#شرق8
-٦٠-
سحر سمير ....

لمن يأست ، وصلت السكن و قعدت ابكي قدام باب الغرفه ،ما عندي اي مخرج والله ، حتى ما كونت صداقات ..
بس اتزكرت نسرين (الهنديه) ..
دقيت عليها انا عارفه انها في الشغل ، ردت علي .. قلت ليها نسيرين كيف ؟ قالت لي حمدلله ، انت كيف يكلم مدام مو زين رحمة ،، قلت ليها انتي كيف معلوم ؟ قالت لي مدام هي خبر و زيادة زعلان ..قلت ليها لمن اشوفك انا خبر يا نسرين ،،
قالت لي اوكي ، قلت ليها نسيرين في مجال انوم عندك في السكن اليوم ؟ قالت لي والله ممنوع و احنا ستة في الغرفة ، و كلام زي كدا ،، طبعاً قنعت ...
قلت حتى لو رجعت السكن الاول ، علاقتي بيهم معدومة و ما تمام ، ما عندي طريقه ،ضاقت ضاقت ، حمدلله ..

اتصلت تاني بي سيدة ، جرس و ما بترد
كتبت ليها رساله ، قلت ليها ' شكراااً ، وفعلاً زيادة العشم غشم' و رسلتها على كدااا ،، ولحد اخر لحظة متعشمة ترجع لي بأتصال .. مع عصرة مخي ديك ، اتزكرت مؤيد !
طوالي شلت تلفوني و قعدت ابحث ، عن اسمو ، لمن لقيتو ، بدوس اتصال ما بيدخل معاي بديني صارة تنبيه و المكالمة بتنتهي ، كذا مرة حاولت قلت يمكن شبكة ، بس استمر كدااا ،،، لمن فتحت معلومات الرقم ، لقيتو ناقص رقم !
ياخ حسيت بالجد انه مافي مفر ،، يأست شديد ، و زهجت من نفسي لمن لقيت الرقم ناقص ، انا معقول سجلتو ناقص !
طوالي طلعتا البطاقة بتاعت hello c, و اتصلت علي يمنة ..
_رحمة حبيبتي اسي كنا حناصل عليكي ..
*يمنة ! خير ؟
_مالو صوتك يا رحمة ؟
*مالو صوتي يا بت عادي مافي حاجة
_صوتك غريب زي الما رحمة اختي ، في حاجة حاصلة معاكي ؟
*لالا مرهقه من الشغل بس ، وريني كنتي حتتصلو بي بشنو ؟
_اخبار حلو وووووة ههههه
*محتاجة اسمع اخبار حلوة قولي ..
_بقول بس بعد اضمن انك تجيبي لي عباية كدااا فخمة تستاهلني ..
*هه من عيوني ( في سري قلت ليهل انتي ماعارفه الحاصل ساي) ..
_ابووووووي ، واخيرا والحمدلله ابتدا يوعى و بيستجيب للعلاجات حمدلله ..
*جد ! لالا انتي جادة عليكي الله جد يا يمنة ! يارب لك الحمد حتى ترضي ، يا الله الحمدلله ، هما انا عرفت ان ربناا ييسر علي من ناحية و ما بقيت حاسة بضيقتي دي ، ربنا بيفرحني من ناحية ، تانية و الله العبرة خنقتني ...بس بقيت الحمدلله والشكر لله ..
_الوووو
*معاكي يا يمنة ، اسمعي ، قومي جيبي تلفون امي عايزاكي تطلعي لي حاجة منه بسرعه ..
_طيب دقيقه .....ّهاا يا رحمة اسمعي قبل اي شي انتي لازم تصوري لي ، و ترسلي لي صورة ليكي مشتاقه ليكي والله روحووووومة..
*حاضر بس ما اسي ، تمام ، يلا بسرعه ارجعي ل دليل الهاتف حق امي ، فتشي المكالمات الاستلمتها من شهرين ...
_جادة انتي ! شهرين يا رحمة ؟ اكيد ما بلقى
*ما تقفليها ياخ وبعدين امي مكالماتها خبة بالساهل حتلقي ، رقم مفتاح الامارات اخروو 815 ،
_ياماما منو قاليكي ، الزباين كلهم في تلفون امي و مكالملتها كتيرة ماشاءالله ..
*طيب حاولي افتحي الكيباد زي البتدخلي في رقم حأمليكي رقم اكتبي لو موجود ببظهر !
_طيب قولي ..( في اللحظة دي جات مريم ، قالت لي ، انتي لسه هنا ! طلعت لي ورقه من شنطتها ، قالت لي شوفي ، دي صورة من جوازك اخذتها من مدام عبير اليوم ، و حتى التزكرة اللي كانت متفقة معاكي انها تقطعها ليكي اتكنسلت ... عشان تاني تتكلمي بأدب مع اسيادك ...
ما رديت عليها ابدا ، دخلت جوا الغرفه شلت شنطتي الفيها حاجاتي و شنطة المكياجات ، و شنطة يدي ، و ما رديت عليهاا ابدااا ،،،كانت واقفه و بتضحك ، بعد طلعت اتلفت عليها ، قلت ليها ، #ان_نوائب_الدنيا_تدور_وكل_ساقي_سيسقى_بما_سقى ... و عمرك ما تفكري ان بتمنى ليكي الكعب ولا لاقدر الله حصل ليكي شي انا حأفرح في مصيبتك و لا اشمت يا مريم ، ابداً والله ، و العملتيهو معاي في عملية ابوي، شفع ليكي افعالك دي .. و متسامحة معاكي و ما ناسيه ان ربنا ختاكي في طريقه عشان تكوني سبب في شفاء ابوي ، عن ازنك ......
و طلعت برا قدام المبنى ،، ياداب اتزكرت اني كنت بتكلم مع يمنة و اختي ، و دي مصيبه ... مشكت تلفوني ، عاينت لقيت مافي مكالمة ، رجعت اتصلت عليها لقيت hello card ، انتهت ، اسوي شنوووو !
حتى نت ما عندي في التلفون ،، المهم بقيت قاعدة في الشارع ، و البنقاله ديل يعاينو فيني ، لمن خجلت من منظري و الشارع ما فيهو غير رجال ! فجاة لقيت تلفوني ، بيرن ،، رديت ..
*الووو
_ايوة يا رحمة ، انا سيدة
*سيدة !
_ايوة معليش انا اسفه والله ، انتي وين ؟
*انا في الشارع يا سيدة !
_طيب ساعه و اكون عندك انا في السكة !
*ساعه كامله !
_معليش اتاخرت في دبي و بطاريتي كانت ضعيفه و موضوع كداا ، انتظريني ما تتحركي من مكانك ..
*طيب .. قفلت منها ، و طلعت بسكويت و عصيرر ، و بقيت باكل من تحت النقاب .. شافني واحد باكستاني بيشتغل في مطعم يمني ،، كنت بشتري منو الشاي والفطير ،، جا علي ، وقف مني مسافه ، قالي ليش انتي هون ؟ قلت ليهو انا يريد سكن الحين صديقه مال انا يجي !
قالي بس مو زين انت يجلس كدا ، دنيا مافي امان شو

