دفنت الهوى ال بالرية
ودفنت أحلام وردية
راحت والحنان أوياهة أحس راح
ضلمة البيت جانت هية مصباح
--------------
بيدي شيعت الندى... علي ظل الوحدة
والمسافات كلهة عثرة
أمشي واعثر والتفت ... عالزجبة شكد خفت
فاركتهة بخدها سطرة
من دفنت ام الحسن ... جني دافنلي وطن
يافكدهة جروحي تقرة

جني دافن روحي بيدي أمن أدفتهة
هاي مدري شلون صارت فاركتهة
عيني ما أذكر عكبهة غمضتهة
هية أعز أنسانه عندي أو ودعتهة

رايح كل أمل عندي
والمدمع حفر خدي
بموتتهة انكطع من كلبي سباح
-----------------
مات بعيوني الضوة... ويخنك انفاسي الهوة
بيدي دافن كل سنيني
والمدامع من دمة ... بروحي أحزان السمة
هية ماتت لو حنيني
أشهك اتراب الكبر ... انهطر مدري انعصر
كلشي كايم يجوي عيني

راحت العشرة وتبدة بعيني دمعي
وبذني صوت الزهرة من تصيح ضلعي
اكبال باب البيت ليلية اكعد أنعي
عيوني ذبلانات وأختل حيل وضعي

لمن ماتت الزهرة
وياهة ماتت العشرة
بذني صوت كسر اضلوع وصياح
............ ..
المغربية شما أحن... ياكل بروحي الحزن
عالزجية ابجي سكتة
شنسة منهة رويحتي... والله عازة عازتي
عايش انا وهية ميتة
ودي أموت بحسرتي... ولا أعيش بغربتي
يادليلي شيخفي ونتة

أأليحن شيسوي لو فاكد خليلة
ما ينام ولا تجن عيونة ليلة
المات يادمعة التجيبة ويا وسيلة
المغربية تصير عندة شكد طويلة

ألما متعلم اعلة أفراك
تطلع روحة من يشتاك
يخلص ليلة بس دموع ونياح
..................
الباب خلو للستر ... وفاطمة بي تنعصر
ياعذابي صعبة قصتي
انكسرت ضلوع السمة ... لو ضلع من فاطمة
والهظمني فاطمة أنتي
لسة عالحايط أثر ... وهوسة بعيوني الصور
أكبال بابي ياكسرتي


سومرت كل ذكرياتي وي الأحبة
الدنية بعيون المفارك كلهة جذبة
أسمج شما ردت ألفضة لو أكتبة
يعرض أكبال المشاعر لوحة صعبة

لمسامرنة من حنيت
عكبج صار صحرة البيت
الفاكد ينعرف لمن يكض أصفاح
.................
بية تطحن رحتج ... دمعي ذوب سبحتج
والتجاعيد بية كثّرت
جرحي ينزف والدوة.. ضايع وكلبي أنجوى
ياعشرتج بسرعة مّرت
شيبتني المكبرة ... بيهة دافن جوهرة
وبدربهة روحي عثّرت


من أغمض عيني أشوفن صورة تجرح
ومن أفتحهة جروح هواي تفتح
كلبي مثل أجناح طير العشة فرفح
الدنية مارحمتني يمتة وياي تنصح

خلكي ويالنجم مشدود
تعبت الليالي السود
شنسة ولون حزني ويالمسامر لاح
..................
✍حسين حمدان الدلفي

فاطميات

عايش بخيرج وحس روحي بنعيم
الدنية لوما مجلسج شبه الجحيم
عندج عبد مأمور * وبخدمتج مأجور * حزنج حزن عاشور * يافاطمة
****************
1 يم الحسن * لجلج حزن * يعقوب وعيونة انعمن
يوسف رجع * يمج ركع * ويصيح باب الله اندفع
★
الحرك بابج كطع رزق الحمامة
والكسر ضلعج ذبح اغلى ابتسامة
وخلة ولدج من عكب عينج يتامة
والسطر خدج سطر خد الأ مامة
★
جان حتى الطير يشعر با لأ مان
يبني عشة بجفج ويشبع حنان
بعدج جنح مكسور * والعش صبح مهجور * حزنج حزن عاشور * يا فاطمة
****************
2عيسى انصلب * والرب غضب *من شعلو ابابج حطب
صدرج نزف * صوتج هتف* وستيقضو اهل الكهف
★
من انكطع خيط الفجر فز الصبح
وصاح صوت من السمة مات الملح
الغبشة فكت ريجهة بطعم الجرح
عيونة صلفة والحرك بابج وكح
★
انشلت ايدة ألي حرك باب الوحي
هذا من الله شكثر ما يستحي
لطمن عليج الحور * خدج صدك مسطور * حزنج حزن عاشور * يافاطمة
******************
3وردة بنعش * حيلي ارتعش * ماتت عمرهة اثمنطعش
مات الضوة * وضاك الهوة *والجرحي ما يرهم دوة
★
شجرة التفاحة تنحب بالجنان
ه̷̷َـَْـُذآ ياهو الي كسر غصن الحنان
المفترض نذكر اسمهة بكل أذان
اشهد انج فاطمة أم الا مــــــــان
★
الجنة شذرة بمحبسج فاطم تصير
الخير منج ياخــــاخذ ايگلولة خير
دمعج شذر منثور * لؤلؤسبحتج نور * حزنج حزن عاشور * يافاطمة
******************
4حتى الخضر * ضل منكسر* شيب رمش عيني الصبر
لجل الضلع * فاض الدمع * ابموتج يبس كلب الزرع
★
حتى جذع النخلة وي مريم نعة
والجماد ايون عليج ابموضعة
الانس والجن والجبال مصدعة
ويلي ماتت فاطمة شهل فاجعة
★
حزن لجلج فاطمة عود البخور
شكلة اسود لاجن ايثوب عطور
مي الورد منذور* يمج شنو الكافور * حزنج حزن عاشور * يافاطمة
*****************
5خدهة انصفع * محسن وكع * عرش اللّہ̣̥ هليلة انفجع
عمري انغرس* واخر نفس * صوت باذن حيدر همس
★
م̷ـــِْن دمعهة الطاح خليلك حرز
وبثواب ام الحسن وزع خــــبز
ادري شوغة فاطمة بكلبك تحز
يالسكوتك حكمة واسرار ولغــز
★
سر سكوتك ياعلي كلش جــــبير
يالجميع اسرارك الحافضهة بــــــير
دمعاتك ادري تفور* كل ليلة تمشي اتزور *حزنج حزن عاشور *يافاطمة
********************
✍الخادم الشاعر ★حسين حمدان الدلفي

