✔️وصیت حضرت صدیقه ی طاهره (س) به مولانا امیرالمومنین علی بن ابی طالب (ع) از مرحومین شهاب و ذهنی زاده

گوزوم یاشین توکمیوم یوزه ایتیموم نجه داد عم اوغلی جان
آتام اُلن گوندن اولمیوب خاطریم منیم شاد عم اوغلی جان
قاپیم یانوب یانّام ایلرم داد عم اوغلی جان
*********
آتام غمی دلده قویمیوب طاقت و توان یانّام آغلارام
عزیزلیقیم یادیمه دوشر ایلرم فغان یانّام آغلارام
منیم داخی یوخدی بیر نفر حالیمه یانان یانّام آغلارام
گویول اولور قان گیچن گونی ایلدوقجا من یاد عم اوغلی جان
***********
منیم کیمی هانسی غم کشون قامتی اولوب خم زمانه ده
منیم کیمی هانسی خونجگر گوردی بیر بیله غم زمانه ده
گئجه گونوز یوز ویرور منه درد و غصّه هر دم زمانه ده
بیر عمریدور جانیم اولمیوب ابتلادن آزاد عم اوغلی جان
************
قاپیم یانان گون عم اوغلی جان دلدن اود دوتوب یانموشام اوزوم
قولوب سنوب سقط اولوب بالام ظلمیله اولوب قاره گوندوزوم
عدو ایدن جور و ظلمیلر منده قویمیوب طاقت و دوزوم
عبث دگول گوزیاشی توکوب نی کیمی قیلّام داد عم اوغلی جان
**********
مین ایل اگر گوزیاشی توکم وار یری جهاندا بو محنته
سنون قولون باغلادی عدو جبر و ظلمیله چکدی بیعته
بهشتیده آغلادی یقین ختم مرسلین بو مصیبته
بو قدر غمله اولور نجه فاطمه اولا شاد عم اوغلی جان
*********
هامی غم و غصّه بیر یانا بو حسینیمون دردی بیر یانا
مزاریده فاطمه گرک وای اوغول دیوب دلدن اودلانا
جنازه مین اوسته باش آچوب نور دیده می قویما چوخ یانا
تسلّی ویر قویما ایلسون چوخدا داد و فریاد عم اوغلی جان
***********
گئجه گونوز حالیمی بُلر هر زمانه نین اوز جماعتی
کواکبه باخسا یاد ایدر توکموشم او قدر اشک حسرتی
صحیفه ی بدریدن بُلر وار یوزومده بیر ال علامتی
روادی قان آغلاسون منه چشم آشنا یاد عم اوغلی جان
********** @
نه قدر که آفتابیده التهابیدن اضطراب وار
مین ایله بو اودلی قلبیده اضطراب وار التهاب وار
یانان گونی باب رحمتیم گوزده آب وار دلده تاب وار
بو آب و تاب عمر خرمنین آخِر ایتدی برباد عم اوغلی جان
***********
بهار اولار لاله گُل آچار باغریمون بو قان اولماقین دیر
یولود دولار گلشنه یاغار گوزده اشکیمون دولماقین دیر
خزان اولار گلستان سولار عمر گلشنیم سولماقین دیر
آپارماسون اهل دل گوروم گلستانیدن آد عم اوغلی جان
*************
بیله بُلّم اُلّم ایمدی من ای حیاتیمه عمریمه سبب
حلال ایله ترک ایتموشم محضرونده گر شیوه ی ادب
گئجیله قیل دفن و کفنیمی گرچه وار سنه زحمت و تعب
مزاریمی ایتگین ایله ای مهری توشه و زاد عم اوغلی جان
************
ز بس سنوب شیشه ی دلیم سنگ ظلمیله روزگاریده
هامی منه ایلیوب جفا هم نهان و هم آشکاریده
بودور نظر بی وفالرین گورمیم یوزون من مزاریده
مزاریمه ایتمسون نظر غیر مردم راد عم اوغلی جان
**********
من عالم قدس اهلیم، نور قدس آب و گِلیم منیم
بو آب و خاک اهلی ایلدی خاک تیره نی منزلیم منیم
اسوب جفا صرصری یانوب آتش ستمله دلیم منیم
بو آب و خاک آتشه یانار دامنیم وورار باد عم اوغلی جان
*************
شهاب اوزی رحلت ایتمه موش ایلموشدی بو نوحه نی رقم
قوتارمیوب، عمری قورتاروب اولدی غرقه ی لُجّه ی کرم
تمام ایده ذهنیه دیدی کاتب حسین صاحب قلم
اودا یازوب کسر نوحه نی نوحه ده ایدوب داد عم اوغلی جان
**********
#شهاب #ذهنی_زاده🍃🌴🍃🌴🍃🌴🍃🌴🍃🌴🍃🌴🍃🌴http://tttttt.me/naghmehaye_gham

