#قصيدة_شور
#رسالة_العليلة_للحسين ع
رساله من البنيه الكاضه الونه
الى حضرة ابوي الماشبع منه
مشه وفارغ مچانه ريحة الجنه
طاحت دمعتي بطرف عوچيتي
أمنيتي ابوي وراحت امنيتي ،
ما ادري عگبه شلوون تاليتي
- وشلونه ابوي شلون حاله
- گلوله خل يسأل سؤاله
- - لمن تسلمونه الرساله ،
_________________________________
گلوله العليله اتطيح لو وگفت
وچيس الدوه هل شمرته ما شربت
اويه لعابة رقيه بلا وعي لعبت ،
وصلوله هذا الصار برباته ، ،
ظليت احاچي اثار خطواته
چا غير يحسبهن ابنياته ،
- چف الورد ضايع دلاله
- كلوله خل يدير باله
- لمن تسلمونه الرساله ،
_________________________________
گلوله كلاني الخوف خل يرجع
بويه وداعة الله ابچيلك مربع
طلعت روحي يوم الي ردت تطلع
تعبانه من الضيم تعبانه ،
ليش الهجر فاتحلي بيبانه
كلوله ابد مو الاوليه انه ،
- احچوله عني بكل بساله
- ودولي لو فَي من خياله
- لمن تسلمونه الرساله ،
_________________________________
سلمولي على جروحه ونزف نحره
وبوسولي المچان البي اثر طبره ، ،
هجرك نهر واسع ياهو ليعبره ، ، ،
والمرض شد وياي منانه
وانا البنيه الحيل تعبانه ،
مو جبل يابويه انا أنسانه
- چم كتر من عندي خذاله
- من المرض حالتي حاله
- لمن تسلمونه الرساله ،
_________________________________
#- علي مهدي المالكي ، ،
#رسالة_العليلة_للحسين ع
رساله من البنيه الكاضه الونه
الى حضرة ابوي الماشبع منه
مشه وفارغ مچانه ريحة الجنه
طاحت دمعتي بطرف عوچيتي
أمنيتي ابوي وراحت امنيتي ،
ما ادري عگبه شلوون تاليتي
- وشلونه ابوي شلون حاله
- گلوله خل يسأل سؤاله
- - لمن تسلمونه الرساله ،
_________________________________
گلوله العليله اتطيح لو وگفت
وچيس الدوه هل شمرته ما شربت
اويه لعابة رقيه بلا وعي لعبت ،
وصلوله هذا الصار برباته ، ،
ظليت احاچي اثار خطواته
چا غير يحسبهن ابنياته ،
- چف الورد ضايع دلاله
- كلوله خل يدير باله
- لمن تسلمونه الرساله ،
_________________________________
گلوله كلاني الخوف خل يرجع
بويه وداعة الله ابچيلك مربع
طلعت روحي يوم الي ردت تطلع
تعبانه من الضيم تعبانه ،
ليش الهجر فاتحلي بيبانه
كلوله ابد مو الاوليه انه ،
- احچوله عني بكل بساله
- ودولي لو فَي من خياله
- لمن تسلمونه الرساله ،
_________________________________
سلمولي على جروحه ونزف نحره
وبوسولي المچان البي اثر طبره ، ،
هجرك نهر واسع ياهو ليعبره ، ، ،
والمرض شد وياي منانه
وانا البنيه الحيل تعبانه ،
مو جبل يابويه انا أنسانه
- چم كتر من عندي خذاله
- من المرض حالتي حاله
- لمن تسلمونه الرساله ،
_________________________________
#- علي مهدي المالكي ، ،
#قصيدة_شور
#خطاب_رقية_للحسين ع
بنحره نايم السيف == وتچوي حرورت الصيف
داسوا جسمه بجدام = وسفه والف يا حيف
سكينه تگلي حاشااا == ابوي يعوفنه هنااا
عمه وندهي الحسين == يروح ويانه لو لا ،
- ما متعوده ابوي يعوفني شبي
- افرشله المصلايه واداري ، ،
- نايم عالرمل چثه بلا راس
-- شلون امشي وبلا توديع اخلي
_________________________________
طايح رمح فوگاه == واصبع نقص يمناه
يحرك جدمه ع الگاع == يمكن جرح اذاه
يطگ بشيبته الريح == ياهو اليحچي لو اصيح
جسد مابيه كل روح == وبنفخة هوه يطيح ،
-- السوط امتعب متون الحمامات
-- مو مالت ضرب احنه الرقيات ، ،
-- فوك الشوك والجمرات والنار ،
-- طايح يالولي وصرنه يتيمات
_________________________________
محروگه العبايات == وبالرجلين جمرات ، ،
وداسو نعمة الدين == بعشر خيول صلفات ،
حطوا بالخيم نار == وحرگوا جف الاصغار
السهم شيريد اذاك == شنهي يطلبك بثار ؟!
