عالمغتسل خليها والماي ديره اعليها تدري الضلع ماذيها
فاطمه فاطمه
*****
يا علي غسل الزجيه وجهز الماي
لان من عصرت ضلعها تعبت اهواي
فاطمه روحي وحياتي وهيه دنياي
بلكي بويه اتفك جفنها وتحجي وياي

اتفاركني ما حسبالي فكلي الجفن يالغالي دمعي اليصب يجويها
فاطمه فاطمه
****
بطيحت المحسن يبويه دموعي طاحت
الزهره الحكيني يفضه اهوايه صاحت
انه مو بس راسي حته ارموشي شابت
فاطمه امي وما اصدك امي ماتت

فصل الجفن بالحيره والماي بيدك ديره وبعيونك انضر ليها
فاطمه فاطمه
***

راح من تلزم ضلعها اتشوف الاثار
نابت بصدري الزجيه تلكه بسمار
هجمو اعله الدار بويه وشبو النار
وثكل ذاك الباب كله اعله الضلع صار

بصوط اشكثر ضربوها والزهره ما راعوها كل حيل ماضل بيها
فاطمه فاطمه
*********
يا علي ارحم دمعتي وفك جفنها
روحي ما شبعانه تدري اودع منها
بيت الاحزان البنيته مل حزنها
تبجي يا حيدر عليها لو لبنها

سلمان عاين حالك وبسك متت كلالك كل ما تحن تبجيها
فاطمه فاطمه
****




انه زينب والمصايب شيبتني
ليل اوداع الحبايب حيرتني
شو مشت عني الحنيه وفاركتني
شوغة المغرب يبويه عذبتني

بحجرتها صارت روحي كلي اشيطيب اجروحي احزاني شينسيها
فاطمه فاطمه
******
ليش اللنحبهم يدنيه بسرعه يمشون
نامو بنص المكابر ما يكعدون
اعزاز والله ومن بعدهم نصبر اشلون
راحو وضلت صورهم بين العيون

يا ناس يذبل عمره الدافن حبيبه بكبره هالكلمه اريد احجيها
فاطمه فاطمه
****

تحسین الخفاجی

لازمه الباب لازمه الباب ثلث تيام زينب لازمه الباب
والدمع سجاب والدمع سجاب تسولف عالضلع والدمع سجاب
يالتراب يالتراب اشمالك جا دفنت امنه يالتراب
العتاب العتاب عتبنه اشكد لجن ما فاد العتاب

شديت شديت يدهري اشبيك هيج وياي شديت
يالبيت يالبيت اشلون ارتاح واكعد بيك يالبيت

نريد امنه نريد امنه وحشه البيت واحنه نريد امنه
ما لكيناها ما لكيناها بحجرتها ندور ما لكيناها
انموت وياها انموت وياها هاي امنه ونريد انموت وياها

يوجعني يوجعني اصفاحي امن البواجي يوجعني
اتروح مني اتروح مني اشلون امي الحنينه اتروح مني
ابعيد عني ابعيد عني تره كبرج ييمه بعيد عني
اعله وني اعله وني اون والمكبره اتون اعله وني

اشلون بيه اشلون بيه المغرب من يجيني اشلون بيه
لو هاي هيه لو هاي هيه بعد نلتم سوه لو هاي هيه


غسلاها غسلاها علي بديه الزجيه غسلها
وجفناها وجفناها مدري اشلون حيدر جفناها

ويون الحسين ويون الحسين يون كام الحسن ويون الحسين
لا تروحين لا تروحين بعدنه ازغار يمه لا تروحين

بسمار بسمار صاب الضلع يمه اشلون بسمار
والكلب حار والكلب حار زينب يمه صاحت والكلب حار

الوداع الوداع ابد ما تنحمل ساعات الوداع
اينام بالكاع اينام بالكاع التريده عيوني ليش اينام بالكاع

اشلون طكه طكني البين بويه اشلون طكه
ايذوب حكه ايذوب حكه كلبي من الونين ايذوب حكه





بس صورها بصورها عله الحيطان ضلت بس صورها
بكبرها بكبرها امي اتحن علي حته بكبرها


وتفاركينه وتفاركينه وصلنه للنجف وتفاركينه
مو بيدينه مو بدينه صعب فكد الحبايب مو بدينه
*****
تمت
تحسين الخفاجي

قصيدة : النجار

باب الدار ' شافه وينوح النجار
الباب النجرته امن الجذوع شكبره
ما ادري باجر يندفع عالزهره
باب الدار
"""""""
يبجي ويكول الباب من سويته
البسمار طالع بلله ليش انسيته
تبت اديه وريت ما دكيته
يكسر ضلع ام الحسن خليته

بيها شصار ' طالع عليش البسمار
لو ادري جا اثنيه واكسر ظهره
ما ادري باجر يندفع عالزهره
باب الدار
"
هالباب لجفوف العده صار سلاح
من اندفع دم اطهر الوادم ساح
لو ينفتح للبره جا كلبي ارتاح
جا لا يلوح الزهره لا محسن طاح

محسن ثار ' بس جانت ايديه كصار
الباب ريته ينفتح ليبره
ما ادري باجر يندفع عالزهره
باب الدار باب الدار
"""""""
عن الجدار الباب كون مدنيه
يبعد الحايط ما يعصروها اعليه
جا ضل مكان الزهره تتنفس بيه
واشرف ضلع بالدفع محد ياذيه

لسابع جار ' ونها صفه امن الاشرار
الباب من شيدته ريت مكتره
ما ادري باجر يندفع عالزهره
باب الدار باب الدار
"""""""
كل جذع جبته كوه وصلته البيت
يا باب كلي بالزجيه شسويت
من اندفعت اعليها جا ما خفيت
يا باب يا فاطر اكلوب اهل البيت

بالكرار ' شسويت واولاده زعار
جذعك ترك بكليب زينب كسره
ما ادري باجر يندفع عالزهره
باب الدار باب الدار
"""""
لو ينغلق بحكام جا ما كدروه
بس انركل ولضلع فاطم كسروه
حاسب حساب الفقره من يفتحوه
ما ادري حيدر داره هيج يدخلوه

