوردی اول درگاه بس فاخر
گرکدور مدخلینده بیر نفر دربان اولا طاهر
حبیبی دفن ائدوب سرْ درده تا هرآن گلور زائر
بو دربانین صفاسیندن صفا اول میهمان تاپسون


اولوب فارغ بو ایشلردن امام و سرور اوتاد
روا بیلموب قالا باشسیز او باشسیز مابقی اجساد
قازوب بیرقبرآتمیش نئچه گوهر دفن ائدوب سجاد
نشاط معنوی شه دن بوتون باشسیزقالان تاپسون


امام واجب الطّاعه ائدوبدور علقم آهنگین
دوتوب یوز یار و همراهه آچوب سرِّ دل ِتنگین
دِیوب هرکیمسه آختارسون حسینون تشنه سرهنگین
اوجسمی آختاران اوّل کسیک قولدان نشان تاپسون


اولوبلارپیکرین جویا همان حکم و خطاب اوسته
کسیک بیر قوللاری آختاردیلار قانلی تراب اوسته
کیچیلمیش نعش عباسی تاپوبلار نهر آب اوسته
توکوب گوزیاشی سجادآزقالوب روحی تکان تاپسون


دییوب؛ دار جهاندا بیر بئله تاج ِسر اولمازدی
عَموم تک کشتی قرآن و دینه لنگر اولمازدی
علی المرتضایه بیله ، بیرکس بنزر اولمازدی
فتوّت درسینی عبّاسیدن هر پهلوان تاپسون


کیچیک بیر قبر قازدی دوغرانان بیر قدّ رعنایه
بیچیلمیش نعشی قویدی قبره اولسون دشته پیرایه
کسیلمیش اللرین همراه ائدوبدور نعش سقایه
محال امریدور بیر ایله ال کون ومکان تاپسون


یازوب اول قبرین اوسته بوردا بیر درد آشنا یاتمیش
همان بی بال و پر شهباز مُلک کربلا یاتمیش
شهنشاه ولانین هنگینه صاحب لوا یاتمیش
عمومدان غیرتین معناسینی پیر و جوان تاپسون


درود ایله امامه قان دولان نعشه کفن ووردی
الیلن قازدی اول توپراقی بیربیت الحزن ووردی
ولی افسوس شمر ایله اله بند رسن ووردی
او اللردن شفاعت حشریده هرنوحه خوان تاپسون


#مصیب باب دفنه سۆز یازانمازدی قالوب یازدی
قدیمی نوحه لردن شعرلردن درس آلوب یازدی
بوشعره #ذهنی و #صافی سوزوندن دوز سالوب یازدی
الیندن بو گلور بلکه جهنّمدن امان تاپسون


#سبک_منیم_ای_تشنه_قربانیم
#سبک_علی_اصغر_مه_انور (8 سبک)

#دفن_شهدا
#گلوب_دستور_سجاده_گرک_عزت_مکان_تاپسون
#مصیبی_تبریزی
#ترکی

✔️زبانحال حضرت زینب کبری (س) به راس امام حسین (ع) از مرحوم ذهنی زاده متخلّص به سائل- این شعر در قالب مخمّس سروده شده است
✔️ قسمت : 1
*********
نیزه باشندا باشون گَلموش بیانه قارداش
قرآن تلاوت ایلر قرآنیانه قارداش
سیر جهانه چخموش اوج سِنانه قارداش
سیرینده رهبر اولموش بیر کاروانه قارداش
بیر کارواندا رهبر اهل جهانه قارداش
********
یتدی دونَن گون آرتا گون تک زواله باشون
گوردوم جداده بنزر بدر کماله باشون
دوتموشدی پرده پرده قانیله هاله باشون
گیتدون کُل اوسته یاتدون دوندی هلاله باشون
بیر گونده چوخ دونَرمیش دور زمانه قارداش
********
بیر باش که آیت اولسون آیه به آیه نوره
نور رُخیله دونسون صحرا و دشت، طوره
مینلر کلیم عشقی سالسون او طور شوره
انصافیدور او باشی خولی قویا تنوره
مهمان یک شبیدون اول میزبانه قارداش
**********
ا...ُ نور- نوری وار ناصینده پیدا
مشکاتی نوک نیزه، مصباحی حسن زیبا
نه شرقی و نه غربی نور منیر بطحا
بو قوم بی بصیرت گورمز بو نوری دَردا
بیگانه گوز گورَنمز نور یگانه قارداش
********
ای ماه چاردهِ شب، وی یک شبه هلالیم
آشفته روزگارون، آشفته وضع حالیم
شاهد بو قانلی زلفیم، خونابِ اشک آلیم
سن مندن آیریلِیدون گیتمزدی هیچ خیالیم
گَلمَزدی بیر گونومده سنسیز گمانه قارداش
**********
حاشا بو آیریلیقدان دلده گلایَم اولسون
قوی پایه ی غمونجه عشقونده پایَم اولسون
غم مصحفونده باری بیر آیه آیَم اولسون
ساینده دالدالانّام عالمده سایَم اولسون
سایَنده سایه سالماق حقّیمدی یا نه قارداش
**********
بو سایه سایه سینده پاینده دولتیم دور
تسخیر مُلک هستی معطوف همّتیم دور
ترویج دین و مذهب رسم طریقتیم دور
بیر جمع قاره معجر محموع قدرتیم دور
قید اسارت اَلده یوخسا بهانه قارداش
**********
تسخیر قیلماسام گر آفاقی غرب و شرقی
عرشه اوجاتماسام گر بو سر شکسته فرقی
یاندیرماسا یزیدی بو آه سرد برقی
اوندا وفای عهد و سینماقینون نه فرقی
سوزدور سوزوم بو سوزدن غیری فسانه قارداش
**********
ای آبروی خلقت وی افتخار زینب
سندن صورا چوخالموش شان و وقار زینب
دنیاده قوی دیولسون ای شهریار زینب
هم آبروی زینب، هم اعتبار زینب
گَلمَز بو آبروده کیمسه جهانه قارداش
*********
بیزدندی جمله کون و امکانون آبروسی
بیزدندی آب و گِلدن انسانون آبروسی
وار بِالخصوص منده زهرانون آبروسی
صرف نظر بولاردان وار قانون آبروسی
باشدان آخوب بویانموش یوز گوز او قانه قارداش
********
آند ایچمیرم او جانه تا نقص عزّت اولسون
سوگند او خاک پاکه کویوندا تربت اولسون
زینبده گور نقدری لازمدی همّت اولسون
شام یچره منبر اوستی سجّاده قسمت اولسون
مدح علی دیولسون سفیانیانه قارداش
**********
قان قان دیَن بو شهرین قان یاغدیرور هواسی
بوی جنایتیله مملُودور فضاسی
عید عظیمه دونموش دینِ مبین عزاسی
بیر یاندا کف چالوللار، بیر یاندا دف صداسی
هر یان نوای نای و چنگ و چغانه قارداش
******

