شجاعت و حماسۀ قمر بنی هاشم (ع)

مرحوم انور اردبیلی

بخش 2️⃣

تلّیدن اندی عقابی پر آچوب مثل عقاب
حکم تمکین وئروب توسنه ناگه او جناب
مسلک ابلیس سیاهه یتیشوب تیز شهاب
موسی تک سامُری سیرت قوشونا قیلدی خطاب
بی بصیرت سُپهه پند اولوالابصار ایلیور


ای سپاه اموی حیله مراموزدی سیزون
ننگ تاریخ بشر ننگ قیاموزدی سیزون
ظاهرا کلمۀ حق تکیه کلاموزدی سیزون
دینوز اولسا شه لب تشنه اماموزدی سیزون
ئوز امامینده مگر دینی اولان خوار ایلیور؟


دولدورورب قلبوزی عشق زر وسیم عشق جهان
مرغ زیبا پر حُرّیت اوخا اولدی نشان
قورخودوبدور سیزی عفریت محیط خفقان
قابل نفرت و لعنت دی یزید نادان
نه حکومت دی سیزه مردک میخوار ایلیور


عار اولا اون ایکی مین نامه یازان ملّتوزه
عار اولا عاطفوزه نیّتوزه غیرتوزه
لطمه وردوز ئوزوز ئوز ارزش و حیثیّتوزه
نه سبب اولدی قیتدوز گنه وحشیّتوزه
روبرو اولماقا انسان سیزیلن عار ایلیور


هانسی مسلکده سوئی تشنیه ایلوبله حرام؟
سارالوب ختم نبی گلشنی ای قوم ظلام
یوخدی سو شدّت گرماده یانور اهل خیام
نه کیچیک لرده رمق وار نه بیوک لرده دوام
سعدون اوغلی نیه آل اللهه اجبار ایلیور


گلمیشم نهری آلام سو آپارام تشنه لره
اعتنا ایلمرم یوز بئله سایسیز نفره
چکسه شمشیرینی هر کیم الین آتسا سپره
روبرو اولسا منه جنگیده سالّام خطره
نجه که کاهی فنا برق شرر بار ایلیور


انتخاب ایله دی هرکیم جدل تن به تنی
ساغر مرگی ایچوب توپراقا دوشدی بدنی
گورمیوب دیدۀ دنیا بئله شمشیر زنی
فِی المَثَل طَیراً اَبابیل پر آچموش عَلَنی
اَبرهه قومینی سجّیله گرفتار ایلیور


گوردولر جنگیده ماهردی او عالی هدفی
اختیار ایلدی ابطال عرب پشت صفی
بیلدی عبّاس علی تک باشا یوخدور طرفی
خیمیه باخدی صورا سسلدی شاه نجفی
کارزار اهلینی اوغلون نجه گور زار ایلیور


هر نه عّباسی ده واردور باباجان سَندَندور
منده که صدق و صفا نام و نشان سَندَندور
بو قوی پنجه بو بازوی توان سَندَندور
رگ قلبیمده عروقیمده کی قان سَندَندور
سن اؤپن قولدی بو گون صفلری طومار ایلیور


بیر نبرد ایلدی میدانیده اول یکّه سوار
قلب لشگرده یول آچدی قوشونا وئردی فشار
سوروشوب مارد بد خو نه قیامتدی نه وار
بیخبرسن دیدیلر جنگیدن ای فتنه شعار
مرتضانون اوجا بوی اوغلیدی پیکار ایلیور


خیمه سین ترک ایلدی فوری او غولِ اُموی
گوردی میداندا علمدار سپاه عَلوی
قول اوزون، پرچم اوجا، قامت اوجا، پنجه قوی
ماردون خیمه سینه فوری ائدور پیشروی
برق شمشیری شاخور مارده اخطار ایلیور


عصبی ائتدی صدیف اوغلونی کابوس اجل
مرکبه وئردی جلو اولدی مهیّای جدل
فنّ رزمیله آتوب نیزه سین عبّاس اَوَل
اوجالاندی او اوجا نیزه نی دوتدی اوجا اَل
بو نمایش دئدی مارد سنی بیدار ایلیور


منیم استاد نبردیم اسدالله علی
ایلیوبدور منه تعلیم رموز جدلی
ناقصون چوخدی سنون رشتۀ دعواده ولی
مردسن نیزه وی آل سن، دالی قیتر بو الی
اشقیا قدرت سرپنجه وی معیار ایلیور


نیزه سین آلماقا مارد چالشوب قدرتیله
زور بازوسی نی ویردی عصبانیّتیله
اولدی ناکام سنانه یاپشوب خفّتیله
نیزه سین آلدی علی اوغلی اونون همّتیله
منتطر دی هامی گورسونله نه رفتار ایلیور


ماردون مرکبینی پیله دی عبّاس شریف
عرصۀ رزمی ده سر در گُم اولوب کهنه حریف
پنجۀ شیرده روبه تک ئوزین گوردی ضعیف
دیل آچوب عجزه ابوالفضلی ائدوبدور تعریف
منی عفو ایله، بیوک عفو خطاکار ایلیور


ایسته دی مارده مرکب گتوره قوم ضلال
اسدالله بالاسی وئرمدی بو امره مجال
اونون ئوز نیزه سین عباس برازنده خصال
بوغازیندان ائله ووردی کسیلوب راه مقال
گوردیلر ترک نفس لاشۀ مردار ایلیور


جان وئرور مارد نامرد قشون وحشت ائدور
تلّون اوستونده حسین زینبیله صحبت ائدور
باجی قارداش او گوزل قارداشینا دقت ائدور
ارزش جنگینی زهراده گلوب قیمت ائدور
غبطه بو منظریه جعفر طیّار ایلیور


زینیدن اَندی ...


ادامه دارد ⬇️⬇️


#عباسیه_شجاعت
#عباسیه_شهادت
#انور_اردبیلی
#قیام_زینب_انور
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت و حماسۀ قمر بنی هاشم (ع)


مرحوم انور اردبیلی

بخش 3️⃣

زینیدن اَندی او پروردۀ سلطان نجف
ماردون کسدی باشین قهریله اول کان شرف
بیلدی زینب سوؤونور آتدی اونی تلّه طرف
نیزه نی چالدی قوی پیکرینی قیلدی هدف
دئدیلر ایندی نه دور فکری نه پندارایلیور


گوردولر قوش کیمی قالخیزدی نگونسار تنی
آتدی سعد اوغلونا ساری او کثافت بدنی
خوار ائدوبدور اونی بو جنگی نمایش عَلَنی
علی اوغلی دئدی تپراقه سالور هر گئدَنی
صحنۀ عرصۀ بدری بیزه تکرار ایلیور


بی توقّف چاپاراق وئردی جلو مرکبینه
سعی ائدوب راه صفاده یتیشه مطلبینه
آلدی دریانی سودان وورمادی امّا لبینه
قویدی قیمت ئوزی ئوز عشقینه ئوز منصبینه
عشقه باخ ایچمگه سو ناز او سردار ایلیور


نهریدن چخدی اورکده غمی یوخ مشگی دولی
علمی الده قلج الده سلامتدی قولی
باخدی اطرافه ورانداز ایلدی صاق و صولی
انتخاب ایلدی مقصودینه نزدیک یولی
دل تمنّای حرم خانۀ دلدار ایلیور


قویسا اهریمن اگر درک سلیمان ائدرم
سو آغیر قیمت اولوب قیمتین ارزان ائدرم
غشّ ائدن قیزلارا مشگون سویون احسان ائدرم
صود امر اصغریمون دردرینه درمان ائدرم
تشنه لر غصّه سینی تشنه علمدار ایلیور


حمله ور اولدی او سایسیز نفره فرد رشید
دفتر رزم و شهامتده آچوب فصل جدید
ما و من اهلینی شمشیر ائدوبدور تهدید
کوفیه ساری فرار ایلدی افراد پلید
الحذر الحذر اُول فرقۀ کفّار ایلیور