شبوا نار ' معناها حامي البسمار
بين الضلوع اتعنه مثل الجمره
ما ادري باجر يندفع عالزهره
باب الدار

#ميثاق_الحمداني

لسان حال سيد الشهداء ع



لو ماتت امك تنولد عازتك
تفگد ثغيب اينومس اجنازتك
حسره اعله حسره تعيش دنياك
تكبر وجرحك يكبر وياك
****************
لو ماتت امك دنيتك تبدي ابمحنهه
والأم اذا ماتت مصيبتهه اعله ابنهه
من چنت كلما تختنگ تبچي ابحضنهه
الله ايساعد كل كلب محروم منهه

يلتمن اعليك المصايب سوه
ومايرهم الجرحك بعد كل دوه
شطيب وانت الميت ادواك
*****************
حزنك بعد ما ينتهي وياك عشره
وغير امك اخياط الجرح محد يدبره
الماعده ام من ينكسر ياهو اليجبره
وكلمة اليمه اظل عمر بشفافه حسره

واليمشي كوه وايده عل الخاصره
معناهه دافن امه بالمكبره
ما تنعه امك انت تنعاك
*****************
تيبس غصن شجره انكسر وانگطع مايه
ودمعك مثل طول السمه مابي نهايه
كل جيش يدخل للحرب نوماسه رايه
وامك الرايه ولو مشت افطن الهايه

كل جيش يكشخ عل العدو ابرايته
وطيحتهه يعني اتسبب ابذلته
وشسوي وانت رايح الواك
********************
بعيونك اتصد للضوا وتشوفه ظلمه
وصبرك وره امك لو مشت الله يرحمه
معذور اليفارگ اذا كلشي يهظمه
حته المبلل يحترگ من يفگد امه

جمره ابدليلك تبقه طول العمر
بيتك اتيهه وما اتيه الگبر
لو محط روحك صاير اهناك
*****************
اني الشفت هذا الحجي بعد امي كله
بالنسبه لفارگ امي قصة موتي سهله
الليل من ايچل علي بدموعي أكمله
لا يمل من عندي الحزن لا اني امله

خلصت عيوني والدمع ما گضه
وهم البكلبي يسد كل الفضه
هم گلبي يترس كل الافلاك
*******************
الشاعر
مصطفى البديري

كان علي ع لايتحمل رؤية الزهراء وهي بهذا الحال
فينادي لزينب ع وهيه طفله ويقول....




بيه كسرت خاطر ... ....كلشي مني مسافر

كولي يازينب وخبريني الوضع
ايدها اعله عيونها لو عل ضلع
//////

يبنيتي مابيه انتظر.......صارت هدوء وسكته
شوفي امج الزهره تره...... كلبي انتهت سالفته
يازينب اشتم الهجر.......بصدري الهوى ماشلته
شو بصلا وتأخرت........ حاجيها خافن ميته


خاف ماتت ايه.............. فوك المصلايه

صوتها من الحجره شو ماينسمع
ايدها اعله متونها لو علضلع

///////////

لو راحت ام كلب اليحن... ضلمه تضل ايامي
كوليلها حيدر يون...... بعدج عليل وضامي
الضامها بروحي جنت...... باكوها من احلامي
شيصبر عيوني وشفت..... طاح العمر كدامي



ويشيضل بحاله............ الطاحت ام عياله
٤
جاوبي اعيوني يهل منها الدمع
ايدها اعله عيونها لو عل ضلع

////////


مجروح كلبي ومنكسر..... يازينب شكد مهموم
مختنك حتى من النفس ......ذبلان وجهي ومهضوم
هم شايفه بعينج علي .......منحني وكلش ملجوم
الكاسر ضلعها من البشر ......كاسر كلب جم معصوم


جرحي فاكد غالي ... ........وضل عدل جتالي

وذاب عمري مثل ما ذاب الشمع
ايدها اعله متونها لو عل ضلع
/////

تجرحني من اسمع تون.... محد وصل حالتها
كلما دفع بابي الهوى ... يكثر صدى ونتها
البحساسي شايلها دهر... هلمره انه بعازتها
الوسعه ضاكت والسمه.. لمن ردت شوفتها


حكها من ادموعها............. مكسرات ضوعها

خدودها من السطره ضل بيهن طبع
ايدها اعله اعيونها لو عل ضلع

/////////

يا ضيم بابي المحترك... كلهم حطب يردونه
والتمت املاك السمه .. اعله حسين ويصبرونه
طايح المحسن علثره....... ورماد تارس لونه
الماشايف بعينه الضوه.. ماطب ضوه لعيونه


وليدي راحت روحه .... جبهته مجروحه

بويه يذبح بابي لمن يندفع
ايدها اعله عيونها لو عل ضلع

.
#علي مخيلف

#قصيدة_شور .
#خطاب_الزهراء_وزينب_للحسين
#بعد_استشهاد_الزهراء_ع


خطاب الزهراء للحسين
حسين = يا يمه = يا يمه = يا يمه
_________________________________
بضلوعي == ضميتك
-- البسمار خو ما لاحك حسين ،
يا يمه == تعبانه ، ،
-- طبع الخشب صاير نياشين ، ، ،
جيب ايدك == تچيلي ،
-- الباب الثگيل يريد حيلين ، ،
راح امشي == واتركم ، ،
-- عوفوا البواچي يالعزيزين ، ،

كلما شفت باب حسين يمه ،
گله من ايدك اندفعت النعمه ،
يمه الضلع خله يروح خله ، ،
المصيبه المحسن الوين الكه مثله
_________________________________
خطاب زينب للحسين
حسين = يا خويه = يا خويه = يا خويه

نعش امي = يحسيني
-- ماريد اشوفه اعله امي مسدود
كابلني == واقرالي ،
-- للرايحه المو راضيه اتعود ،
بيت اهلي = يا خويه
-- صار اسود من اهدومنه السود
خل نبچي == وكون اصلا ،
-- من البواچي انحفر الخدود ، ،