-- وزينب حايره ابين النساوين ، ، ،
-- حرمه مخدره مضيعه المشيتين
-- ساعه تشيل من عباس الاسهام
-- وتوخر الرمل عنك يالحسين ، ،
_________________________________
وطايح حلو الارسوم == فوگك وادم تحوم
محد شالك انوب ، ، == انسلبن حته الهدوم ،
انسبينه وطولك المات == ضمه بترتيل الاهات
وزينب طبت السوگ == وسمونااا سبيات ، ،
-- وعيون السوالف بيها تذكار
-- شوف شسوت بثوب اختك النار
-- يحسين وحلاتك فوگ الارماح
-- ياهو يسد ضماهنا وصعنك اصغار ،
_________________________________
مو حلوه المسافات = = بچينه دموع كلفات ،
المن تبقه هالروح == شيخ الطايفه ومات ، ،
سلامي لطولك الراح == سلامي لجسمك الطاح
روحي انترست جروح = الچانت بيك ترتاح ، ،
-- يحسين الحچي يعاتب جرح شوگ
-- معشوگ ويحاچي عيون معشوگ
-- طاحت هيبة الطف بين الاسهام
-- ونفسك صعد للسبعه وشهگ فوگ
_________________________________
علي مهدي المالكي ،
#خطاب_رقية_للحسين ع
بنحره نايم السيف == وتچوي حرورت الصيف
داسوا جسمه بجدام = وسفه والف يا حيف
سكينه تگلي حاشااا == ابوي يعوفنه هنااا
عمه وندهي الحسين == يروح ويانه لو لا ،
- ما متعوده ابوي يعوفني شبي
- افرشله المصلايه واداري ، ،
- نايم عالرمل چثه بلا راس
-- شلون امشي وبلا توديع اخلي
_________________________________
طايح رمح فوگاه == واصبع نقص يمناه
يحرك جدمه ع الگاع == يمكن جرح اذاه
يطگ بشيبته الريح == ياهو اليحچي لو اصيح
جسد مابيه كل روح == وبنفخة هوه يطيح ،
-- السوط امتعب متون الحمامات
-- مو مالت ضرب احنه الرقيات ، ،
-- فوك الشوك والجمرات والنار ،
-- طايح يالولي وصرنه يتيمات
_________________________________
محروگه العبايات == وبالرجلين جمرات ، ،
وداسو نعمة الدين == بعشر خيول صلفات ،
حطوا بالخيم نار == وحرگوا جف الاصغار
السهم شيريد اذاك == شنهي يطلبك بثار ؟!
