#


#قصيده_لسيده_أم_البنين_ع
=========••••========

يم الگمر 00محني الظهر 00خادم اجاكم
يمچ همل 00دمعه ونزل 0يطلب رظاكم
اقسم عليچ ابفاطمه
رزقيني حسن الخاتمه

///////////////////////////////

موحشه بعيني الليالي البيهه ما اجريلي دمعه:
عالمشت للطف عزيزه اوردت اتنوح اعله ظلعه:
عايش ابروحي محرم مو شهر خاطر اودعه:
انتحب كل ما اشوفن واحد ايئشر بصبعه:

ابچي بدمع 0مثل الشمع 0وعيوني متنام
بجاه النبي 0وستر العبي 0سجلينه خدام
منج اريد الغانمه
رزقيني حسن الخاتمه


////////////////////////////////////////
گاعد ابابچ دليلي شابع انياح وملامه:
ادعي بدموعي ولساني حتى ما يطلع كلامه:
التفت محد اليه وين البگربه السلامه:
بس ابو الاكبر ملاذي اختل ابسده اتّحامه:

ويحن الي 0وداعت علي0ميقصر وياي
يطفه الجمر0وانه استقر 0بس اشرب الماي
اذكر خيول الظالمه
رزقيني حسن الخاتمه

//////////////////////////////

بداعت الشبت عبيهن بالسجل سجليني بيدچ:
خادم الدمعه رقيه عني بس ترضين اريدچ:
يمته تنطيني العلامه انتي ما يبعد بعيدچ:
انه وامثالي انتباهه والله من نصبح عبيدچ:

تاج الفخر00ام الگمر 00 يلهج لساني
بجاه الحرم 00وي الخدم 00يصبح مكاني
خادم لعند العالمه
رزقيني حسن الخاتمه

////////////////////////////////

بداعت زينب ارد احلفج هاي تاج وللفخر
وببو فاضل ارد احلفج هذا ابو فاضل كمر
ابقه خادم اني لكم وابجي عليكم جمر
يعني لاشك انه والله هذا كل ذنبي نغفر

بنحر الحسينO0 يم البنين00 انطيني طلبتي
اخدم انه 00 و بكل سنه 0
بس هاي رجوتي
تحضرني يوم الصارمه
رزقني حسن الخاتمه

///////////////////////////
بالورد رايد يجيني يحضرني ريته علي
ومن اشوفك انسي همي واحجي كل المايلي
يوم انه ادعي يمكم والله كل هم ينجلي
الشفاعه منكم انتم عبد انه ومبتلي

بصاحب الجود 00راعي الوعود 0
بالحشر تشفع لي
بظم حسين00 ودمعه العين00
ذنوب ماتبقه لي

تنجيني  يوم القائمه
رزقيني حسن الخاتمه
/////////////////////////////

#تــمــت_بــعــون_الله

=====••••=======
#خــــــادمة_الزهراء_ع_
#ام_كـــرار_الطـــائــــيه
=====•••======
❌لااجيز حذف الاسم❌
=====••••=======

#مولود الزهرا(ع)

کل الهلا بلزهره
بلضلمه هيه منوره
*فرحنه وين اليفرح اويانه*
ـــ🌹ـــ🌷ـــ🌹ــــ🌷ــــ
اسمج نور دنیانه
کل الهلا و فرحانه
والورد جبنه اویانه
طير السعد بسمانه
كل الهلا بلزهره

✍ #علويه ام فاضل
ـــ🌹ـــ🌷ـــ🌹ــــ🌷ــــ
نورت بت الرسول
فاطمه الزهره البتول
بجاها الجنه ننول

والخلك مستبشره
كل الهلا بلزهره

✍ #أم نور الزهراء الزينبية
ـــ🌹ـــ🌷ـــ🌹ــــ🌷ــــ
الزهره حلو طاريهه
كل شيعي انحب بيهه
رحمه العلا امخليهه
نبارك للنبي مولانه
كل الهلا بلزهرا