راه شام
.
.
مرحوم شهاب تبریزی
.
غفلتدن ای گوزوم بیر اویان نوبهاره باخ
گول فصلی گلدیی آچو گوزووی لاله زاره باخ
.
هر بیر گول اوسته شوریله بیر عندلیبی گور
گلمیش مقال شورشه باخ آه و زاره باخ
.
گور بیر ائدر نه طرزیله شکوه فراقیدن
گول شاخه سینده بلبل ائدن انکساره باخ
.
بلبل هنوز وصلیده کام دل آلمیوب
دوشموش جفا خیالینه بی رحم خاره باخ
.
عکش خیال عاشقی معشوقه دور ائدن
مقصود چرخ کج روش کجمداره باخ
.
ای دل بلاسی چوخدی نه کارون وار عشقیلن
غوغایه سالما باشیوی گئت اوزگه کاره باخ
.
هر بوالهوس دوام ائده بُلمز مشقَّته
بو دوره لرده گزمه چکیل بیر کناره باخ
.
قوی من سنه محبتین اهلین نشان وئروم
گور زینب بلا کشی صبر وقراره باخ
.
شامین یولوندا ناقه نین اوستونده باش آچوق
نه معجر و نه مقنعه ناقه سواره باخ
.
گُرگان شام ائدوب حرم آهولرین شکار
گرگان شامه باخ اولونان بیر شکاره باخ
.
وورموش سنان سنانه حسینون کسیک باشین
باشدان او باشه نیزیه هم نیزه داره باخ
.
قرآن اوخور کسیک باشی لحن حجازیله
دلده کلام حضرت پروردگاره باخ
.
قانلی باشیندا تاج شرف قانلی یاره سی
نوک جداده رأس شه تاجداره باخ
.
اهل حرم یاننجا چخوب شهر سیرینه
گور بیر جلال و دبدبه سین شهریاره باخ
.
باشین کسوبله گوزلرینی یومّیوب هنوز
صحرایه منتظر باخوری انتظاره باخ
.
معلوم اولان سکینه سینی ساربان ییخوب
بیر غم کش انتظاریدی بیر غمگساره باخ
.
باشی جداده گتمز ایدوب کاروانی لنگ
مقتوله باخ کسوک باشا باخ اقتداره باخ
.
سعداوغلی گوردی قافله رفتاریدن قالوب
غیظه گلوب او کین لعین کین شعاره باخ
.
زجربن قیسه امر ایلدی تاپ سکینه نی
مأموره باخ مقصره باخ کامکاره باخ
.
راوی دیر بولوردوم اونون من شقاوتین
تاپسا چون اینجیدر خبر ناگواره باخ
.
گیتدوق اونیله منده یتیشدوق سکینیه
گورجک بیزی آغاردی یوزی دلفکاره باخ
.
زجربن قیس ایستدی وورسون او بیکسی
وورما دیدیم یتیمیدی بیر کردگاره باخ
.
مندن گوروب بو رحمی سخلدی رکابیمه
خوار و لعیمی حامی بولن گول عذاره باخ
.
رحم ایلدیم دئدیم گل ائدیم ترکیمه سوار
باخدی او قیز منه دیدی پروردگاره باخ
.
من خاندان عصمتم آل پیمبرم
پرهیز قیل پیمبر پیرهیزگاره باخ
.
گلم دیدی دالوزجا گئدون سیز یواش یواش
بیر روزگار عزیزینه باخ روزگاره باخ
.
بیر قدر یول گلوب دایانوب اگلشوب یره
باشدان گوتوردی معجرینی خوار وزاره باخ
.
گوردوم دیور ایاقلارینا باغلیوب باخوب
فرمایش ایلدی ایاقیمدا قاباره باخ
.
چوخ زحمتیله قافلیه یتدی آغلادی
آغلاتدی اهل قافله نی اشگباره باخ
.
گلدی آتا باشی وورولان نیزیه باخوب
عرض ایلدی بابا قیزیوا قیل نظاره باخ
.
گور بیر سالوب نه حالته بو ساربان منی
جور و جفایه باخ ستم بیشماره باخ
.
از بس پیاده گلمیشم آغرور ایاقلاریم
چوخ خسته اولموشام من ائوی تاروماره باخ
.
سیلی دگوب یوزوم گویروبدور بنفشه تک
دشمنلریمده جرأته باخ اقتداره باخ
.
من آغلیاندا شمر دیور خارجی قیزی
دنیایه باخ زمانیه باخ اعتباره باخ
.
باخما شرار خامیه باک ایلمه #شهاب
دفتر چتین یانا سخن آبداره باخ
.
.
#راه_شام
#غفلتدن_ای_گوزوم_بیر_اویان_نوبهاره_باخ
#شهاب_تبریزی
#ترکی


