ژیان جوانه

چیرۆکێ لە#حەزرەتی مەولانا

#مەسنەوی مەعنەوی
وەرگێڕدراو بە پەخشان
نەدارێکی زۆرخۆریان بە تاوانێک خستە زیندانەوە.
لە زیندانیش نەسرەوت و تەمێ نەبوو،بەزۆر خواردنی بەندێکانی دەستاند و دەیخوارد و ئەوەندەی ئازار دان تا سەرەنجام بەندێکان سکاڵایان بردە لای دادوەر کە "ڕزگارمان کە!ئەم زۆرخۆرە،وەڕەزی کردوین و ناهێڵێ بەئاسوودەی ژەمەخواردنێ لە قوڕگمان بچێتە خوار."
دادوەر لە بابەتەکەی کۆڵێوە و تێگەیشت کابرای نەدار ناچێتە ژێر باری ئیش کردن و گرتووخانە لەبۆی وەک بەهەشتێکی چکۆلەیە کە هەم خواردنی زۆرە هەم پێویستی بە کار کردن نابێ.کەوابوو لە گرتووخانە دەریانکرد و هەر چەندی پێداگری کرد لەوێ بمێنێتەوە،دادوەر ڕازی نەبوو،هەروەها بۆ ئەوەیکە خەڵکیش باجی نەدەنێ و مفتەخۆر ناچار بە ئیشکردن بێ،ئەمری کرد نەداری مفتەخۆر بە شار دا بگێڕن و بانگەوازی بۆ بکەن کە ئەو نەدارە، بەڵام کەس شتی نەداتێ،قەرزی نەداتێ،ئەمانەتی نەداتێ و بەکورتی هیچ یارمەتێکی پێ نەکا.
بەم شێوەیە،پیاوانی دادوەر،نەدارەیان لەبان وشتری پیاوێکی داربڕ دانیشاند و بە ئەنجێنەفرۆشیان گوت بە کووچە و کۆڵانی شار دا بیگێڕە و هەرا بکە"ئەی خەڵکینە!ئەو پیاوە بناسن،نەدارە.قەرزی مەدەنێ.بەقەرز شتی مەدەنێ.ئاڵووێر مەکەن لەتەکیا.ئەو دزە.زۆرخۆرە و بێ ئیش و کارە.جوان لێی بڕوانن."
ئەنجێنەفرۆشیش کەوتە ڕێ و هەرلە بەیانێوە تا نیوەشەو،هاواری کرد و سەبارەت بە مەترسی ئەو مفتەخۆرە بێ ئابڕوویە هۆشیاری دەدایە خەڵک.
بەهاتنی شەو ئەنجێنەفرۆش بە نەدارەی گوت"ئەمڕۆم تەواو بۆ تۆ تەرخان کرد.مزەی من و کڕێی وشترەکەم بدەیە با بڕۆم!"نەداری مفتەخۆر بەپێکەنینەوە گوتی"تۆ نەتزانی لە بەیانێوە تا ئێستا هاواری چیت دەکرد؟هەنووکە تەواوی شار دەزانێ من پووڵ بە کەس نادەم و تۆش کە لە بەیانێوە هەرات دەکرد و هەمووانت ئاگادار کرد بیرت لەوە نەدەکردەوە چت دەگوت؟!"
مەولانا لەم چیرۆکە دا وەبیر گوێگرانی دەخاتەوە کە چەند زۆرن ئەو زانایانەی کە ئامۆژگاری دەکەن بەڵام خۆیان هەر وەکوو ئەنجێنەفرۆش،ڕانامێنن لەوەیکە گوتویانە و هەڵسووکەوتی پێ ناکەن.
فەرهەنگۆک:
ئەنجێنەفرۆش:هیزم فروش
داربڕ:هیزم شکن

ئاڵووێر:دادوستد،دان و ستان

وەرگێڕان:کامیل ئاغابەیگ پوور

کاناڵی ژیان جوانە،گەر چاوەکان جوانی ببینن
❤️🌷🌷
http://telegram.me/Mostafazadeh2

221 viewsedited 02:53