-- وزينب حايره ابين النساوين ، ، ،
-- حرمه مخدره مضيعه المشيتين
-- ساعه تشيل من عباس الاسهام
-- وتوخر الرمل عنك يالحسين ، ،
_________________________________
وطايح حلو الارسوم == فوگك وادم تحوم
محد شالك انوب ، ، == انسلبن حته الهدوم ،
انسبينه وطولك المات == ضمه بترتيل الاهات
وزينب طبت السوگ == وسمونااا سبيات ، ،
-- وعيون السوالف بيها تذكار
-- شوف شسوت بثوب اختك النار
-- يحسين وحلاتك فوگ الارماح
-- ياهو يسد ضماهنا وصعنك اصغار ،
_________________________________
مو حلوه المسافات = = بچينه دموع كلفات ،
المن تبقه هالروح == شيخ الطايفه ومات ، ،
سلامي لطولك الراح == سلامي لجسمك الطاح
روحي انترست جروح = الچانت بيك ترتاح ، ،
-- يحسين الحچي يعاتب جرح شوگ
-- معشوگ ويحاچي عيون معشوگ
-- طاحت هيبة الطف بين الاسهام
-- ونفسك صعد للسبعه وشهگ فوگ
_________________________________
علي مهدي المالكي ،
#قصيدة_شور_شجاعة
#لمولانا_ابا_الفضل . ع
بسم الله الاحد == ثم الله الصمد
جائكم ساقياً == ابا الفضلِ مدد
وانحنت كربله == على المهره صعد
من ظهر حيدره = اسد وابن اسد ،
- كلشي يريده = ينچفي بيده
صوته رعيده = كافلي ، ،
- وجهه قصيده = كربله عيده
بضربه عنيده = كافلي ، ،
- في القلبي حيدره = في الحرب قسوره
- عباساً لا فتى = كراراً في الوره ، ،
_________________________________
ما يثني بضرب == اسمه كافل حرب
الريشه طكهه الهوه = وبعد ما تنغلب
يشد رسنهه الفرس == وكربله تنگلب
ما يريد السهل == زلمه يهوه الصعب ،
- طوله شهامه == سيفه قيامه
عينه امامه == كافلي ،
- بكلشي زعامه == حامي خيامه ،
اسمه علامه == كافلي ،
- ما كانت او تكن == بعيونه دخنت ، ،
- زلزاله ما وگف ، == والحومه اتزحزحت
_________________________________
يحكم بكل عزم ، == اتشيخ اعله الزلم
ابن حيدر علي == چا بعد والنعم ، ،
بيده مات الصنم == والوثن ينثلم ،
دخن وغيمت == وچفه يردم ردم ، ،
- برفعه طويله == سيفه يشيله ، ،
ماكو مثيله ، == كافلي ، ،
- جوه عباته == منبع صفاته ، ،
غيره صلاته ، == كافلي ، ،
- بعيونه جم شمس = واعلومه تندرس
- لا هسه ولا گبل ، == لا باجر لا امس ، ،
_________________________________
مهندم بمعرفه == وعينه تنبض وفه ،
والنسه البالخيم ، == مرجله تسولفه ، ،
احساسه ما ينوصف = ينحچي بعاطفه
المرجله المرجله ، = عنده أصغر صفه ، ،
- گمره جبينه ، == ضّوه علينه
حي الله عينه ، = كافلي ، ،
طوله مضايف ، = عينه سوالف
شيخ الطوايف = كافلي ،
- يا كعبه للزلم ، == عباسي والنعم ،
- ما كفت كربله ، == طك طوله للنجم
_________________________________
- علي مهدي المالكي ، ،
-
#لمولانا_ابا_الفضل . ع
بسم الله الاحد == ثم الله الصمد
جائكم ساقياً == ابا الفضلِ مدد
وانحنت كربله == على المهره صعد