✍ #الشاعره ام كنان الهاشمي
🌹ــــ🌷ـــــ🌹ــــ🌷ــــ
الیوم الهادي یهنونه
فرحان بـنور عیـونـه
هاي الفرحه المیـمونه
و الیوم الدنیه امنوره
وکل الهلا بالرزهره

✍ #العلویه ام ضیغم المحنا
🌹ــــ🌷ـــــ🌹ــــ🌷ــــ
كل الهله بلزهره
ولدت خديجه دره
اليله سمانه امنوره
والنبي ايهنونه
وكل الهلا بلزهرا

✍ #ام عدنان سياحي
🌹ــــ🌷ـــــ🌹ــــ🌷ــــ
نهني كل الساده
خير وخير ميلاده
انهني علي و اولاده
طشو ورد هليله
كل الهلا بلزهرا

✍ #ام كرار الزينبيه
🌹ــــ🌷ـــــ🌹ــــ🌷ــــ
تمت بعون الله تعالى

بـ✍ــاقـ✍ــلام خـادمـات أهل البيت .ع.

#مولد الزهرا

هالله هالله هالله بنت محمد رسول الله
ــــ❤️ــــــ❤️ــــ❤️ـــــــ
هالله هالله هالله بیها السمه هل متنوره
هالله هالله هالله وازهرت هالیله الزهره
هالله هالله هالله وبهل جیه الکل مسروره
هالله هالله هالله الباری سماها ماشاءالله

✍ #علویه ام فاضل
ــــ❤️ــــــ❤️ــــ❤️ـــــــ
هالله هالله هالله والدنیا بیها مبتشره
هالله هالله هالله فاح العطر من الزهره
هالله هالله هالله نورت مابین العتره
هالله هالله هالله الباری سماها ماشاءالله

✍ #ام امیر الموسوي
ــــ❤️ــــــ❤️ــــ❤️ـــــــ
هالله هالله هالله . جبرائل بشره الطاها
هالله هالله هالله. من الجنه هل سواها
هالله هالله هالله . هديه الباری انطاها
هالله هالله هالله . الباری سماها ماشالله

✍ #علویه ام فاضل
ــــ❤️ــــــ❤️ــــ❤️ـــــــ

هالله هالله هالله- شعت انوار الفاطميه
هالله هالله هالله -مولد الزهره الزچيه
هالله هالله هالله- انبارك لسيد البريه
هالله هالله هالله الباري سماها ما شاءالله
ــــ❤️ــــــ❤️ــــ❤️ـــــــ

هالله هالله هالله - تشعشع نور لفاطمه
هالله هالله هالله _ هیه ام الأئمه
هالله هالله هالله_ تحضرنی یوم الصارمه
هالله هالله هالله_ الباري سماها ماشاءالله

#خــــــادمة_الزهراء_ع_
ــــ❤️ــــــ❤️ــــ❤️ـــــــ

ابيات شعبيه في فرحة البنات لمولد الزهراء (ع) و استحباب إكرام من سُميت تيمناً بالزهراء(ع)