تیز حملیدی ئوزی مرکب رهواری بُرو
گه ویروبدور آتا مهمیز گهی ویردی جلو
ایلدیریم تک قُشونون خَرمنینه توکدی اَلو
باشلاری داس اَجَل تک قلجی ائتدی درو
روبرو هر کیم اولور فوری نگونسار ایلیور


الحق الحق نه گوزل خدمت ائدوب قارداشینا
فرصت جنگی فلک حیف اولا وئردی قوشینا
آغلا آغلا آناسی مشتری دور گوزیاشنا
یازمازیدوم نه بلا گلدی او السیز باشینا
حضرت صادقون امری منی ناچار ایلیور


بشرون الدی خطر وقتی نگهبان گوزونه
الّلری اولسا مواظب اولار انسان گوزونه
السیزه چاره نه دور اوخ کچه پرّان گوزونه
یاریلا باش یاراسیندان توکوله قان گوزونه
سیلمه سه گوزلرینی باخماقی دشوار ایلیور


لخته قانیله دولان گوز گورر آیا هارانی
گوز دوتولموشدی قبول ایلدی هر بیر یارانی
نه گلن نیزه اوخی گوردی نه یاره ویرانی
نه یانیندان گئچنی گوردی نه یولدا دورانی
دونور هر سمته هدف سینه سین اوخلار ایلیور


باغلیوب امّ بنینون یرینه قان گوزونی
ایتیروبدور یولی میداندا ایتیرمور ئوزونی
گلدی بیر ظالم اونون تار ایلدی گوندوزونی
دئمرم آهن عمودیله آچیق باش سوزونی
صبر و طاقت او غمه هانسی عزادار ایلیور


بیلمورم اولدی نه رفتار او قوی پیکریله
اوجا قامت اوجا یردن یخیلوب لنگریله
باشینون اوسته گلوبدور آناسی حیدریله
فاطمه سیلدی گهی گوزلرینی معجریله
گه سو تکلیفی اونا حیدر کرّار ایلیور


سسلنوب معرکه دن گل منی درک ائت شاهیم
شاهسن سن منه شاهد بیر اولان الّلهیم
قورتاروب الده کی سرمایَم اوجالمش آهیم
سر خونین تن خونین دی قالان تنخواهیم
اونودا مقدمووه نوکرون ایثار ایلیور


گرد راه قدمون فخریدی ایجاد ائوینه
شاه عادل سن آقا عدل ائوینه داد ائوینه
آغلاما لطف ائله گل قارداشوون شاد ائوینه
سنی دعوت ائدورم عشقیمون آباد ائوینه
ائوی آباد اولا عشقون یوخ ائوی وار ایلیور


#انورم نوحه ده صرف ایلمیشم همّتیمی
آرتیروبدور آقامون لطفی منیم شهرتیمی
نیّتیم قلبیده خدمتدی بیلور نیّتیمی
وار امیدیم وئره موعود جزا خلعتیمی
موری تشویق سلیمانِ کَرَم دار ایلیور

#انور_اردبیلی
#قیام_زینب_انور
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

ای شاه شهیدان قوجالان زینبی دیندیر
گوداله الی باشدا قاچان زینبی دیندیر

ئوزقانووه قارداش بوچوخوریرده باتوبسان
بی کس لروی قانلی بیاباندا آتوبسان
کول باشیمه اولسون بونه بستردی یاتوبسان
قلبوندن آخورسوکیمی قان زینبی دیندیر
بی کس لروه رشته امیدی قیروبلار
آهولروی آتلار ایاقینده یوروبلار
غارتده سوسوز قیزلاروا قمچی ویروبلار
قیزلاروی اللردن آلان زینبی دیندار
🌴🍃🌴🍃🌴🍃🌴🍃🌴🍃

آداب مداحی
1-- آنکه در تقوا و طهارت به مرتبه ای باشد که از ارواح معصومین (علیهم السلام) شرمنده نباشد.
2-- طریق عبادت و طاعت به قانون اهل بیت (علیهم السلام) رامرعی دارد.
3--مدح از برای غرض وجزا نخواند بلکه از برای رضای خدا و طلب ثواب آخرت خواند.
4--دین خود را به دنیا نفروشد و دنیار و درهم را برحسنات و نعمات آن سرای اختیار نکند.
5-- در مدح به مثابه ای غلو نکند که به کفر انجامد تا از آن جماعت نباشد که حضرت امیر در حق ایشان فرمود هلک فی اثنان. محب غال و مبغض قال 🌴🍃🌴🍃🌴🍃🌴🍃🌴🍃🌴🍃

با سلام مداحان عزیز به این نکته توجه کنن

چیزی که در کارهای ما از همه مهمتر است و اولویت دارد معنویت کار است، چیزی که برای ما مهم است معنویت و معرفت ماست، توجه داشتن به اینکه نوکر هستیم و نوکر چه خانواده ای هستیم، پس ما باید در شأن این خانواده نوکری کنیم، در شأن این خانواده لباس بپوشیم، در شأن این خانواده ریش بگذاریم و در شأن این خانواده باید با مردم رفتار کنیم، عرف کار را باید رعایت کنیم و چیزی را که مردم از یک مداح نمی پسندند نباید انجام دهیم؛ مداح اهل بیت(علیهم السلام) وقتی با زن و بچه اش جایی می رود باید همه از او درس بگیرند و الگو برداری کنند؛ مداح باید به عنوان یک الگوی تقوا و فضیلت شناخته شود ما نباید هم رنگ جماعت باشیم، جماعت باید با ما هم رنگ شوند؛ مداح وقتی بسم الله می گوید باید مرم از طریق او یاد امام حسین(علیه السلام) بیافتند؛ مرحوم حاج ناظم وقتی جلوی مردم می ایستاد و به مردم نگاه می کرد مردم زار زار گریه می کردند.

همراه ما تا اوج معنویت👇👇👇👇

https://telegram.me/naghmehaye_gham

زبانحال حضرت رباب (س)


مرحوم منزوی اردبیلی

یاده سالام گئجه لر صاقه صولا دونمه گووی
صود اموب دویجاقین آخرده گولومسونمه گووی
اوخ دگوب پر پر اولوب شمع کیمی سونمه گووی
قسمتیم اولسا اجل کاسه سینی نوش ائلیم
اوندا بو منظره نی بلکه فراموش ائلیم


قویسالار قبریوین اطرافینه نقشه چکرم
دیرناقیملان اوچولی شخم ایلیوب گل اکرم
کیپریگیملن تیکانین درم اونا سو توکرم
گلومون گلشنیمون قویمارام آثاری ایته
غنچه دفن ایلدیگیم یرده گرک لاله بیته

زبانحال حضرت رباب (س)


مرحوم منزوی اردبیلی

نینک بالا گیتدون منی آتدون گوز ایویندن
چخماز آنوین بیرجه گلیلی سوز ایویندن
گوزلوللر آنون چوللره دوشسون ئوز ایویندن
من خدمتیمی زینبه ترک ایتمرم اوغلوم
عَمّون نه قدر قوؤماسا من گیتمرم اوغلوم


منده بیر آنیدیم آنالق رتبه سی آلدیم
اما صوده خاطر آنالاردان دالی قالدیم
ناچار گیدنده سنی عطشان یولا سالدیم
صود قاچدی دوشیمدن امگیمده هئچه گیتدی
بختیم ایله دوندی منی قاره لچک ایتدی


نذر ایتمشدیم چخسا ایلون شکر خدایه
باشون توکی تبدیل اولا وزنیجه طلایه
پخش ایلیم عنوان تصدق فقرایه
ایل باشی تصدّق ویرم آیدان آیا قربان
عمرون چوخ اولا گلمیه اوغلوم سایا قربان


نذر ایلمشیدیم یریوب یول آچاسان دل
قربان کسم هر آیدا تصدق ویرم هر ایل
سن گیتدون اوغول قالدی اورکده منه نسگل
نه گوردوم ایاق دوتماقون اوغلوم نه دیل آچدون
یانّام نه چخوب کوچه ده سن بیر یانا قاچدون
#حضرت_رباب
#منزوی_اردبیلی 🌴🍃🌴🍃🌴🍃