#احوالات_کوفه
#اشعار_محرم
#ذهنی زاده

✅ادامه دارد. . .
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت رقیه سلام الله علیها در خرابه شام

مرحوم ذهنی

بخش 1️⃣

چوشام شومده بیرجمع شام ائدن واریدی
خرابه کنجی کیمی مجلس حزن واریدی

دئینمرم من او ویرانسرایه بیت حزن
اگرچه چوخ غم و حزنیله اگلشن واریدی

نه نوع بیت اولی دورت بیر طرف شکسته حصار
که نه قاپوسی نه آثاری سقفدن واریدی

آدی خرابه اوزی رشک باغ جنتیدی
او قدر صورتی گل زلفی یاسمن واریدی

مباداو یوزلره نامحرمین دوشه نظری
نقاب، ینگین،الین،زلفین ایلین واریدی

باخانداهر طرفه سلسبیل و کوثریدی
زبسکه دامنینه اشک ترتوکن واریدی

چکوب سس آغلاماقاجرأت ایلین یوخودی
که آغلیانلاراطعن ایلیوب گولن واریدی

اوزین کناره چکوب یوزقویاردی دیواره
نقدر خلوت ائدوب درد دل دئیَن واریدی

او یئرده شاه شهیدان عیال دربدری
فشار ظلمده بیر مدّت زمن واریدی

دئسم که شامده گون گوردولر خلافدی بو
بنات فاطمه دن هاردا گون گورن واریدی

ایشیقلی آی کیمی بیمار امام صدرنشین
ستاره عضولی بیر دوره انجمن واریدی

او مجلس اهلی تماماً عزالی یاسلیدی
آتا،عم اوغلی،عمو،قارداشی ئولن واریدی

قوروبلا حلقه ماتم خرابه کنجینده
یوزه یاخون دئیه بوللم قرا گئیَن واریدی

غریب عزاسینه گرچه گلوب گئیدن آز اولی
ولی او ماتمه بی حد گلوب گیدن واریدی

رسوم تعزیتیله گلوردولر دئمورم
حکایت ایلمورم تسلیت ورن واریدی

تمامینون ایشی آزار،اذیّت، استهزا
شماتت ایتماقا بخصوص چوخ گلن واریدی

بیریسی دل یاراسی وورماسیدی گئچمزدی
یولی نقدری که ویرانه دن دوشن واریدی

چوخی گلنده گولردی گئدنده آغلاردی
که بُغضی،رقّته دیللرده دوندرن واریدی

نه نوع رقّته گلمزدیلر رقیّه کیمی
دیلی یانقلی،گوزی یاشلی خوش سخن واریدی

گلنده شوره جهانه سالاردی شور نشور
مگر او شوری گوروب تاب ائدوب دوزن واریدی

دوتاردی زینبه یوز عرض ائدردی عمّه مگر
منیم تک عیشی مصیبت لره دونن واریدی

خرابه منزل هارا،من هارا، اسارت هارا
مدینه تک منه آباده وطن واریدی

هانی او گون که فلک دور ائدردی کامیمجه
عزیز عالمیدیم شأنیمی بولن واریدی

عمو دئینده گلردی جواب بئش یئردن
رشید عموم کیمی هر دردیمه یتَن واریدی

دئینده قارداش علی اکبریم دئیردی که جان
شه حجاز کیمی نازیمی چکن واریدی

قویاندا بالش پرقویه باش ائدردیم ناز
نه خشت پاره کیمی بالش خشن واریدی

دئدی دئدی اوقدر آغلادی گئدوب هوشه
ولی او هوشیله چوخ رعشۀ بدن واریدی

آچوب گوزون دئدی عمّه بابام هارا گیتدی
یانیمدا ایمدی شهنشاه مؤتمن واریدی

چکردی اَل باشما پاک ائدردی گوز یاشیمی
بابام خصوص بو دم آغلیاندا من واریدی

توکردی گوزیاشی سویلردی عمّه مژده سینه
بو نقد جانیمی وئرّم اگر دئسن واریدی

اوقدر آغلادی فریاد و داده گلدی تمام
نقدر نی کیمی دیلدن سیزیلدین واریدی

دیار شامی دوتوب ناله تا ایشیتدی یزید
که ماجرانی او بی رحمه بولدورن واریدی

دئدی گلون آپارون تئز آتاسنین باشینی
وئرون داخی دئمسون شاه ممتحن واریدی

اوباشی قویدولا بیر خوانه چکدیله سرپوش
گوتوردی باشینه بیر خصم ذوالمنن واریدی

گتوردی قویدی حرملر برابرینده یئره
صف سلامه دوروب هر نه اگلشن واریدی

اوباشی قویدولا بیر خوانه...


