وعد: قصي من غير مشاكل نح..
قصي قاطعها: انتي مجنونه عايزاني اخليك معاهو براك؟؟😡
وعد: شوف لو انت ما رضيت هنا عادي هو ممكن يلاقيني برا انت لو عاوز خليك واقف هنا وانا  وهو حا نكون قدامك في الصاله😊
قصي اتنهد بي نفاذ صبر وقال:اللهم طولك ياروح..(رجع عاين لوعد وقال) خمس دقايق بس😡💔

(وعد عاينت ليهو ومشت قفلت الشباك وبقت تتكلم مع خليل قصي ما كان سامع شي بس خليل كان بتكلم وبعاين ليهو..)

خليل وهو بعاين لي قصي قال لوعد: عشان كدا رفضتيني؟💔
وعد:لا..انا شرحت ليك سبب رفضي وكل القلتو ليك كان حقيقي ما عشان انا متزوجه😊
خليل: صراحه كانت لي صدمه ليه ما قلتي لي قبل كدا؟
وعد: بين حياتي الشخصيه وبين شغلي في حاجز كبير ما بحب اتكلم عن حياتي الشخصيه في شغلي😊
خليل: يعني انتي ابدا ما كنتي شايفاني غير مريض عندك؟💔
وعد: خليل يمكن انا عارفه حاجات كتييير عن حياتك بس لو انا سالتك انت عارف شنو عن حياتي؟.. حاتلقى الاجابه انك ما عارف شي انت يادوب عرفت اني متزوجه ما عشان انا دكتوره معناها انا عشت حياة مثاليه ومبسوطه لا انا زيي زيك او بالاصح العشتو اسوأ من المريت بيهو انت بي مراحل يا خليل💔..
خليل: وعد..
وعد: خليل انت بالنسبه لي مجرد مريض عندي وعالجتو وشرحت ليك انو كل اللقيتو مني من اهتمام يا خليل كان واجب علي اتجاهك😊
خليل: طيب يا وع..اقصد يا دكتوره وعد انا بعتزر ليك لاني اتجاوزت حدودي وما اتحكمت في مشاعري وحبيتك انا اسف💔
وعد: خليل!.. الحب دا اكبر من انو يكون اهتمام بس في حاجات كتيرر ناقصه في حبك لي لو انت فكرت تستمر ما حا تقدر معاي لانو شعورك دا حاجه عابره لانك انت اسي حاسي بفراغ كبير جواك بسبب اسيل🥀💔
خليل: صدق القال *"القلب بحب مره واحده❤"* وانا ما حبيت غير اسيل والشعور الجواي اتجاهك حا يجي يوم ويزول ادعي لي يا دكتوره❤..
وعد: حا يجي يوم وتجتمع بي بت الحلال البتستاهل حبك دا يا خليل♡!..
خليل بسخريه: حب!؟💔💔😂.. ما ظنيت اني حا اقع في الحفره دي تاني😊💔 ..وبالمناسبه

(وعد عاينت ليهو وهو عاين لي قصي وقال ليها..)

خليل: ظاهر انو بحبك شديد❤
وعد: اممم يمكن ما للدرجه دي
خليل: شوفيهو بعاين لي كيف حاسيهو حا يجي يحنقني لاني واقف معاك

(وعد عاينت ليهو وفعلا قصي كان عاوز يطق🔥😂)

خليل: ربنا يخليكم لي بعض❤
وعد ابتسمت وجات ترد : ا..
قصي جا وقاطعهم: الخمسه دقايق خلصت 🙂
خليل ابتسم وقال..: طيب انا بستاذن😊
قصي : الله معاك🙂
خليل عاين لي وعد وقال: شكرا على كل شي وقفتك معاي في زمن صعب وتوضيح لي حاجات كتير مبعثره جواي شكرا♡!.
وعد بضحكه:شكرا؟ بس يا بخيل 😂شكرا ما بتكفي بيناتنا الايام وحا يجي اليوم الحاترد لي فيهو افضالي عليك😂
خليل ابتسم وقال: ما ظنيت💔 بس ياريت يحصل كدا😊..بستاذن انا
وعد: اذنك معك🖤

(خليل جا يمشي ختا يدو في كتف قصي وقال بهمس..)

خليل: *هي بتحبك اوعك تخسرها زيي❤😊*

(ابتسم وطلع..وعد عاينت لي قصي بي نظرات استغراب عاوزه تعرف خليل همس لي قصي قال شنو🤨..قصي عاين ليها وضحك وقال..)

قصي: ما داما اني كنت شاميهو بس فجأه بقيت احبو😂
وعد: اللهم ان كان سحراً فا ابطله🙂

(قالت كدا وجات تمش جرس الباب ضرب تاني..😂😂)

قصي: المره دي لو طلع هو جد جد بقتلو🙂
وعد بسخريه: ما اسي قلنا بنحبو😏

(قصي حمر ليها😒 وفتح الباب وهنا كانت الصدمه الأكبر💔💔)

قصي: انت!؟؟؟
وعد عاينت للزول الفي الباب وقالت بصدمه: *وجدي💔😳*

*_#ن تأتي متأخراً🔕..خيراً من أن لا تأتي ابدا💔_*
_____________
*"في المستشفى"*
*عند لجين*

(جات خاشه وهي سرحانه وصلت بوابة المستشفى فتحتها وخشت اول ما خشت شافت اسراء قاعده من بعيد في كرسي وكانت بتعاين لي ساعتها زي المنتظره زول فجأه لجين سرحت واتزكرت اخر حوار بينها وبين اسراء💔..)

*"فلاش باك"*

اسراء: في شنو بينك وبين خالد؟
لجين سكتت مسافه وقالت: ولا حاجه😊💔
اسراء: كيف ولا حاجه اهتمام خالد فيك وسؤالو منك ودا كلو وتقولي ولا حاجه
لجين اتنهدت وقالت: اسراء خالد بحبني
اسراء بصدمه: شنو💔💔😨
لجين: بس انا لا ما بحبو💔😊
اسراء: واضح انو بحبك شديد معقوله كل دا وانتي ما بتحبيهو؟💔
لجين: للاسف لا وانا بتمنى ليهو كل خير وبتمنى يلقى البت البتناسبو😊..انا بستاذن
اسراء: اتفضلي

(لجين جات تمشي بس قبل تمشي وقفت وقالت..)

لجين: اسراء..
اسراء:هاا
لجين: طيب انا كمان ممكن اسالك نفس السؤال في شنو بينك وبين خالد؟
اسراء سكتت مسافه وقالت: اممم خالد بعجبني وممكن تقولي الاعجاب دا بقى حب وانا كنت بغار منك لمن يكون معاك او يسال منك💔💔 عشان كدا سالتك💔

(لجين هزت راسها ومشت..وقالت مع نفسها)

لجين: ما حاتغاري تاني يا اسراء لانو خالد مالي ولا عمرو ما حا يكون لي💔

*"باك"*

(صحت من سرحتها على صوت اسراء..)