#خلقني_اسود

بقلم.:fulla_Ali
-١٧-
يللا يا اولاد المدارس في ربي السودان وسهله
يللا شخبطوا في الكراريس اكتبوا الواجب وحله
دينق .. محمد احمد فاس وطوريه وزراعه
فاطمه .. ميري يبقي غنوه نيليه بشراعا
وردتين على يامبيو وورده ثالته على رفاعه
ييي بلادنا وكلنا اخوان سوداني بلادنا يايي
حرب .. بندقيه يخطفوا اللقمه الهنيه من اصابع طفل جائع امه حزنانة وشقيه
***

صحيت الصباح اول يوم عطله ونضفت البيت كلو..كنت مبسوطه شديد

ما عشان العطله لا..عشان استاذ عماد

نرجع #flash_back

بعد خصلنا الامتحان عملنا قعده كده ظريفه للدفعه ..اتونسنا وضحكنا وهزرنا ..

الزمن اتأخر وانا وندوش ما لقينا مواصلات..كنا واقفين في الزلط لغاية جات سنتافي حمراء وقفت قدامنا ..

انا عرفتها طبعآ..سيدها نزل القزاز وقال لينا اركبو اوصلكم ..قلنا ليهو ماف داعي اسي بتجي مواصلات

فتح الباب ودور العربيه..اضطرينا نركب ...وصل ندي لغاية خشم بابهم و وصلني كمان

قلت ليهو اتفضل اشرب ليك حاجه بس رفض..
قلت ليهو خلاص تمام

مع نزلتي ابوي جا طالع وقعد يحمر لي ...طوالي استاذ عماد نزل من العربيه وقال ليهو عم خالد كيف حالك ¿¿

ابوي ضيق عيونو مسسسافه بعدها ابتسم..قال ليهو اووو ود السني ¡¡ كيف حالك ¡¡

سلم عليهو بالحضن...طبعآ انتو متذكرين انو عماد وابوي من الابيض ..ابوي بعرف اسرتهم حق المعرفه

بعد سلم عليهو قال ليهو الا يتفضل ..

قعدو في الصالون وانا عملت ليهم قهوة..

حبوبة جاتني ف المطبخ وقالت : اقعدو عرسو لي في العبيد النشوف آخرتكم شنو

ما رديت ليها..وحات الله ولا حبيت ارد ليها زاتو...شلت القهوة و وديتها ليهم

ابوي قال لي ليي ما كلمتيني انو عماد بكون استاذك؟؟

قلت ليهو انا زاتي عرفتو قريب ده يا ابوي

قال لي ايوااا..و واصل كلامو مع عماد وسألو من الاهل وكده

عرفت انو حيسافر بعد اسبوع للعطله..ما عارفه ليي اتوجعت بس تاني طردت الشعور ده

دخل سلم لي امي واستئذن .. مننا ...جمب الباب قلت ليهو يسلم على عناب ويديها رقمي ..
ودعنا واتحرك..

بعد اسبوع كده بالمساء دخل علي واتس..قلت ليهو لقيت رقمي من وين قال لي اختك صابرين الادتني ليهو نسيتي؟؟؟

قلت ليهو وهي زاتها الادتك العنوان وقالت ليك انا ماشه امتحن مش؟؟

قال لي ما مهم ..المهم انك امتحنتي..
واصل كلامو وقال : امك بقت كيف؟؟

قلت ليهو غايتو..الحمد لله عندها جلسات كيماوي اسبوعيا ..

قال لي يديها ربنا العافيه..
قلت ليهو آمييين...وقفلنا على كده..

#back

يلا عشان كده انا مبسوطه..وانا بكنس سمعت امي بتاندي فيني :يا صبا الحقيني !! تعالي فكيني منها !!

جرييت ليها غرفتها واتفاجأته !

يعني بس سبحان الله !! اللهم لا إعتراض في حكمك
جينا جارين انا وصابرين وصابر
لقيناها رمت امي من السرير وبتكرر فيها ¡¡
صابر وصابرين جرو رفعوها اما انا شيطاني قام!! ولو ما امي كنت ضربتها والله !

قلت ليها بأعلى صوت عندي : حرام عليك دي بتك ما زول غريب !! ليي بتعامليها كده ! ليي ما بتحني عليها !!
لو ما انتي حنيتي عليها منو الحيحن عليها قولي لي !

هي زاتها علت صوتها وقالت لي لو صحي هي معتبراني امها ما كان عصتني وعرست العب داك !! ما راعت لزعلي ومشت اتفقت مع اخوها عرستو !!
امي : يا صبا اسكتي حلفتك..الكلام ده ما صاح اسكتيي !!!
ما اشتغلت بي امي اصلآ انا مغبونة وعاوزه لي سبب ...
قلت ليها مش انتي وافقتي !! قالت ليك ما بعرسو لو ما انتي وافقتي وانتي وافقتي ! وقت اصلآ انتي ما راضيه انها تعرسو موافقه لي بي عرسهم !! اريتك لو رفضتي وما جينا الدنيا دي عشان نشوف حبوبه زيك !!

قالت لي اسكتي يا قليلة الأدب !! اصلآ من جيتي من عماتك وانتي مطوله لسانك علي !! احترمي نفسك يا صبا احسن ليك !!

قلت ليها : عماتي !! عماتي الزوق والأدب والأحترام واظن انتي عارفه كده كويس..انا تعاملي معاك وردي ليك حسب تعاملك معاي وردك لي من وانا بت 5سنه
...لو سمحتي أطلعي من حياتنا " من جيتي ومن عرفناك وحياتنا اتدمرت !!! عيشيتينا في جحيم ياخ حرام عليك !! ابوي مهما عمل ما بتحترميهو وبعد ده نهائي ما حصل طول لسانو عليك ! لانو متربي وبعرف الله !

امي شغاله تبكي وتحلف فيني اسكت وانا قايده نار !! قلت ليها
اطلعي من بيتنا نحن ما دايرنك ياخ !!

حبوبة : بتطرديني يعني !!

قلت ليها ااي بطردك ..ومفترض اطردك من بدري يمكن ما كان وصلنا للوضع ده
!
امي قالت لي صابر يدخلني جوه..وفعلآ جراني بصعوبه وداني غرفتنا واتكلم معاي

قال لي انتي اختي الكبيرة الواعيه..الطول عمرك ما رفعتي صوتك علي حد أكبر منك...يحصل منك كده!!

قلت ليهو وانا منهارة واعصابي بايظة خالص : انت ما شايفها بتعمل لي أمنا شنو !!

قال لي شايف ..لكن يا صبا كلامك غلط تتكلمي مع حبوبة بالأسلوب ده !! شفتي اسي فتحت خشمها قالت امي م ربتنا !! يرضيك ي #صبتي تقول لي أمنا كده !!

هزيت راسي بمعني لالا

قال لي اسي الجيران كلهم سمعو نقاشكم..وهم كمان شايفنك غلطانه لأنك رفعتي صوتك ع ا