# ديسباسيتو💙 8
#خياليه100%😍
#fulla_Ali

قبل م نبدا الحلقه لازم اوريكم الحصل شنو يوم الخميس عشان تحكمو معاي طيبة مدريدي وراها ( إن ) ولا لا

مدريدي كان واقف وهو ماسك كباية العصير بي يد والتلفون بالتانيه..والولد راكع ليهو وخلاص قرب يبوس جزمت الجزمه دأا..
انا م حسيت بي روحي إلا وانا ماسكه جزمتو وبس رفعتهااا لي فووق
هو من الخلعه فقد توازنو و وقع علي ضهرو...والعصير اتدفق فيهو و وشو اتملا..

قام بسرعه ورفع يدو عاوز يضربني ..انا صرخته وغطيت وشي بي إيدي ..الحمد لله الاسمو وليد دا مسك ليهو يدو..وقال : من متين انت بتمد إيدك علي بنات !!!!

يلا مدريدي هاج وقال : دي دي دي ما بت !! انا بوريها لكن وبدا بتوعد وعاوز يهجم علي ..بس وليد مسكو وقال : يااا وجن سوقيها وامشو الاستراحه ..
..

يلا دا الحصل يوم الخميس..
اسي بي زمتكم..مفترض ردة فعلو تكون بالبرود دا ؟؟؟
انا برلمتو في القاعه وسط زملانو..وكمان احرجتو جمبه الكافتيريا وسط كل الطلبه ..معقوله بس ردة فعلو تكون كده !!!

يلا نواصل...

التفته وشوفتو دا مدريدي زاتو ...ومعاهو كريم ( طبعآ كريمو دا جنوبي ..ياخ عثثثل وحتعرفوهو في الاحداث الجايه )

وليد : انت جادي ؟؟؟

اروي : كلامو صح..تويتي دي انا حبيتها ياخ

) احييي انا من اسم تويتي دا )

مدريدي : خههههه تويتي ؟؟؟ المهم ..ترتيل ولة تويتي دي بقت جزء من ديسبايسيتو..

كريم : واللهي بت دا انا اتكيفت منو شيديد..اتمني تكون سعيده معنا

كلامو عجبني وربي ( تحية لكل جنوبي ..انتو الزيت ياخ )

انا صراحه م كنت متطمنه..بس لازم اقعد في بيت الملك عشان أكون بآمان..عشان كده قلته موافقه

احمد ضحك وقال : هو انتي يعني فكرتي ؟؟ انتي عارفه انو 100 نفر بتمنو مكانك دا ؟؟

م اهتميت بي كلامو ..قلت ليهم ماشه افطر عن إذنكم..طلعت منهم ومشيت الكافتيريا

وليد عاين لي مدريدي وقال ليهو : ناوي علي شنو انت !!

اكتفي بي إبتسامه غبششششاء باهت لونها م مفهومه نهائي..
كريم : ولد دا خطير.تويتي اعمل حسابا

احمد : ههههههه فتحت حساب مع البنك الخطآ هي ..

شوقي : ييييك كتمت

حنان واروي يتضاحكو ساي..كل واحد فيهم أخبث من التاني

م عارفه داسين لي شنو..بس ربنا يستر ...

💙💙💙

مشيت الكافتيريا ..شوفته وجن واقفه مع الاسمها منن دي ..وقت شافتني ارتبكت كده..وجات علي : وينك انتي ؟؟

عاينت لي منن وعاينت ليها وقبل م افتح خشمي قالت : منن قالت لي انتي اتشكلتي معاها هي وهديل ..وحممتي هديل بالشطه.طبعآ ي داب اطمنته..انا قايلاها صحبتهم
قلت ليها اااي حصل ..
.طوالي عيونها دمعو وقالت : يا ترتيل عليك الله الناس ديل م قدرك ..م تورطي نفسك معاهم..مدريدي لو ختاك في راسو حيكرهك الجامعه...

( البت دي رقيقه جنس رقه !! ياخ كن لمو رقتها و وزعوها لينا كلنا نحن البنات كان كفتنا )
قلت ليها : م تخافي علي..بعدين يا وجن عندي ليك خبر..
واصلته كلامي وقلت ليها مدريدي اضافني لي قروبهم حق ديسباسيتو ولة الجن الاحمر دا..

طبعآ اتخلعت..: انتي جاده !!

قلت ليها يب..بس ي وجن م متطمنه

وجن : ليك الحق..الجماعه ديل خبيثين..بس انتي اعملي حسابك .
وواصلت بمرح : بعدين كونك معاهم دا بضمن انك تكوني بي آمان..وماف بت من المعجبات بي مدريدي تقدر تهبشك..كده بقيتي عندك حصانه زي حنان و اروي

م اشتغلته بي كلامها وشلته فطوري ومشينا..

حضرنا المحاضرة التانيه وطلعنا زي الساعه 3:34 مساء كده..وجن قالت عاوزه توصلني لكن رفضته ..لانو هي زاتها الوصلتني يوم الخميس..طبعآ عربيتها كيا بيضاء وعندها سواق .انسسسو بسسس ..اقعدو لي انتو .

انا غايتو مشيييييت ركبته مواصلاتي واتشلهته تماام ف الشمس الحارة ديك..

اربعه كده وصلته..
لقيت عمتو مضيوفه ..ضيوفها في القطية قاعدين.. كانو عاملين جبنه ولمه انسو بس..
القطيه جوة كلها تراثيه..عناقريب مضروبات بلون العديله والزين ولة الزيت م عارفه ..المهم ..وبنابر بنفس اللون..والترابيز فيها شكل المخابر حقت العديله والزين..والأرض مفروشه رمممله..حسيت نفسي في معرض ..
يلا القطيه دي م بتنفتح الا وقت يجو ضيوف لي جبنه وكده..

المهم سلمت عليهم ومشيت استحميت وصليت الضهر والعصر جمع تأخير ..
عمتو قالت لي لو جوعته آكل..بس الصراحه م كان عندي نفس..
شربته من الجبنه فنجانين ونومتة علي كده

صحيت بعد المغرب علي صوت صفصف..لقيتها ي داب جات من الجامعه..غايتو ناس طب ديل تعبانين
قومته اتوضيت وصليت المغرب ..بعدها عمتو ختت الغدا وجينا قعدنا كلنا في السفرة.
فرح شايلاها حبوبتها وبتأكل فيها ..عامله شغل في الصينيه..ضحكتنا ضحك
انا الاكل مشي بي وين م عارفه..

بعد الآكل غسلته ليهم العده..وجيت راجعته شويه..تاني وقت مليت اتصلته بي ميرو وحكيت ليها الحصل
قالت لي امرهم مريب الجماعه ديل..يلا اوعك تثقي فيهم اوعااك..
قلت ليها م توصي حريف

بس السؤال البطرح نفسو..هل انا حأقدر ما انخدع بيهم ؟؟؟؟

م معروف

نشوف

💜💙💙

تاني يوم خلصته محاضراتي ...ومشينا انا و و

# ديسباسيتو💙 9

#خياليه100%😍

#fulla_Ali

طبعآ مسسسساهرين لي 3:34ص
وكلو من أمجد دا !! الله يآزاوو
حضرنا فلم رعب اسمو the conjuring )الشعوذه( اظن كلكم بتكونو شوفتوهو..يلا دا كان اووول عرض
ياخ ما بقدر اوصف ليكم كمية الرعب الأنا حسيت بيها...انسسسسسو بسسس

بعد م خلاص قفلنا و اي زول مشي سريرو ..تلفوني ضرب..
طبعآ اتخلعته..دا منو الحيضرب لي الزمن دا ؟؟؟

لقيتو رقم غريب..وصفصف اصلآ ناممت بدرري و ولا تمت الفلم زاتو..حضرناهو انا وامجد واحمد الفصعون الما بخاف ..

م عرفته اتصرف كيف .المهم اتوكلته ورديت بصوت واطي الو
_الو ..كيفك..

_ بخير..منو؟؟

انقرو لقيتو منو......

انقرو منووو

قال لي انا #مدريدي

اما كيف لقي رقمي ...و منو اداهو ليهو وليشنو ضارب لي الزمن دا فدا م عرفتو للآن..

قال لي : بس م اكون ازعجتك؟؟

قلت ليهو بصوت اقرب للهمس : لا..

طيب م أكون صحيتك من النوم..

قلت ليو لا م صحيتني ..كنت بحضر فلم.

قال لي بشهقه : the Conjuring!!!!

_اااااي ...

قال : بوو...لزوم يخوفني وكده

_رديت ليو بي : وا وا وااي..بس بأستخفاف كده. طوالي الأهبل قعد يضحك .

قلت ليهو :بطل سخافه .انت عاوز تصل ليشنو ؟؟؟

رده لي بعد مسسسسافه ودي كانت آخر كلمة اتوقعتها..

_عايز أصل لقلبك..

م كذبته طوالي قفلته الخط والتلفون وجدعتو تحت المخده

والله العظيم قلبي دا بدق دق ¡¡¡ ياخ انسو بس
واتملكني خوف ! وخلااص قلته حأموت ..بس في نص قسمات وجهي الخائفه..ظهرت خيوط ابتسامة..
واعوز بالله من الابتسامه الزي دي...

💙💙💙

صحيت الساعه 9:34ص

لقيت البيت قايم قاعد..شغالين نضافه
صبحته عليهم وصبحو علي..انصاف دي كن شفوتوها تمممموتو من الضحككك رابطه نصها بي طرحه م عارفه الفايده شنو اظن عايذه تحاكي المصرييين ( هوي صحي المصرين ديل دايرين يشيلو منننا حلايب وشيلاتين !!!؟ الله يستر بس )

قلت ليهم ليييي م صحيتوني أساعدكم !!!

عمتو قالت لي نحن زاتنا خلصنا ..بس خلينا ليك المطبخ..استعجلي اتسوكي واشربي الشاي عشان تطلعي لينا الفطور
قلت ليها : جدآ..بس انتو عندكم فطور محدد لليوم ؟؟

قالت لي لا..علي زوقك

المهم..اتسوكته و شربته الشاي..وربطته نصي دخلته المطبخ..طبعآ المطبخ مرتب أكتر من حياتي..المهم

قررتة اعمل عصيده بي نعيميه..ياخ طبعآ العصيده والنعيميه حب حياتي..مستعده آكلها العمر كلو وعلي مدار اليوم

قطعته بصلتي وحمرتها ..بس للأسف ..روب ماف

سألته عمتو قالت لي امش بيت حجه فاطمه بتبيع روب.بيتها ما بعيد ...و سوقي احمد يقدمك

طبعآ احمد حللف كن يمش معاي قال بحضر مسلسل وقت المغامرة حقت فين وجيك ديلك...
الا قلت لي
امجد يمشي معاي ..قال لي كويس..لبسته توبها حق الهزاز وشلته جردل طحنيه صغير كده..ومشينا ..

اتونسنا كدااا ف الشارع...

لغاية وصلت البيت ..امجد انتظرني برة..
المرا ملتني كلام...بعد شوية في بت صغيرونة جات وسوست ليها في آضانها ..قالت ليها : سمح بالحيل..

البت عاينت لي وابتسمت ومشت..عثثثثثل كن شوفتوها..ربنا يحفظها
المرا ست الروب
تتكلم وتتكلم وترغي وترغي..وحاتكم زهجته...والروب شغاله تخج فيهو وتخج وتخج قالت لي لسع عليهو شويه...

لمن امجد دخل ناداني ..قلت ليهو لسع..
قال لي بتعرفي ترجعي براك ؟؟؟
قلت ليهو اااي بعرف..قال لي خلاص عشان انا مستعجل عندي مشوار..

بعد شوية البت تاني جات..المره دي سلمت لي..امرها مريب حيرتني ..انشغلته بي تلفوني رسلته لي آميرة رساله الجمعه ( شوفتو انا قديمه كيييييف هههععع)
المهم المرا كبت لي الروب..صلحته توبي وحاسبتها وطلعته

وانا ماشه سمعته صوت بوري..زحيت من الطريق بدون م اعاين
تاني سمعته صوت البوري برضو زحيت وتاني سمعته صوتو
لغاية زهجته واتلفته عشان اردح ليهو..
واتلجمته وقت شوفتوو

تفتكرو منو ؟؟؟؟

💙💙💙

#شندي_الحوب💙

تحية لي ناس شندي المعانا هنا ف القروب..انتو الزييييت ❤

معالي : يعني هسي نحن حنسافر السعوديه !!! واي ي فرحتي وااي

الطيب : اي ي معالي..بس لكن........

معالي : لكن شنو ي راجل ..م تقول لي الفي بالي صح ¡¡¡¿

الطيب : اي ..لازم ترتيل تمش معانا ما حأخليها هنا ¡

معالي : طيب سوق ترتيل..لكن لعلمك..لا انا لا واحد من عيالك ..ماف زول حيمش
الطيب : يا معالي عليك الله اقفلي الموضوع دا..بعدين تلفوني دا لي زمن ما لاقيهو..
ما سألتي لي الاولاد ء؟؟

جاتها ربكه كده..بس قالت ليهو : ا ا انت ع عاوزني انسي الموضوع صح !؟؟ بس انا كلامي واضح م بغيرو..
قالت كده ودخلت غرفتهم

اما الطيب انشغل بي تفتيش تلفونو..تحت السراير وفوق تربيزه الكتب ..عسي ولعل يلقاهو
مسكيييين م عارف انو تلفونو مع مرتو العقربه الفقرية النكديه المكاديه معالي زفت الطين ¡

💜💜💜

قضروف السعد 😍😍❤

وقت اتلفته لقيتها عربيه..سنتافي حمرا

طلع منها مدريدي..كان لابس تيرينك رمادي وفلينه سوداء..والعضلات م يدوكم الدرب..وقت شوفتو قلبي عممل شششششحح صراحه كده الولد دا ما شبهه السودان..ش

ديسباسيتو💙 10
#خياليه100%😉
#fulla_Ali
آماني : طيب مالا ترتيل جات بتبكي !!؟

امجد : والله العظيم ي امي انا كنت معاها وأضطريت امش السوق لأنو جاتني رساله من رقم قال عاوز يلاقيني جمب كافتيريا الاندلس ..مشيت وانتظرتة كداا..بعد شويه رسل لي انو لقي المشوآر..وهو منو م عرفتو ! رجعته اتصلته عليهو الرقم مغلق..حيرني زاتوو
يعني افهم من الكلام الطويل والعريض دا شنو ؟؟

-يا امي احلف ليك بيشنو انا ما لي دخل..يمكن خاله فاطمه ست الروب شاكلتها ولة حا.....

قبل م يتم كلامو فتحته الباب.وكنت عاديه جدآ لدرجة اني ببتسم..
آماني : ي بتي خوفتيني عليكي مالك ؟؟؟

ي عمتو وانا جايه [ كونو] نبح فيني عشان كده اتخلعته وبكيت ههههعع(ي رب سامحني علي كذبي )

وصدقوني طوالي من باب الصدمه الاتصدمتها وقت كونوستنتين سكاني لأول مرة..وطوالي كلهم قعدو يضحكو..

المهم..عملته ليهم الفطور وفطرنا لي الساعه 1:34م كده
لكن الفطور طلع جامد
وعمو آمير قال لي عندو لي هديه عشان ظبتة ملاح احللي من البتعملو عمتو آماني هههه

...💙💙💙

#شندي_الحوب

آخيرآ أبوي لقي تلفونو..جابتو ليهو مرتو بعد ما مسحت كل اتصالاتي ديك..اتخيلو . ¿¿ لكن ما قصرتي ي معالي و الله في..وموش ابوي دا ؟؟خليها تشبع بيهو. خليتو ليها .
زي العصرية كده جاتها اختها معزه
معزه : اها قلتي حتسافري ..هههه السعوديه نفر قلتي لي

معالي قالت وبشوية تكبر : احسن نمش..عشان زاتو عاوزه ألدي بتي هناك وارسل لي امي تجيني النفاس

معزه قالت ليها بنفس أسلوب التكبر : ههه والقال منو حتجيبي بت ؟؟ م يمكن ولد و خلاص لغب ام الاولاد يبقي حقك ههععع
طبعآ فرستها.. آآه ي قلبي
صرت وشها وقلبتو وقالت ليها : م مشكله ..في ناس أكبر مني لسع م عرسسو والمشكله لو عرسو م حيلدو زاتو..
معزه : تقصدي شنو انتي ؟؟
معالي : ولا شي..ماشه اعمل لينا شاي... ؟؟

غايتو معالي دي ..وكيف اتوقع منها تعاملني سمح ما دام اختها بتعاملا كده !!