يافاطمة.. حزنج سمة
من ضلعج الحد الضمة... يافاطمة
يمتة الفرج ونزورج
وناخذ قبس من نورج..يافاطمة
..............................
وين أستقر كبرج
مشتاك أشم عطرج
هاية روحي بخدمتج رهن الإشارة
طال الصدى هواية
ارد أمشي مشاية
أجدام كل مشتاك حنت للزيارة
ياهو اليدلينة
كبر ام حسن وينة
بكلب كل عاشك صدك هاي الحرارة

لا سامح الله وما زرت كبرج
بكبري تزوريني ابقى أنتظرج

غاب الكبر ... وانة انتظر
يمتة يهل مهدي العصر... يافاطمة
يمتة الفرج ونزورج
وناخذ قبس من نورج.. يافاطمة
..................................
كبرج اذا اشوفة
صدكيني ماأعوفة
والله مليت الصبر جا يمتة ازورج
لو تنعمي اعيوني
اثنين اليدلوني
نيتي والياخذني يم كبرج عطورج
اسنين اليحن صعبة
ناس ودمع غربة
الهسة محد واصل العالم شعورج

من البداية أحجيهة انة لازم
شمحلاهة لو أسمي عبد فاطم

ياليتني... في موطني
جا يمتة كبرج ينبني... يافاطمة
يمتة الفرج ونزورج
وناخذ قبس من نورج..يافاطمة
..................................
أيام السنة أيامج
مشتاگة خدامج
وين كبرج تسأل احبابج خطية
لو بالسمة أمشيلة
ليلة بألف ليلة
من تمر بينة الليالي الفاطمية
كالو مع القائم
يظهر كبر فاطم
يبني كبر الزهرة ونزورة سوية

كل ما تمر السنة وتعدي
بلكي السنة الجاية يجي المهدي

أين النوى.. ام ذي طوى
أم ياترا في نينوى... يافاطمة
يمتة الفرج ونزورج
وناخذ قبس من نورج.. يافاطمة
..................................
يكتل ترة اغيابج
طف مختصر بابج
أيهّيج أحزان ويفك باب المدامع
ثوب الحزن ليلي
والنجمة تحجيلي
بيهة صورة كسرة اضلوعج أطالع
صوت الكسر بذني
أغفة ويفززني
مدري افك عيوني مدري بهمي أصارع

أكثر بعد لو طالت الغيبة
يروح الصبر ياهو الذي أيجيبة

جرحج نزف... الجاني أعترف
بابج جذع نخلة وسعف... يافاطمة
يمتة الفرج ونزورج
وناخذ قبس من نورج ..يافاطمة
.................................
بكل عام الج راية
يامنتهى الغاية
ترفرف بكل سارية بعالم ولائج
كل كوكب الزهرة
بنص محبسج شذرة
يضوي للرايد يهيم بحب عزائج
يا لوحة الباري
سامع من أصياري
الله ميرجع عبد يدعي بدعائج

متعود ألساني على الفطرة
يلهج بقة بتسبيحة الزهرة

أنتي نعم ... أم للخدم
مخلوقة من كبل العدم.. يافاطمة
يمتة الفرج ونزورج
وناخذ قبس من نورج..يافاطمة
..........................................
تمت... الحمدلله

✍خادمكم حسين حمدان الدلفي

نزلة
دار حديث بين عمار بن ياسر والأمام علي عليه السلام عن استسهاد فاطمة الزهراء عليها السلام والصبر بفقدان فاطمة فگاني بالامام علي عليه السلام يقول


ياعمار الصبر يم فاطمه تبده
وموسهله اليحب من ينترك وحده
---------------------------------------
ورگه الريح تاخذني وتوديني
ياعمار شصبر ودعت عيني
انجرحت تبتسم خافن تاذيني
سبحه اطشرت بوداعها سنيني
لمفارك محب كل حيل ماعنده
---------------------------------------
احس بعيوني گام تبوك عافيتي
من طب النعش ونشالت ام بيتي
اشتم والهوه مايدخل بريتي
صفيت اعله الدمع والنوح تاليتي
يمر ذكراها بيه وعيني ماتهده
-----------------------------------------
اشتاگ الفاطمة وادخل لغرفتها
ادخلها وتصير اگبالي صورتها
واتذكر صلاة بگعده صلتها
يلچمها الضلع وتبچي حالتها
ومحسنها وگع مالحگ المهده
---------------------------------------
يعمار الجبل لوسامع اتهدم
عصروها الضلع من عصرته اتهشم
جرح فاطم تبده وبيه مايلتم
شصبر والجرح محتاج الف مأتم
واني ادري السفر مابي درب رده
----------------------------------------
اسمع من تون وجروحها يطلعن
مثل طلعت نجم بااوجاعها التمن
وبسامير الخشب بضلوعها يصلن
من ذاگ الوكت ودموعي ماوگفن
واخضر عل الجفن ذاك الدمع بعده
---------------------------------------
وحشة البيت احسن والجروح هواي
ونار الباب أكبر من كلام الماي
بقيت الوحدي وماندل بدنياي
راح احزام ظهري الچان دوم وياي
الزلمة بكل وكت يحتاج ليسنده


خادم رقية عليها السلام
الشاعر مهند الدريساوي

عندك خبر يالمنتظر ضـلع أمـك الزهــره
عندك خبر يالمنتظر وأنته أعرف بكسره

ثار ثار للكسر * ثار ثار ننتظر

*--------------------*------------------*

فاطمة يبــــــن الحسن عندك خبرهـــه
وتعرف الجاب الحطب واللي عـصرهه
إلأجه لـــــدار الطهر بـيـده وسـعـرهـــه
ماطفت نــــاره وبـعـد موجود أثرهــــه

أهل السقيفه الحاقده اشكم واحد اطلبــه
أهل السقيفه الحاقده اللي خانوا الصـحبه

وين وين يابدر * ثار ثار ننتظر

*----------------------*------------------*

دفعوا البـــــاب بحقد زمـرة عـصـابــه
ودّعوا بعد النبــــي همـــه الصـحـابــه
خلوا المحسن على العتبــه بخضابـــه
وانته يالمهدي اتعرف زين ابـمـصـابـه

طاح الطفل وتألمت فاطم تـــــره بجرحه
طاح الطفل وتألمت موقف صعب شـرحه

طاح طاح بالغدر * ثار ثار ننتظر

*---------------------*--------------------*

خانوا الهادي بـكـسـر ضـلـع لـبـضـعـتـه
رادوا الزهره الـزچـيـه تـبـچـي سـكـتـه
وللأسف بعـض البشر گـالـوا صـحـبـتـه
نـدري تكشف زيـفـهـم وتـوضـّح انـتـــه

