--
-
للزهراء ع
-
-
-=
=
مناجات لله في حق فاطمه ع
-
-
-
يالبنيت ابلا وتد هذا السمه -- نريد من عندك شفاعة فاطمه

__

يالبنيت ابلا عمد سبع الشداد -- ياعماد الما أله بحُكمه عماد

ابخدمة الزهراء تنطينه السداد -- خدمه هاي انريد بيها الغانمه

---

تسمع النجوه يشاهد يارؤف --- أعطف أمن الوالدين النه عطوف

بعينك الخدمتنه للزهره تشوف -- هالعمل خالص نريد اتقيمه

______

يالطيف ابلطفك الطف ياقيوم -- يامن بأمره الكواكب والنجوم

نريد خدمة فاطمه أويانه تدوم -- والها كل خادم يربي اتسلمه

______

يامن اعله العرش رحمن اعتله -- يامن اسجدنه وركعنه بس اله

هالجهد لم الحسين اتسجله -- حتى باچر منها ناخذ مكرمه

--------

يامُجير ويا أنيس الكل نفس --عطف منك يا الاهي نلتمس

برضا الزهره يا الاهي من نحس -- بيد رضوان اليحبها أتسلمه

______

ياجليل وياجميل ويامُغيث -- بوجهك أمن النار كلنه نستغيث

ابوابل الرحمه علينه امطرها غيث--- ابفاطمه اتنجينه من الحاطمه

--------

الموسى يامن فالق البحر ونجه -- نريد للغايب تسهل مخرجه

عجل الثاراته يارب فرجه -- يجي للكوفه ويقيم المحكمه

---------

أبأمرك أهلاله على الدنيه يهل -- وياخذ الثارت وبسيف العدل

والذي بحبل الولايه متصل -- اي يرب عالنار وجهه أتحرمه

____

سيد عدنان الحمامي

..
نزله
....
المستهل
......
عالعهد .. يم الحسن
للأبد – يم الحسن
يازهراء .ز يازهراء
......
أنتي قرآن وسور – نون قاف أويه الدهر
نعم يالزهره فريضه حبچ أكتابه ذكر
يازهراء – يازهراء
......
بينه احساس الوفه – حبنه ياهو ايوصفه
فاطمه نحبها بجنون وبيها وصه المصطفى
يازهراء – يازهراء
......
عشگ بينه الفاطمه – خل تلوم الايمه
ماملكنه من بنين ومال فدوه انقدمه
يازهراء – يازهراء
.....
الها تسبيحة أمل – ينقبل بيها العمل
كل فرض كلمن يسبح هذا بالرحمه انشمل
يازهراء – يازهراء
......
صوت للحق يعتلي – الفاطمه انوالي وعلي
غير ابو الحسنين ولله أبد مانقبل ولي
يازهراء – يازهراء
........
يم الحسين وحسن – بسرعه ايامچ مظن
الف لعنه اعله السقيفه الخَلفت أهل الفتن
يازهراء – يازهراء
......
ليش كسرولچ ضلع – وعينچ أتقيض الدمع
وصوت جبرائيل كبَر ينعه صوته ينسمع
يازهراء -- يازهراء
.....
حرفوًا نهج السمه – يوم نكروا فاطمه
والذي مايلعن اللهم باچر الله ايخاصمه
يازهراء – يازهراء
......
وسفه ورثچ ينسلب – ياشفيعه الكل محب
بالحشر كلمن تمسك بيچ مغفور الذنب
يازهراء – يازهراء
.......
ماخلق شمس وگمر – ولا بحار او لاثمر
ولله لو ما أنتي چان الدنيه ما الها اثر
يازهراء – يازهراء
......
للفرج ندعي بعد – يمته يايوم الوعد
عجل بطلعة الغايب النه يارب الصمد
يازهراء – يازهراء
....
سيد عدنان الحمامي
---

--

--
للزهراء ع
--
--=س - ح-
-
-
-
المستهل
--
-
يامريم واسي الزهره -- بدمعات العين-- بدمعات العين

مري بيها -- شوفي شبيها -- شمبچيها -- وتواسيها

بدمعات العين

..........

گومي يامريم تريدچ فاطمه ايواسيها دمعچ

ولله لو بس رحتي يمها ونّة الزهره تفجعچ

ونتي لو شفتي ضلعها حتماَ ايحس بيها ضلعچ

وخلي من شوغة آلمها فاطمه الزهره تسمعچ

لوعات البيها أهوايه -- ومخزنه اجروح -- ومخزنه اجروح

بس صبريها -- شوفي شبيها -- شمبچيها --وتواسيها

بدعات العين

...........

يمها يامريم ونشدي خل تسولف شنهو بيها

هيه ريحانة محمد فاطمه ومروعيها

جارت الايام بيها أتكالبت كلها عليها

ينغصب حقها يمريم حقها اخذو من اديها

للأمه اموصي الهادي -- ليش أينكرون -- ليش اينكرون

ومأذيها -- شوفي شبيها -- شمبيها -- وتواسيها

بدمعات العين

............

شافت آلام ومصايب من بعد رحلة نبينه

دمعة العين بجفنها كل وكت هيه حزينه

والذي مظلوم صابر ماكو غير الله يعينه

جازوا اتعابه المحمد ذوله بفعال المشينه

مظلومه أمن اتشوفيها -- يامريم ليش -- يامريم ليش

امن اتحاچيها -- شوفي أشبيها -- شمبچيها -- وتواسيها

بدمعات العين

........

بلچي دمعاتچ يمريم خاطر الزهره تجبره

وعينچ الحال البتول اليكسر الخاطر تنظره

وخلي ايدچ يم گلبها شوفي شوفي شكبره صبره

والذي يگضي حياته بالحزن مايسوه عمره

ياعمر الزهره شگصره -- وشبي آلام -- وشبي آلام

شصار أعليها -- شوفي أشبيها -- شمبيها وتواسيها

بدمعات العين

............

للحسن وحسين صّبري شوفي يامريم وضعهم

يمها گعدوا بالبواچي وفاطمه اتشاهد دمعهم

جدهم الهادي ميرضه لو بچوا يمها وسمعهم

ونتي مفجوعه يمريم شفتي حال أمهم فجعهم

والزينب احچي أوياها -- ظلت بالنوح -- ظلت بالنوح

أمن اتسكتيها -- شوفي اشبيها -- شمبچيها -- وتواسيها

يدمعات العين

...........