من ظهر حيدره = اسد وابن اسد ،
- كلشي يريده = ينچفي بيده
صوته رعيده = كافلي ، ،
- وجهه قصيده = كربله عيده
بضربه عنيده = كافلي ، ،
- في القلبي حيدره = في الحرب قسوره
- عباساً لا فتى = كراراً في الوره ، ،
_________________________________
ما يثني بضرب == اسمه كافل حرب
الريشه طكهه الهوه = وبعد ما تنغلب
يشد رسنهه الفرس == وكربله تنگلب
ما يريد السهل == زلمه يهوه الصعب ،
- طوله شهامه == سيفه قيامه
عينه امامه == كافلي ،
- بكلشي زعامه == حامي خيامه ،
اسمه علامه == كافلي ،
- ما كانت او تكن == بعيونه دخنت ، ،
- زلزاله ما وگف ، == والحومه اتزحزحت
_________________________________
يحكم بكل عزم ، == اتشيخ اعله الزلم
ابن حيدر علي == چا بعد والنعم ، ،
بيده مات الصنم == والوثن ينثلم ،
دخن وغيمت == وچفه يردم ردم ، ،
- برفعه طويله == سيفه يشيله ، ،
ماكو مثيله ، == كافلي ، ،
- جوه عباته == منبع صفاته ، ،
غيره صلاته ، == كافلي ، ،
- بعيونه جم شمس = واعلومه تندرس
- لا هسه ولا گبل ، == لا باجر لا امس ، ،
_________________________________
مهندم بمعرفه == وعينه تنبض وفه ،
والنسه البالخيم ، == مرجله تسولفه ، ،
احساسه ما ينوصف = ينحچي بعاطفه
المرجله المرجله ، = عنده أصغر صفه ، ،
- گمره جبينه ، == ضّوه علينه
حي الله عينه ، = كافلي ، ،
طوله مضايف ، = عينه سوالف
شيخ الطوايف = كافلي ،
- يا كعبه للزلم ، == عباسي والنعم ،
- ما كفت كربله ، == طك طوله للنجم
_________________________________
- علي مهدي المالكي ، ،
-
#قصيدة_شور
#لشجاعة_القاسم_ابن الحسن ع
- يا سلام الله على الحنه البديك
_____________________________
دايخه الخياله من صوت الرعيد
القاسم وهوس بشوباش العرس
حاط الحنه اعله سيفه ومن بعيد
گطع صيت الهوه وضحكات الضرس
- هلا بالعاف المخيم وانتفض
- هلا الگل العمه ظل مالك غرض
- راح اعاند بيهم اعناد المرض ،
يا هله بعريسهه == الدنيا صيف يجيسهه
ترس چفه وظلت = الحرب فارغ چيسهه
- يا سلام الله على الحنه البديه
_____________________________
هلا بريحانة الطف ابن الچريم ،
صال وانفتحت شهيته اعله الحرب
شال جيش الطف حطب لجدور ابوه
يولن السهلات اجه الزلمه الصعب ،
- هلا برس الغيره ضهضاب السمه
- هلا بريحة فاطمه وبت فاطمه ،
- هلا يا شداد راس الموزمه ، ،
يا مصوگر بيهه = روسهه ورجليهه ،
هلا بصيت القاسم = بكيفه شاخ اعليهه
- يا سلام الله على الحنه البديك
_____________________________
ما ايثني حچاية الحد مثل ابوه
اجه بمبدء انما النصرُ قريب ، ،
الضربه لازم لو تصيب ولو تخيب
ورمي القاسم لو يصيب ولو يصيب
- هلا بحطاط الحروف اعله النقط
- هلا الفحط جيشهه ورد ما فحط
- راح واعله ازلامهه بكيفه انشرط ،
يا امتون النيبه = شاب هيبة شيبه
هلا بعرس الحومه = بصغره وبترتيبه
