‍ ‍ #بۆ_هەشتی_مارس_ڕۆژی_ژنان

ئافـەرەتی ڕێگای خزمەت گوزاری
بە دی هێنەری شنەی ڕزگاری

چەڪی شەرەفت لە شان ڪردووە
گوڵووڪی هیوات لە خوێن ناشتەوە

ئەتۆ سەمبولی ڪۆمەڵگای ئەمڕۆی
هەڵۆی بەرزەفەڕ سەرلووتکەی ئاسۆی

پێشەنگی سپای شەرەف و نامووس
ئاڵا هـــــەڵگری ڕێگای چارەنووس

مەشخەڵی ڕووناك بەرەی پێشکەوتن
ڕێبواری ڕێگای بەرزی سەرکەوتن

پەیام هێنەری ئاشتی و سەربەستی
دژ بە سەرمایە و پارە پەرستی !!

ماڵت سەنگەرە ، سەرمیچت ئاسمان
سەرینت خاڪی پاڪی ڪوردستان

ئامێری سازت چەڪی لای شانت
بـــۆنی بارووتە ، عەتری گیرفانت

تەقەی چەکەکەت مۆسیقای ژینە
جانتاڪەی ڪۆڵت هێمای ئەوینە

مێخەکی چەڪت لە بەرۆك داوە
میلیشیای ڕەشت بە چۆك هێناوە

ئەتۆ ناسنامەی سەوزی سەرچیای
تێڪەڵی بۆن و بەرامەی گیای

ورەی بەرزی تۆ داعشی بەزاند
لە قوژبن خزی و بارەگای تەزاند

شکۆت بە ملی شاخا هەڵواسی
بە پێناسەی تۆ (ڪۆبانیم)ناسی

بەرز و خۆڕاگر وەك (ئاگرینی)
ملوانکەی شینی ملی (عەفرینی)

شابازی سەرکەش سەرلووتکەی ئاسۆ
وەشەی (زاییفە) پـــووچەڵە لای تۆ

چی وشە هـەیە بـەرز و بەر بەڵاو
هەست وڕەستەی دڵ دەکەم تێکەڵاو

خۆشەویستی تۆ لە دڵ دەنێژم
شێعرێکی بەرزت بۆ دادەڕێژم

دیاریم بە بەرزی شاهۆ و نەڪەرۆز
گەشتر لە ڪلپەی ئاگــــری نەورۆز

گزنگی هەتاو ئاسۆی ئەم هۆزە!!
ڕۆژی هەشتی مارس لەتۆ پیرۆزە


✍ #سۆهراب_مورادنیا
(سیاوکام هەورامی)
۱۳۹٦٫۱۲٫۱۷کۆچی هەتاوی "ڕەشەمە"

.
هەربژی سۆهراب شۆرەت مرادنیا
کچ شانازییەو هەڵۆی سەر چیا

ژن دایکی نیشتمان گەل وپیاوە
ئەرکی شەڕەفە پێ ی سپێراوە

نابێ وەک کۆیلە لەبۆی بڕوانین
لەجەهل ونەزان سەرچاوەبگرین

هێمای ژن وژیان لە قەڵەم بدرێ
ئەوسا ئاواتی گەلم سەر ئەگرێ

بەوێنەی پیاویەک سان ویەک دڵ
ئەوسا ناۆ گەلان نەمێنێ موشکڵ

گەل وئایین ئەمەی پێ خوەشە
ڕووی نەزانییە ئەکا هەڕەشە

شێخ پیران کچ چەکداری بو
ئایین و دینی لەلا پیرۆز بو

جەهل ونەزانی ئسلام پێچاێەو
لای ئێمە مانا بۆ چە هەرماێەو

خەێاڵیش بەدڵ ئەمەی پێ خوەشە
جەهل نەیار نەزان ئەکەن هەڕەشە

سەید غەێاسەدین نەقشبەندی

۱۵ڕەشەمەی۲۷۲۱ی کوردی


کاناڵی ژیان جوانە
@Mostafazadeh2

🎧گۆرانیێوە وەشە و دڵنشینە:
#نەورۆز🔥

#مێژوو_شاهێده_که_ئێمه_ڪوردین
#بۆ_دۆسمان_ئاوو_بۆ_دۆژمن_بەردین✌️✌️😊

🎙دەنگ:
#بەختیار_ساڵەح

پێشکەشتا بۆ ئازیزا...💐


کاناڵی ژیان جوانە
@Mostafazadeh2

#بۆ بزەی لێو

لە بۆکان پرێس وەرگیراوە

پیاوێک زۆر نەخۆش ئەبێ، دەچێتە لای دوکتۆر پشکنین دەکا شێرپەنجەی دەبێت و دوکتۆر پێی دەڵێ:
بەداخەوە 24 کاتژمێرت ماوە لە ژیاندا
کابراش دەچێتەوە بۆ ماڵ و بە ژنەکەی دەڵێ 24 کاتژمێرم ماوە سەروپێیەکی خۆشم بۆ لێبنێ.
ژنەکەشی بۆی ئامادە دەکا و ئێوارە دەیخوات
کاتژمێر 9ی شەو بە ژنەکەی دەڵێ خۆ هەر ئەمرم با مریشکێکیش بخۆم ، مریشکی بۆ ئامادە دەکا و دەیخوات
شەو کاتژمێر 12 ژنەکەی خەبەر دەکاتەوە دەڵێ شۆرباوێکم بۆ لێبنێ

ژنەکەشی تووڕە دەبێ دەڵێ :

بهێڵە بخەوم بەیانی پرسە و سەرەخۆشیمان هەیە


مزراویلکە

.....کاناڵی ژیان جوانە گەر چاوەکان جوان ببینن

@Mostafazadeh2

#بۆ_بزەی_لێوتان

چێشت درووس کردنی تازه بووک لە بەر چاو خەسوو😂



کاناڵی ژیان جوانە گەر چاوەکان جوان ببینن

@Mostafazadeh2

پێشکەش بە هەموو
کوردەکانی ـــ کرمانج

پێتوایە لەبەرچی ئێمە لێرە ماینەوە؟

ئێمە یان دووریان خستووینەتەوە یان بۆ شەڕ و پێکدادان لەگەڵ ئەفغانەکان، تورکمەنەکان و تاتارەکان هێناویانینە ئەو سەری مەملەکەت.
ئێمە هەموو #شمشیر و سپەری ئەم نیشتمانە بووین، سینگی ئێمە قەڵغانی گوللە بووە بەڵام تا ئەو وەختە بەکار هاتووین کە گیانمان بەخت کردووە و خۆێنمان داوە، پاشان کە حکوومەت زاڵ بووە و بە مەبەست و ئاواتی خۆی گەیشتووە ئیتر ئێمە لەبیر کراوین،ئەوجار دەبوایە بگەڕێینەوە لەگەڵ خۆمان و کێشەوگرفتەکانم شەڕ بکەین. کاری ئەمڕۆ و دوێنێ نیە ئێمە لەگەڵ نادر شمشیرمان وەشاندووە، شان بە شانی تاومان داوە.
چووزانم چەند سەد ساڵ لەوە پێش کە #شاعەبباس ئێمەی لە زێدی خۆمان هەڵکەند و بۆ ئێرەی هێناین تا بە سینگی پیاوانی ئێمە لەپێش تاتارەکان پەرژین و دیوار درووست بکات.
لەبەر تۆپی عوسمانییەکانی لابردین و لە بەرامبەر شمشیری تاتارەکانی داناین.
ئێمە هەمیشە گیانفیدا بووین، شمشیری هێرش و شاڵاو هەمیشە لەپێشدا سینگی ئێمەی شەق کردووە بەڵام هەرکە لە سەختی و دژوارییەکان دەرباز بووە و مەترسی لەسەر نەماوە هەر کەسەو ڕۆیشتووە لەبان تەختی خۆی دانیشتووە ئێمەش دەماینەوە لەگەڵ ئەو چوار سەرە بزنە و بیابانێکی بێ‌سەمەر، هەوری بێ باران و ئەرباب‌گەلێک کە هەر کامیان وەک ماری ئەفعی لەسەر زەویی زەوتکراو و تاڵانی خۆیان قەفیان خواردووە تا بە نرخی خوێنی بابیان بابەتی لەوەڕگە و تاڵاو کرێمان لێ وەرگرن، بەڵام تۆ کە هێشتا گەنجی و ناتەوێ لە گوێی بگری کە ئێمە هەمیشە سەرچاوەی ڕزق و‌ ڕۆزی، خێر و بەرەکەتی ئەم مەملەکەتە بووین.
#خوشک و برای
کوردی کرمانج
شانازی بکە بە زمانی دایکی خۆت سەرت بەرز کەوە و بە شانازییەوە بڵێ من کوردی کرمانجم... #بۆ_بە_فارسی_قسە_دەکەی؟؟
📝حەسەن ڕەزازادە
وەرگێڕان:کامیل ئاغابەیگ پوور
۲٦ی بەفرانباری۲۷۲۲ی کوردی


کاناڵی ژیان جوانە گەر چاوەکان جوان ببینن

@Mostafazadeh2

تاقانەی ماڵ باوکم
بەشی۱
#بۆ_مێرمنداڵان(نوجوانان)

شەوێک لە تلگرام،لە لایەن کەسێک بە ناو شنە تاقانە،نامەیێکی بۆهات.پرۆفایلەکەی وێنەی کچێک بوو.دوای سڵاو و هەواڵپرسی،وتی:"ئەوە وێنەی خۆتە داتناوە؟"ئاکام وتی:"ئەرێ وەڵا.تۆ چی؟"کچەکە کردیە جواب:"ئەرێ خۆمم.بێسە لەوە جوانتریشم هەیە!"شەش وێنەی نارد.دانێ بە مانتۆی قوتابخانە،دوان بە جل کوردی،سیانیش بە جل ناو ماڵ."