يتنطّرك يبن الحسن ثــــار الطهر بـعـده
يتنطّرك يبن الحسين سيف العدل حِده

عين عين تنسطر * ثار ثار ننتظر

*-----------------------*-------------------*

شرّعو نهج القتل جـــــوه الـســقـيـفـه
وابتدوا وي فاطمه الحــره العـفـيـفــه
ننتظر شخصك يجي وشـايـل رهـيفـه
وتنكشف اهل الجـهـل والمـو نـظـيـفـه

أتحاكم الجاب الحطب يمهه وشعل ناره
أتحاكم الجاب الحطب محسن يرد ثـاره

بيك بيك ينجبر * ثار ثار ننتظر

*--------------------*------------------*

نفس الوجّوه الهاجمت بـيـت الـزجـيـه
داسوا أعله حـسـيـن يـوم الغـاضـريـــه
العصـروا الـزهـره الـطـهـر وبـلا حـمـيـه
حـركـوا الـخـيـمـه وخذوا زينب سبيــه

نفس الوجّوه بكربله ونفس الحقد بيهــه
نفس الوجوه بكربله يالمهدي أجت ليهـه

نار نار تستعر * ثار ثار ننتظر

*--------------------*---------------------*

✍بقلم خادم الزهراء ع
الشاعر رعد الجريخي

الكمر من يختفي نكضيها ضلمه
الدنيه هيج تصير كلمن ضيع امه

ضلت الدار - ضلمه لمن فاركتها امي شمعه
شلون اعيشن- صوت امي انه ما ضليت اسمعه
تاني يا موت -عمري راح اطيها بس خليني اجمعه
تقنع شلون- ونته أمر الباري ما مره ترجعه

*بعد ما يعرف فرح والحزن يمه *
*الدنيه هيج تصير كلمن ضيع امه *
_______________________
ضلي وياي- اليفكد أمه حيله وياهه يدفنه
بيت الأحزان- احنه من دون البشر يا ناس صرنه
امشي وياك- وين ما رايد يموت وعوف أمنه
لا تروحين- يمه والله من حنانج ما شبعنه

*بكل بكان البي كعدنه اني اشمه*
*الدنيه هيج تصير كلمن ضيع امه*
_______________________
شيب الرأس- وكسر ضلع امي كمت بعيوني اشوفه
كلبي حساس- كبل عيني اني احسن زاد خوفه
لمي صديت- وشفت محسن واكع وشالالي شوفه
امنت حيل- شفت بي غيرت الكفال ربي عوفه

*وي كل جيت اغروب يزيد همه *
*الدنيه هيج تصير كلمن ضيع امه*
_______________________
شبت النار- ومي يم الباب وتباوع عليه
أركض بماي- رحت اطفي النار بس ازغيره اديه
ضلت الروح-تصيح يا ناس احترك بيت الزجيه
اسمع الصوت- يمه راح يصير بيج الصار بيه

*والدمع كل ماذكرج زاد عزمه*
*الدنيه هيج تصير كلمن ضيع امه*
_______________________
اقنع شلون- رحمه الله الموت يأخذه من اديه
هيه العيون- تكضي كل اليل بس تحرس عليه
مره الأيام- تصير لوما بيه اشوف اني الزجيه
والله ياريت- يمرني ملج الموت وياهه سويه

*اليل للفاكد اشوفه يزيد حجمه *
*الدنيه هيج تصير كلمن ضيع امه *
_______________________

الخادم
#انور خلف البيظاني
_______________________

يا دار وين الفارگونه
يا دار چنهم ما يجونه
هذا الدرب ميردله غالي
ولا والدي يگلي تعالي
يا دار وين الفارگونه

،،،،،،،،،،،،،،

صار المسى اوحشه الدرب وانسدت البوب
وانه انتظر بلكن ترد والدنيا الغروب
شفت البنات ودمعت يا اغله محبوب
يتلگن الوالد وانه دلالي مصيوب

اليرجعله غايب گلبه يبرد
بس اني ما ردالي احد

يا دار چنهم ضيعونه
يا دار چنهم ما يجونه
يا دار وين الفارگونه

،،،،،،،،،،،،،،،،،،

مخنوگه من دون الاهل والگلب ملچوم
لو بلوه وحده وبالجسد احملهه چم يوم
بس المرض فوگه البعد زيدلي الهموم
ظليت لا صحه وچفن ما شايف النوم

مثل اليريد يموت گلبه
مستسلم وعينه اعله ربه

غاليين لكن ما خذونه
يا دار چنهم ما يجونه
يا دار وين الفارگونه


،،،،،،،،،،،،،،،،،،،،

وين اسأل وماصح خبر منهم اجاني
بين المدينه وكربله شوگ وأماني
انه العليله الوالدي لا ما خذاني
لا وده طارش لا حلم لا طمناني


رفت عيوني وگلبي خايف
ياعمري بس دمعات شايف


يا ربي بس لا يتمونه
يا دار جنهم ما يجونه
يا دار وين الفاركونه


،،،،،،،،،،،،،،،

يا ناس مر بيكم هوه بي عطر الحسين
عدكم خبر يچوي الگلب ضيم البعيدين
اعمامي اخوتي وكل هلي ميتين عدلين؟
عبد الله نايم بالمهد وين الخبر وين ؟


يا ربي دعوه من الوحيده
يرجعلي اخوي وهسه اريده


هيچ ويرد ونشوف ابونه
يا دار چنهم ما يجونه
يا دار وين الفارگونه


،،،،،،،،،،،،،،،،،،


بعيد الدرب يا كربله ومشتاگه يلفون
انذر اطش عمري البقه بوجه اليرجعون
اتذكر الگعده السوى وتهل العيون
يا بيتنه الما بي هلي وما ظن يردون


مليت دمعه اتحاچي دمعه
يا صوتي بس انه الاسمعه


يا والدي الميته بدونه
يا دار چنهم ما يجونه
يا دار وين الفارگونه


،،،،،،،،،،،،،،،،،،



يا ساكنين بكربله وعفتوني بالدار
حسبوني طفله ويه ضعن وتباري الزغار
يا من رحت فدوه ونذر حسبوني خطار
خلوني باطراف الخيم من تشتعل نار