ادامه ⬇️⬇️⬇️

#حضرت_رقیه_شهادت
#خرابه_شام
#چو_شام_شومده_بیر_جمع_شام_ائدن_واریدی
#ذهنی_تبریزی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت رقیه سلام الله علیها در خرابه شام

مرحوم ذهنی

بخش 2️⃣

اوباشی قویدولا بیر خوانه چکدیله سرپوش
گوتوردی باشینه بیر خصم ذوالمنن واریدی

گتوردی قویدی حرملر برابرینده یئره
صف سلامه دوروب هر نه اگلشن واریدی

رقیّه باخدی او خوانه دئدی من آج دگلم
طعام عمّه مگر سندن ایستین واریدی

دئدی اوز ایستدیقون دور قیزیم طعام دگل
گئجه زمانی غذا هاردا گوندرن واریدی

او گل کیمی باشی بیر ئوپدی باسدی سینه سینه
سپردی گوزده نه که لؤلؤ یمن واریدی

دئیردی ای بابا کیملر یتیم قویدی منی
منیم تک هانسی بلاکش صغیرسن واریدی

کیم آق محاسنوی قانیله خضاب ائلیوب
گتوردی باشیمه عالمده هر فتَن واریدی

او وقتدن که یتیم اولموشام یوزوم گولمز
که هر دقیقه ده قلبمده مین مُحن واریدی

چکوبله کرب و بلادن دیار شامه کیمی
ایکی قولومدا گوزوندن ایراق رسَن واریدی

دویونجا من سنه بو مدّت آغلیانمامیشام
که شمر و زجر کیمی ناله می کسَن واریدی

هنوز ایمدیده سیلی یری یوزومده قالور
جمال رنگیمه باخ رنگ نسترن واریدی

خصوص جانه یتورموشدی ساربان ظلمی
گجه گونوز او شقی من یتیملن واریدی

وورا وورا گوتوروب غیظیله ائدردی سوار
اوزون اوزاق یولی هر ناقه دن دوشن واریدی

اورک قانی یوزونه آخماموش قالان یوخودی
نقدر ناقیه یا محمله مینن واریدی

ائدردی بیر بیره اظهار دردین آغلاردی
فغان و ناله ده چون بلبل چمن واریدی

اوقدر آغلادی بی حس دوشوب خموش اولدی
سونوب معاینه بیر شمعی سوندرن واریدی

آتا باشنا بالا نقد جان نثار ائلدی
گورون کیمین بئله بیر جود پر ثمن واریدی

قاریشدی بیر بیره عورت اوشاق کنیز و حرم
قیامت عالمی ویرانه ده علن واریدی

خبر وئریلدی یزیده حسین قیزی ئولدی
روان ائدوب اورا غساله پیرزن واریدی

یتشدی پیرهنون خارج ایتدی غسل وئره
گمان ائدوبدی که بیر آیری پیرهن واریدی

درست باخدی گوروب تازیانه یرلری دی
دئدی وورا وورا بو طفلی ئولدورن واریدی

وئریلدی غسلی اولوندی کفن ولی دئمورم
او شاهزادیه شاهانه بیر کفن واریدی

غریب آتاسی تک او بی کفن دگلدی گینه
آدی کفن اوزی بیر معجر کهن واریدی

دیمه بو کلمه لری «ذهنی» من نظام ائلدیم
که نظمه کلمه لرون اوزگه بیر دوزن واریدی


#حضرت_رقیه_شهادت
#خرابه_شام
#ذهنی_تبریزی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت فاطمه زهرا عليها السلام در بستر شهادت


مرحوم حاج عبدالعظیم ذهنی زاده

اگلش باشیم اوستونده عم اوغلی ویرورم جان
قرآن اوخی ای ناطق قرآن سنه قربان


الله سوزونی سندن ایشتماق نه گوزلدی
جان اوسته نظر حسنوه ایتماق نه گوزلدی


مدتدی سنه همسرم ای خسرو خوبان
بو مدتی قیلدون منه الطاف فراوان
گل بیر ده منه لطف و کرم قیل سنه قربان
گوگلوم غمین آل رفع ملال ایله عم اوغلی
زهرانی کنیزوندی حلال ایله عم اوغلی


چوخ عمر دیردیم منه لطف ایلسون الله
بو عمری سنه خدمته صرف ایلیم ای شاه
افسوس که تیز ایله دیلر عمریمی کوتاه
ناحق یره ظلم ائتدی منه اوّل و ثانی
ئولدوردی منی محسنیمون سقط زمانی


درک ایلیه لی محضریوه فیض تشرف
اولموب که اولا حضرتوه عرض تکلف
بو آیریلیقا غم یمه چوخ ایتمه تاسف
فرض ایله که زهرا یوخوموش دار فناده
یا بیر گلیدی سولدی گلستان وفاده


هر چند که گلشنده کی گللر گلیم من
بو فخر منه بسدی سنه سویگلی یم من
خار ستمون حیف اولا خونین دلیم من
گللر بوله جاق نسگلیمی خار آراسندا
بلبلده غم حسرت دیدار آراسندا


مندن صورا گلشنده آچار سوسنی گللر
ایستر بوله لر صورتی سوسن منی گللر
گتسن چمنه گورسله من سیز سنی گللر
انصاف ایلموب باخماسا نرگس گوزی حسرت
نه یوزله بنفشه یره تیکمز رخ خجلت


غصب ایتدی سنون حقویله ملکیمی دشمن
غملندیم اوتوردوم ایلدیم ناله و شیون
تا رخصت آلوب حقوی اثبات ایلیم من
مسجدده گیدوب ایلدیم حق سوزلری اعلان
طغیانیله بوبکر اوزیده اولدی پشیمان


