#تەنز

دەردم لە دەسی نانە ، وە دەرمانیشم
قوربانی دەکەم ماڵ و دڵ و گیانیشم

هەر ئەونە حەزم هەس لە سەموونی تازە
قازێکی لەگەڵ خەن لە پەنای دانیشم

لەووانەیە دڵ بێتەدەرێ بۆ قازێ
وەیلانی ڕوب و گوێزی فیسینجانیشم

ئەڵڵا لە کەباب خۆشە بە نان و ترشۆ
ئاشق بە سماق و دۆ وو ڕەیحانیشم

ئەسڵەن نیە هیچ تاقەتی کار و بارم
تابێژی مل ئەستوور و زل و پانیشم

هەرچی غەمی نانە ، بە دڵم پێشکەش بێ
بەم وەزعەوە دێ ، دائیمە مێهمانیشم

#بێهرووز_ئەحمەدی_بەڵاچێژ😝

🆔@malbandihonrawa

#مودیر

هەمیشە قۆز و شاز و با کلاسم
عەیانە خەتتی ئووتووی سەر کراسم
لە تارانا چەلەنگ و سەر شناسم
لە هەر جێدا بە نەفعم بێ پەڵاسم

ئەوینداری دۆلار و ئێسکیناسم
سەرم قاڵە مودیری ئیختلاسم


😝😝😝

بەتاڵی سوفرە وو خوانت بە من چی؟ا
زەعیفی جەندەک و گیانت بە من چی ؟
دڵۆپەی سەقفی سەر بانت بە من چی؟
لە داخان شین و گریانت بە من چی ؟

برا پەرتی ئەتۆ نابێ حەواسم
سەرم قاڵە مودیری ئیختلاسم


😝😝😝


دەڵێن حاڵی وەڵاتی من خراوە ؟
دەڵێن مەجلیس هەمیشە وا لە خاوە ؟
دەڵێن ئابووری ئێمە ڕوو بە ئاوە
دە بۆچی بێ حیساب و بێ کیتاوە ؟

لە گۆتەی قۆڕی ئێوە نین هەراسم
سەرم قاڵە مودیری ئیختلاسم


😝😝😝


حقووقم زۆرە چەن میلیۆن دۆلارە
بە کەیفی خۆم دەڕۆم تاکوو ئیدارە
ئەگەرچی بەندە پیرم ، ڕووم سەلارە
لە مردن زۆر دەترسم نالەبارە

مەبێژن من لە بۆچی ناسوپاسم
سەرم قاڵە مودیری ئیختلاسم


😝😝😝


دەبێ ڕۆژێ لە نێو مەحفەل یەیتما
بدەم نەزری لە ڕێی خوایی کەریما
نیشانی دەم بە شاشەی سەوت و سیما
نەماوم لەو هەلاکاتەی قەدیما

ئەوێستا کوا فەقیر و ئاس و پاسم ؟
سەرم قاڵە مودیری ئیختلاسم


😝😝😝

ئەمن زێو و تەڵا و دۆلار پەرەستم
بەڵام پاکە بەگشتی چاو و دەستم
شەقامی موشکڵات هەمووی دەبەستم
لە تۆ پەنهان کە من ، خەندان و مەستم

بە وەعدەی هیچ و پووچان بێ ئەساسم
سەرم قاڵە مودیری ئیختلاسم


😝😝😝


هەموو ئێژن کە مەسئوول بێ بوخارە
چەوەیلی بۆ وەڵاتی کۆر و تارە
لە سەر شان و ملی خەڵکی سەوارە
ئەمن خزمەت دەکەم بەو گوند و شارە

خەیاڵت وا نەبێ گەر بێ خەواسم
سەرم قاڵە مودیری ئیختلاسم

✍وەرگێڕ :
#بێهرووز_ئەحمەدی_بەڵاچێژ🤣


🆔

کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2

#خاڵچین

کەس نەبوو ئەمشەو لە ماڵێ ، من بە تەنیا ، ..... نوقتەچین
هاتە ژوورێ دانەیەک شێوازی ڕۆئیا ، ...... نوقتەچین

چاوەکانم هەڵکڕاند و جا لە بەر خۆوە گوتم
ئەم کەنیشکەت تۆ لە کوێ ناردۆ خودایا ، ......نوقتەچین