سهم الرضيع لنحري اريده
وحسين يجمع دمي بيده


بآخر نفس عيني بعيونه
يا دار چنهم ما يجونه
يا دار وين الفارگونه


كلمات خادم الحسين
#رعد الفريجي

قصيده توجيهيه
آه0 واويــلاه وافاني الاجـــــل
وآنه ساهي وملتهي بطول الامل
&&&&&&&
آه0 واويــلاه بــلــوه بــلــــوتـي
بـس أكـابـر ملتهي بهــم دنيتـي
ماأحسب حساب يومي وساعتي
ولايردني بيوم مـن ربـي الخجل
&&&&&&&
آه0 واويـلاه يــاذنـبـي العظيــم =
شلـون يحرگني حرگ مثل الهشيم
چنـي شاعـر يكتب بشعره يهيم =
يگلـب الاحـداث وابيــات ارتجــل
&&&&&&&
آه0 وايـلاه لـو يــمـي حضــّـر
وصوت ملك الموت بآذاني هدر
ودگت اجـراس النهايه بالخطر
وحيلي من جسمي يويلي من رحل
&&&&&&&
حاير مسجه جسد بالي وعليـل
لا ولاواحــد نهض عنـي يشيــل
ويــن ابني وين بنتي والخـليـل
ليش عافـوني وحيد بـها لمحل
&&&&&&&
وآني أعايـن للاهـل يمي بچوا
وابني واخواني يم جسمي دنـوا
مايسمعوني من انادي ولادروا =
فارگتهــم ماشفت منهم زعــل
&&&&&&&
أبيت أظلم نايم ومامش هـــوه =
وكل شخص محبوب من عندي نوه
وآني أعاين انتظـر بلچن ضوه =
وجسمـي كلـه يرتعش مــن الوجــل
&&&&&&&
شلون من شفت الكرام الكاتبين =
عـن شمـالي واحد أوواحد يـمين
كتبـو ذنوب العمر ويه السنيـن =
وشفته بكتأب الاجـل كلـه نــزّل
&&&&&&&
ومن نكيـر وناكـر اليمي أجوا
كتا ب كله آثـام گـدامي أنشروا
عــن فعـالي بدنيتي كلهه قروا
وآنه أحس بصوتي من عندي ذبل
&&&&&&&
أيـدت كـل الحچي وكـل الصـــدر
وهـذا مكتـوب وجـره بيـه القــــدر
ويــن حامي الجار لويمي ايحضر
ويــن ابو الحسنين ياخيرالعمـــل
&&&&&&&&
خـادم الخــدام شبــلـك سيــــدي
وبطريـق حسـين دومي مقــــتدي
ردتـك اليــوم وتعايـــن مرقـــدي
شلون وحشه وما ألي غيرك أهل
&&&&&&&&
ويـن أبـو السجاد خـادم حضرتك
بجـاه نحـرك وبعظــيم مصيبتــك
بجـاه طفلـك والزنــود الأ ذتــــك
اليوم اريد اتزيح من عندي العلل
&&&&&&&&
وماأظـن الزهـره تتركنــي اكيـد
تحضر ويه حسين والحامي اريد
مالـي غيـرالعتره في يوم الوعيد
كل صعـب موجود لوجوني سهل
&&&&&&&
خادم خدام الحسين عليه السلام
الحاج ابو إياد البيجاوي

نزال ميمر

من كل بقاع الكوكب عله الفطره
خلينه يــم بابــچ خـدم يالــزهره
ظلمه الــعوالم والــمجالس گمره
وبمجلسچ شفنه النور يازهرة الفجريه
@@@@@@@@@@@@@@@@

لأجلچ يزهره بكل شبر مزروعه
هاي المجالس عبرت الموسوعه
شيبة حبيب وذاكَ واهس طوعه
مجموعه بگلوب الناس والنبضه زهرائيه
@@@@@@@@@@@@@@@@

يا فاطم بمجلس عزاكم جالس
وأتخيل العباس يحچي لعابس
شيل إيدك وإلطم كـأنك فارس
چنك دخلت الميدان وسلاحك اللطميه
@@@@@@@@@@@@@@@@

كلمن ينال الــخدمه گرة عينه
خدامچ ومتفضله بيــها علينه
للناشد وگال أنتوا من يا طينه
طينتنه من گاع حسين والصرخه عباسيه
@@@@@@@@@@@@@@@@

أدري انه تحـضـر بالــمجالس فاطم
جيت أخدم وما همني حچيّ الوادم
كــون أنـقبـل مولاتـي عــدكـم خادم
مسجونه كل الخدام بس خدمتچ حريه
@@@@@@@@@@@@@@@@

كلـمن دفع بابـچ يـفاطم خاسر
فاطر ضلـع منـچ يـسورة فاطر
باچر يعيش الصاح ألا من ناصر
باچر يخلده التاريخ وإبنچ نعيش بفيه
@@@@@@@@@@@@@@@@
✍ خادم خدام الحسين(ع)
#عباس فاضل الكندي

تراث.....للزهراء عليها السلام

زينب الليله بياحال.من بعد عين الزهره.
تنحب قدت وسط الدار.تهمل العين وحمره.
//////////////////////////////////
يالتسأل عله ام الخدر هالليله
بعمر الجبير واحد يتجيله
بلا حيل حتى الحيل ميت حيله
لعمر امها ضلت تنحب وتبجيله

الصوج مو صوج الباب.صوج الدفعها بحركه
من الخجل لاذت بيه.تسمع وراه بس شهكه.
//////////////////////////////////
ضلت يتيمه زينب اخلاف امها
ليش الوكت من الزغر حارمها
اثمنطعش ورده التراب يطمها
راحت على العين الرجس لاطمها

مهظومه راحت ياحيف.ام الحسن مهظومه.
بكسر الضلع محسن طاح.ومن الورث محرومه.
///////////////////////////////////
اشلون لو جلجل الليل اعليها
اخلاف امها كلي ياهو اليباريها
حيدر غده يصبرها ويواسيها
ام الحسين اشكثر وصت بيها

يمسح دمعها بونات.ورويحته ملجومه.
يابويه بس اترجاج.انموت كلمن يومه

///////////////////////////////////
اول مصايب زينب امها الزهره
عالضلع الله يعينها وطك كسره
طفو ضواها ام الحسن بالسطره
ومحسن ابنها طاح فاكد عمره

مستعره بالباب النار.ونيران زينب كبره.
مابين حايط والباب.اعدام صار الزهره

//////////////////////////////////
تتفكد امها زينب اتخم بالبيت
وتسولف ويه البين عندي شخليت
لسوالف امي تكول كلش حنيت
توكف اكبالي وتبجي جن لو صليت

ادعيلي زينب وياج.لهسه الكسر ماذيني
الضلع مايرضه يطيب.وبعده الزراك ابعيني
///////////////////////////////////