خلي الدمعه تحرگ عيني كلش
بحيث انوجع كلما اريدن ارمش
فراگ الوالده الچتال يحسين ،
الدهر خلاني افارگ لبت العين
_________________________________
خطاب الزهراء للحسين
حسين = يا يمه = يا يمه = يا يمه

فاركتك == بس ادري ،
-- بعدك تريد امداره واحضان ، ،
ومن تغفه == تكض ايدي
-- بسوالف اليا كان ما كان ، ، ،
يحسيني == انا امك ،
الدمهه نزل ع الباب نيشان ،
ويحسيني == انا امك
-- الكسرو ضهرها العله الحيطان

انا امك الطاحت من اجه الباب
سطرها وخله فوك عيونها اصواب
طاحت أمك وبعده الوكت عود ، ،
ومحسنكم وره البيبان ممرود ،
_________________________________
خطاب زينب للحسين
حسين = يا خويه = يا خويه = يا خويه

چا محد == دك بابي ، ،
-- يا خويه حته الهوه الجذاب ،
تانيته == يلم دمعي ،
-- ما مر عليه وحرك الباب ، ،
لو مرني == بالغفله ،
-- چا كلت هل ردولي الاحباب ،
يا خويه == زهرتنه
-- نامت وجاس ضلوعهه تراب ،

خويه الحاطتنه ابالهه سنين
حطوهه بگبرها وغافيه العين
خويه الفاكدات اجروحهن خوف
من ضيم البواچي رايح الشوف ،
________________________________
خطاب الزهراء للحسين
حسين = يا يمه = يا يمه = يا يمه

نتلاگه == يم جدك ،
-- يا يمه ونلم الحچي هناك ، ،
اتسولفلي == وتحچيلي ،
-- ع الحچي الما كملته وياك ،
ارد اكعد == يم راسك ،
-- وكلساع ايدي تناغي يمناك
يالرابي == بنص حضني ،
-- متعوده امك على مداراك ،

ونتگابل واحاجيك بدمع حار
ما راحم ضلوع امك البسمار ،
يمه منيلي الواهس واحاجيك ،
علواه كون ايد تمدلي اكض بيك ،
_________________________________

- #علي مهدي المالكي ،.

علي بالليل تدفني وتودعني…
لتخلي الكسر ضلعي يشيعني
. وصية فاطمه
.///////////////

. كون ابستر ..تخفي الكبر ..حته الكسر ..يوم الحشر.. يشكي الامر… من الضلع والكسره ..والعصره…
.
والينشد ليش مخفي اللحد
خل حرك الدار هو يرد
وشكد حسرات ضليت اهد
.
.كتله فاطمه اني ام الحسن
لضلعي جاوبه ويكلي وان
رد وكسره وشموعي طفن
.
علي بالباب يعصرني ويكسرني
فكدت المحسن ابعصره ويمرمرني
وصيه فاطمه…
..
../////////////
..
هذا الهجم ..محسن ظلم ..كلبي انهظم ..حيلي انهدم… ضلعي انثلم.. المحسن طاح من شفته.. ومن عفته ..
..
عل عتبه يطيح مني الولد..
منل محسن ليش خالي المهد..
ماشوفه شلون حيدر بعد. ..
..
ابني المنغدر ماشافه النظر..
من حظني انحرم لا شفته كبر..
وسفه ياعلي بالباب انعصر…

..
.. علي ياوسفه ابني ايفاركه الحظني ..
مو من الضلع وونيني راح ابني..

وصية فاطمه
..////////////////
..
اقره ذكر ..فاطم تسر.. يم الكبر.. ..لمن تمر.. يابو الصبر… اهديلي ياعلي سوره… وبنوره..
..
اقره القران حيدر علي..
كل التقراه ثوبه الي..
من ادفنون بيه اختلي. ..
..
الميت ينسعد لو زاره المحب..
مشبوح النظر يضل اعله الدرب..
بكبره وينتظر للجيه ايحسب. ..
..
علي وصيتك وادري تبر وعدك..
وادري الكبر تتمنه علي ايوسدك..
وصية فاطمه
..
../////////////
..
لمن يجن ..ليل الحزن.. كون اندفن.. لتضل تون ..وادري تحن… رد للدار ياحيدر.. واتصبر..
..
بدار الكرار مطفي الضوه..
وبصدرك نار حته الهوه…
مانرجع ليش حيدر سوه..
..
همي ياعلي وحدك من ترد..
وجرحك يلجم من ليل الفكد…
يمي حسرتك ياحيدر تهد. ..
..
علي عل دار سلملي احب داري ..
من فاركته مغصوبه توج ناري..
وصية فاطمه

..//////////////

نسالكم الدعاء
احمد الطيب الحلي

. .. الله يساعدك من ادفنتها
ترد وحدك علي من ودعتها
ياحيدره ..ارد اسالك
انسيه… فاطم لو ملك..
. من ادفنتها


///////////

جني اشوفك يبو زينب راجع امتونك تون..
مو نعش فاطم حملته وشالن متونك حزن…
شثكله همك حنه ظهرك وانكسر منك متن..
اخ من ليل المفارك ايفزز جروح اليحن. …

تهود للجرح ويلجمه ليلك..
يداحي البوب كلي وينه حيلك. ..

دمعك يحيدر بللك ..
انسيه فاطم لو ملك..
. من ادفنتها

////////

يا علي من غسلتها وبيدك اتهيس الضلع..
والجفن ازرك تشوفه وجف غدر بيه منطبع…
شكال كلبك من شفتها وادري بيه ضل منفجع..
وغسلت ضلع الزجيه ياعلي بفيض الدمع..

تدير الماي بالتغسيل وتلوع. ..
ابهيده اتخاف لا تلجمها الضلوع..

كل حيل ابد ماضل الك
انسيه فاطم لو ملك
. من ادفنتها

///////////

حاير ادري شلون ترجع وحدك الدارك ترد..
وانته ابو الحنيه كلبك مثله ابد ماينوجد. ..
لون نشدت وين امي زينب شرايح ترد..
وصرت انت ابدار تسكن وفاطمة سكنت لحد..