وقت مشت علي المطبخ معزه قالت في نفسها : طفشت البت المسكينه من البيت وبعدتها من أبوها زي م حرمتها من امها..وحتي انا بتعيرني بي عدم العرس !الله يسامحك يا أختي..الله يسامحك
💙💙💙

#قضروفنا_يا_سر_الهواا💙

المساء كده عمتو لبست فرح وسرحتها..امجد جا شالها عشان يرجعها لأنو رشا قالت ليهم انو أخوها حيتآخر وكده..وهي طبعآ من وقت أتطلقت رجلها ما عتبت البيت ..

انا كنسته الحوش ورشيتوو موية..وطلعنا السراير والجو كان رهيييييبووو مع منظر القطيه ..ياخ يلبشششش
استحضرتة الكلمات : ي ضل مفروش جواة الحوش
مقشوش ونضيف من قول الزيف
مرشوش بي موية ريد وحنان

واحلللي حاجه في قضارفنا قطاطينا..الباردة صيفآ ودافئة شتاءآ❤ وزي ما قلته انا فله علي : الماعندهم قطية ما ضاقو الحياة الهنيه هعععع

انصاف كانت بتخت في الغدا..وكنا محتاجين عيش..وياهو أمجد ماف وآشرف في السوق.الا احمد وهو صغير لأنو الفرن الا يقطعو ليهو الظلط..لبسته توب الهزاز الجبيل داك ومشينا انا واحمد
طبعآ انا اتعودته علي مشي الفرن والدكاكين وكده. لانو هناك مرت ابوي ما بترضي يرسلو ليها عيالها نهائي..

المهم..كمان كونو زفت الطين اتشبك في احمد والا يمشش..مشينا وانا ماشه بعيد منهم
ياخ بخوفني والله..مشينا قطعنا الظلط وانا قلبي نهائي م متطمن..والمغرب خلااااص بقا

اشتريت العيش و ياهو رجعنا..ونحن ف الطريق كابوسي ظهر لي تاني ..
#مدريدي

لالا دقيقه..هو سكن هنا ولة شنوو!!!!!
قلت ليهو بزهج : انت ما عندك شغله غيري ! م ممكن تطلع لي في اي لفة واي زاوية حرام عليك ياخ .! وخلاص عيوني رقرقو..

طوالي كونس تن تيين هجمممممممم عليييييهووو

بس لمن قرب عليهو وشغال : جررر حقت الكلاب ديك

اقسم بالله الود دا م اتحرك ولااا سنتمتر..وبس كان بعاين لي( كونو) جوة عيونو ولا رمش ولا رمششة ..لغاية ما استكان ورجع وراي وهو بكورك كوراك الاستسلام داك ..

مدريدي ابتسم وقال : كلبك زاتووو خاف مني..عشان بس تعرفي منو هو مدريدي..وع العموم دي آخر مرة أضايقك..
وابتسم ولفه ركب عربيتوو..وشتت ..

💙💙💙

وانا راقده سرحانه ف السقف..وفي مدريدي وبحاول احلل تصرفاتوو
و وصلته لي حاجه ..انو احتمال كبير يكون عاوز العلاقه دي عشان حاجه معينه م معروفة شنو ..
وعندي كم نقطة تأيد كلامي..

اولآ الناحيه الجماليه..صراحة كده هو انا م سمحه..لكن خلقتي بتتقابل..وبكون عثل لو اتمكيجته ..هو صح انا م وصفته ليكم روحي

يلا انا طولي فوق الوسط بشوية صحتي 100% ..لوني قمحي نضييف ..وملامحي عاديه يعني 70%جمال عيوني كبار وراسي بقولو عليهو كبير برضو..بس انا بقول شعري الكتير عشان كده راسي بيظهر كبير..ودا السبب الخلاهم يسموني تويتي..تيمنآ بالعصفورة تويتي .عشان الراس وكده..حسسسسسوديين كيف!!

لكن صراحه كده...بشبه تويتي بالذات من العيون والراس الكبير !!**

يلا عشان كده يستحيل ولد بي وسامة مدريدي يعاين لي انا ام راس كبير دي
هو زاتو زي مدريدي دا مفترض يعرسو ل

💙ديسباسيتو 11
#خياليه100%😉
#fulla_Ali

وانا داخله جوه الهول سامعه صوت ونسة في المطبخ..مشيت والأصوات بدت توضح..انا والله م اتعودته اتنصت علي زول.ولااا اتجسسس...لكن لمن الكلام يجيبو لي الهواء في الحاله دي ما بمنع نفسي من اني اسمعوو..
زهرة : يعني أسي حيخلي ليك بتو تربيها ولة الفهم شنو ي آماني ؟؟

آماني : والله ي زهرة شكلو كده..ياخ مرتو الشومة دي متحكمه فيهو لدرجة..شي عجيييب..
زهرة : مشكله..طيب وحيسافرو متين ؟؟
آماني : اسبوع.كده

زهرة : اها ومصاريف البت كيف ؟؟؟؟ موش انتهت وتاني ما رسل ليكم !!!؟بس م تقولي لي انتو حتقروها كمان !؟؟

آماني : م عارفه ي زهرة م عارفه..عليك الله اقفلي الموضوع دا !
انا سمعته الكلام دا وعيوني اتملو دموع..معقوله !! ابوي ماشي وين !
يا رب يكونو جايين يسكنو هنا..

احللي حاجه انك تخت للزول البتريدو 1000 عذر و نهائي ما تشوفو ظالمك او ما بريدك ..ياخ لو ضربك كف حتقول يمكن قتل باعوضه فئ خدك..سبحان الله

دخلته الغرفه وغيرتة ملابسي..وحات ربي صلاه م صليت بس نومته..
م صحيت الا بي تربيته حنينه من عمتو آماني
طبعآ عيوني كلها دموع
عمتو : مالك ي بتي كنتي بتبكي !!

ضحكته بعبث وقلت ليها حلمته حلمه عجييبه..
ضحكت وقالت لي قومي صلي عشان نتغدو..

*****

ونحن في السفرة عمو آمير قال لي : جبته ليك الهديه..انصاف حتديكي ليها بعد الغدا

*لي تعبتك نفسك ي عمو ما كان في داعي

ضحك وقال لي دي حاجه بسيطه..يلا كملي اكلك ي بتي..
الراجل طيب بشكل! معاملتو لي ولا ابوي زاتوو

واصلته أكلي... لكن والله الأكل دا ببلعو بلع..حاسه بي إني بقيت عاله علي الناس..صح عمتي هي لكن لو كانت اختي حيجيني الأحساس دا..وخصوصي بعد عرفته انو المصاريف حقتي خلصانه ..

غسلته ليهم العده ودخلته الغرفه ..غايتو أقرا شويه ..واسرح شويه ما عارفه زاتو أعمل شنو ..

صفصف جات وقالت لي : الحلو سرحان وييين ؟؟

ضحكته كداااا وقلت ليها : في قرايتي العملت جبل دي

انصاف : ههههه م تخافي انتي شاطرة حتجيبيها ..
ختت لي ربطه كده : دي هدية بابا

شلتها فتحتها ولقيت.....

💙💙💙

#شندي_الحوب

يمكن دي آخر مرة نقول شندي لأنو خلاص الطيب قرر السفر بدون حتي فترة الأسبوع تكتمل
معالي الفرحه كاتلاها..و وزعت ملابسهم القديمه لي عيال اخواتها..والعفش مسكتو لي أمها..وباقي حاجاتي اتخلصته منهم بس ودتهم وين م معروف

وياهو ابوي آجر البيت ...و حق الأيجار مفترض أستلمو كل شهر..وابوي الحوب وكل المهمه دي لي كرار اخو معالي..لمن المؤجرين يدفعو قروش الإيجار يرسلهم لي ..وي سلام عليك ي أبوي

موش كان الأحسن انو يختني في الصورة ؟؟ لكن هو بس عايز يهرب مني وما يلاقيني ..م معروف مالو ..بس انا فسرته عزوفو عني لانو ما عايز يظهر قدامي بالضعف دا ..والله أعلم .. ؟؟ لكن قروش الأيجار قبل ما تندفع..وقبل ما المؤجرين يسكنو .. معالي حددت اتجاها وين..وهو محفظة امها

💙💙💙

في غرفه مظلمه ..مافي شي واضح فيها غير صوت الأنفاس المتقطعه...كان مدريدي قاعد وهو رابط سير في منطقة العضد...وبحقن نفسسو بي حاجه هو براهو عارفها شنو..

وبعد تمه استلقي في سريرو وعاين للسقف مسسسسافه..وابتسم ابتسامة مكر .وعاين في السرير وشال سهم صغير ورماهو في السقف بقوة..السهم استقر في صورة ...وعيونو رقرقو ..يلا الصورة الملصقه دي كانت حقت زول بس هو منو...الله اعلم.....


.𶐽𶐽𶐊
تاني يوم كالعاده مشيت مع صفصف..طبعآ وقت كانت بتدفع لي في المواصلات انا م اتضايقته عادي..لكن وقت عرفته انو خلاص المصاريف الفي يدي قطعت بديت أحس بأحراج...

وبما انها عارفه انو امها بتديني قروش الفطور والمواصلات..كانت بتكتفي بي انها تدفع لي من البيت للسوق والباقي بتصرف..
الصباح عمتو ختت لي المصاريف جمب البوتجاز لمن كنت بعمل ليهم ف الشاي..لكن نهائي ما عاينته شوفته القروش كم زاتو..

وقفته ف الموقف مسسسسسافه...وبقي السؤال البطرح نفسو...
انا أصل الجامعه كيييف !!!؟؟؟؟

لغاية م اهتديت للحل

💙💙💙

في حتة تانية تقدرو تقولو عليها قريبة شوية...مرت سنتافي حمراء...كان جواها مدريدي واحمد وكريم
ومشغلين اغنية جنوبيه:
ايو ايو ...ايو ايو..ايو ايو..
ايو ايو دي جنوبيه خشه الكركون دي جنوبية
وعمكم كريييم منتشششي للآخر ..ومعليييين الصوت لأقصي حد..
ههههه عجيبين

****
في جانب تاني

معزه : امي ..بتك دي كده بتاكل حق اليتيم
ام معزه : طيب انا اسوي شنو! دي آمانة وقالت لي امسكها
معزه : آمانه !!! ع اساس انو الامانه دي حق من حقوقها !!
ام معزه: لو انتي حسبتيها بالعقل حتلقي انها حق من حقوقها

معزه : عايني ي امي ..القروش دي م حقتنا..حقت البت اليتيمه ..ولو انتي موافقه تاكلي حق اليتيم.انتظري عذاب ربك بعدين...يلا انا ماشه اغسل

***

يلا الفكرة الجاتني اني اشيلا موزه زي ما بقولو...ايوون..أكبرها للجامعه كده..
شوفته المهمه شبهه مستحيله..لكن قلت فيها شنو...عادي انا بمش كداري لمن معالي يك

و الزول المسجل رقمك هيظهر ليهو انك عملته واتساب طوالي بعد ما تثبت التطبيق وتبدآ تستخدمو..

كلهم باركو لي و اروي قالت اعتبري نفسك مضافه في قروبنا حق الواتس .

استئذنته منهم واتحركته...

بعد م مشيت اروي قالت البت دي اضافه حقيقيه لقروبنا دا..ولة شنو ي احمد...
احمد : اووو..انا شايف مزتي يلا لي بكرة..وقام اتخارج سرعه سرعه

شوقي : ههههعع نهائي ما عايز يقولو انو كلامو غلط بالنسبة لموضوع ترتيل..هههه

حنان : انا غايتو لاييك للفكرة

اما الفكرة هي شنو ..عارفنا ناس ديسباسيتو بسسسس .
ركبته لي هايس وغايتتو كانت معاي خمسه جنيه وفرتها وكده..
ركبت بيها لغاية وصلته السوق ..يلا ركبته المواصلات التانيه وبينما كنت سرحانه ف تلفوني ومنتظرة الهايس يتملي ..جات مرة ركبت جمبي
قالت لي : كيف ي بتي
قلت ليها تمام ..كانت مرة في آواخر الستينات كده..لابسه نضارة ومن شكلها كده زووله مرتاحه والله اعلم..
بعد ما الهايس اتحرك تاني اتكلمت معاي..قالت لي : الليله اليوم سخن صح ؟؟
ما فهمتها. لكن حسب انو الشمس سخنه قلت ليها ااااي
تاني واصلت : هو الليله يوم كم في رمضان ؟؟ قطعنا النص صح ؟؟

طبعآ حيرتني وبس قعدته اعاين ليها

#To_be_Continued

بقلم :
#fulla_Ali ....

ديسباسيتو💙 12
#خياليه100%😉
#fulla_Ali

عاينته ليها بأستغراب في حين انو باقي الركاب قعدو يضحكو !!!
م اكذب عليكم انا زاتي كنت عاوزه اضحك..لكن شخصية المرا و وقآرها حرموني من الضحكه دي
قلت ليها :ي حبوبة دا م شهر رمضان لكن !؟؟
*كيف ي بتي م رمضان ؟؟ موش امس كان يوم 15 !؟؟؟

قلت ليها نحن ي داب في شهر 9
المرة مسكت راسها بأيدها ودنقرت لي تحت..
طبعآ حيرتني..بعد شويه طلعت النضارة ومسحتها بي توبها..
في اللحظة دي عرفتها انها كانت بتبكي

💙💙💙

**

ف البيت..عمتي آماني دخلت المطبخ وشافت القروش جمب البوتجاز..شالت تلفونها وفتشت رقمي م لقتو لانو م كانت حافظاهو .
اتصلت بي انصاف بس م كانت بترد..وبالتالي عرفت انها في محاضرة...

مسكت القروش ف يدها وطلعت من المطبخ وطوالي علي غرفتها
كان راجلها قاعد بقلب ف القنوات..قعدت جمبو وبدون مقدمات قالت : الطيب سافر بورتسودان..وبعد يومين كده حيسافر السعوديه

طبعآ عم آمير استغرب..فقام قفل التلفزيون عشان يستوعب كلامها ..
واصلت : اي..الطيب انتدبوهو تدريس ف السعوديه..وسافر اليوم هو ومرتو واولادو
م عارفه لكن شكلو ترتيل عرفت بالموضوع..وبتكون اتحسست من حكاية المصاريف..اتخيييل خلت لي القروش ف محلها وم شالت ولا جنيه !
خوفي تكون عملتها ومشت كداري لي تواوا !

آمير : كداري! انتي عارفه انها مستحيل تقدر تمش المسافه دي..يمكن شالت من انصاف
آماني : بت اخوي وانا بعرفها..صح م شالت منو شي لكن طالعه طبق الأصل من امها..اي شي ولا كرامتها تتهان..ما حتكون شالت من انصاف نهائي
آمير : طيب احتمال يكون معاها؟؟.
لالا ي آمير..انا الطيب اداني مصاريفها وقال لي انا حأرسل ليك انتي بس ..ما حأديهم ليها عشان م تبعزقهم

آمير : م تخافي بتكون اتصرفت..وانا لو جات بعدين حأتكلم معاها..

💙💙💙💙

من تصرفات المرة وسرحانها عرفته انها مريضه بآلزهايمر ..مرض النسيان..بالرغم من انو المرض دا ما بتناسب مع عمرها لكن احيانآ مصائب الزول و أكتئابو بسببو ليهو المرض دا ..
احلي شي انو معاها تلفون..شلتو منها وفتشت ارقامها...لقيت تلاته ارقام.محمد..و كامل و تنوير ..اتصلته علي تنوير بس وحاتكم ما فهمته ولا شي ...شكلها فلبينيه
وبالتالي عرفته انو دي الخدامه
بس اسم تنوير دا لمت فيهو من ويييين م عارفه
تاني اتصلته علي كامل...بعد اربعه جرس رده لي : الوو

طبعآ صوتو جهور جهرة الجن..
قلت ليهو الوو
انا اتصلته عليهو من تلفوني لأنو الرصيد وكده

قلت ليهو معاي خاله شكلها مريضه بآلزهايمر
اتخلع وقال لي : امي !! وينها !! وين هي ..وين انتو !

قلت ليهو والله انا زاتي ضيفه ف البلد..بس بسأل
قال لي اديني ليها كدي
اديتها اتكلمت ..ومن اجوبتها عرفته انو عاتبها علي طلعتها
قالت ليهو كنت بفتش محمد ..4 يوم م جاني
تاني نضم معاها شويه وادتني التلفون .
قال لي أسي اركبي ليك ركشه وم تشيلي هم في السعر قولي ليهو حي....وجمب ...بالضبط كده

قلت ليهو :حاضر
وياهو بعد قفلته ...آشرته لي ركشه وطول الطريق الود يتلاطف ويتظارف..وهو كن شوفتو !" تدوقوهو بلا غبينه..بسسسسس عليهو وشو الواحد دا !

لغاية وصلنا وماشاء الله ولدها متابعنا بالتلفون
قال لي انا أسي بعيد والله ..لكن بتصل علي الخدامه تجيكم .

