*#الحلة_التحت《01》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الحلة التحت حلة هادية وحالمة ومتكية فوق القيفة ألت البحر البنوت يشيلن جرادلن ساكت ويمشن يردن من البحر موية ساقطة وصافية علا لمن البحر يبقى دميرة حتين الموية تتعكر وبعد دا بجيبنها بحمارها لكن مع ختتن لجرادلن ساكت بتروق وطاعمة والبحر زاتو هادي وحاني وبريد الحلة وناس الحلة واصلو ما ببخل عليهم بشي علا ما يقصدوا فوقن زول وبطنو ملانة سمك بانواعو دا غير مويتو البتسقي الزرع وبطيخو وخدارو المالي الجروف وكلو كلو ما بتفاسل ولا بضر حتى الجنوي البجوهو يخمجو فوقو ويلعبو كلو كلو ما غرقلو فوقن زول علا قبال كم سنة كدي ود امحد اللمين الوحيد الغرق فوقو شان راسو ناشف وما سمع كلام الكبار وكت قالولو ما تعوم بعيد واليوم داك قال علا يحددو ويكطعو عوم وبفد نفس وغفل الناس وكت القايلة وجاهو جاري براو وفات الفوتة الياها تاني ما جاء صاد وما لقوا غير جلابيتو المشروطة جمب اباطو والشدة الكان لابسها في كرعيو هي الدلتن عليو وكاسولو لمن فتروا ما عتروا فوقو وناس يقولوا قلع كدي علي السافل ولقوهو ناس ستروهو وناس يقولو طقتو البردة واكلو السمك الصغار وبقى عضوم ساكت وما طفح وداك كان اول غريق واخر غريق تاني الرجال احمو الشفع النزلة علي البحر براهم علا اكان معاهم ناس كبار عشان اكان جاتن شي يتلافوهم ما يلحقو ود امحد اللمين
الحلة كلها بيوتها طين وجالوص وقلال البيوت الضربولن طوب أخد وكلها زقاقات وضيقات ان لاقتك بقرة ساكت في زقاق علا تقيف لامن تفوت حتين تمش وملانة شدر نيم وشدر كبار وقديم سيقانن ساكت مكان لو حضنتلك منهن ساق شدرة يديك ما بتلاقن من شدة مين عراض والحيشان بدون ابواب والباب فاتح في الباب ومقيل الناس ان مافي الرواكيب كلو في النيم ما في نيمة ما تحتها سباتة للجنوي وكم عنقريب هباب كدي للناس الكبار وبتفاطروا وبتغادوا سوا والحلة صغيرونة مي كبيرة بالحيل واهلها كلهم اهل وسرارة ما فوقن زول غريب علا الطريفي ود الجد جاهم من بعيد علا عرس فوقها وبقى منهم وفيهم جاها قبال زمن وتاني ما فارقها تب وفوقها فرد دكان صغيروني حق سليمان الاعيرج وعرجتو دي سببها كراعو انكسرت ساعتو الصغير وقع ليهو من شدرة نيم في المحراكة ودوهو لحاج علي البصير في حلة تانية جبرها ليو علا هو شليق تاني وقع فوقها وكسرها قبال تبرا سمح سكتبها ساكت وقعد علي جيبرتو اللولانية وبعد فكوها ليو قام يعرج ويضلع وابى يخليهم يكسروها ليو تاني عشان يعدلوها وسموهو الاعيرج
الحلة التحت كهربة ما فوقها علا كل بيت فوقو حبوبة ونسيني والراحات عندهم رتاين وبتشترو الجازولين من اللعيرج بعد دكانو الصغيروني دا وعرجتو كل شي موفرو وما بدي زول شيتن بالفكك عامل فوقها صعب ان جاهو زول قدام الناس بعد يعرفو داير شنو بقول ليهو قروشك ان قال فكك بنهروا ويحرجو قدام الناس ويكسفو وبعد يفوتوا الناس منو برسل ليهو ولدو عبد الحي بالحاجة اللكان دايرها يوديها ليهو في بيتو ويقول ليهو ابوي قال ليك ما تسعلني من فكك قدام الناس ويعتذرلو
شيخ الحلة الحسين ود الجاز والجاز دي امو مرة قالوا اكانت مكملة الطيبة والحكمة وورثتن لجناها الحسين وهو حتو ما ساهل وما في شيتن كدي ما بعرفو ومتعلم وحافظ القرآن في الخلوة وبصلي بيهم في الجامع والناس شدة ما طيبين تاكل وتقش يدك في جلابية اي واحد غير يضحك لك ما بتشوف منو شي

*#الحلة_التحت《02》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ديوان حاج منصور خال الحسين شيخ الحلة أخو أمو الجاز ديوان كبير قدام الحلة تب منو والبحر وفاتح علي البحر وقدامو فسحة كبيرة بلعبوا فوقها الجنوي كمبلت وسكج بكج بالنهار وبالليل شليل والفات الفات والرمة وحراسها وللا شدت وحرم الديوان نضيف وواسع ومرات اكان في عرس في الحلة بسووا فوقها الحفلة ولمن تكون في حفلة الحلة كلها بتتلم فوقو والحفلة علي ضو الرتاين فنانن التويج أب بصلة وسموهو كدي عشان عندو كشر وسنيناتو زي سنينات الفار وجنو بصل وكان غناين شديد صوتو سمح وبدوبي والعرس تحلف تقول اسبوعين الحلة دي كلها تتلم في بيت ناس العرس والعروس بغنن ليها البتوت يومي اسبوع كامل يعلمن فوقها في الرقيص لكن زي عرس التوم ود حاج منصور العرس السكينة بت جاد الرب ما حصل في الحلة ولا في زول بنساهو داك بضروبو المثل الصبين كلهم والفتو من ما يجيبو طاري العرس الواحد يقول انا عرسي اكان ما كان متل عرس التوم وللا قريب منو ولا بعرس واكان جمبو زولا سمعو بقول ليهو داك ما بجي زيو ها
قالوا التوم دا لمن حاج منصور جاء يعرس ليهو اليوم داك اكانوا متلمين في فسحة الديوان والسكينة بت جاد الرب مرقت ترد من البحر مع البنوت والتوم اكان قاعد مقاصد ابوهو من شافها ساكت قعد يتململ ويعاينلها بطرف عينو وقعد يتكشم وبقى مراقبها ومراقب ابوهو وفي خشمو كلام ما قادر يقولو لكن قالتو عيونو العيون مي فضاحة الريد وابوهو حاج منصور فكرلو وعرف الفوقو تب وبقى زاتو مراقبو علا لمن التوم يعاين فيهو بعمل فوقها ما خابر شي واليوم داك اكان جاد الرب زاتو قاعد والتوم منطلقة فوق جوفو نار الريدة قام حاج منصور قال ليهو امش آ التوم اركب الحمارة دقق في الحلة الفوق التوم بدور المشية علي البحر قال ليهو انجيب لي قش للعتان حشيتو قبيل علا لمن ناغمت للشاي نسيتو في فجتو ما جبتو وهو ولا كان في القيفة لمن ناغم ليو يجيب الشاي