ورود ماه محرم
با مقدمه شور و احساسی در مدح و منقبت حضرت اباعبدالله الحسین علیه السلام
#گریز به حضرت علی اصغر (ع)

مرتضی اسکندری ( ساعد زنجانی )

شهریار شهره ی شهر شهادت دور حسین
پاسدار نهضت سرخ سعادت دور حسین
ترجمان آیه های سبز رحمت دور حسین
یا حسین ابن علی نای زمان فریادیدی
چلچراغ روضه رضوان حسینون آدیدی


اولماسا نام حسین افلاک ارزشدن دوشر
جبهه لرده سینه های چاک ارزشدن دوشر
عقل انسان پاسلانار ادراک ارزشدن دوشر
صاحبان عقل سالم سسلنلر یا حسین
ساکنان عرش دائم سسلنلر یا حسین


کیم ئورکدن یا حسین سسلنسه حق امداد ایدر
قلب رنجورین غم و تشویشیدن آزاد ایدر
اسم اعظمدور حسین دشمن ایوین بر باد ایدر
سالکان کوی وحدت سسلنلر یا حسین
صدق دیلدن اهل هیئت سسلنلر یا حسین


آفرینش روز اولده حسینون مستیدی
اهل بینش کربلانون عاشق پابستیدی
شیعه نون قلبی حسینون خانه دربستیدی
عشقیده ثابت قدملر سسلنلر یا حسین
صبح عاشورا علملر سسلنر یا حسین


کیمده وجدان اولسا تصدیق ایلیر بو سوزلری
اهل بیت عاشقدی شاه کربلایه ئوزلری
کیم حسینون آدینه چپ باخسا چیخسون گوزلری
شاهیدن الهام آلانلار سسلنلر یاحسین
داعشی دیلدن سالانلار سسلنلر یا حسین


بیلمورم الله نه دوز قاتموش حسینون آدینه
کیم حسینیم وای دیور عالم گلور فریادینه
باخما وهابیلرون تبلیغ بی بنیادینه
ظلمیدن جانه گلنلر سسلنلر یا حسین
دائم افغانه گلنلر سسلنلر یا حسین


بو حسین کیمدور که حتی تربتونده وار اثر
اهل دل خاک مزارون دردینه دارو بیلر
دامنوندن اوزمه ال محتاج درمانسان اگر
آبرومندان دنیا سسلنلر یا حسین
چاره سیز قالسا اطبا سسلنلر یا حسین


گرچه بو زیبا آدون خواهانی چوخدور دهریده
زینبون تک ، لِیک خاطر خواهی یوخدور دهریده
چشم بد بینه بو آد بیر اوچ پر اوخدور دهریده
سنگ دنیانی آتانلار سسلنلر یا حسین
فیض عظمایه چاتانلار سسلنلر یا حسین


بو مقدس آدی اَوَّل داده آدم سسلنوب
هم کلیمُ الله هم عیسی بن مریم سسلنوب
انبیا یرده ملک لر گویده هردم سسلنوب
قانلی سنگرده یاتانلار سسلنلر یا حسین
جبهه ده قانه باتانلار سسلنلر یا حسین


عصر عاشورا بلا دشتینده تک قالدی حسین
سسله دی هل من معین افلاکه اود سالدی حسین
بی سرو سامانلارون دوتقون سسون آلدی حسین
خیمه گاهه ساری دوندی سید والاتبار
اصغرون گوردی آلوب اطرافینی خرد و کبار


گوردی زینب شاه بی لشگر گلور ایتدی قیام
چیخدی فوراً پیشوازه دختر خیر الانام
مرکبین دوتدی لجامین ویردی سلطانه سلام
عرض ائدیبدور ای زمین و آسمانه نور عین
زینبون اولسون او یورقون جانیوه قربان حسین


سن که امداد ایسته دون دشمن لر ایتدی هلهله
اصغرون بیر ایش گوروب اخیامه دوشدی ولوله
اوندا سسلندی رقیه سسلیون بابام گله
خیمه دن چیخدیم نه گوردوم وار غریبه منظره
آغلاشورقیزلار دوشوب گهواره دن اصغر یره


آلدی سلطان آلتی آیلیق دلبرین آغوشینه
باخمادی آهنگ جانسوز بلا چاووشینه
خیمدن چیخدی سو آلسون قمری بی هوشینه
روبرو دوردی سپاه کفریلن سلطان دین
سسله دی پیغمبره خاطر بو طفله سو ویرین


سیز منیله جنگه بو دشت بلایه گلمو سوز
کینه ی بدرو حنینه نینوایه گلموسوز
خارجی ئولدور مگه کرب و بلایه گلمو سوز
دین و قرآنون سوزی قالسون مسلمانسوز اگر
آلتی آیلیق شیر خوارونده گناهی وار مگر


سالدی بو سوز لشگر کفار ایچینده ولوله
سعدون اوغلی گوردی لشگر آز قالور رحمه گله
بیر اوجا یرده دوروب سسلندی أین الحرمله
هاردادی ام البنینون قلب زارون یاندیران
هاردادی عباس نام آور گوزوندن اوخ ویران


چیخدی صفدن حرمله قلب جهان داغلادی
دیزلرون ووردی یره الده کمانی ساخلادی
بیر الی چکدی کمانی بیر گوزونی باغلادی
اوخ کماندان چیخدی اصغر آچدی یومدی گوزلرین
اوچ پر اوخ اوچ قسمته بُولدی گلوی اطهرین


حرمله بیر حاله سالمیشدی او نازک حنجری
کیم گوروبدور صحنه ی دعوانی دولدی گوزلری
شه دورانموردی ایاق اوسته اسوردی دیزلری
دیل گلر گلمز دیدی ظالم شل اولسون اللرون
گوزلرون یومدی علی اصغر کور اولسون گوزلرون


قالموشام حیران الهی اصغرون اقبالینه
سو یرینه ایچدی ئوز قانین چاتوب آمالینه
غصه مرگ ایتدی حسینی وای ربابون حالینه
اوجونی دولدوردی قانیله جهانی داغلادی
آسمانه سپدی عرش اهلی امانت ساخلادی


عرض ائدیبدور بار الها هرنه وار یکسر سنون
جان سنوندور قان سنوندور وئردیگون گوللر سنون
تشنه لب سقا سنوندور قاسم و اکبر سنون
دار دنیاده فقط قالموشدی بیر اصغر منه
شاهد اول ویردیم علی اکبر کیمون قربان سنه


#ورود_محرم
#حسینیه_مدح
#اصغریه_شهادت
#شهریار_شهره_شهر_شهادت_دور_حسین
#ساعد_زنجانی
#ترکی

عشقنامه علی اصغر (ع)

ابوالفضل عباسی معروفان اهری ( معروف )