سكّتي زينب يمريم زغيره من صبحت يتيمه

والحسن وحسين يمها وسمعي صرخات الظليمه

والذي يفگدها لّمه بالزغر هاذي هظيمه

الزهره حين الودعتهم صبحوا ايتامه حريمه

زينب من ماتت امها -- اليا أم اتروح -- الياأم اتروح

لتعوفيها -- شوفي شبيها -- شمبچيها -- وتواسيها

بدمعات العين

..........

سيد عدنان الحمامي
--

أويلاه يا فاطمه أويلاه يا فاطمه
أويلاه يا فاطمه أويلاه يا فاطمه

*
آه لمصابچ وصــدرچ والضلــــع
تجري لمصا به الخلگ دم ودمــع
گلب طـــــه اليوم لجلچ منفجـــع
جرحـــچ أول جرح والله يألمـــه

*

آه لمصابـــــچ الما مثلـه مصـــــاب
مو ضلـع مصيوب مصيوب الكتاب
صدر طه اليوم وي صدرچ خضاب
صدر طـــه اليوم ظل ينزف دمــــه

*

آه لمصابـــــچ يزهره المستعــــر
مــــــا تهيد النار بيـــه ظلت عمر
ضلعــــــچ أول ضلع للدين أنكسر
وسفه ضلع الدين باغي يهشمـه

*

أه لمصابــــــچ يبت طــــه الأمــــين
منــه صابوا رأس أميــر المؤمنيــن
أنصاب بيه الحسن ونصاب الحسين
لحد هاليوم المحــــن متراكمـــــــــه


*

آه لمصابــــچ يبت خيـــــر الرســل
بيا ذنب ينصاب يا وسفــــه الطفــل
منــــــه عبدالله تصــــــوب بالنبــل
سنة أصحاب السقيفــه الظالمــــه

*

آه لمصابــــچ ويا عظـــــم الألـــــم
أشلون باب الـــــدار بالنار أضطرم
منه شبت يـــــا وسف نــــار الخيم
وگبل نيـــــران الخيم نار الضمــــه

*

اه لمصابـــچ يبت خيـــر المــــلا
احتــــارت لأجله السمـاوات العلى
مصابچ اول جمره من طف كربله
وبقــت لليوم الجســـوم مخـــذمه

*******

الشاعر
موسى البديري

(((راحت ام الحسن)))




رجعت أتوچه دافن چن شبابي
اول مره أتيه حتى بابي
آنه القالع الباب
وصل لرموشي التراب

هضيمه ... ام الحسن راحت هضيمه
**
اشم بثوبي من تربة گبرها
وأصيح أحا يفاطم ياعطرها
حتى الخطوه صارت ياگصرها
ذبلت زهرتي بأول عمرها

وحشه عگبچ البيت
ما ردن تمنيت
بس عيالي يبچون
أضل عايش توازيت

المفروض آنه أدفن روحي بيدي
لان يافاطمه يابس وريدي
أبد ما احمل غياب
وصل لرموشي التراب

هضيمه ... ام الحسن راحت هضيمه
**
نوبه أعثر وأگومن تچوي ناري
بحيث العلوه وتغير مساري
أريد أمتون تسندلي انكساري
ياهو يگودني وأوصل الداري

أحس الحيل مدفون
يم حمرات العيون
أجيس بروحي ياحيف
أضن ماعندي أمتون

على الحيطان أديه وأمشي بهداي
راحت كل حياتي أمفارگ هواي
الزمن وياك العتاب
وصل لرموشي التراب

هضيمه ... ام الحسن راحت هضيمه
*
هينه النار بس الذكرى تچوي
أسولف ويه روحي چا شسوي
طفوّ شمعتي البل ضلمه تضوي
قصةّ محنتي الدمعات تروي

الدمع مايقبل يهيد
يدريني أنه وحيد
الغربه بروحي تنشاف
ديره أبلا أجاويد

محد دگ عليه الباب مره
يضل بالغربه هوه الراح عمره
راحو مني الاحباب
وصل لرموشي التراب

هضيمه ... ام الحسن راحت هضيمه
***
يموت التنتهي بروحه المواعيد
بحيث بدمعته تشوف التجاعيد
شسوي بروحي وآنه بعيد وبعيد
أريدن فاطمه وكلشي آنه ماريد

زهرتي كون يمي
شكبره بروحي همي
مخنوگ من الجروح
ويابس بيه دمي

خيالي يروح يمها ويرد خالي
هضيمه ألي يوسد بيده غالي

حزن بالروح ومصاب
وصل لرموشي التراب
هضيمه ...ام الحسن راحت هضيمه
******
على خدودي رسمت چفوف أديه
وأتلوه وأصيح شلون بيه
ارد للبيت والدمعه سريه
شگلهم بالترب عفت الزجيه

أرد وأصفگ بالجفوف
وزينب حالتي تشوف
الدمع واصل للجروح
وأبثن جمره بالأوف

يزينب خدها خليته بترايب
عاد انتي استعدي للمصايب

باچر دمي أخضاب
وصل لرموشي التراب
هضيمه .. ام الحسن راحت هضيمه




عبد زينب
محمد الابراهيمي

استشهاد فاطمة الزهراء عليها السلام

ماتت امي الغاليه.
وداري ظلت خاليه
الدنيا ظلمه وموحشه بفرگاها
ودعتني وگلبي راح اوياها
امي امي. امي امي
..................

مـن مثلـها امي رحمه وخير ربّتنه عله اديها
دافي ظِلها. خيمة الحب والحنان انلوذ بيها
ربنه جَـلّها. الله من سابع سمه يسلّم عليها
يا فضـلها الجنة تحت اقدام امي موصّفيها

امي كلش صافيه
امي هيه العافيه
الراحه بس يم امي دوم الگاها
ودعتني وگلبي راح اوياها
امي امي. امي امي
..................

شكد تحبني تعبت علية شكثر امي الحنينه
عـلّـمتـني. طيبه امي وطاهره وحره وامينه
والـذهــلني مو فقط تدعي الي لكل المدينه
آ يـحــزني راحه ماشافت ومن ماتت حزينه

لأن مثل الآيه
عـذّبوها هوايه
الله يلعن كل بشر اذّاها
ودعتني وگلبي راح اوياها
امي امي. امي امي
..................

كل عمرها. امي ماتهوى الترف عاشت فقيره
يا صبـرها. مثل باقي الفقره تگعد عالحصيره
يا قــدُرها. الناس ما تعرفها عند الله چبيره
من فكِـرها. بالعلم والتقوه صارت كالاميره

من عُظم تقواها
تنقبل دعــواها
طاهره ورب العرش زكّاها
ودعتني وگلبي راح اوياها
امي امي. امي امي
..................