قال ليو سمح ألكع عشان تمش تدقق قبال الشمش تغيب والتوم نزل البحر وراء البنوت وقنبر في الجروف مباريهن بعينو ما قادر يقرب منهن وداير يقرب شافن قعدن يتلاكزن ويتهامسن ويتكشمن وأي واحدة قلبها بس بابور اللستر الشغلوها في الفجرية دقاتو تنسمع بالاضان وكل واحدة شايفاو بعاين ليها لمن بقن مارقات وقف لهن في الدرب قال للسكينة ازيك آ سكون وفات ما تناها ولا انتظر ردها جاء مارق بعد فوتتن برا قش ضحك حاج منصور لمن شاف يدو فاضية وقال ليهو العتان ادهن أمباز وامش علي دقيقك آ المسخوت وقبل اليوم داك علي جاد الرب وقال ليهو بدور بتك السكينة للتوم وجاد الرب قال ليهو عديلة تب ومبروكة وبخيتة بتك وعرستلا ولدي والزغاريد شقت الحلة رجعة التوم من الحلة الفوق مع المغارب الناس اتلموا فوقو يباركولو وهو ولا جايب خبر ولمن عرف تلب من الحمار واداها عرضة وتاني ما شاف السكينة علا يوم العرس في الحفلة بعد اسبوعين
العرس داك لملم الحلال والقبايل حاج منصور زول واجب وواجاب ديمة سايق وسابق الناس في الفرح وفي الكره والليام ديك زريبتو اتملت خرفان وعجول ما مقصرلو فوق زول والناس ما قصروا فوقو وعرس ولدو التوم منو الما اتحدس بيو ومنو الما اتمناو لي جناو

*#الحلة_التحت《03》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
علي ود العاجبة غنمو دخلن في جروف ود اللدر وود اللدر زول طيبان خلاس عمرو ما غلتلو علي زول ولا في زول زاتو حصل غلت عليو وعلي ود العاجبة دا غنمو كتار وبطلقن ساكت بنزلن البحر ياكلن ويشربن من القيفة قريب الجروف واليوم داك طلقن وما عود بيهن صنقر في الجبنة في راكوبة دكان سليمان اللعيرج باقي هو صاحبو من زمان ويومي بشرب جبتنو معاو بعد ما يعود صاد بالغنم
الونسة جرت واخدتن ساكت واكان معاهم ود العشمان والرفيع ود بدر بعد شربوا جبنتن ديك ود العشمان لملم ليهو بعيرات وحصحاص واكان طالبو ود بدر صنج وأب ضين اللتنين وداير يخلصن فوقو كوم التراب وحفر سيجتو وقعدوا فوقها
ود اللدر مرق الغنم من جروفو وعاسن العجور والخدرة عواسة اكان ما لحقن أكان عدمنو العجورة والصفقة ومرقن فات بيهن علي بيت ود العاجبة ودخلن في الزريبة وملالن الحوض موية ورجع صاد وعلي ود العاجبة عندو تقيرتن قشرا قرونها سنينات التقول بارداهن بي مبرد ونطحتلها غنيمتن كدي عجيزة وبعامية علا لبانة خلاس بقرونها وعصرتها علي الحيط لمن قرنها السنين داك دخل لي ديك في بطنها وديك اصلو تاني ما تنتها وقوم آ علي ود العاجبة من سيجتك ديك تعال البيت لقى العز تفرفر وتمرق في الروح وبريدها ريدة اصلو ما برضى فوق غنمو سعل منو الجاب الغنم ديل البيت قالولو ود اللدر ولا انتظر جرالو في البيت ما لقاو نزل القيفة علي الجروف لقاو يصلح في حيضان الخدرة الخربتن الغنم ولا قاولو طاخ طقاهو بعكازو في عنقرتو رقدو في فجتو ديك وجاء نابل منكرب
لاقاو جاد الرب ابو السكينة وكان ود العاجبة متنوفخ وغضبان سعلو مالك آ ود العاجبة خير ؟ قال ليهو الخير بجي من وين وود اللدر كاتل لي عنز لكن حقي خلستو تب فوقو وهداك أكان ميت اكان حي ماني خابر
جاد الرب قال ليو دي مصيبة شنو دي آ جنى انعلك لقطتو بعكازك دا
قال ليو لقطو والبحميني شنو ما ألقطو الغنم في القيفة يكتلو منهن واحدي عشان خشن جروفو ودي من قمنا لا حكت ولا بقت
جاد الرب جرى علي ود اللدر لقاو غمران وجمبو الجدول بمويتو ملا يديهو اللتين كشحن فوقو تلاتة مرات حتين داك فتح وقام فات علي بيتو وخشمو عندو لا قال ولا اتكلم وجاد الرب مشى بيت علي قال ليهو غلطان وستين غلطان وان ما مشيت معاي لود اللدر اعتذرتلو ياني المكلم حاج منصور وشيخ الحسين ود العاجبة قال ليهو ما بعتذر ليو انا ماني غلطان عليهو
الحلة من زمن ما فوقها زول شاكل زول ولا لقطلو زول وجاد الرب ما رضى لقطة ود العاجبة لود اللدر مشى كلم بها حاج منصور وشيخ الحسين وديل ولا كضبو رسلو لود اللدر وعلي ود العاجبة نادوهم في الديوان هيل حاج منصور
ود اللدر قال لود الشفيع التمتام وأكان حاضر ساعة ود اللدر مرق غنم علي من جروفو قال ليهو وريهم السويتو انا
التمتام قال جينا انا وود اللدر واكنا في بيت حمدان اللطرش شربنا معاو الجبنة ونزلنا البحر وشوف عيني دي ود اللدر مرق الغنم ومشى دخلن في بيت علي ود العاجبة وسقاهن وجاني انا قلت ليو كان تغلط ود العاجبة وتوريهو ما يطلق غنمو ساكت فوق جروف الناس قال لي ديل مين غنم وبهايم ما عندهن عقل كيفن بتدورني احاسب علي سواتن سيدن ؟ دا الحصل آ ناس تاني انا مشيت خليت ود اللدر في جروفو يبربح في حيضان خدرتو ويواسي فوقن ما اسمع علا الناس قالوا ود العاجبة لقط ود اللدر رماو بردلاااب ناشف وجيت جاري اشوف

*#الحلة_التحت《04》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ناس الحلة التحت مقيلن كلو فوق النيم والقاعد بهبر يجيب غداو وان عندو جنى بجيبو قبال يرسلو ليو وان ما عندو جنى وما بدور امش بناغم لاي واحد داك بفوت بجيبو وما فوقن زول بقول انا ما بدخل بيت دا متداخلين ومتحابين وكل واحد عارف هيل التاني وما فوقن بيت بعدم من زاد كلهم واحد الما عندو قبال يقول يلقى شوال العيش جاو
وبالليل قعادن كلو قدام ديوان حاج منصور الفسحة المقابلة القبلة جمب الجامع
يسمروا ويتضاحكو ويشربوا شاي مغربن المقنن داك ويقوموا لصلاة العشاء وبعدها يجوا يتموا ونستهم وكل زول يجيب عشاو العندو فطيرة بلبن والعندو رهيفة قمح بلبن والعندو بليلة بزيت سمسم والعندو لقمة دخن بالسمن وللا باللبن وفي البجيبلو روب ساكت بسكر ودا بجيهم مالي جردلو بعد يتعشوا كلو زول يشربلو منو قرعة وللا طاسة
يوم أمحد علي ود العبار أكان داير يسو الليلت ابوهو وابوهو العبار دا لقب ملقبنوا ليهو ساكت قالوا بتل المخلاية الفوقها عيش وللا قمح بيدو ساكت ويرفعها لا فوق وينزلها مرتين والتالتة بياخد ليهو صرة عين ومعاها صنقيعة ويسكت مسافة زي التقول بدور يسمعلو زول يمليهو الكلام ويقولهم دي ملوة وللا دي ملوة وصاع وللا دي مليوة بتدور لها يد يدين ملانات ان عيش ان قمح وبتطلع ياها زاتها التقول عاديهن بالحبة حتى الكيلة زاتها نفس الشي