قالت لي سبحان الله تتذكري زمان لمن قلتا ليك عايزه اوري قصتي لي اولادي ي ريم واعملا رواية؟؟
حاليا حلمي اتحقق وحققتو لي بتك ماب ربنا يديها العافيه❤❤
قلتا ليها انا زاتي كنت عايزاها تنشر روايتي ،،
لانو الروايات دي حاجه جميلة و بتعلم الزول،،وبتثقفو🌸💜وبتوريهو نظرة الحياة،،
وربنا يوفق كل زول مبتدئ❤🌸
وان شاء الله من الناجحيين و المتفوقين🌸💜
قمتا طلعتا المسرح..
مسكتا المايك..
بسم الله الرحمن الرحيم..
انا ريم ام مآب..

#الروايات دي حاجه جميلة..
انا ضد الناس البقولو دي ضياع زمن،،ولا كلام فارغ،،ولا م ح نستفيد منو شي،،
يعني كونو اني اقرا روايه..
ح استفيد منها ف حاجات كتيره..
بتوريني المشاكل المرت بيها شخصية الرواية..
بتوريني طريقه تفكيرو كيف؟
بتوريني كيف حلا المشكلة دي..
بتوريني الحكمه من كتابة الرواية دي شنو،،اوالغرض منها شنو،،
اكيد ح تفيدني وتوريني حاجات كتيره انا م كنت عارفاها،،
وفي عالم الروايات ماف فرق بين كبير وصغير❤🌸
لانو كلنا بتجمعنا هواية الروايات وهدفنا واحد❤🌸
انو نستفيد منها وانو نستمتع بالقرأءه❤🌸