بخش 2️⃣

داش آغلار ربابین دئسم سؤزلرین
اولار گؤزلروز بحر جوشان عشق

دئدی من فدایم حسینه خانم
علی اصغریم یار قرآن عشق

حسینوندی اصغر نه منت منه
کیچیک تحفه دی بذل جانان عشق

ویروب زینتین ایندی ساللام یولا
بو لحظه اولا بلکه شایان عشق

چخوب خیمه دن سسلدی یا حسین
گل آل طفلی ای شاه شاهان عشق

گذشت ایله اکبر یوخومدور منیم
یتوب مشکله کار آسان عشق

بودور آلتی آی زحمتین حاصلی
اگر گؤرمدی شور دوران عشق

آپار یا ایچر سو و یا جان وئرر
تاپار عاقبت دردی درمان عشق

دیدی سوزلرین باخدی بیر اصغره
توکوب اشک رخساره چشمان عشق

علینون یوزوندن حسینون الین
ئوپوب قالماسین دلده خسران عشق

ادبلن ایکی یاری سالدی یولا
دیلینده دعا اشک ریزان عشق

غرض آیریلوب خیمه لردن امام
چاتوب مقتله الده برهان عشق

فرات اوسته کی لشگره یوز دوتوب
خطاب ائتدی ای خیل عدوان عشق

سؤزوم یوخ علی اکبری دوغرادوز
گئنه صبر ائدر پیر کنعان عشق

و یا قوللارین سالدوز عباسیمون
دوشوب نهر علقمده اصلان عشق

اولار مرد جنگیدی اللر آچیق
برازنده ی تیغ بران عشق

ولکن بونو اللری باغلیدی
یانان لبلری درده عنوان عشق

نه جنگ ایلیندی نه خنجر ووران
سوسوزدان گؤزی ابر نیسان عشق

اقلا وئرون سو بالان ئولمه سین
ائدون مرحمت محض احسان عشق

اگر چه هاموز خواب غفلتده سیز
اویانماز وجودیزده وجدان عشق

باخون اصغرین حالینه آغلیون
که آغلور نچه گوندی مهمان عشق

ئورک داش دگول سیزده یوخدور ئورک
گر اولسیدی اولمازدی عصیان عشق

حسینون سؤزی چاره ساز اولمادی
گینه اهل کفر ائتدی کفران عشق

صف اشقیادن چخوب حرمله
منم سسلدی مرد میدان عشق

کمانینده یئر وئردی اوچ پر اوخا
ائده بی حیا تیرباران عشق

اوتان ئوز شکاریندن انصاف ایله
مقام عشقینه ائتمه طغیان عشق

غرض آتدی تیرین زیاد عاشقی
مسیرینده سیر ائتدی پیکان عشق

دگوب تا علی اصغرین حلقینه
بدنده ایشه دوشدی شریان عشق

سولان لبلر اسدی سوزوب قان یئره
دوشوب لرزیه طاق و ارکان عشق

گلاب آخدی بیر غنچه نابدن
اولوب صحن میدان گل افشان عشق

گولومسوندی اصغر حسین آغلادی
آتا زار اوغول تاپدی رجحان عشق

یسار و یمینه دولاندیردی یوز
تاپا بیلمدی بیر مسلمان عشق

ابالفضلی امدادینه سسلدی
دیدی هارداسان یار طفلان عشق

گل آل اللریمدن سوسوز یاریمی
الیمدن یاپیش ای علمبان عشق

یتور خیمیه آخرین هدیه می
یتوبدور منه خط پایان عشق


#اصغریه_مدح
#اصغریه_شهادت
#معروف_اهری
#ترکی

عشقنامه علی اصغر (ع

ابوالفضل عباسی معروفان اهری ( معروف )

بخش 1️⃣

ابرمرد کوچک لب عطشان عشق
دلیرانه قرآنه قربان عشق

گیدن آلتی آیدا یوز ئیللیک یولی
هم آورد و هم رزم مردان عشق

کیچیک اللری دست مشکل گشا
قرا گؤزلری در مرجان عشق

گؤرن گوزلرین فکر ائدور لعلدی
کماندان آتور تیر مژگان عشق

آنا سینه سیندن امیب شیر پاک
ویروب درسینی مهد عرفان عشق

علی اصغرین سر مکنونی وار
ندور معنی راز پنهان عشق

ندور علت عشق بی حد و حصر
بودور حاصل عمده جریان عشق

محبت اگر درس استاد اولا
گلر شوره طفل دبستان عشق

نه سن و نه هیکل نه آلات رزم
که ایثاره غیرتدی میزان عشق

او گون که شهید اولدی انصار یار
قالیب تک او ماواده سلطان عشق

یوزون دوتدی درگاه حقه طرف
دئدی ای خداوند رحمان عشق

مگر شاه عالمده یالقیز قالار
الیمدن گئدوب برگ و سامان عشق

نه سرلشگریم وار نه سرباز جنگ
باتوب قانه یکسر دلیران عشق

گزور بیر کمک گؤزلریم عرصه ده
یتیش داده ای روح سبحان عشق

یئتن وقتده هل من سسی خیمیه
آییلدی غزال پریشان عشق

او قدر آغلیوب پیچ و تاب ایلدی
بشیکدن دوشوب مرغ خوشخوان عشق

رباب اوغلونون گؤردی احوالینی
چکوب سینه دن آه سوزان عشق

او دوتقون سسیلن دئدی اصغره
اوغول باغلاما راه امکان عشق

سوسوزسان عطشدن یانور لبلرین
گؤزوندن آخور سیل باران عشق

بو قدر آغلاما یاندی قلبیم بالا
ندور مطلبین طفل بیجان عشق

چالوب ال ایاق دوشدی حالدان حالا
او پربسته یاهوی حیران عشق

اشاریله بیلدیردی ئوز مطلبین
که یعنی منم بیرده دیوان عشق

بو دیوانه کمدور بیر امضا ننه
عبادتدی امضای پیمان عشق

منی وئر بابام گلسه آغوشینه
نه لازمدی آب و نه پستان عشق

بابام خالص عاشقدی معبودینه
منم تابع امر و فرمان عشق

ئورک ایستور آزاد اولا غصه دن
کیچیک گاهوارمدی زندان عشق

حلال ایله مادر اگر آلتی آی
یوزون گؤرمدی روی خندان عشق

داخی آغلاما قورتارور زحمتیم
یولوم گؤزلیور موج طوفان عشق

دوشوب آسمان اولدوزوندان کنار
گلوب خیمیه ماه تابان عشق

اول سسلدی زینب مضطری
دیدی گل باجی ای نگهبان عشق

ربابین گولون گئت گتور خیمه دن
نیازیمدی مرغ خوش الحان عشق

شهید اولدی قارداشیم ٬ اوغلوم باجی
چاتوب کامه ارکان جانان عشق

امیدیم بو سرباز ششماهه دی
دوتوب دامنیم دست و دامان عشق

گیدوب یا سو آللام عدودن و یا
اولار هم قطار شهیدان عشق

یوباتما باجی عشق برنامه سین
غنیمتدی هر لحظه هر آن عشق

گتور عاشقین خوردا معشوقینی
من عاشق بو صحرا بیابان عشق

ائدیب زینب اجرا حسین امرینی
گلوب سمت اخیامه اول کان عشق

ربابه خطاب ائتدی بعد از سلام
رباب ای عروس سلیمان عشق

بو ساعت سنه امتحان وقتیدی
اول آماده گهواره جنبان عشق

علی اصغریندن گؤزون یوم رباب
چاتوب موسم درد و هجران عشق

حسین گؤزلیور خوردا سربازینی
یوباندیرما سالار نسوان عشق

داش آغلار ...

ادامه دارد ⬇️⬇️

#اصغریه_مدح
#اصغریه_شهادت
#ابر_مرد_کوچک_لب_عطشان_عشق
#معروف_اهری

زبانحال حضرت رباب (س) در عطش حضرت علی اصغر (ع

مرحوم حسینی سعدی زمان

نه دوشومده سود وار نه سویا گمانیم
سود امر بالام یات باشیوا دولانیم
آغلاما تلاش ائتمه
سینه می خراش ائتمه
ای عزیز جانیم ( 2 )



بیر ایچیم سو اولمور خیمه لرده پیدا
اودلانور عطشدن اهل بیت طاها
خوردا قیزلار عطشاندور
قیمتی سویون جاندور
ای عزیز جانیم ( 2 )



بیر بالانین اولسا آج سوسوز آناسی
آج قالار عیاندور سود اَمَر بالاسی
آج سوسوز قالان مادر
آج قالا بالا نیلر
ای عزیز جانیم ( 2 )



سو یولون کسوبدور لشگر ضلالت
قویمیوب سوسوزلوق منده صبر و طاقت
ترکِ فکر آب ایله
آز منی کباب ایله
ای عزیز جانیم ( 2 )



گوزلرون دوتوب یاش ای گوزوم ضیاسی
توکمه بیله قان یاش گوزلرون فداسی
گوزلرون دولاندیرما
چوخ آناوی یاندیرما
ای عزیز جانیم ( 2 )



بیر آنا که اوچ گون ایچمیه سو اصلا
سود اولار دوشونده بو آنانین آیا؟
سنده تشنه سن منده
نیلسون بو شرمنده
ای عزیز جانیم ( 2 )



سن کیمی سولان گول یوخدی بیر چمنده
قان اولار دلیم سن نالیه گلنده
ای سولان گولوم لایلای
طاقت دلیم لایلای
ای عزیز جانیم ( 2 )