أها امحدعلي ود العبار اليوم داك جابوا طاري ابوهو الله يرحمو والسر ود الحافظ اكان صاحبو وبشاغلو طوالي قام قال ليو مع انو ود الفار حفار لكن ات آ محدعلي ما طلعت زي عمي العبار ماك عبارن زيو امحد علي قال ليو اتحداك آ السر والله انا ما بلحقو في العبر علا قريب منو طب والسر ولا كضب قام دخل مخزن حاج منصور واكان جمب الديوان بابو متاكى ساكت ما بنقفل مع انو ملان عيش وقمح لي عرشو ولي حدو وما خايفلو من زولن يجي يسرق منو شي ومخليهو متاكى للبدور والمحتاج وان ما خايف من البهايم ولا كان بتاكيهو
السر دفر الباب وجاب ليهو مخلاية ملانة فيتريتة وأكان عابرة قبال يجيبها وقال لامحدعلي قوم اعبرلنا دي وامحد علي رفع المخلاية دي تلاتة اربعة مرات وصرصر عينو وصنقع بحاكي فوق ابوهو وسكت مسااااااافة وقال ليهو دي نص كيلة ونص صاع الناس القاعدين كلهم عاينوا فوق السر والسر اخد ليهو ضحكة وقال ليهم تكتل ابوي الناس ديل علا اكان سحاحير ساكت وللا مشاركين علي الحرام صاح والناس فقعوها ضحكة وبعد اخدو ضحكتن تاني مافي زول قال ليهو امحدعلي وسموهو العبار ود العبار

حاج منصور اخد ليهو سكتة مسافة وتترب تترب عيونو دمعت لمن الدمعة سالت فوق عراقيو وكلهم اتلفتوا عليهو مستغربين مالك آ حاج خير ؟
قال ليهم اتذكرت العبار ابو امحدعلي دا اكان صاحبي وفي موقف كدي اصلو ما بقدر انساو ليو
قشقش دميعاتو واستغفر واتنهد وقال ليهم الزمن داك اكنا صبيان ونزلنا البحر نجر الرماي والعبار دا اكان محظوظ خلاس رمايو بمرقو ملان سمك ونحن بنرمي حداو عشان حظو سمح ومرزق خلاس نحن نقبض لنا اكان سميكة اكان سمكتين وان كترن تلاتة علا هو لا . بس بقول بسم الله وبجر رامايو المشدود بمرقو ملان تب واليوم داك قدر ما جر الرماي يرجع منو فيهو شيتن يناتل يناتل ناغم لي جيتو جاري جري وقعدت اجر معاو ونحن اللتنين الشي الماسك وحاتل ما ظهرلنا دا يناتل فوقنا ومرات نجروا ومرات يجرنا

*#الحلة_التحت《05》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اليوم التاني المغيرب كدي ريحة القنانة طاااقة والجنوي مرقوا بعد شربوا شاييهم وفاتوا علي حاج منصور كلامو ال ليل البارح عجبن بالحيل وجت اتلموا كلهم مشوا عليهو التقول دقولن جرس ولقوا حاج منصور منبطح عندو عنقريبن عااااالي وطويل يتطوطحوا فوقو الشفع الصغار شدة مو عالي ومتين ومرقو زاتو عريض والعجب كرعينو مكااان وتقيل علا يشيلوهو نفرين حتين يترفعلهم وحاج منصور ارثو من ابوهو قالوا جابوا من الصعيد ووسرو ليهو ضيفن شديد ووسار جاء معاو من الصعيد قعد معاهو زمن وفات ومتل وسيرو مافي في عنقريب تاني
اكان حاج منصور منبطح فوقو ومكفكف يد عراقيهو وعندو رويدي حق خشب لمن شافن صنقر وختاو حدا اللبريق والبطارية وديل اتفرجخوا قدامو بدوروهو يقص ليهم وعندو عكيكز قصيروني خاتيو تحت اللحاف مرقوا بعد ديل ما صنقرو ودخلو في قفاهو كرش بيهو ضهرو زين وقال ليهم يوم العصير كدي السماء دا اكان شايل والسحاب بدا يتدكن والجهلة ناس ابواتكن ديل اكانوا اصغر مننا وكانوا اليوم داك بلعبوا بالتيوة في الحدبة الورانية الفوق للخور الفيهو العشر ونحن مشينا علي الحيشان فتحنا مجاريهن وجبنا السلالم طلعنابن فوق ريسان البيوت الداير تراب كلو دفناهو كلهن بيوتنا ما عندنا دا بيت ناس فلان وداك بيت ناس علان ولا بنقول ما بنشتغل وزيكم كدي محل ننعس ننوم ووكت نحضر اللقمة ناكل ومافي زول بفتش لجناهو محل ينوم ينوم باكر بجيهم ممسح ونضيف أها البنوت قشقشن اليوم داك الحيشان وضايرن الوسخ والدراب وشالنوا بالطشاتة مرقنو كدي علي الكوشة وبعد جن من هناك شالن جرادلن ونزلن يردن الموية قبال الشمش تغيب من ساقية ود البصير وساقية ود البصير دي من الزمن داك شغالة ومبروكة ام صوتن حنين
التاية بت الصافية اليوم داك لقتلها دابي ابدرقة مطوطو تب وجاهز للعض امانة التاية دي مي نجيضة خاف قايلنها خافت ابدن ولا زحت من محلها كشحت الموية بي قفاها وغتتو بجردلها وعصرتو علي الواطة وناغمت لعلوية بت جادين قالت لها جيبي لي عصا النكتلو علا ود البصير اكان قاعد وهو الكتلوا ليها النجيضة المطرة اليوم داك صبت ورمت حيطة ناس عمتي طيبة بس قمنالا من الصباح لخينا الطين وبنيناها في حذتها عمتي بدرية دي بتذكر اليوم داك عندها غنمايتن كانت دارة ومع المطرة ديك الغنماية دار تلد مشت جابتها دخلتها في العوضة من المطرة وولدتها ورضعت بهيماتها جابت ليها سخلتين سميحات مبرقعات وبعد شبعتن تب حلبت لينا اللباء جابتوا لينا بعد المطرة وقفت والله شدة مو حلو طعمو في خشمي لي هسع من الزمن داك
امحدعلي ود العبار انبسط من حديث حاج منصور وقال ليهو انت ياعمي بصح انت وابوي لقيتولكم سحار حاج منصور ضحك وقال ليهو كلمك ابوك موش الله يرحمو اليوم داك جاني وقال لي ورح الشرق وعندنا طوف حق طرور سمح وكنا شليقين ما بنقعد الوكت داك بعد اتغدينا في بيت ناس جدك آ محدعلي البيت القاعدين فوقو هسع انتو دا اكلنا لينا كسرة خميرة بملاح خدرة مفروكة وشربنا الشاي ومرقنا علي البحر اها لمن ابوك قال كدي جرينا الطوف واكنا رابطنو في الصفصاف ومشنابو لمن وصلنا الشرق ربطناهو في الصفصاف واتدلينا بهناك عندنا صاحبن لينا بقولولوعبد المعطي بنمش ليهو وبجينا وهو حتو عندو طوف والصفصاف اكان غزير والبحر نازل تب والقيفة فوووق ومرقنا نشوفلنا شيتن كدي حرك الصفصاف انا قلت لابوك دا قرد زي القرد علا شامين لينا ريحة عفنة خلاس مي