ئالان هات بۆ دیوەکە.ئاکام دەسی گرت و بردی بۆ هاڵەکە.بانگی کرد:"دادە ڕۆژان،ئالان نایەڵێ دەرسەکەم بخوێنم."ڕۆژان وتی:"قەزات درگاکە ببەسە!"ئاکام بە پەلە درگای بەست و هاتۆ بۆ لای موبایل.وێنەکانی دانە بە دانە تماشا کرد.چەن جار سەر و چاوی نزیک کردۆ.ناحەقی نەبوو زۆر جوان بوو.بەر لەوەی دوولایەنە بیسڕێتۆ،ئازا لە ناو موبایلەکەی،هەڵی گرت.نووسی:"ناوت چیە؟"جوابی داوۆ:"من شنەم.کچە تاقانەی ماڵ باوکم.تۆ چی؟"ئاکام وتی:"منیش ناوم ئاکامە.ڕۆژان خوشکم پێنج ساڵ لە من گەورەترە.برا چکۆلەکەیشم ئالان،دوو ساڵیە."

سەعات بوو بە دوانزەی شەو.ڕۆژان تەقەی دا لە درگا و وتی:"ئاکام گیان،ماوتە؟دێرە باوانم،بەیانی خەبەرت نابێتۆ!"وتی:"دادە گیان،کارێ وەهام نەماوە ئیسە ئەخەوم."خواحافیزی کرد لە شنە.نامەکانی سڕیۆ.موبایلەکەی قفڵ کرد و چوە ناو جێگە.شەوان تر تا سەری ئەخستە سەر سەرین،خەوی لێ ئەکەوت،بەڵام ئەو شەوە ئەتوت چاوی بە حەوت ئاو شۆراوە.

تا نیوەی شەو،ئەم شان و ئەوشانی کرد،خەوی لێ نەکەوت.هەڵسا،موبایلی هەڵگرت،بە تاقەت سەیرێ وێنەکان شنەی کرد.موبایلی لابرد و پاڵ کەوتۆ.چاوی ئەبەست،شنە ئەهاتە بەر چاوی.چەن خولەک جارێ،سەیرێ وێنەکانی ئەکرد.تا دەمەو ڕۆژ،وەک مار ناو بێشە،خشەی هات.نازانم کەی خەوێ لێ کەوت.

بەیانی ڕۆژان بانگی لێکرد،چاوی ئەتوت خوێی تێکراوە.لارەلار هەڵسا.دەموچاوێ شۆرد و هاتە سەر سفرە.نان و چایی خوارد و چوو بۆ دیوەکەی،خۆی بگۆڕێت.شنە کەوتە بیری.بە پەلە سەیرێ وێنەکانی کرد.تلگرامی کردۆ.دوای خواحافیزی نووسی بووی:"بێ ڕەحم چۆن دڵت هات شنە تاقانەت جێ هێشت؟"ئاکام نووسی:"عەفوو کە،ئەبوایێ بەیانی زوو هەڵسایەم.ئیسە ئەڕۆم بۆ قوتابخانە.هاتمۆ پەیامت بۆ ئەنێرم."موبایلی کوژاندۆ و خستیە ناو کەشاوەکە.

ئەو ڕۆژە بە جێگەی دەرس و گوێ گرتن بۆ مامۆستا،بیرێکی لە لای شنە بوو:"تۆ بڵێی جوابی دابێتۆ؟ئەگەر پەیام نەنێرێتۆ،چی؟"بە سەر ئەمەیشا،لە بەر بێ خەوی چاوی قورس بوو.سەری هاتبوە ئێش.خواخوای بوو،بە زوویی بڕواتۆ بۆ ماڵۆ.

نیوەڕۆ کە هاتۆ،بەر لە هەموو شتێک موبایلی ڕۆشن کرد.ئازا چوە تلگرام.شنە پەیامی نەکردبوۆ.دەورێ تماشای وێنەکانی کرد و خۆی گۆڕی.دایکی وتی:"کوڕەکەم،زووکە دەس و دەمووچاوت بشۆرە،چێشتەکەت ساردۆ بوو."ئەونە خەوی ئەهات،ئەوە حاڵ نەبوو تا نانی خوارد.دوای نان چوو بۆ ژوورەکەی خۆی.تلگرامی کردۆ.خەبەرێ لە شنە نەبوو.سەیرێ تر وێنەکانی کرد و خەوی لێ کەوت.تا دوای عەسر،مووی نەجووڵاوۆ.سەعات چوار،دایکی بانکی لێکرد.تا چاوی کردۆ،کەوتە بیر شنە.سەیر تلگرامی کرد،شنە نووسی بووی:"دڵەکەم،ئیسە وەختم نیە.شەو پەیامت بۆ ئەنێرم."تا وشەی دڵەکەمی بینی،دڵی جۆرێکی لێهات.تا ئێوارە،لەوانەیە،پەنجا جار ئەو نامەیەی خوێندبێتۆ.ئیتر سەیر کردن وێنە با بمێنێت!

کۆتایی بەشی۱


#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


  چیرۆک و بەسەرهات

@noman_barzegar


https://biaupload.com/do.php?imgf=org-3d19023db5731.jpg

تاقانەی ماڵ باوکم
#بۆ_مێرمنداڵان(نوجوانان)
بەشی ۲

ئەو عەسرە تا ئێوارە بە ساڵێک تێپەڕی.جار بە جار سەردان تلگرامی ئەکرد.ئێوارە شنە دیار نەبوو.نان و چایی خورا،چایی دوای نان خورا،شنە هەر دیار نەبوو.ڕۆژان وتی:"ئاکام گیان،دەرس و کتێبت نیە،ئاوا بێ خەیاڵ دانیشتووی؟"ئاکام وتی:"ئیسە ئەڕۆم بۆ ژوورەکەی خۆم.درگایش ئەبەسم با ئالان،ئەونە هاتووچوو نەکات."

کتێبەکانی دانا و تەمای بوو دەرسەکانی ئامادە کات بۆ بەیانی.دڵێکی هەر لە لای شنە بوو.زوو زوو سەر تلگرامی ئەدا.ئاخری موبایلەکەی لە پاڵ خۆی دانا.تلگرامی کردۆ.بە حساب خەریک کتێب  و دەفتەر بوو،بەڵام گۆشەیێ چاوی لە تلگرامۆ بوو.

دەنگ نەبوو تا یانزەی شەو.شنە نامەی نارد:"سڵاو ئاکام گیان.چۆنی؟"ئاکام بە پەلە جوابی داوۆ"سڵاو شنە خان.بۆ چی ئەونە دێر هاتی؟"شنە وتی:"یانێ بێ تاقەتم بووی؟ئەی بە قوربانت بم!"ئاکام ئارەقێ زۆری کرد.دڵی کەوتە تەپەتەپ.تۆزی بە پشتا پاڵکەوت.هەڵساوۆ بۆ پەیام نووسین:"ئەرێ وەڵا لە ئێوارە تا ئیسە تەمایەرتم.تۆ خۆت وتبووت ئێوارە پەیام ئەنێرم.دەی خۆ ئیسە نیوەشەوە!"

شنە وتی:"لایبە کورە با لە سەری نەچین.بێسە وێنەیێ جوان خۆم بنێرم بۆت،با بێ تاقەتیت دەرچێت."وێنەیێکی نارد بە جل ناو ماڵۆ.سەر و باڵی ڕووت بوو.ئاکام ئازا وێنەی لە ناو موبایل هەڵگرت.دوای ماوەیێ،شنە پرسی:"بیسڕمۆ؟"وتی:"ئەرێ وەڵا دەست خۆش."

کەوتنە قسە و باس.لە بەین وتوووێژ،شنە وتی:"باشە ئەوە بۆ چی وێنەی خۆت نانێری بۆم؟تەواو بێ ڕەحمی.ئەوە چۆن دڵت تێت؟"ئاکام وێنەیێکی نارد.شنە پەیامی نووسی:"هەزار ماشااللە زۆر جوانی.وێنەت نیە بە جل ئیسراحەتۆ گرتبێتت؟"ئاکام وتی:"نەوەڵا مەگەر دوایی بۆت بگرم."شنە جوابی نووسی:"باشە عەزیز گیان.بەیانی تەمایەرتم.بەڵام لەوە ناچێ تا ئاخر شەو بتوانم بێم.نێتەکەیشم هالە تەواو بوونا.ئەگەر تەواو بێت،لەوانەیە سۆزی شەو نەتوانم بێم!"خواحافیزیان کرد.

ئاکام خراپتر لە دوێشەو،خەوی لێ شێوا.تا دەمەو ڕۆژ بێ وچان،سەیر وێنەکان شنەی کرد.بە تایبەت،ئەوەی ئیمشەو ناردی.بۆ خۆی وتی با سەردانێ گووگڵ بکەم.چەن دانە پەیام عاشقانە ئامادە کەم بۆ سوزی شەو.ماوەی نیو سەعات گەڕا.چوار پێنج دانەی پەیا کرد.دەمەو ڕۆژ خەوی لێ کەوت.

بەیانی ئەوە حاڵ نەبوو تا هەڵسا.خەو بەری نەئەدا.چاوی ئەیکزاند.پشت مل و سەری هاتبوە ئێش.نان خواردنیشی وەک جاران نەبوو.دایکی پرسی:"ڕۆڵە جۆرێکی لە بەرچاوما.نەخۆش نیت؟"ئاکام وتی:"نەوەڵا نەخۆش نیم.دەرسم زۆر بوو.بە ناچار گشتم نووسی.تا تەواوم کرد،کەوتمە دێر!"

بەر لەوەی خۆی جەم کاتۆ و ساکەکەی ئامادە کات،سەردانی تلگرامی کرد.وێنەی کوڕ و کچێکی ناردبوو.کچەکە سەری خستبوە سەر شان کوڕەکە.لە ژێریا نووسی بووی:"ئەوە من و تۆین!"ئاکامیش دانێ لەو پەیامانەی لە گووگڵ گرتبووی،ناردی.

