کوفه و شام

مرحوم حسینی سعدی زمان

ایکی داشه بیر باش اولوب نشان
بیری کوفه ده بیره شامیده
ایکی یول دگوب اونا خیزران
بیری کوفه ده بیره شامیده



ایلیوبدی خنجریله جدا
بدنیندن او لباسی شمر ازل
گهی طعن ایدوب اونا اهل کین
گه اواوب کَُل اوستی اونا محلّ
یتیشونجه شامه جدالری
نچه یرده سِیر ایدوب اَل به اَل
ایکی یول سِنانه ووروب سَنان
بیری کوفه ده بیره شامیده



کسوب اهل کینه حسین باشین
سالوب اهل بیتینی مشکله
سارالوب حرملری اوخشیوب
چمن ایچره بیر سارالان گُله
گورولوب کسوک باشی نیزیه
وورالار خدا گنه قان گَله
ایکی یرده نیزه دن آخدی قان
بیری کوفه ده بیره شامیده



گهی کُللر اوستونه قویدولار
گه آقاجدان آسدیلا برملا
گهی بزم شربیده یِر ویروب
گهی دِیریده اونا اشقیا
نچه یرده فاطمه اوغلونا
دیولوبدی خارجی ای خدا
ایکی مجلسه گیدوب ارمغان
بیری کوفه ده بیره شامیده



یولا دوشدی غصّه لی کاروان
گیده شامه شمر دَغائیله
غمیله مُصاحبت ایلیوب
هم انیس اولوبلا بلائیله
نچه شهری سرعتیله گَزوب
ولی دوشدی جور و جفائیله
ایکی یرده لنگه او کاروان
بیری کوفه ده بیره شامیده



هر او یرده که اولوب ازدحام
یغشوب یول اوستونه شیخ و شاب
اوزینی علی قیزی گیزلدوب
که تانونماسون او فلک جناب
ولی بُلمورم نجه ظلم اولوب
داخی قالمیوب اورگینده تاب
ایکی یول ویروب حَسَبین نشان
بیری کوفه ده بیره شامیده




ستمیله عصرین امامینه
غَُل جامعه ووروب اهل نار
بو خیاله دوشدیله قانینی
توکه لر او فرقه ی کین شعار
سبب اولدی لیک حیاتینه
سپر ایلدی اوزین آشکار
ایکی یرده زینب باغری قان
بیری کوفه ده بیره شامیده




هامی رنگه فاطمه قیزلاری
خُم محنت ایچره بویاندیلار
نَقَدَر که شدّت ایدوب جفا
دوزوب اول جفایه دایاندیلار
نچه یرده آتش ظلمیله
دوتوب اود آلشدیلا یاندیلار
ایکی یرده چکدیلر الاَمان
بیری کوفه ده بیره شامیده




ویروب اهل بیتِ امامه یوز
اَلَم و مصبیت بی حساب
قولی باغلی ناقه سوار اولوب
توکوب اشک گوزلری چون سحاب
نچه یرده زینبون ایتدیلر
غمیله یانان جگرین کباب
ایکی یرده ایلدی چوخ فغان
بیری کوفه ده بیره شامیده



نه قدر «حسینی» نفس گَلور
اوزیوی کمند حسینه سال
گَلَن ایل زیارته گیتماقین
گوزی یاشلی ایسته، براتین آل
حرمینده فاطمه اوغلونون
نه گوزلدی ذکر اولا بو مقال
ایکی داشه بیر باش اولوب نشان
بیری کوفه ده بیره شامیده



#سبک_آنام_آغلاما_باجیم_آغلاما
#سبک_بالام_آغلاما_گلوم_آغلاما
#سبک_باجی_دورگئداخ_باجی_دورگئداخ
( 7 سبک برای سینه زنی و زنجیر )



#کوفه
#ورود_شام
#ایکی_داشه_بیر_باش_اولوب_نشان
#سعدی_زمان
#لمعات_حسینی ص 323
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه


حاج حسین غفاری اردبیلی

سبک : نبسته ام به کس دل... ( همایون ) و ...

سردار استقامت روح بقادی زینب
بعد از حسین امامِ کرب و بلادی زینب
درده دوادی زینب
مشکل گشادی زینب
دین پرچمی یخیلماز
صاحب لوادی زینب



اللی بش ایل باشیندا افکار انقلابی
حفظ ایلدی پیمبر نشر ایلین کتابی
قوللاری باغلی آلدی عباسین انتقامین
یخدی یره یزیدی اوخدان بتر جوابی



مین شمع یانسا گویده بیر نیمه کوکب ا ولماز
مین ایل سودان دانیشسوق ساغر لبالب اولماز
دنیاده هر نه قیز وار زینب قویولسا آدی
زینب دیللر اما غیرتلی زینب اولماز



سرنیزه اوسته گوردی قانه باتان هلالی
قان جوشدی رگلرینده آتشفشان مثالی
سسلندی یااباالفضل ووردی باشین ستونه
حیدر کیمین اولوبلار قارداش باجی یارالی



یوز دوتدی اشقیایه سالار بزم عرفان
سیزدن بویوردی کچمز محشرده حی سبحان
ای بی وفا جماعت مهمانی داشلامازلار
داش وورمیون عروسه اولسوز اگر مسلمان



ظلم اهلینون لواسین قانلی منایه ووردوز
قان خیمه سین گتیردوز کرب و بلایه ووردوز
صحرای نینواده قیزلارینون یانیندا
قارداشیمون یارالی باشین جدایه ووردوز



داش سیندیروب جبینین سلزان کربلانون
عرشه چیخور بو غمدن فریادی انبیانون
گاهی قویوب تنوره گه نیزیه وورورسوز
آیا ندور گناهی بو تشنه لب فدانون



#سبک های مشابه
#سبک_احوالیمیز_یاماندی
#سبک_نبسته_ام_به_کس_دل
#سبک_آی_قلبیمون_قراری
#سبک_ای_قهرمان_وزیریم
#سبک_آچ_گوزلرون_علی_جان
#سبک_گل_زینبیم_یوبانما
#سبک_گلدیم_هرایه_قارداش
#سبک_اود_یاپوشدی_سینمه و ...