وزينب تدري ابد ماعايزه صواب
يحلال المشاكل حظر جواب

وانته ابد مترد سائلك
انسيه فاطم لو ملك
. من ادفنتها
//////////

يا علي اتون اعله ونها وروحك اتون لاطمه
وبدت من ونتك يحيدر كل عزاء الفاطمه
بالصبر موصوف لاجن من شفتها مألمه
منل ضلع كل المصايب.. وطبرتك حامي الحمه..

وراه جبد الحسن منغدر مسموم..
وياطف كربله المامثله كل يوم

. يحسين مايمك هلك
انسيه فاطم لو ملك..
. من ادفنتها
///////////


يا علي من شيعتها تحط روحك بالنعش ..
تمشي وتشيع بروحك والبجه وياك العرش..
بللت كبر الزجيه ادموع مو ماي الترش…
اتكلها سجادة صلاتج هل مسه ماتنفرش…

صلاة الوحشه هالليله علينه
وردنه وياج بس ماصح بدينه..

يا موت اضل اتوسلك..
انسيه فاطم لو ملك
.
. من ادفنتها

///////////

نسالكم الدعاء
احمد الطيب الحلي
الاحد ..6/12/2020

(((رداد الشمس)))





ردت الدنيه امس .... دخل رداد الشمس
گمر گمر..يبو فاضل..گمرگمر

****

شدعوه كلك مستعد
خلي بس مهرك يهد ......زايد بصولاتــه
انته جيش الوحدك
لازم تردلك فــــدك ......يوجع بطگاتــــــه
کلهه صاحت مو بشر
گمت من تنزل مطر ....... تکتل حچایاته
الرایه بیدك من تهز
گامت الموته تفز .......انخلسو بصیحاتـه

والحچي صاير همس....دخل رداد الشمس
گمر گمر..يبو فاضل..گمرگمر

****

شما يقدمون اسلحه
انته بيدك فاتحه .... بويه كــف زنــــــوده
انه ما سامع سمع
ترتجف ضلع بضلع .....الدنيه صارت سوده
الدنيه گامت تنقبض
خلصت حـته الارض ......واللسن معگــوده
یضبهه لمن ترتخي
حسين صاحاله اخي ......والنعـم من زوده

الوادم انخلست خلس....دخل رداد الشمس
گمر گمر..يبو فاضل..گمرگمر

****

احنه لا مو خیبـــــره
جاي كلك حيــــــــدره.....اصبر وحاچینــه
خفنه منك والنبي
الزلمه لابد بالعبي ........ظلمتهه اعلينــــه
الخيل گامت تنشمر
گمر بعیون الفجــــر ... ..والشمر چاوینـــــه
غضب بس اعله العده
بس ترف مثل النده .... بسرعه تدمع عينه

وانقفل باب الحبس....دخل رداد الشمس
گمرگمر..يبو فاضل..گمرگمر

****

الجيش ابد ما يفتهم
غير لازم ينهزم .......الجيش مدري شماله
والنخل اصبح نوه
والهوه يگض بالهوه ......مخردل الخيالــــه
كلشي صاير يندمج
والزلم هم تنسرج .......الجيش جر ذيالــــه
حته عزريل انتچه
ساكت ولا ما حچه ..........وين رايح بالــه

صارت الروس بفلس....دخل رداد الشمس
گمرگمر..يبو فاضل..گمرگمر

****

هل اتى لا بل اتى
حيدر وانته فتــى ....هيبته وتصويـــــــره
الجيش سولف ما يلي
ادري چم واحد علي .... والله بلوه وحيـره
انته بس انته الشهم
والحسن رب الزلم ..... الزلم يمه گصيـــره
واگف بطول الدهر
وبللت حته النهــر .... اشكثر شايل غيـــره

من الحرب گامت تنس..دخل رداد الشمس
گمرگمر..يبو فاضل..گمرگمر




عبد زينب
محمد الابراهيمي

يالزهره يم حسين..بكلبج صفه جرحين
جرح الظلع مالوم..وجرح ابنج من الكوم
&&&
عادت الوادم ترحمه لو سكط واحد جنينه
هذا اليتجي لجروحه واحد يكومه ويعينه
يخفف امصاب الجراله يواسي بفكده بنينه
لجن الزهره وظلعها عالولد ظلت حزينه
بيه شجره والصار..من شلت الاشرار
تنعى بالم وتلوم.. وجرح ابنج من الكوم
&&&
الطاغي متعمد يشيعه الزهره بالباب ودفعها
ظلت الزهره تنادي يحيدر من وجعها
النبت البسمار بيها وبابنها من فجعها
بالدمه تحنت تشاهد الكسر بيده ظلعها
شافتهم الكفار..الدخلو اعله الدار
اعليها كام يحوم.. وجرح ابنج من الكوم
&&&
هاي افعال النواصب ذوله اصحاب السقيفه
بس غدر سم وخيانه كل اديهم مونظيفه
كسرو اظلوع الزجيه الطاهره الحره العفيفه
وطحيو محسن بديها هايه افعال الخليفه
لاذمه لا احساس..ياشلت الارجاس
من الهوه محروم.. وجرح ابنج من الكوم
&&&
كل بشر يوم الولاده ويوم ساعتها وفاته
يكظي كل عمره يناطر يمته تخلص ياحياته
لجن الزهره الزجيه النبي سرها بمماته
كلها باليجري عليهاالظالم ورعه وعتاته
عرفها بالاشرار..والخاين الغدار
ربج وي الملظوم.. وجرح ابنج من الكوم
&&&
ظلت الزهره تعاني وكل المها هيه منه
الظالم الملعون نفسه مايشم ريحت الجنه
وي غلمانه وزمرته الها هوه من تعنه
ماتت الزهره الزجيه وبدعها ماتهنه
من نادت القيوم.. وجرح ابنج من الكوم
&&&
عالنعش يوم الدفنها حيدر بذيج المسيه
هلت ادموعه عله خده علي حماي الحميه
يصيح وينادي وعيونه وروحه وصلت للمنيه
عليه التمت عيالج كومي يالزهره الزجيه
ماظل عليها عيون..كلهم تره يبجون
والحسن ظل مهموم.. وجرح ابنج من الكوم
&&&
خادم اهل البيت
الحاج ابو علي السعيدي