من طبعها. تنشد عله الفقره وتعين اليتامه
وبدمعها. الليل تگضيـه بالعباده وماتنامه
دُر نبعها. تدعي للايمان والحب والسلامه
الماسمعها. هذا خاسر لاشك بيوم القيامه

الناس تعرف صيتها
كعبة الله أبّـيـتـها
الله سرّ الكون كلّه انطاها
ودعتني وگلبي راح اوياها
امي امي. امي امي
..................

شاع اسمها فاطمه بضعة مُحمَّد ام ابوها
يا ألـــــمها. من رحل عنها الصحابه عذبوها
سـال دمها. دفعو الباب بضلعها وصوّبوها
زاد هــــمها. وصّه بيها المصطفه بس مارعوها

تبچي دم خلّوها
بلا ذنب اذّوها
تدعي للباري وتبث شكواها
ودعتني وگلبي راح اوياها
امي امي. امي امي
..................

ودعتنه امي ماتت من قهرها ومن حزنها
فارگتنه. من ألم كسر الضلع ماتت اظنها
افجعتنه. يُمّه اني حسين اصيح وهل جفنها
يتّمتنه. حنّت وشبگتنه ملهوفه لحضنها

بالنعش شالوها
للگـبـر ودّوها
بآخر الليل الوصي واراها
ودعتني وگلبي راح اوياها
امي امي. امي امي

#سيد_زيد_الفحام
____________________________________

استشهاد فاطمة الزهراء عليها السلام

أُمّ ابيها ظُلِمَتْ ( بِأيّ ذَنْبٍ قُتِلَتْ)
الحزنُ اضناها. للهِ شَكواها
( بِأيّ ذَنْبٍ قُتِلَتْ)
.................

نسأل اصحاب السقيفه
ظلموا الزهره الشريفه. شنهو الاسباب
ينزف وماجف دمعها
بياذنب كسروا ظلعها. بدفعة الباب
وين چا معنى الصحابه
تغيّروا ليش بغيابه. الهادي من غاب
عالمطامع والخلافه
نكروا العِشِره وسافه. صاروا اذياب

تَبّتْ يداهُ مَنْ بغَى. على البتولِ وعتدَى
مِن فعلِ اشقاها. للهِ شكواها
( بِأيّ ذَنْبٍ قُتِلَتْ)
..................

فاطمة السر الإلهي
بيها عالعالم يباهي خالق الكون
يرضه بارينه لرضاها
ويلعن السبّب اذاها. ما تسمعون
بضعة الهادي مُحَمَّد
الهه رب الكون يشهد سرها مكنون
ليش اذّيتوا الزچيه
ومارئفتوا بهالنقيّه. ما تخافون

اللهُ خيرُ المُحتَكَمْ ويلٌ لِمَن منكم ظَلَم
روحُ النبي طه. للهِ شكواها
( بِأيّ ذَنْبٍ قُتِلَتْ)
.................

الثاني والاول نذمكم
أسس الباطل ظلمكم. ضد الاسلام
من نكرتوها الوصية
بالسقيفه الناصبية. اكبر جرام
ضد علي حامي الحميه
وفاطمه الزهره الزچيه. صرتو ظِلّام
اباب فاطم ياحقدكم
جيتو وضرمتو حطبكم. نار الآثام

كيفَ اجترَئتمْ عَجبَا لِقَتلِ اُمّ النُجَبَا
الجبتُ آذاها. للهِ شكواها
( بِأيّ ذَنْبٍ قُتِلَتْ)
.................

احمر وينـزف جفنها
بياذنب فگـدت ابنها. امّ الاطهار
انشلّت ايده اللي سطرها
والدفـع باب وعصـرها على البسمار
ليش مو هاي ام ابوها
بيا جناية اتعــذّبـوها. وتسعر النار
من حزنها ومن هضمها
ماتت الليله بألمها. وحملت اكدار

بعَيّنها ضاقَ الفضا. ماتت بحِجرِ المرتضى
الظلمُ ابكاها. للهِ شكواها
( بِأيّ ذَنْبٍ قُتِلَتْ)
.................

صبرت وماتت حزينه
وناحت عليها المدينه الچانت تنوح
حيدر الشيّع نعشها
روحه للزهره فرشها. وذابت الروح
بوحشة الليل وضلامه
للگبـر شايل غـرامه. امّ لجــروح
بيـده ياويـلي دفنـها
حيدر وظل يحچي عنها. وگلبه مجروح

مكسُورةِ الضِلعِ مضَتْ بدفعَةِ البابِ قَضَتْ
مِن فرَطِ بَلواها. للهِ شكواها
( بِأيّ ذَنْبٍ قُتِلَتْ)

#سيد_زيد_الفحام
__________________________________

مقدمة مجلس لمصاب فاطمة الزهراء عليها السلام

فاطمة. يُرضيني مَن يُرضِيها
فاطمة يُؤذيني مَن يُؤذِيها
.............

هذا الحديث المصطفه چم مرّه عاده عليكم
كلكم سمعتو من حچه. صبح ومسه يوصّيكم
يصحابه چا شنهو الحصل لمن رحل هاديكم
بنار وحطب جيتو الي وشيطانكم يغويكم

فاطمة يُبكِيني ما يُبكِيها
فاطمة يُؤذيني مَن يُؤذِيها
..............

الصاحب يسموه من صدگ من يوفي حگ الصحبه
يفگد صحيبه بكل وكت ويسنّده وكت الصعبه
صاحبكم الهادي النبي طيّب وابيض گلبه
چا ليش خنتو عِشرته. لمن رحل يم ربّه

فاطمة ياقومِ روحي فيها
فاطمة يُؤذيني مَن يُؤذِيها
.............

معروفه اطباع العرب تحترم حُرمة كل دار
چا ليش مو انتم عرب؟ شنهو التبدل وشصار
عفتـو المبـادئ والقيم بلا اذن طبيتـو الدار
تچتفونه ليش المرتضه. صاحبكم وحامي الجار

فاطمة في منزلي اُبقِيها
فاطمة يُؤذيني مَن يُؤذِيها
.............

كلشي انكشفلي وتّضح. كلش دنيئه الاسباب
اهل النفاق اهل الغدر انتم ابد مو اصحاب
لجل الحكم لجل الطمع بعتو الشرف والآداب
باب الله بابي ياذنب عندي وتحرگون الباب

فاطمة طَهّـــرها باريِــها
فاطمة يُؤذيني مَن يُؤذِيها
.............