لە قوتابخانە،حاڵی باش نەبوو.مل و ناوشانی و سەری هاتبوە ئێش.خەوی ئەهات.مامۆستا ناردی بۆ دەم و چاو شۆردن.بەوەیش نەکەوتە ڕاسە.ئەو ڕوژە،لە هیچ کام لە مامۆستاکان،یەک کەلیمە فێر نەبوو.سەر و مل ئێشە و خەو بە جێگەی خۆی،بیر کردنۆ لە شنە و وێنەکانی لە هەموو شتێک خراپتر.

کۆتایی بەشی۲

#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


  کاناڵی ژیان جوانە گەر چاوەکان جوان ببینن

@Mostafazadeh2

تاقانەی ماڵ باوکم
#بۆ_مێرمنداڵان(نوجوانان)
بەشی ۳

هاتۆ بۆ ماڵۆ،سڵاوێکی کرد و بە پەلە موبایلەکەی هەڵگرت.تلگرامی کردۆ.بزانی شنە هیچی نەناردوە.نەهاتبوە تلگرام.ئێوارە داوای لە ڕۆژان کرد،چەن دانە وێنەی بگرێت.ئەویش چوار پێنج دانەی گرت.خەبەرێ لە شنە نەبوو.بۆ یانزە و نیو،هاتە تلگرام.ئاکام ڕەنگی ڕۆشنۆ بوو.لە خۆشیا وایزانی دنیایان پێداوە.کەوتنە قسە و باس و پەیام ناردن بۆ یەک.وێنەکانی نارد.شنە نووسی:"ئەی بە قوربانت بم.چەنێ جوان و نازاری.بێسە با منیش وێنەی تازە بنێرم بۆت."وێنەیێکی نارد کە لە ناو جێگە و بە جل خەوۆ گیرا بوو.
ئاکام ئازا وێنەی لە ناو موبایل هەڵگرت.شنە پرسی:"بینیت؟بیسڕمۆ؟"ئاکام وتی :"دەست خۆش،بینیم."کەوتنە قسە و باس.ئاکام پەیامەکان وا لە گووگڵی گرتبوو،ناردی.ئەویش لە وەڵامیا چەن دانە دڵی و ماچی نارد.

ئاکام گلەیی کرد کە بۆچی بەڕۆژا دیارو نیە.لە جوابیا وتی:"کاکەم لە ماڵۆ بێت،زاتم نیە.ئیمشەویش ناتوانم زۆر ماتڵ بم.ئەنترنێتەکەم تەواو بوە.نایشتوانم بەم شەوا بڕۆم بۆ دووکان شارژ بسێنم.ئەگەر ئەتوانی تۆ بیسێنە بۆم."لە تەک قسەکەیا،وێنەیێ تری نارد.

ئاکام وێنەی بینی،لە خۆشیا وتی:"ژمارەکەتم بەرێ.با پەنجا هەزار بنێرم بۆت."شنە وتی:"شمارە ئەنێرم.بەڵام ئامان زەنگ نەدەی.نەکا کاکەم جواب بداتۆ.ئەم شمارە شەریکیمانە!"ڕەقەم تەلەفوونی نارد.ئەویش شارژی بۆ نارد.یەک دوو گوڵی نارد و گووم بوو.ئاکام یەک سەعات ماتڵ بوو نەهاتۆ.تا نزیک بانگ بەیانی،بێ بەین سەیر تلگرامی کرد.شنە نەهاتۆ.بازێ نامەی گلەیی نووسی و خەوی لێ کەوت.

بەیانی ڕۆژان بانگی لێکرد.وتی:"نەخۆشم ناتوانم هەڵسم."هەر بەڕاس لە بەر ئێش سەر و ملی،ئارام و قەراری نەبوو.چاوی ماسی بوو.دایکی تەلەفوونی کرد بۆ قوتابخانە و هەواڵ نەخۆشین ئاکامی پێدان.ئەوانیش وتیان:"قەینا با لە ماڵۆ بێت ئیمڕۆ."ئاکام سەیرێ تلگرامی کرد و خەوتۆ.

سەعات نۆ ونیو بوو،ڕۆژان هات بۆ لای ئاکام بزانێ هەڵساوە یا نە.بانگی لێکرد و وتی:"ڕاسی ئاکام گیان،تۆ بووی پەنجا هەزارت لە حیسابەکەی هەردووکمان هەڵگرت؟شەو پەیامم بۆ هاتبوو،بەیانی پێم زانی."ئاکام وتی:"ئەرێ وەڵا من بووم.پووڵم قەرز کردبوو لە ڕەفێقێکم ناردمۆ بۆی."ڕۆژان وتی:"باوانم بەو حیسابە شارژ سنیاوە.خۆ پووڵت نەناردوە بۆی."ئاکام بۆ ماوەیێ بێ دەنگ بوو.دوایی وتی:"نە هاوڕێکەم داوای لێکردم بە جێگەی قەرز،شارژی بۆ بنێرم."ڕۆژان بە ڕواڵەتیا دیار بوو باوڕی نەکردوە.بەڵام لە سەری نەچوو.

تا ئێوارە سەر تلگرامی دا،هەواڵی شنە نەبوو.تا کاتژمێر دەی شەو.تا هاتە تلگرام،کەوتنە نامە ناردن بۆ یەک و قسە و باس.لە بەین وتوو وێژ،شنە وێنەیێ خۆی نارد.ئەم وێنە جیاواز بوو لە وێنەکان تر.تەنیا سەر و دەم و چاوی داپۆشی بوو.بێ ئەوەی هیچ لە بەریا بێت.ئاکام تەواو گیانی نیشتە لەرزین.بۆ ماوەیێ زمانی بەسرا.دوایی تۆزێ حاڵی هاتە سەر خۆی.وێنە لە ناو موبایلەکەی هەڵگرت.
شنە زانی وێنەکە کار خۆی کردوە،داوای وێنەی ڕووتی کرد.ئاکام،ئەوەڵ جار ڕازی نەبوو.تا ئەوەی شنە پەیامی نارد:"یانێ تۆ باوڕت نیە بە من؟ئەی من چۆن متمانەت پێ ئەکەم و وێنەی خۆم ئەنێرم؟زووکە.ماتڵم.ئەگەر نەینێری،بۆ هەمیشە ماڵاواییت لێ ئەکەم.من ناتوانم لە گەل کەسێک هاوڕێ بم،کە متمانەی نەبێت پێم!"

ئاکام بە ژێر کراسیۆ،وەینەیێ سلفی خۆی گرت و ناردی.شنە بەوە ڕازی نەبوو.داوای لێکرد،ژێرکراسیەکەی لابات.بە دڵەلەرزێ،ژێر کراسی داکەند و وێنەی خۆی گرت.بەڵام وەختێ ناردی،سەر خوی قرتاند.شنە بازێ دڵ و ماچ و گوڵی نارد.لەپڕا وتی :"کاکەم."ئیتر نەهاتۆ.ئاکام تا دەمەو ڕۆژ زیتەی چاوی هات.ئیسە و ئیسە هەواڵێ لە شنە نەبوو.سەد جار تماشای وێنەکان شنەی کردوە تا دەمەوڕوژ.بە تایبەت دوایین وێنە!

لەو ڕۆژە بەدوا،خەو و خواردنی لێ حەرام بوو.دەرس و کتێبی وێڵ کرد.خەو و خواردن و کتێب و مامۆستای بوو بە شنە.بە ڕۆژا،ئەوەندە بێ تاقەتی ئەبوو،خەریک بوو شێت بێت.ماڵ باوکی شکیان خست.زانیان دەردێکی هەیە!

کۆتایی بەشی۳


#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


  چیرۆک و بەسەرهات

@noman_barzegar

https://biaupload.com/do.php?imgf=org-345ad47e70a33.jpg

تاقانەی ماڵ باوکم
#بۆ_مێرمنداڵان(نوجوانان)
بەشی ٤

شەوێک شنە داوای وێنەی دایکی و ڕۆژانی کرد.ئەویش تەنیا وێنەیێ پێنج نەفەریان بوو ناردی.وتی:"چەنێ جوانە دادەت!وێنەی تەنیات نیە؟تەواو جوانە."وتی:"نەوەڵا نیمە."ماوەیێ قسەوباسیان کرد.ئاکام وتی:"شنە گیان،ئەکرێت ڕۆژێ بتبینم؟زۆر بێ تاقەتتم!"شنە وتی:"ماڵمان دوورە .ئەو مەسیرە تاکسی نیە.ئەبێت ماشین بگرم.دەی بە خوا کرێ ماشینم نیە.باوکم نەخۆشه.ڕویشم نیە داوای پووڵ بکەم لە دایکم.زاتم نیە داوا لە کاکەیشم بکەم.بێتوو بزانێ تووڕە ئەبێت.ئەگەر تۆ پووڵت هەیە،با بێم بتبینم."ئاکام کردیە جواب:"بە خوا حیساب من و دادەم یەکێکە.هەر پووڵێک بگیرێت ،پەیامی بۆ ئەڕوات و ئەزانێت."شنە نووسی:"وەختێ ئەزانی ئەوە حاڵتە،بۆ چی داوای چاوپێکەوتن ئەکەی؟!"

ئاکام وتی:"ئەتوانین کارێ تر بکەین.من شوێنێک دیاری ئەکەم.لەوێ ماتڵت ئەبم.تۆیش ماشینێ بگرە و بێ.کە گەیشتی،خۆم کرێ ئەدەم بە کابرا."شنە وتی:"ماڵتان هالە کوێ؟دوورە لە نەخۆشحانە؟"وتی:"نەوەڵا نزیکین."شنە نووسی:"تۆ ئەتوانی بەیانی پووڵەکەت ببەی بۆ نەخۆشخانە؟لەویا لە لای نگابانەکە ماتڵ بە.زاواکەمان لەوێ کار ئەکات.خۆی تێت بۆ لات.ئەپرسێ :"تۆ ئاکامی؟"تۆیش پووڵەکەی پێ بە."ئاکام وتی:"چەنێ؟سەد هەزار باشە؟"ئیستیکرێ گریانی نارد و نووسی:"یانێ تۆ ئاوا ڕێز دائەنی بۆ هاتنەکەم؟ئەمە بوو خۆشەویسیەکەت؟نەوەڵا لە دووسەد کەمتر نەبێت."