عبااس ،، عباااس ،،،، عباااس،، عبااااس
،،،،،،،،،،،،،،،،،،،،،،،،،،،،،،،،،،،،،،،،،،،،

بسمك عليناهه الرايه
يمطيح چف الرمايه
والشط ناشف ريجه و مايه
والله مسوي بجرفه اسوايه

لو مية طف ما ينساهه
انته ابن الوالي الرداهه
شمس الله وترجع خلاهه
هنيال امك وانته رباهه

عبااااس ،،،، عباااس ،، عباس ،، عباس
،،،،،،،،،،،،،،،،،،،،،،،،،،،،،،،،،،،،،،،،

يا قائد وچفوفك ديره
يمأسس عباس الغيره
صارت بيهم خوفه وحيره
يا كافل يصعب تفسيره

ياهو الطب الحومه بزوده
ذل الجيش بهاي زنوده
وگفات الكافل مشهوده
خيمة زينب ندري حدوده

عباااس ،،، عباااس ،،، عبااس ،،، عباس

،،،،،،،،،،،،،،،،،،،،،،،،،،،،،،،،،

خلي الفارس فوگ الفارس
للحومه انته مسوي الواهس
يم حيدر يلكافل دارس
لاختك زينب حامي وحارس


يا ظهر حسين وعنوانه
يا قائد جيشه وذرعانه
صاح الكافل انه هنانه
والجيش انخطفت الوانه

عباااس ،،، عباااس ،، عبااس ،، عباس
،،،،،،،،،،،،،،،،،،،،،،،،،،،،،،


يا ساگي الموت بجف أيده
ما طارت بچفوفه الصيده
هذا الموت وياهو ايريده ؟
يخلص والعباس ايعيده

قادتهم بالطف غطاهه
لمها وطشرهه ولماهه
شردت والطف ما كفاهه
للبرزخ راح وذلاهه


عباااس ،،، عبااااس ،،، عباااس ،، عباس

،،،،،،،،،،،،،،،،،،،،،،،،،،،،،،،،،،،،،،،


صاحت زينب هذا الهيبه
عباس وحيدر ترتيبه
خله ابگلب الحاقد شيبه
يا كافل عنوان النيبه


وصلهم للشط رداهم
ما شافو راحه وخلاهم
چنه الموت ويحچي وياهم
يطحنهم بيده وذراهم

عباااس ،، عباااس ،،، عبااس ،، عبااس

،،،،،،،،،،،،،،،،،،،،،،،،،،،،،،،،،،،،،،،،،،،،


جاب الماي أوشط أوغيمه
مد أچفوفه وصارن خيمه
ضم روحه الطف ماي بهيمه
صاحت زينب يا رب ديمه

هذا الكافل فدوه الطوله
وفى الزينب هيچ احچوله
يا دمعة شوگ وهلهوله
مشتاگه اختك بس گلوله

كلمات خادم الحسين
رعد الفريجي
1442 للهجره

امتد على اجروفك عطش بللني يالمايك عشگ*
يمفّصل اجروحك غطى وثوبك سليب ومنسحگ*
يالما برد بيك العطش يوميه يچويك الطبگ*

جرحك يحب الحامي*
ولخيامك ايضل ضامي*
يالما قنعت ابس عطش*
كاشخ ابمنحر دامي*

يالحبك يستاهل كل سهر*
سودنت الوادم يالبس نحر*
الما شافك تأويل الحب كفر*
عشگك فزعه الما يلحگ خسر*
....................
يالما شبع منك سهم والحافر الشابگ ضلع*
يالما طردت الباگك وچملته عالمحبس صبع*
كحّلي عيني اشما ردت يالضامي وارزقني دمع*

فلّ روحي بين اجروحك*
لذه اليعاشر نوحك*
وارزقني جمره امن الخيم*
عيشني حيرة روحك*

گود ادموعي ودليهه الخيم*
احرگني ابنار التانن علم*
ما يحلا الحب لو ما بيه ألم*
گام اصبي عيني یهوی السهم*
.........................
من ريجك الحدّ النهر چم حسره طاحت عالترب*
امن اخيامك الحدّ منحرك چم شيلة عثرت بالدرب*
والچانن ابروحك حرز يتراكضن بين الغرب*
علويه عثرت مستحى*
وابخويه جت امفرفحه*
گمت ويرد حيلك رمح*
وخلگك شماته اتجرحه*

وابصدرك يتعبد چم رمح*
واتلَملم من ليل الطف صبح*
نحرك ما لايگ يمهّ الذبح*
دم واتراب ابشعرك مو سرح*
...........................
وابعينك اشمحلا الغزل لوما ترس عينك دمه*
شما اقرا لعيونك احس تشهگ ييمه فاطمه*
طحت ابّشر ما تفتهم طاري الذبح بس تفهمه*

وانته اشكبر الطافك*
متفطرات اشفافك*
واتنادي يا ربي اخذ*
وذاري الرمال الحافك*

بالهاك اتلگيت الفرهدو*
ومشغول ابربك لمّن اجو*
بغير اتراچي ابنيتك ما رضو*
بچفيتك يالطايح هوّسو*
..........................
شكرآ الك يالضامي يمعيشني حسرات الخدر*
شيكفي لجروحك عشگ وانته اترست كل العمر*
ملح السوالف انته بس تستاهل اكتبلك شعر*

يا عاري وامغطيني*
عطشان بس ترويني*
من كل جرح تنزف هلا*
والگيت بيك اسنيني*

اقراك ابترتيل اهل الهوى*
واشهگ من اتصور نينوى*
ظلمه وشفتك بس انته الضوه*
وادموعي الاحزاني بس دوه*