بضعة مُحَمَّد فاطمة مو كلكم تعرفوني
چا ليش عاديتو النبي الوصاكم تراعوني
يهل السقيفه الظالمه مفجوعه وتظلموني
تعصروني ليش بياذنب غايتكم تأذوني

فاطمة فَقدي اسَاً يُكفِيها
فاطمة يُؤذيني مَن يُؤذِيها
.............

طيّحتو ابني بياذنب وظلعي انكسر بالعَصره
وعيوني تنزف من دمه من اثـر ذيـچ السطره
اشكيكــــم لرب السمه. هوه العليـــم الادره
يارب اخذ حق فاطمه وحق الوصي والعتره

فاطمة في مُهجَتي افدِيها
فاطمة يُؤذيني مَن يُؤذِيها

#سيد_زيد_الفحام
_________________________________

ها يروحي راحت ايام المحنه
ها يروحي مثل ضلع امي انكسرنه

لا نطيب ولا تجينه....وحشه هالليله علينه

**

ها يروحي اليتم عصرت گبر جنه
واليتيم اتطيبه سالوفة محنه
عله چلمة يمه امنه علمتنه
احنه من جلمة اليمه ماشبعنه

ماكو يمه...باليتيم تظل علامه
ماكو يمه...تلگه بشفاف اليتامه

واليتيم تفضحه عينه....وحشه هالليله علينه

**

من تموت الوالده تموت المشاعر
ازغار عالفرگه وعله طبة المگابر
دمعت الماعنده ام مكسوره خاطر
ذاك هوه الفاكد امه شما يكابر

اليفكد امه. يفكد بدنياه كلشي
اليفكد امه. محني ظهره وكوه يمشي

سبحه وطشرت اسنينه....وحشه هالليله علينه

**

راحت ايام التخاف امنه علينه
الگبر غفله اخذها من ادينه
شكد بجينه اعليهه ميردهه بجينه
بالحلم ياريت مره لو تجينه

ريت مره... بالحلم انشوف امنه
ريت مره.... بالحضن ذاكه تلمنه

انكلهه احنه شكد بجينه.... وحشه هالليله علينه

**

امي مملوحة سوالف تشفي المنه
الدنيه تضحك لون امي تضحك النه
احله ما بالدنية جانت من تلمنه
اني واخواني بحظنها لو كعدنه

هسه ظلت. بس عباية نصد عليها
هسه ظلت. نشم ريحت امنه بيها

راحت الزهرة من ادينه.... وحشه هالليله علينه

**

ياحزن ماينتهي شما مرت سنين
وعله درب الالم باجر كلنه ماشين
مو اباب الدار بالروح النياشين
الدنيا ماتنراد من دون ام الحسين

من اشبگتهه. دارت بكلبي حزنهه
من اشبگتهه. ظلت دموعي بچفنهه

ميته بس تبجي الحنينه.... وحشه هالليله علينه

**

ظلت الدنيه و كظت احله ليالي
هسه ام البيت منها البيت خالي
الموت مد ايده واخذ من عيني غالي
مات كلشي من شفت ماتت اكبالي

الليله الاوله ...والگلب يذبح نحيبه
الليله الاوله....جوه التراب الحبيبه

هايه هيه اتفاركينه....وحشه هالليله علينه


#علي حسين المياحي

السلام عليك يا سيدتي ومولاتي يا فاطمة المعصومة ع

عشتي العمر مهظومه """ يا فاطمه المعصومه
كأنك الزهرا """" يا زينب الأخرى
يا فاطمه المعصومه


مثل الزجيه فاطمه """ ودعتي ابوج الينهاب
ونيتي ليلج والدمع """ ما خله للشوف اسباب
تهجرتي من ذبح العده """ امن الغربه دلالج ذاب
لو باقيه ابدار الأهل """ هم دفعوا اعليج الباب

بعد اهلج وذاك البيت """" شكد صحتي وين اهل البيت
فيك الأسى اسرى """ يا زينب الاخرى
يا فاطمه المعصومه
"""""""""""""
چن ليل عاشر كربله """ عشتي بحزن علويه
ودعتي اخوتج للذبح """ من صارت الظهريه
معروفه أنتي امن البشر """ ذيج المره آلمحنيه
شابهت زينب غربتج """ يعني أنتي هم مسبيه

الغربه تحني الزلمه """"" شتسوي چا بالحرمه
دمتِ بها دهرا """" يا زينب الأخرى
يا فاطمه المعصومه
""""""""""""""
بجسر الرصافة ناظرج """ يجري بدمع مقهوره
شاهدتي جثة والدج """ الما رحمته الطاموره
جنج رقيه وشاهدت """ اسنون الابو المكسورة
وذيج العليله فاطمه """ من شافت القارورة

شفتي الابو وفراكه """" وجنتي شكثر مشتاكه
شوقٌ دنا الظهرا """ يا زينب الكبرى
يا فاطمة المعصومه

"""""""""""""
لمن بقيتي الوحدج "" تحيرتي تمشين منين
حرمه وتدورين الرضا """ جن زينب تدور حسين
دورتي حد ذاك التعب """ من ما بقتلج رجلين
كالوا ألج مات الرضا "" وانشك دليلج نصين

متي بدموع تلالي """" مولاتي دمعج غالي
ادمعكِ حمرا """" يا زينب الاخرى
يا فاطمة المعصومه
""""""""""""""""""""
خلصت حياتج بالبجي """ ومن الأهل محرومه
ما ادري متي اعله الأهل """ لو متي جي مسمومه
معصومه اسمج فاطمه """" وأنتي الصدك معصومه
بس من كثر حزنج صحت """ يا فاطمه المهظومه

ما ضل حزن ما عشتيه """" حتى العرش بجيتيه
قد عظم الاجرا """" يا زينب الاخرى
يا فاطمة المعصومه
""""""""""""""""""""
يا عش لهل بيت النبي """ وقبله ومصابج يحرم
تبت اديه فاطمه """ لجرحج إذا ما تلطم
كدما حزينه وثاكله """ شباج كبرج يهظم
لو تسمع ونين الكبر. """ تشبع بجي ديرة قم

همج يكشفه القائم """ بنت الإمام الكاظم
سيدتي صبرا """"" يا زينب الاخرى
يا فاطمة المعصومه
"""""""""""""""""