*#الحلة_التحت《06》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الهميم ود الجبارة جاء من البندر لابس ليهو بنطلون شارلستون وقميص ومخنفس شعرو وغازي فوقو خلال ولابس ليهو دبابة عالية اكان شغال هناك ليهو زمن وجاب معاو تلفزيون وجاب معاو بطارية عربية اول ما دخل الحلة لاقاهو السميح ود امونة اللطرش والسميح دا من شافوا ساكت جاء جاري عليهو ما عرفو وقعد يلف حولينو وقدر ما حكحك رويسو الزول دا ما انعرف ليهو والهميم قبال يسافر البندر اكان بكاوي السميح دا مكاوة شديدة وباقيلو في تالاو مجننو جن علا ما يشوفو يحكل اصبعو هيل يدو الفي النص ويديهو كبعة في صنقورو الهميم عرف السميح ما عرفو خلاو بعد جاو قريب وحكل اصبعو وكبع كبعو كبعة حارة خلاس لمن السميح زرزر ومن الفرحة حضن الهميم وقام جاري قدامو علي بيت ناس الجبارة ابوهو يكلمن دخل البيت يناهد داير البشارة من فخرية ام الهميم رطن زين ما باقي ليهو علا ينضم علا نهائي ما فوقن زول خبر كلامو بعد تعب حاج الجبارة قال ليهو الهميم جاء ؟ والسمح قاعد ينطط ويلولح في رويسو الجبارة وفخرية مرقوا جاريين ليهو حفاية وحاجة فخرية عندها شلن صاراهو في طرف توبة اكان دايرة ليها بيهو عرق من دكان اللعيرج للجبنة حلت طرف توبها وادتو للسميح بشارة
الهميم قبال يصل البيت لاقوهو امحدعلي العبار والتوم ود منصور والسر قلدوهو زييين والتوم دا اكان صاحبو قلدو واخد ليهو بكية معاهو وشالوا ليهو شنطتو والتلفزيون والبطارية والتلفزيون صغير اربعطاشر بوصة ابيض واسود معاو اريل كبييير وديل شايلنو بشويش بشويش والحلة كلها انكسرت فوقن البنوت يعاينن من قفا الحيط خجلانات من بنطلونو وقميصو فيهن العجبها واتكشمت وفيهن المدت خشيما وقالت بسسسسس
اليوم داك بيت الجبارة ولا شال الناس كلهم جوا يتحمدلو ليهو في السلامة والجبارة بعد قلد ولدو قال للسر والتوم الزريبة الزريبة جروا ليكم بهيمة اضبحوهن كرامة وسلامة للهميم وديل يعجبوك ولا مشوا علي زريبة حاج الجبارة اي واحد فات علي بهايمن جرا ليهو خروف جابو فنقلو بعد ضبحوهن مشوا نادوا الهميم قالوا ليهو تعال طفرن والهميم طفرن جت والشفع زاتن طفروهن معاهو ويقولوا كرامة النبي تمشي وتجي بعد ناس الحلة كلهم سلموا عليهو واكلوا الكرامة وشربوا شايهم وصلوا العصر السر قال ليهو شغل لينا الداهي دا يا الهميم انشوف شن فيهو الهميم ضحك وقال ليهم هسي مافي ارسال الساعة ستة حتين يشتغل وبشغلوا قدام ديوان حاج منصور عشان الناس كلها تحضروا هسي ورحكم نركب اللريل فوق راس الديوان
حاج منصور قال ليهو التلفزيون ركبوا فوق بيتكن آ جنى قام حاج الجبارة قال حرم ان ما ركبوا في الديوان في بيتي ما بركب والهميم جاب ليهو تلاتة ساعات جيب واحدي لابوهو والتانية لحاج منصور والتالتة للحسين ود الجاز شيخ الحلة وهو لابس ليهو ساعة سيكو فايف عريضة وتقيلة
ناس الحلة قبال الشمش تغيب والساعة ستة تجي مشوا فرشوا السباتات قدام ديوان حاج منصور منتظرين متين الشمش تغيب والواطة تمغرب عشان يشوفوا التلفزيون والسميح شايل ليهو عصا يقعد بيها في الشفع وفرحان ويوصف ليهم بيدو انو اول زول شاف الهميم لمن جاء خاشي الحلة وانو شاف التلفزيون قبالهم

*#الحلة_التحت《07》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
البخيت ود سعد يوم جاهو ضيف وهو مسكين ما عندو حاجة معرس بشرية بت عباس والضيف جاهو نصت نهار مشى فتش جاي وكاس جاي وهو ما من الحلة التحت مناسبهم ساي واكان بضرب الطوب اللخدر وحاج عباس نسيبو اداهو مربوع قفا بيتو بنى ليهو فوقو عوضة وسوالو قدامها راكوبة وقعد قبلو والضيف قريبو من حلتهم جاء يطايبو ويشوف حالو والبخيت مرق من حلتهم بدري مرقلو بشكلة في بلدات ورثها هو قرايبو من حبوبتو والبلدات هيلتو حبوبتو قبال ما تموت ادتها ليهو يزرع فوقها زمن لمن ماتت عندو ود خالتو جاء قال داير نصيبو فوقها واتشاكل مع البخيت وهرج زين وقال بدور يشاكيهو في المحكمة علا البخيت خلاها ليهو وخلالو الحلة كلو كلو قال ليهو عوم فوقها ان شاء الله تضوي ليك ولمن جاء مارق الناس وقفولوا في الدرب علا قال ليهم ما بكاتل ويشاكي قريبو في بلدات والحلة زاتها خليتها ليهو جاء الزمن داك ولاقاو حاج عباس ابو مرتو بشرية دي في الدرب جابوا علي البيت وضيفو تب ولمن عرف بامرو عجبو عدم مشاكلتو لود خالتو وشافو زولا مك قال ليهو ان بقيت كدي وماك فايت غادي وصلت تب تعال وتعالن آ بنوت اقيفن هني دي وكان عندو تلاتة بنوت قال ليهو اها اختار ليك واحدي فوقن وان بقن ما عجبنك البنوت راقدات بناغم لبنوت الفريق هسع بجن وبوقفن ليك قدامك والبخيت راسو ما رفعو عليهن قال ليهو وانت ان بقيت كدي تكتل ابوي ماني فايت بناتك ولا بعاين فوقن والبترضاها لي راضيبا
كلامو دا كيف حاج عباس كيف شديد قال ليهو سمح تب واداهو بشرية احلى واحدي فوقن شلوخها عراض وبسامة وهدية ورضية وهي كمان بعد سماحتها دي اصلو ما عارضت ابوها وقالت لا وعرسوا ليهو احسن عرس عزوهو عزة جد وبقى منهم وفيهم التقول مولود معاهم
البخيت الايام ديك ما عندو شي وما بدور يمشي لزول يستلف منو ونس ضيفو زين ومحتار في اكرامو كيفن ما قادر يقول ليهو ورح علي الديوان وللا علي الشدر البتغدوا فوقو الناس وهو يدو فاضية ان براهم بمش ساي بشرية كلمت ابوها مشت جابت لها حبة سكر من امها سوتلها موية ليمون وقبال ما يشربها البخيت سمع حاج عباس يناغم ليهو مشى ليهو بهناك داك قال ليهو نادي ضيفك بجاي المرارة وشية الجمر جاهزات ما تسقيهو الشربات ساي امكن مو فاطر البخيت من الفرح لمن دميعات تترب تلبت من عينو
الناس كلهم اتلموا فوق ضيف البخيت شالوهو فوق ريسهم وقعد معاهم كم يوم يضحك ساي لمن فات وفات مبسوط من نسابة البخيت مشى يحكي بيهم لكل البلاقيهم وقبال يسعلوهو
ود اللدر عندو بنيتن سميحة لمن مكملة السماحة شافها الهميم ود الجبارة بعد جاء من البندر وقال دايرها وود اللدر اداهو والناس كلهم باركوا ليهم علا علي ود العاجبة ما فات بارك لود اللدر خجلان من ضربتو ليهو في الغنماية لمن غنمو دخلن الجروف وود اللدر فكر ليهو وفقدو وسعل منو وعرفو متحسس قام نادى الهميم وقال ليهو انا اديتك علا اكان ما علي ود العاجبة اداك ما عندي ليك بت آ الهميم والهميم والجبارة قالوا ليهو كيفن الكلام دا آ ود اللدر بعد الناس كلهم عرفوا وباركوا لينا بتدور تنط ؟