~✨🌟🧚🏻‍♀🌟✨~

يالعندك بنيّه ..لبّسها ترچيّه
حنّي لها الچفين هالليله مَضويه

~✨🌟🧚🏻‍♀🌟✨~

يالفاطمه بنتك..دون البشر بختك
مبروك إلك والله..فطّوم مو شويّه

~✨🌟🧚🏻‍♀🌟✨~

في مولد الزهره.. زيّن لها الحجره
لبّسها بخنقها فرّح هالبنيّه

~✨🌟🧚🏻‍♀🌟✨~

جيبوا زهور الياس.. نثروها فوق الراس
هلهوله يا هالناس جات النبي بنيّه

~✨🌟🧚🏻‍♀🌟✨~

حطّوا عليها الشال.. جيبوا لها سلسال
و بالرجل خلخال بالذهب مطليّه

~✨🌟🧚🏻‍♀🌟✨~

في مولد البضعه..جيبوا لها شمعه
ودرزن معاضد ذهب زيدهم شويَه

~✨🌟🧚🏻‍♀🌟✨~

خل تظهر الفرحه.. قلب البنِت شرحه
لجل النبي وآله و كيدوا السلفيّه

~✨🌟🧚🏻‍♀🌟✨~

ام الحسن تسترّ ..تفتح لك الكوثر
تفرح بني هاشم و سكنه مع رقيّه

~✨🌟🧚🏻‍♀🌟✨~

هذي شفيعتنا..هذي حبيبتنا
ام النبي وبنته تحبها الحساويه

~✨🌟🧚🏻‍♀🌟✨~




#مدد_ياصاحب_الزمان
✍🏼#ام_هاشم_النمر
💮

✨فرحـه وَ حلــم✨

طور: إنت الحبيب العايش بدلالي

~~~~~~~~~~~

في مولدك تاج الفرح يحلا لي

يـنبض عشق بين الضِلع دلّالـي

عالي.. عالي.. عالي يبو ابراهيم شانك عالي

⚜⚜⚜⚜⚜⚜

يبـو الزهـره إجيتـك...من دياري إعتنيتـك...أزف لك تهنئـاتي

على جنـاح المحـبـه..رضاكم جيت أطلبه...يا مرآتي وحيـاتي

الوجود أعلِن له وِدّك..على عناد اليضدّك..وأجدد بك صِلاتي

جيت وجبت وياي كل عيــالي

لزيارتــك يـا مُـنيـتي وآمــالي

وعالي..عالي..عالي يبو ابراهيم شانك عالي

⚜⚜⚜⚜⚜⚜

يمن بالعرش نورك..علينا اشرق حبورك..من الباري هديه

الحـمـدلله العطـانه..لـولايتـكم هدانـه...خِـلاف النـاصبيــه

نـريـد اليـوم نـظره..دخيلك يبـوالزهره...وحـبيب الله ونبيــه

بيــك عـقـدت يـا سيّـدي آمــالي

تنجّيني بالمحشر يَ سور العالي

وعالي..عالي..عالي يبو ابراهيم شانك عالي

⚜⚜⚜⚜⚜⚜

يبو الزهره بجـمالك..وبالكـامل خـصالك..قسـم للبـاري رفعـه

كلمَن حِضر وجالك..وهلاهـل هلهـلوا لك..اوكلمن علق شمعـه

كل الفرح بِدى لك..بصلاة اعليك وآلك..شـفـاعتكم تـشـفـعـه

صوت المحـبـه يرتـفع بـالعـالي

من عالم الذر أهتف آنا مـوالي

وعالي..عالي..عالي يبو ابراهيم شانك عالي

⚜⚜⚜⚜⚜⚜

يانـور الله علينـا.....ياسـاكن بالمدينـه...يبو القبّــه الخــضره

القلب يرتاح موحه...الموالي ترفّ روحه...من يشاهد الحضره

تشـوفه ثـغره باسـم...يطلبـك قلبه هايم ...الى قبـره تحـضره

ويّـا الحمام اتطير روحه تلالي

من رحـم أمه يصيح بـكْ متوالي

عالي.. عالي.. عالي يبو ابراهيم شانك عالي

⚜⚜⚜⚜⚜⚜

مِتى نـشـوف الـزيـاره...ويـعلا بـالـمـنـاره...نـداء اللهُ اكبـر

متى نسمع بالوذان..بسم شريك القرآن..يصلّي على حيدر

وراية ثار لحــسين..ترفرف بالـمـيـادين....رغم كلمن تجـبّــر

أجمل حـلم مَر طيفه و تهيـالي

منّ المدينه نمشي صوب الوالي