گوردوم کمکون یوخ سنون ای شاه ولایت
هر کیم یتیشور ایلوری بیر نحو اهانت
ایفای وظیفه ایلیوب ایتدیم اعانت
ناچار قالوب خلق آرا مسجدده دانشدیم


اثبات ایلدیم حقوی جانلار سنه قربان
ثانی منیم حق سوزلریمه تاپمادی برهان
کسدی یولومی آچدی ال اول دشمن قرآن
ای تک یوزومی سالدی خسوفه او ستمکار
اولدوم او زماندان من عم اوغلی بیله بیمار


الطافوه چوخ شایقیم ای شمس هدایت
وی سایه سی عالم لر آرا سایه رحمت
دوشسه باشیما لطفویله ظل عنایت
عرشه اوجادار باشیمی ای روح روانیم
ای عالم آرا روح و روان و دل و جانیم


ساین نه گوزل سایه دی ای سرور دوران
ساینده سنون دالدالانور عالم امکان
سالسان باشیما سایه وی ای سایه رحمان
بو سایه چوخ عزت اولی زهرایه حبیبیم
گر چه سالارام چوخ باشا من سایه حبیبیم


آندا ایچمرم اول جانه اولا نقص ارادت
سوگند اولا اول خاکه که کویونده دی تربت
قلبیمده سنه موج ویرور مهر و محبت
بیر جوهره مهر که اوندا عرض اولماز
دنیا هاموسی مهر اولا اونلا عوض اولماز


«ذهنی» نه گوزل تاپموسان عالمده سعادت
بو تاپماقوا باعث اولوب خالق عزت
یاز بو سوزی زهرا دیدی ای شاه ولایت
الله سوزونی سنده ایشتماق نه گوزلدی
جان اوسته نظر حسنوه سالماق نه گوزلدی



#فاطمیه_شهادت
#اگلش_باشیم_اوستونده_عم_اوغلی_ویرورم_جان
#ذهنی_زاده
#ترکی



🆔: @naghmehaye_gham

دفن شهدای کربلا
.

مرحوم ذهنی زاده (سائل)
.
امر ایلدی سجاده او گون خالق عزت
قبر شهدائیله او دشته ویره زینت
.
هر چند گلوب قبره قویا اهل مدینه
شه دفنی ولی حقدن اولوب امر علیمه
گلدی اودی قربانگه اولاد خلیله
بوینوندا اگرچه واریدی قید اسارت
.
باخدی او بلا دشتی گوروب گلشنه بنزر
قاندان گل آچان یاره گل سوسنه بنزر
عرض ایتدی بابا هانسی یارالی سنه بنزر
گل تک بدنوندن نه نشان وار نه علامت
.
لازمدی کفن گوردی شهنشاه قتیله
لایق کفن آختاردی او بی مثل و بدیله
دنیا بویی نسگلدی بو غم آل خلیله
بیر پاره حصیره ایده ناچار قناعت
.
یغدی او حصیره آتانین پاره وجودین
گتدی کسیلن اللرینی دست ودودین
تاپدی او کیچیک بارماقینی منبع جودین
دفن اولمیه ناقص بدن علت خلقت
.
اول قبر که اولموشدی معین شه دینه
قبره او حصیریله قویولدی او دفینه
هر ذره سینین قیمتی عالمجه خزینه
عالمدن اوزی اولماسا چوخ آزدی بو قیمت
.
باخدی او دفینه در رخشانی چوخ ایستر
قنداق دولوسی لعل بدخشانی چوخ ایستر
بلموشدی حسین اصغر عطشانی چوخ ایستر
ویردی آتا آغوشینه یاتسون بالا راحت
.
گوردی آلوب آغوشینه خورشید سهیلی
بلدی نه گوزل گلدی ربابین اله میلی
بو باره ده ایستوب که ملول اولمیه لیلی
بیر قبر ایاق آتدا درست ایتدی او حضرت
.
شهزادیه اوز شانیله لایق ایدوب اعزاز
بلدی شهداده هامودان اکبری ممتاز
شاهون ایاقی آتدا قویوب ایتدی سرافراز
یوخ عرش خداده او ایاق آتداکی رفعت
.
خلق ایتمز اولار که بیرینین مثلینی بی چون
اوچ پاک وجود اولدی او بیر قبریده مدفون
فخر ایتدی او شش گوشه مزاریله او هامون
اولماز دیدی بیر یرده بو عزت بو جلالت
.
فارغ آتا دفنیندن اولوب حضرت سجاد
یازدی اوز الیله آتاسی قبرینه بیر آد
بو قبر حسیندور که اولوب کشتۀ بیداد
بیر ایله حسینی که سوسوز اولدوروب امت
.
مشهوریدی سجاده هامی باطن و ظاهر
دربان گوروب ایستر ایله بیر درگه طاهر
زیبنده دی درباره حبیب بن مظاهر
ویردی اونا بو منصبی، آرتوردی شرافت
.
باخدی او تراب اوسته توکولموش شهدایه
بنزر هاموسی گوردی گونه اولدوزا آیه
سالماز دیدی گوی هیچ بیروزون مثلینه سایه
هر گون یر اوزون دولدورا گر اهل شهادت
.
بو جمع بویوردی هامی بیر جمعیده بیردی
پروانه دی، هر یتمیشینین شمعیده بیردی
جان بیر، قانی بیر، مسلکی بیر، شرعیده بیردی
بیر قبر ایدر بیر بیله بیر جمعه کفایت
.
بیر گنجده قویدی بیر ایله جوهر عشقی
بیر رشتیه دوزدی اور قدر گوهر عشقی
بیر قبریده دفن ایتدی هامی جوهر عشقی
یعنی بودی معنای مساوات و اخوت
.
حسرت گوزیله دوندی فرات اوستونه باخدی
باخجاق یوزه گوز چشمه سی دریا کیمی آخدی
یاندوردی جهانی شرر آهینه یاخدی
قالدی دیدی سو اوسته سینان کشتی صولت
.
ایلوب تبعیت هامی اول خضره دلیله
یوز قویدی هامی مصرع سردار قتیله
گورجک عمو نعشین چوخ اثر ایتدی علیمه
الله عموم عباسه بویوردی ایده رحمت
.
مثلی عمومون عالم امکاندا تاپولماز
حقی نه آنام فاطمه بوینوندان آچلماز
هیچ بیر گله بیر بیله جفا خاری ساچلماز
هیچ پیکره دگمز بو قدر زخم و جراحت
.
ایتدی عموم عباس آتاما ایله مواسات
بیر قارداشا قارداش او مواسات ایده هیهات
عالمدی اونا عالم اسرار خفیات
ایلر شهدا غبطه، ایدن اجر کرامت
.
بیر قبر همان یرده او سقایه قازلدی
نه قبر، فرات اوستونه پیرایه قازلدی
پیرایه دیمه غم ایوینه پایه قازلدی
گیت قبرین اوزون ...
#امر_ایلدی_سجاده_او_گون_خالق_عزت #ترکی #حق_ایستدی_بیر_نوعیله_دفع_محن_ایتسون #دفن_شهدا #ذهنی #ذهنی_زاده #صافی🍃🌴🍃🌴🍃🌴🍃🌴🍃🌴