#ميثاق_الحمداني

شوط كربلائي لاستشهاد الزهراء عليها السلام
&&&&&&&&
لالــت دمعتـي بعينــي لأمـي فاطمــه الزهـــره
عالطفـل الوگـــــع بالباب وتشكيلي الضلع كســـره
&&&&&&&
هأي أم الحسن وحســين وهـي أم النـــبي الهـادي
وسلـوه للولــي الكــــرار وتــدعـي دوم واتنـــادي
أرحـم يـاألـه الكـــــــون كـل الحــَضـــروالبــادي
تـدعي للغُـرب والجـــار يطيبتهــه على الفطـــره
&&&&&&&
هـأي أمي ودموع العين سـالــــت والگلـب يدمـي
أعـاين عالضلـع مكسور وأخـوي اللي سگط يمي
بسمـار وهظم والبــــاب وعـدوان أو علي ترمي
وأبوي أمچتف أگبالــــي طــأيــع للنـبي أمـــــره
&&&&&&&
يمـه شلـون شفتي أهوال شبـابچ راح ماطـّـــــول
عشتيـه أبمرار أو نــوح ولاآخـــــــــــر ولا أول
آه يــم الحـزن يمـــــــي ليــش النــاس تتحــــول
سلبـوا حگــچ أوضلعـچ وخلـــوچ أبألـف حسره
&&&&&&&
يمـه أوحيـــدر أيعــــاين وهــــو صـارمـه أبأيـده
وتدرينـه يابعـــد الـروح جيش بسـاعـده أيبيــــده
لـو گـام وبـــده الكــــرار كــل ذاك المضه ايعيـده
لاچــن والامـر محتـــوم عليـچ اليـوم هاليجــــره
&&&&&&&
وآنـه والحسن وحسيــــن أذانـه الجـره والصـــار
بغيـر وداع عفتينــــــــــه يايمــه أو غرب بالـدار
يالزهـره الصـــبح مالاح بس ليـل ودمع مــدرار
چنتـــيلي أمــان أونـــــور يــم حســـين والعتــــره
&&&&&&&
يمـه وشيعتـچ تنحـــــــب يــاطـول العمـــر كلـــه
وأبفگـــدچ حزنهه أيـدوم وگبـرچ ويــن تنـــدلـــه
ضـايع والدليـل أحتــــــار كلهـه أتريــــد توصلــه
يمتــه أيگوم أبنــچ ليــــه وگبــرچ ألهــم أيظهره
&&&&&&&
نسألكم الدعاء
خادم الحسين ع
الحاج ابو ايادالييجاوي

لشهادة الصديقة الكبرى فاطمة الزهراء عليها السلام - ( ملمع ) جديد

--------------

( هوائي الحزن والزفَراتُ آهي
فما حفظت شرار القوم جاهي

إليك أبث واعيتي
انا الزهراء يا أبتي )
@@@
انا البيتي يفوح ابريحة الجنّه
وللأملاك مهبط لجلي تتعنه
شگلّك شالأسولف يالابو عنّه
ابصوتي اليخنگه الدخان والونّه

(فمذ هجم العدا سالت دمائي
دخان النار صار غِطا سمائي
هوى كِسفاً على رئتي
انا الزهراء يا أبتي )
@@@
مصاب الباب صاير من حديث الباب
لذت خلفه يبويه وماعليه احجاب
وابعصرة رجس ضلعي انكسر وانصاب
ومن احشائي خر ( محسن ) على الأعتاب

( ومسماري يخط الآه ثكلى
وجفن العرش دمع الحزن هلّا
دماء الصدر محبرتي
انا الزهراء يا أبتي )
@@@@

بِلا عمدْ الله رافع هالسما باسمي
ومن نسمة حنانه في العلا قسمي
(أنا المشكاة والمصباح في جسمي )
( ورسم حقيقة الايمان في رسمي )

( عتاة الناس جاروا مارعوني
بسوط ورمّوا متني وعيني
ومجرى الكون مسبحتي
أنا الزهراء يا أبتي )
@@@

كساء الكون هذا ابطارف اوشاحي
ابظلام الليل يضوي الليل مصباحي
أنا أُم النعم والنعمه من راحي
أنا قطب الرحى وابراحي اجراحي


( لأحمد بضعة إني الوديعه
اصطفاني للورا ربي شفيعه
يوزّع خير سُمبلتي
أنا الزهراء يا أبتي )

@@@@

أنا فرض الصلاة الباري أوجبني
الرضاتي يرضى رب الناس ويحبني
ويغضب ع الذي بالجور اغضبني
على اللي رد الي بالسوط يضربني

( وراء الباب قد كسروه ضلعي
دمائي في صلاة الليل دمعي
صلاة الليل ناشئتي
أنا الزهراء يا أبتي )

----------------
ثامر بوجبارة
٠٩-٠٤-١٤٤٢هـ
٢٥-١١-٢٠٢٠م

فاطمه. ورقيه

آخر العوالم. يجمع الفواطم
يلتقن سويه. فاطمه ورقيه
++++++++++
اعمارهن مختلفه بس ماكو چبيره
اثمنطعش ام الحسن ماتت زغيره
اليختلف اسم الكسيره و الاسيره

اثنينهن ياما بچن/ واتالمن/ وتيتمن/
وسفه بزغرهن
اثنينهن ماتن قهر/ ماتن سهر/ بيهن اثر/
سطره اعله خدهن

مشابهه المصيبه. الزهره والحبيبه
شرحن الرزيه. فاطمه ورقيه
+++++++++++
فاطمه تجمع فواطمها وتلمها
والرقيه اتنادي وتگعدتها يمها
ياهله اليشبهني بالسطره والمها

بالقيامه يلتقن/يتشابگن/يتحاكمن
والشاهد حسين
ياهي لكثر ساهرت/واتعذبت/وشگد بچت/ والاكثر اونين

هوه سر بچيهن والشهد عليهن
يحكم القضيه فاطمه ورقيه
++++++++
حسين شاهد انته يم باب الزريه
وانه خلف الباب واركضتو عليه
نار بذيالي واجيت اتطفي بيه

وانه صحتك يمه رد/عني ابتعد/نار الحقد/تچويك ناري
فدوه الچ لمن صحت/وآنه شگلت/من اعدلت/ بيدك خماري

امخيمك لهيبه. . وبنتك الحبيبه
قارنتها بيه. فاطمه ورقيه
+++++++++
عن زراگ اعيونچ حسينچ حجالي
اركض بحرگ الخيم وانتي اعله بالي
گبالي صرتي من شمر بالسوط اجالي

من شگف سوطه اتعبت/مثلج طحت/ وينچ صحت/يمه يزهره
طفله كاتلني الضمه/ومتالمه/يافاطمه/وهم عيني حمره

بكلشي مانسيتچ. بدمعتي لگيتچ
وبجروح اديه فاطمه ورقيه
++++++++++++++
حسين يسمع هالحچي وتنزل دمعته
فوگ صدره يشبگ الزهره وطفلته
يلحبيبات انـه كـل ونجـن سمعـتـه

امي كل ليل اليجن/ بدار الحزن/ تگعد تون/وابچي اعله ونها

وعالرمح طول الدرب/دمعي يصب/من تنضرب/بنتي اعله اذنها

يا حكم عليچن. يوفي حگ بچيچن
مطابقه المنيه فاطمه ورقيه

++++++++++++++

ثائر الربيعي

الفاطميه
.
.
.