علي الصرايفي الشملاوي

بالبيت ادور جلمات //ماصدك ابصوتج مات
وينج صحت يمبيتي //صوتج اسمعه امنيتي
==========================
الباب جم خاطر كسرلي وحومر عيوني
ابطيحته عالزهره احسه طيح امتوني
ضيعتها وضاع كلشي لا تلوموني
الشيب خضركبل وكته يل تنشدوني

ايامي مابيه افراح // الضيع محب مايرتاح
يل رحتي مارديتي // صوتج اسمعه امنيتي
==========================
ابد مو سهله عليه كلمت العشره
بوجه المفارك تبين حسرت الكسره
اليضيع وجه غالي يشتهي النضره
وانه كلماردت شوفج اذكر الصطره

ياكمرت الله اشتاكيت //وياج اموت اتمنيت
للملكه ماحنيتي // صوتج اسمعه امنيتي
==========================
بينج وبيني المسافه صارت ابعيده
مثل ذاك الصام عمره وينتضرعيده
انه هم رافكني جرحج يادوه يفيده
وعمري بعدج يل حنينه كله ماريده

كل ساعه تكضي بلياج// ماتخله ابد من ذكراج
بكليبي اشسويتي // صوتج اسمعه امنيتي
==========================
انتي بعيوني قصيده وكل حرف غالي
وانه كايلج يزهره دومج ابالي
هسه منهو يزيح همي وينضر الحالي
صار هجرج درب اول مااله تالي

الدنيه غدرتني ابساع // ظيعتج وكلشي ظاع
فاكد صحت عافيتي // صوتج اسمعه امنيتي
==========================
هواي طولتي عليه من الهجركافي
بارده حيطان كبرج وبيتج الدافي
الدنيه بردت ونه اجيتج للكبرحافي
ادري بضلوعج يصلن ياجرح غافي

كل ما اشوفن بسمار // اظلوعي يشتعلن نار
وبلحدج اتغطيتي //صوتج اسمعه امنيتي
==========================
خلصيت اسنين عمري الشوفج متاني
البيت سويته اعلمودج بيت لحزاني
وكل شبر اعثر بجرحي ودمعي يلكاني
وين رحتي ضل يردد كلبي والساني

ادري عليه تخفين // مجروحه بس ماتحجين
اخفي الكبر وصيتي // صوتج اسمعه امنيتي

==========================
تمت_____ سلام البهادلي

من عدها رديت ميت تمنيت
توني رجعت امن الدفن من عدها رديت
***
اول مره احس مخنوك وبكلبي الف حسره
رجعت امن الدفن متعوب وبديه دافن الزهره

بعيني صورتها بجفي ريحتها ويا معزتها
هالحبيبه
بحسرتي اشتمها اشكد نحت يمها دموعي تلجمها اشهل مصيبه

وكبور اللحنان ما بيها بيبان
فوك الكبر ضليت اون
توني رجعت امن الدفن
من عدها رديت
******





رحت للمكبره بروحي وعفت فوك الكبر روحي
عليها من اذب اتراب ملح ينذب عله اجروحي

يالتنشدوني اشبيهن عيوني لا تلومني عالجفاني
ابجي عالعشره ابجي عالذكره راحت الزهره يازماني
ومن طبع اليروح اشكد يترك اجروح
واشلون اطبكنه الجفن
توني رجعت امن الدفن من عدها رديت
*********
توني خلصت يا ناس ورجعت الزينب بهمي
وما ادري شكللها لو كلتلي وين امي

خايف اعليها ما ابجيها الدمعه تاذيها بالي يمها
شبكت اعليه وكلها حنيه اتموت البنيه بموتت امها

ضل من الحباب بس ذاك التراب
اتريد امها زينب من تحن
توني رجعت امن الدفن من عدها رديت
*******


من ينجاب طاريها افزن فزت المخنوك
الموت اشماله هيج اوياي شو بس الاعزاز ايبوك

بجفي كمت اعصر والدمع يمطر بعينيشفت المر من بعدها
الماتت ام بيته تختنكت ريته البيت مليته روحي عدها

سكنت بالكبور ومن ابجي معذور
عمري ذبل ذبلت غصن
توني رجعت امن الدفن من عدها رديت
***
جنت يم الكبر وحسين يبجي وشابك اعليها
لا تدفنها بويه ايصيح امي اشويه اخليها

ابداعت اونيني اويه امي خليني جرحي ماذيني من هجرها
ضيعت عمري اتمنه من زغري ينحفر كبري بصف كبرها

ومن ون الحسين موتني مرتين
التابوت شلته اعله المتن
توني رجعت امن الدفن من عدها رديت
********
شيعت الزجيه بليل وماتت ضحكتي ابابي
واصواب الحسن يا ناس كلش يشبه اصوابي

مثلي ضل حاير ويكسر الخاطر ليش اليسافر يترك جروح
اشعر بغربه وحيرتي صعبه الحسرته بكلبه المن يروح

الفاركله محبوب شيصبره الغروب
والليل يكتل من يجن
توني رجعت امن الدفن من عدها رديت
****
تمت
تحسين الخفاجي