- يا سلام الله على الحنه البديك
_____________________________
يعوفهه الما تارسه عيونه اكيد
ابن شيخ وحصته الصيد الكلف
وين ابو الراس الچبير اليبدي بي
حاسبلهه وما امتيه بالعرف ، ،
- ادخيل صولاته ليطيحن كالمطر
- سافر بروس الزلم ذاك السفر ، ، ،
- راح چمل ماي لعيون النهر
- الحرب شدت حيلهه = تتعب يتچيلهه
كطع نسل حروفهه = تسكت ويحچيلهه ،
- يا سلام الله على الحنه البديك
- علي مهدي المالكي
#لشجاعة_القاسم_ابن الحسن ع
- يا سلام الله على الحنه البديك
_____________________________
دايخه الخياله من صوت الرعيد
القاسم وهوس بشوباش العرس
حاط الحنه اعله سيفه ومن بعيد
گطع صيت الهوه وضحكات الضرس
- هلا بالعاف المخيم وانتفض
- هلا الگل العمه ظل مالك غرض
- راح اعاند بيهم اعناد المرض ،
يا هله بعريسهه == الدنيا صيف يجيسهه
ترس چفه وظلت = الحرب فارغ چيسهه
- يا سلام الله على الحنه البديه
_____________________________
هلا بريحانة الطف ابن الچريم ،
صال وانفتحت شهيته اعله الحرب
شال جيش الطف حطب لجدور ابوه
يولن السهلات اجه الزلمه الصعب ،
- هلا برس الغيره ضهضاب السمه
- هلا بريحة فاطمه وبت فاطمه ،
- هلا يا شداد راس الموزمه ، ،
يا مصوگر بيهه = روسهه ورجليهه ،
هلا بصيت القاسم = بكيفه شاخ اعليهه
- يا سلام الله على الحنه البديك
_____________________________
ما ايثني حچاية الحد مثل ابوه
اجه بمبدء انما النصرُ قريب ، ،
الضربه لازم لو تصيب ولو تخيب
ورمي القاسم لو يصيب ولو يصيب
- هلا بحطاط الحروف اعله النقط
- هلا الفحط جيشهه ورد ما فحط
- راح واعله ازلامهه بكيفه انشرط ،
يا امتون النيبه = شاب هيبة شيبه
هلا بعرس الحومه = بصغره وبترتيبه
- يا سلام الله على الحنه البديك
_____________________________
يعوفهه الما تارسه عيونه اكيد
ابن شيخ وحصته الصيد الكلف
وين ابو الراس الچبير اليبدي بي
حاسبلهه وما امتيه بالعرف ، ،
- ادخيل صولاته ليطيحن كالمطر
- سافر بروس الزلم ذاك السفر ، ، ،
- راح چمل ماي لعيون النهر
- الحرب شدت حيلهه = تتعب يتچيلهه
كطع نسل حروفهه = تسكت ويحچيلهه ،
- يا سلام الله على الحنه البديك
- علي مهدي المالكي
#قصيدة_شور .
#خطاب_الزهراء_وزينب_للحسين
#بعد_استشهاد_الزهراء_ع
خطاب الزهراء للحسين
حسين = يا يمه = يا يمه = يا يمه
_________________________________
بضلوعي == ضميتك
-- البسمار خو ما لاحك حسين ،
يا يمه == تعبانه ، ،
-- طبع الخشب صاير نياشين ، ، ،
جيب ايدك == تچيلي ،
-- الباب الثگيل يريد حيلين ، ،
راح امشي == واتركم ، ،
-- عوفوا البواچي يالعزيزين ، ،
كلما شفت باب حسين يمه ،
گله من ايدك اندفعت النعمه ،
يمه الضلع خله يروح خله ، ،
المصيبه المحسن الوين الكه مثله
_________________________________
خطاب زينب للحسين
حسين = يا خويه = يا خويه = يا خويه