عمر گلشنیمده غنچۀ تریم یات
سود اَمَر بالام یات تشنه اصغریم یات
تشنه ام غمیم چوخدور
سینه ده سویوم یوخدور
ای عزیز جانیم ( 2 )



سودان ئوتری گزدیم سربسر خیامی
وار الینده گوردوم هامّینون سو جامی
العظش دیور قیزلار
یوخ سودان ولی آثار
ای عزیز جانیم ( 2 )



ایلییم آتاوی گر بو حاله حالی
قورخورام که آرتا قلبینون ملالی
اولمویا سو اول حضرت
شرم ایده چکه خجلت
ای عزیز جانیم ( 2 )



کاش اولیدی فرصت اکبریم گَلیدی
صون نفسده باری حالیوی بولیدی
ال آچیدی تا حَربه
سو آلیدی بیر شربه
ای عزیز جانیم ( 2 )



خشک اولان دلونده قالمیوب رطوبت
ایسلادا دوداقون اسگیله حرارت
آغلاما بالام لایلای
ذکریمی ایدن ایوای
ای عزیز جانیم ( 2 )



عرض حاله مانع اولماسا خجالت
من رشید عموندان قیلّام استعانت
قورخورام آجام بُلسون
صبر ایله آنان ئولسون
ای عزیز جانیم ( 2 )



ائتمه غم « حسینی » اولموسان اگر پیر
چوخ شکسته دل سن وار سوزونده تاثیر
خدمتونده اول قائیم
جدیوی چاقور دائیم
ای عزیز جانیم ( 2 )



#سبک_دولدوروب_جهانی ..

#اصغریه_شهادت #فرات
#تاسوعا #شب_عاشورا
#سعدی_زمان
#نه_دوشومده_سود_وار_نه_سویا_گمانیم
#آثارالحسینی2 ص 91
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت امام جواد علیه السلام

مرحوم سید رضا حسینی سعدی زمان

بخش 1️⃣

بیریسی ایستسه دنیا امورینه رونق
گرک امام جواده دخیل اولا مطلق

نقدر وار نفسون ایلمه حسینی قصور
توسّل ایت گله اجدادیوه سِنین و شهور

خدا محمّد و آل محمّدین قاپوسین
تانیتدوروب بیزه درد و بلا ایدنده وفور

بولاردی امّت مرحومه نین پناهگهی
دوشنده مشکله ایلر ائمّه حلّ امور

امیدیله گَلَنی ایلَمز بولار محروم
بولاردی باب کرم، هم شفیع یوم نشور

زمانه قویمیوب آل محمّدی راحت
ایدوبدی هر بیرینی بیر نفر شقی مقهور

تمام مُفتَرِضُ الطّاعه دور ائمّه ولی
اولوب امام محمّدتقی منه منظور

قالوردی بِش ایل ایکی یوز ایلی گِچه هجرت(1)
اولوب زمان ولادت بو سروره مسطور

یازولّا نصف مهِ روزه، لیلۀ جمعه(2)
فنا جهانی ایشقیلاندوروب بو مطلع نور

سَمّیِّ ختم رسلدور، آدی محمّددور
تقیّ و هادی فاضل، جواددور مشهور

عرب ایچینده دیه للر بونا ابی جعفر
لقبده عالّم و مختار و منتخب مزبور

آتاسی حضرت موسی الرّضادی، شمس شموس
اونون یوزیندن ایدر کسب نور چرخینده خور

آناسی طیّبۀ مغربیّه، خلقتی پاک
مبارک آدی اونون خیزراندی، فطرتی حور

بیله یازوبدی مناقبده ابن شهر آشوب
ایدوبدی شیعه لری شادکام اول مبرور

حکیمه دختر موسی بن جعفر ایلر نقل
اونون روایتی خوشدور اگر اولا مذکور

خانم دیر منی احضار ایدوب بویوردی امام
باجی همین گئجه دونور حقّه وقت ظهور

مواظب اول، بو گئجه خیزرانی تک قویما
بو گئجه یوز ویره جاق غصّه لی قلوبه سرور

زنان قابله ایله منی سالوب بیر ایوه
چراغ قویدی او ایوده سراج حیّ شکور

او وقت اولوب که یتوب خیزرانه وقت قوا
چراغ گِچدی، بیز اولدوخ فسرده حال و حسور

طلوع ایدوب افق رحمیدن او دم خورشید
ایشیق گون اولدی به عِینه او لیلۀ دیجور

منوّر ایلدی اول حجره نی جمال امام
چراغ اولمادی بِالمَرَّه اهل بیته ضَرور

باخاندا طشته نه گوردوم، او پاک مولودین
لباس تک بدنین پرده نور ایدوب مستور

آلوب قوجاقیمه ایتدیم کنار او پرده نی من
آتاسی داخل اولوب حُجریه زمان سحور

او نور دیده سینین آلدی گوزلرین اوپدی
مرتّب ایلدی گهواره، ویردی بیر دستور

سالوب بالاسینی گهواریه بویوردی منه
سنی باجی ایدورم حفظینه بونون مامور

او شمع باشینه پروانه تک دولاندیم من
او خدمت ایلدی ویرانه گوگلیمی معمور

ولادتین اوچومجی گونی آچوب گوزینی
صاقا صولا گویه باخدی امام هشتمه پور

فصیح صوتیله ایتدی شهادتینی اَدا
منی او امر عجب ایتدی خدمته معذور

امام محضرینه چوخ شتابیله گَلدیم
دیدیم قضیّه نی، فرمایش ایتدی ایتمه فتور

بالامدا چوخدی بو اعجاز و بو کرامتلر
مواظب اول گوره سن دُور ایلدوقجا دُهور

حکیمه قارداشینا اوغلینون دیور حالین
دیدوقجا یوز ویروری قلبینه نشاط و سرور

بونون شبیهی ...
ـــــــــــــــ
(1) در تاریخ ولادت حضرت اختلاف است.
(2) منتهی الآمال شیخ عباس قمی.


ادامه دارد
#سعدی_زمان
#بیریسی_ایستسه_دنیا_امورینه_رونق
#چهارده_معصوم_حسینی ص 348
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت امام جواد علیه السلام
مرحوم سید رضا حسینی سعدی زمان

بخش 2️⃣

بونون شبیهی منیم بیر باجی سراغیم وار
بیان حالینه امّا واریمدی چوخ محذور

اوزی نشانۀ زهرادور، آدی زینب دور
زمانه نین گوزی گورموب ایله بلایه صبور

حسینه ایستور علیّ اصغرین دیسون حالین
ایدور ملال گلوگیر، اولموری مقدور

حیا ایده ایده، چوخ شرمیله خجالتیله
دیور حسین نجه بو حالته تحمّل اولور؟

علیّ اصغری گهواریه سالوبدی رباب
حجاز لحنی ایله باشلیوبدی شیون و شور

بالا سوسوزدان ایدوب غشّ، آنا یانور آغلور
نه واردی سودی نه سویا وار گمانی، باشه وورور