قلت ليهو تمام

بعد شويه في واحده جات جاريه..عرفتها دي تنوير لأنو باين عليها وجاي معاها الاسم حق تنوير ..

سلمت علي وشغاله سوري سوري

ودفعت لي سيد الركشه قروشو ومسكتني من إيدي الا ادخل

بعد شويه كامل دا اتصل ..حلف علي الا انتظرو..قال لي انا كنت ف مدني وهسي جاي ف الطريق وخلاص دخلته القضارف
غايتو وافقته انتظرو..تنوير عملت لينا شاي وقعدنا انا وحبوبة (سعاد ) اتنوسنا..احيانآ بتنسي تشششششخر..فجآة تصحي كأنها م عملت شي..مساكبن مريضين آلزهايمر ديل
بعد شويه الباب اتفتح وجا راجل كده اربعيني وسسسيم وسامة الجن ..اظن دا ولدها ...سلم عليها وباس راسها...وعاين لي وقال : اكيييد انتي ترتيل صح ؟!؟ طبعآ شخصيتو م غريبه علي نهائي..بس شوفتو ويين ..الله اعلم

*****

قلت ليهو ايون
سلم علي كأنو بعرفني ..وتنوير جات ..رطن معاها كدااا...م فهمته لكن باين انو بشاكل فيها
المهم ..طلع تلفونو واتصل ع رقم..بعد شويه قال :اها انت وين ؟؟؟ طييييب استعجل
وقعد ف أقرب كرسي

اوول كدي احكي ليكم عن منزلوهم

ياخ منزلهوم وما ادراك ما منزلوهوم ..منزلوهم منزل عجيييييب...من برة كده مضروب ابيييض ..يب ابييض ..ابييييييياض ناصع لونه
ومن جوه بني محروق ..اي حاجه بنيه..والعفش ملخبط بأسود..
م عارفه لكن شكل البيت دا انا فسرتو زي الزول البكون طيييييييب ظاهريآ..بس من جوه قلبو بني محروق..والزول الذي دا قااعد في القصه دي حيلاقيكم...
سلمت عليهو وقلت ليهو لازم امش لأنو اتأخرتة..والساعه كانت 5:34م

ولقيت اتصالات من انصاف ..بس التلفون كان صامت عشان كده م سمعته

حلف الا اتغدا بس اعتذرتة..قال لي دقيقه أوصلك بس رفضته
**مع انو انا م معاي ولا جنييييه..

ليش؟

ديسباسيتو💙 13

#خياليه100%😍

بقلم :
#fulla_Ali

وا لقيتو والقيتو وااليقتوو..وااا لقيتو داأ...

وزي م اتوقعته..اصلآ لئامه زي دي وطولة لسان ما بتجي الا من شخصيه واحده...#مدريدي زفت الطييين

عاين لي بزهول وانا عاينته ليهو بزهول أكبر ..وقبل م يفتح خشمو ابوهو ( الليهو عم كامل وعشان كده قلت انا شوفته عم كامل وين..عششان الشبه بينو وبين ولدو محمد!!) قال ليهو : وصصل الاستاذه ونتكلم بعدين..

طبعآ م فتح خشمو ولا قال اي شي ...بس طلع قدامي..انا شكرت عم كامل وطلعته ورا مدريدي ..او محمد

بالله زول اسمو محمد ..ويلقب نفسو بي مدريدي !! جنس عوارة غايتو !!

وااا آخيييييييرآ ركبته السنتافئ الحمرراااء آخيييرآ ..

طبعآ هو عارف البيت جمب وين بالضبط عشان كده ما نطقته ولا بحرف طول الطريق..
كان مشغل اغنية اسبانيه
El Perdón -
Nicky Jam Ft.
Enrique Iglesias
ﺍﻟﻤﻐﻔﺮﺓ - ﻧﻴﻜﻲ ﺟﺎﻡ ﻭ
ﺍﻧﺮﻳﻜﻲ ﺍﺟﻼﺳﻴﺲ
ﻟﺘﺸﻐﻴﻞ ﺍﻟﻔﻴﺪﻳﻮ ﻣﻊ ﺍﻟﺘﺮﺟﻤﺔ
Dime si es verdad
ﺍﺧﺒﺮﻳﻨﻲ ﺍﻧﻬﺎ ﺍﻟﺤﻘﻴﻘﺔ
me dijeron que te
estas casando
ﻗﻠﺖ ﻟﻚ ﺍﻧﻪ ﺯﻓﺎﻑ
tu no sabes lo que
estoy sufriendo
ﺍﻧﺖ ﻻ ﺗﻌﺮﻓﻴﻦ ﻣﺎ ﺍﻋﺎﻧﻴﻪ
esto te lo tengo
que decir
ﻫﺬﺍ ﻣﺎ ﻳﺠﺐ ﺍﻥ ﺍﻗﻮﻟﻪ
Cuéntame
ﺍﺧﺒﺮﻳﻨﻲ
tu despedida para
mi fue dura
ﻭﺩﺍﻋﻚ ﺍﻟﺼﻌﺐ ﻟﻲ ﻛﺎﻥ
será que te llevo a
la aluna
ﺳـ ﻳﺎﺧﺬﻧﻲ ﺍﻟﻰ ﺍﻟﻘﻤﺮ
y yo no supe
hacerlo así
ﻭ ﺍﻧﺎ ﻻ ﺍﻋﻠﻢ ﻛﻴﻒ ﺍﻓﻌﻞ ﻫﺬﺍ
Te estaba
buscado, por la calle
gritando
ﻛﻨﺖ ﺍﺑﺤﺚ ﻋﻨﻚ ، ﺻﺮﺧﺖ ﻓﻲ
ﺍﻟﺸﺎﺭﻉ
esto me esta
matando, oh no!
ﻫﺬﺍ ﻳﺠﻌﻠﻨﻲ ﺍﻣﻮﺕ ، ﻻ !
te estaba
buscado, por las
calles gritando
ﻛﻨﺖ ﺍﺑﺤﺚ ﻋﻨﻚ ، ﺻﺮﺧﺖ ﻓﻲ
ﺍﻟﺸﻮﺍﺭﻉ
como un loco
tomando...
ﻣﺜﻞ ﻣﺠﻨﻮﻥ ﻣﺄﺧﻮﺫ .....
Es que yo sin ti y
tu sin mi
ﺍﻧﻲ ﺑﺪﻭﻧﻚ ﻭ ﺍﻧﺖ ﺑﺪﻭﻧﻲ
dime quien puede
ser feliz
ﺍﺧﺒﺮﻳﻨﻲ ﻣﻦ ﻳﺴﺘﻄﻴﻊ ﺍﻥ ﻳﻜﻮﻥ
ﺳﻌﻴﺪﺍً
esto no me gusta,
esto no me gusta
ﻫﺬﺍ ﻻ ﻳﻌﺠﺒﻨﻲ ، ﻫﺬﺍ ﻻ ﻳﻌﺠﺒﻨﻲ
Es que yo sin ti y
tu sin mi
ﺍﻧﻲ ﺑﺪﻭﻧﻚ ﻭ ﺍﻧﺖ ﺑﺪﻭﻧﻲ
dime quien puede
ser feliz
ﺍﺧﺒﺮﻳﻨﻲ ﻣﻦ ﻳﺴﺘﻄﻴﻊ ﺍﻥ ﻳﻜﻮﻥ
ﺳﻌﻴﺪﺍً ..
بنصحكم تنزلوها وتسمعوها ..رائعه¡¡
ماف زول فينا فتح خشمو للتاني ..لغاية وصلني و واأ فووو قلب راجع...شكرآ زاتها م انتظرها مني اتخيلو بس ؟؟

عمتي وعم آمير بعد آذان العشاء وصلاته ادوني محاضرة طويله عريضه في موضوع الحاله واحده ولييي انتي عملتي كده وأ وا وا وا

انسسسو بسسس ..قلت ليهم انا م عاوزه اكون عاله عليكم

وحاتكم عمتي قربت تديني كف...الا استغفرت وطلعت

عمو آمير اتكلم معاي كلاام كتيييير ..ياخ والله الزول دا عجييب ..عندو قدرة علي الأقناع تحير البني آدم.
ختم حديثو بقولو : ابوك سافر وم ساقك لأنو م عاوزك تتجهجي بالنسبه لموضوع جامعتك..وكلامو صح وامشي اوزنيهو بالعقل كده بالراحه

اما بالنسبه لموضوع انو م كلمك وكده فأنتي عارفه زوجتو وعارفه طباعها وم بعيد تكون منعتو من كده ..وآخر شي امشي اعتذري لعمتك..انتي م شفتي حالتها جبيل كانت كيف ...افتكرتك مشيتي كداري لتواوا ...يلا قومي غسلي وشك وامشي اعتذري ليها

قلت لي نفسي اصلآ مشيت كدراي..وقلت ليهو حاضر
ابتسم لي ابتسامة بيضاء ناصعآ لونها وانا مشيت لعمتو...كانت بتقطع السلطه ف المطبخ ..
وحركتها بتدل علي زول معصب كده..غايتو
قلت ليها عمتو انا آسفه
م ردت لي ...وبس انشغلت تقطع ف الجذر وانتو عارفين تقطيع الجذر بايخ كيف ..والله لمن جرحت نفسها..وبسسس شوفته دموعها ..قطعت قلبي (آآه ي قلبي ) حضنتها طوالي وقلت ليها يمه انا أسفه

وقعدنا بس نبكي

انصاف وامجد جو وقفو بعاينو لينا ...احمد زاتو جا وطوالي بدا يبكي وقت شافناااا..

عمتو وقت شافتهم قشت دموعها وابتسمت وقالت : الواحد ما يعمل زي ناس المسلسلات كلو كلو ..ما نعيش الدور شوية يعني !

قعدنا نضحك طوالي...واصلت كلامها : يلاكم نتعشا

انصاف : اووول تعالي اعقم ليك الجرح الفي يدك دا..وانتي ي توتة كبي العشاء المسافه دي ..امجد انت اظبت لينا الششطه تمام ؟

امجد :علم ي دكتورة
وقعدنا جهزنا الغدا وامجد ظبت حلاة شطة..انسسسو بسس

**

..بعد الغدا قعدتة قريت قراية الجن..لأني اهملته دراستي كتييير ياخ

يلا في جانب آخر ...اأي ..ناس محمد زاتهم

كامل : انا مية مرة قلت ليك حبوبتك دي تعتني بيها فترة سفري لي أسبانيا..كلمتك ولة لا !!!!

محمد : كلمتني

كامل : طيب لبيييي ...لييي..انت عارفها عندها زهايمر ..يعني كل مرة الا يلقوها الناس الغربه ف الشارع !! اسسسي دا م كلام لي وليك ! الناس يقولو علينا شنو !!!عاوز يضيع حبوبتو زي م ضيع ام......

وسكت ...والعبرة طلعت ع شكل دموع ...

محمد : اي قولها ...زي م ضيعته امي ومزن اختي صح !!!!!!
يلا دا جواب لي سؤالك..لييي ما بحب اقعد ف البيت...انا لييي ما بقعد مع حبوبتي..لأنها كل ثانيه بتسألني : امممك مشت وييييين !!! نادي لي مزن دي اشتقته ليها!!
ي حضرة السفير انا يومي بموت !! بموت 1000 مرة ..بس يا ريتك تحسسسسسس يا رييييتت...

قال كلامو وطلع من البيت...وكا

ديسباسيتو💙 14

#خياليه100%😍

بقلم :
#fulla_Ali

صحيت الصصصصباح..جسمي كلو مكسسسسر ومحطم..شكلو دا مشوار تواوا...ولقيت الشبكه مفتوحه والخدمه انتهت وكملو لي رصيدي الأريبا..اتفحصته الرسائل حقت المجموعه لقيييت فيها كلام كتيييييير ما بتقري كلو كلو..ولا اشتغلته بيهو..تاني لقيت رساله من رقم مدريدي كاتب فيها : بتقري رسائل الدردشه وما بتردي ليي !!!!؟

ورساله تانيه فرقها من الاولي ساعه كامله :كاتب فيها مفترية

م اشتغلته بيهم...اتذكرتة انو اليوم الحفله ..لكن والله ما بقدر امش..جريت الغطاء واتغطيت زياده..
انصاف جاتني : ي بت اتأخرنا قومي

قلت ليها بدون التفات : م شغالين
قالت : متأكده !!!؟

قلت :ااااي

قالت لي سمح..ومرقت

عمتو جات كذالك وقلت ليها نفس الاسطوانة..بالله زي المسجل..
نومممممممته وكنت عامله تلفوني سايلنت ( شوفتو شوفتو بقيت احشش بالمصطلحات كيييف !!؟ اقعدو لي انتو في صامت صامت يصمتو فيكم كف هههه)
م صحيت الا لمن صحتني عمتو للفطور ..شهههههههقت وقالت : ي بت انتي مووولعه نار ..قومي نمش المستشفي قووومي !
قلت ليها ما بحتاج اصلآ جسمي بسخن كده.بكون جايني مغص بس...انا ماشه استحمي وهسي حتنزل

قالت لي استحمي بمويه بارده
قلت ليها حاضر..
بعد طلعت شوفته تلفوني قعد ينور..لقيتو محمد...من اتصالاتو الكتيرة لمن بقا في قائمة المفضله
ردييت عليييهو بصوت ناعسس: الووو ..سكت مسسسسافه وقال لي : مالك ما بتردي علي التلفون !!!؟ الناس دي كلها بتتلفن ليك من الصباح ما بتردي مالك !!!؟

دايرة اتكلم قاطعني بصوت هايج ومرتفع : انتي مستهترة ومفتريه وشايفه روحك..ما عارف علي شنو وا....

طوالي بكيت..ايون بكيت ..ماسكه التلفون وببكي
طلعته كل الجواي وانا ببكي...
مدريدي : بتبكي مالك !! الحاصل ليك شنو انتي !! انا بتكلم معاك الوو!!

قفلت الخط وقفلت التلفون وتاني رجعته اتغطيت كلي..بكيت لمن الله غفر لي...اتذكرت ابوي..وي داب حسيت اني خلاص بقيت يتيمه..يتيمه ام وآب بالرغم من انو ابوي لسه عايش..
*
عمتو جات دقت لي الباب..: ي بت قومممي .م تكوني رجعتي نومتي تاني ...قشيت دموعي سريع سريع وقلت ليها جايه جايه ..
بعد حسيت انها مشت ..قومته شلت بجامتي وفرشتي ودخلت الحمام..استحميت بمويه بارده بس لمن اكبها في جسمي بتنزل نار
لبسته البجامه وهي اصلآ حقت هزاز بارده كده..
والله راسي لافي وما حاسه بشي بس ما حبيت اقلق بي عمتي..لفيت شعري كعكتين وجينا فطرنا عمتو آماني قالت لي : آها بقيتي كيف ؟؟

قلت ليها كويسه انا ..
قالت لي عشان انا طالعه واحتمال اتأخر ..لو تعبانه اخلي المشيه.
ضحكته طوالي وقلت ليها امشي مشوارك ساي..انا زاتي عندي مذاكرة وكده..

اكلت سريع سريع وخلتني ف الصينينه مشت تجهز..انا بس قعدته اهبش وآقزز بالزيتون..م قدرت آكل كلو كلو الا الزيتون بس

بعد طلعت خلت لي مصاريف لو احتجته لحاجه..قلت ليها الغدا شنو عشان ارفعو ليكم

قالت لي رجله..بس عدس ماف

قلت ليها تمام..تصلي بالسلامه..

طلعته اجيب العدس الساعه كانت 1:34مساء ..بعد م اشتريتو وانا راجعه لاقيت منو انقرو !؟؟

#مدريدي..

هوي م مدريدي شغله هي..كلو مرة مدريدي مدريدي !
لاقيت وجن** الدور دا ياخ والله مشتاقه ليها جنس شوق..انسسو بس
كانت واقفه جمب العربيه حقتها .. ووقت شافتني مشت السواق وجات علي ..
حضنتني وقالت لي بخلعه : ي بت مالك مولعه نار كده !!