http://tttttt.me/naghmehaye_gham

راه شام
زبانحال نوعروس
.
.
مرحوم ذهنی زاده تبریزی
.
عم اوغلی جلوه لنوب مه یوزونده جلوۀ نور
کلیم عشقه تجلی ایدر تجلی طور
.
جدانی نخلۀ طور ایلیوب یوزون نوری
دوشنده زلفون ایدر لفظ لن ترانی ظهور
.
گورن او جلوه نی موسی کیمی دوشر مدهوش
او نوری گورمگه هر بی بصر دگل مقدور
.
یوزون صحیفه سی توحیده عیناً آیتدور
عجب بروزه ویروب قدرتین خدای غفور
.
ایشقلی آی کیمی یوز تار زلف تک ظلمات
تعجبم نجه تواَمدی بدریله دیجور
.
نظام عالمی زلفون تک ایلمه برهم
اماندی قویما اَسهَ زلفوه نسیم سحور
.
او قانلو گوزلرون آچ بیرجه نوعروسوه باخ
شکسته گوگلمی ائت بیر نگاهیلن معمور
.
دگل بو رسم وفا حالیمی سوروشمیه سن
مگر قصوریم اولوب مندن اولموسان رنجور
.
اگر یولون توزینی سلمورم جمالوندان
جدایه یتمز الیم یوخسا یوخدی منده قصور
.
بولسم ویرور باشوی نیزه داره یالوارام
اگرچه قمچی دانشماقدان ایلیوب معذور
.
اسیرلر سوزینه کیملر اعتنا ایلر
خصوص منده سکوته وار اوزگه بیر مخدور
.
آنان یانندا آدون چوخ گَتورمرم دلیمه
مباد تازه لنوب دردی دلده باشلیا شور
.
چوخ ایسترم چکم اسرار عشقه پرده ولی
نه دردی گزلده بولّم نه سر اولور مستور
.
آخار گوزوم یاشی رخساره سرّی فاش ایلر
نقدر آغلاماقا مانع اولسا شرم حضور
.
منیمکه دردیمه یوخدور علاج اوزوم بولورم
مریض عشقه طبیب ایتمیوب دوا منظور
.
ئولومدو چاره گرک جان ویرم وصاله یتم
مع الّئوسّف ئولومدنده اولموشام مهجور
.
علی الّدوام بودور وِردیم ایخدای روف
تیز ایله قابض الارواحی قبضمه مأمور
.
قسم محبتوه دویموشام داخی جانه
زبسکه انجدوب آزار ایدوب سپاه شرور
.
نه کعب نیزه نه قمچی گتوردی جانه منی
امان شماتت الندن که قالموشام مجبور
.
من آغلیاندا باخوب طعن ایدوب گُلر دشمن
گران گلور منه دشمنلر ایلینده سرور
.
آدیم عروس اوزوم شمر اسیری قولدا طناب
باشمدا قاره قرا بخت اولموشام مشهور
.
نجه من آغلامارام اختیار الیمده دگُل
محالدور اولا بیر دل بو درد النده صبور
.
گورن کیمی سر زلفون جداده پوزقوندور
منیمده حالیم او آشفته زلف تک پوزولور
.
اورکلنوب دیرم نامراد عم اوغلوم وای
آدون گلور دله خون دلیله دیده دولور
.
من آغلارام آنان آغلار تمام عورت ئوشاق
ویروله سس سسه برپا ایدله شور نشور
.
فغان و ناله سسی دولدورور بیابانی
چکوب مُعاینه سس آغلاشور وحوش وطیور
.
نه بیر قدم قدمندن بو ناقه لر گوتورور
اولور نه قافله اهلنده اختیار عبور
.
یول ئوسته قافله نی حشره دین دایاندورام
یارالو باشون اگر ایلسه اجازه صدور
.
باشون دالنجه ولی شامه تک گرک سورونم
نجه که سایه گونین پرتوندن اولماز دور
.
بو فرقت عالیمدور یا وصال مبهوتم
نه نکته دور که خیالدن ایلمزدی خطور
.
اوز عمریمون گونمون گردشنده حیرانم
نه عمر گوندی نه عالمدی نه مرور دهور
.
ئولوب دیرلّم هر آن اوز سیزیلدیمون سسنه
که اوز سیزلدیسیدور اهل عشقه نفحۀ صور
.
دگُل بو نفحۀ صور اولمیوب قیامت اگر
ندندی بس نظریمده جدا بویوندادی خور
.
نظام نظموی «ذهنی» منظم ائت سنی تا
کلام دفترون الده خدا ایده محشور
.
.
.
#راه_شام
#قاسمیه_شهادت
#عم_اوغلی_جلوه_لنوب_مه_یوزونده_جلوه_نور
#ذهنی_زاده
#ترکی