ماتنطفي جمراتي __ لاوالله يامولاتي
اقسملچ بدمعاتي
يالزچيه

---------------------------------------

لوعة مصابچ اعترف مترابطـه اويه سنيني
ديني انتي يا ام الحسن وما فرط انه بديني
احترمه واعتبره اخــو البمصابچ ايبچيني
المجلس عــزائچ منخــلق يا فاطمه تدريني

عمري ابتده بآهاتي _ واثبتلج حچاياتي
ناذرلچ اعويناتي
يالزجيه

--------------------------------------

ابيض دليلي امن الگطن بس صار اسود لونه
من يوم باب الله احترگ وما قبلو يطفونه
المايــبچـي مــن هالـفاجعه فاطمي لتسمونه
وبعيونه شله الفاطمي المايعمي ليچ عيونه

يم الحسن وفقيني _ وبحرگتي خليني
كون البچي يعميني
يالزچيه

-----------------------------------------

يالزهره دوم انه اندعي وياچ اضل عالفطره
لاجاه لا صيت اطلبــت طــالبلــي منچ نظره
تاجر اصيرن ماردت خلينــي ويــه الفقــره
ترزقيني اطلب كل وكت والرزق بس هالعبره

مجدي وگعدت ابابچ _توسلت يم اعتابچ
انطيني الجزع لمصابچ
يالزچيه

---------------------------------------

گالولي مو بسك حزن والروحك تأذيهه
بگليبـي يا ام الحسن هالوادم اشمدريهه
نياط الگلب من تحترگ يامــاي اليطفـيهه
يوميه اوج وانطفي ورماد اضـل تاليهه

الما مشتعل دلاله _ لا يحچي بالموماله
وانه عله هاي الحاله
يالزچيه

---------------------------------------

متروسه عيني بدمعـتچ والحـسد لا ماقبله
بس البچالچ احـسـده واتمنه اصيــرن مثله
لو ابچـي انه المحـنتچ گــد الفــرات ودجله
مقصر الحد مابالدمع من خدي توگع وصله

لو هالجسم يتوذر _ ولو بالبحر اطشر
عليچ ابقه اون وتحسر
يالزچيه

-----------------------------------------

مشدوده عيني المجلسچ غير اللطـم ماشاهد
ماريد ابالــغ بالحچي المـهدي عليـه الشاهد
ياذيني جرحچ كل وكت وبگلبي جرحچ خالد
بسمارچ الصابچ تـره بصدري احــسه گاعد

طر الگلب بسمارچ _يالبيه تسعر نارچ
من وجروهه بدارچ
يالزجيه

$$$$$$$$$$
خادمكم
حيدر تركي الكربلائي

نسأل الله لو زياره في العمر
فاطمه المعصومه يابنت الطهر

بنِت موسى ياحلوها ديارها
هالعظيمه ما نحيط أسرارها
كل علم منها صبح بفكارها
والمراجع خرجّت طول الدهر

خذت مِن بيت المجد هذا الشرف
مثل جدها المندفن برض النجف
باب العلم الدين بالكون نعرف
آل طه المصطفى كل الفخر

كاظم العتره أبوها بالمجد
من قصد له بحاجه أبداً مايُرد
سيدي جينا نجدد لك عهد
ما نسينا مصابك وذاك الجسر

الْيَوْمَ في قم صار هالمشهد عظيم
بين زاير ليها من شيعي ومقيم
نسأل الله الخير ليهم يستديم
ويحفظ الله فاطمه وذاك القبر

ياإلهي من علينا بهالطلب
ندخل الحضره ونقبل للعتب
نقصد السادات عالين النسب
بجاه جدتها وضلعها المنكسر

والله وسط القلب حسرات وألم
من ضلع بنت النبيِّ المنهشم
ليش بنت المصطفى ما تنحشم
عالوجن أم الأيمه تنسطر

الْيَوْمَ قبرچ ليش يازهره خفي
والعدوا منچ بعد ضَل يشتفي
مابقى في القوم من واحد وفي
فاطمه بالباب ضلت تنعصر

والله ياأم الحسن هالضلع متحان
هالجريمه والظلم لازم يدان
طلعت أهل الفتن في هذا الزمان
رادوا اعلى الأمه يخفون الأمر

كلنا خدام يابنت الرسول
ما يهمنا إلي افترى واشما يقول
خاب كل من نكر فضلش يا البتول
ونار ليهم في القيامه تستعر

٨/ ٢/ ١٤٣٩ هجري
ناصر الأحمد
بطلب من الرادود المبدع
أثير الجمعه

للسيدة المعصومة (ع):

گـرَّب رحيلي او بالگبر راح ادفِـن اُمـنِـيَـاتي
او حسره ابدِليلي يالرضـا ما تحظر ابوَفَـاتي
خويه او صعب عليَّه
لـو حـانـت المنيّه
ما تحظر ابوَفَـاتي
ـــــــــــ
گلبي ترك صدري او تعنّه لشوفِـتـك يغالي
يا مَـشْـرِقِ الشمْس اِبنهاري او بدري بالليّالي
صوتك أسِمْـعه اشما يمُر بِذْني هَوَه الشّمالي
شِدِّي رِحَالِـچ و اِلخُراسان ابْعَجل تعالي

و اِلـشوفتك عطشانه اظلِّ أو گلبي ما تِـرَوَّه
مثـْــل الحُسين او زينب أنته أو آنه بالأخوَّه
تدري يمُهجة اِخته
وفـاتي هذا وكته
اْو ما تحظر ابوَفَـاتي
ـــــــــــ
لمّن كتابك يالرضا من الرسول اِجاني
حسِّيته نبضي من حنينه ايسابگ الثواني
اتمنِّيت اوصِّلك لچنها خابت الأماني
او من گبل لا تلفيني لن ملْچ الأجل لفاني