قلت ليها مغصص بس
قالت لي ربنا يعينك..ونحن ماشين سألتها عرفت البيت كيف وانا م وصفته ليها بالتفاصيل..ارتبكت وقبل ما تتكلم انا والله م حسيت بروحي الا وانا تحت رجلينها..ايون وقعته..والعدس اتشتت عدسه عدسه
وجن قعدت تكورك ..للأسف سواقها لمن مشي ..ونحن شارعنا دا فاااضي لا ناس لا ركشات ولا حتي بهيمة الأنعام ..بعد شويه غبته عن الوعي

**

صحيت علي لمسسسسه دافيييه في يدي...فتحت عيوني #ببطئ ..لقيتو #محمد❤
شوفته لهفه في عيونو وخوف ما عادي..
سحبته يدي منو وانتبه لأني صحيت...فكاني بسرعه وقام جري نادا الدكتورة
جات وابتسمت لي وقالت : بقيتي كيف ؟
قلت ليها : الحمد لله...واتلفته وقبل م اسأل ..وجن جات داخله
كانت بتبكي وقالت لي : بقيتي كيف
قلت ليها بتبكي لي اسي ؟؟ انا كويسه...وطوالي بديت اقوم..
الدكتورة قالت لي ما اقوم ..ارقد ارتاح...
سألتها حالتي الصحيه كيف ؟؟

قالت لي عملنا ليك شوية تحاليل وفحص عام .. بس لغاية تطلع

قلت ليها انا م بقدر انتظر ماشه البيت..
وعلي العلي اتذكرتة اني خاته حله ف النار !! الليله وووب..معطته الدرب وهي بتقول لي ما اتحرك..ولا اشتغلته بيها
قلت لي محمد وديني البيت..
في اللحظة دي جا داخل زول...
د.رضوان..اخوها لي رشا طليقة اشرف..: ترتيل صح!!؟
قلت ليهو : اهلين دكتور..
خير الجابك هنا شنو ؟؟
م انتظر مني جواب وعاين للدكتورة وقال : خير ي وداد..مالها !؟
طبعآ ردت ليهو و في وشها علامة استغراب : جابوها زملانها فاقده الوعي ..غايتو عملنا ليها فحص عام ..
وهسي قالت عاوزه تطلع

ديسباسيتو💙15
#خياليه100%😍

#fulla_Ali

اليوم التاني بلعته حبوبي..طبعآ ما كلمتهم بخصوص اني انصدمته وكده..ودي الغلطه التانيه بعد غلطت جية مدريدي لي ف البيت
م علينا
مشيت الشجرة راس..بالرغم من فترتي القليله القضيتها معاهم لكن بالجد بقيت اشششتاق ليهم واليوم الغبتو حسيتو سنه
كولهههههم سلمو عليهم و ظاهر القلق في وجوهم..
بس يا تري
دا بكون حقيقي ¿¿¿ ولة ورا الوجوه الصادقه دي في ذئاب بشريه ¡¡¡¿

اكتشفته انو الحفله اوجلت للخميس..واليوم دا كان الثلاثاء
وانا عندي امتحان يوم السبت طوالي
قعدنا دردششنا مسسسافه...في الفترة دي اكتششفته انو مدريدي جواهو فء طفل..احلي حاجه فيهو انو بركز شديد..يعني حذق..وتاني شي بهتم..والدليل انو سأل وليد : اها الدكتورة المصونة عرسها متين ؟؟

قال ليهو : لسسسع ...مالك قال كنت قافل ولة شنو ؟

مدريدي :ههههه بعد شنو..الفارس الأختارتو مافيهو عيبآ يزكر..ربنا يهنيهم..

وليد : م حنك..ممكن اديك اختها ياخ..
مدريدي : يخ تكون م قصرته هههه

طبعآ وبما اني اجلس هنا والتفت كالطير ..انا بفضل التفت ف القاعهه ..يلا بالأذن.

احمد : لحقتي تملي مننا ي تويتي

قلت ليهو لا..بس المشكله لمن تكون قاعد وما فاهم شي..وبالنسبه لموضوعنا ...جاهزين ؟؟

كريم : انا جاهز..بس ولد اسمو مدريدي دا م وافق نهائي م اقتنع

طبعآ عاينته ليهو بأفترا ..وقلت :الما عاوز راحتوو..يلا انا ماشه القاعه نتلاقي

وليد : سوقيني معاك.
اتحركنا انا وليد..قعد يونسني طول الطريق..لاقينا وجن..

قلت ليها : اها ..موش لسه ؟

قالت لي الدكتور قال الساعه 12:34م

وليد : طيب ورح اعزمكم شاي ..اختي والزوله الفرحه

وجن : هههه سمح ورح

طبعآ انا م فهمته شي..ياتا اختو ياتا الزوله الفرحه

قعدنا ف النشاط..الجو كان حلووو وفظييع

وهناك ف الشجرة مدريدي قرر حاجه..وكلهم حبو الفكرة حقتو..يلا م معروف فكرتهم دي لخير ولة لي شر

كريم : انا بجيه ليك مودوعك دا كلو
مدريدي : ما بتقصصصر ..يلا انا ماش

**//
جا يوم الخميس..طبعآ تجهيزات وكده
جاتني رساله من مدريدي بتقول : حلفتك الليله تعالي بلبسه..حلفتك

انا ياخ م بحب اللبسات..صح عندي بس بفضل البس عبايه ..لانو اللبسات بتفصلني وكده

تاني عاينته كدااا..قلته خير م مشكله

لبسته اسكيرت بترولي وقميص اسود وطرحه مشكله بي بترولي و فيها هترشات وطراطيش بالبرتقالي
واسبورت اسود
طلعنه انا وانصاف..قلت ليها الاسبوع دا فرح معانا موش ؟

قالت لي ايون..بكرة حنجيبها..
قلت ليها رائيك شنو نمش السوق ونتصل بي أشرف يجي يسوقنا ؟؟

قالت لي م فهمتك ؟؟
قلت ليها كل شي في وقتو حلوو..بفهمك بعدين
**//
وصلته الجامعه وكانت مقلوبه..وتجهيزات وكده
شوقي كان تبع المنظمين..رتبو الاماكن حسب الكليات..
صنفو ناس طب ومختبرات وتمريض سوا
وناس هندسه..مكيانيكيه وكهربيه ونوويه و طبيه سوا
وناس زراعه براهم..و اقتصاد براهم تربيه شرف واساس سوا
وحاسوب..وفروعه سوا
وآخر شي دراسات وقانون سوا
..المكان كان ظريييف والحشد اظرف

والجو كان مساعدنا..ماف شمس ولا بي تعريفه..جو مممطر لدرجه...وجو .......
م علينا

بدا النصري يغني
بداها بأم الحسن..

الناس اتفاعلت معاهو..انا م لقيت ولا زول منهم .فضلت اتصل واتصل ماف رد..

جا الكورآال حق الجامعه ..دن دن اغنية المصير
والناس نامت معاهم
بعد شويه اشوف ليك احمد ركب المنصه...وكان لابس بنطلون اسود..وقميص كاروهات اسود بأحمر وأياديهو مقطوعه( ايادي القميص ما احمد فاهمين !!؟)
ولابس بجوه فنيله نص كم سوداء..
جا كريم وشوقي و وليد نفس اللبسه
وجات حنان واروي..اسكيرت كلوش اسود ونفس القميص بطرح سودا
واتخيلو جا منو ؟؟؟

يب يب #مدريدي..لابس نفس اللبسه بس بالأبيض

#فلاش_باك

لمن كنا قاعدين تحت الشجرة وقلت ليهم لازم كلكم تجو الحفله
قلت ليهم : رائيكم شنو انكم تغنو كفرقه غنائيه ف الحفله ؟؟

طبعآ كلهم سكتو .
واصلت : قلتو حفلات تواوا كلها استايلها واحد..واغانيهم واحده..رائيكم شنو نغير شوية ؟
حنان : انا غايتو صوتي م حلو
لكن اروي صوتها حنين
كريم : انا ما إندي مشكله زاتو
احمد : وانا كمان..وعاين لي شوقي ..القال : بديت اتشوق
وليد : اوافق

الا مدريدي قال : انتو مجانين !!! حتهبلو بي روحكم ساي
قلت ليهو حنتدرب

اروي : ادينا مقطع نشوف صوتك
قلت ليها : انا م عندي شجاعه قدام حشد ..لكن بدعمكم بالأفكار ...وفتحته تلفوني وقلت : الغنيه دي مناسبه تفتتحو بيها ..وشغلتها .
كلهم استحسنوها الا مدريدي..وبالتالي عرفته اانو م موافق..

بس اسي فاجأني

#باك

حنان واروي جو نازلين لي وساقوني ..قالو حجزو قدام في الصف التاني..لانو الاول فيو جماعه مهمين وكده

قعدو معاي وفضلو الشباب بس ...

شوقي كان واقف مع فرقة العزف واتفقو علي الغنيه

طبعآ لحظة صمممت...والناس توشوش ساي.دا موش مدريدي !!؟
اي دا ود السفير ..اي ياهو
**/
بعد شويه بدت الموسيقي
اوولللي لللي
مدريدي واحمد :
جيتي ماره عليك وقع النظررر
قلوبنا دي في خط

ديسباسيتو💙 16
#خياليه100%😍

#fulla_Ali

.بعد م الغنية انتهت حصلت لحظة صممممممت فظيييييييعه ...ياخ كانت رووعه..الاصوات متناسقه...وفي اضافات من عندهم..+ نسبة الخطآ والنشوذ ف الأصوات =صفر

قطعته الصمت بتصفيقي...بعدها الناس بدو يصرخو ويكوركو : ديس با سيتو
ديس با سيتو
بطريقه حقت تشجيع كده
بتعني انهم يستمرو...

انا حسيت بي الورطه لانو هم نسقو اغنية واحده
مدريدي آشر لي حنان واروي قامو من جمبي ومشو..م كنت فاهمه حاجه

وتاني انتظمو..وشوقي كالعاده مشي اتكلم مع الفرقه ..بس الدور دا طولو شويه..والجمهور شغال : ديس با سيتو ..ديس با سيتو
حسيت نفسي في حفله غنائيه كده..
لغاية محمد مدريدي مسك المايك..والطلبه بقو يهتفو :واحد بقول : محمد.والبقيه بقولو :...مدريدي..محمد..البقيه : مدريدي..وهكذا .

بدت الموسيقي..و وقت سمعوها عرفوها طوالي..وتاني صرخو..لغاية اصواتهم طغت ع الموسيقي..
آشر ليهم بأيدو نظام انو حيبدا يغني وكده
هدءو...وبدا..
بداها مدريدي بالمقطع حق جاستن بيبر..اغنية ميكس انجليزي وعربي..
مدريدي:
Comin' over in my
direction
ﺍﻧﻬﺎ ﻗﺎﺩﻣﺔ ﻓﻲ ﺍﺗﺠﺎﻫﻲ
So thankful for
that, it's such a
blessin', yeah
ﻟﺬﻟﻚ ﺃﻧﺎ ﻣﻤﺘﻦ ﻣﻦ ﺍﺟﻞ ﺫﻟﻚ , ﻳﺎ
ﻟﻬﺎ ﻣﻦ ﻧﻌﻤﺔ, ﺃﺟﻞ
Turn every
situation into Heaven,
yeah
ﺗﺤﻮﻟﻴﻦ ﻛﻞ ﻣﻮﻗﻒ ﺍﻟﻰ ﺟﻨﺔ, ﺃﺟﻞ
Oh, you are
ﺍﻭﻩ, ﺍﻧﺘﻲ
My sunrise on the
darkest day
ﺷﺮﻭﻗﻲ ﻓﻲ ﺍﺣﻠﻚ ﻳﻮﻡ
Got me feelin'
some kind of way
ﺟﻌﻠﺘﻴﻨﻲ ﺍﺷﻌﺮ ﻧﻮﻋﺎ ﻣﺎ ﺑﺎﻧﻨﻲ
ﻃﻴﺐ ﺍﻟﻘﻠﺐ ﺧﻼﻝ ﺍﻟﻄﺮﻳﻖ
Make me wanna
savor every moment
slowly, slowwwlyyyaaa
جعلتني اريد ان اتزوق كل لحظة ببطء..ببطء
*
ديسباسيتووو
كلهم:.من شندي جاتنا
د يسباييتو
نورت قضروفنا
ديسباسيتو
كمان برلمتنا
ديسبايتو
*
ديسباسيتو
دخلت حياتنا
ديسباسيتو
وغيرت طباعنا
ديسباسيتو

زاااد احترامنا
ديسباسيتو

*
مدريدي: تويتي تويتي
قامت اتحدتني
دخلت حياتي
وطيرت عقلي

احمد: غيرت تفكيري
جننت صحبي
رفعت ضغطي عزبت قلبي وعقلي




*

مدريدي: تويتي تويتي
قامت اتحدتني
دخلت حياتي
وطيرت عقلي

احمد :غيرت تفكيري
جننت صحبي
رفعت ضغطي عزبت قلبي وعقلي

كلهم : دي سبا سيتو
من شندي جاتنا
د يسباسيتو
نورت قضروفنا
ديسباسيتو
كمان برلمتنا
ديسباسيتو
*
ديسباسيتو
دخلت حياتنا
ديسباسيتو
وغيرت طباعنا
ديسباسيتو

زاااد احترامنا
ديسباسيتو

*

مدريدي :تويتي تويتي
قامت اتحدتني
دخلت حياتي
وطيرت عقلي

احمد: غيرت تفكيري
جننت صحبي
رفعت ضغطي عزبت قلبي وعقلي



*


السمع غنية ديسباسيتو بإيقاع جاستن بيبر بكون ريحني..**

الطلاب ديل هاجو هيجة الجن
اما انا م كنت شايفه سمح بسبب الدموع الفي عيوني
معقولة هم بحبوني كده !!! لغاية يعملو لي غنية !!

بعد انتهو مدريدي اتكلم : اتمني نكون قدمنا ليكم عرض نال إستحسانكم.ولو ازعجنا زول بنقول ليهو له العتبي حتي يرضي
وتاني صرخو وهاجو..غايتو مصارعه بس

واصل : اخص بالشكر صاحبة الفكرة..البرلومة البرلمت السناير والكشحت في مدريدي عصير التبلدي..والقعده تقول عبارة زفت الطين : تويتي ..

كلهم قعدو يضحكو و يصفقوو والاولاد يصفروسسساي

واصل : مسافة ما تجي المنصه هنا احب اقول ليكم هي اسمها ترتيل..لكن سميناها تويتي لأنو راسها كبير.زي تويتي عدو سلفستر .ما معروف ملان شنو من جوة..علم ولة هبالات

قعدو يضحكو ..
انا الا اروي جات ساقتني وقلعتني من الكرسي قلع
وقت جيت قلت ليهو : انا راسي كبير موش ؟! قال اي
قلت ليهو : اديك كده ااسي..وعملته حركة البنيه..هو لمن رجع راسو ورا..الطلبه قعدو يضحكوو

قلت ليهم : اي حد عندو موهبه غناء او تمثيل او ايآ كانت ..لازم ان يبرزها ..كلها 5 سنه ف الجامعه دي لازم الواحد يكون عندو بصمه
واستغفر الله لي ولكم..
اختصرتة كلامي لاقصي حد
جني وجن الكلام الكتير ..
نزلتة من المنصه ورجعته مقعدي..
بعدها كان في كم مشاركات عبارة عن اشعار ..وغناء طلبه وكده
وأختتمو الحفله بأغنية من ألكورآل ..اغنية اي صوت زار بالأمس خيالي..طلعت فظيييييعه...
كمان ختمها ليهم آب6 (تحية للعازف آب6ياخ)
بي كتتتتمه ..محمد دا حتتتته حت!! عجييييب..م اتعرفته عليهم طلعو رقاصييين..

*
قعدنا تحت الشجرة قلت ليهم : انا م عارفه اقول ليكم شنو !! معقوله نظمتو غنية عشاني انا !!؟
كريما : اتا..بنيه جيافه دا..م تقلل من قيمة نفسك فاهم !
كلهم ضحكو لانو ابتدا كلامو معاي بمقطع من الغنية..
مدريدي : صح انا م كنت مشجع الفكرة وخوفته ما تنجح..بس اتذكرتة مقولة :
Pine the sky...and make her yours
لون السماء واجعلها لأجلك

واحللي شي انو اي ناس وقت يمرو بي جمبنا كانو بقولو : إستمروو ونحن حندعمكم
كان يوم حافل..شوفته صفصفتي من بعيييد .جريت عليها وحضنتها
وجبتها الشجرة عرفتها بيهم ..همست لي ف اضاني : طلعتي بتعرفي مدريدي وكمان ف فرقة ديسباسيتو وانا م عارفه ؟؟
ابتسسسمت ليها ابتسامه فرائيحة لونها فرهدي(لون جديد وكده )
صفصف : سعيده بيك

ديسباسيتو💙 17

#خياليه100%😍
#fulla_Ali
صحيت من الصباح ومسكته شيتاتي علي..ابيت انشط لانو حيشغلني وكده..وانا عندي امتحان فيزياء يوم السبت ..
قرييت لي 11:34ص..
صفصف جات نادتني للفطور..