چەن دانەی تر وێنەی نارد بۆ ئاکام.ئاکامیش وایەزانی هەنگی لە ناو دار گوێز دۆزیوەسۆ.دوای خواحافیزیان کرد و نووسی  بە هیوای دیدار شنەگیان،خەوی لێ کەوت.بەیانی زوو هەڵسا.تلگرامی کردۆ.پەیامی دانابوو:"قەزات لە گیانم،ئیمڕۆ ئەتبینم!زوو پووڵەکە ببە.با نیوەڕۆ بگاتە دەسم!زاواکەمان،سەعات دوانزەی نیوەڕۆ ماتڵتە."

ئەو ڕۆژە پێنج شەممە بوو.قوتابخانە نەبوو.بەیانی سەعات دە هەڵسا لە خەو.
دایکی چوو بۆ نان گرتن،ئەمیش بە فرسەتی زانی.خێرا چوو بۆ ئاشپزخانە درگای کابینتی کردۆ.لەو پووڵەی وا باوکی،داینابوو بۆ خەرجی ماڵۆ،دوو سەد هەزاری هەڵگرت.دەسی ئەلەرزی.ئارقێ زۆری کردبوو.ئەگەر لە ماڵۆ بزانن،وەڵامی چی بێت؟پەشیمانۆ بوو.پووڵەکەی خستۆ ناو پووڵەکە.گەڕاوۆ بۆ ژوورەکەی خۆی.سەیرێ وێنەکانی کرد.لە دڵ خۆیۆ،بە حەیفی زانی،شنە نەبینێت.دووبارە هاتۆ بۆ گیان کابینت.دووسەد هەزارەکەی هەڵگرت و خستیە گیرفانی.خۆی جەم کردۆ
و لە سەر وەخت گەیشتە سەر قەرار.لە لای نگابان ماتڵ بوو،کابرایێ هات بۆ لای و پرسی:"تۆ ئاکامی؟پووڵەکەی شنەت هێناوە؟"ئەویش ئازا پووڵەکەی پێدا.بە پەلە هاتۆ بۆ ماڵۆ.موبایلی هەڵگرت و تەمایەر پەیام شنە بوو.تا ئێوارە هەواڵێ لە شنە نەبوو.

دایکی پرسی:"ئەوە ڕۆڵە نیوەڕۆ بۆ کوێ چووی؟"وتی:"کتێبێ میران هاوڕێم بەلامۆ بوو،بردمۆ بۆی!"دوای نیو سەعاتێ،دایکی سەیر کابینی کرد.زانی پووڵەکە دەسکاری کراوە.پرسی:"ئاکام گیان،دەست داوە لەم پووڵە؟لێت هەڵگرتوە؟:"وتی:"نەوەڵا دایە گیان پووڵم بۆ چیە؟!"ئێوارە ڕۆژان لە قوتابخانە هاتۆ،لەویشی پرسی.ڕۆژان وتی:"نازانم بە خوا.من تا ئیسە بێ پرس،یەک تمەن پووڵم نەبردوە."ئاکام وتی:"کورە خۆت شتت سەندوە بۆ ماڵۆ.ئەوە ئیسە لە بیرت نیە!"

شەو،شنە پەیامی نارد:"بوەخشە ئاکام گیان،ئیمڕۆ خەجاڵەت لای تۆ بووم.خۆم جەم کردۆ بێم بۆ لات،کاکەم هاتۆ بۆ ماڵۆ،ئیتر نەمتوانی بێم.ئەگەر ماین بۆ دەرفەتێ تر."چواردانە وێنە و دوو دانە پەیام عاشقانەی نارد.ئاکام لە خۆشیا،لەبیری چوو کە تەمایەری کێشاوە.

شنە دیسان داوای وێنەی ڕۆژانی کرد.ئاکام وتی:"بە خوا هەر ئەو دانەمە بوو کە دوێشەو ناردم."نووسی:"دەی بۆچی وێنەت لێ نەگرت؟بۆ بەیانی تەمایەرم بگری بۆم."ئاکام قەوڵی دا،وێنەی ڕۆژان بگرێت بۆی!

کۆتایی بەشی٤


#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


 کاناڵی ژیان جوانە گەر چاوەکان جوان ببینن

@Mostafazadeh2

تاقانەی ماڵ باوکم
#بۆ_مێرمنداڵان(نوجوانان)
بەشی ٥

قسه و باس لە گەل شنە بوو بە کار هەموو شەوێک ئاکام.لە دیوەکەی خوی زیندان ئەکرد و بە بیانووی عەزیت کردن ئالان برای،درگای ئەبەست.لە ماڵۆ وایانەزانی خەریک دەرس و کتێبە.

شەوێک وتی بە ڕۆژان:"دادە با چەن دانە وێنەت لێ بگرم!"ڕۆژان بە پێکەنینۆ وتی:"چیە باوانم،بێ تاقەتم ئەبیت؟باشە ئەوە من ئامادەم."ئاکام وتی:"جا بۆ چی عەیبە ئەگەر کەسێ بێ تاقەت دادەی ببێت؟"وتی:"نەوەڵا.کورە شۆخیم کرد."چوار پێنج دانە وێنەی گرت.دوایی لە وەخت چەت کردن،ناردی بۆ شنە.وێنەکانی بینی،کەوتە تاریف کردنی:"ماشااللە دادەت زۆر جوانە.خوا لە یەکتان نەکات.دەی بە وەڵا خوشک من بوایێ،ڕۆژێ سەد ماچم ئەکرد.تۆ بڕوا ئەو باڵا.ئەو چاوانە."ئاکام وتی:"چەنێ جوانە،سەد ئەوەندە  ژیر و کچە باشەیە.دایە گەورەم دایمە ئێژێت:"خۆزگەم بەوماڵە،ڕۆژان ئەبێت بە کەیبانووی."

دوای ماوەیێ تر شنە وتی:"ئەوە بۆ چی بە جل ناوماڵیشۆ وێنەت نەگرتوە لە دادەت؟وتی:"دادەم هەر وا دائەنیشێت.تاقەت بازێ جلی نیە.مەگەر لە دیوەکەی خۆی،یا وەخت خەوتن."
شنە وتی:"دەی تۆیش لە دیوەکەی خۆی،وێنەی بگرە.با بزانم بەو جلانیشۆ جوانە!"ئاکام وتی:"بە خوا برا ڕووم نیە!"

سەعات بوو بە دوانزەی شەو.شنە کاکەی کردە بەهانەی و خواحافیزی کرد.ئاکام نووسی:"باشە تۆ بۆ چی موبایلت نیە؟ئاخر چۆن ئەبێت،دوو نەفەر و یەک موبایل؟خۆ لەم دەورە و زەمانە،مناڵ سێ ساڵانیش هەیەسی!"شنە کردیە جواب:"ٚڕاسەکەی وەڵا.منیش هەسم.بەڵام خراپ بوە.تا ئەیبەم بۆ وەستا و خاسی ئەکەمۆ ناچارم موبایل کاکەم بگرم بە دەسمۆ!"وەکوو هەموو کاتەکان تر دانێ وێنەی خۆی نارد.هەموو بە جل خەوتن و ناو ماڵ.

ئاکام،بەیانیەکەی چەن جار ویستی داوا بکات لە دادەی ئیجازەی پێ بدات،لە ژوورەکەی خوی و بەو جلانۆ وێنەی بگرێت،بەڵام ڕووی نەبوو.شەو دیسان شنە داوای وێنەی ڕوژانی کرد.ئاکام وتی:"دەی بە خوا نەمتوانی!"شنە تووڕە بوو:"ئەمە بوو قەوڵ و قەرارت؟ئاوا بە تەمای تاقانەی ماڵ باوکم ببێت بە هێن تۆ؟"ئاکام نووسی:"خەجاڵەتم.دەی چی بکەم؟"شنە وتی:"ئەگەر گەرەکتە من،شنەی تۆ بم،بە دزیشۆ بوە،وێنەی بگرە بۆم.جا چەنێکی پێ ئەچێت؟من بم بەیانی زوو لە ناو جێگە،وێنەی لێ ئەگرم.ئەو هەر نازانێ بە خۆی!من ئەمانە نازانم.بەهانەیشم ناوێت.یا وێنە دادەت،یا خواحافیز!"
ئاکام پەیام زوری نووسی،شنە جوابی نەداوۆ.تا دەمە و ڕۆژ ماتڵی بوو،نەهاتۆ.

جاران،دەمەو ڕۆژ خەوی لێ ئەکەوت،ئەمڕا ئەو یەک سەعاتە خەویشە نەما.گیری کردبوو.لە لایێک،دڵی نەئەهات،خیانەت بکات بە دادەی.لەولایشۆ،حەزی نەئەکرد شنە لە دەس بدات.

ئەو بەیانیە چوو بۆ ژوورەکەی ڕۆژان.پەتوو نەبوو بە سەریۆ.بە تەما بوو وێنەی لێ بگرێت.دەسی ئەلەرزی.قوڕگی وشک بوو.دڵی وەک ئاشە بەرد ئەیکوتا.دڵی هەڵ ئەشێوا.هەرچێکی کرد نەیتوانی.ماچێ دەس دادەی کرد و گەڕاوۆ بۆ ژوورەکەی خۆی.پاڵکەوت و زۆرێ زۆر گریا.