ثورة….. كاتـــبهـــــا عالبــاب الزمن

ثورة….. من ام الحسن لبن الحسن

ثورة….. والمهدي يحكم بالــوطــن…. ثورة

★★★★★★★★★


نبدي من قصة ليالي الفاطميه

هاي ثورة وبعد ثورة مهدويه

ينهدم لازم قصرهم أل أمـــيه

وبأمان اتعيش هالوادم سويه



رايه….. يرفعها بس مهدي العصر

رايه…… تعله ويطيح اكبر قصر

رايه…… اترف وتزول اهل الفــتَــن…. ثورة

★★★★★★★★★


باجر المهدي يجي ويشهر حُسامه

ايطيح التيجان وتعيش العمامه

ايسوي دوله وبيها تحكم بس يتامه

وبأمان اتعيش باالشجره الحمامه


ايحاسب ….. كــــل الذي سفكوا دمه

ايحاسب …. الكسروا ضلع من فاطمه

ايحاسب ….. عالغيروا نَـهــــج السُنَـن… ..ثورة

★★★★★★★★★


تهوه كل اقصوركم باالذلـــــه باچـــــر

ويجي المهدي ويوگف ابسوح التظاهر

ينطي حَـق النـــــاس ويجَـــبر الخواطر

وتوگع التيجـــــــان ويعلــــي المـــنابــر



يبچي ….. المهدي على دَم النزَف

يبچي…… عالناموا ابأرض النَجف

يبچي ……. چم غالي وي حلمه اندفَــن… ..ثورة

★★★★★★★★★



باچـــــر ابخـــير وأمان اتعيش ناسه

من يجي المهدي ويهد قصر الرئاسه

ايشيل كل هاي اليتامه فـــوگ راسه

المهدي قائد لچن يمشي ابلا حراسه



ابروحه….. شايل علي وگرصة خبز 🍞

ابروحه…. نغــفــه ولا واحـــــد يفـز

ابروحه ….. يطلق صراح ألي انسجن…. ثورة

★★★★★★★★★


تـــرتـفـــع رايــــــة مُحمـــــــد للقـــــياده

واحنـــه خــــــدام ونظل نخدم السـاده

انفصل اثياب العرس بــــــــس للشهادة

وكلمن مــن المــهـــدي يتنطـــر مُـــراده


ابدمنه… ..باچر نخط فوگ الترب

ابدمنه….. گاعد المهدي وبالگلب

ابـدمنه ….. اچفوف الشرف من وقَعَن… ثورة

★★★★★★★★★


المهــدي بيده اينشف ادمـــــوع الثكاله

ايصير ابــونا وكل بنــــي أدم عــــياله

چَـــم زُليـــخه اتموت من تنضر جماله

ويگعد اويانـــه ونجــــي نگعــد اگبـــــاله



نقره…. بعيونـــه راسم كربله

نقره…. خيمة ⛺ وسبايه وعايله

نقره … عالسلـــبوا ذاك الظعَـــن….. ثورة

★★★★★★★★★



چــــــم سبيه ابعينه ينضر جم سبيه

ويحترگ گلبــــه مثل باب 🚪 الزچيه

چـــم ابـــو مـــذبوح يمه اتون رُقـــيه

ابكل ارض يالمهدي صارت غاضريـــه



وينك…… يبن الحسن مات الورد🥀

وينك….. يتنَـطرك حــته الحـشــد

وينك……. مرجَعنا يالمهدي عِــلَـــن…. ثورة







ــــــــــــــــــــــــــــــــــــــــــــــــــــــ

ماجد حبيب الخيگاني

2020/11/26ونسألكم الدعاء

عن نار الخيم
كماط وبيه سهم
سولفتلي فاطمه

الضلع والباب والباب والباب… ..
. اول شراره للخيم..
والجرح ماطاب… ماطاب ماطاب..
من الضلع بينه الالم

جرحي منه لحد خيمنه… ومنه همنه
لحد يزينب وينه عمنه… ومنه همنه

زينب بالشام… زينب
شتحمل الام… زينب
تعلم تنظام… زينب

لوعات وقهر… .رايه اعله النهر
.سولفتلي فاطمة
/////////////

ابوداع حسين… حسين حسين
شميه يزينب بالنحر
شبعي منه العين….. العين العين
. لو ضلع منه انكسر

كالت امك كشفي صدره… وشمي نحره
مايردلج جري حسره… وشمي نحره

نحره المكطوع… .نحره
من عنده نلوع… نحره
والون مسموع… نحره
تحظر فاطمه… ..يمه لاطمه
. سولفتلي فاطمه

////////////

الكسر وطفوف… وطفوف ..وطفوف
زينب تشاهد جم كسر
كسرة امها تشوف ..تشوف ..تشوف
فاطمه من تنعصر

اتشاهد امها من دفعها… وطك ضلعها
وبالجفن جفه طبعها… وطك ضلعها

كالت عالطف… كالت
من هذا الجف ..كالت
جرحج اكلف ..كالت

من بعد الكسر.… ..متنطره اليسر

. سولفتلي فاطمه
//////////////

مو جرح جرحين…. جرحين جرحين
بين العصرني والذبح
والفكد طفلين… طفلين طفلين
والجرح فوك الجرح

المحسن وعبد الله بعده… خالي مهده
والدمه جاري اعله خده… خالي مهده

. كلبج لو حن… كلبج
. بالطف لو ون… كابج
. وليلج لو جن… كلبج

دمعج لو همل… ..وانتي ابلا اهل
سولفتلي فاطمه

/////////////////

والجرح ملجوم… .ملجوم ملجوم..
. من افارك فاطمه
والضلع مكسوم… مكسوم… مكسوم
وفاطمة متالمه

تكلي زينب آ يزينب… ضلعي يلهب
وبعد الج ضلع ايتصوب… ضلعي يلهب

. إتالمج ضلعين… اتالمج
. وضلوع حسين ..اتالمج
. ويدير العين… .اتالمج

عينه اعله الخيم….. والحيل انهدم

. سولفتلي فاطمة

//////////////

والكمر مذبوح… .مذبوح ..مذبوح
. ونابت بعينه السهم
عالنهر مطروح… مطروح… مطروح
. وهمه زينب عالخيم


عالشريعه اتبده جوده… .من زنوده
ننسبي ابلايه وجوده… ...من زنوده

. طاحن جفين… .طاحن
. ودم تبجي العين… طاحن
. ابنيات حسين… .طاحن

مارف العلم… .وااعسكر هجم
سولفتلي فاطمه

////////////////


نسالكم الدعاء
خادم الحسين
احمد الطيب الحلي
الاربعاء… 23 ربيع الاول 1442
9… كانون الأول 2020

بسم الله الرحمن الرحيم

[ بلا دمعتك ]

بلا دمعتك مالت الله احچيها
عيني ما تسوه ويكون اطفيها


الله خـــــالقها الك تبچي عليك
وهيّـه اذا نشفت كُفُرْ بامر المَليك
تستحق تطفه اللّي ما طفّيها ليك
وغيــــــر دمعك ياحُسين شبيها ؟!
ــــــــــــــــــــ

كلشي يكبر خله بـيه ودمعي شاب
مـــاي دمعك عندي والباقي سراب
وبين دمعــي وعيني للرايّد جواب
فكــــرتّي وبــرهان أنطي اعليها
ــــــــــــــــــــ

يا نَظَرْ خاف النَظَرْ غايّة يصير !؟
وياهو كَال اعمه إلي بگلبه بصير !؟
ذاك ابـــو هـــارون مكفوف وأمير
تخلّد بــدمعة حِــــزِنْ يجريها
ــــــــــــــــــــ

ياهو كَال اعله النَظَرْ قمة الكمـال
ومو شَــرِطْ بالعَين معرفة الجَمال
بَسْ شَرطْ دمعي يسيل اعله الدلال
الـــــراح دمعة اعله الهِزِلْ يبديها
ــــــــــــــــــــ

هيّه مـــــــو فلسفة ومجادل نريد
العَين شحمه والــدمع يحميها اكيد
والمحــــامي لديني مگطوع الوريد
يعني عينـي بحــامي ديني احميها
ــــــــــــــــــــ