فطرنه وشربنه الشاي واتونسنا كدااا..شويه كده الآذان أذن..
استحميت وياهو جيت واصلته قرايتي
لغاية شالتني نومممه نومتة زي ربع ساعه كده صحيت بتلفوني
لكن الرقم غريب..وقت رديت لقيتو وليد..: جمعه مباركه ي ست البنات

علينا وعليك تتبارك
-اها مالك الليله ما ظهرتي لينا بي هناك ؟؟
-والله ي وليد انت عارف عندي بكرة امتحان وكده
قال لي صوتتتك كسسسار وشكلك اسي صاحيه من النوم..حرام عليك البتسويهو فيني دا

طبعآ صاحبكم بدا يجيب خارجيات..طوالي اختصرتو ..قبل م اقفل سمعته واحده قالت ليو : ولييد ..كويت ليك الجلابيه عطشو الجيم لو سمحتو...شوكرآ
الصوت نهائيآ م غريب علي..لكن م اشتغلته بالموضوع وطوالي قفلته الخط..قعدته اطبذ ف التلفون..لقيت عندي كميييه من الرسائل وكلها حقت شركة..اشتغلته مسح بس فيها
لاقتني رساله : الرقم ....
حول لك مبلغ 220 ج..غير شاملة الضريبة..
قلعته عيوني قدر اليوم وباكر
عملته رساله طلب ف الزين حقتي لقيت فيها المبلغ..طوالي رجعته للرقم قام فصل فيني
قلت اليوم جمعه بكون ف الصلاة وكده..
انصاف جات خاشه شايله عبايتها ..قلت ليها : طالعه ؟
قالت لي ماشه اجيب فرح..بس امها مشت السسوق وقالت لمن تخلص حتتصل علي نتلاقي ف السوق واجيبها
قلت ليها مرت اخوك دي حبيتها
ضحكت وقالت : قولي طليقتو
قلت ليها : لا ..مرتو..واصبري كمان شوفي

قعدنا قريييينا ..لغاية خمسه جات..حتي هنااك اتصلت عليها انو يتلاقي في حته اسمها العطبرواي للعطور الناس البتريحو من العطبروي ..انتو راقيييين فهمتو ولا لا !!!؟
وحظنا السمح انو آشرف كان ف البيت
انا جننته انصاف انو تقول ليهو يجي ودينا ..وافقت بعد تعب انو تكلمو
****

اتحركنا من البيت..كنا قاعدين ورا وكلمتها انو نقولو ليهم عشان نفسيات البت نطلع لينا محل كده
وبالمرة يلقو ليهم فرصة يتكلمو...قالت لي : انتي شويطانه يخ..فكرة برضو..قلت ليها تاني في واحده..كلمتها بيها وهي قالت لي ف النهاية ظابت
وصلنا جمب المحل..كانت قاااشرة وقاعده ف الواطه كمان بتتمر لي بتها وشها من آثار الشوكلاته
منظرهم كان حلووو..وانا متأكده انو حرك في آشرف حاجه جواهو
نزلنا مشينا عليهم..وفرح من شافت ابوها جاتو جارية...شالها وقعد يلعب فيها
جا سلم ع رشا وقال ليها : ام فرح كيفك ؟
-تمام الحمد لله وانت كيف ؟
- والله بعد شوفت الغاليه دي انا احمد الله
قلت ليهم بدل الوقفه دي ارحكم ناكل آيسكريم
انصاف : اي ي اشرف ودينا ستي ستار عندهم آيسكريم يلبششش

غايتو اقتنع وركبنا ..انا وانصاف رجعنا ورا في حين انو رشا قعدت قدام معاهو
وصلنا حديقة ستي ستار ...الزمن كان مغرب مغرب كده
قال لينا انتو ادخلو وانا حأمش أصلي المغرب واجيكم
دخلنا واتونسنا كدااا مع رشوية ..لغاية آشرف جا
طلب لينا آيس كريم
انا قلت لي انصاف ورح نودي فرح تلعب مع الشفع ديلك

طوالي مشينا وخليناهم..كان كل زول ماسك تلفونو وبتبظ فيهو لغاية رضخو للآمر الواقع وبدو يتونسو
رشا دي تتبسم زي (نار القصب) فرحانه عاد ما تتبسم ليي
انا جاني تلفون ..قومتة زحيت منهم وطلعته برة عشان شوية كده المحل مزعج
لقيتها دي آميرتي
سبحان الله ..طولته منها شديييد ..قعدنا نتونس كدااا زي تمينا نص ساعه
قفلت منها ورجعته جوة
كان انصاف وآشرف ورشا قاعدين يعاينو لي
فجآة ملامحهم اتغيرت

***

الشباب كانو مرمتلين مع مدريدي..وهم طالعين وليد قال : المفاجآة الكبري الحتهز النووية وكل الجامعه هي علاقتي ااجديده
احمد : وليد ! يحب ؟؟؟؟

وليد : اتخيييل بس !
مدريدي:اها منو ؟؟

وليد : تويتي..برلومتنا

كلهم ضحكو ...وليد واصل : بكرة قولو انا قلت
مدريدي : انت ناوي علي شنو ؟؟؟ انت نسيت ولة شنو يا وليد !!!؟

وليد : هههههه يا مدريدي كلو تحت السيطرة م تخاف
ومشي ركب عربيتو واتحرك
كالعاده الوضع انتهي بي مدريدي وهو بحقن نفسسسسو كالعاده..وبرمي السهم ف السقف
الله يستر بس

*

استغربته من نظرتهم لي ..قبل م افتح خشمي رشا قامت وجات علي : فرح خليتيها وين ؟؟؟
قلت ليها ': بس فرح ما كانت معاي !!!!
جو آشرف وانصاف وبرضو سألوني : كيف م معاك !!!
رشا دي بدت تبكي طوالي وجرت ع الباب وهي بتكورك : فرح !! فررح وينك ماما ردي !!

وانصاف جرت محل الشفع تفتشها في حين انو آشرف طلع برة عديييييل
وانا واقفه زي (الواحد الصحيح ) م فاهمه حاجه !! لكن البت دي ما جات معاي !! انا طلعته براي برة !!!

قلبنا المنتزه فوق وتحت م لقيناها..حتي باقي الآسر والجرسونات برضو فتشو معانا..
رشا دي انهارت عديييييل وصوتها لمن بحه من البكاء
وشويه كده الشرطة زاتها جات ..واعلنو انو البت اتخطفت بس !! لانو ماف تفسير غير كده !

رجعنا البييت..وحالتنا بالبلا
سقنا معانا رشا ودي اول مره تدخل فيها البيت من بعد طلاقها قبل سنتين وحاجه

ديسباسيتو 18
#خياليه100%??
#fulla_Ali

وانا ماشه ع المستشفي تلفوني ضرب..لقيتو الرقم الكان حول لي الرصيد
قلت : الوو
قال لي : مرحب..منووو
قلت ليهو انا جاني رصيد ف الرقم دا واظن جا غلط..
قال لي لحظة ...قفل وبعد شوية رجع لي..: قال اي صح..الرقم ياهو

قلت ليهو بس الحول لي الرصيد منو ؟؟
قال لي في واحد اداني القروش ورقمك دا وانا زاتي م بعرفو

طبعآ استغربته..لكن ختيت انو يكون دا ابوي..
قلت للراجل شكرآ..وقفلته منو
لكن تاني اتذكرتة انو ابوي ف السعوديه !!! والرقم دا من داخل السودان !!

قطع تفكيري صوت التلفون ولقيتو دا الزول الواقف مع حبوبة سعاد..وصف لي محلو ومشيت عليهو
سلمت ليهم وشكرتو
اتصلته علي محمد وقلت ليهو انو حبوبتو معاي..قال لي خلاص اركبو ركشه واديني سيد الركشه اوصف ليهو
قلت ليهو بيتكم متذكرة محلو ..بقدر اوصف ليهو
قال لي لالا جبيها الشقه حقت ناس خالتي
قلت ليهو طيب..وقفته ركشه واديتو التلفون..وصف ليهو وبعد زي 10دقايق وصلنا
نزلنا وبس قعدته اعاين..حي هادئ لدرجة..
وقفنا جمب عمارة كولها شقق ..بعد شويه في بت عثوله كده يمكن فايتاني بسنه او اتنين..ونهائي الشخصيه م غريبه علي..مشكلتي ذاكرتي فااشوش ع قول آخوانه السوريين ..
جات سلمت علي وسلمت علي حبوبة سعاد ..
الشي الحيرني انو حبوبتها م سلمت عليها سلام العرفه داك..وسألتها انتي منو؟
البت ضحكت وقالت :الزهايمر مشكله..ارح ادخلو جوة علبان مدريدي يجي
قلت ليها ما بقدر ..عايني المغرب زاتو خلاص قرب ..مرة تانيه

قالت لي الشارع دا م بتلقي فيهو مواصلات بسهوله عشان كده انتظري محمد يجي يوصلك
غايتو م اطمنته..بس دخلته معاها..
الشقه كانت هاديه..وقت لقتني مستغربه قالت لي امي واختي ف المستشفي مشو العصريه كده

قلت ليها ربنا يكتب الشفاء

مشت المطبخ وجات جابت لينا عصير
صراحه كده العصير حلو..وانا كنت عطششانه..قطعتو كلو..
بعد شربنا البت قالت لي : حأودي حبوبة ترتاح جوة شوية..اسي بجيك..
قلت ليها سمح
جاني اتصال من انصاف اضطريت اقول ليها انا مع وجن لانو امها ف المستشفي..كلمتها اني حأجي بعد شوية وكده

ما عارفه بس حسيت بنعاس غريب..وبطني كانت بتوجعني..قلت دا اكيد بكون المغص..
ألبت جات ولقتني قاعده اتثائب
قالت لي ارهاق الامتحان ولة شنو ؟
قلت ليها اي والله ساهرته وكده..
قامت شالت الصينيه و ما عارفه كيف كيف قامت دفقت فيني باقي عصير حبوبة سعاد
قعدت تتأسف وتتأسف
قلت ليها م مشكله..انا زاتي لازم اطلع
قالت لي عيب عليك تمشي كده..
لاحظو لي هسي م قالت لي اسمها !؟في حين انو بتعرفني وبتعرف اني امتحنته اليوم ؟؟

بس من هبالتي ما ركزتة ف الموضوع
ساقتني غرفتها وطلعت لي بلوزه ..انتظرتني لمن طلعته حقتي وشالتها مني عشان تشطفهأ لي .
فريت البلوزه لقيتها صغيرة..حقت شافعه عمرها 12سنه يمكن..عاوزه اطلع اناديها الباب اتفتح..
وجا مدريدي داخل

اتغطيت بالبلوزه وقلت ليهو لو سمحته انا بغير اطلع برة
بس كأني م قعده اتكلمم معاهو..وانا راسي لافي وخلاص النعاس عاوز يقتلني
قال لي : سبحان الله..قبل اسبوعين كده برضو العصير اتدفق فيني..في وششي و جسمي كلو..زيك كده بالضبط..بس انتي محظوظة..
انا العصير اتكشح لي قدام الناس..وانتي اتكشح ليك قدام هبه بس..
البت جات داخله وقالت : ناديتني حبيبي

قلت ليهو وانا خلاص حأفقد الوعي ::د د دي م م موش بت خالتك !!!؟

ضحكو الاتنين وقعدو يعاينو لبعض..وكانت ماساكاهو بطريقه مقززه
انا فقدته توازن واتكلته بالسرير..قلت ليهو بترجاك خليني امش البيت..انا بترجاك..وفقدته الوعي
وم حسيت بي حاجه تاني
****

الزول لمن يكره..ويحسد..ويخت الانتقام في قلبو..ساعتها بعمل اي شي عشان يخليك تكسب ثقتوو
ممكن يبوس رجلك من تحت وقدام الناس ما دام النتيجه ف الآخر دمارك

ودا العملو مدريدي
ضماني لي قروب دييسباسيتو
وكل القروب اتعامل معاي سمح
اقنعني بي حبو..
وقفتو وخوفو علي وقت ف المستشفي
وآخر انجازاتو وقت غنو لي اغنية بي حالا

دا كلو عشان يصل للحظة دي..لحظة دماري..

فتحت عيوني #ببطئ
وانا متمنيه انو يكون حلم
فتحتهم #ببطئ
وانا متمنيه اشوف انصاف نايمه ف السرير المقابلني
فتحتهم #ببطئ
وانا متمنيه اكون جوة القبر لو الحصل دا صح

فتحتهم ولقيتو قاعد جمبي وهو بشرب سجارة ...واظن دا حشيش
عاينته للسقف قلبي كان متقطع من الألم..آآه ي قلبي..عيني وقعت علي #صورتو
ايوا صورتو...وكانت معالمها ما واضحه من كترت السهام اللفيها
وقت سمع صوتي وانا بنتحب قام انتبه لي..وعاين لقاني بعاين في السقف..في صورتو

قال :شوفتي ي حبيبتي..اي سهم انا برميهو لمن احقن نفسي بي مخدر
وجا علي وقال شوفي جسمي ...
م منعته نفسي وعاينته ليهو
جسمو كان فيهو حروق طفيفه كده..ويدينو فيها اثار كأنها اثار تعذيب..دا كلو من الطعن بالحقن

نفث دخان سجارتو وعاين للدخان كأنو فيهو شاشه عرض سنمائيه: امي الغاليه مريم..واختي مزن..عمرها سنتين ي داب وضاقت عذاب النار..
البيت الكنا ساكنين فيهو هناك ف اسبانيا كان في حي عادي

ديسباسيتو💙 19

#خياليه100%😍
#fulla_Ali

وزي ما بقولو : يا لسخريه القدر..
لقيت احمد وكريم وشوقي و وليد قاعدييييين بره ونظرتهم لي نظرة عمري م حأنساها
احمد : ههههه آخيرآ حققتي مرادك ؟! دا كلو عشان عاوزه تقضي ليلة مع مدريدي ؟؟! وييييين البت الشريفه الما بترضي الظلم !!!! وييييينها الما بترضي الأهانه !! سقطتي من نظر اي زول كان خاتي ليك مكانه ي ترتيل
كلامو كان زي السسسسسسم ...ما قدرتة ادافع عن نفسسسي..م قدرتة...
جريت علي الغرفة الكانت فيها حبوبة محمد..فتحتها بس كانت فاضيه !!
قلت ليهو والله العظيم انا جبته حبوبة محمد هنا !! عليك الله صدقوني !!
كريم شال تلفونو وطلع..انا شوقي عينو ما رفعها من التلفون..عرفته انهم م حيصدقوني نهاءي عشان كده شلته شنطتي وطلعته.لقيت المطرة بدت تنقط...ودي امطار اواخر شهر 9 .
امش ويين .!! انا هسي !! اقابل ناس عمتو آماني بي ياتو وش !!! ي حليلك ي ترتيل..ي حليلك
ماشه وعيوني كلها دموع..جات عربية وقفت لي..لقيتو وليد !!
قال لي اركبي من المطرة..
م رديت و واصلت مشي..المطرة خلاص زادت وكلي اتبليت..وليد جراني من يدي ودخلني العربيه...قال لي حأوديك تبيتي مع وجن..كلمي ناس بيتكم..
م رديت ليهو بس كنته ببكي..دور العربيه واتحرك..انا نوممته.م صحيت الا علي صوت وجن وعيونها كلها دموع...نزلته من العربيه حضنتني عليها شدييييد...ودخلتني جوة
عندها حمام داخلي ملحق بي غرفتها وادتني بيجامه قطنيه دافيه كده..دخلت الحمام استحميت.. وغيرتة
جيت رقدته وبس كنت ببكي ..ي حليلا جات لفت لي شعري وانا راقده في رجولها ..
تلفوني دقه ..حاولتة بقدر الأمكان م اوضح اني ببكي..انصاف ادت التلفون لي عمتي ..قالت لي حنجيكم المستشفي في ياتو عنبر انتو ..
قلت ليها رجعته البيت مع وجن انا هاك اتكلمي معاها
اديت وجن التلفون طلعت برة بعد شوية جات..قالت لي اتكلمته معاها واقنعتها ..
قلت ليها : انا اسفه جبته ليك مشكله..
قالت لي امي فهمتها بي موضوعك م تخافي..يلا احكي لي في شنو ؟؟

قبل م اتكلم الباب دقه..وجن فتحتو وانا بس فتحته خششمي..
لقيتو وليد !!
اول فكرة خطرت لي انو دي نفس الخطة حقت مدريدي وهبه..طوالي بديت ابكي
وجن : يا بت مالك !!في شنو !!
قلت ليها دا بيعمل هنا شنو !!؟
وجن : وليد بكون اخوي ي ترتيل !! ما كنتي عارفه وله شنو !!