*#الحلة_التحت《08》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ست النفر بت العجب وبت المنا بت علي والعالية وست الدار وفاطنة القصب اللحمر مرت حاج منصور يشرب في الجبنة في بيت ناس ست النفر واي واحدة جات شايلة ليها حاجة العندها بلحات جابتن والعندها فول مدمس جابتو والعندها نبق وللا سكر وللا عرق جابتو وجات وحاجة فاطنة زعلت منهن قالت ليهن لزومو شنو السحارة ملانة الجبتنو دا كلو فيها يا ترجعن بيهو يا عقابن ليكن تنفشن القطن الفي الخرتاية داك كلو وهي عندها مترار سمح ومكومة ليها كم بكرة وجاتن فخرية ام الهميم شايلة ليها قماش عاملاهو لبسة لبت ود اللدر مرت الهميم ولدها قالت لست النفر الداية النبي اكان ما مشيتي معاي لمن تشربي الجبنة شفتيها باقي لي خلاس تمت تب ست النفر قالت ليها لسه ها المهودة باقيلا اسبوعين كدي خلي اللبسة دي هسع وقومي مشطي لي شعيراتي ديل ياكلن فيني ليهن كم يوم بدورن المشاط الجبنة سوتها ليهن علوية بت علي اخت بت المنا شديدة فوقها هي وملاح الروب ولمن تكون في مناسبة في الحلة ما فوقن واحدة بتقرب لا من الروب لا من الجبنة وقاعدات يتونسن مبسوطات ويورجغن ساكت ما فوقن واحدة ساكتة بس الطير الشاف ليهو دابي كلهن ينضمن ويتضاحكن لمن جاهن السر مرسلو حاج منصور قال ليهن امرقن البنوت عشان ود الشفيع مشى جاب ود حاج علي من الحلة الفوق وهداك يسنن في الخوسة للشلوخ وقامن فت من الجبنة اي واحدة عندها بت غسلت ليها وشها وجابتها موقفنهن ليهو بالصف الفتو والصبين وود حاج علي شغال يشلخ ويجرح وجمبو ود الشفيع والجبارة ابو الهميم البشلخوها كلها يخت ليها قطن ملان قطران في الجرح ويقول ليها بختك اجري علي امك خلاس كبرتي باكر بعرسوكي وحاج منصور قاعد في عنقريبو داك البشلخوهو والبشلخوها بعد ما يسولو القطران يجيهو يديهو الفي النصيب اكان ريال وللا شلن
بعد ما ود حاج علي شلخ البنوت والجنوي قال فايت حاج منصور قال ليهو حرم ما بتفوت اكان ما اتغديت لاحق شنو هدا ود الشفيع حارسك بكارتو ما عندو شغلتن غيرك قوم آ التوم علي الزريبة فنقل ليك كبش وسوق معاك واحد من الجنوي المعاك ديل ضبحوا الكبش واتغدوا فوقو والعصير تب ود حاج علي فات والكارة ملانة شي عيش وشي قمح ولوبا عدسي وحاج منصور رفع ليهو خروفين والجبارة اداهو عنز دارة وحاج عباس اداهو تقرة والسر اداهو نعجة وود اللدر ملا ليهو الكارة برسيم وعجور والحسين شيخ الحلة غمت ليهو قروش كتيرة ما عداها شالها وفات مبسوط يضحك سن سن والمغيرب الجنوي فاتوا قعدوا في الواطة لحاج منصور قالوا ليهو احكي لينا لمن جاكم البحر وزاد وغرق الحلة
حاج منصور اخد ليهو سكتة مسافة وقال ليهم ها جنوي مالكم علي مذكرني اليوم الاسود داك تاني انا ما بقص ليكم قالوا ليهو معلاش آ حاج لكن بندور نعرف عشان نعمل حسابنا البحر غدار وما بنضمن
قام عاين للبحر واليوم داك اكانت في هبوب وصوت الموج من محلاتن دي سامعنو وقال ليهم اليوم داك انا اكنت نايم في بيت ناس خالتي اللقية الله يرحمها ما قلت ليكم يوم داك محل ما ننعس بننوم وانا الزمن داك اكنت صغير ما عندي شدايد كدي علا اليوم داك ما بقدر انساهو كلو كلو لامن اموت وانا صحيت اسمع ليك الكوراك وحس حاج فضل المولى الله يرحمو اكان بيتو قريب من البحر ويكورك ها ناس البحر جاكم قوموا قوموا امرقوا العويل والجنوي وامشوا علي الحلة الفوق البحر جاااااااكم البحر البحر وصوتو دا لسع صداهو بتردد فوق اضاني والموية

*#الحلة_التحت《09》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
حاج عباس قال لنسيبو البخيت ود سعد دايرين نبني لينا سويبة للعيش والزمن داك وكت الدرت قام البخيت في حزتو مشى لخليفة ود حامد جابوا وجاء وكان عندو طوب كتير ضاربو وقاموا عليها بنوها طوبتين ما طوبة ونص عشان عالية يبنوا فوقها تلاتة يوم اللعيرج قال لحاج عباس مالك تاعب الناس ديل بالبنيان ساكت مالك ومال السويب المطمورة مالها ابت شنو قال ليهو ما ابت شي علا نحن جمب البحر ومرات الواطة دي بترطب والرطوبة خرابة العيش دحين السويبة دي زيها مافي اسعلني انا منها انت شن خبرك قال ليهو لكن باقي ليك سويبتك دي بتشيل لك العيش كلو قال ليهو قدر البتشيل والبنختو فوقها للغاشي والماشي وناس الحلة ديل كلهم بياكلوا فوقها وحاج منصور بهناك فات البندر جاب ليهو شوالات خيش كتار اصلا هو غير مخزنو ما قاعد يخت ولا كان قاعد يقفل بابو مطمورتو ديك خلاها ليهو حولين بقوا يلعبوا جمبها الجنوي والجنوي يعجبوك في اللعب الزمن داك العابهم زاتها سمحة والعجب لمن تكون في قمرة تسمعهم يكوركوا كرعت والسكوكية والدسوسية دا غير شليل وشدت شدت والبنات زاتهن اكان لعبن حلو مرات يلعبن معاهم ومرات من العصير يدورن ويخططن في اركة وبالنهار يحفرن للكار في ضل النيم
التوم ود حاج منصور بعد عرس السكينة بت جاد الرب يوم كدي قاعدين يتونسوا قال ليها انا بريدك آ السكينة من زمن بنلعب تتذكري يوم جرحتيني بضفرك لمن يدي كبت الدم ؟ لا لا ما بتذكر آ الممسوخ جرحتك بتين بتتذكري ما تستهبلي علي انا الجرح داك اتمنيتو ما يبرا عشان اتذكرك بيهومن شدة ما بريدك ونحن جهلة ساكت علا القليب رياد وانا ابيت اخلي السر يكتح لي فوقو تراب اكان جمبي هو والهميم بس ما عارفين بالجواي كنت داسيهو وحاسيهو براي
قالت ليهو لا لا ما بتذكر كدي ذكرني قال ليها انا والسر جينا بعندكن وانتن تلعبن قلتن لينا تعالوا العبوا معانا وقال ليها كو كو كو ضحكت السكنية لمن دمعت وقالت ليهو مين في الباب
-انا العريبي
-عاوز ايه
-عاوز غنمي
-غنمك مافي
خدوور مييييييع حمور مييييع والصوت صوت غنمي وكضاب يا عربي
وقعدوا يضحكوا وهو يقول ليها انا صقرا بختفها وهي تقول انا اما بحرسها لمن تاني جرحتو بضفرها قال ليها اها شفتي شفتي قامت كشكشت الكانون وجابتلها رماد احماها اول شي وقال ليها خليهو انتذكرك بيهو قالت ليهو انا ما هدي معاك آ المسخوت