تصير أعمه هاك اخذ سِـدْ العيون
وهم شفت دمعات تحبسها الجفون
دمعي يوگف شَرطْ ترتاح الضعون
وچلمة يــــرتاح الضعــن أطريها
ــــــــــــــــــــ

العَين اذا تطفه الگلب عنها ينوب
ولا بـــديل لدمعك لحد ما تذوب
مِثِلْ طفلة ذابت بگــــد ما تلوب
ونَشْفَتْ الــــدمعة بحضن واليها
ــــــــــــــــــــ

الراد عَيـــن ابلا دَمِعْ عايّش وَهَمْ
والمُهِمْ منـــــريده لو زاحَمْ أَهَمْ
الدَليل الــــدمعة هيّه ام القَسَمْ
ونقسم بـــدمعة رُقَيّــــةْ وبيها
ــــــــــــــــــــ

نقسم بدمعــة رُقَيّةْ نريد عَين
عَين تبچي مو شَرطْ تسمع ونين
عَيـــن تستاهل حنانك ياحُسين
وَقُـــفْ بسمك وانتـــه التروّيها




ميثاق المالكي

ثـــاري ثاري ..نــاري ناري
وبعـــيوني دمه
ليلي صبحي..بـهذا جرحي
لمُحسنچ فاطمه

يــا عُظم المصاب
شما صّد اعله باب
مهـــــديچ يشوّف
ابنچ عـــــالتراب

وهضمتي بصدري تتكسر
من اشوفه أگــبالچ اطّشر
وهد وتـــــــــوزر بثاري
وخلي صبـــــري يتحير
ـــــــــــــــــــ

يمه يمه ..بگلبي لچمه
الله عنها سأل
ينوئدلچ ..ينـــذبحلچ
بياذنب ينقِتل

الله يســأل ليش
ومــالَحّگ يعيش
وماترهم جنيـن
شيدافعله جيش

مصـابچ يمه مو ذكره
وحقچ عايش العصره
خلــف الباب اشوفنچ
لمحسن دايره النظره
ـــــــــــــــــــ

يــــافقاري ..نـاره ناري
ومعتصر بالحزن
مــا جرعها ..من سمعها
مــــن نذلهم وإِن

ومــن ذاكه النهار
نار إبگلبه نــــار
گبالچ يمه چــان
مجتــــوف الفقار

ويغرگ غمده بالمدمع
ومثل دمعي فلا يگطع
وعهد ثار ابنچ وثارچ
ييمه اخـــــذه مربع
ـــــــــــــــــــ

لبيه يـــــدمي ..صحتي بسمي
وبالالــم انولي
وطحتي طحتي ..ومــــاصرختي
ياعلـي ياعلـي

تـــــدرين الاميــر
جرحه شگد چبير
اخفيتـــي الجروح
لويـــدري شيصير

الي ملاگه الـــزلم عيده
الوصيــــه لچتفت ايده
ترس چم بير بجروحه
اعلــــه ام وليده وليده
ـــــــــــــــــــ

أبّيميني.. كل سنيني
رايتي ترتفع
لثاري لول ..لماتبدل
لمحسنچ والضلع

وقري يُمه عين
انه ابن الحسين
للظلمـــو يكون
اصلب هالثنيـن

الروايه باچـــر انشرها
لصلبهم شجره حضرها
انـــه الجبتين اصلبهم
جروحچ يمه ابشـــرها


ياعلي ع
ميثاق المالكي

أنا العبدُ الفاطمي**وفي العشقِ ميثمي
انا لا أكون وَبِها أكون
انا العبدُ الفاطمي



هيَ امٌ لابيهـــا المصطفى
هيَ كُفــــؤٌ لِعلـــيٍ وكفى
هي بَنوهـا رتلوها مُصحفا
شرفٌ هي مـن يداني شرفا

فَوجهُ الرَبْ حيثُ هي
لهــــــا الأمرُ والنَهي
. لها مؤمنونوَبِها أكون
انا العبدُ الفاطمي
ـــــــــــــــــ

كلُ بابٍ للسمـــاءِ مــــؤصدة
الا بــــــابَ بنتِ طه العابدة
لا يخيــــبُ لا يُـــــردُ واردة
قلنا زيــــدي بِولاك ِالافئدة

فيـــــا أُمَ الاكرمِ** بكِ القلبُ يحتمي
حدَ المَنون وَبِهــــا أكون
انا العبدُ الفاطمي
ـــــــــــــــــ

كلُ عُســــرٍ كلُ أمـرٍ يَنجلي
بــــأغيثي يــاغياثَ المبتلي
فــــي قلــوبٍ لكِ حنتْ رتلي
يـــــاعليُ يــــــاعليُ ياعلي

فذا النبضُ العلوي غَدى منكِ يرتوي
به عالِمــون وَبِهــــا أكون
انا العبدُ الفاطمي
ـــــــــــــــــ

خيرُ أمٍ خيـــرُ بعلٍ وولـــد
زائـــفٌ دونـــــــكِِ ايُ مُعتَقد
كلُ ديـــــنٍ انتِ منهُ كــالعمد
مالنا غيـــــــرُكُ مولاتي مدد

رجوناكِ فَامدُدي بطَرفيكِ ويَدِ
لكِ ناظرون ** وَبِها أكون
انا العبدُ الفاطمي


ـــــــــــــــــ


القصيده بلسان الحال لكل فاطمي

ميثاق المالكي
استشهاد مولاتي فاطمه ع
الرواية الاولى

ياعلي دمعــــاتك عـزيزه اعليه
فدوه لحروف اسمك جروح إلبيه
هضمك صعــب ويهيچ الماطابن
وعذرني لو ضمهـن عليك ايديه

فدوه الجـــرن ..بــأم الحسن
فــــدوه الك ياروحي
لاتنقهــــــر..شنهي الكســر
يابلسم اعله اجروحي


ياعلي .. فدوه الك فاطمه
ياعلي .. فدوه الك فاطمه
ـــــــــــــــــــــــــ

ماچنه صاير هذا بيه لصــاير
ياصابر وادري عَلــــي مو صابر
ها ياعلي فاطمتـــك بخير ٱنه
ماريد اشوفن منكسرلك خاطر

هينه الجــذع .. يكسـر ضلع
ياباالحســن وعيونك
بس الصعـــب.. دمعك يصـب
تبچي العده يشوفونك

ياعلي ..ونته حامي الحمه
ياعلي .. فدوه الك فاطمه
ـــــــــــــــــــــــــ

تأذيك مــــــن تحبسها ادري العبره
أبچيني لاتصبـــغ عيــونك حمره
ولاتسأل اعله احجابي غطه اعيوني
ايام ويــــــــــروح الاثـر للسطره