کۆتایی بەشی٥


#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


  چیرۆک و بەسەرهات

@noman_barzegar


کاناڵی ژیان جوانە گەر چاوەکان جوان ببینن

@Mostafazadeh2

تاقانەی ماڵ باوکم
#بۆ_مێرمنداڵان(نوجوانان)
بەشی٦

ئەو ڕۆژە،هەر وەکوو ڕۆژەکان تر،تا شەو هیچ هەواڵێ لە شنە نەبوو.ئاکام چەن دانە وێنەی سلفی خۆی و چەن نامەی عاشقانەی نارد.سەعات یانزە و نیو،هاتە تلگرام و پەیامەکانی بینی.دوای سڵاو و هەواڵپرسی،چەن دانە گوڵ و ئیستیکری نارد.دوایی نووسی:"وێنەت ناردبوو،وامزانی هین ڕۆژان خوشکتە.وێنەت گرت؟بینێرە ماتڵم."ئاکام وتی:"بە خوا نەمتوانی.میوانمان بوو.ڕێگە نەبوو.مەگەر بۆ ڕۆژێ تر."شنە گووم بوو.

ئاکام تا دووی نیوەشەو ماتڵی بوو.ئیسە و ئیسە نەهاتۆ.سەعات حەوت بەیانی هاتۆ تلگرام.نووسی:"تۆ درۆت داوە تەکما.لە داخا جێتم هێشت.بۆ وێنەیێ ئاوا درۆ ئەکەی،چ مەعلووم چوار ڕوژتر هەزار درۆ نەکەی!"ئاکام نووسی:"با میوانەکانمان بڕۆنۆ.بە سەرچاو ئەگرم بۆت.لە دێهاتۆ هاتوون،جارێ ناچنۆ."

شنە ماوەیێ گووم بوو.دیسان هاتۆ.وتی:"قەینا وەێنەیێ خۆت بگرە بۆم با دڵم خاس بێت."ئەویش ئازا گرتی و ناردی.سەیری کرد و نووسی:"وێنەی وهام ناوێت.تازە من و تۆ غەریبە نین.جلەکانت داکەنە."لە تەک قسەکەیا،وێنەی خۆی نارد،هیچ لە بەریا نەبوو،تەنیا پەتوێکی دابوە دەور خۆی.ئاکامیش وەک ئەو جلی داکەند و پەتووی دا دەور خۆی و وێنەی گرت و ناردی.

شنە وتی"با من بڕۆم.کاکەم تەمایەرمە،موبایلەکەی پێ ویستە."ئاکام وتی:"تۆ خوا موبایلەکەی خۆت خاس کەرۆ."جوابی داوۆ:"بە خوا خۆیشم حەز بەمە ناکەم.ئەو ڕۆژە دووسەد هەزارت ناردبوو بۆم.دە جار ماچم کرد.ناحەقم نەبوو.لە لایەن نازارەکەمۆ هاتبوو.ئەگەر بتوانی پێنسەد ترم بۆ جۆر کەی،موبایلەکەی خۆم خاس ئەکەمۆ!"

ئاکام ماوەیێ بێ دەنگ بوو.دوایی نووسی:"بە خوا بۆم جۆر نابێت.ئەوە حاڵ نەبوو،تا پووڵەکەی ئەوڕام جۆر کرد."شنە نووسی:"باشە.وەختێ پێت خۆش نیە،زۆرت لێ ناکەم.با من بڕۆم کاکەم ماتڵە.ڕاسی بۆ تاران ئەروات،تا بێتۆ من موبایلم نیە!"

سێ شەو و سێ ڕوژ،هیچ خەبەرێ لە شنە نەبوو.ئاکام زۆر بێ تاقەت بوو.سەدان نامەی نارد.باس بێ تاقەتی.دووری.خەو و خواردنی لێ بوو بە زەهرەمار.کەس زاتی نەبوو لە گەلیا قسە بکات.لە حەق و ناحەق تووڕە ئەبوو.گیری ئەدا بە ئالان.یەک دوو ڕا ،ڕۆژان فریا نەکەوتایێ لێی ئەدا.مەگەر خوا بزانێ چەن جار تماشای وێنەکان شنەی کرد.ئەو چەن ڕۆژە بە بیس ساڵ تێپەڕی.تا ئاخری شنە پەیا بوو.ئاکام کەوتە گلەیی کردن:"شنە گیان،تاقانەکەم،بۆ دیار نەبووی؟مەگەر نازانێ بێ تۆ شێت ئەبم؟مەگەر هەر خۆم بزانم چەنێ بێ تاقەتت بووم.وەڵا ئەم سێ ڕوژە نەمردم بەم زوانە نامرم."

شنە ئیستیکر پێکەنینێکی نارد و نووسی:"ئەی بە قوربانت بم.خۆ من وتم کاکەم ئەڕوات بۆ تاران.ئەو لە ماڵۆ نەبێت،من موبایلم نیە.ئەوە بوو تۆیش وتت ناتوانم پووڵ جۆر کەم بۆ خاسۆ کردن موبایل.جا خۆ هەر ئەو سێ ڕۆژە نیە.لەوانەیە کاکەم زەماوەن بکات و بڕواتە ناو ماڵ خۆی.ئەمجارە ئەبێت بۆ هەمیشە تاقانەی ماڵ باوکم لە دەس بەی."

کۆتایی بەشی٦


#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


 
کاناڵی ژیان جوانە گەر چاوەکان جوان ببینن

@Mostafazadeh2

تاقانەی ماڵ باوکم
#بۆ_مێرمنداڵان(نوجوانان)
بەشی۷

وەختێ باس دوور کەوتنەوەی شنەی بیست،تەواو شێت بوو.سێ ڕۆژ نەبوو ئەونە بێ تاقەت بوو،ئیسە بێ دیار ئەوە بۆ هەمیشە بڕوات.دڵی گیرا بوو.نەیەزانی چی بکات.چەن جار سەر پووڵ ناو کابینتەکەی دا.ئەگەر خەرج موبایلەکەی شنەی لێ بدات،گشتی ئەزانێت.پێنسەد هەزار بەو ئاسانیە ناشاریێتۆ.ئەو ڕۆژە زیاتر لە دە جار سەر پارەکەی دا.بەڵام زاتی نەبوو لێی هەڵ بگرێت.

شەو شنە هاتە تلگرام نووسی:"کاکەم زەماوەن ئەکات.لە ئیمشەو زیاتر ناتوانم بێم.با هەر ئیسە خەبەرت پێ بەم!"ئاکام کردیە جواب:"بۆ خاتر خوا قسەی وا نەکەی.وەڵا یەک شەو نەبیت ،شێت ئەبم."شنە وتی:"نازارەکەم،منیش بێ تاقەت تۆ ئەبم،بەڵام چارە چیە.موبایلم نیە.بە خوا پووڵم ببێت،بەیانی خاسی ئەکەمۆ.دەی خۆ بێ پووڵ نابێت.تۆ بزانە کەسێ نیە بازێکی لێ قەرز کەی.دوایی لە گیرفان خۆت،بەرەبەرە ئەیدەیتۆ پێی."وتی:"نەوەڵا.جار بە جار لە دادەم قەرز ئەکەم.ئیسە داوای ئەو پووڵە بکەم،لەوانەیە شک بخات."شنە نووسی:"ئای ناو دادەت برد،کەوتە بیرم.وێنەت گرت؟کامە بینێرە بۆم!"ئاکام وتی:"تا دوێکە میوانمان بوو.ئیمڕۆیش نەمتوانی.بەشکەم لە دەرفەتێکا بتوانم."شنە وتی:"جا دەرفەتی بۆ چیە؟لە خەوا لێی بگرە.یا وەختێ لە قوتابخانە هاتۆ،موبایلەکەت لە دیوەکەی بخە سەر فیلم گرتن و بیشارۆ.با ئەو جل بگۆڕێت و نەزانێ بە خۆی.دوایی فیلمەکەی بنێرە بۆ من.بزانم جەستەی کاممان جوانە.من تۆزێ حەسوودم.حەز ناکەم هیچ کچێک وەک خۆم جوان بێت.پێم خۆشە هەتاهەتایی،تاقانە بم!"ئاکام دیسان قەوڵی پێدا.وەخت خواحافیزی،شنە وتی:"ئەگەر پارەکەت جۆر کرد،بەیانی سەعات دەی بەیانی وەک ئەو ڕا،بیدە بە دەس زاواکەمانۆ.لێی مەترسە.لە برا خاسترە بۆ من."
ئاکام تا مەلا بانگدان بەیانی خەو نەچوە چاوی.چەن جار سەر پووڵ ناو کابینتی دا.ئاخری بە دڵقەکۆ هێنای بۆ دیوەکەی خۆی.ژماردی.شەسەد هەزار بوو.هەر جور بیری لێکردۆ،ئەگەر پێنسەدی لێ ببات،دیاری ئەدات و پێی ئەزانن.ماوەیێ بیری لێکردۆ.:"بۆ چی گیرفان پانتۆڵەکەی باوکم نەگەڕم.خۆ لە هاڵەکە بە سەر موبلەکە دایناوە.کورە ئیسە چووزانێ چەنێ هالە گیرفانیا؟"بە پەلە چوو پانتۆڵەکەی هێنا بۆ ژوورەکە.دوو ملوێن سپاچەکی تیا بوو.دەی دانەی لێ جیاکردۆ و پانتۆڵی دەق کرد وەک خۆی دایناوۆ.پووڵەکەی ماڵویشی خستۆ ناو کابینت.