ود الشفيع ملا كارتو ناس وقبلوا علي الحواشات فجر الشايل سكابو والداير يلملم القنقر ساي ويدقوا ومسكوهن حواشة حواشة ناس الحلة كلهم شغالين ما في زول بقول دي حواشة فلان وللا علان وما بشتغل ولا فيهم زول عندو ضغينة وللا مشكلة مع زول ملوا المطامير وسويبة حاج عباس ومخزن حاج منصور
بالليل الكلاب نبحت زين قام البخيت قال لبشرية الكلاب ديل الليلة مالن بنبحن كدي علا الحلة دي جاها حرامي ومرق براحة يتفقد لقى ليهو واحد متعنقل فوق السويبة يخم في العيش ملا ليهو مخلاية تب شال قريب الكيلتين ونزل مع نزلتو كدي والبخيت مراقبو كف السر يقبضو وكان شايل ليهو عكاز علا ما لقطو بيهو لقاهو هوين عمتو ساكت في الواطة والبخيت زاتو جاء جاري عليهو والسر قال ليهو جيعان وللا حقار وتقيان والزول من وين الحرامي قال ليهو سمح فكني انقوم واوريك فكاهو قال ليهو انا من حلتن مي بعيدة منكم ولاهي قريبة وجابني الجوع ساكت عندي خمسة اولاد وناس حلتنا كعبين بقوا زي ناس البندر العندهم ما بدوا

*#الحلة_التحت《10》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اللعيرج ناغم لولدو عبد الحي عشان يجي يقنب ليو في الدكان وهو يمشي علي الديوان يشوف الجنوي ديل جامعين الناس هناك في شنو وقدر ما ناغم عبد الحي ما سمعو اكان قدام الديوان يحضر في كلامن قام اللعيرج قفل باب الدكان تاكاو ساكت وفات ومع مرقتو لاقاهو العبيد ود التويج اب بصلة الفنان قال ليهو هو يا جنى مالك ما جيت الدكان شلت سكر التموين حقكم ناس الحلة ديل شالوا التموين حقهم علا انتو ابوك مافي ؟ قال ليهو ابوي ما عندو قروش وانت شاكلتو يوم داك فوق الفكك العليهو . اللعيرج سكت مسافة وقال للعبيد انا راجع الدكان امش بيتكم جيب ليك كيس مخدة وللا مخلاية وتعال لاحقني والجنى جرى جاب كيس المخدة وجاء اللعيرج اداهو سكر التموين حقهم وفات علي ناس الديوان ولا اشتغل بيهم بعد سلم بالو في التويج لمن قعد حداو قال ليهو اتا آ التويج قايل انا لمن اطالبك بالفكك العليك حبن في القروش لا لا عليك امان الله بس بدور عشان اجيبهن البضاعة عشان لمن تجي تكوس ليك لحاجة تلقاها ما اقول ليك ما عندي تمشي تجيبها من الحلة الفوق وللا تخليها كلو كلو والتويج قال ليهو عارف ال ليلتك لكن انا كان عندي بدسهن منك وللا ببخل بيهن عليك لكن ما عندي والله اللعيرج قال ليهو ها زول عفيتن ليك علا ما تنكطع والتويج قال ليهو حرم ما بتعفاهن تعفاهن كيفن
قال ليهو ها الخرابة ما تحلف ساكت انا عفيتن ماك اخوي
قال ليهو الخوة فوق الراس علا دا حق وانا ما ماش ادين عشان اجيبو ليك علا ما القاهن برجعن ليك قال ليو سمح ما تنكطع ان لقيتن وللا ما لقيتن رسل العبيد يشيل الدايرنو للبيت سمح ؟ قال ليهو سمح تب ونحن اكان ختيناك بنقبل وين ؟ وما بندور منك شيتن كتير ياها رطيل السكر ووقية البن وحب الشاي والجاز اللعيرج قال ليهو وزيت السمسم والفهد والحلاوة للجهال والاتنين قعدوا يضحكوا لمن السر قال ليهو اللعيرج هسع نحن اكنا بنقول في شنو بخليكم تتضاحكوا كدي
قال ليهو قول قولك نحن بنضحك برانا ساكت ساي ما علي قولك
الهميم قال ليهم نحن يا جماعة حلتنا دي مي كبيرة ولا بتدور ليها عمدان كتار نحن حصرنا المساحة وعدد البيوت وكل حاجة ومشينا قدمنا طلبنا للضابط الفي المجلس الريفي ومضى لينا عليهو تب ووجهنا لكم مسعول كدي مشينا ليهم وانتو براكم شايفننا لينا كم يوم بنساسق لحدي ما خلاس هسع صدقوا لينا بالكهربة تب وبعد كم يوم كدي بجوا ناس هنا من الحيكومة ومعاهم المهندسين والكهربجية يشوفوا الحلة هسع نحن بندور حلتنا اولا في التبادي نلم فوقها كلنا من باكرالصباح ننضفها جتك عليك نخليها تلمع البنات كلهن يمرقن بمقاشيشن علي الشوارع ونحن بنخم الوسخ نوديهو بعيد بعيد والناس ديل نجيبن هنا في الديوان دا نكرمن جد وهم بورونا محل العمدان بركبوهن وين
الناس كلهم يتكشموا مبسوطين وقام حاج سليمان قال ليهو انت بصح يا الهميم الكهرباء دي بتضوي الفجة دي كلها ؟ قال ليهو اي بتضويها كلها واقوى من الرتينة نورها قال ليهو قالوا ان مسكتلها فوق يد واحد بتحرقو جت لمن ينقلب فحمة وبترميهو يابس زي العود الكلام دا بصح ؟ ان بقت كدا ولا بندورها

*#الحلة_التحت《11》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ناس الحيكومة جوا والحلة كلها وقفت في انتظارهم والرجال اتلقوهم في الدرب اول شي قالوا ليهم قبال الشغل ورحكم علي ديوان حاج منصور والفسحة القدام البحر ديك اتملت ناس والحلة كلها كانت راجياهم ما فضل زول في بيت كلهم مرقوا علي المسعولين والكهربجيبة والضبايح ما تديكم الدرب والحريم متشمرات تب لمن فحمن وحطبن وعلقن الحلل والشربات والشاي والجبنة والعصيدة وملاح النعيمية للفطور والمرارة جاهزة والشية وملاح الدمعة في النار بس القاسية دخلتهم الديوان وطوالي اتلهموهم بالفطور عبد الكريم ضابط المجلس والمهندس حسن قالوا ليهم خلونا نلف الحلة أول حاج عباس قال لا حرم ان ما فطرتوا من فجتكم دي ما بتقوموا والحلة طايرة وين مي ملحوقة قال ليهو يا حاج عشان نحدد مكان العمدان ونجي نفطر قال ليهم لا العمدان برضا ملحوقة اول حاجة الفطور وبعد الفطور الشاي والجبنة وبعدها قوموا علي العمدان عشان تجوا راجعين للغداء المهندس قال ليهو الغداء يا جماعة اعفونا منو ابوضراع قال ليهو حرم ما نعفيكم منو ولا بنكضب عليكم ان ما اتغديتوا من فجتكم دي ما بتمشوا وقال لي السر ولدو اجر آ السر جيب ليك جللب للناس ديل للكهربجية ديل البناطلين المتشنطين بيهن ديل ما بخلنهم ياكلوا ضحكوا وقالوا لا ما في داعي
فطروا تب وما ادوهم فرصة يقوموا من الاكل البجي يقوم كلو حرم حرم سابقة قومتو يازول دا اكل شنو النعمة راقدة راتي وللا حاري اكل اكل آ زول حرم اكان تاكل