بـدم الجِفن ..لاتمتِحِـــن
ولو صابغ من أحجابي
وعندي طلب ..تنسه الحطب
الوجــــــــروه ابابي

ياعلي.. وگلبـــي القدمه
ياعلي ..فدوه الك فاطمه
ـــــــــــــــــــــــــ

دام انته سالم يــــــادليلي ودمه
عن الالم ما جيب طـاري ابچلمه
ولطاح عـــالعتبه لعيونك فدوه
لما لحگت حتـــه اصيح إبأسمه

فيك رجـــع.. ولبني الوگع
أصبر ونّه الممنــونه
لزينب أحن.. صير الحضِن
وانه بگبر مدفونه

ياعلي ..لـــزينب هايمه
ياعلي ..فدوه الك فاطمه

ـــــــــــــــــــــــــ

مثل الخيال تشوغني الچم گلبك
وانه الامـــانه لصار بيـه يعذبك
ووصيتـي ابثوبي علــي اتغسلني
وعذرني لو ثگل الجنازه ايتعبك

وجـف اليمُر .. ويلگه الكسر
ومويمـــك انه بيها
عاد البچي .. من تنتجي
يحله اعله ام ابيها

ياعلي.. بهـــاي الخاتمه
ياعلي ..فدوه الك فاطمه

ـــــــــــــــــــــــــ

ميثاق المالكي
استشهاد الزهراء ع
الروايه الاولى 1442

ادخيل صبــرك ياعلي ودخيلك
سـالفه الطف وأخـذ نص حَيلك
وهاي فاطمتك علي گبالك تطيح
وشيل سيفك كلشي ظل يوميلك
ــــــــــــــــــ

يــــانبي ومـرسل تحمل هالقهر
لوجبل من غيضه چـا طگ ونتثر
إلسِن محمد يوم أُحد عاصف اجيت
لخد محمد تصبر وشفته انسطر!!!
ــــــــــــــــــ

مُمْتحَن يالصبرك اصعب من صعُب
وياهو يدري بداخلك صـارت حرُب
أباب بيتك ســــاحه فتحو للقتال!!!
وياقطبها شلــــــون يتكتر قطُب
ــــــــــــــــــ

بفهم صبرك غرگت اعقول الزلم
وروج بحـــر الشك اخذ اهل العلم
لچان يــــرعد لو هَظُم مَر ابيتيم
ابنه طــــــاح أگباله ميت منعِدم
ــــــــــــــــــ

الف مرحب والف من عمر ابن ود
روسها بشفـــرة يمينك تنحصد
هسه تصبر والجمر يحصد ربيع
والهضيمه النــار وجـــرها عبد
ــــــــــــــــــ

الوصيه يـــاوصي آخـــــر زمن
هيه وي صبـــرك صعب يتأولن
وصحت يافاطمه ولــو شيل الفقار
يــا مــــــأذن بســم ابوچ يأذنن

ــــــــــــــــــ

ميثاق المالكي
استشهاد الزهراء ع
1442 الروايه الاولى

عبدچ وبن عبدچ مُقر بالرقِ مولاتي
مملوكچ بهذا العمـر والرايـــح وآتي
بفي خِدّمتچ عمري انفنه
وسجد شكـر مــــرت سنه
عبدچ وبن عبدچ مُقر بالرقِ مولاتي

ياااا رحّمة خدمتچ عـــاشرتني فياي
مااااي تــــــرويني اكثر من براد الماي
گضيت عمري برحمتچ انه رايح جاي
هواااي عطفچ دخيلچ والله صـار هواي

ونتي العبــد ابفيـــچ ورد
تنطينه هـذا الكون
عبـــد العطر يحصد فجر
لخده الضوه من جون
وكل الامــــر بيــدچ يمر
سبحانه كن فيكون

توفيقي اظل ابخدمتچ ما انحرف لحظه
لحظه بدونج أعتقد بيها الله مـايرضه
انتي الــــرضه وكل المنه
وسجد شكر مــــرت سنه
عبدچ وبن عبــــدچ مُقر بالرقِ مولاتي
ــــــــــــــــــــ

لووو ســـاومني وكتـي ولخدمتچ راد
رااح هواي انه أگصر مــن حچي لعناد
هاااك اخــــذ الاعزهم للـزجيه مراد
ولااا توصل خـــدمتي لأُم ابو السجاد

لُم الحســـن شيصح ثمن
وبيـــا ثمـــن تنقاس
وهيه السمه بجف فاطمه
اي والله والعبــــــاس
هــاا ياوكت هــم خسرت
وانه بنفس لحساس

يافاطمه اصـــرخ اذا رد وكتي حــاربني
اندبها وانه المطمئن معقــوله تتركني
تگضي وظل ربحــــان انه
وسجد شكر مــــرت سنه
عبدچ وبن عبــــدچ مُقر بالرقِ مولاتي
ــــــــــــــــــــ

ماااا همتني مـــــــره ضحكة الشمات
لييش لن اعله حـي ما تضحك الاموات
رووح وتنبض مشــاعر خــدمتچ آيات
سنين وانه بفضل خيرچ جفوني تبات

ولي يضـــن انهـي الحزن
شنطي لوجه لاوين
اخدم واضچ عليها واعچ
تستاهل ام احسين
وثــوبي البِله مـــا بدله
هـوه الكحل للعيـن

ثوب الخدامه لفاطمه اجملهـــن اثيابي
بوجه التشمت ابتسم مــــاطول اجوابي
ومــــا أنكسر للــي اعتنه
وسجد شكر مــــرت سنه
عبدچ وبن عبــــدچ مُقر بالرقِ مولاتي
ــــــــــــــــــــ

وين هذا الي راهن عالـــــزمن والحيل
يشوف اسعه لخدمتــــج مو نهار وليل
لااااا حتــى بمنــــامي نيّتــي متميل
كون نوح بحضرتچ هيچ عمري اطويل

نية الگلـــب ابهـــذا الدرب
مــــا الها حـــد وياچ
فـــوگ الارض جــوه الارض
واجب فـــرض انعاچ
اليـــوم وغداً ولــي مضن
اكفـــــــر اذا انساچ

سر العبــــــوديه الچ يارب الي ايديمه
قيمه ولوني افقــــــدچ ابقه بلا قيمه
ولهيبتـــــچ طولي انحنه
وسجد شكر مــــرت سنه
عبدچ وبن عبــــدچ مُقر بالرقِ مولاتي
ــــــــــــــــــــ



ميثاق المالكي
استشهاد الزهراء ع
الروايه الاولى 1442