وعالي..عالي..عالي يبو ابراهيم شانك عالي

⚜⚜⚜⚜⚜⚜



#مدد_ياصاحب_الزمان

✍🏼#ام_هاشم_النمر

مولد الحسین ع

یحسین یاحبیبی یاحسین یاطبیبی
فداڪ انه وهلی یحسین یاحبیبی
🌺🌺🌺🌺🌺🌺🌺🌺🌺🌺
محتاجه اریدڪ یالله دلینی دربڪ
مولای اریدڪ یالله افتحلی گلبڪ
روحی فدوتڪ یالله انته واحبابڪ
فدیتڪ انا وهلی
یحسین یاحبیبی
🌺🌺🌺🌺🌺🌺🌺🌺
اریدن ارضاڪ یالله حبیبی یاحسین
اریدن وجودڪ یالله و اتغرلی العین
هلهلت الجیتڪ یالله الڪل فرحانین
حبڪ غالی وعشق دلالی
یحسین یاحبیبی
🌺🌺🌺🌺🌺🌺🌺🌺
خیعون الراده یالله وین الی یحبه
والیوم عیده یالله دلینی دربه
اتمنه ازوره یالله وشمحله گربه
فدوه الڪ ڪل حیلی
یحسین یاحبیبی

✍️ #علويه ام فاضل
🌺🌺🌺🌺🌺🌺🌺🌺
نبارك اليوم یالله بجيتك يمولاي
والشيعه تصيح یالله ياهله بلجاي
انريد نوفي الك یالله سیدی یالوفاي
یاحسین وانته دلیلی
يحبيبي ياحسين
🌺🌺🌺🌺🌺🌺🌺
اتمنه ترضه یالله ڪله احنه نزور
واشتم ضریحه یالله واحلا العطور
ڪلها مشتاڪه یالله ملهوفه وتفور
اتمنه انزورڪ یالله
یارب اقسملی
يحبيبي ياحسين


✍️ #ام كرار الزينبيه
🌺🌺🌺🌺🌺🌺🌺

#قصائد_منبريه
#ام_البنين_عليها_السلام

خيمة ايتام               تمثلت أم البنين

خيمة أيتام                تمثلت أم البنين

.........

بعد ما بضعة نبينه استشهدت

والمآسي اعله اليتامه خيمت

ماكو للحسنين غير ام البخت

هيه هاي ام البنين اللي اجت

أم تصير الطاهره

هاي أعظم مفخره

والدهر ضام               لليتامه الطيببن

خيمة أيتام                تمثلت أم البنين

.......................

فاطمه اتغير اسمهه لهالامر

خاف منهم  بأسم أمه ينقهر

تعرف اتعلم الصبور اعله الصبر

وتخدم  الايتام كل هذا العمر

وطائعه الحيدر علي

والهه كل هم ينجلي

وكل الايام                  ثابته ولا ماتلين

خيمة أيتام                تمثلت أم البنين

.....................

من مشاعرهه الحنونه الواضحه

جن وضوح ال قل هوَ وي الضحى

لو قره الانسان الهه الفاتحه

تنكضي حاجاته والرب سامحهه

حته لو ذنبه جبير

ينمحي من يستجير

الهه الاسلام             حفظتهه بهذا الحنين

خيمة أيتام                      تمثلت أم البنين

........................

منزلتهه عد علي بأرفع مقام

ابحيدره التاريخ عَدهه من العظام

لو بحار ابحقهه ما يكفي الكلام

حد علمنه القاصر  اعليهه السلام

وهيه اكبر من حرف

بالسطر ينزل وصف

وكل الاحلام           نبقه الهه ذاكرين

خيمة أيتام                تمثلت أم البنين

......................


فاركت عمر المصايب والهضم

ماتت وعبره ابصدرهه من الظلم

للمثلهه ازغير في حقهه النظم

والقلم لكبر فضائلهه ابعقم

لكل تعزيه وكل نعي

منهه نحتاج الوعي

وتنعه الاقلام             ام بدور الثائرين