اتملوا فل وشربوا الشاي وقاموا لفلفلوا الحلة وحددوا محل العمدان تب والفجة البختوا فوقها اللمية واي فجة حددوها لعمود الجنوي حفروها بالعتلة اي شاب شايل عتلة وعزمة وكوريق التقول ماشين الحرب وابواتن يسووا ليهم احفروا غريق الداهي دا قالولنا طويل غرقولو ما يقعلو فوق بيت يكتل ليهو زول والمهندسين يضحكوا مبسوطين بعد حددوا الفجات رجعوبن الديوان وهم ما قادرين يتنفسوا قالوا للحريم ألكعن بالغداء سريع سريع وديلك يعجبنك السلطة قطعنها وديل قدر ما قالوا بدوروا يفوتوا الجماعة واقعين فوقهم حرامات لمن دخلوهم الديوان مرقوا منو بعد العصر المشي غالبهم من كترت الاكل وودعوا الناس وفاتوا
حسن المهندس وعبد الكريم الضابط متكيفين من الناس ديل ومن طيبتهم وبساطتهم وكرمهم والهميم والتوم معاهم الكراع بالكراع شايلين ليهم كراس والهميم شغال يرسم ساكت ويخطط والكهربائية ركبوا الكومر لقوهو ملان شوالات عيش حتى الضابط والمهندس ادوهم معاهم كل زول رفعوا ليهو شوال عيش قدر عددهم
بعد كم يوم كدي جابوا العمدان حقات الاسمنتي وجابوا معاهم الونش والحفارة ركبوا ليهم العمدان في نفس اليوم وفاتوا واليوم التاني جوا وصلوا ليهم السلوك وجابوا اللمية ما تم اسبوع علا والحلة كلها منورة والضبايح يومي والزغاريد والفرحة باينة في عيونهم ويحذروا في الشفع والحريم الكهربة دي اعملوا حسابكم شديد منها البتلقطوا بتشهيهو العافية ما تتراوشوا وتهبشوا ساكت والكل فرحان ياخ ديل شدة مون فرحانين بيها اليوم الاول دا عدوهو كلو معاينة ساكت في اللمبات الحمر الصغار وشايفنهن بيييض وتلفزيون الهميم اشتغل برا بطارية عربية اليوم داك

*#الحلة_التحت《12》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
البحر زاد سريع سريع ومويتو بقت حمممرة وغطت الصفصاف وناس الحلة التحت كلهم مرقوا عليهو حتى الناس الكبار اتشمروا ليهو تب وقعدوا يترسوا قدام الحلة بي حريمن وبناتن مرقوا عليهو ناس يعبوا في الشوالات وناس شغالين بالواسوق وناس يلملموا في الججارة الكبار مافي زول ما مرق علي قدام الحلة وخاصة الناس الكبار شغالين ما هجسوا ولا فتروا لانهم حضروهو المرة الفاتت
واليوم اللسود داك الشال ناسهم وهرس بيوتهم لاح ليهم في وشوشهم والخوف تحكيهو العيون وباين وواضح ما بندسا وكاشفاهو الملامح والصرة والهم مالي القلب لمن حاميهم القعدة
نان مون ضايقين قرصة الدبيب نان
حاج عباس قال ليهم واطاتنا دي طينية آ ناس والقدام البحر دي كلها رملة وناعمة وترسنا الموية بتموصو مع دخلتها جاي فيهو ما بمسكها والبحر دا هايج تب هوجانو المرة دي سنين ما شفناو دحين انا باقي لي نقع شدر النيم دا نكطعوا كلو ونسيلنا بي سيقانو ترسن ماااانع البحر دا ما بضارفلنا بي اخوي واخوك قالوا ليو راي برضو وقاموا علي النيم كطعوهو كلو في فد يوم اكان خلوا السيقان حقات الشدر الكبار والحلة دي كلها تجر في النيم وتترس والبحر هايج تب الموجة تجي من هنااااااااك من نصو وليها صوت لمن تصل القيقة تدق لمن الموية تتطاير لا فوق وفي الحلة بشوفها ولسة ما وصلت الترس العاملنو لكن ماشة عليهو
شيخ الحسين بهناك لامي الناس قدام حاج منصور معاو الهميم والتوم والسر يوصوا في الناس والحريم بهناك لملمن عدتن تب والهدوم ربطوها في الملايات والبنشال كلو جهزوهو للشيل وفي شباب حارسين البحر ما فاتوهو وكل مرة يجروا في الواسوق ويترسوا
حاج العطايا جاء لحاج منصور قال ليهو انا مارق كدي باولادي علي الحدبة الفوق دييك الحلة دي بعد كدي ما بتنقعد لينا وهي زاتها فجتها بقت ضيقة والجنوي زاتهم كبروا وكتروا نحمد ربنا لو اي جنى فوقن داير يعرس ويبني ليو عوضة براو ما في ليهو فجة علا مع المقابر دحين انا مارق علي الحدبة والحدبة اكانت مستوية وواطاتها دلجة كلها تراب وملانة شدر شوك وعشر وفات بنى ليهو فوقها اوضة وراكوبة وقعد ودا اول واحد مرق من الحلة التحت ومو بعيد منها بعد كم يوم كدي في ناس لحقوهو خاصة بعد البحر ما وصل الترس واتعداهو ووصل لديوان حاج منصور والبيوت القريبة منو كلها خشاها بس ما كان بالزيادة ديك المتل حقت المرة الفاتت ولا ضراهم كتير وبعد كم يوم كدي حتين البحر رجع والحياة رجعت تاني زي اول اها الناس المرقوا من الحلة التحت طاب ليهم المقام هناك وحجزولم اراضي واسعة وعملوا حيشانهم جت وفي ناس كتار ما داروا الفوتة من الحلة التحت قعدوا قبلهم وشايفين ناس حاج العطايا ديل غلتانين ما صاح يخلوا الحلة التحت ويرحلوا مع انهم مون بعيد منهم
حاج منصور نادى شيخ الحسين والهميم والتوم ولدو والسر وقال ليهم لموا الناس وانا شايف اخير الحلة دي بعد كدي نخليها ونرحل كلنا لا فوق الفجة دي بقت مي مضمونة وزي ما قال حاج العطايا ضيقة دحين نرحل كلنا لكن بنظام ما ساي وانا شايف نمش لناس الحكومة يجوا يخططوا لينا حلتنا الفوق دي سمح واي واحد يسجل ليهو واطة عشان مافي ناس ينظلموا وفعلا ديل مشوا علي ناس المجلس كلموهم ورسلوا ليهم مهندسين ومساحين وخططوا ليهم المرابيع والناس بقت تمشي وتبني ومع مرور الايام والشهور وبعد سنة سنتين الحلة التحت كلها انهجرت وبقت اطلال لكن الناس ما خلوا جروفهم ولا

*#الحلة_التحت《13》*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الناس رحلت من الحلة التحت ومشت لا فوق ورغم انو المسافة ما بعيدة لكن في نفوس الكتار منهم بقت زي الشرخ والجرح الما بطيب وكتار اليومي بجوا علي البحر يقنبوا فوقو من تصبح لمن تمسى ريحة البحر وصوت الموج والهواء البجيهم من تالاهو ما بتفارق ولا بنفات وخاصة الناس الكبار وبقوا شايفين روحهم في الحلة الفوق زي الضيوف ضيوف وما قدروا يتكيفوا مع الفوتة والرحول دا كلو كلو ما شبوا هني ولعبوا هني وكبروا هني وذكرياتم كلها هني