نعش امي = يحسيني
-- ماريد اشوفه اعله امي مسدود
كابلني == واقرالي ،
-- للرايحه المو راضيه اتعود ،
بيت اهلي = يا خويه
-- صار اسود من اهدومنه السود
خل نبچي == وكون اصلا ،
-- من البواچي انحفر الخدود ، ،
خلي الدمعه تحرگ عيني كلش
بحيث انوجع كلما اريدن ارمش
فراگ الوالده الچتال يحسين ،
الدهر خلاني افارگ لبت العين
_________________________________
خطاب الزهراء للحسين
حسين = يا يمه = يا يمه = يا يمه
فاركتك == بس ادري ،
-- بعدك تريد امداره واحضان ، ،
ومن تغفه == تكض ايدي
-- بسوالف اليا كان ما كان ، ، ،
يحسيني == انا امك ،
الدمهه نزل ع الباب نيشان ،
ويحسيني == انا امك
-- الكسرو ضهرها العله الحيطان
انا امك الطاحت من اجه الباب
سطرها وخله فوك عيونها اصواب
طاحت أمك وبعده الوكت عود ، ،
ومحسنكم وره البيبان ممرود ،
_________________________________
خطاب زينب للحسين
حسين = يا خويه = يا خويه = يا خويه
چا محد == دك بابي ، ،
-- يا خويه حته الهوه الجذاب ،
تانيته == يلم دمعي ،
-- ما مر عليه وحرك الباب ، ،
لو مرني == بالغفله ،
-- چا كلت هل ردولي الاحباب ،
يا خويه == زهرتنه
-- نامت وجاس ضلوعهه تراب ،
خويه الحاطتنه ابالهه سنين
حطوهه بگبرها وغافيه العين
خويه الفاكدات اجروحهن خوف
من ضيم البواچي رايح الشوف ،
________________________________
خطاب الزهراء للحسين
حسين = يا يمه = يا يمه = يا يمه
نتلاگه == يم جدك ،
-- يا يمه ونلم الحچي هناك ، ،
اتسولفلي == وتحچيلي ،
-- ع الحچي الما كملته وياك ،
ارد اكعد == يم راسك ،
-- وكلساع ايدي تناغي يمناك
يالرابي == بنص حضني ،
-- متعوده امك على مداراك ،
ونتگابل واحاجيك بدمع حار
ما راحم ضلوع امك البسمار ،
يمه منيلي الواهس واحاجيك ،
علواه كون ايد تمدلي اكض بيك ،
_________________________________
- #علي مهدي المالكي ،.
#خطاب_الزهراء_وزينب_للحسين
#بعد_استشهاد_الزهراء_ع
خطاب الزهراء للحسين
حسين = يا يمه = يا يمه = يا يمه
_________________________________
بضلوعي == ضميتك
-- البسمار خو ما لاحك حسين ،
يا يمه == تعبانه ، ،
-- طبع الخشب صاير نياشين ، ، ،
جيب ايدك == تچيلي ،
-- الباب الثگيل يريد حيلين ، ،
راح امشي == واتركم ، ،
-- عوفوا البواچي يالعزيزين ، ،
كلما شفت باب حسين يمه ،
گله من ايدك اندفعت النعمه ،
يمه الضلع خله يروح خله ، ،
المصيبه المحسن الوين الكه مثله
_________________________________
خطاب زينب للحسين
حسين = يا خويه = يا خويه = يا خويه
نعش امي = يحسيني
-- ماريد اشوفه اعله امي مسدود
كابلني == واقرالي ،
-- للرايحه المو راضيه اتعود ،
بيت اهلي = يا خويه
-- صار اسود من اهدومنه السود
خل نبچي == وكون اصلا ،
-- من البواچي انحفر الخدود ، ،
خلي الدمعه تحرگ عيني كلش
بحيث انوجع كلما اريدن ارمش
فراگ الوالده الچتال يحسين ،