يا ضامــن ابعطفه الغــزاله فِعْـلك اشنأوْله !؟
او يالتحضر اِبدفـْـنِ الغريب{الأقْرَبُونَ أوْلى}
إختك صفت غريبه
يبن أمّي و العجيبه
ما تحظر ابوَفَـاتي
ـــــــــــ
ظنِّيت اكحِّل ناظري من عيني تلفِي دارك
بس القضاء ابسفرِتي ويّه القَدَر تشارَك
خَلّوني بالعِلّة او صِرت محرومه من جِوارك
ياللي چنِت تنطرني صرْت آنه اللي بنْـتـظارك

يا ريحــة الكاظِـم يخــويه إرحــم ابحنيني
إرسِل قميصك عالأقـل لو ما ردِت تجيني
حزني ابدليلي دَاوي
و إنته يخويه ناوي
ما تحظر ابوَفَـاتي
ـــــــــــ
ظلّت عليله او بالغُـرُب كل ساعه يِعله ونها
و ابجمرة افراگ الأهل ساهِـر بگه جفنها
ابْجَوِّ المصيبه هامت او تتألم ابحزنها
من تذكر الطفله اللي راحوْا كل اهلها عنها



ابفگد الأهل كل وحـده ظلّت بالمرض نحيله
اشگد فاطمه المعصومه تشبَه فاطمه العليله
كل فاجده ابألمها
تتمنّه أهلها يمها
او ما تحظر ابوفاتي
ـــــــــــ
تتمنّه چانت من تموت او ينختِم عمرها
اتشوف الرضا لازم إديها او گاعد ابكترها
او وكت المنيّه إلقاسم إبْنِ الكاظم ايْحَظَرْها
او بيد الجواد اِبنِ الرضا من ينحفر گبرها

ابآخر نفَس تنظـر رسالة اِلرضا او تشِمها
و آنا اعتقـد وصّـت يدِفـنون الرساله يمها
اتصيح او دمعها هالي
ما چنت أظن يغالي
ما تحظر ابوفاتي
_

الميرزا عادل أشكناني
" قم المقدّسة "
9 / 2 / 2014

#قصيدة_نزلة
#خطاب_الحسين_للزهراء_ع


المصيبه الچبيره ادفعوها الاميره ،
_________________________________
صبراً جميلاً اعله ضيعت حنانچ ،
التمينه كلنه وفراغ بمچانچ ، ،
انكسرن ضلوعج غفل مني ضاعت
چلمة ييمه الاحبها بلسانچ ، ،

بعتابچ بغيابچ حياتي گصيره
_________________________________
بعد اسمي يمه المصايب چثيره ،
ألمحسن اچبير والعتبه الزغيره ، ،
طاحت دمعتي ورجف كلبي يمه
دمچ لكيته اعله طرف الحصيره

بونينچ أعينچ بليالي الاخيره
_________________________________
مثل الديار الجفوها اهلهه ، ،
يا يمه حزني وحقچ مثلهه ،
الباب بجذوعه ويطيح اعله حرمه
جا حكهه عالعتبه طايح طفلهه

اجوها اعصروها بوجعها اسيره ؟
_________________________________
سل سيفه دهري وترس بالي همي
ردته ييمه العله العتبه دمي ، ، ،
الميتتله أم بمرض والله هينه ، ،
أنه اكتلوها بعصر حايط امي ، ،

ظليمه وهظيمه الوجه وين اديره
_________________________________
والتسعت اشهر جنينج علامه ، ،
من موته يبدي قيام القيامه ، ،
السطره اعله عينچ اثرها اعله بالي
ويوجع ييمه ونين اليتامه ، ،

برحيلچ شتكيلچ يحيره اعله حيره
_________________________________
سوده الليالي وحنينچ فكدته ، ،
كاروك اخيي بدموعي ترسته
بحايطنه دمچ نزل ويلي يمه ،
بچفيتي اجيته وبچيت ومسحته

ألمه وأشمه بدموعي الكسيره
_________________________________

- علي مهدي المالكي ،

فاطمه شتردين ؟ عينچ علتراب !
يمي ظلي بداعت ابنچ والحجاب
طاري ضلعچ من يمر
گلبي يوگف وانكسر
يمي ظلي بداعت ابنچ والحجاب

،،،،،،،،،،،،،،،،،،،،،،،،،،،،،،،،،

ثگلن الونات وادري چنهه خلصت عشرتچ
الدنيا تحله ويا النحبهم يمي ظلي امروتچ
وحگ كل دمعه بعيونچ وحگ شدت علتچ
آنه الاتيتم گبلهم لو حياتچ عافتچ

ذبل اطفالچ دمع
من درو ما ننجمع
زينب حسين وحسن عاشو عذاب
يمي ظلي بداعت ابنچ والحجاب

،،،،،،،،،،،،،،،،،،،،،،،،،،،،

فاطمه تروحين وانه تبقه روحي امرمره
انتي شيعوض مكانچ ما تسد خلتچ مره
والله لوما اطفال عدنا ما اظل بعدچ تره
أيد بيد وياچ نمشي وچا گصدنه الاخره

چنهه ساعه ونفترگ
فاطمه وصارت صدگ
بيش احلف الموت ما يسمع عتاب
يمي ظلي بداعت ابنچ والحجاب


،،،،،،،،،،،،،،،،،،،،،،،،،،،،،،،،،

يلتونين اعله هونچ وادري شيحمله الالم
انه ما احمل دمعتچ يلي ضلعچ ما سلم
گلتي حيدر فدوه ضلعي عندي الحسين الاهم
باچر ابني شلون حاله وگلبه مصيوب بسهم

ادري لو باچر وگع
ذاكه يتسمه الوجع
زينب اخته تشاهد بصدره الحراب
يمي ظلي بداعت ابنچ والحجاب

،،،،،،،،،،،،،،،،،،،،،،،،،،،،،،،،،،،،

فاطمه ولونچ تغير والنفس طعنة رمح
هاي حالة بت محمد لا تصبح يا صبح
يا جرح مر بدليلي وخفف اعليهه الجرح
مالي حيل الفرگه والله لان ساعتهه انذبح

فرگتچ طبرة ولي
ما يظل بعدچ علي

سيف ابن ملجم تغير شكله باب
يمي ظلي بداعت ابنچ والحجاب

،،،،،،،،،،،،،،،،،،،،،،،،،،،،،،،،،،

ريت اشيل الاه منچ والجروح الما شفن
ولا اشوفچ يلوديعه من عيونچ غمضن
ردي حاچيني اعله بختچ ها گضت يم الحسن
هم سمعتي انسان يگدر يدفن بچفه الوطن