حتى البحر زاتو ما رضى زحتهم منو وبقى لمن يجيهو الليل والناس تفوت وتبعد يزبد ويرغي ويبكي زييين لمن ينعس وينوم وباكر من الفجر يقوم يتشابى لي شوفتهم وامواجو فرحانة تتراقص مع جيتهم ما البينو وبينهم عمر طويل وزمن جميل وذكريات حتى نضميهم وكلامن ونضمي الحبوبات وحجواتن للجنوي والشفع كلو خابرو وكلهن حافظن اكان يوماتي معاهم من ما تمغرب برقد راخي اضانو يتصنت ويتكشم ويتبسم وما باقيلو علا يتمسح مع الجنوي ريحة بليلتن وجقجيقة في الكانون بتشجيهو وبتنعشو وريحة القنانة مع المغارب بتسليهو وفطيرتن بتعشيهو وونستن بتفرحو وبتحجيهو وهسي خلاس فاتوا بعيد وخلوهو براو مع الليل والوحشة والضلام لا صوت فندك يطربو ولا لمت حبان تواسيهو
سريع سريع الحلة الفوق عمرت وما فضل زول في الحلة التحت ما بنى والشباب بقوا كل مرة يجيبوا في شدر النيم من الحلة التحت ويغرسوهو في الشوارع الواسعة والكبيرة دي والناس يومي بقوا يتلموا وفي لمتهم زاتها وونستهم وحجاهم وطيبتهم ورغم كبر الشوارع لكن اول ايامن اكانوا ياهم زاتهم ما غيرتهم الايام ولا باعدت بينهم الشوارع الواسعة ولسة ديوان حاج منصور بناسو ملان ناس والقاعد كلو بجيب فطورو وغداهو والناس سمحين وطيبين ومبسوطين ومتحابين
يوم المغيرب كدي قاعدين يتونسوا وبعد صلوا مغربن يسمعوا كرووو كرووو صوت الرهو وهو نازل علي البحر قام السر قال ليهم الليلة آ جماعة مع القمرة السمحة دي ما نازلاكم البحر اكان نقبض لينا رهيوة رهوتين نجيبن نتعشابن التوم قال ليهو اكان داير ليك رهوة تقد ليك عينك الطايرة دي ساكت البليلة دي مالها والفطيرة وعصيدة الدخن ابن شنو السر قال ليهو انا غايتو ماش المعاي منو فيكم قاموا معاهو البخيت وعلي ود العاجبة والهميم قالوا ورحكم والتوم زاتو فات معاهم وحاج منصور قال ليهم اكان جبتوا ليكم رهوة يا جنوي بديكم جايزة بس ما يجينا واحد فيكم برا عين
البخيت ما حصل شاف ليهو رهوة علا في السماء وهن نازلات علي القبلة كدي ماشات البحر قال ليهم انتو يا جماعة الرهوة دي قدر شنو السر ضحك قال ليهو خاف ما اكلت لك لحم رهو قال ليهو يسمني فوقو والله ولا حصلت شفت لي رهوة قريب قال ليهو يازول دي اكبر من الخروف بتعرف ابو السعن قال ليهو بالحيل قال ليهو اها دي اكبر منو قال ليهو ابو السعن بعرفو تب مالي البلدات في حلتنا ويقدل زي المرة العجوز وطيرانو زاتو في تلتلة ياخد ليهو جرية مساااافة حتين يطير قال ليهو اها دي قلت ليك اكبر منو بس ابو السعن ما بتنكل السايب لكن لحم الرهو حلو اسعلني انا مرة حاج عباس نسيبك دا قبضلو واحدي كيف ما عارف لكن قالوا لقاها في القيفة خبتها فد خبطة بعكازو واتكوم فوقها سلا سكينو وضبحها ديك اول مرة اضوق فوقها لحم الرهو اكنت صغير انا لكن لسع ضايق طعمو بس ما بنقبض بالساهل السايب علا لو لقينا لينا خرطوش بنقبض كتير

*#الحلة_التحت《14》*
*#الاخيــــــــــــــــــــــــرة*
*#بقلم_مجاهد_يوسف​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​* ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد الكهرباء والبيارة والسهريج والمواسير الدخلت البيوت وريحت البنوت من جيب الموية الحلة بقت حلوة وواسعة واتوسعت بنيانها زاتو بقى حلو وسمح الطوب اللصفر والطوب الاحمر والحمام اب دش الناس انبسطت وارتحات ودخلت التلاجات والمرواح في البيوت بقوا يشربوا الموية الباردة لكن لسة الحنية في هاك يا جنى ودي التلج دا لناس خالتك وودي الكورة دي لناس عمتك علا بقت خالتك وعمتك بس والناس القراب قراب والبتباقوا والتلفزيونات زاتها كترت قبل اكانن معدودات في اليد هسي منو الما سعالو تلفزيون وبقوا داب البيوت المسلسلة دي لمن تبدا الحلة التقول ما فوقها زول الشوارع الواسعة كلها فاضية ومن تنتهي ساي اي يزول يكتل نورو وينومو
وتمر الايام تلد في الشهور والشهور تكبر وتبقى سنين ومع مرورها الحلة تتوسع والفرقة البينهم زايدة وساع
السر حنين وبدور اللمة من تمغرب ساكت بمشي علي البخيت والعبار والهميم يلملمهم تلملم ويسوقهم علي ديوان حاج منصور يتونسوا هناك مع التوم وحاج منصور وحاج منصور زاتو كبر تب وقعد في البيت نضمو قل ومرقتو قست وصنقيرتو زاتها قست بقى راقد زي المتحري يومو راقد ليهو في سرير يمرقوهو ليهو قبل المغيرب في الديوان وعنقريبو العتيق وكبير داك الجابوهو من الصعيد الورثو من ابواتو حبالو اتكطعت وجدعوهو في قفا البيوت في الضروة قريب من الزريبة وزريبة البهايم بعد ما كانت شوك ساكت بنوها بطوب علا مخزن العيش حقو نهائي ما قفلو وقال للتوم ان قفلتو ماني عافي منك آ التوم ولسة بدور يجوهو الناس وحريص علي الناس علا الكبر هداو وكتار منهن النساو
في الديوان السر بعد يجوا ديل اكان الهميم بقول ليهم نلعبلنا عشرة كشتينة ويقنبوا يلعبو علا السر ما بدورها ولا بدور سيرتها بمشي يقنب قدام سرير حاج منصور بدور يسمع الحكاوي كايس الحلة التحت وفرجيختهم ديك قدام عنقريب حاج منصور وحكاهو الما بمسخ داك ونضميهو الحلللو البضوق طعمو في لسانو من شدة حلاتو علا شنو الما تغير آ السر حاج منصور زاتو بقى ما بقدر علي الكلام وسمعو زاتو قصر زي نظرو يخت يدو في جبتهو ويعاين في السر مسافة ويقول ليهو انت منو آآ جنى والسر يكورك ليهو كوراك حتين حاج منصور يعرفو ولا بياخد منو باطن ولا ظاهر علا ما بفارقو بقعد جمبو لمن ديك ينتهوا من كوشتينتهم بشم فيهو ريحة الحلة التحت وبشوف فيهو وفي وقارو وملامحو طيبة الحلة التحت وناس الحلة وايام الحلة التحت ومرات كتير يمرق العبرة خانقاهو لا قادر يبلعها ولا عارف يشكي ومرات تترتر دميعاتو وياخد ليهو بكية ومرات يزرزر ساكت ويمرق
يوم بالليل كدي والدنيا صقط شين سلم حاج منصور الروح لباريها وفات و لحقو بعد كم يوم حاج عباس وتلاهم اللعيرج التلاتة ديل فاتوا في كم سنة وما تموا الحول الا والعطايا زاتو ودع ومعاهم وناس الهميم والسر والقدرو بقوا هم الكبار وكل زول بقى في همو وغمو يلملمهم السر بعد تعب وبقوا زاتو مرات يتعذرولو ومرات يطنشوهو وهو لا كل ولا مل كايس الحن لكن الحن آ السر راح مع الراحو