علاء المياحي
الفاتحه لروح والدي

هذا عمره وحاله
عالحزن دلاله
والكرامتهم چتل عالعاده
موسى لمبرقع ينوح اجداده
عترة احمد .. عترة احمد
@@@
آل طه .. من مثلهم بالجلاله والكرامه
وكل ضياها .. من ضي وجه النبوه والامامه
في نهاها .. سؤدد الدنيه وسياده بالقيامه
وابدماها .. اتثبت المنهج عليهم بالظلامه
...
موسى منهم واحد
وعالظلامه شاهد
سيد وعاش الهظم بالساده
موسى لمبرقع ينوح اجداده
عترة احمد .. عترة احمد
@@@
چان عالم .. وثقه عند الهادي ماحاصل مثيله
زهده غانم .. مخلص والله سكن عقله ودليله
ابن فاطم .. شايل ابصدره كسر ضلع الجليله
لا يلايم .. دمعه عالأجداد ماوگف مسيله
...
هاللي وجه الازهر
امن المدينه اتهجر
وصفت قم لهجرته بمراده
موسى لمبرقع ينوح اجداده
عترة احمد .. عترة احمد
@@@
بصدره آلام .. يبچي عالجده التي هتكوا سترها
گوم ظلام .. وتبقه سطره عالوجه باين أثرها
روح لسلام .. طاغية عصره ترى ابگوه عصرها
ابذاك لجرام .. ضلع فاطم بالستر لمن كسرها
...
بگلبه ظلت جمره
ينعى امه الزهره
وللأجل باقي عزاء احداده
موسى لمبرقع ينوح اجداده
عترة احمد .. عترة احمد
@@@
شتحمل الروح .. امصيبة الكرار والطبره الأليمه
كل مسه ينوح .. چبد شبر بالطشت وذره وخذيمه
ودمعه مسفوح .. يصيح بالطف الحصل اعظم ظليمه
ويلي مذبوح .. طايح اوفوگ الهزل شالوا حريمه
...

دموعه تجري وتسفح
عالجره بالمذبح
للحسين وصحبته وولاده
موسى لمبرقع ينوح اجداده
عترة احمد .. عترة احمد
@@@
زين لعباد .. وباقر وصادق شهادتهم مصيبه
وحسره تنعاد .. على موسى بالجسر جثه غريبه
بغربة بلاد .. عالرضا ابطوس انكتب حرگة نحيبه
وثار لجواد .. ابصدره باقي ماطفه لحظه لهيبه
...
جروحه گلي اشتشفه
امبرقع او يتخفه
وبرض قم اعله الأجل ميعاده
موسى لمبرقع ينوح اجداده
عترة احمد .. عترة احمد
@@@
علي احمد الحمود
٧-١٢-٢٠٢٠
وفاة موسى المبرقع

(((عباس ممنونك)))






محتام اجيت الشوفتك
دثرني غيره برايتك
عطشان اجيتك يالگمر
شربني كوثر جربتك

عباس ....ممنونك
عباس ... مديونك
عباس ... مجنونك


هوه اليحب مايطلب الدمعه
عاشگ ودمعي قصةّ الشمعه
اصرخ وأگولن يالگمر وأنعه

مولاي مولاي ابو فاضل
----------------------------------
ازرعني بدروبك ألم
سويني سالوفت نغم
ممنونك وآنه اعترف
مخليني خادم للخدم

وفاي ..... بالغيره
وفاي .. تصويره
وفاي ..... تعبيره

عباس اجيتك والحچي بروحي
شما زاد عشگي تكثر جروحي
وأگبال حسنك ما أكض نوحي

مولاي مولاي ابو فاضل
----------------------------------
شممني عطرك يالاخو
واترسني من عطفك دفو
كل خوه يمك تنحني
بس انته تستاهل اخو

نسمات .... بنفاسك
نسمات ... بحساسك
نسمات ... نبراسك

من نور وجهك تستحي الفضه
والماي بسمك صار يتوضه
وصلى عليك وسلم بفرضه

مولاي مولاي ابو فاضل
----------------------------------
بسمك الطايح ينتچي
والحدك و يمشي الحچي
والدمعه لا مو معجزه
المعجزه نحب البچي

لحسين ... وعياله
لحسين ... وخياله
لحسين ... انعاله

منك نريد الحسره والشوغه
يحچاية (الله) بذهب مصيوغه
وضلوع صدري سوده مصبوغه

مولاي مولاي ابو فاضل
----------------------------------
عباس يم بابك ضوه
نورك يصاحب نينوى
وبدورت عيونك خيم
وبيمنتك صار الهوه

كفال. ... لرقيه
كفال .. علويه
كفال ... بالنيه

عباس احبك واسجد ابابك
احسبني خادم ألك لحبابك
جنيت روحي وعاشگ ترابك

مولاي مولاي ابو فاضل






عبد زينب
محمد الابراهيمي

كلميني يگلبي يروحي .. حسينچ يا أماه
اسكنتي ونامت عينچ .. ويلي وا ويلاه
...
محروگه روحي بحزني
وابگلبي تشعل جمره
ضميني وسكني ونيني
وطفيلي نار الحسره
يايمه ابضمة صدرچ
حسيت بضلعچ كسره
...
وجهچ شفته .. ابخدچ سطره
سوده لجفون .. وعينچ حمره
ويلي ولمتون .. صارت زرگه
ومثل انفاسچ .. ابچي ابحرگه
ويلي أماه .. أماه أماه
...
دمعي على خدچ نزل
ومني انتهى احلا امل
محتاج انا لحظنچ دفه
لاچن حرم حظني الأجل
@@@
ابموتچ ماتت أحلامي .. وبحزني الأحلام
بعدچ يالكوثر ضامي .. وتسگيني الآلام
...
النار الحرگة بابچ
باچر بخيامي تسعر
وبسمار الفت اضلوعچ
سهم ابگلبي يتفسر
والساطر خدچ چفه
ابچفه يذبح منحر
...
بهجوم الدار .. دارت عسكر
ابضلعچ يمه .. صدري اتكسر
لبيتچ هجمه .. بالطف هيه

