چند بیتی از احوالات کوچ اسرا

#نوید_آسال_اردبیلی

سسلدی شمر ، مینون ناقه لره آی اسرا
قمچی یولداشدی سیزه شامه کیمین صبح و مسا
یوخدی عباس سیزی نازیله شامه آپارا
بی جهاز اشترون اوستون ایلیون فوری مقام
یوخدی بوندان داخی تأخیره بو لشکرده دوام

جمع ایدوب زینب علیا اسرانی باشینا
باخدی حسرتله قراگون یارینا یولداشینا
دیدی مژگانوزی سیز سد ایلیون گوزیاشینا
سعی ایدون آغلامیون دشمن آرا آی بالالار
اولمیون راضی بیزه قوم دنی ال چالالار

واردی حقّوز کی حسین دردینه دل داغلیاسوز
قاسمون قانه باتان تللرینه آغلیاسوز
گوزیاشین اصغره خاطر یوزوزه باغلیاسوز
اشکوزون علتینی گرچه بولیلر نیلوم
آغلیان گوزلروزه بوردا گولیلر نیلوم


صدمه دگمز بیلوسوز حق سو ویرن ریشه لره
شامیده واردی خطابیم بو بد اندیشه لره
ویرمیون ایندی بهانه بو ستم پیشه لره
بو سپه دینی ساتار دهریده بیر کیسه زره
آتمامیش قمچیه ال فوری مینون ناقه لره



امر زینبدن اطاعت ایلدی اهل حیا
میندیروب ناقیه أوز لشکرینی ام بلا
میندیروب حضرت کلثوم و امامین حتی
قالدی تک زینب أوزی باخدی بیراز ساق سولونا
قلبیدن آه چکوب باخدی فراتون یولونا



دیدی قارداش گوزون آچ زینبه امداد ایله
قید آلام و بلادن منی آزاد ایله
آی حسین کاشف کربی منیده شاد ایله
ایلیوب خصم دنی گوزلریمه تار گونی
یتیشوب زینبوون محشره اوخشار گونی



قلبیمی غم بوریوب یوخدی بو عالمده بیلن
گوز یاشیم گوزدن آخور رأفتیلن یوخدی سیلن
دور منه چاره ایله آی قولی تندن کسیلن
یدّی قارداشیم أولوب دیندیرنیم یوخ قارداش
ناقه نین اوسته منی میندیرنیم یوخ قارداش

احوالات راه شام

نوحه سینه زنی

باشه اکبرین قراسین سالمیشام بو چولده یارب
کاروان گیدوبدی یالقوز قالمیشام بو چولده یارب

دادیمه یتیش خدایا ای آدامسیزون پناهی
شاهزادییم داغیلدی شاهیمون ولی سپاهی
من یتیم بینوایم چاره قیل منه الهی
بو قدر بلایه اولماز من کیمون قیزون دوامی
یوخدی بیر نفر بو چولده گورسده صراط شامی

نچه گونده من آییردیم یار و دشمنی بوچولده
داده ای حق یگانه سسلورم سنی بو چولده
زجر اگر دالیمجا گلسه ئولدورر منی بو چولده
باشیمی آغارتدی یارب طفل وقتی غم فشاری
کاش بیلوب یولی گیدیدیم بیرده کربلایه ساری

ناقه اوسته زینب عمم نازیمی جانا آلاردی
بستریمیدی قوجاقی لایلایی منه چالاردی
هرگجه کی من یاتاردیم صبحه جک اویاق قالاردی
عممه دیینده هر سوز سوز باشیندا جان دیوبدی
جانیمی قوتار الیمدن دای بی بیمده اینجیوبدی

من حسینه روح و جانم افتخار بو ترابم
نجم عرش احتجابم جان نثار آفتابم
اکبرون گوزل نگاری نور دیده ی ربابم
نازیمی چکردی اکبر عزتیمه فخر ایدردیم
غم ندی مگر بیلردیم شوکتیمه فخر ایدردیم

من همان قیزام ملک لر گاهواره می ئوپردی
باخماقا بو دلفکاره عرشیدن یره گلردی
بس نیه بو حاله قالدیم کیم بو محنته دوزردی
باشیمه توکوب فلک کول ایللریم گیدوب الیمدن
بیر اوخیلا آلتی آیلیق اصغریم گیدوب الیمدن
#نوید_آسال_اردبیلی🌴🍃🌴🍃🌴🍃🌴🍃@naghmehaye_gham

احوالات حضرت علی اکبر ع

هــــــانسی آلامــی یازوم مـن محن میدانـدان
او قــــدر دگدی یــــارا چیخدی بدن میزاندان
چاتدی زهرایه خبر خارج اولوب رضواندان
گلدی صحرای بلاده او مطهر دایانوب

تـــــن اکبردن اودم گوردی آخور تپراقــــا قان
قانـــی تپراقدا یـــازور جان سنه قربان باباجان
گه ساقا میل ائلیور گه صولا چون برگ خزان
برگ لرزان کیمی زین اوسته او سرور دایانوب

منقذ کافر او دم ال آتـوب ئوز خنجرینه
انـدیروب اشبه پیغمبرون انور سرینـــه
فاطمه آچدی باشین دوتدی عزا اکبرینه
مدّ تک الف قدین اوسته او خنجردایانوب

آه او وقتدن کی دوشوب تپراقا مستانه علی
السلام عـرض ائلـــدی شـــاه شهیدانه علی
مُهر تـــایید ویروب وئردیگی پیمانــه علی
طایر روحی آچیبدور ایکی شهپر دایانوب
اکبرین چاتدی سسی سرور مظلومانـــه
لرزیه دوشدی وجودی دئدی ای دردانه
ئولمسم یولدا یتیررم ئوزومــــی میدانه
بیلورم باشوون اوسته نئچه کافر دایانوب



یئری وار حورو ملک بوینونا غم شالی سالا
بـــو مصیبتده علـــی اللری قوینوندا قــــــالا
قـوجـــا یعقوب گـــئدور یوسفین اللــردن آلا
گوشه ی خیمه ده لیلا ولی مضطر دایانوب

گؤردی تــا اکبری قان ایچره شهنشاه هدی
زینیدن دوشدی یئره سسلدی آی نازلی بالا
آچ گؤزون ناز ائلمه ، گؤزلره قربان دنیـا
دؤر اوغول شاه جنان سنله برابر دایانوب

آچ او قانلی گؤزووی گؤرنئجه غوغادی اوغول
سنه یاس بزمی قوران هاجرو ســـارادی اوغول
حــــــالووه نوحه دیین حضرت زهرادی اوغول
دشت ماتمده جنان اهلی دی یکسر دایانوب


بـــاشوون یاره سی حیدر بابامی یاده سالوب
ولی یوخ هاردا بابام سن قالان احواله قالوب
جسموون یاره لری تــاب و توان مندن آلوب
سینم ایچره ائله بیل شعله ی اخگر دایانوب

پیکرونده اوتوروب باش باشا پیکان و سه پر
بیر بـدنــده نقدر یــاریه یئر واردی مـــــــگر
گؤرسه مـــخیمده سنـــی لیلـی بو حـالتده ئولر
تیرلر سینوون اوستونده مکرر دایانوب



لیلیه چاتسا خبر اشک توکر سیل سیـــــاقی
بو سؤزی ذکر ائلین وقتده اسر دیل دوداقی
باغلی قالدی دییر الله بالامون طــوی اطاقی
طویووا نقشه چکن ایندی گؤزی تر دایانوب



کول اولا سنسیز علی یکسره دنیـــا باشینا
سالدی بیر یولدا قرا حضرت زهرا باشینا
آری باجادی اگر کول سپه لیلا باشینــــــا
منتظر خیمه ده اول عصمته مظهر دایانوب



نقــدر ئولمه میشم محنتووه آغلیــــــــــــارام
آچیب عمّامه می باشدان ، قرووی باغلیارام
دییرم نوحـــه سنه سینه لـــری داغلیـــــارام
یئری وار سس گله گویدن کی حسین گویلره باخ
زر غمین باشدان ائلـــه آچ گؤزووی زرگره باخ
اکبرون قـــــانه باتوب غم ائـــلمه اکبره بـــــــاخ
باشووین اوسته سنون خالق داور دایانوب
🌴🍃🌴🍃🌴🍃🌴🍃🌴🍃http://tttttt.me/naghmehaye_gham

پندیات - عبرت نامه
#گریز به احوالات کوفه

حاج داود بیدق داری

دنیایه گَلَن قالمیاجاق درک ائله ای دل
بئل باغلاما سالما ئوزیوی مشگله ای دل

کیم گَلسه بش اون گوندن علاوه قوناق اولماز
دلخوش ائلمه نفسووی بومنزله ای دل

هرگُل خوش اولارپرپرائدرتئز اونی امّا
چولده تیکانی یوخلاماز ایلدن ایله ای دل

تبدیل ائلیرگلشنی مخروبه مزاره
گوزداغی وئررآیری دوشن بلبله ، ای دل

چوخ شاهلاری بیرگونده یخوب توپراقا سالدی
یاندیردی ائوین وئردی کولونده یِله ، ای دل