هەواڵی دا بە شنە کە پوولی جۆر کردوە، ئەویش وتی:" ئەی قەزات ئاکام گیان هەر ئەمزانی تۆ بێ من ناتکرێت!"بەیانی بەر لە سەعات دە،لە جێگەی ئەوڕا ماتڵ بوو.زاواکەیان هات.پارەکەی پێدا.دەس خۆش بوونی کرد و چوو.ئاکامیش هاتۆ بۆ ماڵۆ.لە تلگرام تا شەو تەمایەری بوو نەهات.شەوەکەیشی تا بەیانی،دیاری نەبوو.کاتژمێر شەش بەیانی هات.دوای سڵاو و هەواڵپرسی،دەس خۆش بوونی کرد و نووسی:"پارە و موبایلم داوە بە کابرا.بەشکەم ئەونە ماتڵی نەکات."گشتی چوار پێنج خولەک قسەیان کرد.کاکەی کردە بەهانە و خواحافیزی کرد.

قوتابخانەی بە تەوای وێڵ کرد.کتێب و دەفتەری نیا تاقۆ.ڕۆژێ نەخۆش بوو.ڕۆژێ لە لایەن مەدرەسە بۆ سینما ئەچوون.ڕوژێ مامۆستا وتبووی بڕۆنۆ.گشتی درۆ بوو.ڕۆژان چەن جار بە دایکوو و باوکی وت:"ئاکام جۆرێکە هەڵس و کەوتی.لەوە ناچێ ڕاس کات.بۆ خاتر خوا هەواڵێکی بزانن.ئێوە نەڕۆن،ناچارم خۆم بڕۆم."

ئێوارە وەختێ ڕۆژان هاتۆ،بەر لەوەی خۆی بگۆڕێت،تا پەرداخی ئاوی خواردۆ،ئاکام بە پەلە چوو بۆ ژوورەکەی.موبایلی خستە سەر فیلم گرتن و لە پاڵ مانیتۆر کامپیوترەکە داینا.خوی هاتە دەرۆ.دەس و پای وەک بی ئەلەرزی.دڵی کەوتبوە تەپەتەپ.ناو شانی بووبوو بە ئاو.دەمی تاڵ بوو.ڕۆژان دەس و دەموو چاوێکی شۆرد.وشکی کردۆ و وتی:"ئاکام گیان،لێمان ناپرسی برا.تەواو بێ ڕەحمی.دایمە لەو دیوە خوت زیندان کردوە.ئا بێرۆ."ئاکامی گرت و باوشی پیا کرد.چەن جار ماچی کرد و وتی:"قەزات لە من باوانەکەم.ئەگەر بزانی چەنێ دڵم پێت خۆشە؟"ئاکام دڵی پڕ بوو.دەسی کردە گریان.ڕۆژان وتی:"حەی لەو پشتیوانمە.تۆ خوا دڵم بە کێ خۆشە؟!"
ڕوژان بە تەما بوو بڕوات خۆی بگۆڕێ،ئاکام وایزانی بە دار داویانە بە سەریا.بەر چاوی ڕەش بوو.بە پەلە چوە دیوەکە و موبایلەکەی هێنا دەرۆ.

ڕۆژان پرسی:"بۆ چی دڵت پرە؟مەگەر نازانی تۆ ناڕەحەت بیت،منیش دنیا ئەڕووخێت بە سەرما؟"وتی:"هیچ نیە لە خۆمۆ بێ تاقەتت بووم.نیە چەن ڕۆژە ئەونە بە یەکۆ نەبووینە!"ڕۆژان وتی:"کورە قەزای ئەو برا جوانمە.ئیمشەو میوان تۆم.ئەزانی چەن وەختە خوڵکت نەکردووم؟!تەواو بێ ڕەحم بویتە.چوار ڕۆژتر بووی بە دارای ژن،لەوە ناچێ جواب سڵاویشمان بەیتۆ.من ئەونە شل نەپێچیاومەسۆ بیخەوێنم بۆ براژن.بە خوا دەریشم کەی ئیمشەو میوانتم."

کۆتایی بەشی۷

#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


  چیرۆک و بەسەرهات

@noman_barzegar

https://biaupload.com/do.php?imgf=org-ac9cd49243a93.jpg

تاقانەی ماڵ باوکم
#بۆ_مێرمنداڵان(نوجوانان)
بەشی۸

ئاکام گیری کردبوو.لە لایێک ڕووی نەبوو ڕۆژان جواب کات.،لە لایێ تریشۆ،پێی خۆش نەبوو،لە لایا بخەوێت.ئەگەر ئەو بێت،ناتوانی بە دڵ خۆی سەردان تلگرام بکات.ناتوانێ وەک شەوان تر،سەیر وینەکان شنە بکات.ئەگەر نەتوانێ پەیامێ بۆ بنێرێت،لەوانەیە دڵی بێشێت.یا وا بزانێ بە درۆ،دادەی کردوە بە بەهانە.

تا سەعات یانزە،چەن جار سەردان تلگرامی کرد،شنە نەهاتبوو.پەیامێکی دانا:"شنە گیان،قەرارە ئیمشەو دادەم لە ژوورەکەی من بخەوێت.ئەگەر دیار نەبووم،نیگەران نەبیت."بە پەلە موبایلی لابرد و کەوتە دەسکاری کردن کتێبەکانی.یانێ من خەریک دەرس و کتێبم!زاتی نەبوو بڕوات بۆ هاڵ.دڵی بەوە خۆش بوو کە دادەی سەری نابێتە سەری.

وەخت خەوتن ڕۆژان،سەرین و پەتوەکەی گرتە دەسیۆ و تەقەی لە درگا دا.وتی:"خاوەن ماڵ،ئیجازە هەیە؟میوانت ناوێت؟"ئاکام وتی:"میوان ماڵ خۆیە.بە خێر بێت."هاتە ماڵۆ،لە پاڵ جێگەکەی ئاکام، جێگەی بۆ خۆی داخست و پاڵکەوت.ئاکام بازێ تر خەریک کتێبەکانی بوو.ڕۆژان وتی:"ماوتە؟دێرە با بخەوین."
بەیەکۆ کەوتنە قسە و باس.بیرەوەری مناڵی.نەورۆز پارەکە.سەیرانەکەی گاڕان.سەفەرەکەی کامیاران.ڕۆژان سەری خستە سەر سینەی ئاکام.چەن جار وتی:"بە قوربانت بم باوانەکەم.خۆزگا ئەتزانی چەنێ خۆشەویسی بۆم؟برای من بێ وێنەیە."ئاکامیش دەس دادەی ماچ کرد.بەڵام دڵێکی لە لای شنە و تلگرام بوو:"ٚبێژی شنە هاتبێت؟ئاخۆ باوڕی کردبێت بە قسەکەی؟!"

دوای نیوسەعات،ڕۆژان خەوی لێ کەوت.ئاکام موبایلی کردۆ.سەردان تلگرامی کرد،شنە نەهاتبوو.خەوتۆ.تا نیوە شەو پێچی دا لە خۆی،خەوی لێ نەکەوت.زوو زوو سەیر تلگرامی ئەکرد.تا قایم نوێژ هەواڵێ نەبوو.نازانم کەی خەوی لێ کەوت.بەیانی بە بانگ کردن،دادەی لە خەو هەڵسا.تا ڕۆژان جل و جێگەی خۆی جەم کردۆ و ڕۆیشت بۆ ژوورەکەی خۆی،ئازا سەرێ تلگرامی دا.شنە نەهاتبوو.لە دڵ خۆیۆ وتی:"خۆ نەهاتو،ئیتر چووزانێ من شەو ڕێگەم نەبوە بێمە تلگرام!"پەیامەکەی شەوی دوو لایەنە سڕیەوە.ئەمڕا کەوتە گلەیی کردن:"باشە ئەوە بۆ چی دیار نیت؟نایەژی من بێ تاقەتت ئەبم؟یانێ تەمایەر کردن من ئەونە ئاسانە بۆت؟!"

ڕۆژان هاتۆبۆ دیوەکەی.لە پاڵیا پاڵکەوت و وتی:"هەڵسە نازارەکەم.یا خوا قەزات لە گیانم کەوێت."ئاکام،تەزێ هات بە سەریا.بیری لەو هەموو خۆشەویسیەی دادەی کردۆ.خوا گیان چەنێ خوشکێ باش و بەڕەحمە.چۆن دڵی بێت وێنەی بگرێت بۆ شنە؟چۆن بتوانێ خیانەتی لێ بکات؟! لەگەل ڕوژان دوو نەفەری هاتن بۆ هاڵ.دەس و دەموو چاویان شۆرد و چوونە سەر سفرە.دایکیان چەن جار بە قوربانیان بوو و وتی:"قەزاتان لە من.چەنێ حەز ئەکەم ئاوا یەکترتان خۆش ئەوێت."بەر لە جەمۆ کردن،کتێب و کەل و پەل مەدرەسە،ئاکام سەرێ تلگرامی دا.شنە هاتبوو.دوای سڵاو و بەیانی باش،نووسی بووی:"بوەخشە دڵەکەم،کاکەم لە میوانی بوو.نازانم سەعات چەنێ هاتۆ.من خەوم لێ کەوتبوو.ڕاسی وێنەت گرت لە دادەت؟"ئاکام نووسی:"نەوەڵا.بۆم نەگیرا.بە خوا لەوە ناچێ بتوانم.با قەوڵ درۆت پێ نەدەم.باشە ئەوە موبایلەکەی خۆت بوو بە چی؟"شنە کردیە جواب:"یانێ تۆ متمانەت بە من نیە؟منیش ئیساولا وێنەی خۆم نانێرم بۆت.موبایلەکەیش خەرجی زۆرە.کابرا داوای دووسەد هەزار تر ئەکات.بە خوا منیش پووڵم نەبوو.بەشکەم لە باوکم بسێنم.ئەگەریش نەبوو،مەگەر وەک جاران بێ موبایل بم.ئەگەر ئەتوانی تۆ جۆری کە بۆم."ماوەیێ تر چەتیان کرد.لە ئاخرۆ ئاکام نووسی:"بە خوا لەوەناچێ بتوانم.ئەوڕا لە گیرفان باوکم پووڵم دەرهێنا،لەوانەیە شکی خستبێت."شنە لە جوابیا وتی:"ئەمە بوو خۆشەویسی و متمانەت؟"بێ خواحافیزی چوو.