طبعآ ي داب اي حاجه وقعت لي..اهتمامو بيها..كل مرة بلقاهو معاها..ويوم قال ارح اعزمكم ..اختي والزوله الفرحه..عرفته اني بالجد غبيه وما قاعده الاحظ لي حاجات مهمه شديد ممكن انو تساعدني مستقبلآ
وليد اتطمن علي وطلع
قلت في نفسي وقت وجن اختو لي وليد ..ليشنو ما ضماها لقروبهم دا !!!؟

وجن : اها احكي لي مالك ..وفي شنو ؟؟

في اللحظة الكنت بحكي لي وجن
وليد امو جاتو في غرفتو : اها اختك م اتصلت عليك ؟
وليد: لا..حتبيت هناك

واصلت : ودي شنو المصيبه الجبتها لينا دي !!!؟
وليد: يا امي البت مسكينه..واتشاكلت مع اهلها ..بعدين
هي صحبت وجن انتي المخوفك شنو !!؟
-بس ما عارفه م حبيت جيتها زي الزمن دا
وليد : طيب انتي امشي سلمي عليها ساي..لانها عارفه انو انتي ف البيت
قالت ليهو وهي طالعه : انا مالي ومالكم انت واختك..اسطفلو وشوفو جواب لأبوكم لمن يرجع من دبي..

****
وجن قعدت تتشهود ودموعها عشرة عشرة...: وليي مدريدي يعمل كده !! حرام عليهو !!
قلت ليها : المشكله انو معاهو فلاشه مصور فيها الحادثه ! وهددني ينشرها ف الجامعه ويرسلها لي أبوي لو فتحته خشمي
وجن : نومي انتي هسي..وبكرة نشوف حل للمشكله دي
عاوزه تقوم تمش بس انا حلفتها تقعد معاي..المسكينه طبذت تلفونها كدااا في الآخر فتحت لينا قرآن و نامت جمبي بس انا جفن ما غمض لي..وبس قعدته ادعي

ولانو انا حظي كعب..في زول رسل لي محمد قال ليهو : ترتيل اسي نايمه في حضن وليد..عشان الشي الانتا بديتو يتمو وليد ..
حاول يرجع للرقم لقاهو مقفول..م معروف دا منو ...وحيستفيد شنو !!؟
*

استحميت من الصباح ..كنت حاسسه بمرض واغرب شي انو جاني شبه نزيف كده
م اشتغلته بالموضوع وشلته عباية من وجن
قلت ليها م ماشه الجامعه وبس تسجل لي محاضرات..
طلعنه سوا
امها كانت في المطبخ..قلت ابقي احسن منها وامشي اسلم ليها ..
خشيت المطبخ وقلت ليها : صباحك خير ي خاله..انا طالعه..وشكرآ ليكم

عاينت لي كده وفجآة ملامحها اتغيرو..وعيونها رقرقو..م عرفتها مالا بس سلمت لي وخشمها ما فتحتو

بعد طلعته المرة قعدت ف الواطه وبس كانت بتبكي

...

وجن نزلتني ف الظلط الجمب البيت والحمد لله مع نزلتي انصاف جات عشان تركب المواصلات..وجن سلمت عليها وعربيتها اتحركت.. قالت لي : ما ماشه ولة شنو انتي ؟
قلت ليها مصدعه ..
قالت : سمح..لي بعدين..

مشت ركبت وانا واصلته للبيت..قلبي دا بدق دق ..وخايفه من الحيحصل مستقبلآ ..

****

مرت الأيام ...وانا نهائي م مشيت علي الجامعه..
لغاية ما عمتي لاحظت لي ..في يوم قالت لي : انتي عندك مشكله ف الجامعه ولة حاجه ؟
قلت ليها لالا بس ماف محاضرات مهمه..وانا قلت

ديسباسيتو💙 20
#خياليه100%😍
#fulla_Ali

حااارة لمن حاجه تحصل ليك ويكون ما ليك زنب فيها والناس تنفر مننننك...
حااارة لمن تكون مظلوم وم تقدر تدافع عن نفسسسسك

ياخ حااارة لمن تشوف ضباحك حاييم...وهو بعترف بي ضبحك بس كمان بدس بهددك بي اداة الجريمه الممكن انها تكون اثبات لبرائتك..
...

دا الحصل معاي..اكتشفو ناس البيت اني حامل...ونفرو مني ¡¡ ياخ لدرجة انو انصاف امها حمتها تبيت معاي..لغاية ابوي يجي يستلمني
الجامعه شبه خليتها..او ممكن تقولو خليتها..عاد امش بي ياتو وش
بطني يومي زايده بطريقه عجيبه..والشي المحيرني النزيف المتقطع البجيني..
ياما عشته لحظات اتألمته فيها بس سكته واستحملته...لانو م ممكن امش اقول لعمتي وديني المستشفي لاني حاسه بألم ف بطني..او عندي نزيف
الحمد لله مداومة علي صلواتي وبس بقرا..بقرا ونهائي ما قطعته القراية ولا الدعاء

دعوة واحده كنت بدعوها وانا بنصح كل زول قرا الروايه دي انو يقول الدعوة دي : اللهم أجعل كيدهم في نحورهم

الشي المحيرني انو نهائي م حسيت بي شعور الامومة داك نهائي!! موش مفترض احس الاحساس دا !! ..والله اعلم
***

انصاف جات دقت لي الباب وفتحتو ..جابت لي صينية الأكل ..
قلت ليها ما عايزه..
البت قعدت تبكي...قالت لي : انتي كده بتموتي نفسك..!! والفي ...

سكتت..قلت ليها واصلي...والفي بطني صح !!؟
دنقرت راسها وما ردت
قلت ليها شيلي الصينيه ي انصاف قبل م عمتو تشاكلك لانك طولتي معاي
وقومته مشيت رقدته في سريري واتغطيت
انصاف : خالو الطيب كم يوم كده وحيكون معانا
هزيت ليها راسي بمعني تمام
شالت الصينيه وطلعت
امها قالت ليها : برضو ابت تاكل !!!؟
انصاف : رفضت..وكده حتضيع نفسها !
آماني : وطت راسسسنا ف الحي الله لا كسبها !! ابوك بمشي وهو مدنقر..لييي عملت كده ليي !! وقعدت تبكيي رشا وانصاف قعدو يصبرو فيها
كنت سامعاها .غمضته عيوني شدييييييد ..ومسكته بطني ...وكررتة دعوتي : اللهم أجعل كيدهم في نحورهم

**

وليد : ي محمد..البت مستقبلها اتدمر .!! كده م صح
مدريدي : ههههه ع فكرة..هي باتت معاك في نفس اليوم ..البت دي ما هينه وانت وانا عارفين..بعدين انت موش قلت عاوز تفجر النووية بي خبر ارتباطك بيها !!
طيب امش استر عليها واتحمل مسؤلية الجنين
وليد : هي صحبت وجن !! من الطبيعي تمش تبيت معاها ..بعدين انا قلت كده لانو كنت شاكي انك بتحبها..وكنت عايزاك تعترف !
مدريدي زفت الطين : جلينا منها ياخ..المهم !! الود الفي بطنها دا ما حقي¡¡ انا م لمستها فاهم ¡ خليها تمشي تشوف ابوهو منو..يلا جيب سيجارة

وليد مده ليهو سجارة وسرح في كلام مدريدي زفت الطين..

**

انصاف بقت تنوم مع امها ..
غيرت حالتها ف الواتس بي : ي رب خذ روحي واجعلها ترتاح تحت التراب
بعد شوية جاتها رساله من رقم رضوان : ي بت استغفري ربك .
ردت ليهو : استغفر الله العظيم..لكن بتمني اموت اليوم قبل بكرة
رسل ليها : خير احكي لي الحاصل عليك شنو ؟
ردت ليهو : ماف حاجه..م تشغل بالك
قال ليها : شكلو موضوع حب موش ؟؟
ردت ليهو بي ضحكه وطلعت

بعد شوية اتصل عليها..اول م ردت بس تاني اتصل
ردت ليهو : الوو

رضوان : مساءك شهد
انصاف : مساءك اشهد
-ههههه لسع ما خليتيها يعني ؟؟
انصاف : الخلا عادتو قلت سعادتو قالو
رضوان : اها احكي لي في شنو ؟؟
انصاف : صدقني بس متضايقه ساي
رضوان : اممم طيب..لو لقيتي نفسك محتاجه تحكي انا موجود
انصاف : اكييد..تسلم
رضوان : يسلم غالييك..اها قبل انسي ..ترتيل بقت كيف !؟؟

طبعآ ارتبكت وخافت يكون يعرف بالموضوع..لمن قالت : رشا دي م خلت حركاتها دي لي اسي !!

رضوان : الوو
انتبهت لأنو هو ف الخط..قالت ليهو ايون معاك معاك
قال ليها : اليوم داك كان جات مع صحبتها وجن..
انصاف : متين الكلام دا ؟؟
رضوان : شهر وحاجه كده..
المهم..هي ما اخدت النتيجه..انا دكتورة وداد عرضتها علي بعد ما طلعت من المستشفي ولقيت ف صورة الأشعه في اورام

ف اللحظة انصاف لمن قامت : قلت شنو ؟؟؟

رضوان : ليي م عندك علم ؟؟! وانا نبهته علي وجن انو تجيبها عشان اتأكد انو دي اورام حميده !
انصاف : دقيقه ي دكتور ! اورام وين بالضبط كده ؟؟
رضوان : تليف رحمي ..اورام ليفيه مافيها اي خطورة
انصاف : طيب ي دكتور ..الاورام دي بتآثر علي شكل البطن ؟؟؟

قال : ايون..واحيانآ بتكبر البطن بمقدار حمل ف الشهر الخامس
انصاف دي لمن قعدت وقالت ليهو بدون م تحس : ياخ انا بحبك

حصلت لحظة صمممت عجيييبه..بعدها قالت ليهو : انا حأمر عليك بكرة الصباح لو حتكون فاضي
رضوان : جدآ..م عندك مشكله
****
في اللحظة دي انا عملته ريكورد طويل وعريض زي مسلسل الوعد
ورسلتو لي كم نفر..بس بيحتاج افتح الشبكه والرسائل تصل
صليت العشاء وجيت رقدته
انصاف جابت لي كباية لبن وحلفتني اشربها. شربته منها نص وخليت الباقي
قالت لي : انتي قبل كده مشيتي المستشفي ؟؟
استغربته من سؤالها قامت واصلت : وقت مشيتي مع وجن ولقيتي رضوان هناك؟
قلت ليها اي صح
قالت لي احكي الحصل شنو
حكيت لي

ديسباسيتو💙 21
#خياليه100%😍
#fulla_Ali

الصباح انصاف مشت المستشفي ...
لاقت رضوان وقعدو في مكتبو يتكلمو..
رضوان : اها احكي
انصاف : طبعآ ترتيل حامل
رفع حواجبو لفوق وطلع نظارتو ..وقال : واصلي
انصاف : في ود من اولاد المسؤلين ديل اغتصبها بعد شربها مخدر..
رضوان : يعقد عليها بس ..وراسو فوق رقبتو
انصاف : ماهو مصور الحادثه..وقال حينشر المقاطع..
- طيب ي انصاف..انتي حضرتي المقطع ؟؟
لالا م حضرتو

-طيب ترتيل شافتو
هزت راسها بمعني لا
- طيب ي دكتورة.انتي شن عرفك انو كلامو دا صح ؟؟؟ يمكن هو ببتذاكم بدون ماده !!!

انصاف : عشان كده انا جيتك...انا شاكه انو ما لمسها ي رضوان..والخلاني اتأكد حكاية الورم الحليمي الأصاب ترتيل..

رضوان اخد ليهو تصفيرة ..وقال : الموضوع دا عاوز كباية جبنه ..

*

ف الجامعه وجن انضمت للقروب..الكل كان خايف انو يحصل ليها زي صحبتها..بس ي ربي اخوها درع ليها ولة براءتها دي ؟؟
حنان : م عارفه لكن انا فقدته تويتي ياخ
اروي : بعد الكلام النشرتو في حسابها "!

حنان : لكن ي جماعه في حاجه محيراني..ترتيل م قالت عندها فيس .وحتي لو كده ..يستحيييل تقول عننا اننا ناس متكبرييين وانها كسرت شوكتنا واننا بننفذ ليها اي حاجه..وخصوصآ موضوع الاغنيه هي الأمرتنا نغنيها !!انا شاكه انها قالت كده !
شوقي : انتي قاصده شنو ي حنان!

احمد : البت حبابه..ودخلت القروب دا لانو نحن شوفنه شخصيتها فريده
فعادي ممكن يكون عندها اعداء
كريم : ساح..وعادي ممكن زول يسرق حساب حق زول تاني

احمد : باااس..احتمال تهكير..واحتمال يكون اصلآ انتحال شخصية
مدريدي : بطلو السيرة دي عشان م اخلي ليكم الشششجرة زفت الطين دي!

حنان : هوي هوي..ابرود واستكيين وم تخاف ..انا زاتي ماششه يلا

اروي : سوقيني معاك
احمد زاتو قام و وراهو باقي الشباب
فضلو محمد و وليد و وجن
وليد : القروب شكلو حيتدمر بالطريقه دي

محمد سكت وم رده..كلامهم كان بغلي من جواهو..وخايف من حاجه واحده ..انو يكون ظلمني.. ..
وجن كانت ساكته بطريقه تحير..خلتني اشششك انا فله دي انها عاوزه تنتقم لي صحبتها..والله اعلم
****

اثناء ما رضوان قاعد مع انصاف..جات د.وداد داخله
رضوان عرف بيها انصاف : دي انصاف اخت اشرف زوج رشا
ودي وداد خطيبتي
العبارة دي خنقت انصاف لدرجة..بس اتماسكت وسلمت عليها..
وداد : داخله عمليه متضطرة استئذن...
قالو ليها بالتوفيق وطلعت
قالت ليهو ماشاء الله..خطيبتك مزه..!
رضوان : ايون ..وشديد كمان..ممكن تتصلي عليها لازم تجي افحصها..؟؟

ظهر في وشها الضيق من الرد بتاعو..بس قالت ليهو : جدآ..اتصلت علي
وفعلآ ..نص ساعه بالكتير وكنت معاهم
فحص لي وزي م كنا متوقعين...الحمد لله ماف زول لمسني وانو دا م حمل ولا حاجه ..انصاف حضنتني وقعدنا نبكيي وبس شغاله لي : سامحينا ي ترتيل..سامحي امي ي تريتل ..سامحيهم هم م عارفين
وانا بس شغاله احمد ربي .
****
كعملية صغيرة مدتها 34دقيقه كده او اكتر . شال خذعه من الاورام عشان يتأكد من انها الياف ما شي تاني..زي الورم الخبيث حمانا الله

قعدنا راجين النتيجه وكان معانا رضوان بنتونس ..وكالعاده..تلفوني ضرب..نفسي اعرف ليي لمن اكون بنتظر النتيجه ف المستشفي بتحصل حاجه تخليني م استلمها..دا الغدر ولة دي حساده من( فله) م عارفه ههههع
لقيتها دي عمتي..قالت لي وين انتي ؟؟

قلت ليها مع انصاف..
قالت لي اسي تجو البيت
قلت ليها حاضر..
قفلت منها ومعطته سير الدرب
انصاف : مالك في شنو ؟؟

قلت ليها دي عمتو قالت نجو البيت سريع م معروف في شنو ..
قالت لي والعمليه !! انتي م بتقدري تمشي
خلي انا بتصل عليها بفهمها ..

رضوان : كلام انصاف صح..انتي م ممكن تتحركي وعامله عملية فتح بطن...
قلت ليهم انا المريت بيهو اكعب من اني اطلع وانا عامله عمليه..و واصلت : ثم تانيآ .عادي البنجبو قيصريآ بتمشو في نفس اليوم..يعني ماف خطر..شلته شنطتي وقلت لي انصاف انا بتقدم..
قالت لي رضوان يستلم النتيجه ويكلمنا بالتلفون..
وياهو اتحركنا..
طبعآ الفرحه الحاسه بيها ما ليها حدود..
معناها مدريدي كان عاوز يديني قرصة اضان ..
الحمد لله ..الحمد لله..والله السعاده الحاسه بيها م قادرة اوصفها ..

ونحن ف الركشه كنت ماسكه يد انصاف وبس كنت بدعي وبحمد ربي ع النعمه دي..والله ولا حاسه بي وجعة العمليه من الفرح..طوالي نشطته نت وغيرتة حالتي بي الحمد الله الذي برئني ...طبعآ جاتني كمية رسايل م فتحتها..بس اتأكدته انو الريكورد اتسلم لكل المرسل ليهم...
وصلنا الحي..ونزلنا من الركشه #ببطء
ونحن داخلين ع البيت انصاف كانت سانداني و قالت لي : شوفتي آخرة الدعوة والتمسك بي ربنا..عايني ربنا طلع براءتك..قلت ليها الحمد لله وابتسمته
..واصلت : ومدريدي زفت الطين دا انا بأدبو ليك وبخليهو يجيك راكع لي كرعينك يستسمحك..وقتها انتي ادفقي فيهو مديدة دخن عدييييل بدل العصير..وقدام كل ناس البيت ..من فرح زفت الطين لي كونستنتين..