#ترکی #ذهنی_زاده #راه_شام
#عم_اوغلی_جلوه_لنوب_مه_یوزونده_جلوه_نور #قاسمیه_شهادت
🌴🍃🌴🍃🌴🍃🌴🍃🌴🍃🌴🍃🌴http://tttttt.me/naghmehaye_gham

زبانحال حضرت امام رضا (ع)
.
.
مرحوم ذهنی زاده
.
یا رب غم غربت نه چتین درد و بلادی
رحم ایله رضایه که غریب الغربادی
.
.
غربتده گلن درد و بلالرده گوزوم وار
یوز مین بئله درد اولسا گئنه منده دؤزوم وار
سندن نه بلا گلسه رضایم نه سوزوم وار
محبوب نه گوندرسه حبیبه او گوزلدی
دردین قالا درمانی طبیبه نه گوزلدی
.
.
دردی دئماقیله بوشالار غصّه گوگولدن
بیر همنفس اولسا آزالار غصّه گوگولدن
معصومه باجیم گلسه آلار غصّه گوگولدن
هیهات اونی گورماقدا محال اولدی الهی
عمریم گوننه وقت زوال اولدی الهی
.
.
معصومیه من نامه یازوب دعوت ائدندن
بولَّم دوشوب اواره او بیچاره وطندن
ایمدی سوروشور حالیمی یولّاردا گورندن
مندن آلینان خوش خبره خوش هوس ایلر
خوش تازه خبر شوقنه تازه نفس ایلر
.
.
دلدن کسیلوب رشتۀ آرام و قراری
یولدا سورونور هر گئجه گوندوز منه ساری
الله باجیمی یولدا مریض ایلمه باری
یولّاردا مریض اولسا نجه یول گلر آخر
درد مرض و رنج سفردن ئولر آخر
.
.
بولَّم بو مسافر سفرین باشه وئرنمز
قم شهرینه یتسه دایانار طوسه گلنمز
صد حیف من ئولَّم منی معصومه گورنمز
تئز گلمدی یوللاردا یوباندی گئجه قالدی
دیداریمزی گلدی ئولوم محشره سالدی
.
.
بیر کیمسه اولیدی دایانوب یولدا قالیدی
معصومه گلنده باجیمون گوگلون آلیدی
اول قاره گونون باشینه بیر قاره سالیدی
قاره دیولَن قاره گونه قاره خبردی
مندنده او بیچاره دل افکاره خبردی
.
.
ایمدی منی غربتده بولور شاد وسلامت
گوگلونده چکور نقشۀ هنگام زیارت
بولمز او سیه بخته یتشمز بو سعادت
چوخ دللری حسرتده قویوب گردش دوران
چوخ باجینی قارداش ائدوب چاک گریبان
.
آخر نفسیمدور وئرورم جان ئولورم من
جان اوسته گوزوم آختاری جانان ئولورم من
گلمز ندن اوغلوم اونا قربان ئولورم من
قالمش نگران یولدا بو گوزلر اونی گوزلر
هر بیر آتا جان وئرسه جوان اوغلونی گوزلر
.
.
زوّارلریم قبریمه بیر گون گذر ایلر
دردیم ندی زوّاریمه قبریم خبر ایلر
غربت غمی زوّاره اودور تئز اثر ایلر
غربتده قالان درد غریبی بُلر آغلار
حسرت گوزینون یاشنی تز تز سیلر آغلار
.
.
چوخ گونلری من باشه یتوردوم اَلَمیله
چوخ ایل گجه نی باشه یتوردوم نه غمیله
گوگلوم گجه گوندوزده سنوب مین ستمیله
گوندر بو سنان گوگلی گلوب بیر نفر آلسون
دردیم ندی غصَّم ندی مندن خبر آلسون
.
.
.
#رضویه_شهادت
#یا_رب_غم_غربت_نه_چتین_درد_و_بلادی
#ذهنی_زاده
#ترکی
.

#ترکی #ذهنی_زاده #رضویه_شهادت #یا_رب_غم_غربت_نه_چتین_درد_و_بلادی
http://tttttt.me/naghmehaye_gham