خيمة أيتام                تمثلت أم البنين

الشاعر
ياسر العارضي

❇️ قصائد #محرم الحرام قصيدة لـ #ام_البنين عليها السلام



ربيت اربع اولاد للزهرة هدية
انذرتهم لبو السجاد بدروب المنية
-----------
گمر وتلث كواكب من حياتي
شفت من علي بيهم ذكرياتي
تمنّيت ودعيت الله بصلاتي
وبيهم ربي حقق أمنياتي
الأماني چانت هواي وهبهه الرب اليه
وحصّل گلبي ما راد بدروب المنية
------------
أول أمنية بآمالي تكبر
يوهبني الإله وگلبي ينسر
ردت أربع شباب نجوم تزهر
أشوفن بيهم الكرار حيدر
نِطاني الخالق انجوم يباهون الثرية
صفوا لحسين أجناد بدروب المنية
-------------
دعيت الله اوتشب بضلوعي جمرة
أواسي ابمهجتي مهجة الزهرة
وإذا ينگطع من حسين نحرة
كون اولادي صرعه على الغبره
كون اوياهم هناك واسلمهم بدية
للمظلوم إسناد بدروب المنية
-------------
تمنيت ودعيت وصار همي
گبل دم الحسين يفيض دمي
اوبنيني الأربعه حققوا حلمي
بل طف ابدماهم رفعوا اسمي
سِجدت بل ميادين هل نفوس الأبية
صاروا ولدي عُبّاد بدروب المنية
-------------
وهبني الباري كل هاي الأماني
بس أمنية وحده ما نِطاني
ردت ميّة بدر يضوي ابزماني
مثل عباس بل حب والتفاني
گبل حسين للموت أقدمهم ضحية
ابجرح كل لحظه ينعاد بدروب المنية
------------
تمنيت اشكثر والباري عالم
وظل سهران جرحي وجفني حالم
واجاني الخبر ذبحوا گمر هاشم
صبرت وگلت كون حسين سالم
حتى حسين ذبحوه ومشت زينب سبية
واللي راح ما عاد بدروب المنية
-------------
#عقيل_الكاظمي / #بغداد

#ام_البنين_تسأل_عن_الحسين عليه السلام

انحب وون لبني واحِن وينه اليجيب اخباره
.....

راح الحبيب ابن النبي. حسين الأعز من ولّدي
اسأل عليه صبح ومسه. والدمعه تجري بخدي

عيوني انطفن منّ البچي معميّه
وينه اليجي ويرد قميصه عليّه
وشتم عطوره وافرح بطاريّه
عايش يگلي واخته ما مسبيه

أم ونتظر ماظل صبر. وحشه وضلام بداره
........

بيعگوب مضروب المثل نوحه ودموع احزانه
لكن بعد طول الهجر رد يوسف لأحضانه

بسّ آنه ابني حسين ما رد ليّه
تسهيل امر اقره الحمد يوميّه
صبح ومسه عيني عله دربه اربيّه
لا ودّه طارش لا سألني شبيّه

شصبر بعد. گلبي انمرد بيمن اخمّد ناره
.........
فدوه البنين الاربعه. لحسين كلهم فدوه
شدّيتله حزام الظهر عباس راعي النخوه

لحسين ربّيته ونذرت چفوفه
لآخر نفس عباس لا ميعوفه
هيبة علي لمن تصد وتشوفه
يرفع الراس بفزعته المعروفه

هذا الگمر. هيبه وفخر لحسين الله اختاره
..........

بِشر ابن حذلم من رجع. يجري الدمع وينادي
يهل المدينه بكربله. ذبحوا حبيب الهادي

تعنّيتله وناديته ياناعي البين
اخبرني عن روح النبي ونور العين
جاوبني للعباس كطعوا چفين
جاوبته فدوه يروح لوليدي حسين

حيلي انهدم. گلبي انلچم. ام فاگده ومنهاره
...........