الدهر خلاني افارگ لبت العين
_________________________________
خطاب الزهراء للحسين
حسين = يا يمه = يا يمه = يا يمه
فاركتك == بس ادري ،
-- بعدك تريد امداره واحضان ، ،
ومن تغفه == تكض ايدي
-- بسوالف اليا كان ما كان ، ، ،
يحسيني == انا امك ،
الدمهه نزل ع الباب نيشان ،
ويحسيني == انا امك
-- الكسرو ضهرها العله الحيطان
انا امك الطاحت من اجه الباب
سطرها وخله فوك عيونها اصواب
طاحت أمك وبعده الوكت عود ، ،
ومحسنكم وره البيبان ممرود ،
_________________________________
خطاب زينب للحسين
حسين = يا خويه = يا خويه = يا خويه
چا محد == دك بابي ، ،
-- يا خويه حته الهوه الجذاب ،
تانيته == يلم دمعي ،
-- ما مر عليه وحرك الباب ، ،
لو مرني == بالغفله ،
-- چا كلت هل ردولي الاحباب ،
يا خويه == زهرتنه
-- نامت وجاس ضلوعهه تراب ،
خويه الحاطتنه ابالهه سنين
حطوهه بگبرها وغافيه العين
خويه الفاكدات اجروحهن خوف
من ضيم البواچي رايح الشوف ،
________________________________
خطاب الزهراء للحسين
حسين = يا يمه = يا يمه = يا يمه
نتلاگه == يم جدك ،
-- يا يمه ونلم الحچي هناك ، ،
اتسولفلي == وتحچيلي ،
-- ع الحچي الما كملته وياك ،
ارد اكعد == يم راسك ،
-- وكلساع ايدي تناغي يمناك
يالرابي == بنص حضني ،
-- متعوده امك على مداراك ،
ونتگابل واحاجيك بدمع حار
ما راحم ضلوع امك البسمار ،
يمه منيلي الواهس واحاجيك ،
علواه كون ايد تمدلي اكض بيك ،
_________________________________
- #علي مهدي المالكي ،.
#قصيدة_شور
#خطاب_مولاتي_زينب_للحسين_ع
يا عذاب الما وراه عذاب = يبن امي
-- انشگ الكتاب = يبن امي ،
لراسي صعدت حرگة التراب = من جدمي
-- حار التراب = من جدمي ،
-- چي تچوي ايدينه
انحط العباه جوه السلاسل
-- بسفره طويلة
وامكشفه اسگوف المحامل
-- بعِز الظهاري ، ،
والشمس لعبت دور قاتل ، ،
هزهز المحمل == بضحك يترمجل
بطول رجل الناگه سكنه شلون جا تصعد
امسح بأيدي == بخدي من گيدي ،
الدم ترسهه وحمره صارت والجروح شكد
•••••••••••••••••••••••••••••••••••••••••••••••••
صعدوني ومَجمَع الالوف = تنظرني ، ،
-- ازلام وسيوف = تنظرني ،
من الحرگ ما اطبگ الچفوف = تلچمني
-- ومفرگسات = تلچمني ،
-- اسَحگ عباتي ،
من التعب ما اشيل رجلي
-- ذبحوا صلاتي ،
يا طير سولف عني لهلي
-- لو ميته أهون ،
بهذا القهر والضيم شلّي
وانذبح صيتي == البي بخت بيتي
سبحت الزهره وانداست جا بعد شكثر
والهوه الجايب == ضيم وامصايب ،
والرمل بعيوني طاح وحومرن بالحر ،
••••••••••••••••••••••••••••••••••••••••••••••••••
انذبح راسك ونت شلت اديك = تفكدني
-- خويه الحنين = تفكدني ، ،
خويه كثران الحجي العليك = ترس اذني
-- سب وشتام = ترس اذني
-- صار انحنائي
وهلال باول يوم بعده ، ،
-- طشن بناتك ،
اكض وحده اضيع وحده ،