#ترکی #راه_شام
#شهاب #شهاب_تبریزی #غفلتدن_ای_گوزوم_بیر_اویان_نوبهاره_باخ 🌴🍃🌴🍃🌴🍃🍃🌴🍃🍃🍃🍃🌴
http://tttttt.me/naghmehaye_gham

زبانحال حضرت سکینه(س) به راس حضرت علی اکبر (ع)
.
.
مرحوم شهاب تبریزی
.
گلّم علی دالونجا
هر قدر قدرتیم وار
شامه کیمی سورونّم
نیلوم محبّتیم وار
.
.
بیله بولور گورنلر مغلولِ بیر عدویم
قول باغلی دستگیر اعدای کینه جویم
بولمولّه من اسیر گیسوی مشک بویم
هر بیر تِلینده تک تک اوّلدن الفتیم وار
.
.
هرگز یورولمارام من بو یولدا همرهیم سن
گرچه گونوم قرادی نورانی بیر مهیم سن
من سندن اوتری گلّم سن دلدن آگهیم سن
بیگانه لر که بولمز دلده نه نیّتیم وار
.
.
بلبل جفای خاره بیجا یره دایانماز
پروانه دورِ شمعه عشق اولماسا دولانماز
من یانماسام غمونده بیگانه لر که یانماز
پروانه دن چوخ آرتوق یانماقه رغبتیم وار
.
.
پابند تار زلفم محکمدی بو علاقم
سندن گوتورمرم گوز قارداش نه قدری صاقم
بی آز که آیری دوشدوم یخموشدی یولدا ناقم
بو ساربان الیندن بی حد شکایتیم وار
.
.
رفتار سیزدی ناقم بی رحم سارباندی
یول نابلددی قارداش بیر قورخولی مکاندی
شامه یتونجه بولّم شغلیم منیم فغاندی
ویرانه ده ئولونجه مطلق بو زحمتیم وار
.
.
بو زحمته تحمّل خوشدی بو دلفکاره
آهیم اولا موثّر بلکه بو نیزه داره
باشون ویره یوزوندن قارداش ئوپم دوباره
شاید ایده ترحّم بولسه بو نیّتیم وار
.
.
تا وار نفسم سورونّم آردونجا دلده ناله
بیر بلبلم که عشقیم واردور او گل جماله
باشون اله گتورسم یتسم اگر وصاله
ایّام فرقتوندن شیرین حکایتیم وار
.
.
عشقون نه چکدیروبدور تقریره فرصت ایستر
بیر بزم خلوت ایستر طولانی صحبت ایستر
معشوقیله دانیشماق بیر خوش فراغت ایستر
ایمدی نه بزم خلوت نه خوش عمارتیم وار
.
.
حیران عشقم ایمدی بی صبر و بی قرارم
مبهوتم اوز اوزیمدن قارداش ایله کنارم
قالمور مگر نمودیم بیرده همین نظارم
بیر بیله زنده لیقدان دنیاده حیرتیم وار
.
.
قارداش الیم یتیشمور نیلوم سرِ سِنانه
ردّ ایلیوم یوزوندن زلفون اویان بویانه
مژگانون عشقی وورسون مین یاره هر باخانه
بولسونله تا نه قدری دلده جراحتیم وار
.
.
قارداش ایکی گوزومدور بیر مه یوزون جداده
صدحیف آچموسان بیر سنده گوزون جداده
آچسان گوزون یوزیمه باخسان اوزون جداده
حالیم سنه حکایت ایلر نه ذلّتیم وار
.
.
ویردوقجا نیزه دارون هردم تکان جدایه
زلفون اولور پریشان صبریم گیدور فنایه
هر تار تیتردوقجا صبریم گیدور فنایه
نیلوم علاقه مندم دلده حقیقتیم وار
.
.
آغلا شهاب ئولونجه عرض ایله ای الهی
ویرّم قسم حسینه عفو ایت بو روسیاهی
یوخدور بو روسیاهین اوندان سِوا پناهی
قرخ ایلدی نوکرم بیر چشم شفاعتیم وار
.
.
#سبک_احوالیمیز_یاماندی ... بیش از 10 سبک
.
.
#راه_شام
#گلم_علی_دالونجا_هر_قدر_قدرتیم_وار
#شهاب_تبریزی
#ترکی
.