لخدچ اطمه .. ابخد ارقيه
وحگچ سلبه .. سلب خيامي
وروعة گلبچ .. بروع ايتامي
...
ومثل السگط الي وگع
بالطف طفل نحره انگطع
عبدالله بسهام الأجل
چن محسن لگلبچ فجع
@@@
علي احمد الحمود
٥-١٢-٢٠٢٠
شهادة الزهراء

بالرمح والعصره..ذبحونه مرتين
آنه باب الزهره..ياخيمة احسين
...
آنه شاهد عالكسر ضلع الزجيه
مني بسمار الرسم هاي الرزيه
وانتي شفتي اجم جرح بالغاضريه
ومن وقارج طلعو زينب سبيه

وإلاجل دين الله..ثوبنه طفلين
آنه باب الزهره..ياخيمة احسين
...
جانت املاك السمه اتلبسني حنه
وعطري عطر الخاتم المرسل كأنه
آنه كعبه امن القداسه وانتي جنه
الله سبحانه خلقنه امن المحنه

وللسمه اثيناتنه..نبقه قريبين
آنه باب الزهره.. ياخيمة احسين
...
أنه اصلي من خشب يالاصلج اقماش
كبه نرهم للشرف مانرهم افراش
والرفسنه والحركنه والله ماعاش
وانتي ابوفاضل عليج اجم نهر راش

وآنه حيدر بيده..سواني تدرين
آنه باب الزهره..ياخيمة احسين
...
انه وانتي اثنينه الحركونه بالنار
الارماد ابعينج وإبروحي بسمار
ازغيّر البسمار بس بالطف رمح صار
والرمح ياخيمه شايل روس الاكبار

مني طفرت جمره..ابنص الصواووين
آنه باب الزهره..ياخيمة احسين
...
فاطمه ابخدهه تضل السطره نيشان
وزينب ابجفه السلاسل تبقه عنوان
قنقذ وسوط الشمر نفس الطبع جان
والخرابه من سلالة بيت الاحزان

والامتون امورمه..والسطره بالعين
آنه باب الزهره.. ياخيمة احسين
...
علي بايعهم حفاظا عن الإسلام
وهم علي السجاد كاره روحة الشام
وبقه جرح الزهره مثل الفطر بالجام
يكبر وتكبر مصيبة حرك الاخيام

وعابس ابكل كطره. خضّر مجانين
آنه باب الزهره.. ياخيمة احسين

محمد الجماسي

مشتاكلــج * يم الحسن
مشتاكلج * وأنــتي بچفن
مخنوكه حيل حجايتي
بابي كـــسرها مرايتي
مشـــــتاكلج
ــــــــــــــــــــــــــــــــــــــ
الچفن مايسمع حجايه ولا يعرف شني الفركه
شحجي ويالچفـن محتار لا بـي جلمه لا ملكه
صامت وأنـه أسولـفله وشفافي غدت زركه
بينج بيني بس أقـماش وكالساع أحترك حركه

وأبموتج مات الهوه
وأبمـوتج متـنه سوه
مــني مشت تجايـتي
بابي كــسرها مرايتي
مشتاگلج
ــــــــــــــــــــــــــــــــــــــ
أسامرمن وأحاجيمن عله أسمج ماخذ لساني
غير أنتي وطن كرار شلون أعـشك وطن ثاني
أنه وروحي يازهراء نعيش بغربه ونعاني
لفـينه بچفـن وياج بغـيابج شنو أنتاني

وبغـيبتج غاب العمر
وبغـيبتج مات الكمر
ياتربه ومصلايتي
بابي كسرها مرايتي
مشتاگلج
ــــــــــــــــــــــــــــــــــــــ
بيش أبجيلج الدمعات يفاطم عندج عيوني
يطير وطيرتي بجنحج علـيج أشكد يحسدوني
أنه الكنت أدلي الناس صرت بعدج يدلوني
حي لاكن متت بجفاج وأدور عاليشيعوني

ياحالتي تبجي الصخر
ياحالتي محني الضهر
جلمه ومشت شرايتي
بابـي كسرها مرايتي
مشتاگلج
ــــــــــــــــــــــــــــــــــــــ
اليسولف عالجرح مجروح أه يغيابج شكبره
وحيدر عاشك ومضلوم ماهانت عليه عشره
قريت الفاتحه الروحي الروحج فاطمه شأقره
طريق الشـيع المحبوب ماتطلع عليه كمره

محتاجلج يم الوفه
محتاجلج يالعاطـفه
ياغايتي وياغـــايتي
بابـي كسرها مرايتي
مشتاگلج
ــــــــــــــــــــــــــــــــــــــ
اليعـطش عالبعيد أشلون ماتروي العطش صوره
يوصل مرحله وينهار أويشعـر منتهي دوره
يشباج البخت والخير وكلبي أتعود أيزوره
وحق ضلوعج ضلوعي أحسها بصدري مكسوره

وبصايـــتج بيتي عله
وبصايــــتج يـم الهله
يانسمه عشكت رايتي
بابي كـسرها مرايتي
مشتاگلج
ــــــــــــــــــــــــــــــــــــــ
يفاطم والله كلب حسين ما يسـتاهـل أللجمه
من كد مايفكر بيج أسمـعه أيصيحج أللبسمه
أخذتي الحيل مـنه أشلون باجــر يحمل الـهضمه
كـــد ما منشغـل بالأه مايسمعني أصيح أسمه

محتاملج كلبه أنفـــطر
محتاجلج وين السفر
قـرأنه أنتي وأيتي
بابي كسرها مرايتي
مشتاكلج


#الخادم عبد الجليل المالكي

السيدة زينب ع تقف عند قبر امها الزهراء ع
وتقول لها...
....