شلون اوسدچ بالرمال ؟
هم يدفنون الجبال ؟

لاهي فرگه وانتظر طول الغياب
يمي ظلي بداعت ابنچ والحجاب

،،،،،،،،،،،،،،،،،،،،،،،،،،،،،،،،،،،،،،

چنهه خلصت وانتهينه وبعد ما نلتم سوى
اليعطش اعله انسان ميت ما شرب ملگه وروى
ما تفيده الناس كلهه ولا طبيب ولا دوى
هم سمعتو انسان واصل مرحله يخنگه الهوى

وين اروح وعمري راح
هذا شنهي المني طاح

ناري صعدت للسمى بعلو السحاب
يمي ظلي بداعت ابنچ والحجاب

كلمات الخادم / رعد الفريجي

قصيدة لمة عزة للسيدة فاطمة الزهراء عليها السلام

أمي أمي/أم سوالف دافيه
أمي أمي/أمي هيه العافيه
أمي أمي~~~أمي أمي
★★★★★★★★★★
شايله   أمي    كلب    كلش    حنين
لو   تروح   منين   الگه   منها   وين
تبچي من تسمع  مصاب أم الحسين
مثل   ما  زينب   بچت   وأم  البنين

أمي أمي/تنصب أعله الزهره
أمي أمي/مجلس  وبي  تقره
أمي أمي~~~أمي أمي
 ★★★★
يل رضه الباري  ييمه من  رضاچ
يل ضوه عيوني ييمه من ضواچ
شلون  لو  هالموت  يايمه خذاچ
أنه أموت  وداعت  عيونج وراچ

أمي أمي/  نظرتچ  تحييني
أمي أمي/من الألم تشفيني
أمي أمي~~~أمي أمي
 ★★★★
إلي  فاگد  أمه   شله   بالحيات
خله يدعي الباري يلفيه الممات
الله  كرم  أمي  بأنواع الصفات
لجل عينچ  يمه مقبولة الصلاة

أمي أمي/لله بيها  أتوسل
أمي أمي/كل دعائي يقبل
أمي أمي~~~أمي أمي
 ★★★★
إلي يرضي أمه يطب  جنة عدن
شلون لو ترضه  عليه أم الحسن
أكبالچ   أذنوبي  يبت   طه  أجن
بنظره منچ  وحده كلهن  ينمحن

أمي أمي/الله كلشي أنطاها
أمي أمي/  رحمته    خلاها
أمي أمي~~~أمي أمي
★★★★
دگول أسماء أويه فظه الخادمه
الخيط من  نور  الزچيه   نلظمه
لعنة    الله    عالعصابه    الآثمه
والله يلعن من سطر خد فاطمه

أمي أمي/هيچي زينب صاحت
أمي أمي/ بويه   أمي   طاحت
أمي أمي~~~أمي أمي
★★★★★★★★★★
الشاعر  (أسعد قاسم الكريعاوي )

يشب جرحك وما ينتهي توزع عشگ ميت عدل*
صح بس نحر واهل الهوى بيه تنچوي وبيه تستدل*
كلشي سهل من ينّسي بس جرحك ايضل مو سهل*
الچملي جرحي شما ردت من ينلچم بيه اكتمل*

جرحك عذب بيه اسلتذ واتونس ابطعم الالم*
بطرگ النحر بس بيه همت والما يعرفك ما فهم*
غير انته الحسين وكفى بس حبك الگلبي رهم*

اليحبك ينسه روحه..يأول نهر ضامي*
اوديلك رسايل..دمع شايل غرامي*

يمحلي العطش من ما ضگت ماي*
صرت اهوى الضمه من اعرفت هاي*
حسين يا غريب الغرباء
......................
الما تاكل ابروحه الخيم ما يفتهم معنى العشگ*
فارغ يضل معنى الهوى الما بيه سهر ما بيه حرگ*
استشعرك كلما يمر طاري العطش طاري السحگ*
واعرگ مثل گصة شهم من اسمع ابأسم الطبگ*

گالو جرح راح وعتگ المن بعد هذا الدمع*
گلت اليمر گلبه الهوى يستورح اشما ينوجع*
بالمختصر عاشگ نحر وامن العشگ ما ينشبع*

الما ضايگ جماله..ما تنزل دموعه*
محبوبي الهويته..مكسورة ضلوعه*

حبيته وصرت من لطفه انسان*
مشرّبني العشگ بس باقي عطشان*
حسين يا غريب الغرباء
.....................
رغم العطش رغم التعب كاشخ ركضت اعله الذبح*
ومن اغبشت ما فرزنو لمعت وجنتك لو صبح*
كلشي اليرافگ منحرك خالد يضل حتى الرمح*
خليني ارافگ دمعتك كلشي اليجي منك ربح*

حتى السهم بيك انتشه يا ابو العشگ ضاگك حلا*
وذاك الترب لمن شبگ خدك صرخ مية هلا*
صحرى وحجارة وخظرت جنت عدن يا كربله*

يمال الله اشحلاتك..احبك وابقى اريدك*
نحر بس اشغلاتك..يالمجنن عبيدك*


اتيهن يا عرف وايردني خيرك*
عشيرت كل غريب اشعندي غيرك*
حسين يا غريب الغرباء
.........................
ارهم الك ما افتهم غيرك يبو الاكبر هوى*
اي انه هذا اليفتره كلما يحس گلبه انچوى*
يحومر خجل كلمن يمر عشگه ويجيب اسمه الهوه*
واتحومر اعيوني بدمع كلما سمعت ابنينوى*

ليش انه عشگي ابكربله صدره احترگ مّن العطش*
شجاب الحصير اعله الورد چا ماكو للنرجس نعش*
معبودي ضامي ومن وگع فيّ العرش يمه انفرش*

اريد اغلب خيالي..واگولن هوه راوي*
وارسمك يا حبيبي..بظلامي گمر ضاوي*

اريد افزع الك محبوبي والگاك*
شبعت امن الشرب عبدللله وياك*
حسين يا غريب الغرباء
........................
ليك اختنگ وانته النفس يا احلا نسمه بالعمر*
واشهگ شكو بسمك حرف واشعر شني امسوي الشمر*
مو هوه نحرك للعشگ شمسوي بحزازه الجمر*
مو انته ربّ الكل ستر معقوله عريان الظهر*

كلك عرف للمو عرف اشمعنى خلوك ابغرب*
يا اترف احساس اشعجب قنعو تضل فوگ الترب*
تعطش يبو طول النهر هوه انته كلك تنشرب*

يأول نهر قانع..يعطشوهن بناته*
ويأول فرض طايح..مبيوگه صلاته*

اضل اعطش الك كل عمري يحسين*
يعافيتي الك مديت الايدين*
حسين يا غريب الغرباء



علاء المياحي
الفاتحه لروح والدي