#ترکی #راه_شام #سبک_احوالیمیز_یاماندی #شهاب_تبریزی #گلم_علی_دالونجا_هر_قدر_قدرتیم_وار 🌴🍃🌴🍃🌴🍃🌴🍃🌴🍃🌴🍃🌴🍃🌴🍃http://tttttt.me/naghmehaye_gham

راه شام
.

.
مرحوم شهاب تبریزی
.
آنام اوغلی هر دیاره
ائده سن اراده گلّم
دوشرم باشون دالیجا
گئده هر بِلاده گلّم
.
دالیجا پیاده گلّم
.
.
.
آلیشوبدی جسم و جانیم یانوری شرار عشقه
جذبات عشقون آخر منی گور سالوب نه مشقه
چکه زینبون بو جذبه ، حلبه و یا دمشقه
نئجه گلمرم که باشون گئدوری جداده گلّم
.
.
.
بلی ظاهراً بو قومه قولی باغلی دستگیرم
ولی باطناً بولورسن سنه من حسین اسیرم
نئجه ایلرم شکایت گئدورم بو نوعی گیرم
بو سنه محبّتیمدور بئله پا پیاده گلّم
.
.
.
آییروب باشون بدندن وروب اهل کین سِنانه
باخارام سِنانه گویلوم گلی نی کیمی نوایه
دگی باشیمه نقدری بو باش اوسته تازیانه
منی تازیانه شوره گتورور زیاده گلّم
.
.
.
گه اولار کول اوسته مهمان آنام اوغلی غیره باشون
گهی کوفیان جداده چیخادولّا سیره باشون
دوشوب ایندی اوزگه مشقه ائدوب عزم دِیره باشون
ائدوب اقتدا او باشه من بینواده گلّم
.
.
.
یتوشن دگول «شهابا» بو مصیبت انتهایه
داخی شرج و بست وئرمه بو کلام غم فزایه
یئری وار او گونده زینب دئیه شاه کربلایه
آنام اوغلی هر دیاره ائده سن اراده گلّم
.
.
#سبک_سو_یوخومدی_قزلاروندان ... 5سبک
.
.
#راه_شام
#آنام_اوغلی_هر_دیاره_ائده_سن_اراده_گلم
#شهاب_تبریزی
#ترکی
.


#آنام_اوغلی_هر_دیاره_ائده_سن_اراده_گلم #ترکی #راه_شام #سبک_سو_یوخومدی_قزلاروندان #شهاب_تبریزی 🌴🍃🌴🍃🌴🍃🌴🍃🍃🍃http://tttttt.me/naghmehaye_gham

زبانحال حضرت زهرا سلام الله علیها
.