يمُّ البنين ابنج تره. بالخيل هشموا صدره
حسين انذبح يم النهر. عطشان گطعوا نحره
راسه برمح مرفوع ينزف دمه
مطروح ومگطّع وذر ظل جسمه
دنياي كلها بعيني صارت ظلمه
وصرخ يبوالسجاد وينك يُمّه

صار العمر. نار وجمر. بعدك اظل محتاره

#سيد_زيد_الفحام
________

#ام البنين              #احمد #العكيلي

سافر الغالي وصحت بمْوادعه
الله يرحمني برحمته الواسعه
وين رايح گتله وين
يا حبيبي يا حسين
الله يرحمني برحمته الواسعه
………………………………
عيني من يوم المشه عافت نظرها
وروحي بس العبره مخنوكه بصدرها
ايعينها الله المثلي وايعظم اجرها
لو عمرها ايروح شيعوّض عمرها

حسين عمري وهو جاهي ومالي
ما اجامل من اگولن غالي
واغله من ذني الثنين
يا حبيبي يا حسين
الله يرحمني برحمته الواسعه
………………………………
انه خادمته وشرف كلمن يخدمه
وعلى اولادي بالمعزه جنت اقدمه
بالدرب انطر واشم اثار جدمه
أبني للرجعه امل وانوب اهدمه

الواقع يكلي يدوم افراگه
ما يردلي ولا بعد نتلاگه
لا يرد بس كونه زين
يا حبيبي يا حسين
الله يرحمني برحمته الواسعه
………………………………
هاي سبحة فاطمه تشهد عليه
ادعي تسهيل الامر لبن الزجيه
ياعلي ادركني اصيح بكل مسيه
رجّعت شمْس الله رجْع حسين اليه

ادري ما يرجع واظل متانيه
هو ابني وانه امه الثانيه
بذمْتي يبقه لأمه دين
يا حبيبي يا حسين
الله يرحمني برحمته الواسعه
………………………………
من رجع مرسال منه وجايب اخبار
بدمعة عيونه قريت بكربله شصار
حسين مذبوع وخيامه احترگت بنار
وفوگ صدره من الحوافر ظلت اثار

يگلي عباسج جفوفه امگطعه
كتله دون حسين اضحّي الاربعه
اركاب افديه مو ادين
يا حبيبي يا حسين
الله يرحمني برحمته الواسعه
………………………………
من شفت زينب اجت مو هيه جنها
شعر ابيض حمره عين ازرگ متنها
الشام والطف خذن اغله اثنين منها
كل حزن يعگوب يخجل من حزنها

وين ادير الوجه عن الغاليه
من تردلي بلا حبايب خاليه
انظرلها مالي عين
يا حبيبي يا حسين
الله يرحمني برحمته الواسعه
………………………………
لحظه لحظه انتظر ساعة وفاتي
بلا حسين شتسوه لو طالت حياتي
منين ماگلّبها تجرح ذكرياتي
ضاعت بطف كربله كل امنياتي

ادعي ربي هناك تغمض عيني
وبين عباسي اندفن وحسيني
كون بين الحرمين
يا حبيبي يا حسين
………………………………

(( #ام_البنين_و_الزهراء )) # محرم1446
……………………………………………………………

ولله خجلانه اشكثر . شلون باجر اعتذر
بهاي كلش قصرت يا فاطم
سالمه آنه وابنج الما سالم
آه يبني .. آه يبني

……………………………………………………………


تدرين اليجي خجلان . يعصر بيده و بروحه
وي ذبحة ابو سجاد . مفروض انا مذبوحه
شلون اتمدد اعل ابساط.وجثه ابرمل مطروحه
وانزف گلبي وي الروح . گبل لا تنزف جروحه

خجل ملگه . اجي امدنگه . تصب عيني
شنو نوحي . اطش روحي . على حسيني

اعليج امشي محسنج . بالضلوع و عصرتج
العذر يا سلطانه فوگ الوادم
سالمه آنه وابنج الما سالم
آه يبني .. آه يبني

……………………………………………………………


أجيج امطر خجل عالگاع .امحنبه واجر بذيالي
راسي امركب اعل أجتاف.وراسه اعالرمح عالي
ابعني مو رسم منقوش . هالمنظر تراوالي
الرمح من الحديد و حار . بايگ ضحكة الغالي

غده اصفر . شعر احمر . ابنزف دمه
وسط راسه . الرمح جاسه . بالف لچمه

ريت راسي المنگطع . وي رمحه المرتفع
كون هم مثله الهوانه ولا شم
سالمه آنه و ابنج الما سالم
آه يبني .. آه يبني

……………………………………………………………


ماي الكوثر العندج . امن ايدچ يلمع امذهب
احجاية ابني اعيدنها . عذرا منّه ما اشرب
اواسي ابنج يمولاتي . الظل گلبه جمر يلهب
اذا شربيت لو عطشيت . بالامرين اتعذب

عمت عيني . على حسيني . و على اوليده
ابعطش فاير . سهم داير . على اوريده

كون ميته اوي الوِلِد . وهو مو وسط اللحد
بالمهد يلعب او وجهه الباسم
سالمه آنه و ابنج المو سالم
آه يبني .. آه يبني

……………………………………………………………


مثل عصر الجذع والباب.اجيج بروح معصوره
لا ساحگني حافر خيل . و لا اشلائي منثوره
يگلولي الخيول اهواي . دارن عالجسد دوره
وكثر ماهنه حيل اثگال .الكاع الحدره مكسوره

اطبگت صدري . على ظهري . الف مره
ولا داست . طبع عافت . على نحره

صرت كلما اصد فرس . بيه الف رمح انغرس
والحديد ابجسمه حافر راسم
سالمه آنه و ابنج الما سالم
آه يبني .. آه يبني

……………………………………………………………


اعليه البيت سگفه اظلال . وهو الجثه منصهره
ثلث تيام ماكو افياي .شمس حرگت عظم نحره
جروحه ولونها اتغير . صارت سوده مو حمره
اتغطه ابغطه وحسين.اسهام اتغطي كل صدره

على اصبعه . اهل دمعه . بدمه جاري
الرمل حدره . أكل ظهره  . و هو عاري

شلون خلوه بالكبر . اسهامه لچمنه اشكثر
الرمل حار النحره اصبح لاچم
سالمه آنه وابنج الما سالم
آه يبني .. آه يبني

……………………………………………………………


جان بودي اروح اوياه . و اصيرله مثل ظِله
لچن ردت الكمر عباس . ابزينب ينشغل كله
ومثلي ومستحي منج.اعل جوده الذبحته النبله
ثواب الضلعج الچفين . سهم نص عينه اتخله

گبل موته . عِله صوته . اعذريني
انسلب منج . تره خدرج . يضي عيني

وراح اضل ابمصرعي . يمچ اوصل استحي
الج سوط و حبل زينب قادم
سالمه آنه وابنج الما سالم
آه يبني .. آه يبني

……………………………………………………………
✍️ ( سيد خضر الزاملي )

#ام_البنين عليها السلام


ماتت.. أم گلب الحنين
ماتت.. ناعية الحسين
بدمعاتك التهل.. شيعها يالفضل
ناعية الحسين

_ ١ _
التبچيك اعله ابو اليمه بنواعيها
اعله متنك شيلها وللگبر وديها
استعجل بالدفن لمّن تواريها
لأن مشتاگ ابو اليمه يلاگيها

عانت.. آلام الفراق
عانت.. جرح الاشتياق
الفرگه متنحمل .. شيعها يالفضل
ناعية الحسين

_ ٢ _
منّ اتشاهدت بالعين دمعتها