حالات حضرت زهرا سلام الله علیها
#گریز به #غارت_خیام

.
مرحوم #ذهنی_تبریزی
.
گوگل شرارینی دلده شراره دن خبر آل
یانوب کول اولماقینی سنگ خاره دن خبر آل
.
گوزوم تلاش ایدر اشکیله سوندوره بو اودی
عبث تلاش ایلین هیچ کاره دن خبر آل
.
ویران اورکلره آتش او بیر یانان قاپودی
جهانیده ملل بی شماره دن خبر آل
.
او یانماسیدی جهان ظلم اودیله یا نمازدی
ستمله روشن اولان هر شراره دن خبر آل
.
همین یانان قاپونون یرده گوگده تاثیرین
نه آی نه گون سانا گلمز ستاره دن خبر آل
.
نه آد قویوبدی نه منظوریله یانوب او قاپی
سقیفه اهلینی گور استشاره دن خبر آل
.
قاپی یانوب آچولوب زوریله اولوبدی نَلَر
آدی قاپی اوزی بیر تخته پاره دن خبر آل
.
صریحین ایستیه سن گیت مزارینی تاپسان
شهیده قبره گیدن باشدا قاره دن خبر آل
.
هانی او دل سنه مسماردن حکایت ایده
بو سرّی سینه ی زهراده یاره دن خبر آل
.
گوزوم حکایت سیلی نی مندن آلما خبر
اوزون او یرده دوشن گوشواره دن خبر آل
.
جفای قنفذیله تازیا نه لر خبرین
یارالی جسمده زخم دوباره دن خبر آل
.
اینانموسان خانمین تازیانه لر سپری
باشندا چادرۀ پاره پاره دن خبر آل
.
نه حالدیدی خانم سقط ایدنده محسنینی
عبای شاه ولادن بو باره دن خبر آل
.
صریحین ایستیه سن گر شهیده قبره گیدن
قاپی دالندا قالان ماه پاره دن خبر آل
.
بو گیر دارده نولدی علی نی سسله مَدی
وفا و مهر گوزیله نظاره دن خبر آل
.
چاغوردی فضه نی یعنی اماندی گلمه علی
داشوبدی بحر مصیبت کناره دن خبر آل
.
یخلموشام منی ئولدورسه لرده گلمه هله
نه لر اولوب اولاجاق بو اشاره دن خبر آل
.
من ئلموشم سنه قلبیم یانور که تک قالاسان
بو درده چاره نی خلاق چاره دن خبر آل
.
عم اوغلی من گولووه نیلیوبدی خار جفا
گولونی خار آپاران بیر هزاره دن خبر آل
.
سینمده سود قانا دوندی بوسری سن بولوسن
سوزون چکیده سینی بو اشاره دن خبر آل
.
سودون یرینه گلن سود امرلریم قان ایچر
بلا چولونده گلن شیر خواره دن خبر آل
.
چتین داخی بالاسین هاشمیه سوددن آچار
رباب الینده کی بوش گاهواره دن خبر آل
.
گَلونجه مهدی موعود وای بالالاریما
دیولمین سوزی بو استعاره دن خبر آل
.
بو یاره لرهامی چون یولداشیمدی قبر ایوینه
ویرنده غسلیمی سانسیز اثاره دن خبر آل
.
قاپوم یاناندا بیراود گیتدی کربلا چولونه
او خیمه لرده اولان استناره دن خبر آل
.
کباب اشکینه بنزر گوزومده گوزیاشیم
آخاندا دلده شرار دوباره دن خبر آل
.
گوزوم گورر بالا قیزلار قاچاللا صحرایه
قووان پیاده لری هر سواره دن خبر آل
.
قیل استخاره دیدیم « ذهنیه » بو سوزلری یاز
دیدی که خیر ایشیدور استخاره دن خبر آل
.
شعر مرحوم #سعدی_زمان در همین ردیف در هشتک زیر
#گوگل_غمین_یوزه_اشگ_روانه_دن_خبر_آل
.
.
#فاطمیه_شهادت
#گوگل_شرارینی_دلده_شراره_دن_خبر_آل
#ترکی
.

#ترکی #ذهنی_تبریزی
#سعدی_زمان #غارت_خیام #فاطمیه_شهادت #گریز #گوگل_شرارینی_دلده_شراره_دن_خبر_آل #گوگل_غمین_یوزه_اشگ_روانه_دن_خبر_آل


http://tttttt.me/naghmehaye_gham

#ذهنی_تبریزی

نظر دهید

زبانحال حضرت رقیه (س) در خرابه شام

.
.
مرحوم ذهنی
.
یتوب دوداقیمه جانیم گل عمه جان ئولورم
خرابه ده وئرورم حسرتیله جان ئولورم
.
یتوردی عمریمی باشه خرابه کنجینده
صباح و شام جفائیله شامیان ئولورم
.
اجل کمندیته دوشدوم خلاص اولام هیهات
منیم حیاتیمه یوخدور داخی گمان ئولورم
.
او قدر عرصۀ بیداده وئردیلر وسعت
که مرغ روحیمه تنگ اولدی آشیان ئولورم
.
دیار شامه گلندن گونوم دؤنوب شامه
گوزومده تیره دی بختیم کیمی جهان ئولورم
.
خیال هجر وطن ایلیوب خیالی منی
یتوردی جانه غم فکر خانمان ئولورم
.
او وقتدن که بو ویرانه منزل اولدی منه
نه بیر یوزوم گولوب ، اولدوم نه شادمان ئولورم
.
بولورسن عمه نه مدتدی اکبر آیریسیَم
آلوب قراریمی آلدن او نوجوان ئولورم
.
ز بس او گل صفتین فکر و ذکرین ائتدوم من
غمینده غنچه کیمی باغریم اولدى قان ئولورم
.
بو نسگلی آپارام گر اورکده قبر ایوینه
اگر قیامته دین ایلیَم فغان ئولورم
.
باجی جنازه سینی قبره نقل ایدر قارداش
ئوزون یتورسون على اکبریم امان ئولورم
.
گلوب جنازه می یردن گوتورسون عزتیله
اگرچه چوخ منی خوار ایلیوب زمان ئولورم
.
منی سالوب نظریندن او عالمه منظور
نه پیاده سالدی نه گلدی او مهربان ئولورم
.
سئوال أئدنده دیورسن بابان گیدوب سفره
هاچان گلور منه وئر بیر خبر عیان ئولورم
.
بیریسینون آتاسی گر بی بی گیده سفره
مگر اولار اونا ویرانه یر مکان ئولورم
.
نتیجه وئرمدی بو انتظاریم آخرده
کسوب امیدیمی یأسیله ناگران ئولورم
.
سپهر غمده محاقه یاخونلاشوب آی تک
هلاله دُوندوم اولوب قامتیم کمان ئولورم
.
بو حسرت آتشی کانون سنیه ده سُونمز
نقدر یوزدن اولور گوز یاشیم روان ئولورم
.
بو سونمز اوددا که من دلدن اود دوتوب یانورام
منیم تک اولمیوب عالمده بیر یانان ئولورم
.
نه نوع صبر ایدوم عمه من پریشان دل
که یوخدی بیر سر مو طاقت و توان ئولورم
.
سولوب سارالدیم او قدر عمه آج سوسوز قالدیم
که کهربایه دُنوب رنگ ارغوان ئولورم
.
ئوزوم غریب یانیمدا نه قارداشیم نه آتام
نه واردی دشمن الیندن منی آلان ئولورم
.
خرابه گوشه سی توپراقلار اوسته جان وئرورم
منه عیاندى بو مطلب دگول نهان ئولوم
.
منیم خرابه مزار اولماقیم یقینیمدور
گران گلور منه بو درد بیکران ئولورم
.
سپهر سُفله پَرَستون بلا کمانیله
خدنگ محنته دلدن اولوب نشان ئولورم
.
دیَنده دردیمی دیل یاندی دینمیَنده دلیم
نه تک دل اود دوتوب ، اودلاندی استخوان ئولورم
.
هوای شامده باد مخالف اسدی ز بس
بهار عمرومی تیر ایلدی خزان ئولورم
.
دایان تمام ایله « ذهنی » ، دوباره مطلعى یاز
یتوب دوداقیمه جانیم ، گل عمه جان ئولورم
.
.
#حضرت_رقیه_شهادت
#یتوب_دوداقیمه_جانیم_گل_عمه_جان_ئولورم
#ترکی
.