.
مرحوم #شهاب_تبریزی
.
عم اوغلی یا علی اگلش یانمدا فرصت دور
گوروم دویونجا جمالون زمان فرقت دور
.
اگرچه بیربله مدّتده دویمادیم سندن
گینه بو محضر وصونده دَم غنیمتدور
.
سوور حبیبیله محبوب مجلسین خلوت
عم اوغلی یاخشی فراغتدی خانه خلوتدور
.
دلون فداسی دانیش بیر دویونجا صحبت ایداخ
زمان راز و نیاز و مقام صحبت دور
.
میان وصل و فراق حضور مجلس یار
بو عالم اوزگه بر عالمدی اوزگه ساعتدور
.
چتین میسر اولار بیرده بیربله ساعت
گورم که همدم حالیم شه ولایتدور
.
یانیمدا ناطق قران دوداقیده جانیم
بو آخر نفسیمده عجب سعادت دور
.
یتوبدی آخره عمرم عم اوغلی جان اولورم
دیر بو حالت زاریم که حال رحلتدور
.
ولیک بیر نچه کلمه وصیتیم واردور
گرک بیان ایلیم عرض حال خدمتدور
.
عم اوغلی اوّل عرضیم بودور که اُولسَم من
گِجه کفن ایله دفن ایت منه بو راحتدور
.
جنازم اوستونه گلماخلیقا رضا دگلم
اولاریکی قاپومی یاندیران جماعتدور
.
ایکینجی عرضیم اگر عورت اختیار ایله سن
امامه نی آلاسان چون نجیبه عورتدور
.
اوزوم کیمی بولورم زینبه اولور غمخوار
ایدر همیشه او که احترام و حرمتدور
.
علاوه قویما چکه غم حسینیم و حسنیم
محبت ایله اولار لایق محبت دور
.
حسینیم آغلاسا من آغلارام ملول اولام
حسینون آغلاماقی روحمه اذیت دور
.
اونون غمی منی بیرنچه یرده آغلاداجاخ
تنور و قتلگه و دِیردن عبارتدور
.
معاینه گورورم کربلا ده گُل جسمی
باتوب دی قاننه اعضا هامی جراحتدور
.
نه غسل و نه کفن و نه حَنوط نه تابوت
نه سایبان و نه سایه غریبه ذلتدور
.
فغان و شیونیله قبردن اوگون دورام
حسین دیوب گیدرم مقصدیم زیارتدور
.
کناره جان کیمی قانلی جنازه سین آلام
نجه جنازه نه باش وار نه ال سلامتدور
.
دوشر الی او زمانیکه ساربان الینه
جفاسین ایلر عیان بسکه بی مروتدور
.
او گونده زینبیمون حالی حالیم نولاجاق
منیم بو حالتیمون باعثی او حالتدور
.
آلولّا معجرینی زینبیم قالور باش آچیخ
دیمزله بو حرم خاندان عصمتدور
.
وورالّا قولّارینا تازیانه اهل جفا
آناسی تک قیزینون هر ایشی مصیبتدور
.
الیمده خامه آلشسا بسان تیر #شهاب
ملامت ایتمه مسبب بله مصیبت دور
.
.
#فاطمیه_شهادت
#عم_اوغلی_یا_علی_اگلش_یانمدا_فرصت_دور
#شهاب_تبریزی
#ترکی
.

#ترکی # #شهاب #شهاب_تبریزی #عم_اوغلی_یا_علی_اگلش_یانمدا_فرصت_دور

http://tttttt.me/naghmehaye_gham

#شهاب_تبریزی

نظر دهید

راه شام
زبانحال حضرت سکینه (س) به حضرت علی اکبر (ع).
#سبک_ساخلا_ناقه_می_کاروانیدن … 8 سبک
.