لاخر لحضه متفاركها لوعتها
واخر كلمه كبل الموت كالتها
صاحت ياحسين وطفت شمعتها

صاحت.. كلمة ام البنين
صاحت.. مذبوح الحسين
مدمعها ما يِقل .. شيعها يالفضل
ناعية الحسين

_ ٣ _
لا تلجمها نزلها بعطف واحساس
هواي الحره لطمت يالفضل عالراس
وعلامه على الكبر حتى تعرفه الناس
غطي ام البنين براية العباس

خلي.. عالمرقد دليل
خلي.. راية من الكفيل
براية أبا الفضل .. شيعها يالفضل
ناعية الحسين

_ ٤ _
بعد يالفضل بيدك من توسدها
أم الاربعة جان امنية عدها
من تراب الحسين يصير مرقدها
بيدك يالفضل خليه تحت خدها

وياها.. تربة كربلاء
وياها.. متخضبه دماء
مولاها منقتل .. شيعها يالفضل
ناعية الحسين

_ ٥ _
لترش اللحدها ماي من زمزم
رش اعليه من ارماد المخيم
التلقين الأخير اقرالها مأتم
وگلها حسين تحت الحافر تهشم

گلها.. مسبيه العيال
گلها.. بچف زينب حبال
من تذكر الحبل .. شيعها يالفضل
ناعية الحسين

مصطفى الشافعي

ليلة #ام_البنين ع

بخت عنده اليوافيهه .. ام الوفـه نسميهه
ام البنين . ام البنين
_____
قبل لا تعقد النيه .. بگلبك سولف شويه
تلكه ويـاك بدويه .. لروحك تزرع الراحه
كرم عدها ولا صاير .. بسرعة اتطيب الخاطر
اندبها لا تضل حاير .. ام الكثرة اجراحـه

هاي الضحت ابكلشي للحسين
وكت المـوزمه تفتحلـك ايديـن
تنطيك ابعـجل ماعدها بعدين

حرز عندك تخليـها .. ام الوفـه نسميهه
___
حضر حيلك المايل .. واكصد ام ابو فاضل
سجلها بالوفه حافل .. ام الشايل الرايـه
ثوب دمـعتك الـها .. صدك راح تقبلها
واكيـد الحاجـه متردها .. ابد مترد الحجايه

بس حلفها بالماشارب الماي
دوم وياك تصبح خيمه وفياي
كلــه ويـاج انـه وكونـج ويـاي

بدمع عينك ترويهه .. ام الوفـه نسميهه
__
تحب اليحجي بالخدمه .. تحضره اليلطم بهمه
تسجل بالعزاء اسمـه .. تنور دربه وسنينه
تكفله اليخدم بحركه .. تحسه اليحس بالفركه
اليضحي تعرفه من عشگه .. تگر بهالعشك عينه

اليتعب بالخدام اتصيرله حزام
هيه تريـد زلمـه ايـرد السهـام
ويطفي ابدمعتـه نـار الخيـام

تريد ابدمعه ينطيهه .. ام الوفه نسميهه
___
تنصره اليصر بصراره .. تزيد جمرته وناره
تنطي بسرعـه البشاره .. وما تتأخر البشره
ترفعه الفاتح جروحه .. تخضر بالعشك روحه
تزيـد حـركته ونوحـه .. وتوزع للخدم نضره

وبنضرة عطفها تترس الناس
هاي ام البنين التـرفع الراس
شحجي وهو ابنها الكمر عباس

ام الگمـر يضويها .. ام الوفـه النسميها
_____
رتب گلبـك وثابـر .. هيه اتـريد اليناصر
عيش بالوعة العاشر .. ضم اهمومك ابهيمه
خلي ايكون موضـوعك .. طف ونـار ودموعـك
واكسر بيـدك اضـلوعك .. وسير للحـرم غيمه

الغـي بهالشهـر كل المواعيـد
بس حسين خلي ابالك ايفيـد
الطم وابجي وانـه انطيك شتريد

تلگه الشفه بيديهه .. ام الوفه نسميهه
____
#سيد_محسن_الجابري