-- ويستنگي سوطي
ولگه اجتافاتي اعله كده ،
انذبح بالحچي = عالرمح انتچي ،
واصطبي لراسك وشيبك خايفه ايطيحن
ركضت امخدره = دم جدمهه جره
وطلع ضعن الغاليات وزينب ايصيحن ، ،
•••••••••••••••••••••••••••••••••••••••••••••••••
طحت بس شلون طيحه ضيم = طكاني
-- فوك التراب = ذباني ،
لسه چلمة خوّتك تصيح == نص ذاني
-- وصوت الوداع = نص ذاني
-- ودعتك الله
ظل نايم ونوم العوافي ،
-- اخذوني عنك ، ،
من العتب ياخويه كافي ، ،
-- باهت حجينه ،
برجليه ممشه اجدامي حافي
طلعت القافله == وجسمك بكربله
ظال ممدود اعله طولك والزلم تفتر ،
بدمك مبلله == شيلتي وبالفله ،
ردت امسح دم اديه من الحبل والجر
•••••••••••••••••••••••••••••••••••••••••••••••••
#الخادم
- علي مهدي المالكي ، ،
#خطاب_مولاتي_زينب_للحسين_ع
يا عذاب الما وراه عذاب = يبن امي
-- انشگ الكتاب = يبن امي ،
لراسي صعدت حرگة التراب = من جدمي
-- حار التراب = من جدمي ،
-- چي تچوي ايدينه
انحط العباه جوه السلاسل
-- بسفره طويلة
وامكشفه اسگوف المحامل
-- بعِز الظهاري ، ،
والشمس لعبت دور قاتل ، ،
هزهز المحمل == بضحك يترمجل
بطول رجل الناگه سكنه شلون جا تصعد
امسح بأيدي == بخدي من گيدي ،
الدم ترسهه وحمره صارت والجروح شكد
•••••••••••••••••••••••••••••••••••••••••••••••••
صعدوني ومَجمَع الالوف = تنظرني ، ،
-- ازلام وسيوف = تنظرني ،
من الحرگ ما اطبگ الچفوف = تلچمني
-- ومفرگسات = تلچمني ،
-- اسَحگ عباتي ،
من التعب ما اشيل رجلي
-- ذبحوا صلاتي ،
يا طير سولف عني لهلي
-- لو ميته أهون ،
بهذا القهر والضيم شلّي
وانذبح صيتي == البي بخت بيتي
سبحت الزهره وانداست جا بعد شكثر
والهوه الجايب == ضيم وامصايب ،
والرمل بعيوني طاح وحومرن بالحر ،
••••••••••••••••••••••••••••••••••••••••••••••••••
انذبح راسك ونت شلت اديك = تفكدني
-- خويه الحنين = تفكدني ، ،
خويه كثران الحجي العليك = ترس اذني
-- سب وشتام = ترس اذني
-- صار انحنائي
وهلال باول يوم بعده ، ،
-- طشن بناتك ،
اكض وحده اضيع وحده ،
-- ويستنگي سوطي
ولگه اجتافاتي اعله كده ،
انذبح بالحچي = عالرمح انتچي ،
واصطبي لراسك وشيبك خايفه ايطيحن
ركضت امخدره = دم جدمهه جره
وطلع ضعن الغاليات وزينب ايصيحن ، ،
•••••••••••••••••••••••••••••••••••••••••••••••••
طحت بس شلون طيحه ضيم = طكاني
-- فوك التراب = ذباني ،
لسه چلمة خوّتك تصيح == نص ذاني
-- وصوت الوداع = نص ذاني
-- ودعتك الله
ظل نايم ونوم العوافي ،
-- اخذوني عنك ، ،
من العتب ياخويه كافي ، ،
-- باهت حجينه ،
برجليه ممشه اجدامي حافي
طلعت القافله == وجسمك بكربله
ظال ممدود اعله طولك والزلم تفتر ،
بدمك مبلله == شيلتي وبالفله ،
ردت امسح دم اديه من الحبل والجر
•••••••••••••••••••••••••••••••••••••••••••••••••
#الخادم
- علي مهدي المالكي ، ،