مرحوم شهاب تبریزی
.
تل تل توکولوب زلف سیهون
حال و خطووه حایل دور علی
اؤرتوب یوزووی بولمز نقدر
دیداره باجون مایلدور علی
بیچاره باجون مایلدور علی
.
.
آچ قانلی گوزون بو خوندله باخ
ناز ایتمه گلوم بو بلبله باخ
بیر ناقمه باخ بیر محمله باخ
آخر بو نجه محملدور علی
.
.
عشقونده علی بیچاره باجون
چوللرده گزر آواره باجون
قویما بو قدر یالواره باجون
کویونده سنون سائلدور علی
.
.
بو فکره دوشوبدور شمر دنی
چوخ اینجیده بو یوللاردا منی
باشدان چخادام من بلکه سنی
بو فکری اونون باطلدور علی
.
.
وورسا نقدر قمچی باشیما
بیر ذره جه خم یتمز قاشیما
سن باخسان اگر بو گوز یاشیما
عشقیم گوره سن کاملدور علی
.
.
شمع رخوین پروانه سیم
یانماخلیقا من دیوانه سیم
صهبای غمون مستانه سیم
بو نشئه ده دل چوخ خوشدور علی
.
.
من عجز ایلسم هر قدر سنه
ایراد ایلمز بیر کیمسه منه
پابستییم اول زلف سمنه
عالم بو سوزه قائیلدور علی
.
.
اثبات وفا گر ایستیه سن
شاهددور علی بوینومدا رسن
بو محکمۀ عشقون بودا سن
گور شاهدیمی عادلدور علی
.
.
عشقون گتوروب چوخ درده منی
آواره قویوب چوللرده منی
بی پرده چکن هر یرده منی
باشونده گزن کاکلدور علی
.
.
توفیق وفا اولسا منیلن
منده گزرم قارداش سنیلن
رفتار ایدرم من دشمنیلن
اما سنه چوخ نسگل دور علی
.
.
مدتدی شهاب هر شام و سحر
قبروندن اؤتور گوزیاشی توکر
لطف ائیله اونا بیر ائیله نظر
عشقونده گونی بیر ایلدور علی
.
.
.
#تل_تل_توکولوب_زلف_سیهون
#ترکی

http://tttttt.me/naghmehaye_gham

#_وداع حضرت اباعبدالله الحسین علیه السلام


اولوبسان قتله آماده
حسین بس نیلسون زینب
سن ئولسن گر بو صحراده
حسین بس نیلسون زینب

اَلَست عهدین دگل ممکن بو گون بو چولده سیندیرماخ
بلایه امتحان وقتی گرگ قلبی دایاندیرماخ
ولیکن خوردا قیزلاری اولور مشکل اوساندیرماخ
بالالار گلسه فریاده حسین بس نیلسون زینب
–
وداع آخِر اعلانی ویرنده سن منه قارداش
حرملر باش آچوب یکسر گلوبله شیونه قارداش
آتوب اوز فکریمی منده بو گون یانّام سنه قارداش
دایانسون گلمه سن داده حسین بس نیلسون زینب
–
ملول اولما گوزوم یاشی حسین آردونجا گر آخسا
نه من یانّام بو احواله، یانار بیگانه لر باخسا
یِری وار عالمی آهیم شراری یاندیروب یاخسا
شراره دوشسه ایجاده، حسین بس نیلسون زینب
–
نجه قان آغلاماز سنسیز حسین خونین جگر زینب
سنون تک قارداشی اُلسه دوام ایلر مگر زینب
عزاده ایتمَسون جاری جگر قانین مگر زینب
بو صحرای غم افزاده حسین بس نیلسون زینب
–
آدیم زینب اولان گوندن منیم بختیم قرا اولدی
آنام زهرا کیمی عالم منه ماتم سرا اولدی
جهاندا هانسی بیر عورت منیم تک مبتلا اولدی
بو قدری ظلم و بیداده حسین بس نیلسون زینب
–
فلک سندن صورا بوللم توکر بو باشیمه کُللر
اجازه ویر بوغازوندن اُپوم باری من مُضطر
آنام ایلوب وصیّت چون قویار شمر لعین خنجر
دوشَن ساعت او سوز یاره حسین بس نیلسون زینب
–
منه معلومیدی قارداش بُلوردوم بو قضایانی
اودور گُلموب ازل گوندن یوزوم دنیاده بیر آنی
فراقون گرچه مشکلدور دایانّام گیت حسین جانی
یِتر هر غم بو ناشاده حسین بس نیلسون زینب
–
مرامون گرچه بو چولده سنون قارداش شهادتدور
منه امّا بو هجرانون قیامتدن علامتدور
گورنده نیزده باشون منه مطلق قیامتدور
قوپار حشریم بو مَاواده حسین بس نیلسون زینب
–
منی امر ایلسن صبره دایانّام ای شه عالم
گلوگیر ایلیوب غصّه اوجالماز بیرده بیر نالم
قیزون ایستَر سنی مندن اودور پژمرده احوالم
گیدنده طاقتی باده حسین بس نیلسون زینب
–
نه چاره ایلیوم قویمور محبّت آیریلام سندن
ملول اولما یانور قلبیم باغشلا، اینجیمه مندن
دایان بیر لحظه منظوریم بودور بو داد و شیوندن
سن ئولسن گر بو صحراده حسین بس نیلسون زینب
–
او گونکه باشوه دوشدی سنون کرب و بلا شوقی
سالوبدور بوینونا زینب او ساعتدن بلا طوقی
ویرنمز امتحان هر کس باشندا اولماسا شوقی
ئولونجه گلمه سن داده، حسین بس نیلسون زینب