طو
الي ضحكته وم اتكلمته..م عارفه بس حاسه بي وجعة قلب

ديسباسيتو💙 22
#خياليه100%😍
#fulla_Ali

عبارة ألفتها ..وكنت بقولها لي نفسي ...والعبارة دي دايمآ بتصبرني لمن اقرا رواية نهايتها مآساوية
وهي عبارة لا بأس بموت بطل القصه التراجيديه في نهاية الرواية....ما دام قد عاش في احداثها بشرف
fulla Ali

انتظمو كولهم برة غرفة العمليات بعد ما ابوي ..الآنا شايله اسمو ورا اسمي طوالي...الآنا جيت الدنيا دي عن طريقو
ابوي الرباني وعلمني...ابوي الكان بحميني من بطش معالي ..الليله ما قدر يحميني من بطششششو..
جا طالع الدكتور وقال ليهم الطلقة هتكت منطقة خطيرة في الشريان الأبهر
نحن حاولنا رممنا الضرر لاقصي حد..دعواتكم ليها بس
زهرة قالت بأفترا : طيب وألجنين حالتو كيف ؟؟؟
الدكتور : جنين شنو !!!؟ بتكم م حامل ولا حاجه .ولو علي سبب الورم نحن اتأكدنا..دا ورم خبيث في بطانة الرحمم..استآصلناهو بس بنتمني نكون قضينا عليهو..
ف اللحظة رضوان قام بعد م كان قاعد وماسك راسو بي يدو : البت م حامل..انتو ظلمتوها
رشا : بس نحن شوفنا نتيجة الفحص ..البت حامل ي رضوان
رضوان : جيبي النتيجه..وينها ليها !!؟
رشا فتشت شنطتها تمام..آماني : هاك هدي النتيجه معاي

شالها قراها لمن عيونو حمرت
قال : انصاف وين ؟
رشا :انصاف دخلت ف حاله وهسي ادوها مهدئ ف الانتظار قاعده

قام ومشي علي غرفة الانتظار بس تاني رجع وقال : ع فكرة ي ابو ترتيل ...بتك عندها سرطان رحم..الورم طلع خبيث اتخيل !!...وامش اسأل اي دكتورة نسائيه المرض دا بعمل شنو ..وآثارو كيف بتكون ع البطن..الحمد لله هم استئصلوهو ..وبتك لسه بكر ع فكرة ..وانا كشفته عليها بي روحي .ماف بني آدم لمسها خليك عارف
قال كلامو ومشي خلاهم
آماني اتصدمت وقتيآ اما الطيب دا انهار..وطوالي قام طلع
****

رضوان : انصاف ..م تبكي هي حتكون بخير
م ردت ليهو بس شغاله تبكي ..
واصل : كلهم عرفو الحقيقه ..عرفو انهم ظلموها
ردت ليهو وهي بتبكي : بعد ضبحوها بسكينه ميته !!!! اهانوها وزلوها..وبعد دا طعنه من اقرب زول ليها !! ابوها ي رضوان اتخيل بس !!!
رضوان : بوعدك حقها يرجع ليها ..بوعدك ..عندي موضوع لازم احلو وبرجع ليك
قام طلع

*
تاني يوم

محمد فتح الشبكه وجاتو الرساله وفي نفس اللحظة استلمتها حنان.وكلمت بيها باقي القروب..واستلمها امجد ومشي فتحها لي امو و رشا ومعاهم آشرف ...وآميرة النادت هشام ..
واستلمها وليد وجا فتحها لي وجن ..
وانصاف القامت فتشت ابوي وهي بتبكي..لغاية لقتو جمب باب المستشفي وشكلو كأنو واحد من المجانين ..
رسالتي كانت بتقول :
. السلام عليكم..
لمن تسمعو الرساله دي م معروف انا حأكون وين..
ف الدنيا ولة في الآخرة
لانو ابوي حيجي يسوقني بعد اسبوع...ومع انو انا آشك في ذالك وآشك فئ انو حيخليني عايشه..لأنو الشي الشفتو من أقرب الناس لي ..والنفور الحصل بثبتو انو نهائي م حيخليني عايشه..عشان كده
عاوزه اقول.. اول ابدا بيك ي محمد ..حركتتتك العملتها دي وغشك لي بي حبوبتك ي ريت تكلم بيها اهلي..وتقول ليهم بتكم مظلومة...وانا بعتذر لي حركة القاعه العملتها..ما كنت قايله عاقبتها حتكون وخيمه كده
وكمان بعتذر لحركة العصير الاتكشح فيك...انا عملته كده لأنو قبل 10 سنه..مرت ابوي عملت فيني نفس الحركة دي..ابوي كان مسافر ...بدون قصد كسرت ليها كبايه !! لمن كنت بغسل العده !!!
اول جرحتني بيها
بعدين تلاته يوم انا عايشه ع الموية بسس
حرمتني من الآكل ..
ولمن خلااص شافتني هلكته ...جات وقفت لي ف نص الحوش ونادتني..
كانت شايله عيشه
.ف الحظة دي قفلت خشمي من البكا...و واصلت : قالت لي بوسي كراعي عشان تاكلي
قدر م اترجيتها تديني بس م عاينت لي ..شلتتني برجلها لمن ادردقته واتمليت تراب
واصلت : تبوسيها وتاخدي العيشه
اضطريت اجري جري ابوسها ليها...وف الآخر جدعتها لي وقالت لي : امشي شيليها
عشان كده ي محمد انا المنظر دا م قدرتة نهائي استحملو..وجيت اتدخلته لانو م حبيت زول تاني يتزلة الزلة دي..اعفي لي ي مدريدي.مدريدي زفت الطين كمان زي ما بحب اقولا..

** انصاف : بشكرك لأنك وقفتي معاي دايمآ..كنتي الأخت الما لقيتها من امي عليها الرحمه

امجد و آشرف واحمد : كنتم خير اخوان لي ..ربنا يحفظكم لبعض
عمو آمير : كلمة واحده بتكفيك ..ابووي
عمتو آماني : والله لو ما كان قتل النفس حرام كنت قتلت نفسي عقابآ للألم السسببتو ليك..اعفي لي ي امي .
وجن و وليد ' وقفتكم معاي م حأنساها ..اعفو لي
رشا : خلي بالك من بيتك وبتك وحافظي علي زواجك
آميرة وهشام : ناسي الفرحه..
آميرتي انا بحبك..خلي بالك من قرايتك وسيبي الشغب

وانت ي هشام..انا م نسيت الهديه حقت الضب الميت..اصبر لي بس لو ربنا مده ف العمر ..
قروب ديسباسيتو : استمرو...وبالجد بشكركم علي الغنية..كانت ولا زالت احلي هديه ..ما عارفه السبب الخلاكم تبتعدو عني وتعاملوني كده ليشنو..بس احلف ليكم انا لا اغتبته زول فيكم..ولا كذبته علي زول فيكم..لحظاتي العشتها معاكم دي م بتتنسي..ولو سمعتو عني حاجه م بترضيكم..اعفو لي ولكم العتب

ديسباسيتو💙 23
#خياليه100%😍

#fulla_Ali

احيانآ براءة الزول ...وطيبتو وتعاملو الحلو معاك...بيدس منك سلوكو الحاقد تجاهك
ولانو.انت بصيرتك عمياء..ما حتقدر تشوف السلوك دا منو..

العايزاكم تفهمو من كلامي دا ..اولآ : مهما كان ماف جريمة كامله...
احمد قدر يوصل للزول العمل حساب وهمي بأسم ترتيل الطيب..
وقدر بزلة لسان انو يتوصل للشخصية دي...عرف انو دي م ترتيل بالذات لمن سألها ف الدردشة : تفتكري انو محمد بحبك؟؟ الرد كان غبي شديد...لالا م ظنيت..انا رميت شباكي عليهو بس شكلو في واحده تانيه في قلبو..ولو فعلآ هو بحب #ترتيل (لاحظو..ترتيل ما بحبني انا )
كان ما عمل كده معاي
سبحانه ربي..واحمد قدر يحدد الشخصيه بالضبط هي منو..
تانيآ عايزاكم تعرفو انو اخطر انواع الاعداء هو الصديق ...لانو م بظهر ليك علي حقيقتو..صديقك الواقف جمبك يستحيل تفكر انو حيأزيك..
وخصوصآ لو كان صديقك دا عبارة عن البراءة تمشي علي قدمين

معقولة ؟؟؟؟

وششش بالبراءة دي يعمل كل دا !!!!

في المستشفي جات داخله وجن وامها..
امها من وقعت عيونها علي آماني وقفت محلها بدون حركة
آماني وقت شافتها قالت بأستغراب : نوال !!!!!؟؟!؟

*

ابوي سلم نفسو لأقرب مركز شرطة..الصراحه افتكروهو مجنون..خصوصآ انو المحضر لمن فتحو الاورنيك حق 8 جنائي اتقفل ع اساس انو اتهجمو علينا حراميه وكده والبحث عنهم مستمر..

اما محمد في العناية المكثفه بين الحياة والموت...
لانو اتناول جرعة زايده من الكوكاين والكراك وديل اقوا انواع المخدرات..وجاتو زي شكل جلطة قلبيه نتيجة لتصلب الشرايين..والسبب الطعن الكتييير بالحقن ..

*

نوال : كنت عارفه انو الشبه دا ما ساي..عليك الله م تقولي لي دي بت نجاة اختي
آماني قعدت ف الأرض وبس كانت بتبكي
وجن : امي..انتي بتقولي في شنو !!!؟
انصاف مسكت امها وبتهز فيها : في شنو ي امي اتكلمو !!!؟

نوال : يعني ترتيل بتكون بت الطيب ونجاة اختي المرحومة !!!؟!
وقعدت تولول وتبكييييي...لييييييي ...لييي بتها تنظلم زي امها ليي
وجن : امي في شنو !!!؟
نوال لزتها من جمبها وصرخت فيها : م تقولي لي أمي !! اوعك !! انتي م بتي "!

ف اللحظة دي جات وداد..ايون وداد اخت وجن و وليد..جات تستفسر من امها ليي بتبكي كده
نوال قامت وخنقتها : عملتي كده ليي ي دكتورة !! معققققولة ""!؟ انتي بتي يا وداد !! معقولة انتي بتي البفتخر بيها قدام اي زول !!

طبعآ وجن حكت لي امها و وليد بالشي العملتو هي و وداد...عشان كده وليد طلع منهم غضبان ..بس الكانت ما عارفاهو انو ترتيل بت خالتها طوالي !!

رضوان جا جاري فكاها من امها وقال ليهم كده عيب..والحصل حصل..انتو بس اسي ادعو ليها تقوم بالسلامه..مافي داعي للفضايح
انصاف : فهمونا الحصل شنو اتكلمو !!

رضوان : الحصل لي ترتيل دا كلو سببو صحبتها...رفيقة دربها ...وجن
طبعآ صدممممممه..كيف وجن !! وجن البت البريييئه.الحبابة !!!
رضوان : واختها المفترض تكون عاقله..ساعدتها ...ليي ي وداد !!؟ لييي .!!!اسسي بي سبب حاجات تافهة زي دي في روح بريئه ومظلومة بتتعذب تحت الأجهزه دي !!بي سبب أنانيتك انتي واختك خربتو ودمرتو العائله دي !!
وجن قعدت تبكي وقالت وهي بتنتحب : ترتيل جات وسرقت مني الولد الانا بحبو...مدريدي كان صاحب اخوي.بس بحياتو ما عاين لي ولا أعتبرني زول..
ترتيل وقت جات وفي غضون يومين بس..ضماها لقروبهم..وكان بهتم بيها وبعد دا ألف ليها اغنية بي حالا !..في حين انو انا ما برد لي ولا حتي في الواتس
وقعدت تبكيي...قالت ليهم : كيف تتوقعو مني ما احسدها كيف !!!!
وقت انصدمت في يدي وكنا ف الشارع فجآة لقيتو قدامي..ياخ اسمي م كان عارفو اتخيلو !! ناداني بي ي هنايه !! ..شوفته خوفو عليها ودموعو..والنار شبت جواي..وحلفته اني أدمرها
و وقت رجعته المستشفي..ولأنو حظي سمح اختي الكانت متابعه معاها..وقالت لي عندها ورم حليمي..وعرفته انو بآثر علي شكل البطن..طوالي بديت انفذ خطتي..
رجعته البيت اتصلته عليها وقلت ليها انو نتيجتها نضيفه.
و غلطتها التانيه انو لمن سألتها عن رضوان..قالت كان خطيب بت عمتها..وكانا عارفاهو خاطب بالرغم من كده قالت حتخليهو ينفصل من خطيبتو اللهي اختي ويرتبط بي انصاف تاني

وداد وقت عرفت ساعدتني وزورت ليها التقرير بأنها حامل..خصوصآ وقت كشفت عليها ولقتها بكر..وانو هي م اتعرضت لأي اغتصاب
صح الناس كان حيعرفو انو دا م حمل بس كنت حأكسب زمن..كنت حأكسب محمد وياهو زي م خطتته ..ترتيل سابت الجامعه.وكان ابوها حيجي يسوقها وبي كده بكون اتخلصته منها..
انصاف م استحملت وهجمت عليها ..الا مسكوها منها
وجن : ما كده وبس...عملته حساب بي اسمها وشوهته بيهو سمعة قروب ديسباسيتو في كل قروبات الفيس..وبالتالي كرهوها..
رسلت رسايل شك لي محمد...عشان يكرههها ..بس شكلو طلع بحبها وحتي وهو سكران ما لمسها
وفي الآخر جات طلعت بت خالتي ههههههههه ترتيل بت خالتي ي ناس !!! ترتيل بت خالتو نجاة الغاليه هههههههههه هههههههههه
وبالضحكات دي وجن فقدت عقله

معليش امس كنت عيانة عشان كدة ما دخلت و لسه عيانة ، دعواتكم

ديسباسيتو💙 24
#خياليه100%😍

#fulla_Ali

احمد آمين الراقي قال :

طاوعته ظنك لييي فرقته بين قلبين
وطاوعته ظنك ليييي*فرقته بين قلبيين

وقطعته حبل الود..الكان زمان موصول
قطعته حبل الود..الكان زمان موصول
ي حبي م اقسسساك..حيرتة قلبي معااك
ي حبي م اقسسسساك..حيرت قلبي معااك
حيرت قلبي معاااااك

ولانو حرام قلبين يفترقو وهم بحبو بعض...رضوان وانصاف رجعو لبعض
...تتذكرو وقت رضوان قال لأنصاف انا ماشي عندي موضوع عاوز احلو ؟؟

يلا مشي لي وداد وزفتها معاها بخصوص التقرير الكاذب الطلعتو..وقال عبارة سمحه عجبتني شديد : انصاف كانت ولا تزال اوول بت تدخل حياتي..انصاف حلمت..وحققت وانتي أشرفتي علي العمل ..ورمي ليها الدبله وطلع

ياخ
لو في واحده منكم عندها اخو زي رضوان دا تراسلني ف الخاص..انا جاده معاكم ههعع

محمد اتعافي لكن مواصل في العلاج
ابوهو سفرو آسبانيا وهناك كان بياخد دورات لعلاج الأدمان
يعني..قعدات كده كل زول بحكي السبب الخلاهو يبقي مدمن..ولو هو فعلآ عاوز يتعالج ولة لا
وواصل دراستو هناك طبعآ..وكان مجتهد ومثابر ف دراستو ..لانو كان عندو هدف واحد حنعرفو لي قدام.. دايمآ بكون سرحان...واكون كذابه لو في يوم مرة ما اتذكر فيهو تويتي..
دفعتي امتحنت طبعآ
وللآن انا استلقي في الغرفة الباردة...وما عارفه حأقوم ولة لا
ابوي لسع مسجون...بحكم انو مجرم وكده
معالي حالتها اتدهورت.وااهانات وزلات ..وياهو ماف زول بصرف عليها لانو رب المنزل ف السجن ..

رشا وآشرف حياتهم لي اسسي مستمرة...
وماف اي مششاكل ...
واحلي شي انو فرح دخلوها الروضة ..يخ عسل يخ لو شوفتوها ..

وجن شغاله تقول : ترتيل بت خالتي..وتصفق..ترتيل بت خالتي
اما اختها وداد متجرجرة في المحاكم ..
قدمت طلب استرحام انو ي يرجعو ليها شهادتها وترجع تزاول مهنتها..ومحكمتها قربت .

...

خالي علي وخالو توفيق طبعآ هنا..ويومي بجو بزورني حتي خالتي نوال

اما ليشنو ما فتششوني طول السنوات دي ..قال ابوي رفض واحد منهم يقرب علي وهددهم من لمن كنت صغيرة..وهم قالو يخلوني لمن أكبر ويكون عندي رأي براي وماف زول متحكم فيني ..
...