اتمنى نظرة الناس تجاه الروايات تتغير..❤🌸

وبختكم كلامي بي انو..
﴿مهما الدنيا ضاقت بيك وكسرتك ،،ح يجي يوم وربنا يجبر بخاطرك وقدر الوجع الضقتو ح تضوقو سعادة❤❤🌸ف خلي ثقتك بربنا كبيره﴾

وقال تعالى(إن مع العسر يسرا)🌸❤

••إنـتـهـت..#
_/_/_/_/_/_/_/_/_/_/_/_/_/_/_/_/_/_/_/_/_/


انتهت رواية وجعتي ❤
#القصة دي من نزج الخيال وم حقيقيه❤🌸
كتبتها انا مآب محمدأحمد ❤
انا كاتبه مبتدئه..
واول رواية اعملها وجعتي..بديتها من زمان،،بس م لقيت طريقه اكتب
وانتهيت منها الحمدلله ❤
وشكراً للناس الدعموني وشجعوني اكتبا❤🌸
ربنا يوفقكم جميعاً❤🌸
#ان شاء الله روايتي تكون نالت رضاكم..وعجبتكم❤🌸وتكونو استفدتو منها واستمتعتو بالقرأءه❤

وانا اختم باقي الرواية دي بـ..

﴿"ستأتي لحظة يجبر الله فيها خاطرك، لحظة يفز لها قلبك وتشفي كل كسوره وتعوضك عما كان، فاطمئن لان عوض الله إذا حل أنساك ماكنت فاقد💜💜🌸"﴾

﴾_"#Maab Mohammed Ahmed🚶🌸💜"_﴿

#تزوجت_بمغتصبي11و12
#بقلمي:فادیه محمد الخالدي

بعد هو فات , انا سرحت وبالي مشی بعیییید
معقوله انا حبیتو ?! طول عمري وانا ما عندي حاجه لزول لکن هو مختلف 💚
بتکلم مع نفسي وشوفت امي جات قالت لي الموقفک هنا شنو ?!
قلت لیها جاد جاب لینا مصروفنا وفات
قالت لي الولد دا ربنا یدیو العافیه والله م مقصر معانا نهاٸي ,, کدي تعالي ناولیني مویه یابت
......
کلمت امي بموضوع الشغل وانو لسه اجازة الجامعه طویله احسن لي انزل ترینق
قالت لي
#والله فکره کویسه وبالمره تملي وقتک شویه لکن ح تمشي مع منو وتجي مع منو ?!
*یا امي خلاص انا لازم اتعود واعیش حیاه بدون خوف 😊
#ان شاءالله لکن عمک الزبیر وجاد موافقین ?!
*زمان فتحت مع جاد الموضوع دا لکن تاني م اتکلمنا فیو
#خلاص شوفي ردو اول
....... ........ .........
المساء دخلت الواتس لقیت جاد کاتب علی الاستوري
” والاماكـن المنقوشه بداخلنا تجعلـنا في حنيــن لمراودتها دومــــآ “💕
۔۔۔۔۔۔ أنا حاولت افهم سبب الحاله وقلت ارد لیو لکن اکتفیت إني رفعت إستوري وکتبت :_
”ماذا لو كنت انت جميعهم !!!!!؟ “
💚
.......... هو رفع إستوري کتب :_
”ماذا لو الليله أرسلت رسالة اعتراف لک!!! “ 💕

....... أنا کتبت :_
”اليك :-
خذ بيدي مبتعدآ عن انعطافات الحياة
خذني الى استقامة القلب وقربني للنجاة💚 “