یاخوندی اصغری سوز عطش هلاک ایلسون
سودان کناره دوشن بیر بالیق کیمی چابالور

اوزین سالور یره گهواره دن آلاندا سسون
نجه بو حالی گوروم، کاش گوزلریم اولا کور

حسینی زینبی ایتمه حکیمیه تشبیه
اونیله واردی بونون فرقی چون کرور کرور

گنه امام محمّد تقینی سال یاده
اونیله حق سنی ایتسون جزا گونی محشور

تولّدیندن او گون که گیچوبدی دوقّوز ایل
آتاسی اُلدی یتیم اولدی، ایتدی حق ماجور

غریب آتاسینا یثربده جانشین اولدی
ولیک قویکادی مامون بی حیا و شرور

امامی ایستدی بغداده بی حیا مامون
اجابت ایلدی چون لاعلاجیدی مجبور

اولوبدی خطّۀ بغداده بی خبر داخل
اونون ورودینی بُلموبدی دشمن مغرور

گیدیردی بیر گونی مامون شکاره شوکتیله
نه گوردی جمعیدی اطفال شهر بیر جمهور

گورنده موکب مامونی قاچدیلار اطفال
چَکیلدی بیر طرفه دوردی لیک امام غیور

یتیشدی دوردی خلیفه، امامه باخدی دیدی
بیله وقاریوه دورماقیوه ندور منظور؟

منی گورنده فرار ایلدی تمام اطفال
توقّفونده نه نکته سنی ایدوبدی جسور؟

جواب ویردی مقصّر قاچار گورنده شهی
منیم خلیفه یانندا یوخومدی جرم و قصور

وسیعدور بو گذرگاه اَیُّهَا السُّلطان
فرار ایدردیم اگر تنگ اولدیدی راه عبور

گوروب فصاحتینی حیرته دوشوب مامون
آدین سوروشدی، بویوردی امام دل رنجور

آتامین آدی علیّ بن موسیِ کاظم
سمیّ ختم مآبم، امام وحش و طیور

شکارگاهه طرف یوز قویوب گیدوب مامون
بوراخدی اَل قوشوسین، گیتدی اولدی گوزدن دور

او قدر گیچمدی شهباز نازل اولدی یره
تلالوء ایلوری منقاری گوردولر چو بلور

شکاری خورداجا ماهیدی اُلمیوبدی هنوز
دوشوب تفکّره مامون او کان فسق و فجور

قویوب همان بالیقی آستینه رجعت ایدوب
گَلوب یتیشدی گذرگاهه خرّم و مسرور

گنه امام دایاندی، قاچوب تمام اطفال
دیدی خلیفه که ای سیّد اُناث و ذکور

نه وار منی دی گوروم ایمدی آستینیمده
جواب ویردی امام ای خلیفه ایتمه غرور

نجه یر اوسته اونون مثلی گویده دریا وار
بالیق، اولاردا ایدوب خلق خالقیم هر جور

کناره گاه اولاردان دوشر سلاطینون
شکار ایلر اونی شاهبازی چون عصفور

قویار همان بالیقی ینگینه خلیفۀ عصر
بیله بُلر بیزه مخفی علوم اولور مستور

اونیله حجّت برحقّی امتحان ایلر
که بلکه بُلمسون، اولسون بو خلق آرا منفور

امامی عزّتیله گَتدی مجلسه مامون
کلیم وارثی ایتدی او بزمی وادی طور

امامه اوز قیزینی ایستدی ایده تزویج
حسد اودیله دوتوب شعله، یاندی قوم کفور

آچوبلا طعن و تعرّض دلین منافقلر
دیوبله بو نه عملدور که سندن ایتدی ظهور

بیزه ندن ویروسن آل هاشمی ترجیح
بو خام فکر ندور قلبیوه ایدوبدی خطور

هنوز طفلیدی لازمدی علم ایده تحصیل
نه آنلوری بو ندور حکمِ مصحفیله زبور

ایشیتدی بو سوزی ویردی جواب او بی ایمان
بونا اوشاق دیوسوز سیزده یوخدی عقل و شعور

بولاردی عَیبَهُ العِلمِ خدا و معدن وحی
بولاردی مظهر آیات کردگار غفور

اینانموسوز سوزیمی سیزده امتحان ایلیون
گورون بِقَلبِهِ بَحرُ العُلوم، کَیفَ تَمور

او عصرین عالِمی یحیایِ ابن اَکثَمیدی
آدی او شهریده قاضیُ القضاتیدی مشهور

اونیله گَلدی همان بزمه سر به سر علما
اولار که واریدی اوز علمینه تمام فخورy

سوال ایلدی مامون که سارقین اَلینی
کسلّه هاردان، او موضوعی ایلیون مذکور

بیری دیوب بیلگیندن، بیریسی مرفقدن
اولاره تابع اولوب اهل بزم بیر جمهور

امام عصر ایدوب ردّ او ایکی فتوانی
دیدی بو حکم خدادور اولونجا نفخۀ صور

قصاص سرقته دورت بارماقی گرک کَسیله
دیریلسه حکمیمی تصدیق ایلر اهل قبور

اَل اولماسا اونی ناقص نمازیده سجده
علاوه سارق اولانماز علاجینه مقدور

امام عصر اولوب غالب، اشقیا محکوم
خلیفه مُفتی بغدادیدن اولوبدی نفور

اوخوندی حجّت برحقّه عقد اُمُّ الفضل
یازیلدی محضر اشراف شهریده منشور

نه کاش اولیدی او ملعونه زوجۀ حضرت
نه ظلم ایدیدی امامه او نسل کلب عقور


#جوادیه_میلادیه
#جوادیه_مدح
#جوادیه_شهادت
#سعدی_زمان
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

استمداد حضرت قاسم (ع)

مرتضی اسکندری (ساعد زنجانی)

سالدیلار آتدان عموجان قاسمی دشت بلایه
یاره لر ایلور اذیت هارداسان تیز گل هرایه

گل عمو، جان اوسته یم من
خسته یم من، خسته یم من



جسمیمی آتلار ایاقی ایلیوبدی پاره پاره
کهکشان سینم اوسته یاره لر گلمز شماره
جان زهرا قویما قیزلار جسمیمه ایتسون نظاره
آز قالور نعشیم بوکولسون نعش اکبر تک عبایه



اِرباً اربا اولدی اکبر نهضت قرآن اوجالسون
منده اولدوم دینه قربان سیدی باشون ساغ اولسون
کیم سنه ایتدی اهانت جاه و اجلالی داغلسون
شاکرم منده یازیلدوم نهضت کرب و بلایه



قاسمه جان ویرمک ایندی گرچه شیریندی عسلدن
قادر الله شاهدیمدی قاچمادیم جنگ و جدلدن
اللرون قربانیم گل آل منی قوم دغلدن
اهل بیتی دعوت ایله باشیمون اوسته عزایه



خیمه لردن آیریلاندا اصغری گوردوم اوتاندیم
بی مهابا جنگه گیتدیم مرد و مردانه دایاندیم
سالدیلار آخر حصاره ووردولار قانه بویاندیم
یاره لر ایلور اذیت هارداسان تیز گل هرایه



#سبک_ای_ویرن_ویرانه_یرده


#قاسمیه_شهادت
#سالدیلار_آتدان_عمو_جان_قاسمی_دشت_بلایه
#ساعد_زنجانی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال جناب قاسم (ع ) در حال احتضار به امام (ع)

مرحوم حسینی سعدی زمان

ایلدیم اثبات حقّ اوستونده تحقیقات عمو
قتلیمه بو اهل کوفه قوردی تشکیلات عمو


ایسته دیم دین مبینون آرتورام من رونقین
محو ائدم تشکلینی بو چولده قوم ناحقین
ضرب شستیله یاتوردام اهل بدعت بیرقین
فکریمه ویردی قضا ماموری تبدیلات عمو


یتمدی انجامه فکریمه ای امام ممتحن
صدر زمین اوستن منی یخدی بو اشرار زمن
بو یخلماقدا اوجاتدیم پرچم اسلامی من
ایلدیم خوش وجهیله خدمتده تحصیلات عمو


عین و شین و قافیله اولموشدی تخمیریم ازل
عین عطش، شینی شهادت خطّنه ایلر عمل
قاف قتلیمدور، وریرور اوندان خبر پیک اجل
کلمه عشقه یازوبلار بیله تاویلات عمو


ایلدیم اثبات آیات حقه فکر دقیق
دُرّ بیضای حقیقت تاپدی بیر رنگ عقیق
جسمیمه یازدی خدنگ و نیزه پیمان عتیق
ایلدی آت دیر ناقی یازدوقجا تفسیرات عمو


عشق میدانینده من جام الستین مستیَم
محضر جاناندا قید عهدیمون پا بستیَم
شایقم یوز دوندرم وجه اللهَه جان اوستیَم
گل باشیم اوسته جمال اللهه ای مرآت عمو


رهرو کوی حقیقت عزّت اوسته اولدی خوار
نوگلون ای باغبان عشق اولوب پابند خار
باش و جان معشوقه ویرسه عاشق ایلر افتخار
کامیاب اولدوم قبوله یتدی تقدیمات عمو


باشیمه بر تیغ کینه دگدی منشقّ اولدی فرق
ایلدی شقّ القمر اثباتین امّا چوخدی فرق
منکر شقّ القمر بیرحم اهل غرب و شرق
وئردی اعجاز رسوله یاخشی توضیحات عمو


عالم عُلوی خیالی ویردی سُفلادن چو فصل
قانیله یازدیم نکات عشقی یرده فصل فصل
گورسنور ماهیّتمده اهل حقّه نور اصل
بی بصیرتلر ایدور ناحقّه تشبیهات عمو


خلق ایدنده عالم ارواحده آب و گلی
مایلیم اولدی بنی عمّیم #حسینی نون دلی
هرکسه ویرمز خدای خلق بو شیرین دلی
دعبل و مقبل یازانماز بیله تألیفات عمو


#سبک_زینبم_جان_اوستیم


#قاسمیه #سعدی_زمان
#ایلدیم_اثبات_حق_اوستنده_تحقیقات_عمو
#کنزالحسینی2 ص 14 (کلیات ص 258)
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حالات حضرت قاسم ع

مرحوم ذهنی تبریزی

بخش 1️⃣

قاسم شهزاده چون در دشت غم
دید تنها مانده شاه غم حشم

پیش شه شد در دلش تاب و تعب
دست ‌ها بر سینه از راه ادب

بعد تعظیم شهِ والاتبار
در حضور ایستاد آنگه بنده ‌وار

تا زبان بگشود از روی نیاز
درد دل گوید بشاه دل ‌نواز

عرض کرد ای خسرو گردون ‌مدار
دارم استدعای اذن کارزار

همرهان گشتند بر مقصد روان
نایل مقصود شد پیر و جوان

عشقبازان سر کویت تمام
یک به یک کردند تحصیل مرام

یار و انصارت همه خورد و کبار
عشق پنهانی نمودند آشکار

هر که با خون سرآمد سرخ رو
روسفیدی را به دست آورد او

هر که رو بر خاک راه عشق سود
زنگ غم را از زجاج دل زدود

جان‌ نثاران تو ای شاه جهان
در ره جانان فدا کردند جان

غرقۀ دریای فکر و حیرتم
من مگر از رفتگان کم‌ همّتم

از چه رو من باید ای عمّ غریب
باشم از فیض شهادت بی ‌نصیب

شرمسارم از حیات خویشتن
شوقمندم بر ممات خویشتن

تا که هستم هستم از هستی خجل
نیستی را طالبم از جان و دل

آنچنان شرمندگی دارم به دل
گشته‌ام از نفس خود بس منفعل

ز انفعالم ای شه ملک حجاز
از زبان ناید کنم ابراز راز

زآن شدم ای سرور جنّ و بشر
با هوای ترک سر شوریده‌ سر

بر سرم از طالع فرخنده‌ فال
کی گشاید طایر اقبال بال

می ‌کنم هر دم نظر بر حال تو
می ‌زند آتش به دل احوال تو

بی ‌وفا قومی که اُف بر عهدشان
نامه‌ ها بنوشت خواندت میهمان

با دروغی دعوی مهر و وِفاق
از حجاز آورد بر دشت عراق

اندرین صحرا سپاه کینه کیش
بیوفائی کرد بشکست عهد خویش

فاش کردند آنچه در دل داشتند
بیدق کفر و نفاق افراشتند

از وطن آواره‌ات تا ساختند
بر رخت تیغ عداوت آختند

فرقۀ باطل حَقَت انکار کرد
گشته دور از حق بنا حق کار کرد

بی ‌محابا وقت فرصت یافتند
همچنین بر جنگ تو بشتافتند

می نداند این سپاه بوالهوس
جنگ تو جنگ خداوند است و بس

ماندۀ تنها میان مشرکین
دور بر محصور مانند نگین

میزنی از بهر استمداد داد
پاسخی ناید ز قوم بد نهاد

بهر قتل تو چنان آماده ‌اند
جمله از کف دین و ایمان داده ‌اند

تا به کی باشم غمین و دلفکار
از درون دل نمایم آه و زار

ای سلیمان بساط کربلا
فخر دارم مور پنداری مرا

نقد جان اندر کفم پایی جراد
ارمغانم باشد ای عالی نهاد

از ره رأفت دلم خُرسند دار
سرفرازم کن باذن کار زار

ای خوش آن دم عازم میدان شوم
در منای عشق تو قربان شوم

شه جوابش داد کی آرام جان
هست بر من بار هجرت بس گران

من چ سان بر جنگ بفرستم ترا
یادگار مجتبائی تو مرا

چون کنم اعزامت ای جان عزیز
پیش پیکان و دم شمشیر تیز

باید از جان و دل اکرامت کنم
نه بسوی مرگ اعزامت کنم

مهر قاسم در دل شه جوش کرد
دست‌ها بگشود در آغوش کرد

شد برون از کف عنان اختیار
برکشید آهی ز دل بگریست زار

شهریار مهربان آن جوان
هر دو بنمودند آغاز فغان

از تَهِ دل ناله کردند آنچنان
کآتش افشان شد شرار آه ‌شان

هر دو تن یک پاره از سوز دلش
بیخود افتادند اندر حال غش

آتش دل تا شد از جوش و خروش
آمدند آن دم ز بیهوشی بهوش

شد بپا آن سرو بستان حسن
بوسه زد بر دست شاه ممتحن

شد سوار توسن صحرا نورد
بی ‌درنگ آمد به میدان نبرد

کرد رو بر فرقه بیدادگر
بانگ زد کای کوفیان بد سیر

هر که می ‌نشناسد ای لشگر مرا
کیستم خود می‌ شناسانم ورا

قاسمم ای قوم فرزند حسن
کاوست سبط مصطفای مؤتمن

این حسین است ای سپاه ناسپاس
کالأسیر المرتهن بین أُناس

این چه بیداد است ای قوم شریر
دست حق باشد بناحق دستگیر

در کدامین کیش و آئین است واین
منع گردد تشنه از ماء معین

زادۀ پیغمبر است این مستظام
در کنار آب مانده مستضام

حجت حق است او بر ماسِوا
با وجودش ثابت است ارض و سما

دعوی دین و دیانت می ‌کنید
شرع و مذهب را خیانت می ‌کنید

این ستم را هرگز از نامرد و مرد
در جهان بر کافری کافر نکرد

نوشد آن آبی که دیو و دد تمام
از چه شد سبط پیمبر را حرام

از چه رو آب ای گروه بدسگال
شد حرامش بر شما خونش حلال

تا رجزخوانی نمود آن شهسوار
از نیام آهیخت تیغ آبدار

حمله ‌ور شد بر صفوف اشقیا
مثل جدّ تاجدارش مرتضی

آنچنان شمشیر زد ...


ادامه دارد ⬇️⬇️


#قاسمیه_شهادت
#قاسم_شهزاده_چون_در_دشت_غم
#ذهنی_تبریزی
#فارسی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

حالات حضرت قاسم (ع)

مرحوم ذهنی تبریزی

بخش 2️⃣

آنچنان شمشیر زد کاهل نبرد
حمله ‌های حیدری را یاد کرد

از شرار تیغ آتش‌ بار او
شعله ‌ور شد خرمن عمر عدو

در رکابش پیشرو فتح و ظفر
طایر نصرت به سر بگشوده پر

هر که را بر سر دم تیغش رسید
اوفتاد از پا سوی دوزخ دوید

تیغ زد بر کتف هر شوم و دغل
برق شمشیرش زد از زیر بغل

هر که را جوّاله ‌ای زد بر کمر
شد دو نیمه قامتش چون نخل تر

از فشار پنجۀ نیروی او
تنگ شد میدان به قوم کینه‌ جو

هر کجا آن شیر صولت رو نهاد
پشته ‌ای از کشتگان ترتیب داد

بسکه زد شمشیر آن عریان حسام
خون دشمن گشت بر تیغش نیام

شد چو روبه نامداران دلیر
دستگیر پنجۀ آن شرزه شیر

از هراس و بیم آن دشمن شکار
شد شکست قوم اعدا آشکار

آنچنان بگشود میدان ستیز
بر فراری بسته شد راه گریز

بود سرگرم نبرد آن شهسوار
تیغ می ‌زد بر یمین و بر یسار

آن هنرور همت و سعی که داشت
حملۀ قلب سپه را دل گماشت

سخت می ‌کوشید آن عالی همم
تا لوای خصم را سازد قلم

ظالمی بدکیش نامش بُد عمر
ذات ناپاکش شقی سعدش پدر

بود در پشت سرش اندر کمین
از پی قتلش کشیده تیغ کین

ناگهان فرصت ورا شد دستیار
موقع آن شد که باشد کامکار

بر سرش تیغی چنان زد آن لعین
مُنفلق شد تا به ابرویش جبین

تیغ کج تا بر سرش بنشست راست
دود آهش از دل پر درد خواست

گشت جاری آنچنان خون سرش
در کسوف افتاده ماه انورش

زخم با آن زخمدار آن کار کرد
از کفش بربود یارای نبرد

تا رُسستی هر دو بازویش ببست
بر زمین افتاد شمشیرش ز دست

در دل از ضعف قوا طاقت نماند
در سواری حالت قدرت نماند

شد سرازیر از فراز صدر زین
با تن صد پاره بر روی زمین

رو به سوی خیمه ‌گه کرد آن جوان
گفت دریاب ای شهِ درماندگان

در کنار خیمه سلطان وحید
داد استمداد قاسم را شنید

شد سوار مُرتَجَز آن شهریار
از نیام آورد آن دم ذوالفقار

ره ‌سپار رزمگه شد تند و تیز
پرشتاب آمد به میدان ستیز

دید افتاده است آن صید حرم
دستگیرش کرده صیّاد ستم

خنجری در دست با خشم تمام
بهر قطع حنجر آن تشنه‌ کام

کرد شمشیرش حواله بی ‌دریغ
داد بازو آن ستمگر پیش تیغ

شد بریده بازوی آن کینه‌ کیش
گشت آویزان ز جلد نحس خویش

رو نمود آنگه به سوی کوفیان
داد زد ای قوم نگذارید هان

زادۀ حیدر مرا کشت ای سپاه
دادخواهی کو که باشد دادخواه

زمره‌ ای از فرق بیدادگر
بر شهِ بیدادرس شد حمله ‌ور

بر دفاع آن هجوم آوردگان
آنگهی سرگرم شد شاه جهان

آتش جنگ آنچنان شد شعله ‌ور
خرمن عمر بسی را زد شرر

از تکاپوی سمند جنگیان
لرزه ‌ای در سطح میدان شد عیان

جنبش لشگر صدای گیردار
شورش محشر نموده آشکار

اندر آن غوغا و شور رستخیز
شاه مظلومان که می‌ زد تیغ تیز

ناگهان بشنید آواز حزین
دست بردار از نبرد ای شاه دین

قاسمت دریاب نی وقت قتال
زیر سُمّ اسب گشتم پایمال

شد دل شه زین صدا پر اضطراب
مُنهدم کرد آن سپه را با شتاب

سرزنان آهش دمادم از نهاد
مفرع آرام دل را رو نهاد

با بسی سرعت به بالینش رسید
نوگلش را پایمال خوار دید

چاک چاک اعضای او را بنگریست
بر سرش چون ابر نیسانی گریست

بارها کردش صدا با آه و زار
دید می ‌نَدهَد جواب آن زخمدار

گفت جانم لمحه ‌ای کن دیده باز
با من بیدل مکن اینقدر ناز

آمدم از قید غم آزاد باش
ای غزالم ایمن از صیّاد باش

غنچۀ لب ای گل من باز کن
عندلیب ‌آسا سخن آغاز کن

یک دمم ای خوش ‌مقال و خوش ‌زبان
با سخن پردازیت کن شادمان

سخت دشوار آیدم این ماجرا
بهر امدادت همی‌ خوانی مرا

نشنوی از من صدایت را جواب
یا جوابت داده نایم با شتاب

یا چنین آیم نبخشد بر تو سود
شد فزون بر دل مرا دردی که بود

وآنگهی شاهنشه عالی‌ مقام
حمل کرد آن نعش را سوی خیام

خود همی‌ داند چسان آن شهریار
جسم صد چاکش گرفت اندر کنار

گفته راوی دیدم آن خونین ‌کفن
بود در آغوش سلطان زَمَن

سینه ‌اش بر سینه رو بر روی او
دوش شه آویخته گیسوی او

قامت بالای شاه کربلا
طفل سیزده ساله قدّش نارسا

همچو در آغوش نعش آن شهید
پای‌هایش از زمین خط می‌کشید

با تصوّر می‌توان آگه شدن
در چه حالت بود آن صد پاره تن

زخم بی‌ حدّ صدمۀ سُمّ ستور
کرده بود از هیئت اصلیش دور

نازنین جسمش چو گل پژمرده بود
نقشۀ اعضاش بر هم خورده بود

حمل بر قتلا نمود آن نعش را
نزد خون آغشته جانش داد جا

#ذهنیا بس کن دگر افراد خود
بس مکن لیکن فغان و داد خود


#قاسمیه_شهادت
#ذهنی_تبریزی
#فارسی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

چند بیتی از

احوالات کوچ اسرا

امر زینبدن اطاعت ایلدی اهل حیا

میندیروب ناقیه أوز لشکرینی ام بلا

میندیروب حضرت کلثوم و امامین حتی

قالدی تک زینب أوزی باخدی بیراز ساق سولونا

قلبیدن آه چکوب باخدی فراتون یولونا

☀☀☀

دیدی قارداش گوزون آچ زینبه امداد ایله

قید آلام و بلادن منی آزاد ایله

آی حسین کاشف کربی منیده شاد ایله

ایلیوب خصم دنی گوزلریمه تار گونی

یتیشوب زینبوون محشره اوخشار گونی

☀☀☀

قلبیمی غم بوریوب یوخدی بو عالمده بیلن

گوز یاشیم گوزدن آخور رأفتیلن یوخدی سیلن

دور منه چاره ایله آی قولی تندن کسیلن

یدّی قارداشیم أولوب دیندیرنیم یوخ قارداش

ناقه نین اوسته منی میندیرنیم یوخ قارداش
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رباب س

شب عاشورا (جوشی )
حدیدن دردو غمیم چوخدی اوغول

سنی مندن آییران اوخدی اوغول

واردی دردیم دیه بیلمم بیرینه

سود گلوبدور اَمَنی یوخدی اوغول

حلقینده یاره چاتدی نگاره

اولدی پرپر گول تک اصغر

☀☀☀

سوزولوب قونداقا ظلمیله قانون

شه قوجاقینده چیخوب تشنه جانون

گوگلوم ایستور آلام آغوشه سنی

هارداسان گل بالا بی کس دی آنون

حلقینده یاره چاتدی نگاره

اولدی پرپر گول تک اصغر

☀☀☀

اولمادی اوخ یاروون باغلیانی

ویردیلار، سینه سنه داغلیانی

حرمله عالمه گورستدی بونی

اوخدی آرام ایلین آغلیانی

حلقینده یاره چاتدی نگاره

اولدی پرپر گول تک اصغر


شعر از کربلایی #نوید_آسال_اردبییلی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

چند بیتی از :

زبانحال امام حسین ( ع )


در بالین حضرت علی اکبر( ع )


جمع اولوب قشون بورا الده کینه خنجری

آلنی پینه لشکرون یوخدی دینه باوری

.سالدیلار نه حاله گور اشبه پیمبری

بو چوله قشون گلوبدور قتاله اکبریم

☀☀☀

عشقه خاطر عاشقه چوخ یارا دگر بلی

ایستدیم أوپم سنون مه جمالووی ولی

قامتونده وای منه یوخدی صاف یرون علی

هانسی درد اولار شبیه بوملاله اکبریم

☀☀☀

محنتون گلر گران اهلبیت یاسینه

سس قوشار سماده حور لیلی نون نواسینه

وار یوخوم فدا اولا باشوون یاراسینه

گول عذاره باش قانون اولدی ژاله اکبریم

شعر از نوید آسال اردبیلی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham