يلا....
بعد طلعت...
#النسوان
مشششم غايتو قايله روحا منو هي شايفه نفسا كدا
عشان شوية القروش العندهم دي
#اقبال
عاد يختي النصيحه قروشهم رااقده
وهي وبناتا سمحات كيفن م تفتري
.واحده تانيه ... ومالا مهجومه كدا شنو هو القروش ما اي شي
#مها
وتزل لي ولدي
هو الداير يعرس بتها منو البنات الصاي*عات مع الاولاد ديل حد اوفوو كمان قال عثمان قال صلاه مابصلنها..
#اسيا
ههههاي ياداب عرفتي هسي دي م كان قلتي دايراها لي ولدك
وعارفنك من زمان بتتحكحكي فيها
مها :برييي يختي
#اقبال
الشيينه منكوره 😏
#هدى
ي نسوان هييي المره دي طلعت وماتقعدن تقطعن بي وراها الكلام دا قولنو ليها في وشها م تجن تورجغن لينا هنا
طلعت خلونا نتم ونستنا واي مره ترجع بيتا...
كلامك صح. مالنا ومالا.....

_____

وووبعلي ي موده
انتي تعالي هنا ي بت كل يومين لبسه جديده
والتلفون الجديد دا ودا كلو من وين
هييي يا سماح
اوعه تحسديني عندي صاحبه تسد عين الشمس
اااا اتزكرت صاحبتك بت الجلابي سوفتينا
بس ياها
والله غايتو البت دي لبستي من وراها وسمنتي
الله يخليها لي
بكرا ماشه الاقي خطيبي امين
البس شنو يا أمي
البسي الفستان الجابتو ليك زاتو
حلو حاتمش معاي سوفتي
اوعك تسوقيها والله تشلبك
دا كلام شنو مالي هينه ولا لينه سمحه ومكمله السماحه بعدين امين دايرني انا وعمرو ماعاين لي غيري...
غايتو وريتك انا بعد كدا بي طريقتك....
_______

سوفتينا:عدا اليوم عادي
لحد الصباح التاني مشيت الجامعه وكالعاده نفس الأشخاص
اتونسنا سوا وأحمد كان ماجى اتصلت اطمنت عليهو
طلع عندهم زول عيان ومشى يزورو...
ونهاية اليوم طلعت مع موده تلاقي خطيبا....
#موده
كنت مبسوطه شدييد سلمت عليهو
وعرفتو على سوفتينا
الحاجه الانتبهت ليها انو كان مركز معاها شديد ووقت يسألا من حاجه وصوتا وشعرا وتتكلم بي ياتو طريقه
حسيت بي غيره شديد اتمنيتا تمشي مننا
شكلا حست بي ومشت مننا بعيد شويه بقت تتكلم بالتلفون بس امين لسه كان مركز معاها...
قال لي جاده دي صاحبتك..
وبقي يسألني عنها قلت ليهو انت جايي عشان تتونس لي عنها
ولا شنو بالضبط قال لي كيف يعني بسألك ساي بس حب استطلاع تاني بقى يسألني عن حالي تاني قال لي مخطوبه هي؟!
قلت ليهو امين😠
ناديت عليها وقلت ليهو يلا معاك سلامه ومشيت ماركز معاي حتى ولا قال لي مالك..
طلعنا من هناك سوا وانا قلبي مليان حق*د عليها نفسي اخن*قا
وامو*تا بي يدي الاتنين ديل
كانت بتسألني خلصتي اتونستي معاهو سمح
كان نفسي اقول ليها بسببك الطلعه خربت
ياريت لو ماسقتك وسمعت كلام اختي...
رجعت البيت بكيت قدرتي وامي واختي بسألو فوقي أبيت ارد اصلو واجعر بس
نهاية اليوم حكيت ليها امي اتضايقت شديد
قالت لي البت دي من الليله اوعك تحكي ليها عنك شي واوعاك تسوقيها معاك حته...
الله يبشتن حالا الشلابه..
_______
#ايهاب
يا آدم انا متأكد انو الشحنه وصلتك بطل امورك دي
انا اتصلت بي سام وكلمني انو انت الاستلمتها
بي تهديد مسكتو من لياقة القميص وقلت ليهو انت عاوز تورطني انت عارف انا كنت ليكم معين قدر كيف في الشغل دا
وم كنتو حاتصلو للمستوى دا
كلو بي سبب شغلي الجاد والنضيف...
.... بي صوت تخين رد واحد وهو بقاطعهم
صوتكم دا مالو عالي كدا
الاتنين بي خوف.... المعلم

#شادي
صحي سهام دي البكون حاصل عليها شنو ياخ هههه
رسل ليها خلينا نفرفش حبه...

#سوفتينا
ونحن قاعدين جمب امي ريتاج قاعده في الأرض وخاته راسا في رجلين امي وانا وريم اي واحده بجنبه ليها ماسكانا بي ايديها بنتونس مع امي وبتحكي لينا عنها هي وابوي
قالت لينا بتزكر يوم ابوكم كان شاكلني مره وبقينا ماشين في الشارع جى واقع في الطين و شربو شراب
والشارع على حظو الشين دا كان ملان ناس وحالتو حاله 🤣
من اليوم داك بقى م بشاكلني 🤣🤣
بقينا نضحك معاها...
جاتا مكالمه اترفعنا منها عشان ترد وقت ردت بقت مهجومه شديد ولون وشها اتقلب المكالمه كلها كانت دقيقه وشويه وما اتكلمت بي كلمة بس ملامح وشها م كانت م بتتفسر
.... قالت لينا بجيكم بعد شويه شالت تلفونا وطلعت غرفتا...

#ايهاب
يا معلم انا
#المعلم
الاستلم الشحنه التانيه منو؟!
#سمير
يامعلم انا مشيت جبت الشحنه التانيه و ما قابلتني اي مشاكل و..
وفي لحظات كان سمير ممدد في الأرض مقت*ول بي رصا*صه
في راسو
إيهاب وأدم مهجومين من الحصل دا
دخل المسد*س في البنطلون وهو بقول ليهم الغبي دا كشف مخابئنا كلها لي خليل وجماعتو
إيهاب وأدم بي هجمه خليل مش في ليبيا
لا خليل في السودان ليهو شهر
للأسف الشديد بيتك يا إيهاب والمخبأ دا بقو الاتنين ما أمنين

*#على~الرصيف《03》*
*#بقلم~هند~الهيباني🥀*
*★★★ــــــــــــــــ★★★ــــــــــــــــــــ★★★* ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
ونحن بنتعشى سمعنا أصوات ضرب باب قويه شديد...
قلت لي ليزا امشي افتحي الباب دا....
بقت ماشه باتجاه الباب لما فتحتو.......
كانو مجموعه من الرجال أشكالهم مخيفه مغطيين وشوشهم بي شالات وواحد شايل سكي*ن والباقين سواط*ير وفي واحد كان شايل مسد*س....
بقيت سامعه أصوات اخواتي ببكو جى عليهم واحد قال ليهم ولا صوت ما اسمعو بعد سكتو وهما بتنهدو والخوف بادي عليهم زح منهم
واحد تاني قال لينا ابوكم وين؟! ابييت ارد ليهو
جى واحد باتجاهي قال لي بتكلمو معاك انتي ردي
قامت ردت ليزا قالت ليهو طلع الشغل حقو ومابجي الا الشهر الجاي
قال لي كم راجل....
اطلعو شيلو اي دهب واي قروش وتلفونات تلاقيكم جيبوها

وقال لي راجل تاني فتش البيت دا إذا فيهو زول غير ديل...
وانا ماسكه اخواتي وقاعدين في ركن الصاله بنرجف من الخوف
وهو قاعد في الكرسي وبحك في راسو بالمسد*س
وبعاين لينا شويه كدا الرجال جو نازلين شايلين ليهم دهب كتيير وقروش مربوطه في ملايه شالوها جابوها للراجل دا وبقو واقفين جنبو وبعد مسافه جى نازل واحد تاني همس ليهو في اضانو داك قام على حيلو وبقي يجي علينا وصل الركن القاعدين فيهو قعد في الأرض مسكني من حنكي وقال لي اسمعي ي حلوه قولي لي ابوك: خليل جاك هنا
و قولو ليهو لو م جيت البيت دا خلال يومين ح يشوف حاجه م بتعجبو وكلميهو انو لو قرر يمش اي حته انا بجيهو في مكانو وم ح يقدر يهرب مني م تنسي.....
وقام على حيلو طلع....