عمتو آماني للآن خاته انها السبب ..وسافرت السعوديه عشان تعتمر وتدعي لي ..
آميرة و هشام جو لمدة اسبوع شافوني ورجعو..ومتابعين حالتي بالتلفون..وع فكرة..هشام خطب..

والحياة مستمرة

انا خلاص لازم اقرر اقوم ولة يفصلو عني الأجهزه..لانو وحاتكمممم ضهري حينكسسسسسر من الرقده..اربعه شهور وانا راقده

....
في يوم زي حوالي الساعه 7:34ص..لو بتتذكرو دا نفس الزمن الصحيت فيهو ولقيت معالي وآبوي بتشاكلو في موضوعي

امي جاتني ف الحلم...او ممكن نقول جاتني ف الغيبوبة بتاعتي...طبعآ جمييييله جمال مبالغ فيهو..بديها شوية ملامح م كتير يعني..انا اكتر شي بشبه ابوي.
مسحت ع راسي وقالت : شعرك بقي قديييم..وشكلو كمان وسخان
ضحكته وقلت ليها من الرقاد الكتير
قالت لي ما عاوزاني اسرحو ليك ؟؟؟؟

قلت ليها هو انا لاقيه تلمسيني ساي لغاية تسرحي لي شعري بي حالو
قالت لي جدآ..طيب رائيك شنو تقومي من الرقده..حاسسسه بيك اتكسرتي عديييل

فرحتتته وقلت ليها ي ريت ي امي...ي ريت اقوم منها لاني فترته بالجد
قالت لي سمح تعالي اسوقك معاي بالمرة اسرح ليك شعرك
مسكتني من يدي وقومتني..وانا م عارفه القومة دي في صالحي ولا لآ
وهي ماسكه يدي وجاراني ..يدي بدت تتملص منها..كنت بقول ليها : امي امسكيني سمح حأقع منك...امي امسكيني سمح!!
بس للأسف..انا تقيله ولة هي ما بتقدر تمسكني م عارفه..اتملصت منها و رجعته محلي ف السرير..

بي هنا الأجهزه بدت تصرخ..
رضوان ومعاهو. كم ممرضه جو جاريين

جهزو جهاز الصدمات وشحنوهو..
رضوان : 1 2 3 زحو..

م استجبته

تاني شحنوهو ...
وبرضو م استجبته
لغاية الجهاز صفففر
ياربي ( فله علي ) قررت شنو في أمري !!!!

م معروف

*

في جانب آخر ..مبهم

يا جزولي ..حولته الرصيد ؟؟
اي ي ست الناس..بس ليي انتي م عاوزه تقولي للبت انك القعده تحولي ليها ؟؟؟ ياخ دي زاتها ليها اربعه شهور بتستلم ال200 وم بتتصل تشكر ساي
- معليش..بعدين القروش دي من حقها اصلآ..يعني انا م دافعه حاجه من جيبي..بتمني اسي تكون قاممت من غيبوبتها..أمسكينه نامت 4 شهور .

طبعآ استغرب من كلامها..لكن قبل ما تتكلم قال ليها : عارف عارف ي ست الكل..لا تسألو عن أشياء ان تبدو لكم تسوءكم

ابتسمت وقالت ليهو : ماشاء الله..بتتعلم بسرعه

*** معالي وقت الدليل حار بيها ..وخصوصآ اهلها اتزمرو من حكاية يصرفو عليها هي واولادها ...
سبحان الله..بدت تضوق العملتو لي من وقت في دنيتها بس ي ريت تندم..
المهم...قررت انو تسافر القضارف وتشوف الطيب دا مالو
ساقت مجاهد وخلت الولدين مع امها
بطنها كانت لي حلقها وحالتها م بتسمح ليها انو تسافر..بس لكن تقولو شنو..

وصلت القضارف..وهي ماسكه ولدها في يد وشنطتها في يد وما عارفه زاتو تمش وين ولة تقبل وين وفي اثناء ماهي

ديسباسيتو💙 25

#الآخيرة!!!!!!

#The_End_One#

#خياليه100%😍

#fulla_Ali

وبرجع بقول...ما مشكله انو البطل يموت في نهاية الرواية م دام عاش في فصولها بشرف..لكن هنا غير ..نحن بطلتنا من يوم اتولدت وهي بتتهان وتتزلة..معقققوله تمشش كده بالبساطه دي !!!!؟ معقوله دي قسمتها كده في الحياة دي !!
م معروف..

**** رضوان لمن شاف الخط استقام...ضرب علي قلبي بقوة وزحه وهو ببكي لانو خلاص فقدني
امي رجعت تاني وقالت لي : بعد دا لازم تصحي
غمضته عيوني شدييييد..وفتحتهم لقيت نفسي محاطة بالأجهزه..ورضوان دا خاتي يدو في راسو و وببكي
الممرضه : المريضه صحت ي دكتور رضوان !!!

رفع راسو #ببطء ...وعاين لي..
ترتيل !!! انتي صحيتي بالجد !!
صحيتي آخيرآ !!!
كان عاوز يطييير من الفرح..
حرام عليك يخ شيبتي راسي
قلت ليهو بتعب : الحصل شنو ؟؟؟؟وانا وييين !!!
رضوان : لحظة اول ابشر خطيبتي ومرتي انصاف
عاينته ليهو بأستغراب..قال لي وهو بتبظ التلفون : اي اي..اتخطبنا وعرسنا حددناهو بعد انتي تصحي ي زفت الطييين زي م انتي بتقولي..
فرحته ليهم بالجد..وخمسة دقايق المستشفي اتملت
ما كنت قايله البحبوني كتاار كده !!
وجو خيلاني علي وتوفيق وخالتي نوال..اتعرفت علييهم وفرحته بيهم كتييير
حتي ناس حنان واروي وكريم وشوقي واحمد و وليد كانو حاضرين
علب الحلاوة والشوكولاتات تطاقش..
سلمو علي وخلوني ارتاح..مع انو انا بس عاوزه اطلع..عاوزه امششششي برجولي شوية .اربعه شهور راقده انا !!!الحمد لله اتعالجته من الكانسر وما تشوفو شر ي رب
****
القضيه حقتي اتقفلت وابوي طلع....سمعته بالعملتو لي وجن والله انا لي اللحظه ما مصدقه انو وجن تعمل كده ! ونهائي م حأصدق !
اما ابوي من الخجل ما قادر يعاين ف وشي زاتو..يوم الخرجوني من المستشفئ
كنت قاعده في الغرفه جا ابوي وكان ماسك مجاهد ف يدو..ياخ كنت مششتاقه ليهو شوق !!
شلتو وسلمته عليهو
مجاهد : انتي لي نومتي كتيييير كده اا توتة !!
قلت ليهو كنت عاوزه ارتاح عشان انا تعبانه
قال : امممم واسي التعب فات !!؟
قلت ليهو ايون فات
عاين لي ابوي وقال ليهو : خلاص اابابا خلينا نمششو ..انا وانت وتوتة وماما

عاينته لي ابوي ولقيتو بدمع..قلت لي مجاهد امشي شوف فرح بتناديك
قام نزل من كرعيني وجرا برة..
ابوي : معالي اتوفت ي ترتيل...ضربتها عربية وماتت هي وبتها اللفي بطنها ..وربنا ستر مجاهد اخوك اتنفض بعيد من العربيه..
استغفرته ربي واتشهودته..صح هي ما عندها اي جانب مشرق معاي ...بس برضو اتآثرتة لموتها..خصوصآ انو البت الكانت حامل بيها ماتت برضو..ربنا يرحمها ويغفر ليها
*

علاقتي بي ابوي رجعت زي الاول واحسن كمان.
كنت عاوزه ارجع معاهو واواصل دراستي في شندي بس عمتي رفضت..ولغاية زعلت كمان
حضر عرس انصاف وسافر خلاني...انصاف سكنوها ممع مني ام رضوان..اصلآ البيت كبير وهي عندها اتنين..رشا ورضوان بس..

وبعد كم شهر ابوي اتزوج ..ونتيجة لاقناعي ليهو اتزوج معزه اخت معالي..ماشاء الله مافي علاقة بين معزه واختها..معزه طيبة لدرجة انتظر وتآمل الموقف..ياما زمان كانت بتعطف علي وبتحميني من بطش اختها ...طبعآ زي م انتو عارفين انها م اتزوجت ..ولانو ربنا كريم قسمتها جاتها ورا
سبحان الله..قبل كده اختها عيرتها بي انها لسع م اتزوجت وانها حتي لو اتزوجت ما حتلد عيال..اسي ربنا عوضها بي 3 اولاد..وبعد عرسها حملت طوالي..
...

انا رجعت قريت السمستر الاول من البدايه لأني جمدته السنه وكده..وياهو امجد كان معاي في نفس الدفعه..

قروب ديسباسيتو اتفركشش
والشجرة زاتها قعدت تحتها خاله بتظبت شاي زي العجب وبتعمل #شيريا تقول ي ليل

***
مرت تلاته سنين ..وانا زاتي كنت ف السنه التالته طوالي يعني توب سنير ..

طبعآ ناس ديسباسيتو اتخرجو..محمد اخبارو انقطعت في أسبانيا لكن هم كنت متواصله معاهم ..اصلآ نحن دراستنا خمسه سنه وياهو انا جمدته سنه كامله وهم كانو سنايرتي..عشان كده فاتوني والحمد لله اسي فاضل لي سنتين واخلص
في مرة من المرات محاضرتنا لسع م بدت ...كنت بتونس مع امجد وملفته عليهو
فجآة القاعه صنت..وسمعته صوت طقطقه..امجد كان برفع لي في حواجبو .لزوم الدكتور جا وكده..
قبل م اعاين اشوف منو قال لي : انتي ما في نادي ولا في قهوة عشان تقعدي تتونسي لي و كمان مع زميلك!!
بغض النظر عن الصوت المآلوف لكن اتذكرتة قبل تلاته سنه وقت قلت الكلام دا لي محمد ..
التفته لقيتو فعلآ دا

#مدريدي_زفت_الطين

ييييك .تلاته سنه ما شوفتو
آخر مرة شوفتو فيها لمن طلعته من الشقه حقتو في اليوم الشوم داك...

قال لي اطلعي برة
قلت ليهو بس انا ما غلطته معاك في شي.ولا قللته من احترامك ...صح كنت بتونس بس ما في وجود حضرتك..واظن دا من حقي كطالبه اني اتونس
قال لي كلامي واضح..اطلعي برة
غايتو اتششاكلته معاهو شكله لي رب السما ..لغاية
رفعني للعميد
كان بعاملني بقسوة كأنو م كان بعرفني..قال لي : لي اسي ما خليتي قوة راسك دي !!؟
قلت ليهو : انت خليت غرورك وعنادك ؟؟

سكت خلان

#خلقني_اسود

بقلم : fulla_Ali
-٧-
وما كان لوني قبل ذلك أسودا** ولكن لهيب الشوق أحرق جسماني..
*عنترة

وقت وصلت سنه خامسه وكان سعيد خالي ممتحن شهادة اساس ..
ولأنو درجاتو شوية ما كانت كويسه حبوبة بقت عصبيه شديد..وبتفضي زهجها فينا..
حتى ابوي ما سلم منها ..ما كانت محترمه وجودو ..وبتصل لدرجة انو لمن يسلم ليها ما بترد السلام..وابوي بستحمل دا كلو عشان خاطر امي ..
امي ما كان عندها غير البكا..هي عارفه تصرفات حبوبة كانت نابعه من عنصريتها الشديده..والسبب الأساسي الخلاها تقعد معانا انو امي في الآونة الأخيرة كانت بتشكي من ضهرها لأنو حاجه ما كانت بتقدر ترفعها وبتتحرك بالعافيه..

مره زي حوالي الساعه 10:34م كده...امي ولعت حفرة الدخان ..و مسافة تمش تجيب زيت من غرفتها حبوبتي جات كبت جك موية كامل ف النار وطفتها
امي وقت جات قالت ليها ليي عملت كده !!! ..حبوبة ردت ليها بي انو دي امور لعب وم بتنفع معاها ""!! اتخيلو بسسس !!! زينة المرأة لزوجها بقت لعب !!!

وبرضو امي سكتت...وم نضمت ولا حرف ..لأنو مفتكرة انو هي لو شاكلت حبوبة معناها كده بتكون عصت ربنا ودخلت في عقوق الوالدين..
طبعآ انا زاتي كنت مفتكرة كده بس لمن درستونا عرفته انو طاعة الزوج اهم بكتيير من طاعة الام وانو الواحده بتدخل بيها الجنه ..طبعآ الطاعه هنا لازم تكون بالمعروف

🖤🖤🖤🖤

احلى ايام واسوء ايام لمن حبوبتي هدى ام ابوي جاتنا زيارة ...جات هي وعمتي سوسن وزهرة
سوسن كانت متزوجه وعندها بتين تؤم مروة وصفاء ..اعمارهم كانت سنه كده
وزهرة كان لسع صبيه..حلاته وسمراء تشبه ابوي..انا حبيتهم شديد وهم كمان حبونا..
طبعآ دي اول مرة نلاقوهم وم عارفه السبب الخلاهم ما يجونا من بدري شنو..
...

وبما انو حبوبتي وبناتها خدورين ..اكيد انتو حتكونو عرفتو نوع المعامله كيف ...وياارب اغفر لي حبوبتي لأنو بصيرتها اتعمت بالعنصريه ...يارب

🖤🖤🖤🖤

وبغض النظر عن المطاعنات بالكلام حبوبتي حمتنا ناكل معاهم في صينيه واحده...اتخيلو بس !!!

عماتي ما رضوها بس حبوبه هدى سكتتهم وسكتو..
لغاية ما جا اليوم الشششششوم وحبوبه غلطت في عمتو زهرة ...
وشوفو الغلط كان كيف :
الصباح عمتو سوسن كانت بتكنس الحوش..حوشنا كان عباره عن ضفائر حقت طوب..
وحبوبة هدى كانت بتطبخ في المطبخ...
و عمتو زهرة نضفت الغرف ومسحتهم ونضفت الهول وبدت تمسح فيهو ..
يلا انتي يا حبوبة علويه تعالي ادخلي بنعالك الكلها طين و وسخي الأرض ...ودا الشي الما رضتو عمتو زهرة
قامت طوالي قالت ليها يا خالتي كده ع....
وحات الله ولا تمت كلمة عيب دي زاتها ..حبوبة علوية (ورورت ) ليها بالسبابه وهي بتقول : حسسسك عينك تقولي لي خالتي يخلخل ضروسك !

حبوبه هدى و عمتو سوسن وامي جو جارين بعد سمعو الاصوأت علت ...
حبوبة هدى قالت ليها انتي غلطتي..وشغلك دا شغل حقارة..من يوم جينا انا لاحظت ليك بتتعمدي تهينني وتهيني بناتي بس قلت اديك فرصه..لكن تاني طفح الكيل!

حبوبة علويه ضحكت كداااا..وعاينت ليها وقالت : انتو مجرد عبيييد ونحن اسيادكم..ودا شغلكم .. تنضفو وتطبخو وتغسلو فاهمه ولا لا !!!!؟

امي قعدت تبكي وهي بتترجا حبوبتي تسكت..بس كأنو دموع امي كانو وقود ليها ليها عشان تتكلم ..و واصلت : لو ما راس بتي القوي بي انها عايزه تعرس ولدك كان اسي انتو رسميآ خدم عندنا..بس برضو كده ما بطال ..لانكم لو ناسبتونا او لا حتفضلو خدم وعبيد طول عمركم!

يارب اغفر ليها يارب

خفت كتير وقت شفت دمعت حبوبه هدى ودموع زهرة..الوحيده الردت ليها عمتو سوسن..قالت ليها : حيجي يوم وتندمي فيهو علي البتسوي في بتك والبتقوليو..لكن بتمني ما يكون فات الآوان..ارح يا امي كفايه اهانه..وتاني بيت خالد اخوي رجلنا ما حتعتبو ما دام العقرب دي هنا
و لو داير يشوفنا عارف طريق بيتنا كويس..
وبالرغم من كرههم لي حبوبتي الا انو عمتو سوسن قالت لأمي برقه :لو احتجتي لينا رقم التلفون معاك...وبيتنا مفتوح ليك ولي العيال في اي وقت..جهزو شنطهم وطلعو خلو حبوبة واقفه ورافعه نخرتها للسماء!! ..وامي بتبكي وصابرينا قعدت في واحد من الأركان..انا كنت ماسكه صابر اخوي وبسس بحاول اطفئ نار الحقد الجواي

#صلو_علي_محمد

#To_be_Continued

بقلم:

#fulla_Ali