.......هو قرا الإستوري لکن ما رد لي بإستوري خالص وعدت ساعتین وهو اون لاااااین ,, اصعب حاجه الانتظار 💔💔 فی الاخر طلعت من الواتس وختیت تلفوني تحت المخده وبفکر فیو
هو قاصد شنو بالحالات دي ?!
بس فجأه قطع تفکیري صوت رنة تلفوني
المکالمه من جااااااد 😻😻😻
......
#الو توتا
*هلا بیک😊
#صاحیه للوقت دا مالک ?!
*ما جاییني نوم 😄
#بتفکري في شنوووو
*ممممممممم
#احکي
*حاجات کتیره
#ممکن اسمعک ما وراي حاجه غیرک
*غیري !!!!!! 🙄
#ایوا ما وراي غیرک خالص 😊
*وحالاتک الکتبتهم دي ما لحبیبتک ?!
#احتمال لیها وهي ما عارفه
*کیف ?!
#یعني في حاجات بنبعد نفسنا عنها عشان ما نفقدها
*اي صح لکن کلما نبعد بنلقی نفسنا قربنا اکتر 💔
#بالظبط بس نعمل الطالع بیدنا والباقي ربنا یقدرنا علیو لکن لو ربنا راید لینا الحاجه دي ماف حاجه ح توقفنا خالص
* ما فهمتک صراحه
#کلام کبیر علیک یابتي😂
*😂😂حرام علیک یاخ انا م صغیره
#توتا
*ایوا سامعاک
#لو جیتک یوم وحکیت لیک حاجات کبیییره عني ح تتقبلي وجودي فی حیاتک حتی لو مجرد اخ او صدیق ?!?!
۔۔۔۔۔ فی اللحظه دي انا کنت عایزه اقول لیو انو مهما کنت انت غامض ما ح تکون زيي لان سٶالک دا اجابتو عندک 💔💔💔 لکن ردیت لیو ب
*انت عارف یا جاد انو اي واحد فینا بکون عندو سر لو طلعو منو ح یدمر ویدمر الحوالیو
#صح کلامک عشان کدا بنحاول نبعد البنحبهم مننا مجبورین
*واذا کانو البتحبهم دیل هم کمان مجبورین یبعدوک !!!!
#هنا الحل انهم یکونو واضحین مع بعض مهما کان سرهم قوي
*صعب صعب 💔💔💔
#ربنا بخلق لینا مواقف ع حسب طاقتنا ولا یکلف الله نفسا الا وسعها
#تزوجت_بمغتصبي12
#بقلمي:فادیه محمد الخالدي

..... .......
اخر کلام سمعتو منو ونومتا شکلي لاني لمن صحیت لقیت المکالمه شغاله 😂😂
قفلت الخط وقمت نضفت البیت وامي مشت المدرسه
وانا رجعت لجاد مکالمه
#صباح الخیر یا نوامه😏
*صباح الورد معلیش فجأه نومت
#برنامجک کیف اللیله ?!
*کنت عایزه اسألک من حاجه یعني انا عندي فکرة انزل ترینق معاکم رایک شنو !!!!!
#جاااااده 😍 یاخ احلی خبر من الصباح معناه هسسي تجهزي نفسک وبعد ساعه ح اجي اسوقک من بیتکم وما عایز نقاش✋
...... قفل فیني ما خلاني ارد لیو
مجنون غایتو
مشیت قلبت دولابي کلو وکل لبسه بحس بیها م مناسبه
فی الاخر طلعت جیبي شورت اسود مع قمیص اسود وطرحه عنابیه وجزمه عنابیه وشنطه صغیره نفس اللون💕💕💕
عملت میکب بسیط ولفیت الطرحه وانتظرتو بتوتر شدییید
جاتني مکالمه منو انو برا
انا طلعت لقیتو واقف وسبحان الله لابس اسووود زيي لکن الاسود یخلو لیو ماشاءالله💚
لمن شافني قال
#مالک اللیله بقیتي لي حلوه نوعا ما 😂
*یا عوالیق من یومي حلوه لکن براک ما بتشوف
#انا غیرک ما شایف اصلا
*ما سمعتک قلت شنو ?!
#ولاشي قلت لیک استعجلي ورانا شغل اللیله
۔۔۔۔۔ فتح لي باب العربیه وخاتي یدو ع الباب هو وانا اتلبشت لبشه شدیده من الحرکه وبقینا قریبین لبعض🙈 عاینا لبعض مسااافه
هو استوعب المنظر وبعد عني قال لي عطرک دا ما بتعملیو تاني
وقفل الباب ومشی رکب ودور العربیه
انا ما حبیت اسألو وکفایه جدا انو مهتم بي ,, مبتسمه انا لاخر ضرس
#خیر مالک من الصباح😅
*ساي مبسوطه بس
#لانک معاي ?!
*لا طبعا مستحیییل😌✋
#یااااا زوله !!!!!
*مممممممم صراحه صراااحه لمن اکون معاک بحس اني مرتاحه وما بخاف من حاجه ,,, انت عارف یا جاد اني بخاف من الناس کنت لظروف حصلت معاي وابوي تعب معاي لحد رجع لي الثقه بس لمن اکون معاک بحس اني مع ابوي
۔۔۔۔۔۔۔ هو وقف العربیه واتلفت علي
عاین لي فی عیوني شدیییید ومسک یدي قا