#حنان
ووووب علييي ي تهاني شفت لي رجال بي سواطير داخلين على بيت إيهاب
#تهاني
سجميييي دايرين شنو يكونو حرا*ميه اصلو هو بي مرتو البتمرق بي دهبا دي بتجيب ليهم المشاكل...
اها نعمل شنو نادي الرجال ديل
برييي مالي ومالهم كيفن ناس خطرين زي ديل ارسلهم ولدي و راجلي هسي لو حصلت ليهم حاجه
احسن م نتدخل هم اساسا م عندهم قضيه بي زول انسيهم ياخ...
بشيلو الدهب اكييد بس وبمشو ادعي ليهم بس..

#عوده
بعد طلعو وقفلو الباب بقو اخواتي يبكو بي صوت. عالي وانا للان كنت في حالة صدمه وخوف شدييده وقلبي بضرب كأنو عاوز يطلع من محلو وبتزكر لما جى قعد جمبي ومسكني بي يدو وهو بقول الكلام دا وعن ابوي..
لا لا ابوي الحا يحصل ليهو شنو ودايرين منو شي..
ليزا جات جابت لينا المويه كنت ماسكاها ويدي الاتنين برجفو
لحد ما اتمالكت نفسي اول كلمه قلتها امي وين
ليزا طلعت قدامي وانا واخواتي لحقناها بقيت امشي بخطوات متثاقله لحد ماوصلت غرفتها كان الباب فاتح وقت دخلنا
كانت الصدمه التانيه امي مرميه على الأرض💔...
اخواتي الأصغر بقو يصرخو وانا م فاهمه اساسا اعمل شنو حاسه بي نفسي منهاره شديد...
ليزا اتصلت بي الإسعاف جو بعد زمن رفعناها وطلعنا معاها دخل الدكتور يفحص ليها وبعد فتره من ألزمن جى طالع قال لينا ابوكم وين قلنا ليهو في الشغل قال لينا اتصلو بيهو
قلت ليهو امي مالا يادكتور قال لي لالا ماف شي بس عاوز الأب عشان في ورق عاوزو يتوقع..
خلوهو يجي....

#في_مكان_اخر
#ايهاب
انا عندي ربع الشحنه في بيتي ممكن تجي معاي وتستلما...
المعلم:امش معاهو يا آدم وخليك حريص على الشحنه دي
وصلنا البيت والغريبه م كان في أي زول
قلت احتمال يكون طلعو مشوار
قلت لي آدم انتظرني هنا بجيبو ليك وطلعت فوق...
جاني اتصال من سوفتينا عشان اقدر اتكلم معاها و افتش في نفس الوقت فتحت مكبر الصوت وبقيت اطلع في الحاجات وهي بتتكلم ابوي
قلت ليها نعم يا سوفتي احكي بقت تبكي وقفت عن التفتيش قلت ليها بسم الله مالك يا احكي قالت لي امي في المستشفى ماعارفه الحصل ليها شنو وحاليا الدكتور قال لينا الا تجيبو الأب بقيت مهجوم عاوز اتكلم كدا آدم جى داخل عمل كتم المكالمه وقال لي سوفتينا😏 اممم قلت ليهو جيت ليه ختا لي المسد*س في راسي وقال لي قول ليها تجي هنا سرعه
قلت ليهو انت بتقول في شنو قال لي أوامر المعلم دي
انت قايلني جيت عشان الشحنه بس
المعلم لو ماجبتها معاي بنتهي منك ومني في لحظه ف
يلا يلا
وفك الكتم وبأشر لي بي يدو وهي كانت بتقول ابوي يا ابوي عصرت على قلبي وقلت ليها انا معاك يا سوفتينا تعالى البيت حا اشيل قروش ونجي نرجع المستشفى سوا قالت لي كويس وأدم قفل الخط حسيت بي حزن شديد كيف اجيبا هنا