http://tttttt.me/naghmehaye_gham

#ذهنی_تبریزی

نظر دهید

زبانحال حضرت رقیه (س) در خرابه شام

.
✍️گلچین نعمه های غم

@naghmehaye_gham .
مرحوم ذهنی
.
یتوب دوداقیمه جانیم گل عمه جان ئولورم
خرابه ده وئرورم حسرتیله جان ئولورم
.
یتوردی عمریمی باشه خرابه کنجینده
صباح و شام جفائیله شامیان ئولورم
.
اجل کمندیته دوشدوم خلاص اولام هیهات
منیم حیاتیمه یوخدور داخی گمان ئولورم
.
او قدر عرصۀ بیداده وئردیلر وسعت
که مرغ روحیمه تنگ اولدی آشیان ئولورم
.
دیار شامه گلندن گونوم دؤنوب شامه
گوزومده تیره دی بختیم کیمی جهان ئولورم
.
خیال هجر وطن ایلیوب خیالی منی
یتوردی جانه غم فکر خانمان ئولورم
.
او وقتدن که بو ویرانه منزل اولدی منه
نه بیر یوزوم گولوب ، اولدوم نه شادمان ئولورم
.
بولورسن عمه نه مدتدی اکبر آیریسیَم
آلوب قراریمی آلدن او نوجوان ئولورم
.
ز بس او گل صفتین فکر و ذکرین ائتدوم من
غمینده غنچه کیمی باغریم اولدى قان ئولورم
.
بو نسگلی آپارام گر اورکده قبر ایوینه
اگر قیامته دین ایلیَم فغان ئولورم
.
باجی جنازه سینی قبره نقل ایدر قارداش
ئوزون یتورسون على اکبریم امان ئولورم
.
گلوب جنازه می یردن گوتورسون عزتیله
اگرچه چوخ منی خوار ایلیوب زمان ئولورم
.
منی سالوب نظریندن او عالمه منظور
نه پیاده سالدی نه گلدی او مهربان ئولورم
.
سئوال أئدنده دیورسن بابان گیدوب سفره
هاچان گلور منه وئر بیر خبر عیان ئولورم
.
بیریسینون آتاسی گر بی بی گیده سفره
مگر اولار اونا ویرانه یر مکان ئولورم
.
نتیجه وئرمدی بو انتظاریم آخرده
کسوب امیدیمی یأسیله ناگران ئولورم
.
سپهر غمده محاقه یاخونلاشوب آی تک
هلاله دُوندوم اولوب قامتیم کمان ئولورم
.
بو حسرت آتشی کانون سنیه ده سُونمز
نقدر یوزدن اولور گوز یاشیم روان ئولورم
.
بو سونمز اوددا که من دلدن اود دوتوب یانورام
منیم تک اولمیوب عالمده بیر یانان ئولورم
.
نه نوع صبر ایدوم عمه من پریشان دل
که یوخدی بیر سر مو طاقت و توان ئولورم
.
سولوب سارالدیم او قدر عمه آج سوسوز قالدیم
که کهربایه دُنوب رنگ ارغوان ئولورم
.
ئوزوم غریب یانیمدا نه قارداشیم نه آتام
نه واردی دشمن الیندن منی آلان ئولورم
.
خرابه گوشه سی توپراقلار اوسته جان وئرورم
منه عیاندى بو مطلب دگول نهان ئولوم
.
منیم خرابه مزار اولماقیم یقینیمدور
گران گلور منه بو درد بیکران ئولورم
.
سپهر سُفله پَرَستون بلا کمانیله
خدنگ محنته دلدن اولوب نشان ئولورم
.
دیَنده دردیمی دیل یاندی دینمیَنده دلیم
نه تک دل اود دوتوب ، اودلاندی استخوان ئولورم
.
هوای شامده باد مخالف اسدی ز بس
بهار عمرومی تیر ایلدی خزان ئولورم
.
دایان تمام ایله « ذهنی » ، دوباره مطلعى یاز
یتوب دوداقیمه جانیم ، گل عمه جان ئولورم
.
.
#حضرت_رقیه_شهادت
#یتوب_دوداقیمه_جانیم_گل_عمه_جان_ئولورم
#ترکی
@naghmehaye_gham