توه انولد يايمه.. يسواله ميت زلمه
حبيتج اتشوفينه..ومن كبرج اتناغينه
يسواله ميت زلمه
ــــــــــــــــــــــــــــــــــــــ
هذا الاخو وانه أخته..وباثنين ادي شايلته
ايزورج اريده
زلمه وثكيله اجفوفه..شط واحس بجروفه
كلش بعيده

خليته يم كبرج يشم عطر الحنين
هذا هديه من علي وام البنين

ابطن امه جان ايرافس.. لو سمع طف وعابس
اتمنيتح اتحضنينه..ومن كبرج اتناغينه
يسواله ميت زلمه
ــــــــــــــــــــــــــــــــــــــ
زينب عرفني وشفته.. الماي الوكع من كصته
يترسله غيمه
شابكني يمكن ساعه..ترهم عمود اذراعه
والرايه خيمه

ابحضن امه يبجي ودائما هذا البكاء
اتعود اسولفله قصص عن كربلاء

بهاي الطريقه ويغفه..ايحب الاحجايه الترفه
لو عدله واتشمينه..ومن كبرج اتناغينه
يسواله ميت زلمه
ــــــــــــــــــــــــــــــــــــــ
كلش فرح من كتله..وادري انتي مشتاكتله
وعجبني طبعه
كلالي ليش الزهره..ماعدهه كبه وحضره
وبعينه دمعه

ضل يقره ايات البجي ويتوسلج
ياايُها الزهره ارجعي مشتاك الج

اشعر ابنبرة صوته..فزز جميع الموته
وايريدج اتواسينه..ومن كبرج اتناغينه
يسواله ميت زلمه
ــــــــــــــــــــــــــــــــــــــ
عباس اجه وفرحني.. والوكت لو طيحني
هوه الوسيله
بكاروكه اعاين واحلم.. والله وعلي لو يرهم
بعيوني اشيله

فكيله بيبان الكبر مديله اديج
بشفافه يهمسلي واحس يسأل عليج

هذا الولد يالزهره..هوه اليداوي السطره
والغيره ترست عينه..ومن كبرج اتناغينه
يسواله ميت زلمه
ــــــــــــــــــــــــــــــــــــــ
سولفلي حيدر عنه..والغيره فاحت منه
وترست عباتي
ابكاروكه يهتز الكون..هوه والسيف اينامون
وكل امنياتي

وام البنين اتحط علم بيده وينام
ومن نومه يكعد لو سمع طاري الخيام

زاير اجه اتعنالج.. امبارك يشوف اخيالج
وبثارج اتكلفينه..ومن كبرج اتناغينه
يسواله ميت زلمه
ــــــــــــــــــــــــــــــــــــــ
يايمه زينب اني.. وباجر تروح اخواني
وابقه غريبه
توكع اجفوف العباس..واحسين جثه ابلا راس
اعظم مصيبه

يمج علي ويمي علي لاكن عليل
امكيدين اديه بسلسله ودمعه يسيل

وانتي ابهذيج الهيمه..سويلي حضنج خيمه
واحسينج اتعزينه..ومن كبرج اتاغينه

محمد الجماسي

بحق ام ابيها صاحبة الضلع المكسور


شفت ضيم واذيه عكب سيد البريه
واويلاه خدي انسطر واويلاه ضلعي انكسر

****

دنيا وبالمحن تخلص .. مردهه
عصرني الباب وضلوعي .. مردهه
العصابه اتجاسرت واخذت.. مردهه
اكسروا ضلعي واثر سوط بإديه

**

شعل نار الفتن خصمه .. واثرهه
وطاح وليدي عالغبره .. واثرهه
يريت يْشاهد السطره .. واثرهه
واخبره شلون جازوهه الوصيه

***

يوم الغاب ضي وجهك .. وناره
اجاني الظالم بسوطه .. وناره
دفعني وهشّمه الصدري .. وناره
طفلي الهزّته چْفوف المنيه

**

دهري مشرّع سيوفه .. وحدهه
وتچتّف حِيد خندقهه .. وحدهه
آنه فاطمه الضلّت .. وحدهه
احشمّن بعد يفزع اليه

***

فِته بظلمي الدهر حكمه .. وشفته
دفع بابي الرجس بيده .. وشفته
محسن غابت انواره .. وشفته
مثل ورده اذبلت غصباً عليه

***

علي الفر الفلك بيده .. وداره
وبس هو العرف قدري .. وداره
بجلوسه هشموا صدري .. وداره
حرگهه الماعرف ربه ونبيه

***

تسائلني غدت روحي .. واسلهه
بعد بيمن اضمدهه .. واسلهه
دمعتي من ارخصهه .. واسلهه
يمنعوني الصحابه الناصبيه

**

✍بقلم خادم الحسين ع
الشاعر رعد الچريخي

مناجاة
اتوب وللذنب ارجع الهي برأفتك اطمع
انه شما تكبر ذنوبي اشوفن رحمتك اوسع
##
رحمتك يااله الكون باني عليها امالي
مذنب انه والاكثر اشوف ذنوبي تحلالي
رغم كل هل الخطايا انته رحمتك ربي تبرالي
اتوب وارجع الذنبي و لافكرت باجالي
وعمري عله النهايه اشرف ربي بحالتي ارأف
اتوبن من صدك ليمت اقنع روحي ماتقنع
##
شما اعزم عله التوبه ترد الدنيه تغريني
شما اصفن اشوف انه ماضل شي من اسنيني
افكر ارجع الدربك بس اذنوبي تعميني
الهي ابجاه اسمائك عله رغباتي قويني
غيرك ما الي ناصر انته الكل ذنب غافر
اجيتك انه ياربي عيني من الخجل تدمع
##
دعائي ورفعة اجفوفي يمن تسمع مناجاتي
من اذكر لطف ذاتك تموت بعيني دمعاتي
ذليل اكبالك مدنك اشسوت بيه رغباتي
انه مقصر انه المذنب اجيت بهذي كلماتي
اجيتك منكسر نادم وانته الواهب الراحم
وانه ياالهي اعلم تدري بحالتي وتسمع
###
اخافن بغتت اجالي تفاجأني وانه بذنبي
من هل الموته ياقادر اعيذك منها ياربي
بجاه المطفى واله احسن خاتمة دربي
واريد انه عله مرضاتك يتوقف نبض كلبي
برحمتك اطبع اجفاني ويشهد بسمك الساني
واريد عليه اتهون يارب شدة المطلع
##
#سعد العبودي