#سبک_علی_اصغر_مه_انور
#وداع #حسینیه #حسینیه_وداع
#اولوبسان_قتله_آماده
#شهاب_تبریزی
https://tttttt.me/naghmehaye_gham

#_وداع حضرت اباعبدالله الحسین علیه السلام


اولوبسان قتله آماده
حسین بس نیلسون زینب
سن ئولسن گر بو صحراده
حسین بس نیلسون زینب

اَلَست عهدین دگل ممکن بو گون بو چولده سیندیرماخ
بلایه امتحان وقتی گرگ قلبی دایاندیرماخ
ولیکن خوردا قیزلاری اولور مشکل اوساندیرماخ
بالالار گلسه فریاده حسین بس نیلسون زینب
–
وداع آخِر اعلانی ویرنده سن منه قارداش
حرملر باش آچوب یکسر گلوبله شیونه قارداش
آتوب اوز فکریمی منده بو گون یانّام سنه قارداش
دایانسون گلمه سن داده حسین بس نیلسون زینب
–
ملول اولما گوزوم یاشی حسین آردونجا گر آخسا
نه من یانّام بو احواله، یانار بیگانه لر باخسا
یِری وار عالمی آهیم شراری یاندیروب یاخسا
شراره دوشسه ایجاده، حسین بس نیلسون زینب
–
نجه قان آغلاماز سنسیز حسین خونین جگر زینب
سنون تک قارداشی اُلسه دوام ایلر مگر زینب
عزاده ایتمَسون جاری جگر قانین مگر زینب
بو صحرای غم افزاده حسین بس نیلسون زینب
–
آدیم زینب اولان گوندن منیم بختیم قرا اولدی
آنام زهرا کیمی عالم منه ماتم سرا اولدی
جهاندا هانسی بیر عورت منیم تک مبتلا اولدی
بو قدری ظلم و بیداده حسین بس نیلسون زینب
–
فلک سندن صورا بوللم توکر بو باشیمه کُللر
اجازه ویر بوغازوندن اُپوم باری من مُضطر
آنام ایلوب وصیّت چون قویار شمر لعین خنجر
دوشَن ساعت او سوز یاره حسین بس نیلسون زینب
–
منه معلومیدی قارداش بُلوردوم بو قضایانی
اودور گُلموب ازل گوندن یوزوم دنیاده بیر آنی
فراقون گرچه مشکلدور دایانّام گیت حسین جانی
یِتر هر غم بو ناشاده حسین بس نیلسون زینب
–
مرامون گرچه بو چولده سنون قارداش شهادتدور
منه امّا بو هجرانون قیامتدن علامتدور
گورنده نیزده باشون منه مطلق قیامتدور
قوپار حشریم بو مَاواده حسین بس نیلسون زینب
–
منی امر ایلسن صبره دایانّام ای شه عالم
گلوگیر ایلیوب غصّه اوجالماز بیرده بیر نالم
قیزون ایستَر سنی مندن اودور پژمرده احوالم
گیدنده طاقتی باده حسین بس نیلسون زینب
–
نه چاره ایلیوم قویمور محبّت آیریلام سندن
ملول اولما یانور قلبیم باغشلا، اینجیمه مندن
دایان بیر لحظه منظوریم بودور بو داد و شیوندن
سن ئولسن گر بو صحراده حسین بس نیلسون زینب
–
او گونکه باشوه دوشدی سنون کرب و بلا شوقی
سالوبدور بوینونا زینب او ساعتدن بلا طوقی
ویرنمز امتحان هر کس باشندا اولماسا شوقی
ئولونجه گلمه سن داده، حسین بس نیلسون زینب

#سبک_علی_اصغر_مه_انور
#وداع #حسینیه #حسینیه_وداع
#اولوبسان_قتله_آماده
#شهاب_تبریزی
https://tttttt.me/naghmehaye_gham