کۆتایی بەشی۸

#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.

کاناڵی ژیان جوانە گەر چاوەکان جوان ببینن

@Mostafazadeh2

تاقانەی ماڵ باوکم
#بۆ_مێرمنداڵان(نوجوانان)
بەشی۹

ئێوارە باس پووڵ هاتە بەرۆ.باوکی وتی:"بازێ پووڵ لە گیرفان پانتۆڵەکەما بوو.شەو ژماردم تەواو بوو.بەیانی دام بە سەلاح هاوسێ دووکانم.وەخەتێ ژماردی زۆری کەم بوو!"
ئاکام ڕەنگی جۆرێکی لێهات.هەڵسا چوو بۆ دیوەکەی خۆی.ڕۆژان شکی خست.دوای کەمێ چوو بۆ لای.ئاکام کزی کردبوو.وتی:"ئاکام گیان،ئەم قسە لە بەین خۆمانا بێت.با دایکم و باوکم نەزانن.ڕاسی من شکم تۆیە.وا ئەزانم تۆ پووڵەکەت بردوە."ئاکام کردیە جواب:"نە بە خوا دادە کار من نیە.من پووڵم بۆ چیە؟"ڕۆژان وتی:"باوانەکەم،وا مەزانە خەبەرم لێت نیە.لەم ڕۆژانا،دڵنیای ڕەفێقم لە درگای نەخۆشخانە تۆی بینی بوو پووڵت دا بوو بە دەس کابرایێکۆ."ئاکام دەسی کردە گریان.

ڕۆژان ماچێ دەس ئاکامی کرد و وتی:"قەزات لە من.ئەم ماوە زۆر گۆڕاوی.ڕەنگت لە ڕوو بڕاوە.دەردت چیە؟بە دادەت بێژە با یارمەتیت بدەم.بە خوا نایەڵم کەس بزانێ.تەنانەت باوکم و دایکیشم."ئاکام وتی:"من کچێکم خۆش ئەوێت.ناوی شنەیە."ڕۆژان ماوەیێ بێ دەنگ بوو.دوایی وتی:"شنە کێیە؟چەن وختە ئەیناسی؟ماڵیان ها لە کوێ؟"ئاکام وتی:"کەسیان ناناسم.لە تلگرام ناسیم.چەن جار وێنەی خۆی ناردوە بۆم."وێنەکانی نیشان دادەی دا.ڕۆژان وتی:"ئەم کچە زۆر ئاشنایە.وابزانم لە ئێنستاگرام دیومە.باشە پووڵت بۆ ئەم بوو؟"وتی:"ئەرێ وەڵا.موبایلەکەی خراپ بوە.پووڵم بۆ نارد خاسی کاتۆ.با بە موبایل کاکەی کار نەکات."
ڕۆژان وتی:"ئیمشەو نامەی نارد،خۆم جوابی ئەدەمۆ.با بۆت ئاشکرا بێت،ڕاس ناکات."

ڕۆژان بۆ خەو،هات بۆ دیوەکەی ئاکام.تا دێرێ دێر ماتڵ بوون،خاس بوو ئاخری شنە هات.دوای سڵاو و هەواڵپرسی،داوای وێنەی ڕۆژانی کرد.چەن دانە وێنەی خۆی نارد.ڕۆژان بە جێگەی ئاکام نووسی:"پێم خۆشە وێنەکانت تایبەت بە خۆم بن.یانێ تایبەتی بۆ منی بگریت."شنە وتی:"گێجە گیان،هەموو وێنەکان بۆ تۆ گیراون."ڕۆژان نووسی:"باشە نازارەکەم.بە قوربانت بم.ئیساولا وێنەت گرت،ئەوەڵ بە سەر کاغەزێکۆ بنووسە بۆ ئاکام.با بە دەستۆ بێت،جا وێنەم بۆ بگرە.ئیتر دڵم تەختە کە تەنیا بۆ من گیراوە.منیش بە دزیۆ وێنەی دادەم ئەگرم و ئەینێرم بۆت!"

شنە گووم بوو.تا نیوەشەو ماتڵی بوون نەهاتۆ.ڕۆژان وتی:"ئاکام گیان،ئەمە یا پیاوە خۆی کردوە بە کچ بۆ پووڵ سەندن لە تۆ.یان کچێکە و خەریکە کڵاو ئەنێتە سەرت.ئیساولا بێ من،یەک کەلیمە جوابی مەدەرۆ.داینێ بۆ دادەت.بزانە چۆن ئەیدۆزمۆ."

نزیک بەیانی نامەی نارد:"ببەخشە ئاکام گیان.کاکەم هات.بە پەلە لە تلگرام هاتمە دەرۆ و خۆم کردە خەوتوو.ئەویش موبایلەکەی برد.ئیسە هالە حەمام،بە فرسەتم زانی،ئازا نامەت بۆ بنێرم.ئیتر موبایلم نیە تا کاکەم لە سەر کار بێتۆ.کابرای نامەردیش موبایلەکەی ناردوەسۆ.ئێژێ خاس نابێتۆ.مەگەر دانێ بسێنم.پووڵەکەی تۆم هەیە.بزانم بازێ تر جۆر ناکەم.بەشکەم تۆیش یارمەتیم بدەی.خۆیشم تاقەت ئەم ڕاوڕاوانمە نەماوە.ناتوانین دوو سەعات بەیەکۆ بین!"
لە جوابیا ڕۆژان نووسی:"چەنێ پووڵت پێ ویستە؟"شنە نووسی:"دوو ملوێن."ڕۆژان وتی:"باشە لە دادەم پووڵ قەرز ئەکەم.ئەیهێنم بۆت.زاواکەتان ئەتوانێ بێت بۆی؟"وتی:"ئەرێ وەڵا زەنگی بۆ بەم یەک و دووی لێ ناکات."ڕۆژان وتی:"بێژە سەعات دووی نیوەڕۆ لە جێگەی جاران ماتڵم بێت.ڕاسی وێنەت گرت بۆم؟"شنە وتی:"بە خوا نەمتوانی.با موبایلەکە بسێنم،بەسەرچاو.عەفوو با من بڕۆم،کاکەم هاتە دەرۆ لە حەمام."

ئاکام وتی:"دادە گیان،هەر بە ڕاس پووڵی بۆ ئەبەی؟"ڕۆژان وتی:"کورە هەردوو چاوی دەر تێرم.بزانە چۆن ژیری ئەکەم بۆ حەوت پشتی.با فێر نەبێت،مناڵ مەردم بخڵەتێنێت.له داخ تۆیشا خەریکە ئەمرم.بە لای خۆتۆ،نۆ ساڵە دەرس ئەخوێنێت،هێشتا لە مناڵ،مناڵتری!"

کۆتایی بەشی۹

#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


  کاناڵی ژیان جوانە گەر چاوەکان جوان ببینن

@Mostafazadeh2

تاقانەی ماڵ باوکم
#بۆ_مێرمنداڵان(نوجوانان)
بەشی کۆتایی

ئەو ڕۆژە قوتابخانە نەبوو.ڕۆژان تەلەفوونی کرد بۆ نیان هاوڕێی.داوای لێکرد ئەگەر ئەتوانێ بێت بۆ ماڵیان.ماڵیان دوور نەبوو.دوای نیو سەعات،زەنگ درگای دا و هاتە ماڵۆ.لە گەل ڕۆژان چوونە دیوەکە و ماوەیێ بەیەکۆ قسە و باسیان کرد.نیوەڕۆ نان و چاییان و خوارد و لەگەل ئاکام چوونە دەرۆ.

پێنج دەقیقەی مابووی بە کاتژمێر دووی نیوەڕۆ،گەیشتنە نزیک نەخۆشخانە.ڕۆژان پاکەتێکی دا بە ئاکام و وتی:"بڕۆ لە شوێنەکەی جاران ماتڵی بە.کە هات پاکەتی پێبە و بێ هیچ قسە و باسێک،خواحافیزی لێ بکە."ئاکامی نارد.خۆی و نیان،تۆزێ لەولاتر،بە سەر سەندەڵی حەوش نەخۆشخانە دانیشتن.

کابرا هات.ئاکام پاکەتی پێدا.خستیە گیرفانی و هات بۆ حەوش.تۆزێ قوتەقوتی کرد و لە درگای پشتۆ،چوە دەرۆ.ڕۆژان و نیان کەوتنە شوێنی.ماوەیێ ڕۆیشت.دوایی لایدا بۆ دووکانێک.لەگەل دووکاندار کەوتنە قسە و پێکەنین.دڵقێ شتی سەند و خواحافیزی کرد.

ڕۆژان ماتڵ بوو تا کابرا دوور کەوتۆ.لە چاو گووم بوو،چوو بۆ ناو دووکان.سڵاوی کرد وتی:"کابرایێ لەم دووکانە بوو.وەخت هاتنە دەرۆ،بازێ پووڵی لێ داکەوت.چەن جار بانگم لێکرد،جوابی نەداوۆ.بێ زەحمەت ئەو ژمارەیمە بەرێ،با خۆم تەلەفوونی بۆ بکەم!"دووکاندار وتی:"ئەگەر ئەوە بێژی کە ئیسە لەگرا بوو،ناوی ئەسعەدە.نازانم چکارەیە،بەڵام لەگرا شت ئەسێنێت."ژمارەی دا بە ڕۆژان.ئەویش ماڵاوایێ زۆری کرد.