ئەو ئەگەر کیژێ لە کۆمەڵگایی خۆمە ئەی لە بۆ
دامەنی هەڵداوەتەو ئاخەر لە بۆ تا ، ...... نوقتەچین؟

یا جل و بەرگی لە لۆنگی گشتیا لێ ون بووە
یانە خۆی کردۆ بە قەستی وەک زوڵەیخا ، ...... نوقتەچین

من چەنێ تامازرۆ بووم ، ئەو زیاتر بوو لە من
ئەووەڵی شەو تا بەیان ، لێویم مژی ، جا ..... نوقتەچین

عیشرەتی ئەوڕۆ بە بێ ئەندێشەیی سوح چاترە
جێگەتان خاڵی عەجەب ، شەوگارێ بوو با ، ...... نوقتەچین


دوور لە هەرچی شاوی دەهر و ، دوور لە شێخ و مێخی شار
شەو لە ئێرە نوقتەچین ..... و ، سوح لە ئەو لا ، ...... نوقتەچین

شێخە من زانیومە گەر تۆ، چەندە خاڵت چەشتووە🧐
سەیری لێوت پێیوە ماوە ، شوێنی سەدها ، ..... نوقتەچین

دەورەیی حافیز لە خەڵوەت ، کاری دیت کردۆ بەڵام
دەورەیی من ، هەر لە پێشی چاوی خەڵکا ، ..... نوقتەچین

نوقتەچینت هێندە زۆرە ، بێت و گەر حیسابی کەم
ڕاس دبێتە شاری هەولێر تا ئەرووپا ، ...... نوقتەچین

باسی دۆزەخ بۆ دەکەی بۆم ، خۆم کە نوقمی دۆزەخم
سوور دەزانم هەر وەکوو ئەو ، ئێمەش ئاوا ..... نوقتەچین🧐

وەر:
#بێهرووز_ئەحمەدی_بەڵاچێژ😂


کاناڵی ژیان جوانە کاناڵی تایبەت بەزمانی کوردی
👇👇👇🌿🌱❤️
http://telegram.me/Mostafazadeh2

کام شاعیرە وا خۆش سوخەنە ئاسۆیە
کێ ناوی لە هەر ئەنجومەنە ئاسۆیە

عاجز مەبە وەڵڵاهی لە دونیا تاکی
کێ شاعیری بەرزی وەتەنە ئاسۆیە

#بێهرووز_ئەحمەدی_بەڵاچێژ

ئازیزی دڵم هەڵسە وەرە نێو کۆشم
با لیکی خەسی ئەو دەم و زارەت نۆشم

مەی دەس نەکەوێ تازە غەمی بۆ ناخۆم
وەک عارەقی چەن ساڵە دەکا سەرخۆشم

#بێهرووز_ئەحمەدی_بەڵاچێژ😝

🆔@malbandihonrawa

#قەرفەی_بە_سەرهاتی_بانگهێشتی_جنۆکە 😝


لە بۆکانا لە کن شێخێ ، کڕیم کیتابی میرداماد
گوتم ئێحازار بکەم جننێ ، لە گۆشە و قوژبنی هاڵم

کیتابم برد و ڕۆییشتم ، گوتم ماڵێ بە کار نایا
لە ئەشکەوتی کەرەفتوودا ، دەمێ نووستم لە سەر شاڵم

کە هەڵسام خوێندمۆ عیلم و فنوونی ئینس و جندۆکان
تەزێکم هات بە سەر شانا ، گوتم وێڵی کە عەوداڵم

حدوودەن پازدە ڕۆژێ من ، لە نێو ئەو غارەدا نوستم
وەیان زانی کە مردوومە ، کەسێ نەیزانی هاواڵم

شەوی ئاخیر کە دانیشتم ، گڕ و تینێ لەشی گرتم
ئەجننێ ناحەزم بینی ، کە گرتی نێو دەس و باڵم

دەم و چاوی وەکوو مەیموون ، دەسی باریک وەکوو شەمچە
سەری ئەستوور وەکوو کەپسوول ، هەر ئان باسی دەکەم لاڵم

وتووێژی لەگەڵ کردم ، بە زاراوەی جن و شەیتان
وتی هۆ هۆ ، ئەها هاها ، وە هێ هێ هێ وەرە پاڵم

بە هەرچی هێزی تێمدا بوو ، هەڵاتم تا نەجاتم بێ
وەخت بوو دەر بچێ ڕۆحم ، هەتا خۆم خستە نێو ماڵم

بەڵێ وابوو بەسەرهاتی ، منی داماو لە بۆ کیژێ
وەکوو شەیتان بە لەعنەت بێ ، ئەوەی بۆی گرمەوە فاڵم

بەڵێ هەر کۆڵنەدەر ماوم ، ئەوێستاش عاشقی ڕانم
وەکوو گورگی زگان برسی لە سەر دوند و کەپی یاڵم

نەڕەخسا بۆم شەوێ بێژێ ، لە کوێی ؟ هەڵسە وەرە بۆ لام
لەبی بگرم کەویکەم سا ، وەشی کا حاڵ و ئەحواڵم

بە هیوام دەرفەتێ بلوێ ، جنێ بگرم ، چکێ شل وێ
قەڵەو و قەد بڵیند بێ جا ، وەکوو لاولاوە لێی ئاڵم

#بێهرووز_ئەحمەدی_بەڵاچێژ😂

🆔

کاناڵی ژیان جوانە،گەر چاوەکان جوانی ببینن.
🌷🌷🌸☘🌺🍁🥀
http://telegram.me/Mostafazadeh2

ئەو مێردە گولەت کاتێ ئەگەر دەیبینم
هەرچەن بەشەرە ، من وەکوو کەر دەیبینم

کاتێ کە لە ماڵ دێتە دەرێ بۆ مەزرا
کورتانی لەسەر شانە پەکەر دەیبینم

هەرچێکی هەبێ ، بی بەشەریکی ژینی
نەفعیشی هەبێ ، من بە زەرەر دەیبینم

شووت کردووە بەو چڵکنە وەڵڵاهی من
وەک مێشێ لەسەر قەند و شەکەر دەیبینم

#ئەحمەو وەکوو ڤایرۆسی کۆڕۆنا وایە
هەر ڕۆژە لە کاناڵی خەبەر دەیبینم

نارنجەک و تۆپیش بەسەریدا بارێ
ناتۆپێ هەمووی بە بێ ئەسەر دەیبینم


#بێهرووز_ئەحمەدی_بەڵاچێژ


کاناڵی ژیان جوانە،گەر چاوەکان جوانی ببینن.
🌷🌷🌸☘🌺🍁🥀
http://telegram.me/Mostafazadeh2

#قەرفە

خودایا کەی تەقاویت بم ، بڕۆم بۆ جادەکەی بانە
لەوێ دانیشم و بێژم ڕەسووڵ بۆم بێنە سوبحانە

سەد و پەنجا کەلانەم بۆ بهێنێ تاقی ناهێڵم
دڵم تۆقاوە بۆ دۆغاو و ئەو پیوازە سەوزانە

ئەوە دوو ڕۆژە فیساوە کونای لووتی چەپ و ڕاسم
لە کۆڕۆنا دەترسم بمکوژێ لەم شارە وێرانە

شەوێ پژمام لە ماڵی کا عەتای مێردی کچی پوورم
هەموو هەڵسان و ڕۆییشتن ، ئەوانیش بوون بە بێگانە

گەرم پێوم لە دەمدایە ، تەبم خوارە ، لە سەر بیسە
دەڵێم بەشکەم هەڵامەت بێت و بڕوا ئەم غەم ژانە

ئەگەر چاوم دەرێنن سەر بە لانەی دوکتوورا ناکەم
ئەرێ یاران بڵێن تۆخوا ، چییە بۆو دەردە دەرمانە

نەخۆشخانەی شەهیدانیش ، نزیکە و ها لە تەجریشا
چەنێ لە خوا دەترسم ، سەد بەرابەر لەو نەخۆشخانە

دەترسێم گەر کۆڕۆنا بێ و قەرنتینەم کەن و بمبەن
کەوا زیندە بە چاڵم کەن ، لە نێو ئەو گۆڕە تەنگانە

بەڵام تۆ خوا ئەگەر مردم لە جێی قورائان و فاتیحا
بە ڕەسووڵی حەمەی حاجی بڵێن لێی دا هەزار دانە

بە ماشینێ بەرەو قەبری #بەڵاچێژ بێت و ڕایگوێزێ
بە کوللێرە و کەلانە ، دامبپۆشن مەرد و مەردانە

#بێهرووز_ئەحمەدی_بەڵاچێژ 😂