📣 عیسی پور اردبیلی
📣 جوادی اردبیلی
⬇️⬇️



#زینبیه_مدح
#کوفه
#سردار_استقامت_روح_بقادی_زینب
#غفاری_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه
زبانحال حضرت زینب (س)
.
.
حاج حسن یعقوبی
.
جدا اوسته باشون قارداش
ایدوب دنیانی نورانی
باجون زینب سنه قربان
تلاوت ایله قرآنی
.
جمالون نوردور غرق ایلیوب بو کوفه نی نوره
جدانی نور رخسارون حسین تبدیل ایدوب طوره
بو شور عشقدور موسانی گتدی طوریده شوره
سالوبدور حیرته باشون اخا موسی ابن عمرانی
.
باشون عیسی مثل نوک جداده چکدیلر داره
سنون بو حالتون ایتدی گوزومده گوندوزی قاره
گجه هاردا یاتوبسان کول اوتورموش ماه رخساره
الیم چاتمور سیلم قارداش یوزوندن اول کولی قانی
.
سسون یتجاق قولاقیمه منه بیر تازه جان گلدی
هامی ناقه نشین اطفالیدن آه و فغان گلدی
یوزومه قلبیمون قانی اولوب اشک روان گلدی
گوزومدن یم کیمی موج ایلدی ایسلاتدی دامانی
.
دلون قربانیم قارداش اوخی سن آیه ی تطهیر
اوخی سن نیزه ده منده ایدوم اول آیه نی تفسیر
ایشیتسون ایتمه سین بو قوم سنگین دل بیزی تکفیر
آتوبلار دین و ایمانی دانوبلار اصل قرآنی
.
دوادور صوت قرآنون تماماً هر دل ریشه
گوروم لعنت ایده الله حسین بو قوم بدکیشه
خیالی وار وورا چون ریشه ی آل اللهه تیشه
گوروم محو ایلسین قهراً خدا بو آل سفیانی
.
مسیحه دم ویرن دم ویر منه سن ایمدی عیساسن
منم چون آذر بیجان قیل احیا سن مسیحاسن
کانّه طشت زر ایچره کسیلموش باشی یحیاسن
کسیلمور نوک نی دن متّصل جاری اولور قانی
.
گوروم رحمین کسه بو قومیدن خلّاق بی همتا
چخوبلار پیشوازه ایلیوبلر گور نجه غوغا
بَری دیندن اولانلار بیزلری کافر بولور حتّی
بولولّر خارجی طاها دینیندن آل طاهانی
.
باجون دیندیرمیسن دیندیرمه واردی صبری بیر دریا
بویور ناقه نشینلر عترت زهرا دگول آیا
دانیشدور بو بالا نازلی قیزون ای سرور بطحا
دوزنمور ترک ایده جسمین او قدری قالموری جانی
.
گورورسن اهل کوفه ظلمینی یوخ شرحینه حاجت
سنی ئولدوردولر کرب و بلاده تاپدیلار جرات
یریش گتدی خیام اوسته ایدوبلر عترتون غارت
ووروبلار اود یانوب خرگه دوتوب توسّی بیابانی
.
اورگیم ایستمور شرح ایلیم بیر شمّه غارتدن
نجه غارت دیوم قارداش علامتدور قیامتدن
و یا اود وورمادان خیمه آلیشماقدان جسارتدن
دیوب یاندورمارام نار غمه اول قلب سوزانی
.
امام امر ایلدی قیزلار داغیلدی چوللره بیر باش
قاچان قاچدی قالان وحشی عربدن گوردی چوخ پرخاش
عمو عمّه بابا سسلوردی بعضی بعضیلر قارداش
حریره ناز ایدنلر مسکن ایتدی غملی صحرانی
.
یانان بیر خیمه نصب ایتدیم کنار نهر علقمده
جمع ایتدیم باشیمه باشسیزعیالون اول چتین دمده
سنه شام غریبان ساخلادیم گوردون نه عالمده
رباب و لیلی اولموشدی او بزم غم نواخوانی
.
سحر اولدی دوشوبدور باشیمه بیر غصّه لی سودا
گیدوم فکر ایلدیم ایلوم عزیز جانیمی پیدا
یتیشدیم بیر چوخور یرده نه گوردوم قاندی بیر دریا
ایله حالیم پوزولدی نطقیدن دوشدوم حسین جانی
.
دولاندیم قتلگاهین دوره سین رفتاریدن قالدیم
او یردن هم سنون همده آنامین عطرینی آلدیم
جنازندن نشانه اول چوخور یرده اله سالدیم
کنار ایتدیم وجودوندان قلج داش نیزه پیکانی
.
قباق گون بولمدیم قاتل سنی سالموش یوزون اوسته
گل اوستن خار تک اوخلاری چکدیم دسته به دسته
گوتوردوم اللریم اوسته چووردوم آرخاوین اوسته
دوباره باغریما باسدیم حسین اول جسم عریانی
.
نچه ساعت صورا فریاد ایدوبدی شمر بی ایمان
سوار اولسونلا فوراً ناقیه اطفال سرگردان
سوار اولدی بیرعدّه ناقه اوسته یاحسین گویان
توکوبله گوزلریندن ...
#ترکی #جدا_اوسته_باشون_قارداش #زبدةالاشعار #سبک_علی_اصغر_مه_انور #کوفه #یعقوبی #یعقوبینون
متن کامل را در سایت مشاهده بفرمایید ...
zobdatolashaar.ir
🌴🌴🌴🌴🌴🌴🌴🌴🌴🌴🌴🌴🌴🌴🌴🌴@naghmehaye_gham

زبانحال حضرت رباب علیه السلام
کوفه – راه شام – ورود شام
.

.
مرحوم حسینی سعدی زمان
.
باشیوی جداده گورن دیر
گل گلستان رباب اوغول
بو جهاندا آل امیّه نین
ایوی کاش اولیدی خراب اوغول
.
بو طرفده بیر قوری نی کیمی ایدورم نوا من بینوا
او طرفده چنگ و ربابیله بیزه پیشواز ایدوب اشقیا
قاریشوبدی بیربیره نای و نی چخوب عرشه ناله ایله نوا
بو طرفده ناله رُباب ایدر او طرفده ناله رِباب اوغول
.
سرِ نِی ده گون تک اولوب باشی آتاوین مروّج شرع و دین
ولی گیزلدردیله قوم کین باشون اولماسیدی اونا معین
باشون ایلوری اُمَویلرین هامی کفر و ملعنتین مبین
نه کسوبدی بیر سودامر باشین نه کسر بیر اهل کتاب اوغول
.
نه اولوبدی بیر اوشاقا ستم سنه یوز ویرن بو ستم کیمی
بیر آنایه نه یتیشوب الم ایویمی یخان بو الم کیمی
ایله دلده موجه گلوبدی غم داشوری گوزوم یاشی یم کیمی
نه اولار غمون کیمی بیر عزا نه منه مثال مصاب اوغول
.
غم و غصّه یوز ویروری گوزوم باخوری بو شهریده هر یانا
گورورم که بیر سودامر بالا آلوب اوز قوجاقینه هر آنا
آخوری عذاره گوزوم یاشی گلورم فغانه یانا یانا
ایشیدن سیزیلتیمی سویلوری یانوری اود اوسته کباب اوغول
.
ایکی حسرت اللریمی گهی دیزیمه قووشدورورام علی
گهی سینمین سودی موج ایدور سینمی اوغوشدورورام علی
بو طریقیله اورگیمده کی اودیمی سووشدورورام علی
چوخ عجبدی صاق قالوب اُلموری بو ایوی خراب رباب اوغول
.
دگوری صبا یِلی نیزه ده حرکت ویرور بالا تِل لره
پوزوری شماتت ایدنلری ایدوری ملول بو منظره
او غمیکه یاندورا دشمنی گور اولار نه سوزشی مادره
آنانین داش اولسا اگر دلی گور ایدر تحمّل و تاب اوغول
.
بیر اووون بالاسینی رسمیدور ایلیه بیر اوچی شکار اگر
آناسی دالنجا دوشر ملر بالاسی گیدن یولی طیّ ایدر
باشیوین دالنجا اودور دوشوب بو ایوی یخلمش آنان ملر
ایدر اوز دقایق عمرینی اجلی گلینجه حساب اوغول
.
فلک هدایته شمسدور آتاوین کسوک باشی نیزه ده
قمر منیریدی تک به تک هامی قوم و قارداشی نیزه ده
او گویون ستاره سی دور باشون مه و مهر یولداشی نیزه ده
ایله بیر ستاره گوروب نه یر نه بو هفت پرده قباب اوغول
.
هله گرمدور ایله داغ دل که بولنمورم اثراتینی
بُلَرَم مرور زمانیله بو مصیبتین حرقاتینی
ایشیده اگر بیر آچوخ قولاق بو یارا دلین ضرباتینی
غم اودی بولر سو کیمی ایدوب بو یارالی قلبی مذاب اوغول
.
آناوین الیندن آلوب ایله بو ملال تاب و توانینی
که چکوب سس آغلوری باخموری ایشیدولّه داد و فغانینی
منه ویرسه لر او کسوک باشون یووارام سرشکیله قانینی
گل سرخ تک اُپوب ایگلرم سپرم او گل یوزه آب اوغول
.
هله بو اسارت غمفزا هله بو شماتت اشقیا
اولور آغلاماقلیقا مانعیم دیه بولمورم سوزیمی بالا
دولانوب اگر گله بیر زمان بو اسیرلیقدان اولام رها
ایله آغلارام یم اشکیمه گورونر بو چرخ حباب اوغول
.
بیر حسین نوکری که اونون بو حسینه چوخدی محبّتی
لقبی هنرور آدی حسین حاجی بقّال اوغلیدی شهرتی
دیدی یاز «حسینیه» اصغرین باشنا بو شرح مصیبتی
باشیوی جداده گورن دیر گل گلستان رباب اوغول
.
.
#سبک_ای_خلیل_بالیدلنمه_چوخ (بیش از 8 سبک)
.
#کوفه
#راه_شام
#ورود_شام
#حضرت_رباب
#اصغریه_شهادت
#سعدی_زمان
#باشیوی_جداده_گورن_دیر_گل_گلستان_رباب_اوغول
#چهارده_معصوم_حسینی ص 425
#ترکی

#اصغریه_شهادت #باشیوی_جداده_گورن_دیر_گل_گلستان_رباب_اوغول #ترکی #چهارده_معصوم_حسینی #حضرت_رباب #راه_شام # #سبک_ای_خلیل_بالیدلنمه_چوخ #سعدی_زمان #کوفه #ورود_شام

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه – راه شام
زبانحال حضرت رباب سلام الله علیها
.

.
مرحوم حاج بیوک اعظمی تبریزی
.
باشون جداده باغریمی ایتدی کباب اوغول
بو حاله من نجه دوزوم، ئولسون رباب اوغول
.
هانسی شل اولموش ال باشیوی نیزیه ساچوب
بو باشویله نوک جدا غنچه گل آچوب
اما ستمله رنگی ، رخ آلوین قاچوب
بیجا دگل یوزه توکورم اشکناب اوغول
.
باشون جداده بنزوری رخشنده اولدوزا
اما گونوز گوزومده اولوب لیل غم فزا
یوخسا گران دگل بئله غم بو اوغولسوزا
من سسلینده ویرمیه سن بیر جواب اوغول
.
غم منجنیقی باغرین آناوین سخوب علی
کوفه اناثی غرفه و بامه چخوب علی
گورسونله تا منیم ائویمی کیم یخوب علی
بو چرخ دون ائوی گوروم اولسون خراب اوغول
.
دائم فغان ائدر بالاسی اوخلانان آنا
ای کاش حالیمی بو تماشاچیلر قانا
بو قوم کینه جو منی قویموش یانا یانا
بیکس آنان دولوبدی بو گون چون سحاب اوغول
.
باد صبا دگور بالاجا تللرون اسیر
مقراض غم طناب توان دلی کسیر
سن نوک نیزه ده من علی دشمنه اسیر
چاره یولونی باغلیوب اهل عذاب اوغول
.
رخت علایقی نجه بو جسمدن سویوم
ویرمولَّه باشووی اورگیم باشینه قویوم
قانین سیلوم یوزوندن اوپوم ایگلیوم دویوم
اشگیمله بیر سپوم یوزوه من گلاب اوغول
.
تیترر اؤرک باخاندا او چشم خماریوه
ائتسه قبول یالوارارام نیزه داریوه
باشون ویره قویام یوزومی گل عذاریوه
تا بلکه ائتمسین اؤره گیم اضطراب اوغول
.
باشون دالینجا هر یره گئتسن گَلَر آنان
باخدوقجا باشووه یوزه اشکین اَلَر آنان
آهو کیمی گزر چولی دائم مَلَر آنان f
مجنون گورر باخان دگلم من رباب اوغول
.
گوردوقجا باشووی یوزومه گوز یاشیم آخور
بو نسگلون اوغول آنا وی یاندیرور یاخور
امجکدن ال چکوبلر اوشاقلار سنه باخور
بو حال گور آناندا قویار صبر و تاب اوغول
.
پیکان کیمی غمون دلوری هر اؤرک باشین
باشون گورن یوزه توکوری قانلو گوز یاشین
وورمازلا نیزه باشینه هیچ سود امر باشین
سالسا روادی کونه بو غم انقلاب اوغول
.
حسرت قویان منی سنه حسرت گوروم قالا
گئتسم مدینیه من اگر ای گوزل بالا
صغرا باجون اگر سنی مندن خبر آلا
بس اوندا نیلیوم نه دیوم من جواب اوغول
.
لابد گرک دیم غمی اندازه دن گچوب
سو ویرمیوبله سو یرینه قانینی ایچوب
اما نجه دیوم بوغازین اوخ دگوب بیچوب
جان ویردی تشنه ایچمدی بیر جرعه آب اوغول
.
قویماز آنا بالاسینی گوزدن گئده اوزاق
گئتدون نگار محضرینه سن علی قوناق
گورسم آلوب قوجاقه آنا سود امر اوشاق
بس نیلیوم او دمده منِ دلکباب اوغول
.
صدقیله «اعظمی» بو کمنده سالوب اوزون
یوخدور لیاقتی سنه اما تیکوب گوزون
شهزاده سن قبول ایله بو نوکرین سوزون
تا عمری وار قاپوندا اولا کامیاب اوغول
.
#کوفه
#راه_شام
#حضرت_رباب
#اصغریه_شهادت
#باشون_جداده_باغریمی_ایتدی_کباب_اوغول
#اعظمی_تبریزی
#ترکی
#اصغریه_شهادت #اعظمی_تبریزی #باشون_جداده_باغریمی_ایتدی_کباب_اوغول #ترکی #حضرت_رباب #راه_شام #کوفه 🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«استغاثه زینب(س) درکوفه»
.


.
مصیبی تبریزی
.
کوفه ده مکتوب اولان پیمانه لعن اولسون حسین
آلتینا امضا ووران دونانه لعن اولسون حسین
جاعلان ِ مکتب و قرآنه لعن اولسون حسین
کوفه نین بطنینده کی طغیانه لعن اولسون حسین
دارالامرینده یاتان شیطانه لعن اولسون حسین
هم یزید هم زاده مرجانه لعن اولسون حسین
.
کوفه دور اما هواسینده صفا گورسنموری
بی حیا خلقینده بیر ذره وفا گورسنموری
بوردا آثار علی المرتضی گورسنموری
سینه لرده جذ بۀ آل عبا گورسنموری
من خانملیق ائتمیشم بش ایل، بهاگورسنموری
یوخدی مردی جمله نامردانه لعن اولسون حسین
.
خواهر عبّاسم امّا شمریلن آواریم
قدّیمی غملر بوکوب درد و بلا زوّاریم
کوفیان فکر ایلیوللر عاجزم بیچاریم
یوخ بولن منده آنام زهرا تک آتشپاریم
زینبم عنوان عشقین سنجش و معیاریم
عشقیمه ایراد ائدن دونانه لعن اولسون حسین
.
ائتدیلردعوت اولاخ بیزکوفه شهرینده قوناق
جاندان ال چکدوق سنیلن باغلادوق عهد ووثاق
لیک چوخ انصاف سیز ملت دی بوقوم عراق
هامّوسی اهل ریا و دوز و تزویر و نفاق
خانمان عترته اود ووردیلار بالاتفاق
بوردا کی حیثیت و وجدانه لعن اولسون حسین
.
کوفیان بیعت ائدوب بیر جانی بدنامیلن
کسدیلر شه باشینی لب تشنه استظلامیلن
ال وروبلار غارته غارتگران شامیلن
دویدیلر آل اللهی مین آلت و اقلامیلن
سالدیلار زندانه قوللار باغلانوب اجرامیلن
بانیان آتش حِرمانه لعن اولسون حسین
.
باغلانوبدی قوللاری سجادیوین زنجیریلن
طیّ اولور صبح ومسامیز ضجّه وتکبیریلن
قورخوشوللار قیزلارین هرضربت شمشیریلن
اهل کوفه ال چالیللار بیزلره تحقیریلن
خارجی آد قویدیلار آلُ اللّهَه تزویریلن
کوفه ده بنیان تزویرانه لعن اولسون حسین
.
گورسنور نوک جداده مه لقا اکبر باشی
لیلی نی زار ایلیوب پیغمبره بنزر باشی
هم صفای نیزه لردی صودامر اصغر باشی
نیزده یوخدور ولی عباس مه پیکر باشی
پارچالانمیشدی ، جداده ائتمدی لنگر باشی
باش یاریب باش سیندیران خصمانه لعن اولسون حسین
.
کوفیان ننگ و وقاحت ده کماله چاتدیلار
باشیوه نوک جداده اوخ وُروب داش آتدیلار
خارجی آد قویدیلار بیگانیه اوخشاتدیلار
عزّت عُقبا لرین دنیاده پوله ساتدیلار
هم منی هم باغریقان قیزلاریوی آغلاتدیلار
نامۀ دعوت یازان عدوانه لعن اولسون حسین
.
کوفه نین شهرینده چوخدوریابن زهرا داش وُران
خِبره دور داش وورماقا صبح ازلدن کوفیان
کربلانین چوللرینده اولدی بو مطلب عیان
قتلگاهی دولدوروب داشیله قوم بدعنان
سجده گاهیندن باجون ئولسون آخور بیرتازه قان
سجده گاهه داش وران دستانه لعن اولسون حسین
.
عطر زهرا قانلی باشیندن گلور میر ِحُنین
گوئیا زهرا سنه مهمانیدی، نور دوعین
منزل خولی ده قورموشدیزعزاوشوروشین
واردی رخسارونده خاکستر امام مشرقین
اولمیاسن کوللراوسته یاتموشیدون یاحسین؟
خولی بدذات بی وجدانه لعن اولسون حسین
.
سن شهیداولدون ولی چاتدی اسارت زینبه
بو اسارتده اولوبدور بس جسارت زینبه
ایلیوبلر کوفیان بی حد شماتت زینبه
دیل یاراسیلن ووربلار چوخ جراحت زینبه
پول سپوبلر راهیمه اولسون اهانت زینبه
بیشه ذلّتده کی ثعبانه لعن اولسون حسین
.
نان و خرما ایلیور احسان بیزه نسوانیلر
یوخ بولن آلُ اللهَه اولمیش حرام احسانیلر
بیزلری تحقیر ائدوللر هرزه بی وجدانیلر
تیز اولوب نابودی اسلامیچون دندانیلر
دوغرانوبدور جدّیمه نازل اولان قرآنیلر
منکران مصحف قرآنه لعن اولسون حسین
.
بو همان ...
#ترکی #
#کوفه #کوفه_ده_مکتوب_اولان_پیمانه_لعن_اولسون_حسین #مصیبی_تبریزی 🌴🍃🌴🍃🌴🍃🌴🍃😀
http://tttttt.me/naghmehaye_gham

هفتم شهدای کربلا

جعفر فتح اللهی (شاکر)

یدی گوندور ،گیجه نی صبحه کیمی آغلامیشام
آه جانسوزیله دنیا اورگین داغلامیشام
سارالان صورته اشک تریمی باغلامشام
گزمیشم کوچه و بازاریده آواره حسین
قزلارین دردینه تک ایلمیشم چاره حسین

یدی گوندور ،باخورام نیزده قانلی باشووا
باجی قربان اولا او گوزدن آخان گوز یاشووا
بویور ای شاه دو عالم اوجا بوی قارداشووا
تازیانه ویروری قوم دنی قزلارووا
یانورام هی نظر ایتدوکجه اوغولسوزلاروا

یدی گوندور یارالی ،بوپوزولان دل آلیشار
گوزومون یاشی اورک قانینه هر دم قاریشار
دیسکینوب نازلی رقیه یوخودا هی دانیشار
بابا وای ناله سی ایلیر دل دنیانی کباب
آلوب آغوشه یوزوندن اوپر هر لحظه رباب

یدی گوندور پوزولان قلبیده احساسیم ئولوب
بویانوب قانه علی اکبریلن قاسیم ئولوب
اوجا بوی ،انّی کورک ،شیر دل عباسیم ئولوب
گیجه لر صبحه قَدَر ناله ایدوب وای دیرم
توکرم گوز یاشیمی اصغره لایلای دیرم


#هفتم_شهدا
#کوفه #راه_شام
#فتح_اللهی #شاکر🌴🍃🌴🍃🌴🍃🌴🍃🌴🍃🍃
http://tttttt.me/naghmehaye_gham

زبانحال حضرت سکینه سلام الله علیها در کوفه به رأس مبارک حضرت علی اکبر علیه السلام
.
.
مرحومه ام لیلی (کنیز فاطمه)
.
قره زولفووی یوزوندن
دارا آت کناره قارداش
مه رویونا سکینه
ایله سین نظاره قاردش
.
.
.
گورورم اوقانلی باشون علی نیزه لرسرینده
توکولوبدی قرمزی قان قوریوبدی لبلرینده
من اوزومده دست بسته علی اشقیا الینده
نه ایدیم بوباجون اولسون یوخ الیمده چاره قارداش
.
.
.
نجه تاب ایدرسکینه بیله محنت وجفاده
گهی ناقۀ برهنه گهی یرده پاپیاده
نئولی مرحمت یوزیله سالاسان باجووی یاده
آلیب اشقیا الیندن چکه سن کناره قارداش
.
.
.
نه ایدیم نه چاره ایلیم علی یوخدی بیرگمانیم
یول اوزاق اوزوم پیاده قوریوب لب ودهانیم
بیرجه باخ نظارت ایله من بیکسه جوانیم
که قونوب یولون توزی گورنجه گلعذاره قارداش
.
.
.
علی محنت و جفادن یتیشوب بوطفل جانه
گورورم اومشک زولفون بلشوب نه نوعی قانه
ویره شمر اگرکه فرصت چکرم دوباره شانه
اوسبب که نیزه اوسته گیده جک بازاره قارداش
.
.
.
دیه دختران کوفه نه عجب جمالی واردور
گه گلون نظاره ایلون نجه خط وخالی واردور
دییرم کناراولون سیزکه دیوم نه حالی واردور
سنی اوخشارام اوگونده یانارام دوباره قارداش
.
.
.
دییرم نظاره ایلون بیله تازه نو جوانه
داخی کامه یتمه میش بو اولوب اوخلارا نشانه
کسیلیبدی نازلی باشی بلشوبدی زولفی قانه
بدنی نی دفن ایدن یوخ قویالارمزاره قارداش
.
.
.
گورونوبدی هانسی دینده بیله محنت و ستملر
بیله تازه نوجوانه وورولا بو قدرخنجر
باشی قانلی نیزه اوسته اولا باجی سینه رهبر
دوشه قوملاراوسته نعشی قالاپاره پاره قارداش
.
.
.
چکولون کناراولون سیز داخی گلمیون مقاله
اوزوم عاشقم بو زولفه بو تله بو مه جماله
بوگول اوسته بلبلم من ایدرم نه شورو ناله
دیمه باغلیوب قانادیم دوتولوب هزاره قارداش
.
.
.
علی بس دگول بو محنت وورولوب سنانه باشون
نیزه اوسته شام شومه گیدر ارمغانه باشون
نچه خنجر و سنانه اولونوب نشانه باشون
نه روادور ایلسونله بیرده سنگساره قارداش
.
.
.
نجه من گوروم جفاده سنی ای مه مدینه
داش آتاللا غرفه لردن باشووا بو اهل کینه
یقین ایله تاب ایدنمز علی بو باجون سکینه
نه دیوم که بول قیامت اولورآشکاره قارداش
.
.
.
قیل حسین غمینده ناله گینه فاطمه کنیزی
که شفاعت ایلیه جکدور سنه فاطمه کنیزی
دیه نوجوان آقام وای یانه فاطمه کنیزی
داخی قویما روز محشریانا جسمی ناره قارداش
.
.
#سبک_سو_یوخومدی_قزلاروندان ... 5 سبک
.
.
#کوفه
#راه_شام
#قره_زولفووی_یوزوندن_دارا_آت_کناره_قارداش
#ام_لیلی
#ترکی


#ام_لیلی #ترکی #راه_شام # #سبک_سو_یوخومدی_قزلاروندان #قره_زولفووی_یوزوندن_دارا_آت_کناره_قارداش #کوفه 🌴🍃🌴🍃🌴🍃🌴🍃🌴🍃http://tttttt.me/naghmehaye_gham

راه شام

.
مرحوم انور اردبیلی
.
کوفه دن شامه روان اولدی قطار اسرا
نیزه لر اوسته آی اولدوز کیمی رأس شهدا
قولی باغلی چکلوب سلسلۀ آل عبا
زینبون مین غمی مین غصه سی واردور دلده
اوتوروب غملی رقیّیله سنق محملده
.
.
مرتضی قیزلارینی زجر آپارور شامه قوناق
یول چتین آل پیمبر یورولوب مقصد اوزاق
نجه عریان دوه اوسته اوتورار خردا اوشاق
داش اورکلر ایله مانعدی اورک داغلیانا
تازیانیله نوازش اولونور آغلیانا
.
.
سوردورور شمر لعین ناقه لری سرعتیله
بالالار دشت و بیابانه باخور وحشتیله
یول گیدولّر گیجه نی گوندوزی بو حالتیله
دام صیادیده بنزولّه پر افتاده قوشا
بیر بیریله اولارون فرصتی یوخدور دانشا
.
.
بوریوب یوزلرینی گوزلرینی گرد و غبار
یل اسن وقتیده گیسولرینه شانه وورار
نه غذا وقتی معیّن نه سرین سولَری وار
کاروان یولدا که هر منزل و مأوایه چاتار
یمک ایچمک یادا دوشمز بالالار فوری یاتار
.
.
بیر گیجه ایتدیله بیر قورخولی صحراده مکان
خیمه قوردی اوزینه زجر دنی شمر و سنان
سالدیلار سفره غذا میل ایدوب اشرار زمان
رختخواب آچدی او بی شرم صفتلر ئوزونه
کیم قویوب بالشه باشین یوخی گلدی گوزونه
.
.
بیر طرفده یاتیشوب لشگر خونخوار و ظلام
بیر طرفده اسرا عدّه سی اولدی آرام
قولّارین قویدی باشی آلتنا اولاد امام
پردۀ ظلمت شب یوزلرینه چکدی نقاب
اصغرون دردی اورکده یوخیا گئتدی رباب
.
.
بیر اوجا نیزه نون اوسته سر سلطان هدا
آیدان آرتوق او چولی روشن ایدوب نور خدا
او باشا واردی نگهبان نچه مأمور جفا
نیزه قالمیش آرادا نقطۀ پرگار کیمی
گل زهرانی سالوبلار وسطه خار کیمی
.
.
گوروم اولسون فلک کج روشون طاقتی طاق
او نگهبان نفراتون بیری سویلور بو سیاق
یاتدی یولداشلاریمون هامّوسی من قالدوم اویاق
ناظریدی اسرائیله کسوک باشه گوزوم
گیجه نون یاریسی بو منظره نی گوردوم اوزوم
.
.
حرکت وار اسرا ایچره یره سایه سالور
بیر قزی درک ایلدیم گاهی یاتور گاه اوجالور
دیدیم حتماً یاراسی وار یاتا بیلمور چوبالور
یاراسی اولماسا یول زحمتینی باشدان آتار
گیجه نون نصفی کچوبدور یوخوسی گلسه یاتار
.
.
من بو فکریله واریدیم اوغم و درده دچار
اولدی نیمخیز اسرادن ئوزینی چکدی کنار
قیلدی اطرافینه دقت او در کنز وقار
وحشتیله یولا دوشدی ایلدی کشف هدف
یریدی بارماقی اوستونده کسوک باشه طرف
.
.
پردۀ ظلمت هجرانی شکاف ایتدی او قز
پیچ و خم یولارینی عشقیله صاف ایتدی او قز
نیزه نی کعبه کیمی گلدی طواف ایتدی او قز
سینه سی اوسته صورا اللرینه ویردی مقام
روبروده دایانوب ایتدی کسوک باشه سلام
.
.
گلدی گفتاره دیدی اول منه دمساز بابا
یاره لی باشوه ایله منی همراز بابا
نگران اولما سنه ایلمرم ناز بابا
گیجه نون نصفی هامی خوابیده دور من اویاقام
گلمیشم درگهوه قلبی سنق بیر قوناقام
.
.
بو گیجه دوشدی او شبدن بابا عشقون باشما
دیمدیم سوزلریمی یاوریمه یولداشما
آچ او قانلی گوزی باخ گوزدن آخان گوز یاشما
آتا هر قدری قیزا لطف ایده اسراف دگل
بوینی چگنینده منی ساخلاما انصاف دگل
.
.
دیمورم صحبت ایدن وقته منه جان دیه سن
سیله سن گوز یاشیمی خاطریمی ایستیه سن
کرموندن چوخ اوزاقدور منی دیندیرمیه سن
قز یتیم اولسا مگر گویلونی آلمازلا بابا
دردمندی قاپودان بوش یولا سالمازلا بابا
.
.
گرچه غارت زده ام قلبیده چوخدور مُحنیم
یوزوون تُپراقینی سیلمگه وار پیرهنیم ...
#انور_اردبیلی #پیام_عزا_انور #ترکی #راه_شام #کوفه_دن_شامه_روان_اولدی_قطار_اسرا
🌴🍃🌴🍃🌴🍃🌴🍃🍃🍃🌴🍃🌴http://tttttt.me/naghmehaye_gham

هفتم شهدای کربلا


کربلایی محمدرضا محمدی

یدّی گوندور گزورم چوللری آواره حسین
قولی باغلی گئدورم کوچه و بازاره حسین

یدّی گوندور که باشون نِی ده تجلا ائلیور
گاه قرآن اوخیوب، دشمنی رسوا ائلیور

یدّی گوندور سنه من نوحه دیوب آغلیورام
یدّی گوندور بو یانان سینه می من داغلیورام

یدّی گوندور آتاسیز قیزلاریوون رهبریم
غملرین جانه آلوب، درد و غمه مشتریم

یدّی گوندور بویووا حسرتم ای روح و روان
آغلیا بیلمه میشم قیزلارا خاطر اوجادان

یدّی گوندور که گونوز زینبه قارداش گجه دی
سویله زینب سنه قربان یارالارون نجه دی

یدّی گوندور که شماتت اوخی بو قلبی دلیب
غم الیندن نجه گور غملی باجون جانه گلیب

یدّی گوندور که منیم یار و هواداریم ئولوب
قاسم و اکبر و غیرتلی علمداریم ئولوب

یدّی گوندورسنه چوللرده عزا ساخلامیشام
اوخیوب نوحه رقیه، من اؤرک داغلامیشام

دئمورم تیر مصیبتله دلی بولمه میشم
قیزلاروندان نگران اولما حسین ئولمه میشم

یدّی گونده نقدر قمچی دگوب قیزلارووا
یانه قدری ویریلوب داش آدامسیزلارووا

هامیسین اوّل ئوزوم نوش ائلیوب جان دئمیشم
یورولان جانیمی قیزلارووه قربان دئمیشم

یدّی گونلوک غمیمی حشره کیمی یازسالا گر
قوتارار واژه، یانار لوح، قلم جانه گلر

یازدی "ناعم" بو غمی، زینت دفتر ائلدی
یدی گوندن صورا، عاشورغمین، تازه لدی


#هفتم_شهدا
#کوفه
#راه_شام
#محمدی_ناعمw

هفتم شهدای کربلا


کربلایی محمدرضا محمدی

یدّی گوندور گزورم چوللری آواره حسین
قولی باغلی گئدورم کوچه و بازاره حسین

یدّی گوندور که باشون نِی ده تجلا ائلیور
گاه قرآن اوخیوب، دشمنی رسوا ائلیور

یدّی گوندور سنه من نوحه دیوب آغلیورام
یدّی گوندور بو یانان سینه می من داغلیورام

یدّی گوندور آتاسیز قیزلاریوون رهبریم
غملرین جانه آلوب، درد و غمه مشتریم

یدّی گوندور بویووا حسرتم ای روح و روان
آغلیا بیلمه میشم قیزلارا خاطر اوجادان

یدّی گوندور که گونوز زینبه قارداش گجه دی
سویله زینب سنه قربان یارالارون نجه دی

یدّی گوندور که شماتت اوخی بو قلبی دلیب
غم الیندن نجه گور غملی باجون جانه گلیب

یدّی گوندور که منیم یار و هواداریم ئولوب
قاسم و اکبر و غیرتلی علمداریم ئولوب

یدّی گوندورسنه چوللرده عزا ساخلامیشام
اوخیوب نوحه رقیه، من اؤرک داغلامیشام

دئمورم تیر مصیبتله دلی بولمه میشم
قیزلاروندان نگران اولما حسین ئولمه میشم

یدّی گونده نقدر قمچی دگوب قیزلارووا
یانه قدری ویریلوب داش آدامسیزلارووا

هامیسین اوّل ئوزوم نوش ائلیوب جان دئمیشم
یورولان جانیمی قیزلارووه قربان دئمیشم

یدّی گونلوک غمیمی حشره کیمی یازسالا گر
قوتارار واژه، یانار لوح، قلم جانه گلر

یازدی "ناعم" بو غمی، زینت دفتر ائلدی
یدی گوندن صورا، عاشورغمین، تازه لدی


#هفتم_شهدا
#کوفه
#راه_شام
#محمدی_ناعم

اشیم
.
گل بیر ترحمه یوزونون وئر کولون سیلوم
یاتمش کول اوسته حالتی برهمدی قارداشیم
.
سن خیزران آلوبسان اله منده زلفیمی
آغلور بو حاله دیدہ سی پرنمدی قارداشیم
.
.
من زینبم حسین قاننى قویمارام باتا
ناکس یزید ظلم ایلیوب مقصده چاتا
.
.
فکر ائتمه ذره وار دل زینبده اضطراب
سن سهلسن امیریویده ایلرم مجاب
.
ذاتون خبیثدور سنه مرجانه صود وئروب
ناپاک صود امن لر ائدر ظلم بی حساب
.
قارداشسیزام حیا ائله آهیم دوتار سنی
قوی دردیمی چکوم ائلمه قلبیمی کباب
.
اینجیتمه یورقونام باشیمون واردی یاره سی
آق زلفیمه بو شهریده قان ائتمیشم خضاب
.
من صحبت ائتدوگیجه فشاره دوشور یارام
گیسولریمه قان آخور ای خانمان خراب
.
ابن زیاده گلدی گران زینبون سوزی
غیظه گتوردی قلبینی بو آتشین جواب
.
زینبدن ال چکوب الین آتدی کسوک باشا
سیماسینه نظاره قیلوب ایلدی خطاب
.
چوخ خوشدی دیشلرون ولی چوخ تز قوجالموسان
حسرتله ئولدون اولمادون عالمدہ کامیاب
.
بیر قطره قان او یاره لی باشدان او بزمیده
دوشدی وئروبدی ران عبیداللهه عذاب
.
ابن زیاد حسین باشینی آتدى مجلسه
دارالامارہ نی بورودی آتش عقاب
.
ائتدی اراده زادۀ مرجانه قاچماقا
سس گلدی غیبیدن ائدوسن قاچماقا شتاب
.
دنیا اودیندان ایلیوسن بو قدر هراس
نار جهنمه ائده جکسن نه نوعی تاب
.
قاچدی قاچان دوتوبدی دل خلقی واهمه
خلوتسرا او بزمی گوروب آل بو تراب
.
بیر یا حسین دیدی وسط مجلسه قاچوب
یردن یارالی باشی گوتوردی خانم رباب
.
.
قلبیم دیدی خدنگ بلایه نشانه دور
من آغلیرام سنه علی اصغر بهانه دور
.
.
اوچ گوندی تنگ اولوب منه دنیای پرفتن
قلبیم یانور شراره چکور آتش محن
.
اغیار مجلسینده کرم قیل کنیزوه
احوالیمی سوروش منیم ای شاه ممتحن
.
دوزمزدون هیچ زمانه ده محزون اولا رباب
کم لطف اولوب سوروشمیوسان حالیمی ندن
.
ئوز دردیمی دئسم پوزارام حالوی سنون
قان آغلادار کسوک باشوی باشیمه گلن
.
سربسته ساخلیرام سوزومی صحن خانیه
ئوز سرگذشتوی منه کشف ایله باری سن
.
کیم گتدی کوفیه یارالی باشووی آقا
اولسون فنا بو آیریلقون نقشه سین چکن
.
مهمانیدون اگر نیه مطبخده یاتموسان
مهمان اولوب تنوره مگر هانسی حق دیین
.
معجرده یوخدی قانلو گوزوندن سیلم کولی
شرمنده ام بو باره ده ای سید زمن
.
کرب و بلانی ترک ایلینده قطاریمیز
گوردوم یارالی جسمووی بی غسل و بی کفن
.
معجر سویان قوشون ائله سویموشدی پیکرون
قالمشدی نه عبا و ردا و نه پیرهن
.
دوندردی زحمتیله باجون آرخان اوستنه
دوشمشدی سینه اوسته او اوراق اولان بدن
.
عهد ائتمیشم یانام گون ایوینده سنون کیمی
تشبیه ائده کنیزه بو رخساریمی گورن
.
یوللاردا ئولمه سم ائدرم عهدیمه وفا
قلبیم گوزیله هی باخارام قتلگاهه من
.
ای کاش ئولم مدینه نی هیچ گورمیه گوزوم
سنسیز کنیزوه آقا زندان اولار وطن
.
یاز سون بوسوزلری اگر از روی اعتقاد
«انور» سنه حسینه گوره سهل اولار معاد
.
.
.
#مجلس_ابن_زیاد #انور_اردبیلی 
#کوفه #حضرت_رباب
#نوش_ائتسه_کیم_خلوصیله_جام_محبتی
#ترکی #یادگار_انور

@naghmehaye_gham

ورودکوفه و نطق آتشین حضرت زینب (س) 
.
.
مرحوم انور اردبیلی
.
من زینبم بشیر و نذیره سُلالیم
گلزار دینده اورگی داغلی لالیم
.
روح الامین بوسه وروب آستانمه
دولتسرای حیدره بیر عضو عالیم
.
ای کوفه نون اناث و ذكوری ایدون حیا
سیزده حیاده اولماسا منکه حیالیم
.
دور کجاوه مه یغشوب باخمیون منه
آل علی فقیهه سی اسراره حالیم
.
من قهرمان عرصه عشق و حماسیم
حتی مقام عشقده صاحب رسالیم
.
صبر و ظفر اگر اولا بیر جسم متحد
من سینه سینده حتما او جسمین مدالیم
.
لکّه چنین ورا منه مُردار امیرلر
سرچشمۀ دیانتون آب زلالیم
.
منطقده رونوشتم آنام شیر داوره
ئوز اصلیمون صبیّۀ شیرین تعالیم
.
مرجانه اوغلی سندرا بیلمز وقاریمی
عزّت واریمدی وحی ایوینون ذوالجلالیم
.
الده ئولن ننم کیمی مظلومه حامیم
چون شیر پروریدۀ شیر حلالیم
.
آل امیه سکۀ مخدوش مثلدور
من درّ ناب کهنه ده گیسم بهالیم
.
گرچه سنوب قولوم قنادیم روحیم ئولمیوب
محکم سوزومله دولت ظلمون زوالیم
.
ظاهرده غملی دربدر أفتاده عورتم
آل پیمبرون ولی فخرالرّجالیم
.
فرمانروای ملک شهادتدی قارداشیم
گیتدی اوزی یرینده من السّاعه والیم
.
یاندیردوز آشیانمی انصافوز اولمادی
یانمش سرادقاتمون افسرده حالیم
.
عویانوزه لباس، آجوزا وئرمیشم غذا
ایندی دوتوپدی دور زمان دست خالیم
.
طوفان روزگاریله واردور کشاکشیم
اهل ولایم علت اودور که بلالیم
.
عمریم کچوب ملالیله وار اللی بش باشیم
بو اللی بش ایلین چوخونی من عزالیم
.
مندن گرکدی درس آلا پروانه یانماقی
اوددان یانقلیام قوری نی دن نوالیم
.
عمریم نقدری واردی شعاریمدی یا حسین
کُوکُو دیلیمده قُمری بی پرّ و بالیم
.
ناله ایدم شهیدیمه سعداوغلى قویمیوب
بیر امن یر اگر اولا مشتاق نالیم
.
کیمدور او غرفه دن بو کسوک باشه آتدی داش
بیلموردی من کجاوه ده محو جمالیم
.
قارداش باشین یارالادى باجی باخا باخا
قانلی باشین شریک غمی هم خصالیم
.
دوندی بدنده رلرویمون قانی آتشه
باشدان ایاقه شعله لی آتش مثالیم
.
باش یارمادان صورا یوخیدی چاره زینبه
تا جان واریم مراده مرید وفالیم
.
باش یاره سی علامت زیبادی عشقمه
توختار بو یاره لیک اورکدن یارالیم
.
من ناقه اوستیم اورگیم کربلاده دور
عریان حسینمون هله غرق خیالیم
.
روحیم قوشی او قانلی بیابانی سیرایدور
گیتسم بهشته من گنه ده كربلالیم
.
خون حسین فاطمه گیتمز فدک کیمی
واردور وكالتیم او قانا ادعالیم
.
جسمی فدک قباله سی تک پارچا پارچادی
ناحق یره آخان قانا محکم قبالیم
.
.
#کوفه #انور_اردبیلی
#صدای_عاشورا
#من_زینبم_بشیر_و_نذیره_سلالیم
#ترکی 

http://tttttt.me/naghmehaye_gham

.
#سبک_یارالی_جان_یارالی … 4 سبک
.
مرحوم یحیوی اردبیلی
.
سالدی قرآن سسون آوازه بو مأوایه حسین
کوفه اهلی ایشیدوب گلدی تماشایه حسین
.
.
عاشقم گرچه آنام اوغلی او شیرین سخنه
ویرور هر لحظه تسلّی بو چتین وقته منه
ولی هر کس که گلوب دوردی تماشایه سنه
ووردی مین یاره دل عترت طاهایه حسین
.
.
ازدحام ایتدی جماعت کسیلوب راه عبور
رخت فاخر گینوب مردم ایدر وجد و سرور
غرفه‌ده عورت اوشاقلار دف و نقّاره چالور
داش آتوب طعنه ویرالّار منه لیلایه حسین
.
.
آلوب اطرافیمی غم فوجی اوزوم خسته و زار
خوردا قزلار مله‌شور ناقه‌ده بی‌صبر و قرار
جرس ناقه صداسینده عزا نغمه‌سی وار
گله ماتم‌زده‌لر بلکه تسلّایه حسین
.
.
صبری مشق ایلمیشم ایتمرم هیچ وقته گله
یارالی قلبیمی امّا گتورور کوفه دله
زینبون یتمز الی تازه آخان قانی سیله
تا جمالون گله بیر لحظه تجلّایه حسین
.
.
قاتلون صورتوی خاک تنوره بلیوب
دگوب آئینۀ رخساروی کول جلوه‌‌‌لیوب
فرصت دهر یتوب ظالمه طغیان ایلیوب
تُف بیله گردشه لعنت بیله دنیایه حسین
.
.
پیشواز ایلموسن عترت غم‌پروروی
سالموسان یادوه لیلانی علی‌اکبروی
گورمدون حیف اولا بو قافله‌ده اصغروی
سن بولورسن نولوب اول دُرّ گرانمایه حسین
.
.
سنی ئولدوردیلر چون عالمی تار ایلدیلر
ناز پرورده‌ لری ووردیلا خوار ایلدیلر
سویوب اهل حرمون ناقه‌سوار ایلدیر
باش آچوخ زینبوی چکدیله صحرایه حسین
.
.
سن دونن فارغ اولوب مقصدوه یتمشیدون
ظهر وقتیدی جدا اوسته عروج ایتمشیدون
گیجه معلوم دو معراج حقه گتمشیدون
بنزیوردی بو گیجه لیلةالاسرایه حسین
.
.
گوزومی اشک دوتوب تیره‌لنوبدور نظریم
شب اوّلده دونوب حال خسوفه قمریم
اودور اولدوزلاریلان دوره‌لنوب دور و بریم
اوزلرین اوخشادالار بو دوتولان آیه حسین
.
.
#کوفه #یحیوی_اردبیلی
#سالدی_قرآن_سسون_آوازه_بو_مأوایه_حسین
#ترکی 

http://tttttt.me/naghmehaye_gham

.
#سبک_یارالی_جان_یارالی
.
مرحوم کاتب اردبیلی
.
ویرما ای شمر منی داده چاغیرّام بابامی
قولومی باغلاما امداده چاغیرّام بابامی
.
.
بو قدر ویرما منی سرور بطحا قیزیام
فارَس بدر حُنین ضیغم هیجا قیزیام
بانوی کلّ امم زبده ی زهرا قیزیام
قولومی باغلاما امداده چاغیرّام بابامی
.
.
یوخسا بو دشتیده ظالم منی یالقوزگوروسن
یاکه عباس عمومی عرصه ده قولسوز گوروسن
یا بی بیم زینبی بو چولده اوغولسوز گوروسن
قولومی باغلاما امداده چاغیرّام بابامی
.
.
سن حقارتله منه باخما چوخ عالی نسبم
من جگر گوشه ی پیغمبر امّی لقبم
وارث شیر خدا بنت امیر عربم
قولومی باغلاما امداده چاغیرّام بابامی
.
.
بو گون اوچ گوندی یانار سوز عطشدن جگریم
هم اوزوم تشنه آنام تشنه تمام عمه لریم
لامحاله منی قوی بیر سووا دوشسون نظریم
قولومی باغلاما امداده چاغیرّام بابامی
.
.
ندن اوتری بیزیلن بیله عداوت ایلدوز
یاندیروب خیمه میزی ظلمیله غارت ایلدوز
آل پیغمبره چوخ یاخشی حمایت ایلدوز
قولومی باغلاما امداده چاغیرّام بابامی
.
.
منیم آخر دیلور آدیمه اکبر باجیسی
واردی فخریم که منم شبه پیمبر باجیسی
راضی اولماز قالا بو نوعی مکدّر باجیسی
قولومی باغلاما امداده چاغیرّام بابامی
.
.
گر گوریدی عموم عباس علمدار منی
سن کیمی ظالم بی رحمه گرفتار منی
جرأتون هرگز اولوردی ایده سن خوار منی
قولومی باغلاما امداده چاغیرّام بابامی
.
.
بیله فکر ایلمه یوخدور داخی امداد ایدنیم
دوغرانوب قوم و قبیلم بو بیاباندا منیم
سسلرم دادیمه گلسون شه گلگون بدنیم
قولومی باغلاما امداده چاغیرّام بابامی
.
.
بیر اوتان ظالم اسیر ایلمه شهزاده لری
باغلاما قید طنابیله بو آزاده لری
آت دوشینده نه روا بیز دولاناق جاده لری
قولومی باغلاما امداده چاغیرّام بابامی
.
.
#کاتبا آغلا حسینه نقدر عمرون اولا
جاری ایله گوزیون یاشینی هر صبح و مسا
آه او وقتدن که دیدی بنت شه کرب وبلا
قولومی باغلاما امداده چاغیرّام بابامی
.
.
#راه_شام 
#کوفه #کاتب_اردبیلی
#ویرما_ای_شمر_منی_داده_چاغیرام_بابامی
#ترکی 

http://tttttt.me/naghmehaye_gham

هفتم شهدای کربلا


کربلایی محمدرضا محمدی

یدّی گوندور گزورم چوللری آواره حسین
قولی باغلی گئدورم کوچه و بازاره حسین

یدّی گوندور که باشون نِی ده تجلا ائلیور
گاه قرآن اوخیوب، دشمنی رسوا ائلیور

یدّی گوندور سنه من نوحه دیوب آغلیورام
یدّی گوندور بو یانان سینه می من داغلیورام

یدّی گوندور آتاسیز قیزلاریوون رهبریم
غملرین جانه آلوب، درد و غمه مشتریم

یدّی گوندور بویووا حسرتم ای روح و روان
آغلیا بیلمه میشم قیزلارا خاطر اوجادان

یدّی گوندور که گونوز زینبه قارداش گجه دی
سویله زینب سنه قربان یارالارون نجه دی

یدّی گوندور که شماتت اوخی بو قلبی دلیب
غم الیندن نجه گور غملی باجون جانه گلیب

یدّی گوندور که منیم یار و هواداریم ئولوب
قاسم و اکبر و غیرتلی علمداریم ئولوب

یدّی گوندورسنه چوللرده عزا ساخلامیشام
اوخیوب نوحه رقیه، من اؤرک داغلامیشام

دئمورم تیر مصیبتله دلی بولمه میشم
قیزلاروندان نگران اولما حسین ئولمه میشم

یدّی گونده نقدر قمچی دگوب قیزلارووا
یانه قدری ویریلوب داش آدامسیزلارووا

هامیسین اوّل ئوزوم نوش ائلیوب جان دئمیشم
یورولان جانیمی قیزلارووه قربان دئمیشم

یدّی گونلوک غمیمی حشره کیمی یازسالا گر
قوتارار واژه، یانار لوح، قلم جانه گلر

یازدی "ناعم" بو غمی، زینت دفتر ائلدی
یدی گوندن صورا، عاشورغمین، تازه لدی


#هفتم_شهدا
#کوفه
#راه_شام
#محمدی_ناعم
https://tttttt.me/naghmehaye_gham

صبحدن آخشاما تک تاپمادی کاشانه فلک
.
داش آتان دیلده شماتت ایلیین آلدی توان
غصه دن اشک بصرتوکدوله دامانه فلک
.
غُرفه دن ویردون اجازه آتا اعجوزه داشی
ویرا بیر باشه که بنزر مه تابانه فلک
.
داش ویرولدی بیر باشا زهراآناسی او باشی
گل لراوستونده قویاردی یاتا شاهانه فلک
.
صوت قرآنی کسیلدی نطقیدن دوشدی اوباش
زینبه بیر تازه غم اود ویردی ظلمانه فلک
.
اولدی شام شامیده آخر یورولان کاروانا
سقف سیز یرویرولوب گوشۀ ویرانه فلک
.
قوری توپراقلاری ایتدون اولارا بسترخواب
معاویه اوغلی یاتوب کاخیده مستانه فلک
.
اسرا ایچره صغیره آتاسیز قیز واریدی
او قدر آغلادی جان ویردی او جانانه فلک
.
آلدی کامه او خرابه یری بیردُرّ وگهر
ایندی گیت قبرینه باخ بنزوری رضوانه فلک
.
زایریاولسا بیری کامه چاتارحاجت آلار
اولاگر اهل صفایا اولا بیگانه فلک
.
یوخ عقیدن نیه بس خالق منانه سنون
ایندیده پیر و جوانی بویوسان قانه فلک
.
بوشلیوب خلق ایدنی عاقل و فرزانه لری
باش اگوب تابع اولوبسان نیه نادانه فلک
.
بوجفادور قاتاسان ملت و دولت آراسین
سالاسان اودیانا هر ملک مسلمانه فلک
.
نیه فکرین غلط ایشلور نیه سوریه عراق
اودی اسرائیله سال سالما او لبنانه فلک
.
برهم ایت عیشنی امریکانی قویما یاشا سین
اونی شیطان ایلیوب دنیادا دیوانه فلک
.
امضا لورجنگ وجدل حکمونی هرال شل اولا
آللهون لعنتی گلسون بیله انسانه فلک
.
دئیدیم انسان نه غلط واژه دی گلدی دیلیمه
دیماق اولماز اونا انسان بیله حیوانه فلک
.
آچولور هاردا که بمب جانویروری معصوم اوشاق
دوت او بمب لار قویانی سال دوشه زندانه فلک
.
سلب آسایش ایدور قویموری انسان یاشاسین
دوزه بولمور داخی مردم بیله دورانه فلک
.
او که رحم ایلموری دنیادا بمب پاتلادوری
اونی یاندور او جهنّم ده کی نیرانه فلک
.
یغ بساط ظلمی آچ مهرومحبت سفره سین
هر مسلمان ملکونه خاصه بو ایرانه فلک
.
«عدلی»ایستوراولاسان تابع فرمانده کل
یریوزون دوندرسن باغ وگلستانه فلک
.

#کوچ_کربلا
#کوفه
#راه_شام
#ورود_شام
#خرابه_شام
#نقدر_پیر_و_جوانی_بویادون_قانه_فلک
#عدلی_تبریزی
#ترکی

https://tttttt.me/naghmehaye_gham

هفتم شهدای کربلا

جعفر فتح اللهی (شاکر)

یدی گوندور ،گیجه نی صبحه کیمی آغلامیشام
آه جانسوزیله دنیا اورگین داغلامیشام
سارالان صورته اشک تریمی باغلامشام
گزمیشم کوچه و بازاریده آواره حسین
قزلارین دردینه تک ایلمیشم چاره حسین

یدی گوندور ،باخورام نیزده قانلی باشووا
باجی قربان اولا او گوزدن آخان گوز یاشووا
بویور ای شاه دو عالم اوجا بوی قارداشووا
تازیانه ویروری قوم دنی قزلارووا
یانورام هی نظر ایتدوکجه اوغولسوزلاروا

یدی گوندور یارالی ،بوپوزولان دل آلیشار
گوزومون یاشی اورک قانینه هر دم قاریشار
دیسکینوب نازلی رقیه یوخودا هی دانیشار
بابا وای ناله سی ایلیر دل دنیانی کباب
آلوب آغوشه یوزوندن اوپر هر لحظه رباب

یدی گوندور پوزولان قلبیده احساسیم ئولوب
بویانوب قانه علی اکبریلن قاسیم ئولوب
اوجا بوی ،انّی کورک ،شیر دل عباسیم ئولوب
گیجه لر صبحه قَدَر ناله ایدوب وای دیرم
توکرم گوز یاشیمی اصغره لایلای دیرم


#هفتم_شهدا
#کوفه #راه_شام
#فتح_اللهی #شاکر

@naghmehaye_gham

هفتم شهدای کربلا


کربلایی محمدرضا محمدی

یدّی گوندور گزورم چوللری آواره حسین
قولی باغلی گئدورم کوچه و بازاره حسین

یدّی گوندور که باشون نِی ده تجلا ائلیور
گاه قرآن اوخیوب، دشمنی رسوا ائلیور

یدّی گوندور سنه من نوحه دیوب آغلیورام
یدّی گوندور بو یانان سینه می من داغلیورام

یدّی گوندور آتاسیز قیزلاریوون رهبریم
غملرین جانه آلوب، درد و غمه مشتریم

یدّی گوندور بویووا حسرتم ای روح و روان
آغلیا بیلمه میشم قیزلارا خاطر اوجادان

یدّی گوندور که گونوز زینبه قارداش گجه دی
سویله زینب سنه قربان یارالارون نجه دی

یدّی گوندور که شماتت اوخی بو قلبی دلیب
غم الیندن نجه گور غملی باجون جانه گلیب

یدّی گوندور که منیم یار و هواداریم ئولوب
قاسم و اکبر و غیرتلی علمداریم ئولوب

یدّی گوندورسنه چوللرده عزا ساخلامیشام
اوخیوب نوحه رقیه، من اؤرک داغلامیشام

دئمورم تیر مصیبتله دلی بولمه میشم
قیزلاروندان نگران اولما حسین ئولمه میشم

یدّی گونده نقدر قمچی دگوب قیزلارووا
یانه قدری ویریلوب داش آدامسیزلارووا

هامیسین اوّل ئوزوم نوش ائلیوب جان دئمیشم
یورولان جانیمی قیزلارووه قربان دئمیشم

یدّی گونلوک غمیمی حشره کیمی یازسالا گر
قوتارار واژه، یانار لوح، قلم جانه گلر

یازدی "ناعم" بو غمی، زینت دفتر ائلدی
یدی گوندن صورا، عاشورغمین، تازه لدی


#هفتم_شهدا
#کوفه
#راه_شام
#محمدی_ناعم
@naghmehaye_gham

هفتم شهدای کربلا


کربلایی محمدرضا محمدی

یدّی گوندور گزورم چوللری آواره حسین
قولی باغلی گئدورم کوچه و بازاره حسین

یدّی گوندور که باشون نِی ده تجلا ائلیور
گاه قرآن اوخیوب، دشمنی رسوا ائلیور

یدّی گوندور سنه من نوحه دیوب آغلیورام
یدّی گوندور بو یانان سینه می من داغلیورام

یدّی گوندور آتاسیز قیزلاریوون رهبریم
غملرین جانه آلوب، درد و غمه مشتریم

یدّی گوندور بویووا حسرتم ای روح و روان
آغلیا بیلمه میشم قیزلارا خاطر اوجادان

یدّی گوندور که گونوز زینبه قارداش گجه دی
سویله زینب سنه قربان یارالارون نجه دی

یدّی گوندور که شماتت اوخی بو قلبی دلیب
غم الیندن نجه گور غملی باجون جانه گلیب

یدّی گوندور که منیم یار و هواداریم ئولوب
قاسم و اکبر و غیرتلی علمداریم ئولوب

یدّی گوندورسنه چوللرده عزا ساخلامیشام
اوخیوب نوحه رقیه، من اؤرک داغلامیشام

دئمورم تیر مصیبتله دلی بولمه میشم
قیزلاروندان نگران اولما حسین ئولمه میشم

یدّی گونده نقدر قمچی دگوب قیزلارووا
یانه قدری ویریلوب داش آدامسیزلارووا

هامیسین اوّل ئوزوم نوش ائلیوب جان دئمیشم
یورولان جانیمی قیزلارووه قربان دئمیشم

یدّی گونلوک غمیمی حشره کیمی یازسالا گر
قوتارار واژه، یانار لوح، قلم جانه گلر

یازدی "ناعم" بو غمی، زینت دفتر ائلدی
یدی گوندن صورا، عاشورغمین، تازه لدی


#هفتم_شهدا
#کوفه
#راه_شام
#محمدی_ناعم

@naghmehaye_gham