نیان خواحافیزی کرد و ڕوژان و ئاکام هاتنۆ بۆ ماڵۆ.سەیر تلگرامیان کرد.شنە چەن دانە ئیستیکر تووڕەیی ناردبوو.دوایی نووسی بووی:"ئەمە بوو خۆشەویسیەکەت؟لە درۆ کاغەز ئەخەیتە ناو پاکەت بە نرخ پووڵ ئەیدەی بە زاواکەمان؟ئیتر حەقت نیە نامەم بۆ بنێری.شنە مرد."ڕۆژان نووسی:"سڵاو کاکە ئەسعەدی بەڕێز.ئەم کاتەت باش."وتی:"ئەسعەد کێیە؟"ڕۆژان لە جوابیا نووسی:"تۆ ناوت ئەسعەدە.لە درۆ خۆت کردوە بە شنە.تاقانەی ماڵ باوکت.دوو جار پارەت سەندوە لێم.جارێکیش شارژ بۆ موبایلەکەت.لە درۆ وێنەت لە گووگڵ و ئێنستاگرام گرتوە و ناردووتە بۆ من."شنە نووسی:"هیچی وا نیە.من شنەم.ئەو کوڕە زاوامانە.لە برا نزیکترە پێم."

دوای ماوەیێ قسە و باس،ڕۆژان ژمارەی تەلەفوونەکەی نارد بۆی و وتی:"ئەمەیش ڕەقەم موبایلەکەت.ژمارەی کارت بانکم ئەنێرم بۆت.بە خوا قەسەم،تا ئێوارە ئەو پووڵە کە پێتم داوە نەینێریتۆ بۆم،بەیانی ئەڕۆم بۆ لای پۆلیس.ئاخۆ چەن کەست وەها چزاندبێت."کەوتە نامە ناردن و تکا و لاڵە:"ژنەکەم نەخۆشە.قەرزارم.کرێ نشینم.داماوم."ڕۆژان نووسی:"ئەگەر پیاوی تا ئێوارە ئەو پارە مەنێرە.بە خوا مەگەر ئەم وڵاتە چۆڵ کەی!"دوای ئەو نامە،بلاکی کرد.

ئاکام دەسی کردە گریان و وتی:"دادە گیان.من خەجاڵەتم.تویشم خستە عەزیەت."ڕۆژان باوشی گرتۆ بۆی.خۆی خستە باوەشی.چەن جار دەس و گۆنای دادەی ماچ کرد.ڕۆژان وتی:"باوانەکەم،ئەمڕا قەینا.بە خوا لای کەسیش باسی ناکەم.بەڵام ئامان هۆش خۆتت بێت.دنیای ئەنترنێت پڕە لە درۆ.پیاو خۆی ئەکات بە ژن.ژن خۆی ئەکات بە پیاو.یەکێ بۆ بێ تاقەتی،یەکێ بۆ پووڵ و پارە.نازارەکەم،پێم خۆشە ئیساولا،کەسێ پێشنیاری هاوڕێیەتی کرد،خەبەرم پێ بە.خۆت باش ئەزانی،من خاسی و پیاوەتی تۆم گەرەک."

نزیک ئێوارە،ئەسعەد پارەکەی نارد.بەیەکۆ چوون بۆ دوکان کا حەمە.لەوێ حەوسەد هەزاریان هێنا.ئەویش لە کارتەکەیان هەڵی گرت.هاتنۆ بۆ ماڵۆ.ڕۆژان دووسەدی خستە ناو کابینت.باقیەکەی خستە پاڵ موبلەکە.ئێوارە باوکی هاتۆ.وتی:"بابە گیان ئەمە پووڵ تۆ نیە لە گیرفانت دا کەوتوە؟"
ئاکام ڕەنگی ڕۆشنۆ بوو.گیانی سووک بوو.ئێش سەر و ملی نەما.وێنەکان شنەی سڕیۆ.

وەخت خەوتن،ئاکام داوای کرد لە ڕوژان،ئیجازەی بدات،چەن شەوێک میوانی بێت.ئەویش لە جوابیا وتی:"ئەی بە قوربان ئەو برا جوانمە بم.ماڵ خۆتە بە خێر بیت.!"جێگەیان داخست.ئاکام باڵ دادەی ماچ کرد و سەری خستە سەری.هەر نازانم چۆن خەوی لێ کەوت.ڕۆژان باڵ خۆی دەرهاورد و سەر ئاکامی خستە سەر،سەرینەکە.ئەونە خەوەکەی خۆش بوو،تا بەیانی جووڵەی نەکرد.

کۆتایی

#سید_نعمان_برزگر
#نەعمان_بەرزگەر

🚫کۆپی کردن،بە بێ ئاماژەدان بە ناوی نووسەر و دانانی لینکی کەناڵ، قەدەغەیە.


  چیرۆک و بەسەرهات

@noman_barzegar


کاناڵی ژیان جوانە گەر چاوەکان جوان ببینن

@Mostafazadeh2

تەڵقین بە کوردی

ئەی بەندەی خودا کوڕی کارەکەر
گوێ بگرە لەناو گۆڕی تەنگەبەر

لە دنیای بێفەڕ کۆچت کردووە
لە ئەولای بێگەڕ خانووت گرتووە

تۆش وەک مردووی تر وەک هامفەردانت
دوو پەری خودا دێنە سەردانت

دووی ددان زەردی سووری چاوشینن
بە گورز و مەتاڵ، بە تەوەرزینن

تۆزێ مڕومۆچ، ڕووتاڵ و تفتن
بەڵام وەک دەڵێن «بە گفت و لفتن»

هەزار جار بڵێن «کوا مەڕنەمووکە»
بێدەنگ، قڕوقپ لێت نەیە جووکە

گەر تێشت هەڵدەن پێشت دادەن تف
بڵێ من کوردم، زمان مایەعرف

لە دار مەترسێ گوێ مەدەرە جوێن
ناچاریان بکە بە کوردی بدوێن

ئەمجار بە زمانی شیرینی کوردی
خۆت هەڵە مەکە، هێدی، بە وردی

بێژە: لالۆ، خوا و پێغەمبەر هەقە
کوردی هاسانە و عارەبی ڕەقە

باسی مردن و هەستانی دوایی
خۆ ماندوو نەکەن با بەخۆڕایی

بڵێ: کورد لەسەر دنیا مردووە
دەمێکە قیامەت لەوان ڕابووە

بێ بەرگ و پێڵاو، بێ نان و بێ دۆن
تورک و عەجەم و عارەب دەیانخۆن

کورد ژێرچەپۆکە و ئەو خاوەن زۆرن
برای موسوڵمان، موسوڵمانخۆرن!

با لە خوا پرسن: گەر دین ئەمەیە!
گەپ و گەمەیە و زیانی مەیە

دینێ بەشی کورد بخاتە بن لیچ
سەد بار گەورە بێ نامەوێ وە هیچ

وەرامی بەهەشت زۆر باش دەزانی
خۆت خەڵکی چیا و دەشتی کوردانی

باس بکەی ئاو و هەوای کوردستان
کوڕ و کچی جوان، پێدەشت و کوێستان

شینایی و کانی و باغات و میوە
پێت باوەڕ دەکەن بەهەشتت دیوە

دۆزەخیش وێنەی لە دنیا پڕە
چۆڵی عارەبی گەرم و قاقڕە

هۆنراوەی | مامۆستا #ھەژار
لە کتێبی | #بۆ_کوردستان



کاناڵی ژیان جوانە گەر چاوەکان جوان ببینن

@Mostafazadeh2

لە دوورەوە ناوت بیستووم
ناشارەزا خۆشت ویستووم
گوایە لەگەڵ شیعرەکانما زۆر ژیاوی
شەوەهای شەو؛
تەزووی شیرینیان پێ داوی...

نەتناسیوم؛
بڕوا بکە نەتناسیوم...
ئەو جیهانەی تۆ دەتەوێ
هەرگیز لای من دەست ناکەوێ
جیهانی من هەمووی خەمە
زەردەخەنەی یەکجار کەمە
تەلاری من کەلاوەیە
جێی پەرتووک و هۆنراوەیه
ئەوەی ڕووگەی دڵ و چاوە
تەنیا بتێکی شکاوە...

دوور بە لە من
لە ژینی من
لە چاوانی بەدبینی من
دوور بە لە من، لە هەڵبەستم،
لەو چەپکانەی
بۆ شاچەپکێک دەیانبەستم...

#بۆ_کچێکی_کاڵ
هۆنراوە: #عەبدوڵڵا_پەشێو

دەنگ: #سابیر_کوردستانی


کاناڵی ژیان جوانە گەر چاوەکان جوان ببینن

@Mostafazadeh2

#مرۆڤەکان

#قەند دەشکێنن هەتا لە
شیرین بوونەکەی سوود وەرگرن
#ڕێکۆرد دەشکێنن تا
بە شانازێکەی بگەن
#ئیشکەڵ دەشکێنن تا
بە تینی ئاگر بگەن
#غورور و شایی بەخۆیی دەشکێنن تا
بە خاکەڕایی بگەن
#بێدەنگی دەشکێنن تا
بە دەنگ و چریکەیەک بگەن

#بۆ_ تەواوی_  شکانەکانیان_  بەڵگەی_
باشیان_ هەیە_مرۆڤەکان

هێشتاکانێ تێنەگەیشتم بۆچی!!!
مرۆڤەکان «دڵ» دەشکێنن؟؟
#وریای_ دڵی_ یەکتر _ بین

وەرگێڕان: کامیل ئاغابەیگ پوور


کاناڵی ژیان جوانە گەر چاوەکان جوان ببینن

@Mostafazadeh2

#بۆ_پێکەنین:

تەلقین دادانی مردوو بە شێوەی مامۆستا مەلا سولەیمان؛

دادەعایشێ تۆ ماوی تۆ مردووی!
تۆ خودات بەهەشتە!
گەردنی خۆت ئازاد کە!
و ....😂🤣


کاناڵی ژیان جوانە گەر چاوەکان جوان ببینن

@Mostafazadeh2

کەروێشک نەرم و شل
#بۆ_منداڵان
نووسەر: سەید نەعمان بەرزگەر
بێژەر: کوردستان
@noman_barzegar