گورنیلدی آخرده علی اوغلی حسینه
سالدی یارالی باشینی اَلدن اَله ای دل

خُردایلدی گُل تک بدنین قوملارین اوسته
وُردی قالانین بوینونا بیرسلسله ای دل

زهرا قزینی گوزلری آغلارقولی باغلی
میندیردی اوزون یولدا سنق محمله ای دل


#گریز به کوفه

قارداش باشی سرنیزده زینب قولی باغلی
هئچ باجی دوزنمَز بئله بیر نسگله ای دل

گوردی باجی قارداش باشنی نیزه نین اوسته
دقّت ائله بوصبری کَسَن مشگله ای دل

عرض ایلدی قرآن اوخی ای ناطق قرآن
سرنیزده قرآن اوخیان باشووه قربان

ای شیعه لرین قانه باتان سروری قارداش
آدوندی بلاکش باجووین ازبری قارداش

تارِسرِزلفون الیمی باغلادی یوخسا
باغلانمازیدی زینبووین اللری قارداش

چوخ دوز یئدیلرکوفه لیلرخوان علیده
ئولدوردولرآخرده ولی حیدری قارداش

حقّّ ِنمکی گورنه ادا ایلدی کوفه؟
چوخ سختیدی حقّی بیلَنَه باوری قارداش

داشلاری یغوب دامنه بومردم نادان
سندیردیلا مِرآت حقِ داوری قارداش

داش صحبتی یاندیردی منیم قلبیمی ایکاش
ویران اولا بوشهرِجفاپروری قارداش

بیرگوزلرون آچ گورنه قیامتدی حسینیم
برپا ائدوب الله ائله بیل محشری قارداش

بیریانداچخورعرشه بالا قیزلارین آهی
بیریاندا اولورشهریده خُنیاگری قارداش

کول هاردان اوتوردی اوجمال اللهین اوسته؟
گرچه ،کول آپارمازآرادان گوهری قارداش

سن گوهرنابِ ایکی دریایِ شرفسن
ای فاطمه نین قانه باتان دلبری قارداش

ای نیزده کی قانلی هلالیم نه باتوبسان
اولما قوجالان زینبووی گوزدن آتوبسان؟

#پندیات
#کوفه
#دنیایه_گلن_قالمیاجاق_درک_ائله_ای_دل
#بیدق_داری
#ترکی
🌴🍃🌴🍃🌴🍃🌴🍃🌴🍃http://tttttt.me/naghmehaye_gham

غزل

مرحوم میرزا ابوالحسن راجی تبریزی

مندن صبا دئ اول گوله ، قربانووام سنون
رحم ائت گیلن بو بولبوله ، قربانووام سنون

بو عشق اؤدونا اؤز گوزو کونلوم سالوب منی
سندن یوخومدو هئچ گیله ، قربانووام سنون

هر چند ایسترم سنه بیر اؤزگه سوز دییوم
بو سؤز گلور گئنه دیله ، قربانووام سنون

حُسنون زکاتینی منه ایله بو ایل عطا
قویما قالا گَلَن ایله ، قربانووام سنون

وصلونده آل بو جانیمی آسان خلاص اولوم
هجرونده سالما مُشکوله ، قربانووام سنون

گلمیش یوخاریدن آشاقا ، ساخلا عزّتین
چوخ حرمت ایله کاکیله ، قربانووام سنون

مین دفعه گونده ئولدوروسن ، نازیلن منی،
یوخدور سوزوم منیم بئله ، قربانووام سنون

نازی ائدوب بهانه آجیقلانما «راجییه»
آل جانیمی گوله گوله ، قربانووام سنون


#غزل
#مهدیه
#مندن_صبا_دئ_اول_گوله_قربانووام_سنون
#راجی_تبریزی
#ترکی
🌴🍃🌴🍃🌴🍃🌴🍃🌴🍃http://tttttt.me/naghmehaye_gham

شجاعت حضرت قاسم (ع)

دکتر محمد حسین کتابچی ( علومی تبریزی )

گوردی لشکر کارزاره بیر مهِ تابان گلور
نو نهال مجتبی سو ایچمیوب عطشان گلور


عرصه میدانه یتدی اول جوان ماهرو
صولتیندن دوشدی خوفه اشقیای کینه جو
ایستدی ازّل ائده کفّاریله بیر گفتگو
حقّینون اثباتینه گورسونله نه برهان گلور


ایتدی فرمایش جماعت شرم ائدون جبّاریدن
احمد مختاریدن یا حیدر کرّاریدن
ال چکون بو شهریار بی کس و بی یاریدن
عزم ائدوب یثربدن آخر سیزلره مهمان گلور


آل پیغمبر گورورسوز جمله سی گریاندیلار
بیر بیاباندا جماعت سیزلره مهماندیلار
اوچ گئجه گوندور هامی خرد و کبار عطشاندیلار
العطش دادی خیمندن گورموسوز هر آن گلور


گوردی اصلا رحمه گلمز فرقه بی عار و ننگ
ال آتوب شمشیره اولدی شوقیله حاضر به جنگ
تا اوزون ووردی او دریا لشکره مثل نهنگ
اعتنا ائتمزدی لشکر هر طرف هر یان گلور


ایلدی شیرانه جنگ اول وارث شیر خدا
دورمادی بیر کس قباقدا سیندی صفلر بر ملا
خیمه لردن شاه مظلومان دئیردی مرحبا
ضرب شصتوندن خیاله ضیغم یزدان گلور


ائدوب آرامینی دلدن او قوم ناحقین
دوت رشید اوغلون اوزون ئولدوردی شامی ازرقین
قصد ائدوب آخر یاتوردا اشقیانین بیرقین
گوئیا شهبازیدور بیر صید اوچون پرّان گلور


سالدیلار بیردن آرایه قوم عدوان قاسمی
دوت طرفدن ایتدیلر آماج پیکان قاسمی
بی مروّت لر ائدوبلر سنگباران قاسمی
اوخ هوادن جسمینه چون بارش باران گلور


صیدینه صیّادیلر بیر بزم شورا قوردولار
باد ظلمیله گُل پیغمبری سولدوردولار
بیر قلج آخر باشیندان ظلم الیله ووردولار
دوشدی طاقتدن هجوم ایلوب گینه عدوان گلور


باشی اوستونده گوروب لبریزدور جام اجل
ایستدی دامان وصل شاهه بیرده وورسون اَل
دوتدی یوز سسلوب عمو فریاده گل
گور نئجه قاتل الینده خنجر برّان گلور


خیمه ده سمع امامه یتدی ناگه بو صدا
سرعتیله رزمگاهه گلدی شاه کربلا
باشی اوسته خنجر الده گوردی وار بیر بی حیا
دادینه شهزاده نون فکر ایلمور سلطان گلور


اَندیرن ساعتده شمشیرون امام ذوالحشم
بیر قولون وئردی قباقه اول ستم پرور او دم
ذوالفقاریله او بی عارون قولون ایتدی قلم
حس ائدوب اعضاسینه بیر شعله سوزان گلور


قاسمون گل پیکری یرده ائدوب اعداء هجوم
فاطمه قلبی یانوب گلزارینه اسدی سموم
آتلار آلتیندا قاریشدی بیر بیره عظم و لحوم
گور خیاله ایله بیر ظلم و ستم یاران گلور


یاتماقون توپراقلار اوسته ای سپهر حسنه ماه
باعث اولموش خیمه ده ایلور آنان فریاد و آه
اوزلیقیندان قورخورام چخسون حریم بی پناه
خیمه دن میدانه گور شیون و افغان گلور


باش طرفدن قوزادی آرامینی الدن آلوب
سینه قوزاندی ایاق سمتی ولی یرده قالوب
گوردی اعضا قطعه قطعه بیربیریندن آیریلوب
یعنی قوزاندوقجا یردن شانه تک شان شان گلور


آغلا بو غمده «علومی» توک یوزه اشک بصر
لیک بو امری قویما زحمتون اولسون هدر
دین و تقواسیز حسینه آغلاماق وئمز ثمر
نیّتون دور خالص ائله نیمه شعبان گلور

#گوردی_لشکر_کارزاره_بیر_مه_تابان_گلور
#علومی_تبریزی
#ترکی
🌴🍃🌴🍃🌴🍃🌴🍃🌴🍃@naghmehaye_gham

زبانحال مادر محن دیدۀ حضرت قاسم علیه السلام

🆔: @naghmehaye_gham
مرحوم ذهنی تبریزی

گوزون آچ ای گل باغ حسن اوغلوم گوزون آچ
آدی داماد اؤزی ناکام ئولن اوغلوم گوزون آچ


ایمدی بیر ساعت ازل من سنی داماد ایلدیم
سُوونوردیم اؤزومی غصّه‌ دن آزاد ایلدیم
قوری بیر آدیله آنجاق دلیمی شاد ایلدیم
تئز فلک عیشیمی ائتدی مُحن اوغلوم گوزون آچ


دوتماسیدیم بو طوئی من سنه نسگل بیریدی
آناوون غصّه سی بیر محنتی بیر دل بیریدی
تاب ائدردیم غم هجرانیوه مشگل بیریدی
دوشمزیدیم بیله اشکاله من اوغلوم گوزون آچ


بیر عروسه باخارام بیر سنه فریاد ائدرم
اود دوتار قلبیم اودور ناله چکوب داد ائدرم
قویسالار حجله ‌گهون اشگیله بر باد ائدرم
قالماسُون تابیله بیت الحَزَن اوغلوم گوزون آچ


گر عروس آغلاسا ذی حَقّیدی وار چوخ سببی
قاره بخت اولدی اؤزی قالدی قوری بوش لقبی
آخار اشگی ولی سس چکمگه قویماز ادبی
آز قالور جانی چیخا غصّه ‌دن اوغلوم گوزون آچ


وار یری آهیم اودیله سالام عالملره سوز
هانسی داماده فلک ایلدی بو ظلمی بروز
بویانوب قانینه کیم سن کیمی جان وئردی سوسوز
کیمه طوی خلعتی اولدی کفن اوغلوم گوزون آچ


اولی که طوی گونی داماد ئوله یاسی دوتولا
چکیله حجله سینه قاره عزاسی دوتولا
سن تک اولماز ولی قانیله حناسی دوتولا
اولمیوب سن کیمی کامه یتن اوغلوم گوزون آچ


قان دولان گوزلرون آچ بیرجه باخ آغلار گوزیمه
گور نجه خون دلیم جاریدی گوزدن یوزیمه
نه گمانیله ویروم ایمدی تسلّی اوزیمه
ای منیم باشمه کوللر توکن اوغلوم گوزون آچ


سنی بو حدّه تیوردوم نقدر زحمتیلن
جانه نوش ایلدیم هر زحمتوی منّتیلن
نقدر شوقیله نه قصدیله نه نیّتیلن
خوش یتوردون منی آماله سن اوغلوم گوزون آچ


ایمدی من بولدوم اوغول اوغلی ئولنلر نه چکر
یا اوغول سیز آنالار دهریده نیلر نه چکر
اوز گونومدن بولورم لیلیِ مضطر نه چکر
منی لیلائیلن همدرد ائدن اوغلوم گوزون آچ


#ذهنی دوتدون عجب الفت بو قلم دفتریلن
عاقبت کامه یترسن دل غم پَروریلن
دوزدی یاز اوخشار آنا اوغلونی بو دیلّلریلن
ای منه چوللری مسکن ویرن اوغلوم گوزون آچ



#سبک_زینبم_جان_اوستیم
#سبک_یارالی_جان_یارالی
#سبک_شهریاریمسن_حسین
#سبک_کربلا_منتظر_ماست


#قاسمیه_شهادت
#کوچ_کربلا
#گوزون_آچ_ای_گل_باغ_حسن_اوغلوم_گوزون_آچ
#ذهنی_تبریزی
#ترکی

🍃🌴🍃🌴🍃🌴🍃🌴🍃🌴🍃@naghmehaye_gham

زبانحال امام در بالین ابوالفضل (ع)

جوشی


ای یار باوفا ابالفضلیم

سردار کربلا اباالفضلیم

باشونده قویمیوب عمود آهن

میداندا خوش نما ابالفضلیم

وقاریم آی قارداش نگاریم آی قارداش

خزان اولوب سن سیز بهاریم آی قارداش

قارداش قارداش قارداش قارداش

🌹🌹🌹

ای یار و یاوریم اویان قارداش

دور یاتدی لشکریم اویان قارداش

نه واردی قاسمیم نه وار عونیم

نه واردی اکبریم اویان قارداش

یاتوبدی احراریم ئولوبدی انصاریم

گوزتلیور قارداش سنی اوشاقلاریم

قارداش قارداش قارداش قارداش

🌹🌹🌹

بو درده بیر کس ایلمز چاره

دور رحم ایله من گرفتاره

سن چاتدون وصل حی داداره

قویدون اما حسینی آواره

غمون اخا چوخدی سو مشکیده یوخدی

دینن گوزونده کی سنان دی یا اوخدی

قارداش قارداش قارداش قارداش

🌹🌹🌹

ایتمز هیچ کس بو بیر سوزی باور

عنقا قافه چیخوبدی بی شهپر

یوخدور شکیم کی دیدۀ عالم

گورمز سن تک وزیری تا محشر

هایاندا بیر سقا ویروبدی تشنه جان

سنه گوزوم قربان سنه أوزوم قربان

قارداش قارداش قارداش قارداش

🌹🌹🌹

گول تک هجرونده دور سارالدیم من

گورنه حاله بو چولده قالدیم من

سن اَدرِک یا اخا دیین وقته

آند اولسون حیدره قوجالدیم من

گوزل آییم باتما جهانی آغلاتما

رقیمون جانی بلیم سینوب یاتما

قارداش قارداش قارداش قارداش

🌹🌹🌹

""نوید آسال اردبیلی"

شاعر اهل بیت "کربلایی نوید آسال اردبیلی
🌾🌴🍃🌴🍃🌴🍃🌴🍃🌴🍃🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«العطش»

محمد علی مصیبی تبریزی

مخیمده عطشان بالالار
چاغیریللارعموجان العطش
بیرآلتی آیلیق صودامر
سالوب اخیامه فغان العطش

((یاندوق عمو- بیرجرعه سو - اصغره احسان ائله))





هردم رقیه دیوری ،ئورگیم یاندی عموچاره قیل
من یوخ سوسوزاصغره باخ،یانوب اودلاندی عموچاره قیل
باخ بیر فراتین سویونا ، نه خروشاندی عموچاره قیل

((یاندوق عمو - بیرجرعه سو - اصغره احسان ائله))





ظلمت بلادشتین آلوب،شب دیجوره دونوبدی گونوز
باخ کوفیانین ایشینه ، وئروری ذات پلیدین بروز
آهولرهردم مله شیر، سو کنارینده قالوبلار سوسوز

((یاندوق عمو- بیرجرعه سو- اصغره احسان ائله))





بیکس ربابین گونونه ،مه وخورشید وفلک آغلوری
دیلسیزبالاتشنه قالوب، آنانین سینه سینی داغلوری
ازبس چالوبدی ال ایاق، بالانین اللرینی باغلوری

((یاندوق عمو- بیرجرعه سو - اصغره احسان ائله))





یافاطمه داده یتیش ، سووا حسرت قالوب آل ولا
بیربیرصولورغنچه لرین، بوبلادشتی اولوبدور منا
دیلسیزبالا سویرینه،ایچه جاق قانینی سیراب اولا

((یاندوق عمو- بیرجرعه سو - اصغره احسان ائله))





سو شرحینی کیم ائشیدوب،شررِآهی دوتوب عالمی
بیر آلتی آیلیق صودامر، آدینا قوردیلا بزم غمی
باب الحوائجدی بوآد ، اودی هر دردوغمین مرهمی

((یاندوق عمو- بیرجرعه سو - اصغره احسان ائله))


#سبک_عشقینده_دیوانه_منم

#فرات #عباسیه
#تاسوعا #شب_عاشورا
#مخیمده_عطشان_بالالار
#مصیبی_تبریزی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در مدح حضرت اباعبدالله الحسین علیه السلام
گریز به شهادت حضرت علی اصغر علیه السلام

محمد علی مصیبی تبریزی

عشقوندن حسین ؛ حکم بقا عالم آلوبدی
خضر آب حیات آلسا ، مسیحا دم آلوبدی


مخمور میِ عشقون اولوب چشم خرابات
لطفوندی سنون گر یاغوری اشک سماوات
عالمده ، اَیَر باش سنه وار هر نه مقامات
بو مطلبی انسان و ملک توأم آلوبدی


بیر مرحمت محض دی حق یاره وئروبدی
ئوز قانینی عنوان ، توکولن ثاره وئروبدی
بی چاره لره بو قاپودان چاره وئروبدی
فطروس آقامین دولتینه مرهم آلوبدی


بیر لحظه اگر ردّ اولونا گوزده کی پرده
فاش اوندا گوررسن نه وار اجرام وصُوَرده
گویده بئله بیر صحنه گلر مدّ نظرده
عیسادی حسینون آدینا پرچم آلوبدی


بیر مُصحف ناطق دی چیخوب نوک جدایه
تنویر اولونوب قانلی باشین نوری سمایه
بیر شأن نزول آیۀ والشمس ضُحایه
مهر و مه آقامدان حرکت باهم آلوبدی


گویلون قوشی گرشهپرآچوب تا چاتا وصله
اخلاصیله نیّت ، شه نام آوره بَسله
بیر یول آدینی سسله ولی عشقیله سسله
گور اوندا نئجه ناقۀ صبرین رَم آلوبدی


کیم معرفتیله آقاما گوزیاشی توکسه
بار غم شاه شهدا قدّینی بوکسه
قلبینده و یا بذر تولاسینی اکسه
عقباده شرف حلقه سینه خاتم آلوبدی


احسنت ائله بیماره کی بیمار حسین دی
روحی ، ئورگی ، جسمی گرفتار حسین دی
بی منّت و تزویر عزادار حسین دی
حقاً کی جزاسین آقادان مُعْظَم آلوبدی


اوچ یرده دییوب داده چاتار شاه شهیدان
بیر جان کنیشینده اوزمان کی چیخوری جان
بیر قبریوین اوّل گئجه سی ساعت بحران
بیرده عرصات ایچره کی قلبی غم آلوبدی


ای خیمه سی میقات ، چوخور یر عرفاتی
وی لمْعِۀ تکبیری کوچوردن ظلَماتی
لب تشنه وئرن خضر الینه آب حیاتی
عشقوندن حسین ؛ جوششینی زمزم آلوبدی


عالم سنه پروانه دی ای شمع مدینه
وی سینۀ سیناسی تولّایه خزینه
رشک ایلوری هر نُه طبقِ عرش ، زمینه
بس کی قاپیوین لطفینی بَرّ و یم آلوبدی


عشق اوسته حسین نشئۀ مخموره واروندی
بیرمُصحف آرا یتمیش ایکی سوره واروندی
اوردا صودامر بیر گل منحوره واروندی
قانیندن اونون عزّ و شرف عالم آلوبدی


دستور گلوب؛حرمله نین زهری توکولسون
اوخلا بالانی ، تا آتانین قدّی بوکولسون
بیر ایله اوخ آت فاطمه نین قلبی سوکولسون
بیلسون ؛ بالاسی محسنه ، بیر همدم آلوبدی


اوچ شعبه لی اوخ تا حرکت ، مقصده قیلدی
مخیمده ربابین آلیشان قلبی سیخیلدی
ایوای نئچه دفعه ایاقا دوردی یخیلدی
گول عارضی گوزدن او زمان شبنم آلوبدی


وار چوخلی قلم صاحبی تعدادی کم اولماز
امّا اله کیم آلسا قلم محترم اولماز
هر کِلک و قلم صاحبی «زرّین قلم»اولماز
شعرینده «مصیّب» بو قلم دن دم آلوبدی


#حسینیه_مدح
#مصیبی_تبریزی
#عشقوندن_حسین_حکم_بقا_عالم_آلوبدی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه (س)


محمد علی مصیبی تبریزی

شمس برج ابتلایم سینم آتشخانه دی
مسکنیم ویرانه اما منصبیم شاهانه دی


شامیده آفاقه چاتدیردیم فغان و دادیمی
بسله دیم من اعتلای نهضته هر زادیمی
چون ئوزوم درداَهلیَم درداهلی سسلرآدیمی
دردمنده مرقدیم واللهی داروخانه دی


من نگین حلقۀ خیرالورایم شکّی یوخ
دختر دُردانه شاه ولایم شکّی یوخ
زینب عمّم تک ئوزوم دردآشنایم شکّی یوخ
خواهر سجّادی سانما دردیلن بیگانه دی


اوچ امامین محضریندن فیض آلان صاحب دمم
قارداشیم اکبر کیمی من هاشمی بیر ضیغمم
من عموم عباس تک مشکل گشای عالمم
شمع خوش سوزِ غمم عباسعموم پروانه دی


من سفیر خردسال دولت عشقم بیلون
با نجابت قیز، فروغ صولت عشقم بیلون
عمّۀ صاحب زمانم حجّت عشقم بیلون
بیت الاحزان مرقدیم زهراسی صاحبخانه دی


من کلام ((لا تُعزّ مَن تشَا ) ) منهاجیَم
کربلا شاهی حسینون باشدا عزت تاجیَم
اکبر طاها عذاره نازدانه باجیَم
انقلابیم شامیده بیر امر خونخواهانه دی


کربلا وکوفه دن گوردوخ مصیبت دم به دم
هامّینسگیل بیریانا بیرنیسگیل اولدی پُرالَم
چاره میزاولسیدی والله شامه قویمازدوخ قدم
آلله آلله شامین اهلی رحمیلن بیگانه دی


شامین اندوهیندن آلله چوخلیغم سینمده وار
صبر ائدوب د ؤزماقیمه امّا دلیل عُمده وار
چون بیلوردیم کی ابوالفضل غیرتی عمّم دهوار
انتخابی عمّه مین ازّل گون آگاهانه دی


عالم ذر کائنات عالمه دم وئردیلر
گل سِتان عشقیده گول سهمی شبنم وئردیلر
سهم دنیادن من ِ دلخستیه غم وئردیلر
ائتمرم بی جا گلایه سانکی خودخواهانه دی


هئچ سوسوزسقا گوروم بیرآن سبوسیزگلمَسین
کاش کیم اهل ِ حیادی آبروسیز گلمَسین
قبریمین زوارینه سویله وضوسیزگلمَسین
قاندان آلمیش دستمازین بوردا صاحبخانه دی


قبریمین زوّاری! قبریمدن شمیم عشق آلون
بیریاشیل کوینک گیوب اول صحنیده مُحرم قالون
قبریمه گر قیز گتورسیز باشینه چادر سالون
عفتّیم ییخدی یزیدی سانما کی افسانه دی


بیز نجابت اهلیوخ بیزدن یاغار عفت گونی
باخما چادرسیز دولاندیم چوللری وحشت گونی
غارت اولدی خیمه لرده چادریم غارت گونی
یازسالار عفت سیزم واللهی گمراهانه دی


جان ِ عالم دور بابام آئینۀ محرابدور
ناخدای کشتی دین ، عالمه اربابدور
بیزده خورشید هُدیٰ ازّلدن عالم تابدور
هر نه احسان ایله سوق عالمده اربابانه دی


یاز«مصیب»شأنیمی عشقیله؛تااحسان ائدوم
قبریمه بو جمع زاریلن سنی مهمان ائدوم
اذن حقّیلن نه دردیز اولسا گر درمان ائدوم
خورداجا قبریم،گوررسیز اوخشاری رضوانه دی


#حضرت_رقیه
#شمس_برج_ابتلایم_سینم_آتشخانه_دی
#مصیبی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

مقبل و محتشم


مرحوم انور اردبیلی

بخش 1️⃣

حسینه هر او کسون قلبیده محبتی وار
ایکی جهاندا سرافرازدور جلالتی وار

خلوصیله اولوب هرکیم اونا پناهنده
نقدری واردی جهان ئولمیوب قالوب زنده

سعادته یتیشوب آیری بیر مقام آپاروب
یازوبلار آدینی تاریخلرده نام آپاروب

یادیمدادور اوخودی حاجی شیخ حسن مرحوم
همین بو بیر خبری عیناً ایلورم مرقوم

نجیکه شرح اولونوب نظملن گلور قلمه
وئرولّه نسبتینی مقبلیله محتشمه

خلاصه متن خبر مقبلون روایتیدور
جواهر آدلی کتابون الان عبارتیدور

دیور او شاعر عالی مقام خوش فطرت
حسین زیارتین ائتمیشدی حق منه قسمت

گجه لرون بیری بیر منزله گئدوب چاتدوم
ز بسکه خسته ایدم گئتمدوم قالوب یاتدوم

گجه نون عالمی درک ایلدوم بو رؤیانی
اولوبدی طی قوتارمیش او راه طولانی

عزیز فاطمه صحنیندیم قیامت وار
دولوبدی صحن حسین حدّسیز جماعت وار

قویوبلا بیر طرفه صحنیده اوجا منبر
واریدی منبرون اون پله سی چوخ عالی تر

ندور دلیلی ولی بیلمورم قرا چکیلوب
صاقینا هم صولونا پوشش عزا چکیلوب

دئدیم جماعته من بیلمورم بو احوالی
بو بزم غم ندی سیز ایلیون منی حالی

دئدیله با خبر اول دهه ی محرّمدور
بو بزم، بزم عزای عزیز خاتمدور

قباقدادور یته آز قالدی روز عاشورا
اودور که صحن حسینده بو بزم اولوب برپا

گله جک ایندی پیمبر حسینینون یاسینا
سوسوز باشی کسیلن نور عینینون یاسینا

بو سؤزی من ائشیدن وقته اشکبار اولدوم
دایاندوم اللری قوینیندا انتظار اولدوم

او قدری کچمدی گوردوم جناب پیغمبر
مزیّن ائتدی او بزمی رسول غم پرور

احاطه ائتمیشیدی دوره سینی بیر دسته
خمیده قامتیلن چیخدی منبرون اوسته

غم حسین اثر ائتدی او منجی نوحه
بویوردی محتشم هاردا گلوب دئسون نوحه

گلوبدی پله ی اوّلده دوتدی استقرار
یوخاری پلّیه حضرت اونی ائدوب احضار

خلاصه پلّه ی نهّمده محتشم دوردی
دل پیمبره بو سوزلریله اود ویردی

زبانحالیدی ترکی دیلیجه عرض ائدورم
بو شعری محتشمون نوحه سینه فرض ائدورم

اشاره ائتدی حسینون مزار انورینه
سؤزون یتوردی رسول گرامی محضرینه

بو کشته ی ره جانان سنون حسینوندور
بو دستمازی اولان قان سنون حسینوندور

بو شاه تشنه جگر که ئولن زمانینده
باخوب فراته وئروب جان سنون حسینوندور

بو نخل تر که اوگون آتش حرارتدن
اولوبدی دودی نمایان سنون حسینوندور

بو سرور شهدا که گوگون ستاره سی تک
کچوبدی یاره سی ساندان سنون حسینوندور

یتیشدی سوز بورا ...


ادامه دارد ⬇️⬇️

#ورود_محرم #کربلا
#حسینیه_شهادت
#کوچ_کربلا
#حسینه_هر_او_کسون_قلبیده_محبتی_وار
#مقبل #محتشم #انور_اردبیلی
#جلوه_عاشورا2
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

مقبل و محتشم

مرحوم انور اردبیلی

بخش 2️⃣

یتیشدی سوز بورا غش ائتدی حضرت طاها
بیر آز زمانی کچوب غشّیدن گلوبدور حالا

نظاره ایله او صاحب جلالت و حشمه
چیخارتدی خلعت عباسی وئردی محتشمه

دیور بو حالتی مقبل گورن زماندا گوزوم
دئدوم قبوله یتیشسیدی گر منیمده سوزوم

یازیلمیشیدی آدیم عزّ و جاهیله لوحه
دیوردوم ایندی یقین محتشم کیمین نوحه

دایاندوم اللری قوینیندا ایلدوم افسوس
گوزومده گوزیاشی شرمنده حالیلن مأیوس

بو فکره دوشدوم اولام خلق ایچینده من پنهان
اقلّی بیلمیه لر خدمتیمده وار نقصان

او دم یتوب بو خبر دوتدی قلبیم استقرار
دئدیلر حضرت زهرا سنی ائدوب احضار

خانم دیور بالامی اوخشاسون ائدوم افغان
طرف منبره اوز قویدوم اوندا ناله کنان

شروع قیلدوم حسینون همین زمانیندن
حضوره وئردوم عریضه چتین زمانیندن

چتین زمانی او ساعتدی سیدالشهدا
جهاد ائدردی سوسوز یاره لی ئوزی تنها

نه ذوالجناحیده طاقت واریدی یول گئتسون
خانم نه اوغلون حسینونده تا جهاد ائتسون

جمالی قان سینه سی اوخلارا مکانیدی
ئوزیده هم آتیدا لخته لخته قانیدی

قوشون تموّج ائدردی او چولده هر یاندا
بالوی یخدیلار آتدان او تند طوفاندا

رکابیدن ائله که شاه کربلا دوشدی
اگر غلط دئمسم عرش کبریا دوشدی

یتیشدی سؤز بورا زهرا آناسی غش ائلدی
اوجالدی عرشه حسین وای صداسی غش ائلدی

داخی بو بندیله ختم اولدی مجلس ماتم
دئدیم گورک منه نه جایزه ائدولله کرم

باخوردی هر طرفه فکر خلعتیله گوزوم
دئدیم منیمده گوروم لایق کرمدی سوزوم

نقدری صبر ائلدوم اولمادی خبر اما
نه وئردی جایزه زهرا نه حضرت طاها

دولاندی خاطریم اولدوم گینه دچار ملال
ئوز حالیمه ائلیوردوم او حالدا فکر و خیال

نه گوردون اوندا که صندوق سیدالشهدا
گلوب تلاطمه بیر لرزه ائتدی برق آسا

بو منظره دل حضّاری قورخودوب سیخدی
عزیز فاطمه باشسیز ضریحیدن چیخدی

اوتانورام دئمگه بو سؤزی آناسیندان
نه حالدا اللری یوخ قان آخور یاراسیندان

اورک داش اولسا یانار حال جانگدازیندن
منی مخاطب ائدوب سس گلور بوغازیندن

خیال خلعتیله ائتمه فکروی برهم
سنونده خلعتوی حشریده ئوزوم وئرّم

منیم قاپومدا مگر کیم اواوب سرافکنده
گلن قوناقین حسین ائتمیوبدی شرمنده

عنان شعری بو یرده دولاندیرور قلمیم
بیر آیری نکته دوشوب یادیمه ائدور ترقیم

همین او نکته دی صبریم قواسینی یخدی
حسین نه نوعی ائشیتدون ضریحیدن چیخدی

بونون نظیرینه مقتلده سیدالشهدا
عمل ائدوبدی گئدن وقته کوفیه اسرا

محبّتینی بالالارینا نشان وئردی
دایانوب اوخلارا نیم خیز اولوب اذان وئردی

نهاد پاکیله «انور» ائله رقم سؤزوی
حسینه خدمت ائله مقبله یتور ئوزوی


#ورود_محرم #کربلا
#حسینیه_شهادت
#کوچ_کربلا
#مقبل #محتشم #انور_اردبیلی
#جلوه_عاشورا2
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات
ورود شام - مجلس یزید - خرابه شام

مرحوم انور اردبیلی

بخش 1️⃣

زاده ناپاک بوسفیان شقی و فتنه کار
عامل قتل و جنایت حاکم بی قید و عار
منشأ شر و فساد صحنه های روزگار
منکر آیات قرآن خصم ختم الانبیاء
دشمن سرسخت و خونخوار علی المرتضی


مردم دنیائیله دنیا کیمی همرنگیدی
مکریده عمروعاصیدن پرمکر و پرنیرنگیدی
اتقیا سیر و سلوکندن اونون دل تنگیدی
نطفه سی ارذل طلیقیدی نه که آزادیدی
مادر ناپاکی هند آکل الاکبادیدی


ثانی نون عصرینده اولدی شام شومه حکمران
بال و پر وئردی او کرکس سیرت اهل جهان
کامیاب ایتدی او روبه خصلتی دور زمان
یاره مقصودین آلوب آغوشینه اجلالیله
قصر خضرانی ایدوب احداث بیت المالیله


قلبدن اوغلی یزیده بسکه خاطرخواهیدی
گرچه رفتار قبیحیندن اونون آگاهیدی
بیر جوان هرزه و لایعقل و گمراهیدی
سعی ایدوردی بیر بیله موجود و پست و ناتوان
کشور پهناور اسلامه اولسون حکمران


ناز و نعمتله یزید اولدی همیشه کامکار
عمر نحسیندن کچوب تا که ایگرمی بش بهار
قلبینی عشق ارینب ایلدی بی اختیار
زورق جسمی اولوب دریای عشقه ته نشین
پیچ و تابه سالدی اعضاسین بو عشق آتشین


گوندوزی غم غصّه سیندن ایلدی عزم شکار
هرگیجه ترتیب وئردی مجلس رقص و قمار
صبحه تک جام شرابیله اولوب دمساز و یار
ماه رویان دمشقین درک ایدوبدور وصلتین
مرز بیهوشیده تاپدی زندگینون لذّتین


اوغلونون گوردی معاویه اولور فسقی علن
عشق آتش زا ائدوب قلبین گرفتار محن
نقش طرح ایتدی خلاص ائتسون اونی اندیشه دن
اعتراض ائتدی حسین هند اوغلونون اقدامینه
قویمادی دوشسون حجاز آهوسی مکرون دامنه


نقش برآب اولدی یکسر نقشه دربار شام
دائما بو حادثه قیلدی یزیدی تلخکام
نفسی تحریک ایلدی آلسون حسیندن انتقام
سرور آزاده احراری ناکام ایلسون
روزگاری آغلادوب اوزون رام ایلسون


هجرتون آتمش بیرینده عاشر شهر الحرام
یوم حشر و رستخیز عترت خیرالانام
پاک قانلار کربلا صحراسین ائتدی لعل فام
زینت آغوش پیغمبر فروغ آسمان
جان وئروب جانانینه تاپدی حیات جاویدان


ماجرای صحنه کشتار دشت نینوا
یا شکست ظاهر پرورده خیر النّسا
ثبت اولوب تاریخده پیروزی بی انتها
رویدادیندن یزید بی حیا مجذوب اولوب
ایله فکر ائتدی حسینِ فاطمه مغلوب اولوب


ایستدی پاتختنه جبراً پیمبر عترتین
اقتداریندن ایده حالی دمشقین ملتین
دل ملول ایتدی حریم کبریا جمعییتین
یوردی برج ناقه ده برج شرف اولدوزلارین
چکدی بازاره علیَّ المرتضانون قزلارین


اوّل ماه صفرده کاروان کربلا
موکب حزن آور پژمرده آلعبا
وارد شام اولدی شامی ایلدی ماتم سرا
حس وجدان مردمون تحریک ایدوب افکارینی
قابل لعنت یزیدون بلدیلر رفتارینی


مهد عشقیکه دمشق آدیله وار آوازه سی
عقلی مات ائتمشدی تزئیناتنون اندازه سی
چوخ بزنمشدی ولی ساعت اولان دروازه سی
مرد و زن صوت دف و طنبوریله دمسازیدی
رقص و آوازون سسی شهره طنین اندازیدی


کوچه و بازاره نصب اولموشدی زیبا پرده لر
شادکام و خرم خندانیدی افسرده لر
یوز ایگرمی پرچمیله جنگجو سرکرده لر
جنگجویان عراقی پیشواز ائتمشدیلر
خولی و شمر و سنانون دیدنه گئتمشدیلر


آز قالوردی ظهر اولا دوتدی هوانی گرد و خاک
آسمان شهریده خورشید اولوب اندوهناک
سینه گرد و غباری کاروان ایلوبدی چاک
طبل و شیپورین صداسی شهری سالدی لرزیه
هیبت مخصوصیله لشگر چاتوب دروازیه


زینبون ناگه عیان اولدی پریشان دسته سی
گلشن حقون بیر عده طایر پربسته سی
افتخار کایناتون آهوان خسته سی
زهره زهرا بتولون صاحب عصمت قزلاری
گویدن اَنمیشدی یره گویا گویون اولدوزلاری


بیر اوجا نیده سر آزاد مرد روزگار
عشقباز صادق و جان پرور پرودگار
عصرونون یحیاسیدور گویا قزل طشت آختارار
یوز گوزی تپراق محاسن مولری خونباریدور
کاوران عشقه شخصا کاروان سالاریدور


دشمن شیرخدا بیر شخص ابراهیم نام
دوستدار آل بوسفانیدی فاسق مرام
جنگ خونینی جملدن اولمیشدی تلخکام
آتش بغض و عنادیله قزشدی سینه سی
انتقامه سوق ایدوبدور کینه دیرینه سی


ناقۀ زین العباده ایلدی نزدیک اوزون
هرزه گؤلرتک آچوبدور آغزینی یومدی گوزین
ریشخندیله تکلم قیلیدی بی معنی سوزون
بیر سوال ایتدی سوالون متنی نامطلوبدور
سؤیله کیم یابن الحسن غالبدی کیم مغلوبدور


حضرت سجاد همای رحمت و ...



ادامه دارد ⬇️⬇️

#ورود_شام
#مجلس_یزید
#خرابه_شام
#زاده_ناپاک_بوسفیان_شقی_و_فتنه_کار
#انور_اردبیلی
#مردان_جاوید_انور
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت حضرت ابوالفضل العباس(ع)
جنگ دو برادر

مرحوم انور اردبیلی

بخش1️⃣

مطلبی که ائدورم دفتریمه پیرایه
وئریلوب نسبتی اوچ مجتهد والایه
هر اوچی صاحب دانشدیله عالی پایه
ابن طاووس کبیر و رضی الله مفید
حضرت شوشتری هر اوچی ایلوب تأیید


ظهر عاشوریده عباس ظفرمند و قوی
بدر رخشان و درخشنده ی آل نبوی
سپر رد بلای نجبای علوی
دیزلری اوسته قویوب باش او ریاضت دیده
یره اگلشمیشیدی درد و غمه پیچیده


فکر ائدوردی سوسوزوندان سارالان گللرینه
آلیشوردی اورگی آتش نسگل لرینه
غیرتیندن باخا بیلموردی شیرین دیللرینه
غم و محنت اثر ائتمیشدی او حق بنده سینه
نگرانیدی خانم زینبون آینده سینه


اؤز اؤزیله دانیشوردی او شرفلی سردار
ملشور گورنجه جیران کیمی عطشان بالالار
بارالها بولارون ناخوشی وار دیلسیزی وار
یولّامور نهر فراته منی سلطان حجاز
بنده ی عشقینه باخمور بو شه بنده نواز


منی سقا ائلیوبدور حرم طاهایه
ساخلیوب خیمه ده مأذون ائلمور دعوایه
واردی بیر چاره گرک آند وئرم زهرایه
هر ندن کچسه ده کچمز آناسیندان بیلورم
سنی زهرا دیرم وئر منه رخصت ئولورم


گتدی تشریف اونون خیمه سینه میر انام
درک ائدوب عطر امامی ائدوب عباس قیام
ایکی ال سینه سی اوسته آقیا وئردی سلام
شه بویوردی اونا ای صاحب اراده قارداش
داریخوبسان بیلورم خیمه سراده قارداش


طاقتون یوخ گوره سن گللری گلشنده سوسوز
چوبالور جان قوشی بلبللریمون تنده سوسوز
باجیلاریمدا سوسوز سنده سوسوز منده سوسوز
باغبانم سارالوب صحن گلستان بیلورم
آلتی آیلیق صود امر جان وئرور الان بیلورم


بو حدیثی دیورم مندن ائشیت یاعباس
بیرگون ای عاشق تقوا و مبارک احساس
محضر شیر خداده واریدی بیر اجلاس
جنگ صفّین سوزین صحبت ائدوردی یاران
واریدی مالک و مقداد و کمیل و سلمان


قیلدی فرمایش آتام موقع بحران قتال
هرکیمون قارداشی اولسا اولی آسوده خیال
مثل سیمرغ آچار موقع دعوا پر و بال
قلبی قوّتلی اولار روحی قوی پنجه سی تیز
دالدالا وئرسلر ایلولّه برازنده ستیز


یاخشیدور قارداش اؤزون جنگیده قارداشه قوشا
ایستورم هر ایکیمیز عزم ائلیک جنگه قوشا
چشمه ی همّتیمیز عرصه ی هیجاده جوشا
ایستورم سنله منی قوم ستمگر تانیا
مرتضا زاده لری جنگیده لشگر تانیا


ایکی شمشیری ائدک طیر ابابیل کیمی
سپه دشمنی نابود ائلیک نیل کیمی
اوجا تکبیر دییک عشقیله جبریل کیمی
قویمارام جسمیده باش ترپدنی ساخلیا باش
جنگیده سن منیم آرخامدا دایانسون قارداش


عرض قیلدی اونا عباس گوزلدور سخنون
تک قالوبسان سنه قربان کمکه یوخ گلنون
عزم ائله جنگه گلوم منده رکابونده سنون
واهمم یوخدی قوشون اولسادا گر بوندان چوخ
سیّدی رجعتیمیز خیمه لره وار یا یوخ؟


دئدی بیر حادثه وار جنگیده جبران اولماز
پرده دن رد ائلدیم مطلبی پنهان اولماز
من اؤزوم خیمیه گلّم سنه امکان اولماز
دئدی عباس خوش اولدوم بو گوزل مطلبیله
وئر اجازه نچه کلمه دانیشوم زینبیله


مجلسی خلوت ائدوب زینبیله اشجع ناس
مظهر فاطمه نی قیلدی مخاطب عباس
اورگیمده نچه سؤز وار دیورم سن قولاق آس
ننمون پنجه ی اعدا چکه جک قلبینه داغ
اوچ چراغی سونوب ایستور سونه دوردومجی چراغ


تسلیت خوشدی وطنده دیه سن، سن ننمه
قویمادی دور زمان خدمت ائدم من ننمه
پرچمیم قالسا نشانه یتوررسن ننمه
دئمورم همسر مولادی عزیزوزدی سیزون
منزلوزده باش آغاردوبدی کنیزوزدی سیزون


بیرده وار ائوده منیم درده گرفتار اوغلوم
گوزی یوللاردا ایشیقلی گونوزی تار اوغلوم
یاشیوب عزّتیله قویما اولا خوار اوغلوم
آتاسیزلیق بیلوسن فاجعه دور هر اوشاقا
قویمیون تای توش ایچینده باشی دوشسون اشاقا


بیرده سیمرغ کیمی دوشسه ایکی شاه پریم
یخسالار قتلگهه گلسه شهادت خبریم
قوراسوز مجلس ماتم منه یوخدور نظریم
سیزی آغلاتسا اگر درد و بلاسی باشیمون
غمی آرتار بیلورم اوغلی ئولن قارداشیمون


زینبی قویدولا ...



ادامه دارد ⬇️⬇️

ــــــــــــــــــــــ


#جنگ_دو_برادر
#مطلبی_که_ائدورم_دفتریمه_پیرایه
#انور_اردبیلی
#صدای_عاشورا_انور
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات
ورود شام - مجلس یزید - خرابه شام

مرحوم انور اردبیلی

بخش 2️⃣

حضرت سجاد همای رحمت و عرش آشیان
قلبنون اعماقنه یوز ویردی بو سوزدن تکان
قیلدی فرمایش دایان ویرسون مؤذنلر اذان
احمد و محمود آدی آفاقه سالسون طنطنه
غالب و مغلوب همین ساعت ثبوت اولسون سنه


راضیوق روز ازلدن خلقتون تقدیرینه
دلخوشوق دام ولانون ناله شبگیرینه
نه حقارتله باخورسان بوینمون زنجیرینه
رهروان راه حقوک سیز ولی اهل مجاز
سیزده هر قدری ستم وار بیزده وار آغوش باز


عصر وقتیدی یولون یورقونلاری شوریده حال
قصر خضرایه قولی باغلی تاپوبدور انتقال
مطلبی درک ایت تعمق ایله ای نازک خیال
اهل معناسن تفکر عالمنده ور قدم
نقطه نقطه مجلسین عکسین نشان ویرسون قلم


وهلۀ اول یزیدون سال نظر دربارینه
قصر خضرانون تماشا قیل در و دیوارینه
داخل قصر اول ورود ایله بیوک تالارینه
مسند و قالیله تالارون کفی الواندور
چلچراغ شعله ور سقفندن آویزاندور


مختلف شخصیله تالارون دولوب سرتاسری
اجنبی دولتلرون برجسته شخصیتلری
اَلّیدن آرتوق رجال لشگری و کشوری
سرشناسان قبایل سرکشان و باجگیر
بیرنچه نصرانی آگه دل و روشن ضمیر


صدر تالاره قویوبلار کرسی گوهر نشان
تکیه ایلوبدور او تخته سرخ صورت بیرجوان
آبله آثاری درک ایلر یوزینه هر باخان
قد بلند و جثه نخوت قلب ایوی تاریکدور
غرقۀ غرقاب نخوت قلب ائوی تاریکدور


سبز رنگ عمامه سی باشدا خلافت مظهری
جامه زربفتله مستور اولوبدور پیکری
کتفده آبی ردا بیلده مرصع خنجری
فاقد وقر و ابهت فکر و عقلی ناتوان
مارتک دوشمش الینده پیچ و تابه خیزران


پشت تختنده ایکی جانی غلام روسیاه
هر بیری گیمش لباس ابریشم و راه راه
مجلسون اعضاسینه هیبتله ایلولر نگاه
اللرینده قبضه شمشیر جوهردار و تیز
ساکت و صامت دوربلار ایلمولر جست و خیز


تخته نزدیک اگلشوبدور بیر نچه صاحب کلام
اهل ذوق و شاعران ویژه دربار شام
جمله سینده اخطل میخواره و فاسق مرام
شاعر هزیان سرا و هرزه شهر حلب
همپیالیدی یزیدیله بو عده روز و شب


اگلشوب بیرعده فکریله بیر عده شادمان
انظباط مجلسی پوزدی هیاهو ناگهان
ضمن تعظیمی یزیدون حاجبی ایتدی بیان
گتدیلر قصره کسلمش باشلاری سر نیزده
دختران مرتضای دل ملول و غمزده


یوز ویروب قلب یزیده شادی بی انتها
صادر فرمان نامعقول ایدوب اول بیحیا
صحنده قالسون رئوس کشتگان کربلا
سرخوشام آمالیمون پیمانه سین سرشار ایدون
اهلبیتیله حسینی وارد تالار ایدون


مجلسه قویدی قدم ناگه ایکی خدمتگزار
الده زر سینی گتورمش اولی تصویرکار
دومی الده کسوک باش یوز گوزون دوتمش غبار
زلف نامیزانی تک افکار نامیزان ایدوب
ظلم الی گویا گل آویزی آویزان ایدوب


حامل سینی قویوبدور سینینی اول یره
دومی اوندا مکان ویردی او رأس اطهره
مجلسه حکم سکوت اولدی بو غملو منظره
لرزیه دوشدی بدنلرده ستون مهره لر
سینه لر گرم آهیله دولدی دوتولدی چهره لر


وارد اولدی تازه دن بزمه ایکی شمشیردار
زشت رو و سرخ مو نامرد مرد روزگار
عنصر صورت سیاه و ناقواره نابکار
بو ایکی خونخواریله سولمشدی زهرا گللری
شمردور خولی حسینون قان توکن قاتللری


سینینون صاق و صولوندا دوردولار مسرور حال
صحنه تالاریده خاموشیدی یکسر رجال
گوزلری اما کسوک باشه باخوردی اتصال
تختون اوستنده یزیده ال ویروب شور نشاط
عصر فرعونین جری ایتدی او فرعونی بساط


گلشن عصر حریفین درک ایدوبدور ریشه کن
باده نوش ایتدی نچه پیمانه اول پیمان شکن
مغزینه تأثیر ایدوب گرم اولدی سرتاسر بدن
دزد ناموس و تجاوزکاریدی اول بیحیا
مصدر اسلامیده اسلامه ووردی پشت پا


مظهر شهوت اوتوز اوچ سنده فاسق جوان
منعکس اولدی خیالینده اونون کچمش زمان
قلبینه عشق ارینب غفلتا ویردی تکان
سینی زرده رقیبین درک ایدوب آشفته مو
خیزرانیله پریشان زلفین ایتدی زیر و رو


ای حسین بن علی گوردون نجه تقدیری سن؟
قویمادون تحصیل وصلت ایلیم عشقیمله من
ایلدوم اما سنی عالمده محروم هر ندن
اوغلووی قارداشوی بیربیر الوندن آلمشام
گزدیروی اطفالوی چوللرده جاندان سالمشام


چاتمادی عالمده اقبالون منیم اقبالیمه
دائما سن رشک آپاردون قصریمه اجلالیمه
اگلشوب دوردون تعرض ایلدون اعمالیمه
حمد اولا معبودیمه اولدی تفاقون زیر و رو
من آپاردوم جاه و عزت سن آپاردون آرزو


یاوه گولر تک بیر عده یاوه ...



ادامه دارد ⬇️⬇️

#ورود_شام
#مجلس_یزید
#خرابه_شام
#انور_اردبیلی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت حضرت ابوالفضل العباس(ع)
جنگ دو برادر


مرحوم انور اردبیلی

بخش2️⃣

زینبی قویدولا تنها ائله بیر بحراندا
عزم ائدوبدور ایکی قارداش دایانوب میداندا
رجز انشاد ائلدی هر بیری بیر عنواندا
دئدی اوّلده حسین سبط رسول اللهم
صورا عباس دئدی ابن ولیّ اللهم


او دئدی جدّیم ائدوب سِیرینی اَوْ اَدناده
بیت حقده بو دئدی گلمیش آتام ایجاده
او دئدی رتبه ی عصمت وار آنام زهراده
شهرت و جاهی سالوب عالم معنایه طنین
بو دئدی فاطمیه جاریه دور امّ بنین


هم صدا اولدی او صحراده مریدیله مراد
روح مولادن ائدوب هر ایکیسی استمداد
قوشونون حمله سی باشلاندی بولار ائتدی جهاد
چیره دستان بنی هاشم اولوب معرکه گیر
دالدالا وئردی ایکی صاحب شمشیر ایکی شیر


ائتدیلر بیربیره پیچیده کلف تک قوشونی
بیچدیلر سرعتیله هرزه علف تک قوشونی
سیندیروب سپدیله صحرایه خزف تک قوشونی
پوزدیلار نظم و نظام سپه اشراری
سر به زیر ایلدیلر عرصه ده کی فُجّاری


دئدی سعد اوغلی دوشوب رشتهٔ دعوایه دوگون
ایکی قارداش بیزه تنگ ایلدی میدانی بوگون
ال یتیشمز بولارا چون بیری آیدور بیری گون
ایکیسیندن بیرینه دگمسه میداندا یارا
قرعه ی فتحی چتین لشگر کوفه آپارا


ناگهان دگدی بیر اوخ یاره لنوب میر حرم
یارالاندی هاراسی پرده لی قالسون دئمرم
اکبرین قانی کیمی آخدی یره قانی او دم
نوش ائدوب یاره گوره نیش جفانون اولین
چکدی آتدان اوخی قویدی یارانون اوسته الین


شانه ی غم سوزومون زلفینی ایستور داریا
شل اولیدی اوخ آتان فاصله سالدی آریا
گوردی میداندا حسین چاره ائدنمور یاریا
دئدی عباسینه من معرکه نی ترک ائتدیم
دشمنون چوخدی اخا گوزله اوزوندن گئتدیم


یاره می خشک ائلیوم عرصیه الان گلّم
قویمارام اوخ یرینه خیمه ده درمان گلّم
باخمارام تشنه اوشاقلاره شتابان گلّم
نگرانم اورگیم هجریوه مشکلدی دؤزه
اوجا بوی سان گورونور قامتون هریرده گوزه


سوزی شرح ایلیورم سینه لری داغلاماقا
سیزه ده واردی علاقه بیلورم آغلاماقا
خیمیه گلدی حسین اوخ یاراسین باغلاماقا
آز زمان کچدی چاتوب مقصدینه اهل غرض
روزگارین ورقی دوندی اولوب صحنه عوض


ائشیدوبسوز بو سوزی مرثیه ده تکراری
قولاری گئتدی گوزی گئتدی بیلورسوز آری
مشکینی پارچالادی اوخ سویی اولدی جاری
باشینه ضربه یتوب غصه لی قلبین سیخدی
اوجا یردن او اوجا قامتی اوخلار یخدی


سوزدی من عرض ائلدیم قویما هوایه گئده، سن
قوی سوزی عقل ترازوسینه ای اهل سخن
ایکی قولدان بیر یوخ یوزنیده سنگین بدن
باشی اوسته یخیلان لحظه ده نه حاله قالار
اولماسا تکیه سی گور، یرده نه نوعی چوبالور


چون امان نامه نی رد ائتمیشیدی تاسوعا
شمری قوموشدی حریم نجبادن سقا
چوخ آغیر گلمیشیدی زادهٔ سعده گویا
ضربه ایستوردی حسینون یتیشه قارداشینا
پربها جایزه تعیین ائلمیشدی باشینا


بو دلیله گوره سر کرده لر ایلوردی تلاش
کسه لر باشین او قولسوز بدنه قالمیا باش
سینیق آئینیه بعضی سی وروردی گینه داش
غلبه یتمیشیدی طایفه ی خون ریزه
یارالی سینه سینه قالخوب اننده نیزه


نچه نامرد اونون دلده چوخالدوردی غمین
آلالار سینه دن ایستور دیله قانلی علمین
باشینه گتدیله ظلم و ستمین هر رقمین
علمین خاطرینه یرده او فرخنده لقا
گه دونوردی صولا چوخ زحمتیله گاهی صاقا


یتوروردی بو سؤزی رمزاً او نامردلره
قویدوز حسرت منی عنقا تک ایکی شاه پره
صاق گوزومده سوزولوب هئچ بیری گلمور نظره
وئرمرم پرچمیمی باوروز اولسون سوزومه
آبرودور بو علم هم ننمه هم اؤزومه


حجة ابن الحسنون عرضیمه شاهددی اؤزی
ناتوان جانیله نظم ایلدیم #انور بو سؤزی
آغلادی گوز اورگون اولمادی خاموش کؤزی
لنگ لنگان هله من مرکب عمری سوریم
آز قالور #یحیوی تک زیر لحدده چوریم



ادامه دارد

#عباسیه_شجاعت
#عباسیه_شهادت
#جنگ_دو_برادر
#انور_اردبیلی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات
ورود شام - مجلس یزید - خرابه شام


مرحوم انور اردبیلی

بخش 3️⃣

یاوه گولر تک بیر عده یاوه سوز استدی بیان
غیظیله مظلوم امامون لبلرین قیلدی نشان
نحس النده قوزانوب اندی فنر تک خیزران
کامین الدوقجا ایدوردی زمزمه اول زشت خو
آل بو سفیانه توهین ایلین لبلردی بو


خیزران تعظیم ایدوب اوپدی لب خونباریدن
یارینه سس ویردی یاری مجلس اغیاریدن
یاندیران بیر سس اوجالدی گوشه تالاریدن
ای منا و مکه نون اوغلی عزیزیم جان حسین
سرگذشتون ایلدی یحیالری حیران حسین


بانوی والامقام و قهرمان کربلا
ساحت ذات خدایه ایلدی اول ثنا
روح پاک جدینی تقدیس ایدوب اوندانصورا
زینت تاریخ اولان نطقون ایدوبدور چوخ متین
صحبت ایلوردی اوزی گویا امیرالمومنین


ای یزید ای عنصریکه فسقله مشهورسن
جام پیروزی سنی سرمست ایدوب مسرورسن
باد نخوتله دماغون یلنوب مغرورسن
باطل اندیشیله تخت اوستنده ایلورسن گمان
ملک جاویدان تاپوبسان یا حیات جاودان


غاصب اجدادون کیمی قرآنیله ایتدون نبرد
رهنمایان بشر تاپدی شهادت فرد فرد
سنکیمی خونخواری چوخ گورمش سپهر لاجورد
خشک تشریفاتیله بیهوده اولما کامکار
خوش گونون کوتاه و کمدور قدرتون ناپایدار


تنگ و تاریک ایتموسن دنیانی آل حیدره
چکموسن افسرده چشم انداز نامحرملره
ظایران ماتمی باغلاندوربسان پرپره
یورقونوق دام اسارتده حقارت بلمروک
بوطه غمده طلای ناب تک اسکلمروک


آسمان عزتین اولدوزلارین ایتدون فنا
پرپر اولید ظلمیله ریحانه خیرالنساء
کشتگان جنگ بدری سسلوسن ای بیحیا
میر ابرارون گورورسن باشینی بیر پارچا قان
مست و مستانه اوتانمورسان وورورسان خیزران


منطق زینب یزیدون تیترَدوب تالارینی
انقلابه سوق ایدوبدور مجلسون حضارینی
چوخلاری تقبیح ایدوب اول ظالمون رفتارینی
فکر دریاسینده اولدی آل بوسفیان غریق
مجلسه گلدی همان اثناده ناگه جاثلیق


یوز دوتوب ایتدی یزید شومه قهریله خطاب
ای دنی فطرت بو نه عیش و شراب؟
سالموسان قتل حسینیله جهانه انقلاب
من کچن شب خوابیده قصرونده طوفان گورمشم
صاحب تورات موسانی پریشان گورمشم


نور اسلامیله روشن قلبمون کاشانه سی
اولمشام دلدن حسینون عاشق مستانه سی
والهم سرشار اولوبدور عشقمون پیمانه سی
شاهد جانبازیمه مفتون و جانباز عاشقم
مجلس اغیاریده یاره سرافراز عاشقم


جدّی پیغمبر دوروب الده بهشتی پیرهن
بیر الینده نوریدن بیر تاج وار پرتو فکن
عالم معناده فرمایش ایدور اول مؤتمن
گل یوبانما انتظارم گوزلورم الان سنی
ایتمشم حاضر سنه بو تاج و بو پیراهنی


مجلس عیش یزید اولدی اوگون غم مجلسی
قوزانوب پرده دالندا هنده نون ناگه سسی
تختدن اندیردی اول صیحه یزید ناکسی
یوز قویوب محرم سرایه غایت تعجیلیله
حال بیهوشیدن آخر هنده نی گتدی دیله


باخدی نفرتله یزیده ایلدی اشگین روان
بیر سوال ایتدی او بانوی عفیف و نکته دان
حضرت زهرا بهارین سن نیه ایتدون خزان
رحموی وجدانوی نابود ایدوبدور نخوتون
صفر اندر صفرمش مقیاس انسانیّتون


سنگ دل صیادلر گرچه شکاره آغلاماز
صیدینی آهن قفسده ساخلاسا دل داغلاماز
هر قدر بی عاطفه اولسا قنادین باغلاماز
قلبمی تیر ستم تالاره باخدوقجا دلوب
خوردا قزلاری او حالدا گورمشم رحمیم گلوب


هنده غش ائتدی دوباره قصر اولوب ماتم سرا
مجلسون حضاری گتدی تک قالوب آل عبا
حکم ایدوب فورا رییس شحنه مهد جفا
اهل بیت مصطفانی گتدیلر ویرانیه
یورقون آهولر یتشدی غصه لی کاشانیه


ریسمان ظلمدن آزاد اولوب آزاده لر
منزل ظلمتده آرامش تاپوب افتاده لر
اوز قولون بالش ایدوب اوز باشینه شهزاده لر
سقفیسیز یرده قرا تپراقون اوسته یاتدیلار
یاتدیلار اما گویون اولدوزلارین آغلاتدیلار


گوردی زینب یوخدی امکانی لحاف و بستره
روزگار آئینه نی محتاج ایدوب خاکستره
یوخلیوبدور نازنین قزلار توکوب زلفین یره
تازه گیسولر قرا تپراقه نقش غم سالور
قاره یللر قاره بخت اطفالینه لایلای چالور


مرغ روحی پر ووروب شمع غمع پروانه تک
یاندی قلبی شعلیه فرمایش ایتدی ای فلک
احترامیله اوپردی آستانمدن ملک
دست یغما گور نجه اجلالیمی ایتدی فنا
بیر چراغیم قالمیوب ویرانده یاندیرماقا


من عزا طاووسیم چتریمدو قاره معجریم
کوه پیکر محنته تاب ایلیوبدور پیکریم
فتح شامه گلمشم یورقوندی اما لشگریم
واردی برا نطقله آه شررباریم منیم
بو قوجاقیمده یاتان قزدور علمداریم منیم


«انورا» نظم ایلدون زحمتله بو زیبا سوزی
دوشدون آرامشدن اون بش گون گجیله گوندوزی
گوستروز بزم یزیدون عکسینی نظمین اوزی
اولسا هر بیر نظم شیوا منعکس افکاریده
قابل تحسین اولار بزم اولوالابصاریده



#ورود_شام
#مجلس_یزید
#خرابه_شام
#انور_اردبیلی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت و حماسۀ قمر بنی هاشم (ع)

مرحوم انور اردبیلی

بخش 1️⃣

بو نجه عشقیدی عشّاقی گرفتار ایلیور
بو نجه عشقیدی شوره یری گلزار ایلیور
نخل عرفانی پر از شاخه و پر بار ایلیور
زشت رو برده لری چهره نمودار ایلیور
فی المثل قدرت خلقت دی یوخی وار ایلیور


بو نجه عشقیدی ائتمیش اوجا نام بشری
فوق ائدوب سلک ملک دنده مقام بشری
عشق اداره ایلیور آری نظام بشری
میندیروب قدرته نیروی قیام بشری
عشقیدور قدرت ایمانی سزوار ایلیور


جاودانه گل خوشرنگ بهار عشقیده وار
حسن عبدیّت و سیمای وقار عشقیده وار
گوهری ناب اولا یاخشی عیار عشقیده وار
قسم اولسون شرف عشقه نه وار عشقیده وار
عشق پیمانیدی پیمانه نی سرشار ایلیور


من دیَن عشق کی تعریفینه وار منده قصور
بهترین صحنه سی عاشور گونی ائتدی ظهور
سالاجاق طنطنه ایجادیده تا نفخۀ صور
مغز بیداره وئروب کرب و بلا صحبتی شور
بو حماسه بلی هرغافلی هشیار ایلیور


صبح صادق ده حسین پرتو نور ازلی
افق عشقیده زیبا یوزی خورشید جلی
خونی خون نبوی، اللری پیغمبر الی
امر ائدوب اکبره اعلان اذان ایله علی
صبح امّید ئوزین السّاعه پدیدار ایلیور


عاشق اعظم ائدوب عشقیله اقدام صَلواة
اقتدا ائتدی اونا صادق و صالح نفرات
فکر بیر قولیده بیر عشق بیر اندیشه ثبات
او جلال و جبروتی ده ملکلر هامی مات
تیپ ارباب صفا سجدۀ دادار ایلیور


صوت تکبیر اوجالور عرشه سوسوز لبلردن
قدسیان روحه گلور کلمۀ جان پروردن
بو ندای ملکوتی اوجالوب هر یردن
خلقته بسدی حسین مکتبی پیغمبردن
فخر بو طاعته پیغمبر مختار ایلیور


مشعر عشقیده ختم ائتدی نمازین شهدا
صدقیله محرم اولانلار ایلدی فکر مِنا
یار و انصارین حسین ابن علی قیلدی دعا
دئدی هامّوزدا سیزون من گورورم روح وفا
صورتوز سیرتوزون حُسنُنی اظهار ایلیور


ظاهراً عدهّ میزون گرچه چوخ آزدور عَدَدی
باطناً بسدی بیزه دولت عشقون مَدَدی
هر کس امضاء ائده بولمز بو خدائی سَنَدی
عشق توحیدیده وار رمز بقای اَبَدی
صود امر طفلیده سلطان جهاندار ایلیور


ای مجلّل کیشی لر کی دایانوبسوز بو سیاق
ورمیسوز خاطریمه همسروزی سیز سه طلاق
ساحت پاک خداده گوروم اولسون ئوزوز آق
اولاجاق سوز بو گئجه سفرۀ جاناندا قوناق
جدّیم احمد ده همان سفره ده افطار ایلیور


ما حصل اهل ولا فیض شهادت تاپدی
کهنه سرمستلر ئوز عشقینه قیمت تاپدی
تشنه لر اولدی فدا چشمۀ وحدت تاپدی
چوخی گمنامیدی بیر لحظه ده شهرت تاپدی
آری خوش لحظه یولی سالکه هموار ایلیور


خیمه لر بوشدی فقط عترت اطهار قالور
نه مهاجردن اثر واردی نه انصار قالور
نه علی اکبر و نه قاسم دلدار قالور
بیر حسین بیر صود امر بیرده علمدار قالور
اودا اذن آلماقا سلطانیدن اصرار ایلیور


یاپشوب دامن مولای وفاداریندن
ایله بیل حاجی دوتوب کعبه نین استاریندن
شبنم خجلت آخور لالۀ رخساریندن
یوسف حیرتده قالوب گرمیِ بازاریندن
هاردا یوسف بو قدر رونق بازار ایلیور


سیّدی وئر منه رخصت ایله مشمول کرم
مدرک عشقیمی قیل لطفیله توشیح و رقم
سینه می تنگه سالوبدور بیلوسن غصّه و غم
طاقتیم یوخدی سوسوزدان مَلَشه اهل حرم
الطش صوتی آقا روحیمه آزار ایلیور


باغلیوبسان نیه شهباز کیمی شهپریمی
گوهریم نابیدی قوی راضی ائدوم مشتریمی
داریخور قلبیم عباده گورورم اکبریمی
منده آزاده ام آزاد ایله سن اللریمی
گور نجه جنگیده اعجاز بو قولّار ایلیور


جنبشه گلدی بو سوزدن او کرم دریاسی
شاه دین رزمه مُخیّر ایلدی عبّاسی
امر پروازی آلوب قاف شرف عنقاسی
شاد و بشّاش اولوب مرتضوی سیماسی
گئدور عبّاس، حسد گنبد دّوار ایلیور


احسن احسن دیوری روح الامین همّتتینه
قدسیان عالم معنا دیل آچوب مدحتینه
شهدای اُحُدون روحی گلوب خدمتینه
باخور حسرتله حسین قارداشینون قامتینه
ساچلاری الده دعا خورداجا قیزلار ایلیور


تلّیدن اندی عقابی ...


ادامه دارد ⬇️⬇️

#بو_نجه_عشقیدی_عشاقی_گرفتار_ایلیور
#انور_اردبیلی
#قیام_زینب_انور
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت حضرت ابوالفضل العباس(ع)
جنگ دو برادر

مرحوم انور اردبیلی

بخش2️⃣

زینبی قویدولا تنها ائله بیر بحراندا
عزم ائدوبدور ایکی قارداش دایانوب میداندا
رجز انشاد ائلدی هر بیری بیر عنواندا
دئدی اوّلده حسین سبط رسول اللهم
صورا عباس دئدی ابن ولیّ اللهم


او دئدی جدّیم ائدوب سِیرینی اَوْ اَدناده
بیت حقده بو دئدی گلمیش آتام ایجاده
او دئدی رتبه ی عصمت وار آنام زهراده
شهرت و جاهی سالوب عالم معنایه طنین
بو دئدی فاطمیه جاریه دور امّ بنین


هم صدا اولدی او صحراده مریدیله مراد
روح مولادن ائدوب هر ایکیسی استمداد
قوشونون حمله سی باشلاندی بولار ائتدی جهاد
چیره دستان بنی هاشم اولوب معرکه گیر
دالدالا وئردی ایکی صاحب شمشیر ایکی شیر


ائتدیلر بیربیره پیچیده کلف تک قوشونی
بیچدیلر سرعتیله هرزه علف تک قوشونی
سیندیروب سپدیله صحرایه خزف تک قوشونی
پوزدیلار نظم و نظام سپه اشراری
سر به زیر ایلدیلر عرصه ده کی فُجّاری


دئدی سعد اوغلی دوشوب رشتهٔ دعوایه دوگون
ایکی قارداش بیزه تنگ ایلدی میدانی بوگون
ال یتیشمز بولارا چون بیری آیدور بیری گون
ایکیسیندن بیرینه دگمسه میداندا یارا
قرعه ی فتحی چتین لشگر کوفه آپارا


ناگهان دگدی بیر اوخ یاره لنوب میر حرم
یارالاندی هاراسی پرده لی قالسون دئمرم
اکبرین قانی کیمی آخدی یره قانی او دم
نوش ائدوب یاره گوره نیش جفانون اولین
چکدی آتدان اوخی قویدی یارانون اوسته الین


شانه ی غم سوزومون زلفینی ایستور داریا
شل اولیدی اوخ آتان فاصله سالدی آریا
گوردی میداندا حسین چاره ائدنمور یاریا
دئدی عباسینه من معرکه نی ترک ائتدیم
دشمنون چوخدی اخا گوزله اوزوندن گئتدیم


یاره می خشک ائلیوم عرصیه الان گلّم
قویمارام اوخ یرینه خیمه ده درمان گلّم
باخمارام تشنه اوشاقلاره شتابان گلّم
نگرانم اورگیم هجریوه مشکلدی دؤزه
اوجا بوی سان گورونور قامتون هریرده گوزه


سوزی شرح ایلیورم سینه لری داغلاماقا
سیزه ده واردی علاقه بیلورم آغلاماقا
خیمیه گلدی حسین اوخ یاراسین باغلاماقا
آز زمان کچدی چاتوب مقصدینه اهل غرض
روزگارین ورقی دوندی اولوب صحنه عوض


ائشیدوبسوز بو سوزی مرثیه ده تکراری
قولاری گئتدی گوزی گئتدی بیلورسوز آری
مشکینی پارچالادی اوخ سویی اولدی جاری
باشینه ضربه یتوب غصه لی قلبین سیخدی
اوجا یردن او اوجا قامتی اوخلار یخدی


سوزدی من عرض ائلدیم قویما هوایه گئده، سن
قوی سوزی عقل ترازوسینه ای اهل سخن
ایکی قولدان بیر یوخ یوزنیده سنگین بدن
باشی اوسته یخیلان لحظه ده نه حاله قالار
اولماسا تکیه سی گور، یرده نه نوعی چوبالور


چون امان نامه نی رد ائتمیشیدی تاسوعا
شمری قوموشدی حریم نجبادن سقا
چوخ آغیر گلمیشیدی زادهٔ سعده گویا
ضربه ایستوردی حسینون یتیشه قارداشینا
پربها جایزه تعیین ائلمیشدی باشینا


بو دلیله گوره سر کرده لر ایلوردی تلاش
کسه لر باشین او قولسوز بدنه قالمیا باش
سینیق آئینیه بعضی سی وروردی گینه داش
غلبه یتمیشیدی طایفه ی خون ریزه
یارالی سینه سینه قالخوب اننده نیزه


نچه نامرد اونون دلده چوخالدوردی غمین
آلالار سینه دن ایستور دیله قانلی علمین
باشینه گتدیله ظلم و ستمین هر رقمین
علمین خاطرینه یرده او فرخنده لقا
گه دونوردی صولا چوخ زحمتیله گاهی صاقا


یتوروردی بو سؤزی رمزاً او نامردلره
قویدوز حسرت منی عنقا تک ایکی شاه پره
صاق گوزومده سوزولوب هئچ بیری گلمور نظره
وئرمرم پرچمیمی باوروز اولسون سوزومه
آبرودور بو علم هم ننمه هم اؤزومه


حجة ابن الحسنون عرضیمه شاهددی اؤزی
ناتوان جانیله نظم ایلدیم #انور بو سؤزی
آغلادی گوز اورگون اولمادی خاموش کؤزی
لنگ لنگان هله من مرکب عمری سوریم
آز قالور #یحیوی تک زیر لحدده چوریم



ادامه دارد ⬇️⬇️

#جنگ_دو_برادر
#انور_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham